رواية تزوجت حماي الفصل الثالث عشر 13 بقلم عائشة الدليمي

رواية تزوجت حماي الفصل الثالث عشر 13 بقلم عائشة الدليمي 

قمر ــــــ ضربني راشدي قوي على وجهي گمت ابجي بالزايد سويت البيضات فاحت ريحته لو انتهيت من لعبان النفس رحت لخيمتي ابجي و لعبانه نفسي متذمره واريد ابويه بعد ماتحملت لعبان النفس رحت ذبيت من راسي ورجعت للخيمه ماحاجيت احد برا ولا احد حاجاني اجه صلاح يمي صديت عنه

صلاح ــــــ ماما

قمر ــــــ روح ماريدك اني ماريدك روح

صلاح ــــــ ااااااااا مامااااا

قمر ــــــ روووححح ولللييي مااارريييددككك ماارريييدكممم ااخذذذ اااخوووككك وروووح اخذذذه ماريدكممم اطللعو

ام كنان ــــــ شبيج تخبلتي عمه بعينج

كنان ــــــ عوفيها يمه عوفيها تعال بابا صلاح

قمر ــــــ اخذه يريد ميريد و هيه اخذت نيار ضليت وحدي بالخيمه اتگلب مقهوره وابجي واحس محتاجه لاهلي حيل ماجه لليل جاب الجهال صديت عنه نومهم بمكانهم واجه گعد مقابيل وجهي صديت عنه

كنان ــــــ هههه

قمر ــــــ نام بمكان صديت عنه

كنان ــــــ شبيج

قمر ــــــ مابيه شي

كنان ــــــ احنه مقدرين وضعج ونفسيتج المحطمه بس هذا الطفل عطى ربج تمنعين

قمر ــــــ اني مو عالطفل

كنان ــــــ عجل

قمر ــــــ اني الطفل عطى ربي بس گلتلها ماگدر اسوي البيض ريحته تلعب نفسي وماقبلت گلتلها سوي انتي وسوتها قصه

كنان ــــــ بس انتي هوايه غلطتي و راددتي

قمر ــــــ جنت غضبانه

كنان ــــــ لا تغضبين على اهلي ماقبل

قمر ــــــ

كنان ــــــ سولفيلي شلون جان يضووجج

قمر ــــــ بخجل،،، هوا جنت اطلع من المدرسه و يضل يذب حجي و المديره رزلتني و گالت المرة الجايه اذا انعادت اجيب ولي امري و صدفه بابا حضى بيه و فكرني اني موخوش ومنعني من الدوام ورا اسبوع اجه خطب اني مادري بابا وافق بدون مارد جواب وطلع يعقوب

كنان ــــــ ها بس بعد ماسمحلج تحجين على اخويه هوا مات مايجوز عليه بس الرحمه

قمر ــــــ اي

كنان ــــــ نامي

قمر ــــــ هدني

كنان ــــــ صايره ترفضيني

قمر ــــــ

كنان ــــــ نامي

قمر ــــــ نمت گعدت الصبح وخرت ايده

كنان ــــــ ها

قمر ــــــ ايدك على بطني وثگيلة عالطفل

كنان ــــــ مادري يجوز اني و نايم خليتها

قمر ــــــ رحت سويت ريوگ هوا گعد عالموبايل ياربي شحلو هوا هذا هم اخو يعقوب يعقوب لا جمال ولا طول ولا جهامه وفوگ هذا ماكو اخلاق هذا هم خلقه وهم اخلاق رب العالمين الصفات الزينه مخليهن بكنان و المو زينه مخليهن بيعقوب

ام كنان ــــــ خفن اعنوزاتج

قمر ــــــ عمه اني ماردت اكاونج بس تدرين بيه اني والبيض مو ربع

ام كنان ــــــ عجل انموت من الجوع

قمر ــــــ بس اكو بديل

ام كنان ــــــ اش لا تراددين

كنان ــــــ خير يمه شكو شنو الفاصل الجديد

ام كنان ــــــ لا يمه ماكو شي هسه مثل الشاطره اتسوي رويويگ ولتنسين خلي بصل ويه البيض

كنان ــــــ تدللين يمه هسه اني اسويلج احسن مخلمة

قمر ــــــ راحت هوا حمس البصل و طماطه وحمس بتيته ناعم

كنان ــــــ راح اسوي البيض اطلعي اني اشيل

قمر ــــــ شكرا ماعرف شلون اوفيك تعبك

كنان ــــــ لا ام نيار مابينه

قمر ــــــ اي،،،، تريگنه رحت لخيمتي نمت گعدت لگيت صلاح خانس يمي و مبين عليه باجي،،، شبيك ليش تبجي

صلاح ــــــ اميل دبني

قمر ــــــ امير ضربك اني اله شلون يمد ايده عليك شو وين ضربك

صلاح ــــــ اننانه

قمر ــــــ اهنانه اوف شمسوي بديتك بوسه تا اطيب

كنان ــــــ شبي صلوح شنو اليطيب

قمر ــــــ الجهال ضاربينه هاي بستها طابت

صلاح ــــــ اي بوده ماما

قمر ــــــ قدمتله خدي باسني

كنان ــــــ اني اشكرج لان حبيتي صلاح واتعاملينه مثل ماتعاملين نيار اتمنه عالبعدين ماتفرقين بينهم

قمر ــــــ اني اشكرك ابو صلاح تتهمني بالجشع

كنان ــــــ مو جشع بس الام بحبها لضناها انانيه تتمنى كلشي زين لابنها وبس

قمر ــــــ لا صلاح هم ابني وهم يگولي ماما إن شاءلله مافرق بينهم

كنان ــــــ إن شاءلله

قمر ــــــ لتروح وين

صلاح ــــــ بله

قمر ــــــ لضل فايع شوف مزرگ من الشمس جنت حلو

كنان ــــــ لتخليه يطلع بعد بعده جاهل واهينه غربه

قمر ــــــ إن شاءلله

كنان ــــــ باجر الطقس زين إن شاءلله انروح لمكان هيري نفسج

قمر ــــــ إن شاءلله،،، طلعت گلت لعمتي اخذنه حصيره و دواشگ حتى نگعد عليهن و حضرنه اكل واخذنه طباخ عين وحده و دبة غاز و مي ومن هالسوالف

كنان ــــــ يابه الاحسن اخذكم عالقيم مقام رحناله اني واصدقائي مكان يجنن

ابو كنان ــــــ وهذ بيه دواعش

كنان ــــــ لا يابه هذا اهين بين السياحيه والخالديه

ابو كنان ــــــ ها رايحله من گبل گبل جنه انصيد سمج من اهناك

كنان ــــــ اي

ابو كنان ــــــ هاي شهالطريق غدي

كنان ــــــ هههه ينزل الوزن

قمر ــــــ الطريق جان عباره عن خلى السياره ترگص بحضني نيار و صلاح بحضن جده وصلنه ونزلنه قريب للشط

كنان ــــــ يابه اليوم انته تشوي سمج

ابو كنان ــــــ استرجع ايام الشباب

قمر ــــــ گعدنه نطبخ اني وعمتي و صلاح يلعب بالرمل وكنان و عمي يسوون ناره كملو خلو السمج عالنار بقى عمي يشوي بيهن كنان گعد يم نيار يدحگ عليه او صافن بالاصح ضليت استرق النضر نزله وهوا ضايج ماحسه يحب ابني رغم اني احب ابنه

ام كنان ــــــ يول انطيني الملح من يمج اطرشيتي

قمر ــــــ رفع راسه صديت عنه،،، هاج عمه

ام كنان ــــــ هسه الخيم شو من فاتلهن

قمر ــــــ عاد احنه شعدنه اهناك بس ملابس صلاااااحححح،،،،، ركضت عليه،،،، شوووووددددااااكككك عاالللممميييييي ااااننننيييي مووووو گلللتتتتلللللككك الللعبببب اهيييننن

صلاح ــــــ ااااااا اااااا

قمر ــــــ ونهيمة التاخذ گلبك

كنان ــــــ لتصيحين على ابني منو سمحلج

قمر ــــــ هذا هم ابني اعتقد الام ماتاخذ صلاحيه من احد

كنان ــــــ لا مو ابنج والمرا الثانيه النمدت ايدج عليه اكسرللجياها فهمتي تعال بابا صلاح

صلاح ــــــ ماهبت اوده

قمر ــــــ اقلها اهتم بيه واحبه رغم هوا مو گرايبي ولا امه اختي،،،، صد عليه ورفع حاجبه عفته ورحت گعدت يم نيار نيار يگعد بس لازم انحوطله خليت مخدات ورا ضهره و يمه من الجوانب ورحت ساعدت عمه

ام كنان ــــــ عليش تكاونتم ترا مايحتاج

قمر ــــــ شفتي راح للشط لو ماريد اروحله جان غرگ

ام كنان ــــــ روحي اعتذري من كنان

قمر ــــــ ليش اعتذر

ام كنان ــــــ لانج غلطتي بحقه

قمر ــــــ اني من حقي اعصب على صلاح ونيار لو يسوي سوايته هم اكتله صلاح صار ابني اني ابدله واني انومه واني اوكله اني المسؤوله عن كل شي يصير وياه و لازم اعلمه و انتو مالكم حق اتحاسبوني دامه ربى بحضني مالكم حق اني امه امه راحت اني امه

ام كنان ــــــ وانتي منو گالج امبقيج زين وديناج لاهلج واتسبدلناج بوحده ثانيه وكتها لا اتضلين ام لنيار ولا لصلاح ولا حتى للبطنج

قمر ــــــ الحضانه للام اذا تريد اطلگيني

ام كنان ــــــ فكرج كنان يخلي الحضانه الج تؤ حبيبتي معارفه هوايه

قمر ــــــ انقهرت حيل،،،،، عجل عليش زوجتيني لكنان

ام كنان ــــــ لان اريده ينسى جنان و اتعوضينه مكانها الخالي و هم ابطنج اوليد يملي فراغ ابنه الراح و هم بيه ريحة من اخوه

قمر ــــــ هئ استتغليتيني لخاطر سعادتكم ابنج اصلا ميحبني وميحب نيار ولا يگرب يمه واذا گعد يمه يدحگله بنضرات كره واصلا ميشيله ولا يعتبره موجود عكسي اني احب ابنه واعتبره ابني اني محترمتكم بس انتو ماحترمتوني هئ هئ بع بعد كل هذا اتجازيني بهالكلام

كنان ــــــ شنهالحجي

قمر ــــــ هئ اله جذب

كنان ــــــ امشي منا

ام كنان ــــــ وين خل تجي تطبخ تعبت

كنان ــــــ حتى انتي روحي يمه اني اطبخ

قمر ــــــ رحت گعدت امسح بدموعي اجت هيه گعدت تسمع حجي طگت روحي شفت صلاح يم الشط رحت گعدت يمه وانهرت بالبجي همه بعيدين شويه ميسمعوني اذا بجيت اجه صلاح حضني حيل

صلاح ــــــ ماما بيت

قمر ــــــ مابيه شي حبيبي بس مشتاگه لامي وابويه

صلاح ــــــ اينم

قمر ــــــ بعيدين عني،،، راح لابوه

كنان ــــــ ام نيار

قمر ــــــ

كنان ــــــ هاج الموبايل اذا تريد تخابرينهم

قمر ــــــ مديت ايدي خابرت على ابويه كاتب ابو قمر عليه اتصلت عليه رد،،،، الو

ابو قمر ــــــ الوات هلا بنيتي هلا يابه شلونج

قمر ــــــ الحمدلله وانته

ابو قمر ــــــ زين الحمد الله كلنه زينين نسأل على اخبارج شلونه الفصعون بعده عبوس

قمر ــــــ لا كبر و بدا يحلو

ابو قمر ــــــ الله يخلي شلونه رجلج عمج عمتج شلونهم شلونهم وياج

قمر ــــــ هئ زينين

ابو قمر ــــــ شبيج يابه تبجين

قمر ــــــ مابيه شي يابه والله لا يضل بالك

ابو قمر ــــــ لا عجل شبي صوتج وتبجين منو وياج رجلج

قمر ــــــ يابه مابيه شي بس مشتاگتلكم حيل هئيييييئ محتاجتكم هوايه محتاجه حضنكم دفوكم النحرمت منه

الرابع عشر من هنا

تعديل المقال