رواية اسيرة بين يدي قاتل ابي الفصل الخامس 5 بقلم نور آل زيادة
الشخص المناسب يجعلك تقع بالحب مرتين مره في حبه ومره في حب نفسك اما الشخص الخطأ فيجعلك تكرهه وتكره نفسك وتكره الكون
بأكمله 
__________
سراج،،، شوكت كبرتي وهيج تغيرتي وصرتي بهل قوه صرتي تاخذين حقج بأيدج وتواجهين اكبر واحد وين هذيج المراهقه ألي بعيونها برائة الكون كله وينها وهي يوكعوها بالطيين والمطر يزخ عليه وماعدها طريقة دفاع عن نفسها غير دموعها
ونضرات عينه البريئه
البرائه ألي لليوم اشوفها بعينج رغم نضراتج الحاده شُنِوٌ آلَيَ صّآر وٌقُضى عٌلَى آجّمًلَ قُصّةّ حًبً؟؟؟
سيلين،،، ألي صار اكتشفت ماكو شي اسمه حب وماكو شي اسمه أخلاص بس اكو شي اسمه غدر وأكتشفت البرائه والسذاجه اسوء صفه لَهذِآ تٌغُيَرتٌ،، الضاهر ياشيخ السنين والمكانه ألي وصلته نستك شنو ألي صار وآلَيَ سِوٌيَتٌهّ
سراج،،، آلَيَ صّآر مًوٌبًرضآيَهّ غُصّبً عني شي أنفرض عٌلَيَهّ وٌآنِجّبًرتٌ عٌلَيَ وٌکْلَهّ بًسِبًبً جّدٍيَ وٌتوقعتج توكفين ويايا وتصبرين لَآنِ تعرفيني شنو وٌتٌعٌرفُيَنِ مًعٌزٍتٌجّ عٌنِدٍيَ وٌتٌعٌرفُيَنِ مهما صار ماأعوفج بًسِ آنِتٌيَ شُنِوٌ سِوٌيَتٌيَ مًآصّدٍکْتٌيَ رحًتٌيَ رگض تٌزٍوٌجّتٌيَ غيري
سيلين،،،، يَعٌنِيَ بًعٌدٍ کْلَ آلَصّآر وٌطِلَعٌتٌ آنِتٌ هّسِهّ آلَمًضلَوٌمً؟
سراج،، تٌدٍريَنِ يَمًکْنِ صّدٍکْ مًوٌ آنِتٌيَ آلَضلَمًتٌيَنِيَ آنِيَ آلَيَ ضلَمًتٌ نِفُسِيَ مًنِ حًبًيَتٌ وٌأختاريت وٌحًدٍهّ مًثًلَجّ
سِيلين ،،،، هّهّهّهّ وٌحًدٍهّ مًثًلَيَ؟؟ لَيش شبيه ؟ لَوٌ هّسِهّ صّرتٌ موزينه وماأعجب لَآنِ مًآخِضعٌتٌ آلك وٌلا لأهانتك ألَيَ
بس تدري صرت مًتأکْدٍهّ وٌحًدٍهّ مًثًلَيَ مًتفيدك وٌلَآ تٌشُرفُك وٌلَآتٌشُرفُ آهّلَك وٌگرآيَبك آلَتٌحًفُهّ وٌآکْيَدٍ آلَيَ تٌزٍوٌجّتٌهّآ حتى تٌرضيَ جّدٍك مًنِآسِبًهّ آلك آکْثًر
بًآلنهايه الطيور على اشكالها تقع وٌکْلَ وٌآحًدٍ يَآخِذِ نِصّيَبًهّ آنِتٌ آخِذِتٌ ألي تناسبك وٌآنِيَ آلَلَهّ آرسِلَيَ آلَشُخِصّ المناسب آلَشُخِصّ ألَيَ اتٌشُرفُ بيه وٌبأهّلَيَ وٌحًبًنِيَ وٌقُدٍمًلَيَ کْلَ شُيَ حًتى يَسِعٌدٍنِيَ وٌ وٌلَآ يَوٌمً غُدٍرنِيَ
سِرآج بعصبيه،،،
سراج،،،،ولامره هنتج او غدرتج بًسِ کْوٌلَيَ مًنِ شُفُتٌيَ آلَفُلَوٌسِ فُضلَتٌيَ غُيَريَ وشفتي مًنِآسِبً آکْثًر مًنِيَ
سيلين،،،آنِتٌ بأي حًقُ بًعٌدٍ مًاتزوجت وٌبًعٌدٍ کْلَ هّلَ سِنِيَنِ جّآيَ حًتى تٌحًآسِبًنِيَ على زٍوٌآجّيَ مًنِ غُيرك نِسِيَتٌ آنِ.........
فؤاد،،، عفوا شيخ محتاجك بشغله خوما مشغول او قاطعتكم؟
سيلين،،، ألتفتنه ثنينه مًنِ دٍخِلَ فُؤآدٍ وٌقُطِعٌ حًدٍيثنه..... اني طالعه اخذو راحتكم
فرك وجها معصب...
سراج،،، تعال فؤاد تعال،،، يمكن آجّيَتٌ بوقتك
سيلين ،،، مًنِ رخصتكم آنِيَ راح اطلع وٌقُبًلَهّآ رآحً آسِلَمً کْلَ آلَشُغُلَ لَأسِمًآء لَأنِ آلَيَوٌمً آخِر يَوٌمً ألَيَ هّنِآ
مسك الورقه ومزقها بًعٌصّبًيَهّ...
سراج،،، استقالتج مرفوضه ست سيلين ماعندي بديل يستلم القضايا ألي مستلمتهه لوتنتضرين بديل لو تنهين شغلج وبعدها انتي حره
سيلين،،، عندي قضيه تأجلت شهر
سراج،،، هذي شروط عملنا وانتي وافقتي عليها بالبدايه
سيلين،،، يَعٌنِيَ شُنِوٌ تجبروني آبًقى هّنِآ؟
سِرآجّ،،،لانجبرج ولامكتبنه متوقف عٌلَيَجّ بًسِ هّذِآ نِضآمً عٌملنه وٌمًنِ آلبدايه تٌعٌرفُيَنِ وٌوٌآفُقُتٌيَ
سِيَلَيَنِ،،، تٌمًآمً،،، أفُتٌهّمًتٌ
طلعت واحس روحي راح تطلع شلون اخلص من هل مكان صارت بوجهي ميساء عدلت وجهي وابتسمت بوجها وهل شي استفزها تقربت وهمست....
ميساء،،،، لاعبالج هل موضوع انتهى اعرف شلون ارجع حقي من وحده مثلج ترا فاهمتج واعرف تريدين تثيرين انتباه الشيخ وموبعيد حاطه عينج علي،، النماذج التعبانه والطماعه هواي مروا عليه هنا وزحتهم من طريقي والدور جايج
سيلين،،،، هههه،،، همست قريب من اذنها...
_خليته ألج اني مااخذ شي تركته بمزاجي ولااخذ فضالة غيري وجنت اتمنة اترك الشغل بس مع الأسف الشيخ متمسك بيه ورفض استقالتي
ميساء،،، شنو قصدج شي تركتي؟
سِيَلَيَنِ،،، قُصّدٍيَ آلَعٌمًلَ شُبًيَجّ وٌيَنِ رآحً بًآلَجّ
مشيت بعد ماخليتها تشيل روحها وترگعها شوطتها وحرگت دمها
ميساء،،، انت بنت الفكر الطماعه لتصدكين اعوفج
سيلين،،، سويت نفسي مااسمعها وكملت طريقي
ماعرفت شلون خلصت شغلي ورجعت لَلَبًيَتٌ رجعت هلكانه بيومها حتى عشا ماتعشيت ولااهتميت لأبني اعتزلت غرفتي آحًسِ نِآر بًدٍآخِلَيَ وٌحاقده على سِرآجّ حًقُدٍ يَمًکْنِ لَوٌ آشُربً مًنِ دٍمًهّ مًآأرتاح کْلَ آلَسِوٌآ وٌفُوٌکْآهّآ مًعٌتٌبًر نِفُسِهّ هّوٌ آلَمًضلَوٌمً
ضلَيَتٌ آکْلَ بًروٌحًيَ مًنِ آلَقُهّر كنت محتاجه شخص يسمعني وافضفضله همي ألي دافنته كل هل سنين بًداخلي. وهذا سبب عذابي ومرضي الحقيقي،،، الكتمان ألي مع الاسف يجي بعد الخذلان انخذلت من اهم شخص بحياتي
آخِر شُيَ اتصلت واتساب على ساره بالبدايه ماردت بعدين رجعن هي اتصلت
ساره،، شلونج سيلين مشتاقتلج وينج صار كم يوم اشو ماكو
سيلين، اعذريني انشغلت عنج
ساره،،، شبيج سيلين ليش احسج تعبانه ومهمومه وصوتج ماادري شبي؟
سيلين،،، ماتحملت انهاريت و نِزٍلَتٌ دٍمًوٌعٌيَ
ساره،،، لتخوفيني الله يخليج شنو صاير بس فهميني؟
سِيَلَيَنِ،،، رجّعٌ سِآرهّ رجّعٌ،،،، آلَيَ دٍمًر حًيَآتٌيَ رجع
سِارهّ،،، سِرآآآجّ؟!!!
سِيلين ،،، أيَ رجّعٌ وٌبًعٌدٍ کْلَ آلَسوا بًيَهّ آلَدٍنيا کْآفُئته وٌصّآر وٌضعٌهّ آفُضلَ مًنِ قُبًلَ وٌفُوٌکْآهّآ مًحًمًلَنِيَ آلَمًسِؤوٌلَيَهّ
سِآرهّ،،، فُهّمًينيَ آلَصّآر وٌيَن شفتي؟ وٌشُنِوٌ حًجّيَتي وٌيَا؟
سِيلين ،،، باعٌيَ هّوٌ آنِيَ مًوٌ أشتغلت بًآلَمًکْتٌبً آلَيَ يَشُتٌغُلَ بًيَ فُؤآدٍ فُهّوٌ...................... سِوٌلَفُتٌلَهّآ کْلَ آلَصّآر وٌشلون ألتقيت بًيَ
سِارهّ،،، آنِيَ هّيَجّ صّلَآفُهّ مًآشُفُتٌ؟ يَعٌنِيَ بًعٌدٍ کْلَ شُيَ سِوٌآ وٌيَکْلَجّ لَيَشُ عٌفُتٌيَنِيَ،،،،، آآآآخِ لَوٌ أشوفه آلَآ آگلَهّ بًسِنِوٌنِيَ شُنِوٌ مًنِ بًشُر هّذِآ زٍيَنِ آنِتٌيَ هّسِهّ لَيَشُ ضايجه؟
سِيلينِ،،، ضايَجّهّ لَأنِ وٌجّوٌدٍهّ فُتٌحًلَيَ کْلَ جّروٌحًيَ
سِآرهّ،،،،سِيَلَيَنِ آخِآفُ بًعٌدٍجّ تٌحًبًيَ؟
سِيلين ،،، آحًبًهّ؟؟ کْوٌلَيَ آکْرهّهّ،،، کْوٌلَيَ آمًوٌتٌ مًنِهّ وأريَدٍ آشُربً مًنِ دٍمًهّ وٌلَوٌ دٍمًهّ نِکْسِ بًسِ لَوٌ بًيَدٍيَ آطِلَعٌ روٌحًهّ بًيَدٍيَ
سِارهّ،،،أتحملي فُتٌرهّ وٌعٌوٌفُيَ آلَشُغُلَ وٌآنِسِيَ وٌکْمًلَيَ حًيَآتٌجّ
سيلين ،،، هّهّهّهّ،،، حًيَآتٌيَ؟؟؟ عٌنِ آيَ حياة تٌحًجّيَنِ؟ لَيَشُ بًفُضلَهّ کْدٍرتٌ آعٌيَشُ حًيَآتٌيَ
سِآرهّ،،، لتخوفيني عليج سيلين وٌفُهّمًيَنِيَ عٌلى شُنِوٌ نِآوٌيه
سيلين،،، ماناويه على شي عوفينه من هل تافه مابقى شي استقيل ويطلع من حياتي وهل مره للأبد
سِآرهّ،،، آلَلَهّ کْريَمً ان شاء الله ،، آرتٌآحًيَ وٌکْآفُيَ تٌفُکْريَنِ بًآلَمًآضيَ وٌهّذِآ سِراج لتحجين ويا عوفي هّوٌ وٌربًهّ
سيلين ،،، آنِ شُآء آلَلَهّ،،،
وٌدعتها وحاولت انام بًسِ ماكدرت لَلَفُجّر يَلَهّ نِمًتٌ وٌکْعٌدٍتٌ آلَصّبًحً جّسِمًيَ مًکْسِر وٌمًزٍآجّيَ برتقالي تحممت وٌرتبت نفسي بًدٍلَتٌ وٌرحًتٌ لَلَمًحکْمًهّ روٌحًيَ طِلَعٌتٌ الى ان خِلَصّتٌ شُغُلَيَ
تٌوٌجهت لَلَمًکْتٌبً وٌروٌحًيَ بًآنِفُيَ وٌصلت قبل لَآ آدٍخِلَ لَبًآبً البنايه وٌحتى تٌکْمًلَ وٌيايا آرتٌطِمًتٌ بًواحد عٌبًآلَکْ ثًوٌر شُکْبًرهّ وشضخماته
هّدٍئتٌ نفسي حتى لااسبب مشكله تكلمت بأحترام لَآنِ آلَسِبًبً مني اني ألي ماانتبهت
__آسِفُهّ ماأنتبهت
__لَآآنِيَ ألي اعتذر منج،، ليدي،، الخطأ مني أني ألي ماانتبهت خوما أتأذيتي؟
سِيلين: لا ماصار شي
__ تٌوٌقعت راح تجاوبيني أكيد (لَآ)
وٌرآحً آجاوبج... آلَمهم سلامتج...
وٌرآحً تبتسميلي وأبتسملج وراها اطلب رقُمًجّ هّآ موعلمود شي بس حتى اطمئن عٌلَيَجّ لَآنِ آنِيَ شڤل وٌدٍعمتج
وٌآنِتٌيَ راح تنطيني الرقم وأخابرج وتخابريني وٌنتعرف وبعدها کْلَلَلَلَلَلَلَوٌوٌوٌوٌشُ آلَفُ آلَصّلَآةّ وٌآلَسِلَآمً عٌلَيَکْ يَآحًبًيَبً آلَلَهّ مًحًمًدٍ
وتوته توته خلصت الحتوته على گولت اخوانه المصريين،، سبحان الله هذا المقطع دائما اشوفه بالمسلسلات بين البطل والبطله وشكلج حابه تطبقين المسلسلات براسي
كلجن نفس الدروب بس اكيد هل شي ميمشي عليه لأن متمشي عليه هل سوالف ولهذا راح أكلج بكل بساطه
أنتبهي لطريقج من تمشين مره ثانيه وذبي المناضر حتى تشوفين زين وماأنصحج تطبقين المسلسلات على ارض الواقع
سيلين: كل كلامه يتكلمه بسرعه ومينطي مجال ضليت واكفه متكتفه وأباوع علي منتضره يخلص
توقف نزعت المناضر وجاوبته بهدوء عكس داخلي
خلصت كلامك؟؟
_لا
سيلين: ولاراح تخلص لأن الضاهر بالع مسجل
اخي طمني انت بكامل قواك العقليه لو الشخط ألي بحاجّبك مأثر على دماغك
رفعلي تك حاجب وعوج حلگه ماعاجبه كلامي
_ لتجفصين وتجبريني اهين مرا
سيلين: جرب وشوف المرا شتسوي وأنت شنو هل الأوڤر،، كلامك اوڤر وأنت أوڤر،،، شتحس؟
أستلمتني لك،، لك،، لك،، متنطي حتى مجال
وبعدين انت منو ضاحك عليك وكايلك انت فد شخصيه مرموقه بالمجتمع والنسوان تسوي افلام حتى تثير أنتباهك،، أمي انت شايف وجهك بالمرايه لو لا هو صوجك لو صوجي اني اعتذرت منك
قبل ليحجي كلمه زايده عفته ومشيت
أنتبهت طول كلامي هّوٌ يَبًآوٌعٌ بًوٌجّهّيَ ومركز آسِتٌوٌقُفُنِيَ کْلَآمًهّ...
__آنِتٌي مو ام آلَبتاوين لَوٌ آنِيَ غُلَطِآنِ؟
سِيَلَيَنِ،، آنِدٍاريَتٌ عٌلَيَ...
_ام البتاوين شنو؟
__ أقصد أنتي مو ألي تٌعٌرفُيَنِ فُؤآدٍ وٌمًرهّ رآدٍوٌ يسلبوكم آنِتٌيَ وٌصديقتج وٌآنِيَ وٌجّمًآعٌتٌيَ آجّيَنِه طِلَعٌنِآکْمً؟
سيلين ،،، سِآعٌةّ آلَسِوٌدٍهّ!! آوٌکْفُ عٌرفُتٌك آنِتٌ نِفُسِکك آبًوٌ سِجّيَنِ مًآآعٌرفُ آبًوٌ سِآطِوٌر وٌآنِيَ آکْوٌلَ وٌيَنِ شُآيفتك
-- کْدٍآمًچ آبًوٌ طِبًرهّ شُخِصّيَا
سِيَلَيَنِ،،، تشرفت بيك استاذ ابو طبره
حك طرف حاجبه وهمس...
__ خجلتيني بأخلاقج
سيلين،،، من رخصتك
مشيت تاركته ورايه يسولف ويا نفسه شخص غثيث مرتين ألتقيت بي وبالمرتين يغثني مبين مشكلجي ويدور لغاوي لهذا تلافيته من جاوبته بأحترم حتى يسكت وفعلا سكت
دخلت مكتبي سلمت وبلشت شغل وراسي يريد ينفجر من الصداع رفعت راسي من سمعت صوت سراج يسلم على الجميع
سراج،،، السلام عليكم
كان يمشي بالممر وبجانبه ميساء يمشون سوا هو ماألتفت بأتجاهي نهائيا بس ميساء باوعت وصارت عينها بعيني باوعتلي بحقد ومشت ولاانطيتها اي اهميه رجعت لشغلي حولولي شخص استفسر عن قضيه وماصار بينا اتفاق وراح
اسماء،،، شبيج اليوم احسج موعلى بعضج؟
سيلين،، لامابيه شي شويه تعبانه ومصدعه
اسماء،،، ها سلامتج
سحر،،، هلو كايز شلونكم،،، شلونج ست سيلين؟
سيلين،،، الحمد الله
سحر،،،هواي فرحت من شفتج اليوم رجعتي داومتي
سيلين،،، ليش شنو اليمنع؟
سحر،،، صراحه خفنا لا تنفصلين بسبب المشكله الصارت
سيلين،،، يكون احسن لويفصلوني بس ماصارت الشيخ رفض استقالتي
اسماء،،، هههه،،، والله ضربه قاضيه للست ميساء
سحر،،، عرفها قدر نفسها هنا حتى تبطل تتطاول على الموضفين
اسماء،،، وطبعا الفضل كله لسيلين
سيلين،،، ماسويت شي
سحر،،، هي،، هي،،، تكول ماسويت شي انتي غير البارحه صرتي حديث الموسم خليتينه اليوم كله نحجي بيج،،، تدرين وبدون مبالغه كلامج ونضراتج وأسلوبج وشخصيتج تجنن اكبر واحد ينجبر يسكت ويحترم كلامج جلطتيها لميساء
اسماء،،، اي صدك حتى انتبهت استاذ سراج هم ضل صافن بيج ومركز بكلامج شفت بعيونه نضرت اعجاب يعني موقصدي شي بس اثناء كلامج انتبهتله انبهر بشخصيتج
سحر،،، هو كلنا انبهرنا خصوصا من ست ميساء صارت تمتمت كدامهه ومتعرف تحجي رغم هي طبعا طول الوقت صوته يلعلع عود مسويه نفسه شخصيه بس انتي وكفتيها عند حدهه وصراحه اني والبنات حابات نشكرج لأن بفضلج عرف الشيخ ونبهتي على تصرفاتها وخلاها تعتذر من عدنا
اسماء،،، اي والله شفيتي غليلنه منها
سيلين،،، ماسويت شي وماعندي مشكله وياها ولاكان غايتي اقلل من شأنها كل الصار مشكله بسيطه وانحلت واعتذارها منكم لأن شافت نفسها غلطت بحقكم وبالنهايه هي هنا محاميه ممتازه وألها مكانتها وانتو ألكم مكانتكم وماكو واحد احسن من الثاني
سحر،،، انتي بنضرج ماسويتي شي وأحنا بنضرنا سويتي هواي ولهذا بهل مناسبه حابه اعزمكم ومااريد احد يعترض البارحه قطيت اخويه حتى نطلع ناكل يله حضرن نفسجن حتى نطلع
اسماء،،، يعني هسه
سحر،،، اي،، نروح هنا لهذا المطعم براس الشارع منتأخر ناكل ونرجع وشويه نغير نفسيتنه
اسماء،،، والشغل؟
سحر،،، شبيج منتأخر شويه ونرجع،،، يله سيلين
سيلين،،، اعذروني مااكدر روحوا انتو بالعافيه
سحر،،، هي كل الطلعه علمودج لتخجلينا
سيلين،،، صدكيني موغايتي اخجلكم بس فعلا تعبانه ومصدعه
اسماء،،، يجوز من الجوع صار عندج صداع امشي ويانا يجوز من تاكلين تصيرين زينه
سيلين،،، صدكيني مو....
سحر،،، صدك ازعل اذا رفضتي
اسماء،،، لتزعلينه منج
سيلين،،، خجلوني بألحاحهم اضطريت اروح وياهم وانضمت ويانا زميله اخرى اسمها فاطمه رحنا اربعتنه
سيلين،، طلبوا الاكل وكعدنا ناكل
اسماء،،، ممم،،، الاكل هنا يخبل
سحر،، بالعافيه،،، وشيعجبكم اطلبو اليوم الجيب مليان
فاطمه،،، ولج بشكد قاطته لهل المسكين؟
سحر،، اني شعليه هو انطاني
سيلين،، زين من اخوج يصرف عليج مع انو انت متوضفه
سحر،، هو فدوه لگلبه حنين من يستلم راتبه يوزعه علينه
سيلين،، شنو عمله؟
سحر،،، عسكري
فاطمه،،، شلون راتبه يكفي وهو يوزعه عليكم؟
سحر،،، هو يكول الله حافضني ومبارك برزقي على گصتكم
سيلين،،، الله يحفضه وينطي على گد نيته هو هذا السند الحقيقي
فاطمه،،، اني هم اخوتي هيح حنينين بس امكانيتهم متسمح بس من يصير عدهم ميقصرون
اسماء،،، جنت اتمنى يكون عندي اخ بس مع الأسف احنا بس بنات
فاطمه،،، سيلين عندج اخوان؟
سيلين،،، عندي اخ وثلاث خوات
اسماء،، اخوج هم حنين عليكم
سيلين،،، جاوبت بغصه،،، اكيد
سحر،،، اللبنيه العدها اخ متنضلم وماكو واحد يكدر ياخذ حقها
سيلين،،، اسمع كلامهن والغصه بداخلي كنت اتمنى هل كلام ينطبق على اخويه بس مع الاسف
سحر،،، استاذ سراج هم كلش تعجبني علاقته بأخوته كلش حنين عليهم ومحتويهم وصايرلهم عبالك اب مواخ
فاطمه،، شمدريج؟
اسماء،، صدك شلون عرفتي احنا منعرف اي شي عن حياته غير بس متزوج وعنده ابن اسمه الأمين
سحر،،، اصلا هو ماعنده ولد بس بنات ثنين توأم
اسماء،،، الله عليج،، شمدريج؟
سحر،،، بنت اختي تصير صديقة بنت اخته لمرت الشيخ
اسماء،،، ويجوز هو متزوج اكثر من وحده وعنده غير هل بنات وعنده ولد لأن معروف الشيوخ ميبقون على وحده
سحر،،، لامتأكده ماعنده زوجه غير وحده واطفال بس بنات ثنين
فاطمه،،، غريبه،، شعجب باقي على بنيتين؟
سحر،،، مااعرف بس حسب كلام بنت اخته لمرت الشيخ هو كلش يعز مرته ويحبها
اسماء،،، مرته حلوه؟؟ دائما عندي فضول اتجاهه؟
سحر،، صراحه لاشايفيها ولانعرف شلونها بس بنت اختها تكول خالتي تخبل من جمالها الشيخ اول ماشافها حبها جان خاطب غيره فسخ خطوبته وأتزوجها
سيلين،،،احس هل كلام فزز الماضي المدفون بداخلي صرت استمعلهم بكل حواسي
فاطمه،،،يااخطيه زين شنو ذنبهه اللبنيه ألي فسخ خطوبته وياها؟
سحر،،،لاياخطيه يكولون اصلا استغفر الله هي موخوش بنيه واهله وجده للشيخ هواي حذروا منها ومن اكتشف حقيقته عافهه وتزوج بنت عمته
سيلين،،، متلاحضين الكلام متناقض مره هو عاف خطيبته لأن حب بنت عمته وتزوجه ومره عاف خطيبته لأن طلعت موزينه واهله حذروا منها ومن كشف حقيقته عافها وين الحقيقه بين هل الروايتين؟
سحر،، شمدريني هذا كلام بنت اخته لمرته للشيخ
اسماء،،، خطيه مسكينه ست ميساء على هل الحاله بحياته ماراح يگلبها كاتله روحها وهو مامعبر
سحر،،، ولاراح يعبرها خصوصا حسب ماسمعت كل ألي وصله الشيخ وحاله وماله وحتى الشيخه كل هذا حصله بفضل مرته اكيد ماراح يعوف كل هذا علمود ميساء
فاطمه، سيلين ليش مااكلتي
سحر،، اخاف ماعجبج الاكل انزلج غير شي
سيلين،، لاشكرا،، شبعانه والله لخاطركم اجيت
واذا خلصتوا خلي نرجع لشغلنا
رجعنا واني احس نار بداخلي من ألي سمعته كنت شاكه وشبه متأكده من السبب بس غشمت نفسي كل هل سنين وكلت ميسويها غدرني وخاني علمود السلطه والمال وحتى يرضي اهله وجده وماكفى هل الشي طعنوني بشرفي كذبو الكذبه وصدكوها للان يبررون خيانتهم على انو اني السبب اني ألي موشريفه لهذا تركني وحب وتزوج بنت عمته
من حرگت گلبي تمنيت اروح لمكتبه اطلع روحه بأيدي،،، سنين واني دافنه ألمي وقهري وعذابي وحقدي بداخلي خسرت اعز انسان ألي
وهو عايش ومرتاح الكلام ألي سمعته موغريب عليه ولا ماسامعته بس تناسيته كل هل سنين واليوم رجعت جروحي تفتحت
راحن البنات كلمن لعملها واني توجهة للحمام اغسل بأيدي ووجهي اريد بس ابرد وصار العكس حتى جسمي صار يرجف حاولت اهدء نفسي مااريد ابين ضعفي امام اي شخص رجعت للمكتب لكيت ابو حوراء وبنته ينتضروني سلمت وكعدت استمعلهم
ابوحوراء،،، يابنتي هل قضيه بدت تكبر وأحنا موكدهم
سيلين،،، ليش عمي موكدهم،، احنا باذن الله اكبر منهم
حوراء بدموع،،، من سمعوا رفعنه عليهم قضيه طشوا بكل مكان عود هو ضربني وطردني من بيته لأن اني خاينته وموشريفه
سيلين،،، حقير ونذل كل شي يطلع منه ومن امثاله سوا هل شي حتى كدام القاضي يبرر ضربه ويطلع هو المضلوم بس اني أله هل قضيه صارت قضيتي الشخصيه موبس قضيتكم راح اطلع حقكم من نص عيونه وميكون اسمي سيلين اذا ماافضحه واشرشحه بين الناس بس انتضرولي
ابوحوراء،،، بنتي هذوله ناس مايخافون الله وكل شي يسون اخاف يضرونا
سيلين،، عمي انت بس ضل واكف ويا بنتك واني بأذن الله ارجعلها حقها
ابوحوراء،،، بالنسبه للأتعاب اني...
سيلين،،، قبل لتكمل موضوع الأتعاب انسى ولتحجي بي واني مسؤوله عن كلامي
ابوحوراء،،، بس بنتي السالفه مترهم
سيلين،،، لاترهم ونص كتلك السالفه صارت تخصني اني هم موبس انتو
حوراء،،، الله يخليح ست لتعوفيني وخلصيني منه
سيلين،،، وعد،، راح اوكف وياج لأخر لحضه
حوراء،،، شكرا
ابو حوراء،،، الله ينطيج بنيتي ويحفضج لشبابح
سيلين،،، ترخصوا وطلعوا واني صرت اغلي غليان اليوم كل شي بالحياة مصر ينرفزني
باوعت شفت ميساء السحاره واكفه امام باب غرفة مكتبنا ومركزه ويايا من باوعتلها خزرتني وراحت
اسماء،،، اكلج سيلين هاي ميساء جانت تتسنط عليج واكيد راح توصل للشيخ
سيلين،،، مامسويه شي غلط اني
اسماء،، كتلج سابقا المفروض متتصرفين بكيفج بموضوع الأتعاب مال القضايا
سيلين،،، الله كريم
جسمي يرجف واعصابي تلفت موضوع حوراء زاد الطين بله،،، اكثر شغلتين اكرهن بحياتي الضلم وانو شي ينفرض عليه رافضته وثنينهن مريت بيهن
__ست سيلين استاذ سراج طالبج
سيلين،، اي،، تمام
اسماء،،، موكتلج هل حيه ماراح تسكت
سيلين،،، عادي ماكو شي،،، اخذت حقيبتي ورحت لمكتبه
امام باب المكتب سحبت نفس قوي اقوي بي نفسي وشديت اعصابي حتى اسيطر على رجفتي وطرقت الباب اجاني صوته يأذن بالدخول فتحت الباب ودخلت شفته كاعد وماسك الجكاره بيده وامامه منفضه مليانه گطوف چكاير الضاهر الأستاذ صاير مدمن من الطراز الرفيع الله يرحم من كان حتى نفسه تلعب من ريحتهه،،، جليت صوتي وكلت...
_السلام عليكم
سراج،،، وعليكم السلام تفضلي ست سيلين
سيلين،،، تفضل استاذ سراج كالو طالبني؟
سراج،،، ست سيلين انتي من اول يوم بلشتي عمل بهل مؤسسه تعرفتي على قوانينه ووافقتي عليها لكن ألي جاي ألاحضه كل مره،،، انتي ماخاله اهميه لأي شي،، بكيفج تقررين تتركين العمل وبكيفج تبقين،،، وحتى القضايا ألي تستلميها على مزاجج...
سيلين،،، استاذ ماكو داعي لهل مقدمات واني اعرف وانت تعرف شنو الموضوع الأساسي ادخل بالموضوع مباشرتا وكلي شنو وصلتلك ست ميساء واني اجاوبك على اساسها
سراج بغضب،،، ست سيلين انتبهي لأسلوبج بالكلام ويايا ولتقاطعيني من احجي وبطلي اسلوب الهجوم ولتنسين الكاعد امامج مديرج بالعمل
سيلين،،، اعصابي بدت تفور وجسمي رجع يرجف اريد اجاوب بعد مااكدر
سراج،،، سكتي؟ تعرفين نفسج غلطانه
سيلين،،، لارد
سراج،،، عالعموم موضوع الأتعاب
سيلين،، قبل ليكمل كلامه فتحت حقيبتي وطلعت مبلغ....... دولار وخليتهن على المكتب
باوع بذهول...
سراج،،، شنو هاي؟
سيلين،،، اتعاب القضيه ألي استلمتها ومااتفقت وياهم لأن اني ناويه اتكفل بالأتعاب
سراج،،، اولا الامور الماليه مويمي وثانيا منو گلج هذا قصدي،،، شيليهن من كدامي وانتبهي لتصرفاتج مره ثانيه لأن هاي عيبه بحقي مو الشيخ سراج يحاسب شخص علمود فلوس،، بطلي تسبقين الأحداث
اني طلبتج لأن سمعت الرجل هو وبنته ألي وكلج بالقضيه رجل على كد حاله وألي فهمته انتي ناويه تشيلين كل القضيه هي وتكاليفهه وطلبتج حتى اكلج هيج موضوع المفروض ترجعين بي أليه حتى نتفق لأن مثل هيج اشخاص اني مااخذ منهم اتعاب هاي حالات انسانيه اكثر من ماتكون قانونيه
سيلين،،، ماكنت ادري
سراج،، متدرين لأن ماحاولتي ولا كلفتي نفسج حتى تسألين او حتى تنتضرين شخص يفهمج كالعاده تفسرين على مزاجج وتتخذين القرارات وحدج وميهمج الشخص الكدامج كل هل سنين ومابطلتي هل طبيعه
سيلين،،،،وكفت على طولي وجاوبته بعصبيه ...
_مابطلت ولاراح ابطل واذا ماعاجبتك تصرفاتي اطردني من الشغل،، هذا اني سيلين وهذي تصرفاتي ألي ماعجبتك قبل لاانت ولااهلك واذا ماعاجبتك هسه هم اخلص مني وخلصني ليش مبقيني هنا،،، كاره تصرفاتي وكاره وجودي ليش مبقيني؟ ها،،، جاوب؟
كام من مكانه وكف امامي وهو ينضرلي بقلق
سراج،،، سيلين شبيج ماكو داعي لهل عصبيه ليش جاي ترجفين؟
سيلين،، مابيه شي واذا كملت كلامك حتى اطلع
سراج،، اكعدي ارتاحي
سيلين،بعصبيه،،، كتلك مابيه شي ومااريد ارتاح ومااريد منك انت بالتحديد اي شي
صرت ارجف بقوه ألى درجة مااكدر اوكف على رچلي كعدت منهاره قوايه
سراج،،، سيلين شبيج لتخوفيني ليش هيج حالتج؟
جاوبيني ليش ساكته؟
سيلين،،، ماجاوبته لأن بس اجاوب راح تنزل دموعي ومااريد يصير هل شي راح بسرعه للثلاجه الموجوده بمكتبه جابلي مي وعصير فتح علبه المي وقدمه اخذته منه بأيد ترجف اشرب والمي يتناثر على ملابسي اخذه مني وهو شربني رجع فتح علبة العصير وحاول يشربني لكن رفضت حاولت اوكف حتى اطلع من هل مكان لكن الرجفه مستمره
سراج،،،لااله الا الله،،، بس فهميني شبيج؟
سيلين،،، مابيه شي
سراج،،، يامابيج شي،، خلي اخذج للمستشفى وضعج ابدا موتمام
سيلين،،، تدري شنو احلى شي بيك؟ تقتل القتيل وتمشي بجنازته،،، لتسوي نفسك مهتم وانت لوبيدك تثرمني بالمثرامه حتى تحول كل شي بيه الى قطع صغيره
سراج،،، وليش اسوي هل شي؟
سيلين،،، المفروض اني أسالك هل سؤال ليش؟بس ماراح اسأل لأن اليوم عرفت الجواب ألي اتمنيت اعرفه صار سنين اويمكن كنت اعرفه بس غشمت نفسي
سراج،،، وضحيلي كلامج وعوفي هاي طريقتج بالكلام والأفضل لوتعوفين هل السوالف وتطلعين من دور المضلومه وكومي خلي اوديج للمستشفى افضل
سيلين،،، وكفت على حيلي ونترت بعصبيه...
_اموت تعرف شنو اموت ولا اقبل المساعده منك
رجعت الفلوس للحقيبه اخذتها والرجفه ماراحت مشيت واني جسمي منهار لكن قويت نفسي بكل مااملك من قوه حتى اطلع من هل مكان
سراج،،، لخاطر مًحًمًدٍ بطلي عناد،،، شوفي حالج حتى مشي متكدرين تمشين
سيلين،، ماعبرت كلامه ولاجاوبته كملت طريقي ورحت لمكتبي كعدت،،، دقائق وصار فؤاد يمي
فؤاد،،، شبيج سيلين؟
سيلين،،، منو كلك بيه شي
فؤاد،،، الشيخ گلي،،،، كومي خلي اخذج للمستشفى
سيلين،،، لتكبر الموضوع مابيه شي رجفه بسيطه وهسه تروح
فؤاد،،، امشي اخذج عالببت
سيلين،،، ماعاندت لأن وضعي بعد ميسمح وصار ضروري اخذ دوا وصلني للبيت اول ماشافت وضعي سميه عرفت راحت جابتلي علاجي اخذته ومن اشتغل مفعوله وهدئت استلقيت بمكاني على القنفه شويه وغفيت بملابسي كعدت على صوت سيف يسولف ويا سميه اول ماشافني فتحت عيني اجه حضني
سيف،،، مامي
سيلين،، روحهه
سيف،،، كومي ماما حتى نتعشا سميه سوت لزانيا تخبل
سيلين،،، موجوعانه انت اكل
سيف،، مااكل اذا متاكلين
سيلين،،، ماكدرت ارفض كعدت اكلت شويه،، شويه و انفتحت نفسي ونسفت القالب
سيف،،، هههه تكولين موجوعانه؟
سميه،،، الضاهر اليوم مغثوثه مغثه معدله راح اقفل الثلاجه قبل ليصير هجوم ليلي
سيلين،،، ههه،،،، لتعبين نفسج بعد اكلت وشبعت
سميه،،، اتشاقه حبيبتي اذا الأكل يخليج مرتاحه اكلي ماكو شي يسوى بهل دنيا
سيلين،،، عدنا نوتيلا
سميه،،، هههه موشبعتي؟
سيلين،،، شبعت بس محتاجه ارفع هرمون السعاده
سميه،،، عدنا بالثلاجه وماوصيج اكلي العلبه كلها ووراها تخربطي وضلي اسبوع بدون اكل
سيلين،،، بطلت مااريد راح اروح انام
سيف،،، اني هم نعست
سميه،،، شجاكم بعد وگت
سيلين،،، تعبانه
سميه،،، ارتاحي ونامي نوم العوافي
سيلين،،، يله سيف امشي احضرك للنوم
سميه،، روحي ارتاحي اني اهتم بي
سيلين،،،تمام،،، شكرا
توجهت لغرفتي فتت للحمام مباشرتا اتحممت وطلعت للدريسنك روم لبست ملابس مريحه للنوم مشطت شعري وملسته خليت مرطبات لبشرة وجهي وجسمي صليت
حاولت انام لكن دماغي رفض ضليت ساعات اتقلب بمكاني الى ان اذن الفجر توضيت وصليت رحت للمطبخ طلعت نوتيلا اكلت وسويت كوب حليب واخذته للغرفه البيت هدوء لكيت سميه كاعده للصلاه
سميه،،، ها ام سيف محتاجه شي اسويلج ريوك اذا جوعانه؟
سيلين،،، لاحبيبتي شكرا مااريد شي
سميه،،، شكلج عبالك مانايمه
سيلين،،، اي مانمت
سميه،، شلون راح تروحين للدوام؟
سيلين،، ماعندي شي الصبح العصر يله اروح راح اروح احاول انام وأوقت المنبه نهائيا لتكعدوني ألا اني اكتفي واكعد
سميه،، زين منكعدج على الغدا؟
سيلين،، لا اكلت
سميه،، تمام على راحتج
سيلين،،،، دخلت للغرفه وكفت اشرب الحليب
امام النافذه المطله على الحديقه ضليت اباوع والافكار تدور براسي صارعقلي يسترجع كل المواقف ألي مريت بيها اليوم ويا سراج ليش للان اشوف اللهفه بعينه اتجاهي؟ معقوله تمثيل؟ شربني المي وعيونه كلها حنيه واهتمام وخوف راح يخبلني هل بني ادم
شي بداخلي يگلي.. شبيج سيلين اصحي عن اي اهتمام واي لهفه تحجين لتنسين هل شخص هو سبب دمار حياتج،، نسيتي ألي سوا لو تناسيتي
انتفضت من مكاني مثل المجنونه
لا لا مانسيت شلون انسى رحت للخزانه فتحتها وطلعت بوكس محتفضه بي صار سنين يم ضحى ببيت اهلي ومن توفى ثامر رجعته يمي طلعته وكعدت على السرير فتحته كل شي بمكانه طلعت كارتات الهدايا والمعايدات ألي بيها اجمل كلمات الغزل قريتهن والكلام ألي بيهن رجعني ١٠سنوات عيوني أمتلت بالدموع وخفق گلببي مثل اول مره قريتهن بيها،، رجعت شلت بأيدي قلاده تلمست الحجر ألي بيها باللون الفيروزي حضنتها خليتها على گلبي نزلت دموعي بغزاره
وين وعودنا ووين احلامنا ليش كل شي راح؟ ليش كل شي ضاع منه،؟ ضاع حبنه وضاع عمرنه ماضل من سيلين وسراج غير بس الذكريات وجروح ماكو شي يشفيها
رجعتها وشلت دفتر ذكرياتي فتحت اول ورقه منه وصرت استرجع ذكرياتي ألي مريت بيها قبل سنوات من الأن
فلاش باك
................
كنت طالبه آعٌدٍآدٍيَهّ صّفُ رآبًعٌ بًشهر ١٢ بًآلَتٌحًدٍيَدٍ کْآنِ بًوٌقُتٌهّآ عمري ، ١٥ سنه او اكثر بشويه كانت اكو طالبه كل مره تشوفني تسوي ويايا مشكله واني اتلافاها لأن مااحب المشاكل وسكوتي خلاها تتصور اني انسانه ضعيفه ومع الاسف هاي الحقيقه اني كنت جدا بريئه وطيوبه ومااعرف حتى ارد اثناء اي نقاش،، خجوله كلش كان سلاحي الوحيد دموعي
مره طلعنه من المدرسه ونزل المطر و شوارعنا من تمطر يصير طين خصوصا احنا بمنطقه مو راقيه ولاشوارعنا مبلطه
امشي بالشارع وهي وصديقاته يمشن ورايه ويتحارشن واني مااعبر بس هل شي استفزهن اكثر دفعني ووگعت على الارض صدريتي وحقيبتي وكل شي بيه صار كله طين بحيث الطين وصل لشالي الابيض
ضحكن ضحكه حقيره ومشن واني احاول ألم لم نفسي من الموقف ألي صرت بي ردت ارفع نفسي بس قدمي ماعانتني لأن انجرحت رچلي ويمكن صار شي بالعضم ماكان عندي غير الدموع ألي تنزل والمطر ينزل عليه الى ان سمعت صوت شاب
سراج،، يابنيه بيج شي؟ محتاجه شي؟
سيلين،، رفعت راسي وصارت عيني بعيونه اني عيوني تمطر دموع
سراج،،، ماشاء الله تبارك الله شبيها هل العيون تبچي موحرام تبچيها
سيلين،،، زدت بالبكاء وضميت وجهي بأيدي
سراج،، كافي بچي وكومي ملابسج كلها صارت طين وشبعتي مطر والجو بارد
سيلين،،، مااكدر اكوم انجرحت رچلي و احس الساق انكسرت الله لاينطيهن دفعني وراحن
رجعت للبكاء..
سراج،، كافي تبچين يمعوده جيبي ايدج خلي اكومج
سيلين،،، لاميصير حرام تلزم ايدي
سراح، لاحول الله بابا حالات خاصه لعد تبقين بالكاع وبالمطر والطين
سيلين،،، لاعفيه روح صيحلي واحد من اهلي يساعدوني
سراج،،، ترا ماراح اگلج رايد اساعدج
سيلين،،، تاكلني شنو قابل اني اكل
سراج بابتسامه،،، لاحول الله انوب طلعت فطيره ياربي،،،، جيبي ايدج وفضينا ثنينا لأن اني هم شبعت مطر وتبللت من وراج
سيلين،،، مسك ايدي وگومني بس قدمي مااكدر امشي عليها من الوجع ردت امشي وعطت من وجعي
سراج،،، هسه شلون راح ترجعين لبيتج بهل وضع؟
سيلين،،، مااعرف مااعرف..... ورجعت للبكاء
سراج،،، وتالي اليوم راح نگضيها بس دموع موعيونج راحن
سيلين،،، بهل اثناء توقفت سياره يمنه باوعت هاي مرشدة الصف مالنا نزلت الجامه مال سياره
سلوى،،،، سيليييين،، شتسوين هنا وشنو هذا حالج؟
سيلين،،، ست وكعت بالطين واحس رچلي انكسرت
سلوى،،، وهذا منو؟
سراج،، اني مستطرق من شفت وضعها وكفت حتى اساعدها وعلى فكره هي ماوكعت اكو بنات وكعوها وانهزمن
سيلين،،، لا ست موقصدهن ديشاقن
سراج،،، ياشقى اني لمحتهن من بعيد شلون دفعنج بحقاره ليش هل خوف والچبن؟
سيلين،، اني موجبانه بس مااحب المشاكل
سراج،، لا هذا ضعف
سيلين،،، خزرته على كلامه
سراج،،، ماشاء الله طلعتي تعرفين تاخذين موقف وتخزرين لوقررتي تصيرين سباعيه من يمي،،، امدى حضك سراج حتى ويا الزعاكيط مانصفك،، اروح احسلي مادام اجت مدرستج واذا تريدون شي كولولي قبل لااروح
ست سلوى،،، هههه يازعاطيط ليش انت من كبرك؟
سراج،،، اني محامي وعمري٢٣ سنه موصغير
ست سلوى،،، بعدك ابني بأول شبابك لتكبر نفسك وتسوي روحك شايب،،،
تعالي اصعدي اني اخذج للبيت والباجر حسابي ويا هذني السون بيج هيج
سيلين،،، تقدم عليه واني رجفت انتبه لخوفي وارتباكي وطلب مني امسك ساعد ايده فوك الستره مشاني للسياره وصعدني سلم وراح واني من خجلي حتى ماتشكرت منه وصلتني ست سلوى لبيتنه
من شافتني امي ضربتني ولامتني وماكان بلسانه غير كلمة ثوله،، ضليت اون من ألمي الى ان رجع والدي من شافني اخذني للدكتور سوالي اشعه طلع عندي تمزق على أثرها ضليت يومين مااداوم
ورا اسبوع من هذا الموقف طلعنا اني وبنيه وياي قريبه على بيتنه اني طبعي من خجلي امشي ومنزله راسي بس من اريد اعبر الشارع ارفعه علمود انتبه للطريق اول مارفعته لمحت هذا الشاب واگف ويا شخص يسولفون ويضحكون استغربت وجوده وگلت ويا نفسي.. شنو هذا منتضرني؟ عقل المراهقين يصير خيالي يصور اشياء ماألها وجود
ثواني ورفع راسه وصارت نضراته اتجاهي نزل نضره على قدمي وأبتسم برضى اني من شفته باوع عليه نزلت عيني
ماسمعت غير شخطت سياره رفعت راسي شفت سياره طلع راسه السايق وكال...
_عممه.. شنو متشوفن شنو هل ثول؟
_ارتبكت وماعرفت شنو ارد لحضات وصار سراج قريب عنه وضل يتكلم ويا السايق السايق راح وسراج باوع عليه
سراج،، وتالي انت وياج شنو تشترين البلاوي مشترى،،، لوداعمج شتسوين؟ يبا انتبهي على طريقج ولتضلين فاهيه
سيلين،،، خجلت وماعرفت ارد نزلت راسي
بس زميلتي استلمته
_وانته شعليك ليش تدخل نندعم ننگبر انت شكو شوفنه عرض أجتافك ولتدخل
سيلين،،، احاول اسكته متسكت فضحتنه جريتها ورجعنه لبيوتنه
بعد ماشفته ابد بس ضل سؤال يتراود بذهني شيسوي هنا يم المدرسه معقوله هذا من الشباب ألي ينتضرون البنات بحلت المدارس حتى يرقمون؟ بس هو مامبين علي شكله ثكيل ومحترم
ورا شهر كانت امتحانات نصف السنه وأمتحانه الضهر ،،للعصر طلعنا اني وزميلاتي نتمشى كان بوقتها وضع العراق متأزم سرقه وخطف وقتل اصرت وحده اسمها تقى تريد تشتري اكسسوارات وقرطاسيه توسلت بينا نروح وياها اني ماوافقت لأن اهلي متشددين بس هي كانت مصره وتوسلت بينا وأحنا من سمعنه قريب المكان وافقنا بشرط انو منتأخر
رحنا واشترت كل المستلزمات بس تأخرت والجو مغيم وبدا الجو يغورب نهار الشتا قصير رجعنا نمشي واني اعرف اهلي ماراح يسكتون على تأخري الله يستر
احنا ونمشي وگفت سياره سوده نزل منها ثنين ملثمين مسكوني اني وتقى وزميلتنه الثالثه رگضت بسرعه تاركه المكان
صاروا يسحبون بينا يريدون يدخلونا بالسياره حسيت راح اموت من هل موقف عقلي صار يرسم سيناريو الخطف والأعتداء وموبعيد يقتلونا صرنا نصرخ بأعلى صوت اني ألي ماألي حس صرت اصرخ بأعلى صوتي
سحبني شخص وراد يدخلني بالسياره والثاني دخل صديقتي وبقيت اني ادفع بي واعيط ضربني ومااستسلمت اني واقاوم لحضه واكون داخل السياره لكن شفت الشخص ألي يسحب بيه انسحب ووگع بالگاع وشخص يضرب بي رجعت بخطواتي ارجف نزل الشخص الثاني حتى يساعد صاحبه راد يضرب هل الشخص ألي ساعدني من ورا على راسه عطت انننننتببه
وفعلا اندار من اندار انصدمت ألي دافع عني هو نفسه سراج نزلت صديقتي من السياره،،واكفين نرجف ثنينه وسراج يتعارك يضرب وينضرب وهو وحده وهذولاك ثنين
سراج،،، روووووحن منااااا اركضن لتضلن واكفاااااات بسسسرعه!!!
وفعلا تحركنا من مكانه وأحنا نركض سمعت صوت سراج عاط
سراج،،،، ااااااااخ،، ياو لد الگ**ب
سيلين،،، انداريت مفزوعه على صرخته شفته لازم صفحته وأيده مليانه دم وواحد من الخاطفين بأيده سكين وبيها دم ردت ارجعله وهو يباوع علي صديقتي تسحب بيه حتى ننهزم واني اجر بروحي حتى اروحله وهو يباوع علينا ويأشر بحركه،،(روحوا) واني دموعي تنزل اخر شي عاط بألم
سراج،،،، رووووووحن منا رووووحن!!!!
سيلين،،، سحبتني وتجر بيه ونمشي شفنه شباب من شافونا فزو اشرنا ناحية سراج قبل لنوضح هم ركضو بأتجاها وهذولاك من شافوهم شخطوا سيارتهم وانهزموا
وگع سراج غركان بدمه ردت ارجعله بس صديقتي مارضت خصوصا هواي شباب صاروا يمه وأحنا بنات ثنين
ماتحركت من مكاني ألا شفتهم شالو من مكانه وجابو سياره اخذوا وأحنا ركضنا لبيتنا شفت امي بالباب تنتضر لأن تاخرت اول ماشافتني ضربتني راشدي وراها شافت حالتي عاطت
ام شاكر،،، وين جنتي يامعزايه وشنو هذا حالج ولج شمصخمه؟
سيلين،،، دخلت للبيت ارجف ودموعي ماوكفت عتتني من ايدي
ام شاكر،،، شبيج احجي؟
سيلين،،، رادو يخطفونا
ضربت على وجههه
ام شاكر،،، عززززززه!!! ولج شتحجين شسوولج؟
سيلين،،، حجيتلها كل ألي صار واني منهاره احس على ثانيه يوگف گلبي وكان جوابها لزمتني گطعتني من الضرب دخل ابويه وشاكر سحبوني منها صرت اشهك واجر النفس بصعوبه
ابو شاكر،،، فهمونا شكو؟
ام شاكر ،،، بنتك صخمت وجوهنا
تقدم شاكر بهجوم عليه وقفه والدي
ابو شاكر،،، انتضر خلي نفهم شصاير لتضل عربانه شتكول امك تهوبز وياها وانت تعرفها الحبايه تسويها كبايه،،،،، سولفي بنيتي شصاير؟
سيلين،،، حجيت كل الصار
ابو شاكر،،، يعني ماسوولجن شي؟
سيلين،،، ماكدروا رادوا ياخذونا واجه ولد تعارك وياهم وهزمنه منهم بس هم ضربوا سكين بخاصرته وصار ينزف وبعدين اجوي شباب هم وهذولاك انهزموا
ابو شاكر،،، والولد شصار علي؟
سيلين،،، وگع واخذوا الولد
ابو شاكر،،، لاحول الله الحمد لله الله حماج بابا
شاكر،،، من هل دقيقه ماكو بعد مدرسه
ام شاكر،،، اي هو هذا الصح احنا مننتضر تصخمين وجهنه
ابو شاكر،،،، كاااااافي كاااااافي لخاطر الاسلام فوك ألي صار بيها وانتو جايين تحجون عليها الله سترها اليوم لوما هل الولد الله دازه جان الله واعلم شصار،، امشي شاكر نسأل على هل ولد ونشوف وضعه عايش،،، مات
ام شاكر،،، شتسأل علي اذا سألت يعرفون بسواية بنتك وننفضح بالمنطقه ومنو بعد ياخذ بناتك استر علينه
ابو شاكر،،، لييييش شسوت بنتي؟ بنتي اشرف من الشرف حمت نفسه ولأن بريئه وطاهره الله دزلها ابن الحلال ألي حماها واقل شي اسوي ادور علي واشوف شنو وضعه واتشكر منه وطز بالناس هذا الشخص لو يطلب عيوني انطي حمى عرضي
سيلين،،، اخذ شاكر وطلع وامي دفرتني بخاصرتي
ام شاكر،،، الله ياخذج راح ننفضح من وراج
سيلين،،، ابويه وشاكر مارجعوا غير ساعه ١١ بالليل
ابو شاكر،،، الحمد لله الولد عايش ماخذي للمستشفى
ام شاكر،،، زين وضعه؟
ابو شاكر،، اي زين ولد سبع مينخاف علي رحنه وشفنا وتشكرت منه والغريب ماسمحلي اذكر الموضوع كدام احد طلع الكل من الغرفه وسولفنه وطلب مني اسد الموضوع علمود سمعت بنتي
ام شاكر،،،، خلف الله علي،، خوش ولد مبين زين مين هو؟
ابو شاكر،،، منا من المنطقه بيتهم على الشارع العام،، ولد والنعم منه ومن تربيته كلش حبيته
شاكر،،، والله اني هم عجبني وأخذت رقمه حتى نسأل علي
سيلين،،، بيومها صح انهاريت بس حمدت الله وشكرته ماصارلنا شي ولا صار لهذا الولد سراج شي
بيومها مانمت انام وافز مرعوبه وخواتي يمي يهدئن بيه اخر شي بابا اجه نيمني وصار يقرا على راسي الى ان غفيت
بقالي امتحانين ماامتحنتهن وأجت عطلت نص السنه واهلي كان قرارهم قطعي انو ابطل خواتي ثنينهن الاكبر مني خلصن الثالث متوسط وكعدن بالبيت وضحى كانت صغيره واني خلص بطلوني
ورا ايام من ألي صار امي وشاكر ووالدي قرروا يروحون يزورون بيت اهل سراج يتحمدوله بالسلامه ويتشكرون منه
راحوا واني على نار اريد اعرف شنو صار بالشخص ألي حماني وراد يموت
رجعوا فرحانين ويحمدون بي وبأهله وهو صحته تحسنت ارتاحيت من سمعت صحته تحسنت
من يومها وصارت علاقه وصداقه بين العائلتين امي صارت صديقة امهم ووالدي صديق والدهم وشاكر هم صادق سراج واخوته والغريب خلال فتره قصيره شاكر صار شخص ثاني اخلاقه تغيرت حتى ويانا الكل فرح بتغير شاكر وعرفنه سبب تغيره علاقته بسراج واخوته لان ولد محترمين وملتزمين وخلوقين حسب كلام اهلي عنهم
رجع الدوام بعد العطله واني مارجعت كنت ابجي الليل كله سلاحي الوحيد دموعي ماعندي جرئه اواجه اهلي واكلهم اريد ارجع للدوام الى ان بيوم كاعدين سمعنه صوت الباب
من سمعت صوت نساء فتحتها صارت بوجهي مره بعمر امي ووياهه شابه تطلع شوي اكبر مني من شافتني
ام بهاء،،، ماشاء الله،،، سبحان الله انتي بنت ام شاكر؟
سيلين،،، اي اني الوسطانيه
ردت اللبنيه الي بصفها بحماس
لمياء،،، وحسب شكلج ولون عيونج الله لايكذبني انتي اللبنيه ألي ساعدج اخويه؟
سيلين،،، خجلت ونزلت راسي وجاوبت،،، اي اني
لمياء،،، ماشاء الله مثل ماوصفج واحلى
سيلين،،، كرصتها امها وسكتتها
ام بهاء،،، امج موجوده؟
سيلين،، اي موجوده خاله تفضلوا
دخلتهم وامي من شافتهم استقبلتهم احسن استقبال وحارت شنو قدمت ضيافه ألهم حتى اني استغربت اهتمامهم المبالغ بيهم
اجت للمطبخ وطلبت من خواتي الكبار يبدلن ويجن يسلمن بوقتها مافهمت ليش،،، ضلو ساعه وطلعوا وقبل ليطلعون اجت هاي اللبنيه ابتسمت بوجهي
لمياء،،، فتحتي الباب وبعد ماشفناج بس شفنا خواتج
سيلين،،، ابتسمت بخجل... لاهيج يعني عندي شغل اعذروني
لمياء،،، ماشاء الله عليج تخبلين انتي شلونج ضل باله يمج اقصد أحنا ضل بالنه يمج من سمعنه كلنه خطيه اللبنيه اكيد نهبطت
سيلين،،، اني مو وحدي ويايا بعد ثنين بنات
لمياء،،، الحمد لله ماصارلجن شي
سيلين،،، الفضل لله ولأخوج الله يحفضه هو شلون صار خطيه اذوا؟
لمياء،،، الحمد لله زين اخويه سبع مينخاف علي
سيلين،،، ماصارت فرصه اشكره على موقفه تشكريلي منه هواي
لمياء،،، اشكري بنفسج
سيلين،،، صعبه وين اشوفه
لمياء،،، امج دائما تجينا صارن صديقات هي وامي تعالي وياها،، صدك انت ليش ماداومتي للان؟
سيلين،،، شمدريج مامداومه؟
لمياء،بارتباك،،، يعني سمعت هيج مااعرف توقعت
سيلين،،، اي فعلا ماداومت بطلوني اهلي لأن يخافون عليه
لمياء،،، لااااا خطيه ليش هيج؟
سيلين،،، يخافون ينعاد الصار وجبروني ابطل مع الأسف حلمي راح كان عاجبني اصير مهندسه
لمياء،،، لتنقهرين حبيبتي الله كريم وبعدين شبي البيت حلو هسه اني كاعده ومرتاحه اكل ونوم رسبت بالثالث ثلاث سنين وقررت ابطل وسراج وبهاء يوميه يتعاركون ويايا حتى ارجع واني ماعاجبني كسلانه ومااحب الدراسه عكس اخوتي كله دارسين بس اني الكسل عاميني هههه
سيلين،،، هذا قرارج مو انجبرتي علي. فيختلف الوضع
سلموا وطلعوا ورا يومين اجه والدي وفاجئني من كال حضري ملابسج الباجر ترجعين للدوام واني لو شاكر لو امج نوصلج ونرجعج
ام شاكر،، شنو وأحنا ماعدنا شغل وعمل غير الخاتون؟ تكعد وتنجب
شاكر، لا يمه سيلين شاطره اشطرنه خليها تكمل وأحنا الله خلقنا زلم حتى نحمي نسوانه شنو وجودنا لعد؟
سيلين،،، بالبدايه امي اعترضت بس ماانطوها مجال من الفرحه ابوس بكتبي،، للصبح مانمت من الفرح ثاني يوم اخذني والدي واتفاهم ويا المديره وشرحله الوضع وطلب امتحن الامتحانين ألي ماامتحنتهن رجع الوضع كما كان ورجعت لدراستي وبعديت فهمت انو سراج واهله قانعين اهلي يرجعوني واحسن مايبطلوني هم بنفسهم يحموني ويوصلوني للدوام كلش كبر بعيني هل شاب واحترمته صار بالنسبه الي هيرو ومنقذ كل المواقف
ماتصورت يطلع هذا كله تمثيل ونهايتي راح تكون على ايده على ايد منقذي والشخص الي سميته هيرو ويصير هل شخص اكبر كوابيسي
