رواية هجران القلوب الفصل الحادي والعشرين 21 بقلم شروق الشمس
هجران القلوب
البارت 21
للكاتبة شروق الشمس
ــــــــــــــــــــــــــــــــــــــــــــــ
احمد
عيوني الج
تسلم عيونك بس جاي تشوف ذاك
منو ابو شعر بنات
امممم
شبي
اريد
شعجب منج من الله اطلبين مني اول مره تدللين حتى صاحبهة اشتري الج
لا مو هيج اريد بس وحده
تدللين اشرت للولد اجة انطاني اثنين لنرجس ولعلوش
علي... عمو احمد ليش ماكو شعر ولد بس اكو شعر بنات
احمد... لان احنة لولد شعرنة كصير ولبنات شعرهن طويل
اهاااا
اي
تاكلون ايس كريم
لا مامة متقبل
نرجس وين اكو بهل برد
ليش امك متقبل
لان اصير مريض بارده عمو
ها يلة عوفوهة كمل وروح العب
اي
احمد ممكن نحجي
اي تفضلي
عندك مانع اذا طلع اسمي بالتعيين
لا طبعاً ليش امانع بس كون مدرسة بنات مو ولد
اكيد طبعاً اني مااخذ ولد
شكو بيهة اذا امنعج بعد المن تعبتي ودرستي
زين انتي طبقتي لو لا
اي كملت تطبيق كلشي كامل بقة بس يجي قرار لتعيين
ليش متقدمين بالاهلي
صراحة متفيد
ليش
مابيهة تقاعد
منو ضامن نفسة
حتى لو بس غير واحد يفكر للمستقبل
هم صدك تفكرين مرتي بمستقبلج جا يحضي ليش ماتفكرين بية
منو يكول ماافكر بيك
شنووووو
منو يكول ماافكر بيك
كولي والله
والله
شلون يعني
خليهة كلشي بوكتة حلو
يعني بديت اشغل تفكيرج يروحي
ليش لا شنو ناقصك يعني
احم اجة علوش
عمة اني نعسان اريد مامة
اي حبيبي احمد نرجع
يلة اكيد هسة فضت
واحنة بالطريق علي نام خطية رجعنة للبيت جان لبنات كلشي منظفاتة وكلمن مكانة ولبيت هدوء فزت امي على صوتنة
ها يمة نام
اي
جيبي يمي خلي
يريد امة
لا يمة خليهم ماخذين راحتهم اذا فز بليل اني اصعده الهم
نزلة احمد يم امي وراح سديت لباب سبحت ورحت بسابع نومة من لتعب
علي..... جوريتي بيج شي
لا حبيبي بس بالي يم علوش
هسة اكيد نام
مااعرف والله
تردين اصعده الج
هااا اخاف يضايقك
تحجين صدك بنيتي هسة اشوفة واجي
نزلت لكيتة يم امي نايم
ها يمة تردون شي
لا يالغالية بس اجيت علمود علوش
نايم يمة خلي يمي ماعلية شي اخذو. راحتكم
امة تريده
خطية ابني هسة دفيان تكومة من نومتة اذا فز بليل اني اصعده الكم
لا اذا فز دكي علية اني اجي انتي لا تصعدين موزين عليج لدرج حبيبتي
الله كريم ابني يلة روح لمرتك
بستهة من راسهة وصعدت
الله يرضي عليك ياحبيبي
ها يروحي
نايم بحضن امي
صدك
والله وماقبلت اخذة كالت خلي يمي ماعلية شي
اي زين
بس ابنج بحضن امي تعاي انتي بحضني
ههههه تغار
اكيد اغار
هجران مجنت متخيل بيوم تصيرين بحضني وبين ادية
ولا اني
هجران اريد اطفال كومة اريدج تعوضيني
الله كريم لرزق بيد الله
ولنعم بالله
صبح لصبح واني بين ايد شخص كلشي بي طاغي
صباح الخير حبيبي
صباحي انتي وهاي لشفايف لعسل حبيبي تعبانة
لا ليش
تعاي اكلج ليش
ههههه متكعد راحة
بنيتي لشوط الاول بعده مخلصان هسة راح نكملة
ههههه
صوتج ولج هسة يجون مداهمة علينة
ليش
يكولون اكو عسل عدكم وصوتة يرن باذنة نريده
منو يجرء
بس وليدي يكدر يريدج
ههههه اكيد
اعشقج أم لساده
اوف اوف
هجراني كلشي بيج عشقتة
اممم
لا هيج تسوين
ليش
بالي يشطح
ههههه مو اكول سيد كلك محد يصدك
اي والله يمج كلشي يتبخر
رحنة لعالمنة لخاص بعدهة كمنة للحمام لحد مخلص علي اني لميت لغرفة وعطرتهة طبيت سبحت وبدلت ملابسي رتبت نفسي
حبيبي تتريكين اهنا لو ننزل
لا خلينة ننزل جوه اخاف علوش يكعد
يلة
نزلنة جانو نايمين كلهم
هجران نايمين نصعد ناخذلنة بعد شوط
لا تصير وكح حبيبي
اويلي اموت على لوكاحة وياج
تعال نروح للمطبخ اسويلك ريوك
يلة ليش لا اتذوق اكلج مثل ما تذوقتج وطلعتي عسل
علي بطل هاي سوالفك
هههه تستحين مني يابعد لفاد
امممم
شكلنة
كيفي
اويلي لا يرهملج بوية حضري لچاي اروح اجيب كيمر واجي
تمام
صعدت لبست دشداشتي واخذت سويج ولمحفضة ونزلت
يلة حبيبي اني رايح
الله وياك
بستهة من راسهة وطلعت
لحد مراح علي شغلت لهيتر لكيت مبخرة وبيهة بخور خليتهة على لهيتر خدرت جاي وسويت صينية كاملة اجه علي جايب كيمر وكاهي وصمون حار خير من الله
حبيبي اكعد ادفة لحد مااكعد خالتي وعلوش
كعدي نرجس هم
تمام
طبيت لغرفت خالتي يالله تحس طاب لمكان مقدس عطر لصلاة ولنظافة يضرب بالوجه علوش نايم بحضن خالتي
خالة خالة احم خالة
هلا يمة صباح الخير
صباح النور
ليش نزلتي علوش نايم
لا خالة اجيت اكعدج للريوك علي ينتظرج
فدوه اروحله وحتى هوه عريس مانسة امة
شلون ينساج خالة
بشريني شلونهة ليلتكم
الحمدلله تمام
يعني
اي الحمدلله
اي يمة بالمبارك منج لعيال ومنة لمال
امين ياارب
عوفي نايمة يمة
لا خالة اذا عفتة يتعود
كيفج
رحت كعدت نرجس هم
اويلي مرت اخوية اليوم مصبحة بوجهج فديتج
حبيبتي تعبناكم لبارحة
لا تحجين هيج هجران هوه غير ابنج عسل
يلة كومي لريوك بالكاع
شنو هل دلال
مو الج حبيبتي لزوجي
اوي فديت
رحت لعلوش مددت بصفة
علوش حبيب امة وليدي يلة كوم العب بخشمة واغنيلة لان متعودين على هذا لروتين
وليدي عدال سبع ولاد باشة وجاي من بغداد وليدي يااسد ضرغام سابي كل بنات لشام
مامة عفية اريد انام
اها متريد تتريك وية مامة لعد راح اجيب بنية تحبني وانت متحبني بنتي تتريك وياية
لا احبج تعاي بحضني
ههههه
اوووف مامة ريحتج طيبة اهواي
علي.... شفتهم تاخرو كلت اشوف وين صارو دخلت عليهم هجران تغني لعلوش وهوة مخليهة بحضنة كوم لك تتغزل بريحة مرتي
بابة هاي امي
لا هاي مرتي
امي
مرتي
مامة كوليلة
كوم تريك علمود ماياخذني بابة واصير مرتة وانت تبقة
لا لا راح اكوم
كوم يلة بوية صارلك 4 اسنين بحضنهة ماشبعت
لا ماشبعت
هههههه
التمينة كلنة للريوك مثل أجواء بيت اهلي ماتقيدت وعزلت نفس لان عروس لا ايدي بيدهم من اول يوم
خالتي بدت تحضر بالغده واحنة كاعدين كلنة بالمطبخ ماعدنة شي
علي
روحة لعلي
موبايلك وين
هياتة
اكدر اتصل بااهلي
اي بوية اخذي بس اخاف نايمين هسة
لا زهرة هسة كاعده
شعجب هاي تنبل
لا مو باجر اختبار مال جامعة عدهة
ليش طلع قبولهة
اي بس طلعلهة بالبصرة كلية الطب
اويلي اهناك
اي خطية
رادت تبطل وتقدم لسنة لثانية بس بابة مقبل كالهة روحي اقسام وثاني سنة سوي استضافة اهنا بجامعة بغداد او طب لكندي
اي احسن تتحمل شلون مجان سنة الاول وتنقل
اي ليوم لازم يرحون للبصرة باجر تقدم الاختبار
مال شنو
مو هي طلعلهة جراحة بابة كالهة روحي اختصاص بس هي مقبلت رادت جراحة عامة
الله يوفقهة تستاهل
امين ياارب
ليش مراحت اختصاص
مااعرف
دكيت عليهة
زهرة..... جنت اقره شفت سيد علي دك
الوووو شنو سيدنة حلمان بية
لا هاي اني حلمانة بيج حبيبتي مو لسيد
مو اكول بعد شيسوي بينة مرتة وصارت يمة
علي.... اي والله شسوي بيج خلصت مصلحتي منج
تحتاجني سيد مو من اصير دكتورة وانت تصير شايب ماادخلك للعيادة مالتي
لا يا چلبة تفاولين على زوجي
اوي عيني ادافع لزوجهة
لج اني اختج لدكتورة
علي..... بعد تخبصنة دكتورة ودكتورة شيخلصنة
اي عيوني شيخلصكم مني بعد تعالو اتعلم بيكم
شنو بوية مارايدين روحنة
هاي شبيك سيد تعزهة علية مااسويلك شي بس اشوف شكو ماكو زايد اطلعة
ههههه لا قيمنة
هجران.... هههه حبيبتي شسويتي خلصتي
ماعندي شي بس جاي اراجع الامتحان
الله يوفقج شوكت اطلعون
ساعة 2 نطلع وباجر لصبح لاختبار سيد الله عليك ادعيلي انجح
انشاللة بوية تتوفقين وتنجحين بهذا الاختبار
ليش مارحتي اختصاص
لازم اكضي عمري كلة ادرس
ليش
سيد دراسة الاختصار تقريباً 11 سنة ياللة يحقلي اصير مختصة
شدعوة بوية
اي اول سنة دراسة نظري. و2و3و4 عملي
5و 6 تدريب بالمستشفى بعدهة ياللة يحقلي ادخل عمليات جراحية وسابع سنة اكدر استشارية من اخذ دكتورا ياللة يحقلي اصير مختصة
لازم اخلص عمري ادرس
الله يساعدج
هجران.... شوازاج ترحين طب
حلمي هذا حبيبتي
الله كريم حبي الله يقدم لبي خير الج
امين ياارب
يلة بوية روحي كملي دراستج واي شي تحتاجين انه موجود
بس لدعاء اريد سيد
انشاللة
زهرة.... خلصت مراجعة حضرت نفسي صارت ساعة 12 تغدينة وطلعنة اني وبابة جانت اكو سيارة مال طلاب وياية هم وصلنة للبصرة بليل تقريبا 6او 7
بس طريق نزلنة بفندق قريب على جامعة نمت ساعة وكعدت اراجع كمت انسة من كد لمراجعة للفجر كاعده صليت وبدلت ملابسي رتبت اموري كلهة لاحتاجهة كعدت بابة هم
تعاي نتريك ونطلع
مااريد بابة ماظل وكت
بعد وكت بوية بس اشرب جاي
يلة
خلصنة وتوجهنة للجامعة حلمي ادخللهة جنت شي جديد سألنة دلونة لقسم مال الامتحان بعد ساعة ويبلش الامتحان جانت تقريبا ساعة 9 صبح
بابة كعد بالحديقة ينتظرني واني مقابيل لقسم ههههه جنت اخاف اتيه لقسم ويروح علية الامتحان صارت روحي بسيد علي بفترت خطبتهم كلش خلاني اتقربلة جان يحسسني بالاخوة ولصداقة دكيت علية
هلا بوية صباح الخير
بعبرة كلتهة صباح النور
شبيج
مابية شي بس خايفة
ليش بنتي شنو مادخلتي لو شنو
لا بعدني ماداخلة للامتحان ساعة 9
لا تضوجين وتبجين بنيتي انتي قوية وراح تنجحين هذا لختبار سهل جا شلون من ادخلين عمليات جراحية يمكنج تغيبين عن لوعي
لا بس متوترة
لا تتوترين صلي على النبي واقري لفاتحة الام لبنين. لتسهيل امرج ورددي هذا لدعاء #اللهم أنت حسبي حين تضيق الحياة ،
وأنت المنتصر حين يغلبني الوجع ،
وأنت عوني ونجاتي حين أفقد الحيلة
وانشالله اتصيرين زينة من اطلعين طمنيني عليج
شكرا سيد خليتني ارتاح
لا بنيتي ماكو داعي اكلج انتي شنو مكانتج يمي فلا تشكريني اني لو اعرف بيج جان اني جبتكم للبصرة بس ماصارت بعد
تسلم متقصر يلة سيد من رخصتك بدينة ندخل للقسم
روحي بنتي واذكري الله مراح ينساج
ولنعم بالله ادعيلي باي
الله وياج
دخلت كعدت بمكاني لقاعة انترست طلاب وياية اجة لاستاذ بالاول رحب بينة وكال لا تخافون من شي مجرد هذا اختبار الكم ونعرف لغتكم قوية او لا انشالله كلكم تنجحون وتحققون احلامكم من تتوزع الاوراق بعد ممنوع لكلام ممنوع لسوال انتم مو اصغار الله يوفقكم دخلو بعد 3 اساتذة وزعو علينة الاوراق هي بنفس الاسئلة نحل ماكو دفاتر باوعت كلة بالنكليزي. بالاول دمعت عيني حسيت نسيت كلشي تذكرت نصايح علي سويتهن وبلشت بااول سوال جانت الاسئلة من ضمن سنوات لدراسة مالتنة الاعدادية متنوعة وعامة هم الحمدلله جاوبت بس مو ضبط
سلمت لورقة وطلعت انفجرت من لبجي احس ممجاوبة دك علي
واني ابجي
ها بوية خلصتو
اي
ليش لبچي
احس ممجاوبة
الله كريم تتعوض بوية واذا كلش ندخلج اهلي
مو. اله حكومية يلة صيري سباعية وروحي طمني ابوج ارجعو للبيت اليوم ومن تطلع لنتائج اني اجيبهة الج
بعد اسبوع تطلع
اي عندي ولد صديقي يداوم بالبصرة هوه يجيبهن الج
انشاللة
صدك رجعت طمنج ابوية ورجعنة للبيت ماانتضرنة خط لطلاب لان يتاخر رحنة للكراج ورجعنة للبيت وصلنة متاخرين كلش لان ازدحامات ياربي شلون راح سنة كاملة اخلصهة بهذا لطريق ماادري
رجعت لاريوك ولا غده ولا عشة احس جسمي يرجف بده اول ماطبيت
مامة فدوه لحكي الية بشي راح اوكع من طولي كلشي مماكلة
واني بملابسي كعدت جانت امي نحضرة لعشة اكلت وصعدت ارتاح نمت للصبح
مرت الايام ثكيلة كلش علية واليوم سبعة هجران جنت مالي خلك حتى اروح طلعنة بعد لغدة لبست جينز وهاينك وعلية كوت لان باردة شعري كعكة سويتة ماعبالك رايحة لحفلة حتى امي حجت علية بس مالي خلك وبالي يم الاختبار وصلنة جانو اقاربهم ملتمين يمهم سلمنة وكعدنة نزلت هجران من فوك جانت لابسة قفطان مغربي يخبل علية علوش يم علي ماشفنا سلمت عليهم هجران واجتي يمي
شبيج حبيبتي
مابية شي
ليش هيج احسج تعبانة
مالي خلك
احد مضوجج لؤي ضايقج
لا والله بس بالي يم الاختبار
لا تشغلين بالج خليهة يم الله هوه يحلهة
ولنعم بالله
خلصت لسبعة مو مثلنة ركص وهيج شي لا سوو مولود نبوي ولناس باركت الهم وقدمت لهداية وطلعت ردنة نطلع بس ماقبلو اله نتعشة
لا والله مااكدر ابو ياسين وحدة بالبيت
ام علي... ماعلية شي تعشو وعلي يوصلكم
علي... يالله يالله
هلا يمة ام ياسين تريد تروح
لا يابة وين ترحون تعشو واني اوصلكم
مو أبو ياسين وحدة بالبيت ماكدر
ماكو شي علية هسة اني اخابره
صدك خابرة كالة خلي ياخذون راحتهم اني بالامام لكاظم مو بالبيت
بعد ماكو حجة يلة بوية حضرو عشاكم اني عندي اصدقائي بره شوية واجي
يمة جماعتك يبقون للعشة
لا يمة يرحون
حضرو عشة اباوع هجران وياهن ايد بايد ماعافتهم الله يسعدهة
التمينة للعشة واجة علي وعلوش هم وياه ترائس لسفرة وكعد جان محد غريب كلهم اهل علي ونسوان خوالة واحنة وماكو زلم بس علي تعشينة ولبنات لملمو لسفرة
زهرة تعاي بوية اهنا اكعدي
رحت يمة
شبيج مكدرة
بالي يم الاختبار
لا تخلين بالج انتي شاطره
الله كريم
شوكت تطلع
باجر ساعة 10 يعلكوهن بالوحة
الله كريم اني ادز صديق الية يشوفهة الج
انشالله حتى لو مقبول هم موافقة ماريد جيد جداً
لا انشاء الله اطلعين امتياز
هههه سابع لمستحيلات اجيب امتياز
اي هيج اضحكي لا تضوجين مايرهملج لزعل متعودين عليج فرفوشة
شكرا على كلشي
شكلنة
علي انت احن اخ الية
كلشي الج انة بوية لا تهمين
انشاللة
رجعنة للبيت ومن كثر لتفكير احس راسي طبل صار رحت نمت للفجر واني مانايمة
مااعرف شلون غفيت فزيت على دك موبايل علي جان
باوعت للساعة 12 يبو ياربي اكيد عرف لنتيجة بسرعة فتحت خط اسمعة يضحك
مبروك بنيتي مبروك جايبة جيد
كول والله
وغلات عيون هجران يابة
يعني نجحت
اي ولمباشرة بداية لشهر لجاي
هههههههه الف الحمدلله شكرا شكرا علي الله يبشرك بالخير احبك احبك يااحن اخ
نزلت طايرة الامي
يمة يمة
ها يمة شبيج
نجحت نجحت يمة
كلللللوووووش الف الحمدلله مبروك ياقلبي الف مبروك
ابوية وينة
هياتني بنيتي سمعتج الف مبروك رفعت راسي.
مااعرف شسوي من لفرح هههههه
رايكم يهمني ولتعلق بتم يعني مقارية لقصة هههه
يلة نوروني بتعليقاتكم لحلوة؟
# يتبع
الثاني والعشرين من هنا
