رواية هجران القلوب كامله وحصريه بقلم شروق الشمس
هجران القلوب
البارت 1
الكاتبة شروق الشمس
.............................
اني جعفر من جيل القديم وزوجتي حنان احنة ولد خالة نصير جان عمر زوجتي19 سنة وعمري 22 سنة ماجان اكو قصة حب بيناتنة بس بعد لزواج عشنة احلى قصة حب
جنت بوكتة شرطي على سجن لنساء من نوع ما احب ارتبط اهواي بالشغل كل فتره بشغلة بس مدبر روحي من ردت اتزوج
شفت افلوسي قليلات يادوب يكفن مهر اني ابوية متوفي واني عمري 15 سنة رحت لخوالي كلت خالي دايني مبلغ وارجعة الك وره لعرس بعد جر وعر كال ليريد يتزوج لا يجدي اني عيوني صارت بكصتي كتلة مشكور خالي بس مو اني لاجدي ويجي يوم تحتاجني اردهة الك انشاللة
طلعت منة واني مهظوم عندي حاجة جانت كلش غالية علية وثمينة اخذتهة وبعتهة بس محد يعرف اجة موعد لعرس جبت مزيقة وغديت وعشيت لناس وسويت حفلة خطبة ومهر وحنة وعرس وزاد عندي افلوس اعناد بيهم حجزت فندق اسبوع بشيراتون بوكته جانت اسعاره زينة مو مثل هسة بيوم لزفة خالي يمشي وراية يكول الاخو شوف شوف هذا لكو... د اجة يطلب مني وهوه حاجز بشيراتون اثاري جان يجربنة اسمع ولغصة بكلبي طلعنة لبيت خالتي واخذت اميرتي من بيت اهلهة جانت مثل لعابة تخبل
من وصلنة للفندق زفونة وكلمن رجع الاهلة
...
اني حنان اكيد عرفتوني بعد كل لصار جنت كلش تعبانة تعشينة وارتاحينة جعفر جان حنين علية الابعد حد اخذني لحضنة و.....
انتهة كلشي وصرت زوجتة شرع وقانون
بقينة اسبوع احلى ايام عمرنه خلصناهة بي
رجعنة للبيت تلكتنة خالتي وبناتهة وجانو مسوين غده النة وبعد ل 3 ايام بيتهم يعني 10 ايام الية عروس بده شغل لعمة ولجنة
تقسم لشغل علينة عادي بس لموعادي انو كلشي اني اسوي وكدام لولد لعكس بناتهة لتعبانات معلية بيهن للعصر ادخل ابدل وتمكيج وانظر جعفر يجي من لشغل لان ترك لشرطة واشتغل بمحل ابوه هوه واخوانة اجة حبيبي تلكيتة باهلا ولمرحبة تغدينة كلنة وكملنة عفت لمواعين ودخلت لغرفتي لاني من لصبح كلشي علية
تكررت هاي لحالة ايام بيوم من لصبح خالتي كالت اسمعي حنينة بعد مو كدام زلمتج تعوفين لمواعين وطبين تره بناتي تعبانات عبالج مااحاجيج لا اكسر راسج هم
بس خاله اني مسويت شي اني من لصبح كلشي علية وبس مواعين لغده عفتهن من حقي اشوف زوجي
اي اي تلحكين علية قابل يخلص
سكتت ماحجيت
جنة عادي نلبس ملابس دشداشة نوم بس طويلة ستن وفوكهة روب اضافيري طوال مصبغتهن بلون ملابسي كلنة نلتم بالهول نباع للتلفزيون جانت عدنة كرويتات كعدت واجة جعفر خلة راسة على رجلي
حنونة العبي بشعري
اي عيني خليت ايدي بشعره واحرك اصابيعي
مندمجين انسد لتلفزيون طشرنة عادي للصبح كعدت على عرس
خالة شكو
انتي تقهرين بناتي
ليش شمسوية
اي هاي تصرفاتج بطليهة تتمسحين برجلج واني بناتي حديثات بعدهن على فكره اني اصغر وحده بيهم بس حماية لصغير اني اكبر منة
وصارت عركة الهة اول مالهة تالي لان جعفر نام على رجلي ولعبت بشعرة
لليل هم لتمينة بس كلش ضايجة جنت
حنونة شبيج يابة
مابية شي
يابعد هلي وعشيرتي كلهة شو باعيلي منو مزعلج
ماكو شي لا تشغل بالك
حنونة اسمع احجي يابة
امك لصبح تحاسبني لان بليل تنام على رجلي كدامهم
هزيت راسي وسكتت خليتهة تفرغ لبداخلهة كلهة
يصير خير بوية اني اروح اسبح وانتي روحي كدامي الحكج
باسني بخدي وكمت هم نفس لشي ملابس دشداشة ستن طويلة وفوكهة روب بس غير ذيج طبيت سلام عليكم محد جاوب
كعدت حماية لصغير كال بعصبية ماعندج غير هذا لبس يجر بالروب ويحجي هذا هذا بدلي
ليش يابة شفتهة عريانة كدامك لو مامحتشمة انت منو وتحاسبهة
لا اخوية لا تفهمني غلط بس اكلهة
اسكت وانجب متحمل عليك خيرات الله مالك شغل بمرتي لو شفت غلط منهة اني احاسبهة مو انت
محد حجة يخافون منة كعد يمي اني عفتة وكمت خالتي تشوف
صار رجعي لمكانج يابة
شسمة اروح انام
لا مو تنامين بس تخافين من امي
ياع واني شكو
يمة لا تغشمين نفسج ليش تحاسبيهة بدون سبب عندج شي كولي الية شفتيني نايم وياهة كدامكم متحارش بيهة وتخافين على بناتج ينحرفن ليش تغشمين نفسج
لك احترم اني امك احجي عدل
محترمج يمة بس انتي الله يسلمج ماتحبين تشوفيني مرتاح من يوم يومج تفرقين بيناتنة
بعد لعنده احجاية يكولهة الية موالهة
عفناهم ورحنة لغرفتنة لجو مشحون كلش
عشنة احلى ليلة
لصبح لوجوه كلهة مكلبة غلست عنهم
بعد شهر من زواجي حبلت بنتي هجران جنة لفرحة ماسايعتنة بوكتهة
ماجنة نفكر ولد لو بنية اهم شي خلقة تامة
بوكت لنساوه مالتي جان حصار ولناس ميتة من جوعهة بس احنة لولد خير من الله شغلهم وكل يوم يتسوكون بس خالتي اعصاره جانت بس علية والهة ولبناتهة لا جانت تضم لخبز بالكنتور مالتهة
كاعدين للغده طلعت لخبز كلمن انطتة كرصة اله احنة ثنينة بوحده
الله واكبر يمة انتي تخافين الله يعني جاي تعبان من لشغل وجوعان وهل مره حبلة ثنينة بحناية (الي هي اصغر رغيف خبز )
والله هذا لموجود يعجبك اهلا وسهلا مايعجبك مشكلتك
هزيت راسي وكمت من لصينية طلعت للشارع برجعتي شفت ابو لكباب سويت لفات الهم كلهم واجيت لفت حنان جنت خالهة بحزامي جانت بالخبز لفات لان اعرفهة حامل وماتاكل زين واذا يعرفون جايب الهة 2 لفات عرس يصير ماجنت افتهم اهلي غيره ولتحقير لو كره كعدت اكلنة لفات ورحت للغرفة حنان اريد كلاص مي قبل لا تغسلين
بس اغسل ايدي زفر
حتى لو زفر جيبيلي مي يالله
رحت جبت مي اله واجيت
سدي لباب
سديت لباب طلعلي لفة ثاني من حزامة
لا حبيبي والله شبعت
مو الج هاي لبنتي يلة كلهة تاكليهة هسة
وغصب علية كلهة اكلتهة ومن كد ماشبعت ثاني يوم بقيت بدون ريوك اله من اجوي لعصر لولد تغدينة سوه
مرت الايام ماكو شي ينذكر تغير لجو وصارت حاره كلش اني دخلت بشهر ل5 جنت جوعانة وارجف من لجوع وممنوع اكول اريد خبز جان غالي عدهم لو اخذهة وللغده ماكو بعد حصة الية بقيت الملم وانضف شفت لتنور مكشف رحت اغطي وجان اشوف كرصة خبز اويلي لكيت كنز مااعرف المن لمهم اشبع اني لان احس راح يغمة علية من لجوع اخذتهة وخليت بيهة رشاد لبر حار يكتل لفيتهة بخاولي وطبيت لغرفتي سديت لباب وكعدت بنهاية لغرفة علمود لا يسمعن لقرمشة مال لخبز عبالك بايكة بوكة اكلت وشبعت شربت مي طلعت يمهن كلشي ممسوية ربع ساعة وكبت لعيطة علمود كرصة لخبر حجم لكرصة الاحجي علية بهذا لوكت اصغر من لبيتزا لصغيره وهيج ثخينة
الاخوات وحده تذبهة براس لثانية اني ماجني يمي لان لو حجن راح اكول انتم مو تكولون ماكو خبز هاي منين اجتي بس هنة عرف اني اكلتهة كامت خالتي طلعت 3 وانطتهة لبتهة بدل ذيج عناد بية لان اتنسة على لدولمة ثاني يوم سون عركة وياية وطبيت لغرفتي اني وهن سون دولمة وما انتظرن لولد تغدن وحدهة بس شصار بية اني متت علية مثل لمدمن ومانعين منة سديت جوة لبابة وجوه لشرشف واسد خشمي وابجي ماانكسر كلبهن علية بماعون نمت فزيت على جعفر يمي
حنونة اليوم ماكو حبيبة لا ملگة ولا حمام خيرج
وديني الامي
بيج شي
لا بس تعبانة اريد امي
ابشري يلة كومي نروح هسة
بس اريد ابات يمهم
وكلبج ينطيج تعوفيني وحدي شلون انام بلياج بعد بيتي اني اذا مو عطرج مااغفة
لعد خليهة للجمعة نروح سوه
حبيبتي يبين لحمل مأثر عليج غير اليوم خميس باجر جمعة
صدك والله عبالي اليوم ثلاثاء
دكومي نروح عليهم ونبات يمهم باجر لعصر نرجع
كمت بدلت ورحنة لبيت اهلي اول ماطبيت كلت يمة باجر اريد جدر دولمة هلكبره واشر بيدي
ها ولج تتنسين على لدولمة
اي يمة
تدللين بااكبر جدر اسويلج
واريدهة حامضة ولاجعة
كعدنة لليل سهرنة وضحك ونسة خواتي 2 واخوية عباس وعزيز جان عمره 3 اسنين
انسد لتلفزيون ونمنة ثاني يوم كعدت على ريحتة لدولمة تفور
اخ اخ شنو هاي لريحة
هلا يبعد امج من لصبح جعفر جابلي لغراض كال حنونة مشتهية لدولمة كتلة اعرف بليل كالتلي كال اي سمعتهة من تحجيلج وطلعت من لصبح اجيب لمسواك من ساعة 6 جابهن سويتهة وهسة خليتهة على لنار
لعد ما اتريك. انتظرهة
لا حبوبة تريكي موزين عليج وشوكت تجوعين نكلبهة
سويتلي لفة صغيره وية لچاي صارت لساعة 12 بعد ماخليتهة تنتظر ابوية وعباس يجون من سوق لجمعة گلبناهة للدولمة رادت تشيل منهة ماخليتهة
لا يمة هسة كلهة ناكلهة
ولج يمة هاي هواي
لا عفية خلي اشبع يالة
عافتني. براحتي اكلت لحد ماشبعت احس معدتي تريد تنفجر يالة كمت
ها يمة شو ماخلصتي
يا يمة شوفي راح اطك من كد الاكل
ولج شكلتي كلة مايطلع ماعون صغير كلت هسة تخلينة جواعة على حجيج لا تشيلين واكبر جدر سويلي وينة
ها لا خلصت
دخلو ابوية وعباس وجعفر جانت لصينية بالكاع بس اني اكلت امي ولبنات ينتظروهن
صاح جعفر ها حناني كونج شبعتي من لدولمة
افرك ابطني واكول امممم حتى انت نسيتك من كد الاكل
لا يابة اهنا خربنة كلشي ولا تنسيني يمعوده وين اروح بلياج انتي لعشگ
ضحكنة كعدو كلهم تغدون واني احس ازوهرت الوب من معدتي ركضت للحوض كلة الاكلتة ذبيتة ياللة ارتاحيت
رجعنة للبيت لعصر مشت الايام لا جديد ينذكر
بس جعفر اسلوبة وحبة الية خلاني اعشقة
جان يحتار شيسويلي
اله بيوم تغيرت حياتنه بسبب امه واخواتة
كعدت لصبح نفس كل يوم شغل وتنظيف
دخلنة بسنة 95 وقريب ولادتي قبل جنة نترس ماي بجدر چبير لقزان ونخلي بالمطبخ للطبخ بهذا ليوم ابد مافتحت هذا لجدر اني
خلصت شغلي وكعدت يمهم اشوية كبت لهوسة شكو
هذا شنو حنان تردين اسويلنة سحوره انتي وامج ذابتة بماي لشرب اللة كشفج ولمي خابط صاير كله تراب
اني بقيت صافنة شنو سحر شنو مي خابط
كلت اخاف متوهمات اني اليوم اصلن مافتحت هذا لجدر
لا انتي تردين تخلين بناتي يعنسن ويصيرن خدم الكم وانتي وانتي وكومة حجي
اليوم يجي كوا.... ج ويسويلج حل
اني من لنوع لهادئة مااحجي ولا ادافع لنفسي بس ابجي دخلت لغرفتي وسديت لباب
كلت من يجي جعفر هوه يحلهة
للعصر اجة جعفر بعد لا سابح ولا مرتاح كابلتة امه واخواتة بالسوالف مرتك هيج ومرتك هيج وحتى اختك دورت لغرفة ولكت هذا بالمجر
جعفر ضحك كاللهة تعرفين شنو هذا
اي سحورت مرتك غير
يمة خافي اللة هاي وشيعة مال گطع جبناهة من لكاظم (ع) جانت حنانة ظهرهة يوجعة وهناك گطعنالهة وحتى صار اكثر من شهر ضايعة شكد حنان دورتهة مالكتهة لفطير تكول الله خفاهة
اثاري منبشات غرفتي وراية
لا انت تريد تسد المرتك عمايلهة وانت انت اخر شي جعفر زهك من كلامهة كال خلاص اني اعزل مرتي بالغرفة واخذ لترك واشوف شلون بعد وياكم
اي وياهو ينظف ويطبخ خواتك تعبانات
رحمة للكعبة يمة شلون بيج لا هيج تقبلين ولا هيج تقبلين
اي اذا تعزل تبقة تنظف وتطبخ النة
وبناتج شبيهن
يشتغل بناتي وين ملحكات لخوانك لوللبيت لو لشغلهن جانة يشتغلن يحوكن ليف وبسط ويبيعن
حنان حرضي هدومج ولمي غرفتج اوديج الاهلج
لا يمة انا ماكتلك وديهة الاهلهة زعلانة بس ادبهة يمة
ههههه عفية امي لا حبيبتي مااوديهة زعلانة هذا اخر حلم الجن مايتحقق تريدين امد ايدي عليهة بدون سبب وهي بطنهة لخشمهة خافن ربجن يمة انت مايريدلج جنة فقيره يريد حية مثل بناتج
ياولك ادبسز ياممتربي تحجي عن خواتك
صارت مجادلات بيناتهم وجر وعر اني لميت غرفتي واخذت ملابس قفلناهة وطلعنة رحت يم اهلي
جان جعفر يروح ويرج علية سوالنة مطبخ وحمام وصحيات بالترك
وبيوم بليل جان جعفر بايت يمنة احس الم عندي يروح ويرجع بقيت الوب من الوجع حس بية
ها عيني شبيج
مااعرف الم عندي
اخاف ولادة
مااعرف
راح كعد امي ورحنة المستشفى دخلت للدرهة وجعفر بره ينتظر
طولو كلش اهواي بالي يمهة خايف حيل عليهة ماخليت دكتورة مارحتلهة من عرف لعرف احس لوجع بية اني متت عليهة
يارب تطلع بالسلامة
اروح وارجع الوب عليهة بقيت للصبح وجان تطلع خالتي لافة بنيت روحي بطانية انطتنياهة كبرت باأذنهة وسميتهة هجران
عليك الروح حنت،،،،،،،،،،،،،، من حملتك
ترد سنيني يسمر،،،،،،،،،،،،،،،،لروحي منك
عسل شفتك أطيب،،،،،،،،،،، حلو منك
وعطر خدك يرد الروح اليه
جان شعوري ماينوصف بيهة احس الله فتحلي باب لجنة من شلتهة بدية
اما شعوري مااكدر اعبر عنة فرح وسعاده كلمن صايره ام الاول مرة تحس بية اخذتهة لكلبي وظميتة ابوس بيهة واريد اشبع صارتلي لعابة والعب بيهة
بقيت فتره يم امي ورجعت لبيت عيالي من عزلنة شوية ارتاحيت بس راحة وية خالتي ماكو مرت ايام متشابهة وجوري تكبر كدام عيني ابوهة اول مايطب يسأل عليهة جانت روحة من لدنية
بعد فتره اربع سنوات هم حبلت وجبت زهرة عمري وحبيبتي الحمداللة عشت ايامي بكل فرح جعفر ممقصر علية بشي وبعد سنة صارلي ولد بعد لولادة توفة ب3 ايام جان الله ماقاسمة حزنت وعتكفت بس انا اريد وانت تريد ويفعل الله ما يريد
بناتي كبر ويحلن كدامي زهره مثلي بس جوري لا عكسهة مثل ابوهة تماما بيبيتهة تموت عليهة لان اول حفيده الهة
بعد فترة طويلة قررو يزوجون حماية الاصغر من جعفر هم ياخذون بت خالي فرحنة وياهم نحضر ومخبوصين جرت ايام واشهر لتجهيزات بيوم لزفة الله شاهد ماعندي اي شي وياهم طبيت لغرفتهم. انظفهة جانو ناثرين ياس يابس على لجرباية جبت مكناسة جديدة وكنستهة بعدني على لنص وطبن يرعدن علية لا وميصير وانتي تريدين تخربين بيناتهم ومياخذ مرتة وصارت مشكلهة كبر بعرض
عفتهن وطلعت ولحض يسويهة من زفو لعرسان مااخذ مرتة لان جانت لشهرية نازلة عليهة وبعد 5 ايام زواجهم كل مايحاول مايكدر وكعت لسالفة براسي علبو اني سويتلهم عمل ومن هاي لسوالف وهنة شافني اخذو لعرسان للكاظم ع هناك كدر ياخذ زوجتة
من رجعو فتحو لموضوع جعفر تعب منهن ومن سوالفهن وهنة اله نحلف بكربلة اني ممسويتلهن سحر اني وامي اني ماعندي شي نظيفة كلت اروح احلف بس جعفر كال نروح نحلف ونرجع اتبرة منكم بعد 3 ايام اذا ماصار بمرتي شي
لمهم ثاني يوم خليت بناتي بالبيت وطبيت سبحت وامي ويانة ورحنة كالنة خلينة نزور جعفر ما قبل
لا ماكو زيارة منا توكفن وتحلفن كلچن ولچذاب لعباس يسطره
اني وكفت توجهت للكبة وحلف ولعباس ابو فاضل لا سويت سحر للعرسان ولا الجن ولا حتى لجعفر ولا داخلة لهيج اماكن وامي هم حلفت ردنة نرجع
لا ماكو رجعة يلة يمة انتي وبناتج احلفن شفت حنان تسوي سحر الج وانت هم مممسويات هاي لسوالف
اهنا خالتي تخبلت علينة شلون يريد يحلفهة جعفر
وغصب عنهن كلهن حلفن
جان تكول لجبيره اي لعباس مراح يسطر مرتك لان لابسة هدومهة مكلوبي (صدمة 
)
)مافتهمت شنو تقصد
صارو ملاخ بنص لحضرة رجعنة للبيت جان يكول جعفر منا ل3 ايام اذا احد صار بي شي هذا لحلفان مالتة
ومن بعد 3 ايام اني وامي وجعفر كلشي مابينة بس خالتي تخربطت واخذنهة بناتهة المستشفى بدون مليعرفون لولد واني هم ماحجيت شعلية كلت نسيت شارة لحلفان لليل كلنة كاعدين بالهول
يمة هاي 3 وخلصت وكلشي ماصار بينة لانة نظيفين احنة منا وخلص انتم بطريق واني بطريق اني اخذ لاستقبال ونص من لحوش ابني مطبخ وصحيات واعيش وحدي
صارت مشاكل وجر وعر ومصايح مانحس اله اخوه لصغير لمراهق نوم لخنجر بچتف جعفر اني من شفت هيج تخبلت
جعفرررررر لااااا لك شسويت الله لا ينطيكم طلعت بالشارع اعيط التمت لمنطقة علينة ونقلو جعفر للمستشفى بس الحمداللة جانت خفيفة مامتأذي اهواي ثاني يوم طلع بس مااشتكة على اخوه ومن خوفهن قبلن بعزلتنة لا يسوي شي لاخوه والحمداللة من بعد كل هل مصايب ولمشاكل خلصنة بيتنة واستقرينة بي وارتاحينة وجعفر عاف لمحل الاخوتة وصار يشتغل اعمال حرة من صار سقوط بغداد بقينة بيتنة ماطلعنة منة تعدت الحمداللة بناتي كبرن هجران بالمدرسة وزهرة بالروضة قبل زهرة صار عندي اخ الي هوة عبدالله اكبر من بنتي بسنة اهواي يترددون علية واني اروحلهم
جعفر كام يشتغل ويجيب شغلة للبيت بديت اساعده ونخلص بسرعه وكمية اكثر ومن بعد ابني لمات الله مارزقتي بعد وكل مايحجون جعفر يكول عندي بناتي بالدنية يسون 10 زلم الية حبه ودلالة زاد ما نقص الية
وحلفان لعباس بين بيهن باامة واختة بعد سنوات ياللة بين بااختة لچبيرة
