رواية هجران القلوب الفصل التاسع عشر 19 بقلم شروق الشمس
هجران القلوب
البارت 19
للكاتبة شروق الشمس
ـــــــــــــــــــــــــــــــــــــــــ
ها
تخبل عليج لعباية
صدك
والله
شكرا عيونك الحلوين
فدوه الج لعيون وصاحبهن روحي بوية روحي
زهرة..... راحت هجران وبقبنة اني وعلوش وية اهل علي كلش مستحية منهم
زهور
ها
اريد اروح للحمام
يلة كوم خالة
ها يمة
راح اخذ علي للحمام مااتاخر
اجي وياج
لا تعبين نفسج اندل
لا يمة انتي امانة عندي
طلعنة للحمامات.يبوووو لزدحام لموجود خلصنة اني وعلوش بقت ام علي
خالة راح انتظرج بره
بس لا تبعدين
لا تلكيني كبالج
اي يمة
طلعت وية طلعتي وجان انضرب بشاب جان طاير مايمشي كلش نرفزني لان يمشي بدون شوف كلت ثور ثور ويمشي مو بشر ثور هايج
بعدني ممكمل جان يرجع علية نزل لمناظر كال
عفوا شكلتي
هههه اجة علية شلون اخاف اني رجعت كررت كلامي لازم ماسمعتني كلت ثور ويمشي مو بشر
فتح عيونة على وسعهن كال شايفة نفسج لعنزة
شنوووووو
عنزة ام راس
سبحان لماعنده راس
برزة ابتسامة عليه بس شنو اني اريد املخة بدل مايعتذر يغلط رجع مناظرة لعيونة كال بابتسامة وطريقة استهزاء عنزة
رديت ثوورررر ابو خشم چبير
تجاهلني وراح بقيت احجي وادردم علية
ها خالة شبيج ضايجة
مابية شي بس ثور هايج كسر ظلوعي
يا يمة اسم الله وين اكو ثور
لا بيبي تقصد رجال ضربهة
عزة بعيني ياهو ضربج
لا خالة ماكو شي بدون قصد انصدم بية
اها يلة يمة امشينة نحصل مكان للصلاة هسة يوذن
يلة خالة رحنة بداخل الامام نصلي خلصنة صلاة طلعنة برة كعدنة كلمن اخذ عيالة وراح واتفقو ساعة 3 ينجمعون
تتغدين يمة
لا خالة خلي يجون لسيد وهجران سوه نتغدة
يتأخرون اخاف
لا مجوعانين وهاي اكو حلويات وانتي جايبة كليجة اذا انتي جوعانة اتغدي خالة
لا يمة وياكم
خالة كومي شوية نفتر اخذ غراض الاهلي ونرجع نكعد اهنا
يلة يمة امشينة
طلعنة اخذت لبابة سبحة ولامي گلادة فضة تحب هيج سوالف واخذت ملاعيب وتراكات لياسين علوش اخذ ليريده عجبني تراك اسود وبي ابيض هم اخذتة واخذت سبحة نسائي كلش حلوه وية عطر لام علي عيب لمرة تفتر ويانة واخذت سبحة شبابي للسيد عجبتني ولهجران اخذتلهة اسوار نازك وحلو
خالة هذني الج
لا يمة شسوي بيهن لا تعبين نفسج
خالة ممسوية شي من اتصلين ادعيلي
الله يوفقج ويبارك بيج حبيبتي
رجعنة لكينة سيد علي كاعد وهجران ماكو
عمووو علي
هلا وغلا هلا بوية شلونك
اني زين
شبعت نوم
اي
نوم العوافي يارب
شكرا وين مامة
هسة تجي راحت اتصلي
هلو سيد
هلا بوية زيارة مقبولة
قبل اعمالك
كمت بست راس امي زيارة مقبولة يالغالية
قبل الله اعمالك يمة
تاخرنة عليكم
لا يمة براحتكم ماعدنة شي
سيد
هلا بوية أمري
لا يأمر عليك ظالم تفضل
شنو هاي بنيتي
هدية مني
احلى هديه اجتني تسلمين عيوني
بالعافية
مادامكم اهنا انه اروح اصلي وازور علمود نطلع نتغدة
اي يمة روح
راح لسيد واحنة لملمنة غراضنة اجتي هجران
مامة اجتي
روح عليهة اخاف مشافتنة
راح الهة علوش
هلو مامة
هلو حبيبي اشتاقيتلك
اني هم اشتاقيتلج نزليني امشي صرت چبير بعد
فدوه اروح للچبير
تعاي اهناك زهور وبيبي
عمو علي وين
راح يصلي
السلام عليكم
وعليكم السلام زيارة مقبولة
قبل اعمالكم
تعاي اكعدي يمة هسة يجي لسيد ونروح
اي خالة
جوري جيبي ايدج
شنو حبيبتي
مدي ايدج
الله تخبل عاشت ايدج حبيبتي
بالعافية
الله يرضة عليهة حنينة اختج هجران
اي والله خالة بس لسان بس كلبهة كلش حنين
تعاي اخذتهة لحضني وبستهة سولفتلهة كلشي صار من طلعنة
هجران حافظي على لسيد يبين يموت بيج
واني روحي بي
الله يسعدكم
امين ياارب اريدج تختاريلي عطورات ومكياج انتي اعرف بهذا لشي
ليش متخليهة من نرجع اهناك على راحتنة
لا علي مستعجل اصلن بهاي لكم ساعة خلاني اخلص كل تجهيز لملابس والله رجلية موتني من لكعب
يلة تحملي لخاطر لحبيب
هياتة اجة
زيارة مقبولة
قبل اعمالكم بوية نتوكل
يلة بس انطي خبر لخوالك اخاف يرجعون
يلة هسة بالطريق اخابرهم
دكيت عليهم كالو بالمطعم نتغده ونطلع للسيارات
واحمد هم كال تغدينة وهسة راجعين نصلي
يلة خلينة نروح احنة بس انطوني هاي لغراض اوديهن للسيارة انتم انتظروني بالبوابة
يمة مساقة شيوديك
ميخالف يمة لان هواية وين نخليهن
يلة يمة ننتظرك اهنا
رحت وديت لغراض وبالرجعة شفت نرجس واحمد
ها ابن لخالي
هلا سيد
وين
رايحين نصلي ونزور
يلة انتظركم نتغدة سوة
لا والله تغدينة روحو انتم اني هم اناملي هاي لساعة ونص لان قفلت
يلة نرجس تجين وياية
لا يابة اخذ راحتك اريد اصلي
علي اخذنة حلقات خلي نلبسهن وروحو
يلة لاهل ينتظروني اهناك
وصلنة يمهم اخذتهم ورجعنة لداخل لساحة لان اني وهجران هم مالبسنة لحلقات ننتظر احمد نلبسهن سوه لبسناهن وفيت نذري انطيتة للعتبة هم يتكفلون 60 فقير وطلعنة تغدينة وشربنة چاي
هجران تكفيج نص ساعة للمكياج ولعطور
لا والله وين تكفي
چا خليهة مرة ثانية نطلع واخذيهن
اي بعد احسن
يلة خلي نتوكل
خلصنة كلشي ورجعنة لبيتنة بالليل وصلنة من طبينة امي چانت تنتظرنة بالباب طشت چكليت علينة وتهلهل وكلش فرحانين باركولنة وعلي نزل لاغراض وراحو بدلنة وتعشينة وحجيت لامي كلشي
يمة لا تعاندين لرجال لو ميغار عليج مايحكم روحي على ماية واكسبي الله يسعدج كومي نامي وارتاحي
علوش نايم يم زهرة
واني هم دزيت مسج لعلي ونمت
علي..... بعد مارجعنة كلش تعبانين ونعسان لان مشابع نوم نمت بغرفة امي كلت لا تكعدوني على لعشة مااشتهي
ليش يمة
يمة نعسان وباجر عندي دوام
راح اخليلك عشاك بالفرن اذا تفز جوعان
براحتج حبيبتي سويت تليفوني صامت ونمت ما فزيت اله امي تندهني
يمة راح لوكت لدوامك كوم
صبحج الله بالخير
صباحك عافية يابعد حيلي يلة كوم تريك وبدل ملابسك
يلة ثواني واجي
حتى صلاة لفجر رايحة علية بدلت وصليتهة قضاء بسرعة تريكت وطلعت للدوام شفت هجران دازتلي مسج اطمني عليهة وانو هي راح تنام
دزيتلهة
.... صباح الخير والسعادة والعافية
شلونج مريتي اشتاقيت لصوتج
اعذريني بس أول مارجعت نمت ولتليفون صامت من تكعدين طمنيني عليج
احبج يابعد لعافية واهلهة
بديت بشغلي اندك لباب
تفضل
سيدي اكو نقيب ضابط من وزارة الدفاع جاي يريدك
شنو اسمة
ماكال اسمة
خلي يتفضل
السلام عليكم
وعليكم السلام ورحمة الله اهلا وسهلا نورت تفضل خوي وصديقي لغالي عاش من شافك
محمد.... وانت لعايش سيد علي شلونك شخبارك مشتاقين والله
اني الاكثر وين هاي لغيبة
والله لاهين بالدنية ولبيهة
دوامك شلونة
طيحان حظ اللة وكيلك
سلامتك ليش
جنة اسبوع باسبوع هسة صرنة عشره بعشره
الله يساعدكم وين هسة دوامكم
اطراف كربلاء
اي زين شوية احسن
شنسوي الحمدلله انت اخبارك طمني عنك
الحمدلله بخير لبارحة خطبت
اي الف مبروك شايف الف خير يارب
وانت بعدني حر طليق
ههههه بعدك بهاي لسالفة
والله يخوي لعمر بدون مرة جنة
ليش
يااخي ليمنة يكرهنك بعيشتك الله شاهد
الحمدلله شعجب اهنا
اجيت بشغل وكلت امر اشوفك
مية هلا اليوم تتغده يمي
لا والله تسلم غير مرة
ابد والله مااخليك تطلع
خوش ميرد لچريم اله لبخيل اخلص شغلي وامرك
انتظرك
تمام في امان الله
الله وياك
الو هلا يمة شلونج
هلا يبعد امك
يمة جايني خطار غالي علية غداج يلحك لو اجيب بطريقي
لا يمة يلحك شوكت تجي
قريب ساعة 2
يمة اهواي وكت يلحك وزود
اذا تحتاجين شي دزي احمد
اي انشاللة
كملت شغلي وترتيب لمركز بقيت انتظر محمد يجي صار اذان لظهر صليت وكملت وهوة ماكو هجران هم ماكو دكيت عليهة
الوووووو
يبعد الوووو واهلهة نايمة حبيبتي
ايي نعسانة وانت
بعد ساعة ارجع من لدوام
اشتاقيتلك
فدوه للمشتاقة جوريتي كافي كسل كومي صحصحي وصلي يلة بوية
خليني انااااام نعسانة
اخ بوية كون يمي هسة
شتسوي
بعدين اكلج شسوي كومي لا تشعليني بهذا لصوت جنة معزوفة
امممم شلون عرفت لمعزوفة انت مو متسمع اغاني
مو كل الاغاني بوية ساعة لربي وساعة لكلبي كومي يبت كلبي
متجي اليوم اشوفك
لا بنيتي عذريني اليوم عندي خطار
منو
صديق الية وعازمة للغده
بالبيت
اي بوية بالبيت وهسة انتظره يجي حتى نرجع
اي زين
كمتي لو بعدج
اي والله كمت هياتني
جوريتي اذا لابسة ملابس مال نوم لا تنزلين بيهن اخاف ولد عمج يجون
لا لابسة دشداشة
شعجب
يعني برمودة
ماسوينة شي حبيبي لا تنزلين بيهة
تمام
يلة حبيبتي باامان الله على فكرة نسيت انطيج غراض علوش لبارحة اخذتلة ملابس واشياء يحتاجة بس نسيتهن بالسيارة
ليش متعب نفسك حبيبي
ماكو تعب بنيتي
يلة مر علية اشوفك وتنطيهن الية
انشالله مع السلامه
الله وياك
نزلت جوه ابوية طالع لشغلة وامي جاي تحضر بالغده سلمت علية واساعدهة من كد لسعاده ادندن وية روحي احس رجعت هجران لقديمة لخابصة نفسة بالعناية ولغنة وهاي لسوالف
واكيد اغني اغنيتي لمفضلة
صغيوه كنت وانت صغيوون.
حب عوفنا بنظوات العيون
گالوا توى ذولا يحبون
و من الصغو لما يكبوون.
مثل نجمة والگمو
كبو حبنا وازدهو
بعيونك حبيبي
نبتدي دووب السفو
زهرة..... للي لاي لاي للي لاي لاي لااااااا
زهرة.... وهجران..... صغيوه كنت وانت صغيوون.
حب عوفنا بنظوات العيون
گالوا توى ذولا يحبون
و من الصغو لما يكبوون.
مثل نجمة والگمو
كبو حبنا وازدهو
بعيونك حبيبي
نبتدي دووب السفو
للي لاي لاي للي لاي لاي لااااااا
ههههههه صباح لعافية امي واختي
هلا صباح النور
هجران يبين ليوم نشيطة
حضنتهة وافتر بيهة كلش كلش كلش فرحانة فرحانة اريد اطير من لفرح
دوم يارب بنتي لسعادة الج والاختج
امين يارب
زهرة..؟. يمة شنو غدانة
دجاج بالفرن وتمن وفاصولية
اويلي لعشق فديت ايدج حبيبتي الغالية
شيلي ايدج من لجدر شكم مرة نبهتج ممنوع تمدين ايدج بداخل الاكل
اوي يمة شبيج جوعانة
هسة يجي ابوج ونتغده سوه
هجران كعدي علوش
خلي نايم
بتي لا تهملين ابنج وتخلي يحس بنقص
لا مامة مااهملة بس اريدة يشبع نوم
لا يمة روحي كعدي وتغدي وياه العبو اتشاقو مثل قبل
اي صار
صعدت اكعد علوش
زهرة..... وية صعدت هجران جان تكب لعيطة
شكو ولج هجران يمة شبيج حيلي راح بعد مااكدر اصعد
زهرة..... اني طفرت لهجران لكيتهة مخلية علوش بحضنهة وتصرخ لولد صاير ازرق وعيونة مكلبة وخشبة صاير
هجران اسمعيني لج راح يموت عوفي
ولا يمي فاقده سحبت علوش منهة بسرعة وبتراك لنوم طفرت لبيت عمي شفت لغثة بس مو وكتة
لؤي فده الحك علوش راح يموت
شبي
مااعرف فدوه خلي ناخذة المستشفى
يلة اصعدي
لؤي نخبص بيت عمي هم نسيت امي وهجران روحي فرفحت على علوش مااعرف شنو اسوي خليتة بحضني وصعدت شفت. هجران طلعت تركض بالعباية ولحجاب لؤي اوكف هاي هجران اجتي
يلة بسرعة
طلعنة للمستشفى كبل الطوارئ رحنة اخذو علوش واني وهجران مفرفحين هجران دخلت وياهم واني بقيت بره واكفة
لؤي تاخرو فدوه شوفهم
لا تخافين مابيهم شي اكو واحد يطلع هيج بهذا لبس
اوي اني بياحال وانت ادقق بالملابس هتوني كاعدة من لنوم وجهي مغاسلتة وانت تفكر بالبس جاية بالشبشب حتى نعال ملابسة وهوه يكلي لبسج
على كيفج عيني ماكلنة شي بس بكل حالاتج انتي گمر
وكتك هسة انت وكت غزل بس صوجي اني لثولة لجيت عليك وتنخيتك
لا اطنكرين زهرتي بس والله مااكدر اخلي لناس تباوع عليج هيج
ممسوية غلط وبعدين تراك عريض ومابي شي
خلص براحتج اني بالسيارة اذا احتاجيتو شي دكي علية
ماجايبة موبايل
شوية واجي
براحتك
راح لغثة واني دخلت جوة اوي عمري علوشي شلونك ياروحي
اني زين
شكالو هجران
مشمور بسبب لصخونة حرارتة مرتفعة كلش اهواي
بس والله مابي شي من نزلت جان نايم
اي يجوز ماحسيتي. بحرارتة مرتفعة
اسفة هجران
لا حبيبتي لا تتأسفين قضاء وقدر الحمدلله هوه بخير
شوكت نطلع
بس يخلص لمغذي ونطلع اروح اجيب عصير وماي واجي
روحي
طلعت مسافة طويلة جبت وبرجعتي بالي شارد جان انظرب برجال وبطل لعصير يوكع وينكسر ويصير طشارة خطية ادمر لرجال ملابسة ماشفتة بس كلت اسفة ممنتبهة
عنزة ام راس انتبهي مرة ثانية
رفعت راسي بعصبية احتر.... نفسة لثور لهايج
هاي انت على الاقل اني اعتذرت منك بس ويلي على لثور لهايج ماعنده منطق للعتذار
لا بشرفج
رفعت حاجبي اله بطريقة استهزأ كلت ثووووررر ميصير چارة
وين اكو عنزة راسهة جوزي
محد عاتب عليك تطلع كبالي
دنكت ردت اخذ لمي چان يعيط
لا دنكين يالكائنات
باوعتلة بعصبية وانت شكو
خزرني والله خفت من عيونة يبوووو اشر للورا
ابني لم غراضهة ولحكني
شايف نفسة فوكهة يتأمر على لناس عابت صدك ثور
لسانج لعنزة روحي غيري راسج واني اسعالج بيهة
درت وجهي ورجعت كلش متنفرزة منة شكد مكروه ياربي
انطيت لمي لهجران وباكيت لعصير لعلوش
وين لعصير مالتج
انكسر
جان جبتي غيره
مااريد
شبيج
مابية شي. خاف عايزة التمت اجه ابن عمج لشفية
لؤي... هاج زهرة جبتلج هذا لبشت
ليش كالولك ممستوره وتريد تسترني
مو هيج بس عيب تفترين بالتراك اهنا
لا بشرفك كرصتني هجران
اخذي واسكتي لا تسوينهة سالفة
اوف منكم اوف اخذتة ولبستة وكعدت مطنكرة بسبب لثور شلون يقلد علية صارت ساعة 2 ونص كال لدكتور تكدرون اطلعون مابي شي بس لا تخلون حرارتة ترتفع
طلعنة وعلوش بحضن هجران بس تبوس. بي
كافي هجران راح يخلص
معليج اني وابني
علوش تعال يمي ختولي هجران
لا مامة حبيبتي
مزاعلتك علوش
زهور لا ادوخيني اني مريض
اي الله ربك منو يحجي. وياك بعد
لؤي... تغارين
ليش يمة اغار شنو قحط دلال
سكتنة رجعنة للبيت خطية امي وابوية بالهم يمنة لان مماخذين موبايلاتنة تحمدو بالسلامة لعلوش ارتاحينة وكعدنة نتغده
علي...؟ صارت ساعة 2 ومحمد ماكو دكيت علية كال هياتني جاي طلعت من لمكتب واتصلت باامي راح نجي ادك على هجران ماكو مرتين 3 ظل بالي عليهة اجة محمد رحنة للبيت جانت امي محضرة خير من الله اكل سمج ودولمة وتشريب دجاج فواكه ولبن وتمن وعلية مكسرات سفرة تفتح لنفس ابو جاسم خلي لشباب هم يجون
زحمة يمعود
لا يابة ماكو زحمة خير وبركة
دز على لحماية ولسايق ولياه جانو 3 كعدنة بالاستقبال تغدينة وخلصنة وشربنة چاي بس بالي يم هجران معقولة ماشافت تليفونهة وين راحت للساعة 5
محمد... يلة سيد نرفع لزحمة ومشكورين على لضيافة يابة زاحمناكم
لا تكول هيج خوية بكل وكت هلا بيك لبيت بيتك بات ليلة يمنة
لا والله لازم ارجع اكمل شغل
للبيت للدوام
لا والله لدوام لجمعة ياللة انزل
هلا بيك حبيبي
طلع محمد دك تليفوني
الووو
هلا بعد وكت يابة
اسفة بس صارت سالفة ونشغلت بيهة
خير يارب
علوش تخربط ونقلنا للمستشفى وللساعة 3 ياللة رجعنة للبيت
مابي غير لعافية شلونة هسة
زين الحمدلله
منو اخذة للمستشفى
اني وزهرة لؤي ودانة
واني طرطور بوية
لا حشاك بس علي لا تعتب علية لو شايف حالتي تعذرني حجيتلة لصار كلة
هجران هل مرة مسامحة بيهة بس مرة ثانية مااسمحلج اطلعين من دون شوري
اي انشاللة
يلة اخذي راحتج
مع لسلامة
ضجت من اسلوبة قابل رحت ونسة اني غير ابني راد يموت بين ايدي لو مو زهرة اخذتة مني
خليت راسي يم علوش ونمت بالستقبال محسيت بشي بعد
علي.... ضجت لان طلعت بدون علمي بعدين فكرت بيهة حقهة اكيد مالحكت تخبرني اسلوبي جان جاف وياهة انتظرت اذن مغرب صليت وبدلت اخذت ملابس علوش واخذتلة حلويات ورحت عليهم
زهرة... ندك لباب ابوية جان طالع طلعت اني افتحة
هلا سيد تفضل
هلا بيج شلونج شخبارج
الحمدلله وانت شلونك
الحمدلله بخير
تفضل سيد
لحجي بالبيت
لا والله طالع
جا اخذي هاي لغراض مال علوش وسلميلي عليهم
تفضل سيد قابل غريب انت
لا ميصير بوية
لا والله اله تفوت يمة يمة
ها يمة... هلا ابني شلونك
هلا ام ياسين الحمدلله
تفضل ليش بالباب
زهرة.... ميقبل يفوت لان بابة مو بالبيت
تحجي صدك يمة. لبيت بيتك فوت ابني
نحرجت دخلت بالحوش هجران وين
نايمة هسة اكعدهة
لا خليهة نايمة اجيت اشوف علوش
زهرة.... اي تفضل بالستقبال موجود فتحتلة باب لستقبال ودخل عزة نسيت هجران نايمة يلة هوه رجلهة وسيد ميسوي شي
علي..... دخلت للستقبال جانت هجران نايمة ولشعر منثور على لوجه وعلوش بحضنهة اوف ربي ونهدين بارز بقيت بمكاني صافن عليهة ملاك وهي نايمة تقربت عليهم وخرت شعرهة من لوجه وطبعت بوسة قريب شفتهة الله شكد طيبة
حبيبتي يروحيتي
امممم
جوريتي كومي
فزت مرعوبة يمة
اسم الله لا تخافين هاي اني
طفرت علية بلهفة واشتياق خليت خشني بركبتة وبستة
اخذتهة لحضني وكعدت على لتخم وهي بين ايدي وتذكرت اول حضنة بالحرام سويتة واول لهفة منهة الية نفسهة ماتغيرت
اسف يروحي انتي عليت صوتي عليج بس ماكدرت اتقبل فكرة طالعة بدون علمي
ولا يهمك حبيبي اشتاقيتلك
فدوه للمشتاقة اني اكثر شلونة علوش
الحمدلله بخير
ليش نايمين هيج وكت
علوش راد ينام وتمددت بصفة غفيت وياه
تعاي يابعد لعافية ليش هلكد انتي حلوة
هههه عيونك الحلوين حبي
فززتي لولد بضحكتج
كعد علوش وطفر لحضن علي عبالك ابوه جلب بركبتة طلعت اجيب لضايفة واجي جان علي يشوف علوش لاغراض وعلوش طاير من لفرح بيهن
ماتاخر علي يمنة كال تعبان اروح انام عندي دوام راح واني وعلوش تعشينة وخلص يومنة لا جديد ينذكر مرة ايام واتفقنة نطلع لجمعة نشتري اثاث لغرفة مالتة
زهرة..... بعد يومين اجة عمي ولؤي وامة كلنة كاعدين جان عمي يكول
ابو هجران اجينة نطلب زهرة لؤي
