رواية تزوجت حماي الفصل الثاني عشر 12 بقلم عائشة الدليمي

رواية تزوجت حماي الفصل الثاني عشر 12 بقلم عائشة الدليمي 

ام كنان ــــــ اتردين بوجهي يالقليلة الادب

قمر ــــــ انتي ماتفكرين بس بمصلحة ابنج انتي ضلمتيني ويه يعقوب وهسه جايه تضلميني ويه كنان كنان ميحبني ميريدني هوا گالي بعدني اعتبرج زوجة اخويه رغم اني زوجته بس لا انتي دوم اتهينيني ومخليتني مصفگه الج حقج اني اهلي بغير دوله بعيدين و مايتهيالهم يحاجوني اصلا ولا اني متهيالي احاجيهم انتي حتى متنطيني موبايلج اخابرهم

كنان ــــــ هاي شكو

ام كنان ــــــ ربي مرتك رايدلها تربايه

كنان ــــــ لخيمتج

ام كنان ــــــ قليلة ادب قليلة تربايه اذا مالگيتي احد يربيج اني اربيج اذا مازوجت كنان عليج ماتسمه ام كنان

قمر ــــــ رحت للخيمه اجه صفن بوجهي اني نزلت راسي

كنان ــــــ ضايع الحجي

قمر ــــــ عافني وراح مرا تلتيام اني زعلانه منهم واني مريضه ماگدر اگللها توديني للمستوصف گلت اكسر الزعل ونتراضه اني وياها رحت على خيمتها لگيتها اتسفط بملابس عمي

ام كنان ــــــ خيرج

قمر ــــــ عمه احس نفسي مريضه توديني للمستوصف

ام كنان ــــــ خل رجلج يروح وياج

قمر ــــــ

ام كنان ــــــ روحي بدلي

قمر ــــــ رحت بدلت ورحنه للمستوصف الدكتوره گالت تعاي العصر لعيادتي العصر رحنه للعيادة سوتلي سونار طلعت حامل

ام كنان ــــــ يالله يالله الف مبروك

قمر ــــــ يامبروك ماريده ماريده

الدكتورة ــــــ شهالحجي ماما گولي يالله

قمر ــــــ بعدني طفلة

الدكتورة ــــــ من الاساس لويش ازوجتي

قمر ــــــ سكتت شرد كتبت ادويه وعمتي جابت طول الطريق اترزل بيه

ام كنان ــــــ من ترجعين اتگولين لرجلج وتفرحينه افتحو صفحه جديده

قمر ــــــ عمه والله استحي من عنده،،، وكفت ونزعت نعالها وتريد تضربني جدام العالم،،،، يمعوده اني اگُله بس عوفي والله عيب اني اگُله والله،،،، مشيت مشيه ركاضيه نزلت نعالها ورجعنه للخيمه مالگيته خابرته عمتي گاللها لاگي صديقه وطالع وياه بعد احسن حايره دحگت لبطني طفلي ماصارله جم شهر من جبته للدنيا انوب اجيب جاهل ثاني انتبهت عليه وهوا يسلم

كنان ــــــ سلام عليكم

قمر ــــــ وعليكم السلام،،، راد ينام،،، ابو صلاح

كنان ــــــ نعم

قمر ــــــ اگعد

كنان ــــــ ها

قمر ــــــ اگعد اريد احجي وياك بشي

كنان ــــــ اتفضلي ام نيار

قمر ــــــ ترا صلاح هم ابني تگدر تناديلي ام صلاح

كنان ــــــ هه ها يم صلاح

قمر ــــــ هئ

كنان ــــــ شبيج شبيج ليش هالبجي

قمر ــــــ اني حامل

كنان ــــــ حامل

قمر ــــــ اي

كنان ــــــ وهالبجي لان حامل

قمر ــــــ هئ

كنان ــــــ ششش

قمر ــــــ فكرتك ماتريده

كنان ــــــ شنو ماريده شهالحجي هذا من دمي

قمر ــــــ ماردت اگلك بس عمه

كنان ــــــ شنو متگوليلي هذا ابني مثل ماهو ابنج

قمر ــــــ هئ فكرت لان متحبني ماراح تريد الطفل مثل يعقوب

كنان ــــــ استغفرالله شهالحجي

قمر ــــــ هئ

كنان ــــــ كافي بجي

قمر ــــــ باس خدي متت من الخجل

كنان ــــــ كافي بجي

قمر ــــــ اني هم بعدني طفله

كنان ــــــ ادري بس عطى ربج تمنعين عطى الله

قمر ــــــ لا

كنان ــــــ كافي بجي عليش تبجين

قمر ــــــ حضني متت من الخجل باس شعري

كنان ــــــ اني صح زعلان عليج لان طلعتي بدون لا تگوليلي بس امشيها

قمر ــــــ

كنان ــــــ يالله نامي وارتاحي

قمر ــــــ اي،،، نمت واني افكر وخايفه اني ماجبت نيار اله تافله المر خايفه لا اموت من الوجع بهالطفل جرني لحضنه متت من الخجل سويت نفسي نايمه بسابع نومه اموت من الخجل من عنده يمكن لان مانحجي و مامخلين الامور عاديه بينه اني بودي احجي وياه واتعود علي ويتعود عليه بس هوا مخلي حدود بيناتنه سويت نفسي نايمه ودرت وحضنته متت من الخجل من نفسي و الجرءة هاي صديت عنه

كنان ــــــ هههه

قمر ــــــ غلست بعدها نمت گعدت الصبح شفت عمي باركلي

ام كنان ــــــ گلتيله على حملج

قمر ــــــ اي گلتله

ام كنان ــــــ وشگال

قمر ــــــ فرح

ام كنان ــــــ عسى دوم افراحه يارب الله لا يقهره ولا يحزنه يالله خدرت الجاي بس سوي بيض وصبي

قمر ــــــ عمه مو تدرين تلعب نفسي من ريحته

ام كنان ــــــ جم الدوب نبقى بدون بيض

قمر ــــــ انتي سوي

ام كنان ــــــ هذا الناگص يول اني گال روحي تا اروح اسوي رواويگ

قمر ــــــ عالسوگ متگولين رجليه عالطلعات متگولين رجليه بس عالريوگ،،،،، زين عادي احط غير البيض

ام كنان ــــــ لا

قمر ــــــ عمه شنو تتعمدينها

ام كنان ــــــ شتعمد يولي طالعلج اللسان استبديتي دحگتي وفحگتي كنان مايگلج غلط و عندج اوليدين والثالث بالطريق وامورج طيبه وتمام

قمر ــــــ لا عمه والله ماقصدي هيج بس ماگدر اسوي البيض

ابو كنان ــــــ خيرجن اصواتتجن طالعه

ام كنان ــــــ گلتلها سوي ريوگ متقبل ترا مو معلگ بشعره

قمر ــــــ عمي بس گلتلها ماگدر اسوي بيض ريحته قويه وتأذيني

كنان ــــــ شبيكم شكو يابه

ابو كنان ــــــ مشاكل العمه والجنه احنه ناگصين

كنان ــــــ شكو شصاير

ابو كنان ــــــ علمود الريوك علمود شي مو مستاهل

قمر ــــــ ريسا دحگلي نزلت راسي،،، رحت للمطبخ طلعت بيضات

كنان ــــــ ست قمر ماناويه اتبطلين مشاكل

قمر ــــــ والله تلعب نفسي من الب هئهئهئ

كنان ــــــ اش اش بس لتبجين

قمر ــــــ هئ اريد امي ماريد ازوج

كنان ــــــ اش مو جاهل تراج اسكتي عيب

قمر ــــــ هئ

ام كنان ــــــ خيرها تبجي

قمر ــــــ هئ هئ

كنان ــــــ شمعرفني لحالها طگتها بجيه

قمر ــــــ ودوني لاهلي هئ اريد امي

ام كنان ــــــ تراج مو جاهل تبجين ترا عندج جهال اثنوين وفاتحه بيت وعندج ازلمه شتريدين امج

قمر ــــــ ماريد ازوج ماريد كله من ورا ابنج العار سوالي سالفه بالمدرسه وابويه بطلني و هئ هئيييييئ زوجنيا غصب اريد ماريد واني كلشي مو مسويه الله لا يوفقج انتي وياه إن شاءلله يحترگ بگبره مثل ماحرگ حياتي

كنان ــــــ صووووتتتججج

الثالث عشر من هنا

تعديل المقال