رواية تزوجت حماي الفصل الخامس عشر 15 بقلم عائشة الدليمي

قمر ــــــ تعال اوليدي،،، عبر من بين الكشنين واجه گعد بحضني طلعتله دوا وشربتلهيا

صلاح ــــــ اداگيتلت

قمر ــــــ اني مارحت وعفتك

كنان ــــــ هه اي صحيح

قمر ــــــ رجعت علمودك

كنان ــــــ رجعتي من شفتي حيموت بسببج بس من شفتي منحمس وروحه تريد تطلع وراج رحتي ولا رفلج جفن

قمر ــــــ فكرت حينساني مثل مانسه امه وانته تتزوج وتجيبله ام

كنان ــــــ هههه ام يا ام تحجين عنها انتي وزواجي منج اكبر غلطه غلطه العمر مراهقه تافها

قمر ــــــ والله عاد بسبب اخوك الماعرفت اتربي تزوجت كسبتو خطايه ماعرفتم اتربون و انضلمت وياكم واللوم يرجع عليه

كنان ــــــ ديربالج اجيبين سيرة اخويه على اللسانج ليش اله انتي بس گولي منطيته عين و لاحگج ولوما ابوج يشوفج مو خوش فلا ايبطلج

قمر ــــــ والله

كنان ــــــ اسكتي مو طايق اسمع منج حرف واحد فوگ شينج گواة عينج

قمر ــــــ غلطة عمري انهو وافقت اتزوجك

كنان ــــــ شگد ندمانه انتي متصلين لندمي

قمر ــــــ ديالله يالله

كنان ــــــ قمر خليني محترمج انصحج لتنزلين من عيني هيج الواحد من نحمده يطلع يعض

قمر ــــــ حتى انته جنت بنضري شي جبير بس جاي تنزل من عيني اشويه اشويه

كنان ــــــ من حرگة گلبي على ابني وله ماحاجيج خليج شسوين سوي

قمر ــــــ الدكتور گال ماعليه شي بس استمرو بالعلاج و لتقهرو ولتخلو يركض وهوا يطيب

كنان ــــــ بعد ايش

قمر ــــــ كافي اتلومني والله اني ندمانه والله ومحروگ گلبي كافي اتلومني هئ محد يحس بيه انتو متحسون بيه هئيييييئ

كنان ــــــ ههه ليش اني جلب الشارع احد مفكر بيه انتي وامي كوان وابويه مدري شلونه و اني جني الجلب ملگوح بالصحاري يم الدواعش يجفصون بينه و حبيبتي ماتت وطفلي الانتضرته يجي ماجه مات واخويه وسندي راح محد گال عليه خطيه فوگاها انتو ببرودة اعصاب تقهروني ووكت الحجي امي تگلي طاير وراج و انتي اتگولين متحبني عمي كافي متملن تصافن يابه تصافن طلعتن خلگ خلگي

قمر ــــــ

صلاح ــــــ دوعان

قمر ــــــ تريد جبس

صلاح ــــــ اي

قمر ــــــ فدوه للاي هاك هاي فتحته

صلاح ــــــ ماما

قمر ــــــ ماريد اكل انته

صلاح ــــــ مالوحين تلي

قمر ــــــ ماروح وين اروح

كنان ــــــ زعم يگلج اكلي تا متروحين

قمر ــــــ لا مو هيج قصده

كنان ــــــ اي مو هيج

قمر ــــــ سكتت مبينه يدور مشاكل

كنان ــــــ الو هلا سيدي سيدي والله ابني جان نايم مستشفى وماگدرت اجي حاضر سيدي باجر اني موجود إن شاءلله

قمر ــــــ نام ماما نام

كنان ــــــ تعال اوليدي بحضني

قمر ــــــ لا ابقى يمي

صلاح ــــــ عن بابا

قمر ــــــ راح گعد يمه و يدوس عالطواطه ويطوط ويضحك

وصلنه رحنه للمخيم نزلت رحت على نيار حضنته صارلي هوايه مشايفته من نمنه ويه صلاح

صلاح ــــــ ماما اوفي

قمر ــــــ خطيه هذا اخوك

كنان ــــــ تعال بابا نطلع عالشط

قمر ــــــ وين اتودي الجو بارد موزيله

كنان ــــــ مالج دخل انتي

ام كنان ــــــ شبينكم ييمه لا تتكاونون

كنان ــــــ يمه والله ماتنفهمين انتي اتكاون وياها لا تتكاونون اهتم بيها طاير ورا مرتك اني اتصرف الاتصرفه لو بس علج لزگيتي براسي

قمر ــــــ انقهرت من حجه عليه هيج رحت للخيمه مالتي اجه هوا بدل وطلع نومت صلاح بعد ماشربته ادويته نمت عالجربايه وگعدت لگيت صلاح يمي وهوا نايم على جرباية صلاح براحته خفتا وراحه اقلها ماتقيد من اريد انام گمت سويت الريوگ گعدنه نتريگ راح بدل و طلع لدوامه عمتي بدت اتگر براسي تعالي صالحي والمرا مالها غير رجلها ويبو اني افوت من اليمنه اطلع من اليسره جن مو سامعه عفتها ورحت مرا 15 يوم صلاح ضايج لان ماخلي يطلع و عمتي اتخابر على كنان وتريدني اخابره تريد اتصلح بيناتنه هيه تخرب وتصلح ماعرف شالتريده بالضبط و بعد المواقف الصارت بيناتنه مستحيل يرجع يحترمني حتى مو يحبني جنت نايمه حسيت احد ينام ورايه صديت عليه لان اعرفه من عطره،،، جيت

كنان ــــــ اي

قمر ــــــ الحمد الله على سلامتك

كنان ــــــ الله يسلمج ام نيار

قمر ــــــ ام صلاح

كنان ــــــ ام نيار

قمر ــــــ صلاح هم ابني

كنان ــــــ الام متتخلى عن ابنها

قمر ــــــ

كنان ــــــ نامي

قمر ــــــ هذا هم ابني

كنان ــــــ اصلا انتي لو مزوج جان انتي بكبر بنتي فمتلوگلج كلمة ام

قمر ــــــ لا اني ام وابني الثالث بالطريق

كنان ــــــ بس لا هم ولد

قمر ــــــ مادري

كنان ــــــ اي

قمر ــــــ كنان

كنان ــــــ ششش

قمر ــــــ رحت بعالم ثاني اذكرت من يگلي غلطه ازوجتج دفعته

كنان ــــــ ليش

قمر ــــــ غلطه بحياتك

كنان ــــــ شنو غلطتيش

قمر ــــــ زواجك مني غلطه

كنان ــــــ حتى انتي گلتي

قمر ــــــ گلت لانك گلت

كنان ــــــ اها

قمر ــــــ وخر عفيه ابو صلاح

كنان ــــــ شگد حلو من تخجلين وتكونين ثگيله وساكته

قمر ــــــ ضميت وجهي بصدره

كنان ــــــ يالله نامي

قمر ــــــ صد عني ونام واني هم نمت تصالحنه بس مو مثل قبل منحجي سويه ميطلب مني احضرله ملابسه حتى و جبته شيته ميطلبه مني يروح هوا يحضرهن رجعنه مانحجي شي واني گمت اي شي احتاجه اطلبه من عمي اجه الصيف هوا صرت فد نوب ماشوفه انتقلنه للخالديه لان الجيش حررو مناطق قريبه للخالديه مثل سن الذبان (منطقه ممنوع اتعيبون) وهالمناطق من يجي اني نايمه ومن يروح گبل لا اگعد بيوم گعدت على وجع موتني ماگدرت انام الليل للصبح گمت اطلگ انتهيت على ماجبت الطفل اجه ابو كبر بذانه

كنان ــــــ شتسمينه

قمر ــــــ سمي عمر

كنان ــــــ اي الحمد الله عالسلامه

قمر ــــــ الله يسلمك،،،، على هالحجي جنت منتهيه من الوجع انهد حيلي علما جبته

كنان ــــــ بيج فايده اخرجج هسه

قمر ــــــ لا

كنان ــــــ يالله ميخالف

قمر ــــــ جابلي اكل وراد يوكلني،،، ماريد مو جوعانه

كنان ــــــ اكلي لازم تاكلين

قمر ــــــ ماريد ابو صلاح و الله ماريد موجوعانه

كنان ــــــ براحتج