رواية هجران القلوب الفصل العشرين 20 بقلم شروق الشمس
هجران القلوب
البارت 20
للكاتبة شروق الشمس
ـــــــــــــــــــــــــــــــــــــــــ
يضل يمك لحد ماتخلص سنينه
اليحبك من صدك مايحب غيرك ناس
بس انته العزيز يشوفك بعينه.
.......
زهرة.... بقيت صافنة شيحجي ابوية من كل عقلة اني اقبل ب لؤي مستحيل ردت ارد بس كلت لا خلي يكمل كلامة اشوف شيكول ابوية
كبع واخذ اخوية اني لو علية هيج اكلك بس الاول وتالي همة يعيشون مو اني لذالك لقرار لزهرة شتكول اني وياهة وممنوع احد يجبرهة لان قول لرسول عليه افضل الصلاة والسلام يكول كلشي بالاجبار اله الزواج بالاتفاق
وهاي هي كدامكم اذا تحب تاخذ وقتهة وتفكر
زهرة.... بدون تردد كلت طبعا لا بابة مموافقة بعدني صغيره وممخلصة دراستي وثاني شي اني ولؤي ولد عم ممتراهمين هنوب ازواج انصير لا والله انت اخوية اكثر من هيج اعذرني مشايفتك
عمي..... سمعت رد بتك هي هاي تربيتك
اخوية احترم نفسك انت بيتي وبتي مااجاوزت على احد انطت رايهة وبس
لؤي..... اكدر اعرف لسبب
بعدني صغيره
بس هذا لسبب انتظرج لعمر كلة
اعذرني مشايفتك غير اخ وبس
عفتهم وطلعت والله يالله مابقالي بس لسربوت لؤي بعدني بالمطبخ ادردم ماحسيت اله ايدي نخلعت من قوة لسحبة
اااااخ شبيك
ليش هيج تسوين
شنو سويت
ليش رفضتيني
كتلك ماشايفتك غير اخ وبس
شنو ناقصني
ماناقصك شي والله بس مااكدر اتقبلك زوج الية
ليش تكرهيني بكد مااني احبج
لا لؤي انت غلطان اني مااكرهك بس اكره تصرفاتك
اعدلهن مثل متردين
مستحيل لان انت زرعت بية هذا لشي خليتني اصدك بكل مرة اشوفك بيهة لحد هسة ماانسه تحرشك بية وكل ماتشوفي عبالك مو عرضك كدامك بس مجرد ماخذني نزوة وخلص لحب شي جبير لحب مقدس بغير اشياء ينبني على لثقة والاحترام لحب تنطي بس ماتنتظر تاخذ كلشي بالفطرة يجي مو بالحرشة ولخوف انت خليتني اكره افعالك وكل لزلم خليتني اشوفهم نفسك
هيج شايلة بكلبج علية
واكثر هم بسببك لا تنسه لسويتة بية لحد هسة محترمة وجودكم لان اهلي لو اريد اكول الابوية على كل اسوالفك انت لو صدك تحبني جان تحاول تخليني اتقرب منك واحبك مو انفر منك واكرهك اعذرني ماالك اي مشاعر بكلبي لا تتاملني ابد فكر بمستقبلك وانشاللة تلكة الاحسن وتعوضك اخوية
بعبره واسف حجاهة
خلص يابت عمي جنت اعتقد كل لبنات. تحب هاي لتصرف ماعبالي. بس لرخيصة تكيف علية ماعرفت شلون احتويج واخليج تحبيني مثل مااني اعشقج كل لسويتة جنت عبالي صح وابدي اتقربلج بس اثاري ابعدج مني مو اقربج اللة يوفقج بحياتج واسف على كلشي سويتة الج واعتبري هذا لطلب مااجينة بي ولا حجينة بامان الله خيتي الغاليه
حجه هيج وراح مااعرف شسوي بقيت مصدومة معقولة هذا لؤي لا مستحيل زين الوم منو هسة ياربي سامحني اذا اذيتة بكلامي بس ماعندي مشاعر اتجاهة ومستحيل. يجي يوم واحبة اني لعلية سويتة ياربي طلعني من كلبة بحق محمد وآل محمد
مااهتميت للموضوع توقعتة جان يمثل علية او غير شي بس بالحقيقة لا لؤي صدك اختلف وصار شخص ثاني محترم جدا وابد ماضايقني بعد خلال هاي لفتره هجران كلشي كملت وبعد يومين زواجهة واليوم اعلان نتايجي صح اعرف نفسي مجاوبة بس جنت خايفة حيل جان عبدالله يمنة وعزوز كلنة كاعدين وعزوز يطلع بالنتائج
ها عزوز طلعن
بعدهن جاي يحملن
ياربي
توتر
توتر
افتر على راسهم
لج اكعدي صرعتينة
متوترة يلة فدوه مانزلن
عبدالله.... بعدهن
عزيز.... هاي بدن ينزلن
يارب... يارب.... يارب
لج لاااااااااا
بصدمة وتوتر شنو شنو عزيز احجي الله عليك مابقالي حيل
عبدالله..... لج ذيبة والله ذيبة اعلى معدل على مدرستج هلا بدكتورتنة
لا لا لا بشرفك
ولله تعاي شوفي
اوووووف الف الحمدلله يارررررربي ههههههه
زهرة لج زهرة وينج بوية زهرة لبشارة بوية
اهنا ابوية جان طالع للمكتبة يشوفهة ماكدر يكعد سوده عليه حبيبي راح من لعصر يم ابو لمكتبة
ها يابة
ولج بنيتي رفعت راسي انتي دكتوره راح اتصيرين حضني وبوس بية اهنا ابوية واني ولك علن استسلامة على لموقف ولدموع لنزلت من عين ابوية
ابوية رجال عظيم بمعنى لكلمة ابوية نزلت دمعتة لخاطر معدلي شنو اكدر اجازيك ياروحي انت
بست راس ابوية وايده انت فخري وسندي لو لا هاي لايد وحنيتك واهتمامك بية ماوصلت لهاي لمرحلة انت لوصلتني بحبك واهتمامك بينة بدعاء امي الله يحفظكم الله لا يحرمني منك يابة ولا يحرمني من امي (للاسف نحرمنة
)
) اطلبي واتمني لتردينة مني
اتمنة اول يوم بالجامعة انت توديني مثل بكل مرحلة من لمدرسة
بس كبرتي
لا اني طفلتك لمدللة مراح اكبر ابد وها تبقه لنهار كلة بهذا اليوم وياية
شسوين بية شايب محد يكلبني
بعدك بعز شبابك يابة توك 45 سنة
لا تصغريني بنيتي 49 صرت چبير
لا حبيبي انت احلى شاب بعيوني والله
خلص وعد اذا الله طول العمر احققلج لتردينة مني
كلهم باركولي خوب امي تكول شلال مو عيون عدهة بس تبجي بفرح حزن تبجي
الحمدلله ياربي بديت اول باية لتحقيق حلمي وحلم امي وابوية وفقني يارب
صليت صلاة لشكر لربي على فكرة خلال مده خطوبة هجران وعلي علاقتي كلش قوية صارت بعلي صارلي اخ وسند دكيت عليه
الو
هلا بنيتي
شلونك يااحلي اخ بالدنية
بخير اذا انتي بخير
بخير بخير اني الحمدلله
يزيدج بالخير انشاللة
ابو حسين اذا الله انطاك حلم عمرك شنسوي علمود نشكر الله
خير انشاء الله اكدر اعرف شنو هوه
اكيد اكيد طبعا تعرف شنو هوه
اي شنو
اني نجحت بااعلى معدل راح اصير دكتورة هههههه
هلا هلا هذا لكلام لزين الف الف مبروك ذيبة والله ذيبة فرحتيني حضري نفسج اجي اخذج ونشكر الله سوه
هههه شلون يعني
انتي تشكرينة لنجاحج وتحقيق حلمج واني اشكر الله لان اخذت حب عمري وتعرفت على اخت ترفع لراس
فديتك حبيبي يلة انطي خبر لبابة وننتظرك
يلة جايكم بالطريق
نزلت اركض بابة باااابة
هلا يروح ابوج
سيد علي راح يجي ويريد نطلع وياه شتكول
شكول بعد الله وياكم
شكرا والدي العزيز
يلة جورية علي البسي اي شي
بس لا تخبصينة نفس كل مرة هسة اجي
راحت جوري تبدل الهة ولعلوش
واني بدلت بسرعة جان شتة وباردة لبست بينصل صوف رصاصي وية ترانشوز اسود وشال حياكة مثلث يصير مثل لربطة بس يصير چبير خليتة علية لان بارده شلت شعري ذيل حصان هههه بسرعة واني اركض خليت مكياج خفيف
ها هجران خلصتي
اي علي دك علية كال اخذي عباية مال صلاة وياج
اي تمام هسة اخذ سؤال
امممم جواب
ليش تغير لبسج
لان ليحب راح يسوي كلشي ليرضي حبيبة
اول مرة بعد مارجعنة من كربلة طلعنة نشتري اثاث لغرفة مالتنة لبست من هاي لشتراهن الية علي عباية خليجي الوان بس عريضة وية شالة وكعب ورتبت نفسي شفت بعيونة لفخر حبيت غزلة الية كل ماشافني وكال
علي.... هلا ام لسادة هلا برفعت راسي شني بوية ناوية اجلطيني مرة ثانية شهل حلا ولنزاكة شهل قيافة وين اضمج بعد بوية
اختارينة غرفة لنوم مالتنة واختار لعلوش غرفة بذوقة هم واثاث للصالة واخذنة ثلاجة وبراد هم كال حتى لا تنزلين وتصعدين كل شوية وخلاني اجهز كلشي باليعجبني ماقصر وياية بشي ليش ماالبي رغبتة بالبس مادام هوه يشوفني اجمل ماخلق ربي خلص ميهمني بعد
الله شكد حلو الله يديمكم ولا يحرمكم من بعض حبيبتي
ولا يحرمني منكم ابدا
اجة علي يلة امشي
هلا بدكتورة لمستقبل
هلا بيك عيوني شلونك
بخير دامج بخير (وهاي اول مرة علي يسويهة سحب راسي وباسني منة ) مبروك بنيتي يوم اشوفج بتخرجج
امين ياارب
شفتة شلون يعامل هجران اخذهة من ايدهة وباسهة بيده فتحلهة باب لصدر لم عبايتهة وسد لباب رجع صعد علوش ليوره يهتم باادق تفاصيلهم اندمجنت وية حركات علية برزانة كلشي يسوي لا ارادي كلت
والله هنيالي عندي هيج اخ
لا والله اني هنيالي بيكم كلكم
مشت بينة لسيارة بس منعرف وين
علي وين رايحين
ليش ياروحة لعلي تعبانة
لا بس غير اعرف
اوديكم نشكر الله على نجاح زهرة
انت صدكت بهاي لخبلة
ليش لا بنيتي ماكو احلى من لشكر لله
رحنة للامام لكاظم عليه السلام زرنة وصلينة
من طلعنة رحنة لقسم لنذورة شال مبلغ من لمال ودفعة صدقة جارية وقضاء حاجة
يلة بوية..... طلعنة لمطعم تعشينة رجع اخذنة للحديقة
لا علي بشرفك اني ضعيفة اهنا
ليش
عشقي مدينة الالعاب
هوه جبتج انتي وعلوش تودعين لعدادية علمود تستعدين للجامعة وتكبرين
لا مال اكبر هاي ايس منهة عيوني
هوه من زمان مأيس منج يلة روحي انتي وعلوش بس لا تبعدون
بغمزة كلتهة وانتم
معليج بينة يلة بوية روحي
اخذت لكرت مال العاب ورحت على گولت يوسف سرحتي بمدينة الالعاب
علي...
جوريتي بهداي يبوية علية شهل جمال
عيونك الحلوين ياقلبي
تعاي اهنا نكعد اي بنيتي مستعده تجين يمي
اي ليش لا
كملتي امرج كلهة مامحتاجة بعد شي
لا سلامتك حبيبي
فدوه يروحلج حبيبج خوما خايفة من شي
اي شوية
لا تخافين مادامج يمي
علي
روحة لعلي
لا تزعل بس شيصير لو طلع عمر
ليش هاي لسيره لتعكر لمزاج
خايفة والله
ليش تخافين وانتي يمي
خايفة يحاربني بعلوش وياخذة
انتي مو لمحكمة حكمت لحضانة الج حتى لو اتزوجتي
اي
لا تخافين بعد لان مياخذ لحضانة مادامة عنده سوابق
واذا راد يشوفة
حقة بنيتي بيت اهلج موجود او اي مكان اخذه اله يشوفة وارجعة الج
الله لا يحرمني منك حبيبي
ولا يحرمني منكم ياروحي
اجتي ام لسان.. ها بوية خلصتو
اي شكرررررررررررا جدا جدا احلى ونسة والله
وانت بوية
بابة كلش تونست وية زهور
لك ابني كول خالة عيب
لا بابة هي هلكدهة مو خالة
اوف منك اذا هي امك تصيح لخالهة عزوز انت شكول عليك
هههههه
رجعنة للبيت ساعة 12 كبل نمنة
نرجس..... احمد فرض اله مكان بگلبي صارلنة شهر مخطوبين بس هوه اهتمامة وتصرفاتة تجذب لشخص كل يوم اكعد بصباح منه وانام على صوتة كل خميس نطلع نغير جو بره يخلص بالشقة ولضحك واليوم استأذن من علي واخذني طلعنة لعصر
احمد وين رايحين
اريد نسق ملابسنة لعرس علي
بس اني
نرجس ولا كلمة انتظري للاخير اذا ماعجبج يرجعن كلشي
ماشي بكيفك
وصلنة لمول او مجمع كلش جبير واحلى شي بي قسم محجبات اني جنت بس اراقب احمد شيسوي افتر لمحل كلة ماعجبة شي بعدين شاف فستان ابيض وعلية بشت ماروني مخصر من يم لخصر رهملي وياه شال ابيض وية كعب ابيض اكسوارت فضي واخذلي مثل لتاج بس ورد ماروني اخلي فوك لشال مثل لطوك او لتاج هيج شي
تقرب مثل هاي لصورة

يلة جربيهن حبيبي
اهنا
اي طبعا اذا مو حلوات علمود نختار غيرهن
دخلت جربتهن طلعتلة ها
واوووووو يجننن اخذيلج فره
فدشي نرجسي كلشي يرهملج شنو رايج
حلوات عاش ذوقك
صرتي مميزة
اخذهن دفعنة لحساب وطلعنة
حبيبي انتي انتضريني بالسيارة مراح اتاخر عليج
تمام
بعد ساعة رجع صعد احمد جان ماخذ سترة اسود وية بنطلون اسود وقميص ماروني بلون لبشت مالتي ومرهم وياه اكسوارات بس جان كلش حلو ذوقة خلصنة افترينة شوية
شنو تتعشين
احمد استحي انزل
نجيب هنا ناكل بالسيارة
بكيفك
تمام
نزل جابلنة عشة تعشينة رجع جابلنة ايس كريم صراحة من اطلع وياه اتونس كلش اهواي
ها مريتي شنو مشتهية بعد
خلص احمد بعد ماكو مكان بالمعده
لا زم نحلي بعد
لا والله مااكدر
بس اني لازم احلي
انت اكل اني مااري..... بعدني ممكملة سحب ايدي وباسهة
شوفي لخنصر نوتلا
لبنصر زلابية
لوسطى داطلي
السبابة زنود لست
الابهام تبصمين بي عسل زواجي منج
يطبع بوسة بكل اصبع
اويلي شهل خجل طماطة صرتي واني شلون اعشق لطماطة كافي لا اكلج
احمد خلي نرجع تاخرنة
لا ماتاخرنة لا تخافين بعد مااسوي شي هاي شطحة اجتي ام لطكة
ههههههه
فدوه لضحكتج
ممكن سؤال
لا تستأذنين كبل اسألي
شعجب تسمع اغاني
احب ادندن صح حرام بس لكلب هم يريد اذا متحبيهن اطفي
لا مالي شغل بس احب اسمع اغنية وحده وبصوت مرة علي من جنة بالمدرسة جانت ادندن بيهة مرات
شنو هي
صغيره جنت
اها حلوة
اي
شغلهة وبقينة نسمع وهوه يدندن هم رجعنة للبيت جان يوم حلو بده احمد يشغل بالي صراحة ماجنت اعرف هيج مرح جنت عبالي غثيث
زهرة..... كلش فرحانة بنجاحي ثاني يوم كعدنة لصبح بنفس لنشاط كاعده اتريك اليوم شتهيت لريوك ولصوبة ولمطبخ دافي اويلي ندك لباب راح علوش يفتحة
بيبي هذا خالو لؤي بالباب
حنان.... اي بيبي... تفضل يمة ليش واكف بره قابل غريب انت
لا عمة اخاف لبنات ماخذات راحتهن
تعال يمة فوت
دخل لؤي شاف زهرة كاعده جر حسرة مشتاك
مبروك لتخرج خيتي هاي حلاوة نجاحج
تسلم ايدك
تدللين
كمت اخذتهة منة ماخلة عينة بعيني طلع شكد ردنة منة يبقة ماقبل طلعت وراه بس جان ممنتبه اني ورا عباله ماطلعت جان منطي ظهرة للباب ومخلي ايده على كلبة جان يكول
*************×*
يخنكني النفس كل ما اكول انساك
وارجع عن قراري واذكر العشره
مو شغلة وفه بس كلبي طيب حيل
مثل طيب الحمام الصادق الشجره
صح قاسي ولكن طبعي انطي ادروس
انطي ادروس كلمن ماعرف قدره
بس انته الوحيد الطال خلكي وياه
حبيتك يخايب هيج عل فطره
꧁꧂ ꧁ ꧂ ꧁꧂
هوه يحجي بحسره واني دموعي اتصب دعيت لربي يالله لو تخليني احبة لو تشيلني من كلبة حيل انقهرت علية رجعت للمطبخ
شبيج حبيبتي
مابية شي مامة
لؤي ضوجج
لا بس ضجت علية
ليش
حجيتلهة لصار
انتي ليش تكرهينة
لا مااكرهة بس هوه كرهني بي تصرفاتة جانت تخليني اخاف منة
الله كريم امي لقاسمة الله يصير
انشاللة
فتحت لعلبة مالتة جانت قلاده فضة وبيهة قلب مكسور هاي لتصير مزدوج تنفصل وترجع هوه عنده اعتقد لزوج لثانية لان بس وحده جانت اخذتهة وضميتهة
هجران.... مرت الايام واليوم ليلة لحنة مالتي جبنة ملاية بالحفلة بعد مارجعت من لصالون اخذني علي طبعا ورحنة للمصور جانت لحفلة اجنن جانت اهل علي اجوي هم يمنة احلى ايام عمري ماتفرق عن اي حنة عراقية
زهرة..... اهواي تونسنة بحنة هجران بقينة بس بنات حتى علي مااجة حنة مرتة لان هوه هم جماعتة يمة مسويلة حنة وداع لعزوبية جنت لابسة فستان قصير چويتي دلع شعري بيرمنات سويتة مكياجي بس برزت عيوني وية عدسات وطوق ورد على راسي وية اكسسوارات نازكة
اما امي اجنن جانت طالعة لبست بينصل ذهبي وعليه بشت اسود وحزام ذهبي شعرهة جان قصير اخذنة لحفلة الام وبناتهة هههه علوش طلع وية بابة كال اروح للكاظم عليه السلام لحد متخلص حفلتكم
نرجس..... من حضرت حفلة لحنة جان راي احمد اغير من نفسي لان بس بنات احنة الاخذهة الية البسة بالزفة لان مرهمهة وية لقاط مالتة وبالحنة لبست فستان مخصر ذهبي وعفت شعري مفتوح لطولة وية كعب ومكياج خفيف شي يجنن صار دك موبايلي
الو هلو علي
هلا يابة شتسوون
بالحفلة
وهجران
اميرة وكاعده بالنص
نرجس صوريلي كل حركاتهة بعد ابوج كلشي دققيلي بي منهة وممنوع لتصوير تمام
اي تدلل
بديت اصور هجران وهي. تركص تتمايل بخصرهة وية لحن وخاصة من كالة لملاية يمة لولد محلة لود علاوي لولد جانت حركتهة اجنن الله يحفظهم اصور وادز علي لحد ماخلصت حفلتنة وبدينة ناخذ صور اني وهجران وزهره وامهن رجعنة للبيت وانتهت حفلة لحنة مالتنة
علي.... جنت مااريد اسوي شي بس عزمت اقاربي واصدقائي للغده بس لولد متفقين وية احمد بعد لغده طلعو غسلو لفرع من لطول لطول ونصبو كراسي واضوية رحنة للحلاق جان محمد هم جاي وياهم هذا صاحب كيف مثل احمد هلاهل وصفكات وهوسات شعلو لحفلة شعل مثل كل حنة شاب عراقي بين لجوبي ولعربي وكلشي سوو صدك ودعت لعزوبية على ايدهم
بدت نرجس ادزلي صور هجران بقيت اتمعن بتفاصيلهة واخيرا باجر تنام يحضني حبيبت كلبي صدك طالعة اميرة فدوه اروحلج يعمري انتي
دزيتلهة مسجات وعبرتلهة عن اعجابي بيهة هي صار يومين مقاطعتني علمود اشتاقلهة هي متدري مخلية جمرة بكلبي
محمد... وين سارح ابو حسين
حبيبي لغالي تعبناك بالجية
لا يابة صدك تحجي شعندي غيرك سيدنة تردهة الية
انشاللة
صاير بغدادي بح
هههههه اي والله عفنة لغة الاهل بسبب لدوام كل فترة بمكان نتعلم لغتهم
وين هسة
اهنا بالكاظمية بعدهة للبصرة نروح
الله يساعدكم عمي احنة نعمة بمكانة كاعدين
شنسوي الحمدلله
ماناوي للزواج
لا يخوي الله يبعدنة
ليش
ماكو لتجي بالمزاج
الله كريم
ولنعم بالله
خلص اليوم واجة يوم لزفة لتوتر يقره الف عد هجران من لصبح بدلت واخذت غراضهة رادت تطلع وعلوش صاحهة
يمة
ها حبيبي
لا ترحين
شبيك ابني
يمة لا تعوفيني مثل بابة عمر
ليش اعوفك حبيبي انت بروحي معلك
اي راح ترحين يم بابة علي وتنسيني
شلون انساك وانت روحي مو شفت بابة علي حضرلك غرفة تخبل راح نعيش يمة لا لا يكلبي لا تبجي وليدي انت
لا ترحين مامة وتعوفيني
اخذتة لحظني وحسيتة مثل يتيم لام ولاب تندمت لان مااحتويت ابني وفكرت بس بنفسي ظليت ابجي وياه التمو علينة
بوية مايصلح لبجي وانتي عروس وانت جدي مو كتلك لبارحة وفهمتك ليش تغث امك تعالو يبعد عمري
عززززة هاي شنو بابة اشو بس هجران وابنهة بحضنك
انت الاصل بنيتي تعاي
كلنة دخلنة بحضن ابوية ومايخلة حضنة من امي كلنة لازمنة بيد وامي بيد وحدهة دك علي
ها يابة شو تاخرتي
علي دقيقة بس
شبيج حبيبتي شكو
ماكو شي بس علوش عباله راح اعوفة وديبجي
جيبي وياج وملابسة هم
لا علي راح اخلي يم زهرة
لا بنتي جيبي وياج لا يتمرض من لقهر عليج
تمام انتظرني
علوش تجي وياية نروح سوه
اي مامة عفية اخذيني لا تعوفيني
زهرة بعد اختج جيبي ملابس علوش فدوه
وين ماخذتة
مااكدر اعوفة يمة
ميصير بنتي بالسبعة عود يبقة يمج
واتحمل سبع ايام مااشوفة لا طبعاً مااكدر يمة
يلة يابطل هاي ملابسك
شكرا زهور
تدلل عيوني
اخذت علوش وطلعنة
مامة بابة علي
اي حبيبي يلة روح يمة
اخذنة علي للصالون امي وياية علي قنع علوش يبقة يمة واحنة نزلنة للصالون بعد تعليمات علي ممنوع شعر يطلع ممنوع جسم يبين ممنوع مكياج اهواي خبلني
بعد مرور ساعات اباوع لنفسي بالمراية طالعة غير شكل صدك اجنن ههههه اجة علي وجانو اثنين عرسان مو واحد علوشي وعلي نزل وليدي باقة زهور بيده لزمني من ايدي وسلمني لعلي
هلا اميرتي الله يحرسج بوية
صعدنة بابسيارة للستوديو بعدهة رجعنة للبيت ساعة 5 اجتي لزفة عاداتنة محد يروح وية لعروس من اهلهة طلعت سلمت على اهلي وسلمني ابوية بعيون دامعة بيد لسيد
امانتك هاي سيد اتصونهة بحياتي وبمماتي
انشالله كد الامانة عمي لا تخاف عليه
الله يحرسكم
طلعنة صعدت بسيارة علي كدام وعلوش ليوره ويانة
اما نرجس وامهة وية احمد فترينة بالشوارع ورجعنة للبيت علوش وية علي ابد ماعافة
ام علي.... يلة يمة اصعدي لغرفتج هسة يزفون رجلج
صعدت وياية نرجس وام احمد عافني بالغرفة ونزلن جانت غرفتنة اجنن وبالهول محضرين ميز طعام خير من الله عشة بيهة بقيت كاعده على لچرباية أجواء وشعور اول مرة احس بي
احمد..... ردنة نزف علي بس ابن مرتة يمة شلون راح يروح لزوجتة وياخذ راحتة ميصير وية لطفل وعلي يبين كلش يحبة ابد ماضاج منه من لصبح وياه بكل خطوة حتى لغده بيدة غدا
علي خلي اخذ لطفل وانت اخذ راحتك
لا خوية هذا امانة هسة اصعدة وياية الامة
علي ليلة لعمر هاي خلي يمي مراح اقصر وياه لا تخاف
علوش بوية تروح وية عمو احمد
وين بابة
احمد.... بكيفك وين تريد نروح
ناخذ عمة نرجس هم
بكيف ابوك
بابة فدوه خلي عمة تروح وياية
لخاطرك بس دير بالك عليهة
اي ميخالف بس اروح لمامة اكلهة واجي
يلة يابطل وكول لعمة تجي وياك
اي
مااعرف شلون اجازيك أحمد
لا تحجي هيج خوية
عمة عمة
ها يروحي
عمة وين مامة
بالغرفة فوك
صعديني اله اشوفهة
ليش متبقة يمي
اي بس اشوفهة ونرجع
يلة امشي
صعدنة لهجران
مامة مامة
روح امك اشتاقيتلك حبيبي
مامة اروح وية عمو احمد بابة علي كال وناخذ عمة نرجس
باوعت لنرجس وين ترحون
مااعرف والله بس اكيد احمد كال هيج علمود تاخذون راحتكم
راح اتعبج نرجس
نيالي اتعبلكم ارد جزء من تعب علي
حضنت ابني وبدلت ملابسة تتعشة يمة
لا مامة وية نرجس اتعشة
يلة حبيبي لا تعب عمتك
زين مامة بااي مو تنامين انتظريني انام بحضنج
تدلل حبيبي بوستة وراح
بعد ساعة سمعت صوت لولد جوه جان يفوت علي
اليوم بيتي وغرفتي وروحي وحياتي ودنيتي كلهة منوره بيج
فدوه لهل ابتسامة هاي بنيت كلبي اليوم زهرت وصارت اميرة يمي
حلو نازل على الچتفين..... شاله
وعساني خيط أكون بوسط... شاله
سلب عگلي برسومه وشمر... شاله
ونخيت أهل البخت نگعد.. سويه
لفت لطرحة اجنن عليج حبيبتي
يحجي ويتلمس بوجهي اني ضاع لكلام مني
يلة بوية ادخلي بدلي وارتاحي
تمام
اخذت سيت لنوم ودخلت للحمام سبحت بعد نانزعت لبدلة بصعوبة استحيت اصيح علية
لسيت لو مالبسة احسن بس ماحبيت اتقيد وياه حبيت اجرب كلشي بنفسي وية علي طلعت جان بالصالة كاعد لخاولي لافتة بشعري
ها بنيتي خلصتي
اي
حمام لعافية بوية
عافني براحتي ودخل للحمام سبح وطلع لابس تراك ضاب على جسمة ويفرك بشعرة سرحت بي
خلصتي حبيبي
اممم
تعاي نصلي علمود الله يوفقنة
يلة لبست حرم لصلاة وكفت وراه كملنة صلاة بعدنة كاعدين للتسبيح اندار علية وقدملي ايده
تعاي
تقدمت يمة
شوفي يروحي هسة اني سترج وغطاج وانتي راحتي مااريد. اتظمين علية شي حتى الاشياء لتافهة زين بوية
اي
ماكو داعي اكلج بطبعي اكيد عرفتيني خلال هاي الاشهر
اكيد
الله يحفظج الية
اخذ اديني وكومني نزعني حرم لصلاة وبده يشم شعري وركبتي قشعر بدني طبع بوسة بلهفة على شفتي وسحبني للصالة كعدني بحضنة تعشينة جاب تول خفيف غطة الاكل لباقي غسلنة واخذني لحظنة اهنا علن استسلامة وكلشي بي علي اهنا تحول من شخص صارم وعصبي وشخصية هيية الى شخص عاشق ولهان بده بشفايفي بلهفة وحب وايده تتنقل بانحاء جسمي وتفاصيلة شمني من وسط صدري وبده يسكر ويفقد لغير عالم عشقت فقدانة علية بالمقابل اني تفاعلت وياه من حبي اله وغصب خلاني اتفاعل وياه انتهت لمستنة بلمة ملابسنة من لكاع
رفع راسي لصدرة وباس شفتي بعمق كال
شوكت ماريد سهله
بكيفي أسويها
أخذ نفس
وارجع بالغميج ارتاح
الروجه شما علت
جواي اخليها
امشي وغالبك
تركض وبعدك وين
