رواية هجران القلوب الفصل الثاني 2 بقلم شروق الشمس
هجران القلوب
البارت 2
الكاتبة شروق الشمس
.........
ملاحضة راح اسوي بارت لهجران وبارت للسيد علي بعدين راح تعرفون شلون عرفنة شعور لسيد والي يمر بي
مرحبا.. اسمي علي الموسوي سيد جدي رسول اللة امي وابوية ولد عم بس منفصلين واني عايش وية ابوية وزوجتة عندي اختي نرجس من امي وابوية احنة بس اثنين
اما من ابوية عندي خير من الله 5 اخوان و5 اخوات بس للاسف عدوان ويانة لان امهم هيج ربتهم ولا اب بي خير فاقدين حنان الاب
امي مرة لا حولة ولا قوه كعدت لصبح لكت مره وياهة 3 جهال بيتهة غصب عنج لو ترضين بالضره لو تتطلكين بس امي مافكرت بينة عافت كلشي وراهة وراحت اني صرت الاختي الام والاب عمري 9 سنوات وبديت اعتني بنرجس عمره سنة زوجة ابوية لا ذمة ولا ضمير
بيوم نايم بل هول ومخلي نرجس يم راسي كلشي مااعرف اسويلهة فزيت على بچيهة
اخذتهة افتر بيهة واسكتهة بس متسكت
شسوي ياربي مااعرف
رحت ادك لباب على ابوية ومرتة
فدوه خالة مااعرف شبيهة بس تبجي سكتيهة
روح لك عايزني سگاطة اني سكتهة لو تذبهة بالحوش اريد انام
زين بس علميني شسويلهة وتسكت
اللهم صبرك يارب بدل هدومهة وانطيهة شي تاكل واذا بعد دكيت لباب اموتك والله
سدت لباب بوجهي وطبت ماهضمني اله ابوية لا يقبل ينطي نرجس الامي ولا من يشوفنة شبينة خليتهة بحضني وابجي وياهة طلعتلهة ملابس ردت ابدل الهة جانت مدمره نفسهة احس معدتي صار بحلكي من لمنضر ذبيت كل ملابسهة بالزبل وغصب علية خليتهة بالحمام وسبحتهة وهي على بچية وحده حرت شسوي
مااعرف اسوي حليب سويتلهة چاي وبسكت
وبقيت على هذا لحال وية نرجس لحد ماتعودت. عليهة وصارت روحي من لدنية
زوجت ابوية جانت كلش قاسية تعذبنة علمود تأذي امي شكد حاولت امي تاخذنة يمهة بس ابوية مايقبل صار الاب لحنون علينة وهوه من يصير لغده يلم جهاله ومرتة يمة واحنة يعزللنة بصينية وحد مرتة متريدنة وياهة نگعد
بيوم جنت تعبان ونايم متأخر لان نرجس مااعرف شبيهة منامت الليل كله للصبح ياله
احس هستوني غفيت فزيت على مي بارد بوجهي فزيت مرعوب وممستوعب شيصير
كلت هاي ليش خاله اني بشر مو حيوان عندج ايد وكعديني بيهة
ماحسيت اله راشدي طشر اذاني من ابوية
ابن القندره احترم الاكبر منك
شفت سيد من اكلك ابنك ممتربي عدل وميحترمني متصدك
اني اله بعد كوم لك لا بارك الله بيك بعد منا وجاي اخلي تربيتة الج ام محمد هذا ممتربي عدل شسوين سوي
ههههه بقيت صافن على كمية لكره ولحقد ومرة ابوية ماصدكت لكلام شغلتني خدامة فلبينية عدهة اني لو وحدي متكدر علية بس تلزمني من ايدي لتوجعني بنرجس وتكسر عودي
اول ماخلتني اسوي هوه انظف لبيت وهذا يعجبهة وهذاك لا واذا اعاند تضرب نرجس بقيت متحمل وساكت اتعب بالنهار واسهر بليل لنرجس ادور حضن دافي مالكة لا ام ولا اب كرهتهم اثنينهم وحلفت اله انتقم منهم تالي ليل بطانيتي ومخدتي. يشهدن ادموعي وجع كلبي. بدون صوت لان اذا طلع صوتي يجيني ابوية بالصوندة وبااخر الاسنين صار يضرب نرجس علمود يأذيني بيهة
ويوم يجر يوم وسنة بعد سنة تعبت منهة اني رجال مو مره وهي هيج تتحكم بية نرجس كبرت وصار عمرهة 3 اسنين تصيحلي مره بابة ومره مامة لان نحرمنة من امي تجي تتوسل باابوية تشوفنة وتبوس ايده بس يطردهة ويسد لباب سنتين مرت واحنة ماشايفين امي شكد جنت مقهور منهة لان عافتنة بس من شفت الاهانة ولذل احمد اللة اطلكت ولا انكسر بيهة هم انقهر من تجي تتوسل بلباب علمود تشوفنة
فاض بيه كلشي جسمي صار عباره عن تشوهات بسبب مرة ابوية
كمت اعاندهة واراد بيهة مااخليهة تضربني وتضرب نرجس اخلي نرجس بالغرفة واقفل لباب عليهة بس تكسرني من يجي ابوية وتخلي ينهيني من. لضرب بمره رادتني انظف لبيت واني عاندت كلت اني رجال مو مرة وانظفلج واطبخلج انتي شنو شغلج
هي حورت لكلام وكال الابوية دفع اخوه من لدرج وانفصخت ايده واني ماحاسبته خليتهة الك لحساب جان لجو حار يموت بشهر تموز
اجة سحلني من لغرفة وربطني بالحوش حافي بالشمس يومين بقيت لا اكل ولا شرب وكل طبة وطلعة لو عود لماسحة لو لصونده تلعب بجسمي اسمع صوت نرجس تبجي ودورني بس حابسيهة جوه متطلع بره اتوسل بيهم اريد بس مي لا حياة لمن تنادي يطلع ابنة محمد يشمر بطل لمي يمي يطشة بالكاع ويطب جوه ثاني يوم وية اذان لظهر خلصت طاقتي بعد ماتحملت صحيت شفت نفسي نايم بالترك ونرجس يمي خلفلة عليهم مخلين خبس يابس النة ومي من لتانكي نشرب جنت اخلي بطاسة واخليهة بالفي علمود تبر ونشرب منهة وعقابي اسبوع بقة ياللة دخلنة للبيت
بس ماعرفو خلووني اصير اقسه منهم وحقدي وكرهي زاد عليهم رجعت اقوه وعنادي زاد اكثر امشي واخرب كلشي بالبيت عادي انكتل ويسكتون
بيوم مرت ابوية عازمة اهلهة ومسوية ذاك لغده من خير ابوية واحنة ميتين جوع دخلت للحمام تسبح نزلت سويتنلة صينية غده مرتبة الية ولنرجس مال يومين ناكل بيهة لان اعرف بعد لراح اسوي اكل عقاب شهر كامل
جبت اكبر ماعون وترستة تمن وبحافضة خليت حشو وفاكهة من كلشي وخبز يمكن خليت 7 كرص جانت شاوية دجاج وسمج اخذت اصغر سمچة وشكم قطعة من لدجاج ومرك وخليتلنة مي مال شهر يكفي صعدتهن بالغرفة ونزلت اول ماعليت لتمن وخليتة يحترك بعدهة نصيت جواه حركت لسمج ولدجاج ونصيت لفرن
ذبيت مي على خيز وطلعت ردت اخلي ملح بس كلت راح يعرفون اني سويتهة هيج طريقة مايعرفون يكولون هي بالحمام والاكل احترك
احس لشيطان يفكر بدالي مو اني افكر من كد ما عاشرتهة
طبيت للغرفة وقفلتهة علينة اول ماتغدينة وشبعنة سمعت لعيطة جوه على سريع لباقي من الاكل خليتة بعلاليك وضميتهن بالشباك وخليت عليهن كم مخده وباقي لصينية دفعتهة جوه لچرباية هستوهة صعدت علينة واهلهة اجوي قفلت لباب ونمنة ماحسيت اله ساعة 12 بليل نرجس تريد اكل اسمع بعدهم اهلهة يمهم ماعرفت شصار ثاني يوم من لصبح كبت لعركة هي وابوي تكله ابنك لحرك الاكل وهو يكلهة لا كلشي وتهمتي يوم يموت بيدي من وراج طفل شعرفة بالطباخ بس انتي ثولة عايفة الاكل على لنار وطابة تسبحين
خلصت من عقاب ابوية بس هي ماسكتت الية
ولا اني اجوز منهة بيوم ابوية طالع لكربلة بقينة وحدنة اجتي فكره براسي اله اخبلهة واخليهة بيدهة ادزنة الامي
علي ابو 9 اسنين مات
لليل طبت لغرفتهة تنام طفيت لمحولة ما كهرباء واخذت شرشف ابيض على راسي ومن شباك لغرفة اسوي حركات واصوات خليتهة تطلع بدون اهدوم للشارع واطفي بالضوه واشغل تخبلت رسمي ههههههه راحت تفزع جيرانة اني بسرعة شغلت لضوة ورجعت كلشي مكانة ونمت بفراشي
وهي تحلف لجوارينة بس محد يصدكهة وثاني يوم اجة ابوية وحچتلة كلشي اني ميت ضحك عليهة وابوية كلهة ماكو شي يتخايلج وصارت بيناتهم للضالين وبقيت اكرر هاي لعملة كل مايطلع ابوية من لبيت
بيوم كلت خاله اني اريد اطلع اشتغل واعينكم بمصرف لبيت هي كيفت
اي هيج من الاول وصير زلمة
بس نرجس شلون
ماعليك ابقيهة يمي
نرجس عمرهة 6 سنوات صارت تفتهم وتعرف كلشي بس كلش هادئة وفقيره
لمهم اول يوم بعد ماحصلت شغل خليت لفلوس بيدهة هي كيفت اني اراقبهة وين اضمهن ارجع اخذهن واخلي من هوية ابوية الهة
شوية تحسنت وياية بعد شهر من شغلي كلت
خاله اجاني شغل توب بس مرات ابات بي ونرجس تشلع كلبج ليش ماتخلين ابوية يدزهة الامي واني ازيدج من لفلوس
اخاف تضحك علية ولك
لا خاله ليش اضحك عليج
خوش خليني افكر يالله
بعده كم يوم قبلت نرجس تروح يم امي يصعب علية هذا لشي بس شسوي مجبور
نرجس جنت دوم احجيلهة عن امي واشوفهة صورتهة ماخليتهة تكرهة لان اعرف راح ترجع اله لذالك من سمعت تروح الامي كيفت
اخذهة ابوية ودة نرجس لخوالي ورجع الله اعلم امي شكد فرحت بيهة واني شكد حزنت على بنيتي لراحت بقيت مستمر انطي افلوس لمرت ابوية وارجع اخذهن واخلي من محفظة ابوية بيهن ابوية من لنوع مايحسب افلوسة
كمت اطلع من لصبح للساعة 2 بليل يالله ارجع بس محصل خير من الله افلوس بيوم احس كلبي نط على نرجس طلعت للشغل ومناك رحت الامي وهذا اول لقاء النه بعد فراك 7 اسنين اتخيل رد فعلهة مثل ابوية بعد جر وعر وصلت لبيت جدي بقيت متردد ادخل لو لا بقيت ساعة افكر اخر شي درت ظهري ورحت هستوني انزل من لصبة وانفتح لباب بقيت صافن بي وهوه صافن علية
.... تفضل امر خدمة
تسلم زاد فضلك بس انت مو سيد كريم
اي نعم تفضل
ماعرفتني
لا والله..... زغر عيونة وركز علية كال.... علي انت علي ابن اختي صح
هزيت راسي اي خالي اني
لك شصاير بيك متغير تعال لحضني ياغالي
... اخذني لحضنة عبالك اخذ ابنة بحضنة لمفقود دخلني لجوه وضل يصيح
علوية علوية تعاي شوفي منو يمنة مراح تصدكين ياهو اجة
ها سيد شبيك اتصي....... ح بقت صافنة بوجهي ولازمة گلبهة حسني گلبي بجيتك بس
چذبت احساسي اشم عطرك كل مااتقرب للهول فز گلبي بدكت لباب بس لا لا ماتوقعتك انت تعال ياجمره فادي تعال يافتشة عيني انت الله لا يرضة عليهم حرموني منك 7 اسنين يحرمهم من شمة لجنة اللهي
تعال لية يمة بعد رجولي مايعينني تعال
عندي نقص بالحنية وسمعت هيج وية دموعهة لتجري ركضت لحضنهة هذاك لطفل لعمره 9 اسنين واخذو اغلا حاجة عندة اشم ريحتهة ريحة لعافية حضن اعتاب وشوك ولهفة...
المن سلمتيني
وبيه وصيـــــــــــــــــتي !!!
والمن فارگتيني؟والمن أمشيتي !!
عفتيني بحال بعدچ صعبه ينگال ..
مثل وحشة يتيم ابوحده بالبيت ..
چذب كلمن أجاچ وگالچ نام !!
ولا ليله بغيابچ بيه تهنيت ..
على صفنة غيابج باقي عودان !!
وتحسبيني عدل .. بس روح ضليت ..
تغير كلشي بعدج حتى الوجوه !!
بس أني [وغلاتج] نفسي ضليت...
هذا جان اعتاب علي الامة عن لياليه بدونهة
هم نسيتيني بيوم
ولا ساعة نسيتكم ولا دقيقة شوف شصاير بية بلياكم عيوني عمت عليكم ولك كولهة كلو يمة مشتاقة اسمعهة منك يبعد حيلي
...
يمة
يمة هههههه
لغالية
لحبيبة
غاليتي
عافيتي
كلهن مامرن بلساني صار 7 اسنين
تعذبت اهواي يمة شيبت واني صغير يمة مديت ايد للحرام علمود لا انكتل بالصونده
چذبت واني سيد
خربت اكل من قهري
جنت مااگدرلهم اخاف يأذون نرجس
يمة جنت ابوگ الاكل علمود اشبع اختي وليبقة اضمة خاف ماتنطيني ثاني يوم لو نرجس تكعد جوعانة بليل انطيهة من لبقة لان يقفلون لثلاجة بليل
يحبسوني بالترك بتموز لان مانظفت لبيت الهة ويخلون نرجس يمي للعذاب
اااااااااخ ولج يمة تعبان ادك على گلبي واصرخ
يمة صرت خدام الهة ولجهالهة يعزل اكلة من اكلنة اني واختي بصينية من بقاية اكلهم وهمة لمة احباب عدهم اطلع بالبوگة وارح للمدرسة بهدوم لنوم ونعال لبيت لمدير يضربني ويعاقبني افلت منة واروح للصف
شحچي بعد يمة كل عمري 9 اسنين وصرت شايب 90 سنة
نزعت لتشيرت وشوفتهة ظهري شرفي اثارهم مو بس بگلبي حتى بجسمي
يمة اسم الله عليك ولك شمسوين بيك مشوهينك يبعد امك
تمسح على ظهري وتحجي يمة اجيت للباب واتوسل بيهم اشوفكم جانو يكولون مايردوج
اتوسل باابوك اكله صدري ورم بس ارضع نرجس يدفرني برجلة ويكول ماعندج جهال يمي
جنت يومية اروح يم بابهم ويطردوني بالتالي ابوك يساومني على شرفي وهوه سيد يريد كل شوفة منكم بليلة وياية بالحرام لو عقد مسيار بدون ماتعرف مرتة ومابطلت جيتي الكم اله بيوم دز طارش علية اذا تردين جهالج تعاي باجر بفلان مكان شوفيهم واني نسيت عمايل ابوك ومساومتة الية ماصدكت صار لصبح خليت عباتي على راسي وطلعت للمكان انتضر ساعتين يالله اجه
ها ابو علي وين جهالي فدوه كلبي طاك عليهم
هاااا اي اي تعاي خليتهم اهناك كلت يجوز متجين واخاف عيلهم من لبرد. سحبني من ايدي رحت ورا لا شفتكم ولا شفت بشر جرني وشمرني بيت مهجور ماخله علية قطعة سالمة واعيط كل صوتي بس مكان مكطوع ومهجور ماكو احد حرام عليك اني عرضك وبت عمك ولك هاي جزاتهة اني ام جهالك
اي لان ام جهالي اريدج ماحلت مره بعيني ماكو مثلج اريدج بعدنج بالعده ارجعج لذمتي
مااخليج هيج بس مره مشتاقلج موت
من هيج تعرف ليش خليت ضره على راسي لو تموت ماتلزم طرف ثوبي
ظل يحاول وياية واني اصده ولو لا ستر ربك جان خالك كريم لاحكني من طلعت نقذني بااخر قطعة ساتره جسمي لزمة وموتة تموت لابوك سحلة ذبة بيتنة كدام جدك اخذ لمقسوم منهم وردو علية بالكلام منعوني من لطلعة بس مابطلت اجيكم
جان خالك علي يساعندي يجيبني لبيتكم وانطرد بالتالي عيوني ضعفت وحيلي خلص يايمة بقيت لا حوله ولا قوه اله من رجعتلي نرجس نص عافيتي رجعت وهسة عافيتي كلهة يمي لانك بحضني سامحني ياامي
لالالا يالغالية انتي سامحيني شلت خطيتج وحجيت عليج مااعرف لصارلج يمة
حسيت ب أيد ناعمة وحنية تمسد علية جانت نرجس بنيتي ضميتهة لحضني اشتاقيتلج ملعونة
اني اكثر بابة
ياروح ابوج انتي
اجيت من شوكي الج واريد اكلج اول يوم مدرسة اني اخذج
صدك يعني مثل لطلاب ابوهم يوديهم واني هم انت توديني
اي ياروحي وجاي اضملج افلوس اشتريلج ملابس مدرسه
اوووي حبيبي انت
دحست نفسهة بحضن ابوهة الي عمرة 16 سنة كلشي احس بنقص عوضتة لنرجس
نداريت لخوالي اعتذر منكم لان بيوم حجيت عنكم عبالي نسيتوني
سيد كريم... محد ينسه لحمة ابني وغلاتك من غلات امك هلا بيك مره ثانية بيناتنة
سيد علي....... لصدر الك ولعتبة النه ابني
تحاضنة سألت على جدي كالو متوفي صالة سنة نقهرت علية بس ماشايفة اهواي
بعد ساعات صار لغده كلنة لتمينة للغده اول مره اكعد بين عائلة بحنية ودفو امي ماعدهة اخوات بس 2 اخوان ومزوجين اثنينهم ماخذين اخوات كاعدين سوه عيشتهم حلوة
عرض علية. خالي كريم اشتغل وياهم باالفلافل بس ترددت من ابوية اخاف يسوي مشاكل بس خالي كال كله لكيت شغل زين واني ازيد يوميتك وبعد فتره تعال اكعد يمنة
تسلم خالي بس كعده يمك لا مو وكتهة عندي احساب وياهم اصفي يالله
لطمت امي ولك حسابيش يمة
حقي وحق اختي وحقج حق ل 7.سنين وضلمهن حق لتعب ولخدمة يمة حق جروحي وكلشي بية
بعد سوالف طويلة ماحسيت بالوكت رجعت للبيت وعبالك مو عايش وياهم لا سألوني وين جنت ولا ماكل شارب
لتفتت لابوية كتلة يابة لكيت شغل احسن من هذا شغلي بس شفت. ليل واتاخر
محد رايد منك شغل اكعد وانجب
مااجيت اخذ رايك بس ردت انطيك خبر
هيج صار شكلة رفع ايده راد يضربني لزمتهة مااسمحلك تضربني بعد اني كبرت موذاك ابن ل 9 سنين تتكبر علية ابن لقندره
ماعاش ليتكبر عليك بس حبيت اذكرك يلة تصبحون على خير
عفتة مهوس وصعدت ولحية مالتة تحش بي
نزلت شمرت عليهة فلوس امممم نسيت انطيج مصرفج ام محمد
يا همزين والله متذكر بس جن فلوسك مابيهن بركة اخليهن بس مايزيدن
افة ليش من كل نفس طيبة انطيج مصرفج
لج يا مصرف هذا وفلوسي يومية ينقصن من جيبي وانتي تاخذ مني ومن هذا وين توديهن
تسويلك سحوره
شنو
لا هيج
احجي ابن لقندره
اكلك تسويلك سحورررررررر يابة
ناصب علية كلب ابن كلب
يلة باي
ياولك تعال مو شعلتهة بيني وبين ابوك ورحت وين راحت لفلوس مال ابوك
اسألي نفسج واني شكو قابل اني ابنج وتحاسبيني
عفتهة تحترك هي وابوية وصعدت واحد ياكل لثاني يموتون على لفلوس
ثاني يوم طلعت للشغل لقديم من لصبح شفت ملابس ابوية مال لشغل مشرورات جبت سطل ماي ورشيتهن وطلعت مااعرف شصار وراية
خلصت لشفت لصباحي رحت لخوالي وبديت اشتغل وياهم
لنص ليل رجعت استقبلني والدي لعزيز
اول ماطبيت كال هلا اجة لدايح وين جنت
شبيك حبيبي نسيت مو كتلك شغلي لجديد
لصبح انت منكع لهدوم
ضربت كصتي ياااا مو شفت بزونة تبول عليهن وغسلتهن والدي لعزيز
عفتة وصعدت بعدني باول باية وااشوف مرة ابوية لعين طافية ولخشم مورم عرفتة ماكلة كتله وسحورته. خلصت بالسيطرة على ابوية
هزيت ايد وصعدت اضحك وهي تشيل بروحة وهركهة بالكاع
بعد كم يوم اخذت نرجس شتريتلهة ملابس وقرطاسية وجنطة ورجعتهة للبيت بدا لدوام من لصبح اخذت نرجس ورحت للمدرسة جانت لابسة ملابس اني شتريتهن الهة
بابة كلش فرحانة لان انت وياية احبك هلكد.
واني اموت عليج
وصلتهة ورحت مجانت تخاف من لمدرسة بالعكس متحمسة الهة
صار وكت لحلة رحت اخذهة رجعنة للبيت شفت امي وللييل رجعت للبيت اول ماطبيت لبيت هدوء كلش ماكو احد
دورت لكيت بس مرة ابوية نايمة وابوية ماكو
اجتي فرصتي طفرت للترك وطفيت لكهرباء عليهة لبست شرشف ابيض ولزكت بالشباك
وادك دكات خفيفة علية لحد ماكعدت مخلوسة عدنة بزونة بالترك شلتهة وية فتحت لشباك شمرتهة بوجهة
مااحجيلكم بللت تفسهة من لخوف بقت لامة رجليهة وصافنة بالشباك من لخوف رجعت كلشي مكانة وشغلت لكهرباء سويت نفسي هسة جاي من لشغل
احم شبيج ام محمد وجهج اصفر صاير شي
ها لا ماكو شي انت شوكت اجيت
انت حولة ماشوفين هستوني اطب للبيت
اكلك بالله شوف لترك سمعت طكطكة بس
اخاف طنطل عدنة ههههه
ها ها لا يمة شسمة هذا وينة لبزونة لا لا
كامت تچفص. من لخوف رحت للترك ميت ضحك رجعت
ماكو شي شبيج خايفة
لبزونة شسمة
شبيهة
لا لا ماكو شي
ولج بس لا سحورتج نكلبت عليج وراح تتخبلين
........
ماكو رد منهة
بقيت مستمر على هاي لحالة شهر وبالتالي ابوية صدمهة بيوم طب وبيده مرة بس بدون جهال
