رواية هجران القلوب الفصل السادس عشر 16 بقلم شروق الشمس
هجران القلوب
البارت 16
الكاتبة شروق الشمس
....... ــــــــــــــــــــــــــــــــــ
لتكول مالك بيه
انتَ اللعبت بحالتي
وكل حيل ماضل ليه
تهضمني وآنا الجنت اون
لو طولت بالجيه
ثاريهن دموعك جذب
لمن جنت تبجيلي
رايد تخرب صحتي
وتكرسني وتهد حيلي
من كتلي خايف نفترك
غيرت موضوع البعد
كتلك تحب اغنيه؟
ثاريك من تسمع تحن
ورجعت تبجي من ابتدت
ثاريك تسمعها قبل
ويه الكاسرك الغنيه
والمهم ذنبي بركبتك
.........................
نرجس.... عافني وطلع بره بقيت بمكاني جامة لا اخذ ولا انطي هنوب شفت علي صافن بوجهي لا خربت خرطت لعافية والله
علي فدوه افتهمني لا تتسرع والله ماسويت شي غلط اجيت بس اعتذر منة علمود ضربة لسيارة ومن جنة كاعدين اعرف قللت ادب وياه فده افتهمتني
علي.... سحبتهة لحضني وضميتهة لكلبي امسد على شعرهة لا تخافين بنيتي اعرفج انتي شنو واعرف احمد هم لو غير شخص الله يعلم شسوي بس اني اعرف احمد من زمان كالي عليج بس اني رفضت لان اشوفج مو صحبة وياه سمعت كلشي بينكم صار ماغلطتي بشي ولا هوه غلط بشي بس مايصير تقارنين شخص بشخص اني من حبيت هجران حبيتهة بطريقة تختلف ولا اعرفهة ولا تعرفني وانتي شاهده بكلشي ولو جنت اعرفهة واحد بالمية جان ماخليتهة اتصير لغيري بس الحمدلله بنيتي فكري وية نفسج اذا الج تقبل بااحمد وافقي علية محد راح يسعدج بكده كافي بچي بنيتي انتي مو صغيرة هاي سنة لحياة مدام مامسوية شي غلط لا تخافين ولتردينة سوي واني بظهرج لان اعرف شنو مربي من بنية
الله يخليك الية وميحرمني منك
ويحفظكم الية يلة خلينة نروح لبيتنة
طلعنة للبيت بعد ماخالي كريم اتفق وية ابو هجران لجمعة لمشية مال لزلم
بعد ماكدرت اصبر اكثر دكيت على هجران
الو هلو علي شلونك
هلا يروح علي هلا بمريتي
هلا بيك
شلونج يابة
الحمدلله بخير دامك بخير
اويلي اني اصير بخير من تجين يمي
الله كريم انشاء الله
لصراحة اهواي حجي ضامة بكلبي بس من تصيرين حلالي اطلعة الج
هههههه تخاف يصير عليك ذنب
فدوه اروح لهاي لضحكة
هجراني اريد اكلج شغلة بس لا تحسبيهة امر مني بنيتي
اي كول اسمعك
بنيتي بيوم لخطبة رحمي حالي لا تلبسين شي مفضوح
ههههه ليش
استري علية يبت لناس
تمام تدلل
ليش احسج مفرحانة بنيتي
لا بالعكس والله كلش فرحانة واحس اول مرة يصير الية لخطبة
هجراني مااريدج تكولين احس اول مرة لا اريدج بكلشي وياية اول مرة اجربينة
تمام اذا هيج لعد خلينة نختار ملابس لخطبة سوه ويكون اول تجربة الية
يوم لمنه عندي تدللين شوكت اجيج ونروح ناخذ سوه
بكيفك بس اتصل بابة واستأذن منه اذا قبل نروح
تمام بنيتي تدللين يلة اخذي راحتج
تمام باي
بحفظ الله مع السلامة يابة
سديتة واني احس شعور حلو بس خايفة كلش اهواي عمر اذا درة بية يسوي مشاكل اني متأكده خليتهة على الله رحت انام واسمع ونين يجي من غرفة زهرة افتح لباب مينفتح
زهرة شبيج فتحي لباب
مابية شي عوفيني. وحدي
زهرة حبيبتي بس اشوفج واطمن عليج
هجران مابية شي روحي ماعليج بية
ليش تبجين
فتحت لباب هجراااأان اني يمكن صرت حامل 
بصدمة وسديت حلكهة لا تسمع امي شبيج ولج شمصخمة اشوف
والله هوه مو اني والله
لج عزه بعينج من هوه
ابن عمج لسربوت لادبسزز والله ماكدرتلة
لج فهميني شسوه بس كليلي
لج باااااسني من شفتي والله غصب عني والله شلون بية هجران دبريني هسة يصير طفل مثل مامة وابوية يذبحني
والله غصب عني والله شلون بية هجران دبريني هسة يصير طفل مثل مامة وابوية يذبحني بقيت صافنة عليهة ههههه ضحكت تحجين صدك ولج
اي والله
بس بطلي بچ وفهميني يعني ماسوه شي بعد بس باسج
اي شيسوي بعد اكثر من هذا
زهرة عود صدك تحجين لو تضحكين علية
مسحت عيوني بردن لتشيرت ليش تشوفيني اضحك لو شنو
لا والله مو قصدي بس صدك متعرفين لبوسة متسوي شي يعني عادي
لا مامة كالت لرجال يبوس مرتة وتصير حامل
هههههه خرب غيرتج اذا صدك هسة هاي شلون افهمهة
ليش
زين انتي ادرسين علمي مايوم شرحتو هذا لشي
لا طبعاً ماكو بالكتب هيج بس اكو فصل واحد يحجي على لمرة ولدورة لشهرية ولمدرسة تركتة كالت ميجي بالنهائي لذالك مااخذنا
زين صديقاتج
شبيج هجران تضحكين علية رايحين ندرس لو نحجي شلون اتصير حامل لبنية
لج لا اقصد
شنو
فركت وجهي بيدي صبرك ياربي هاي شلون افهمهة باعي حبيبتي انتي كبرتي وباجر اتصيرين احلى دكتوره بالدنية بس لازم تفتهمين شغلة
الي هي
هسة ليسمعتج مراح يكول مترباية ومدور اسوالف مزينة لا راح يكول جاهلة لو غبية
اي
راح احجيلج بس ممنوع يطلع لكلام لاحد مامة متقبل بس لازم تعرفين وتفهمين باجر وراج كلية
اي اسمعج
حبيبتي لبنية ماتصير حامل اذا احد باسهة لا هذا لكلام يكولونة للاطفال من يسألون لان ماكو جواب كد عمرهم بس انتي چبيره وراح تفتهمين
اي طبعاً جنت اشك بالسالفة اني لان كومة نبوس ناس اشو ماصرنة حبل
هههههه لمهم حبيبتي لبنية مو تزوج وتروح تعيش بغير بيت
اي
ياربي لو افهمهة
اي شبيج سكتي
اي من تروح وتلبس لبدلة راح يلعبون لعبة اصغيره وهي تنام بحضن زوجهة و شسمة
اي شنو
اها تذكرين من جنة نباوع هذاك اليوم على فلم لمصري من ازوجو وراحو للغرفة
اي نزع ملابسة ومامة طفت لتلفزيون
اي هوه هيج يصير وياخذ زوجتة بحضنة وتصير حامل
اها افتهمت يعني لازم تنام بحضنة بدون اهدوم ويبوسهة وتصير حامل
حاصرة ضحكتي وافرك بوجهي طاح حظج اي يكلبي هيج يصير
اي هم زين بس هذا لجلب لؤي يكلي تردين اكلج شلون ايصير لطفل هجران والله مليت منة كل ميشوفني يتحارش بية ويذب كلام
خيولي مراهق او سوه شي اضربي بالنعال وكولي لبابة
اي زين
يلة نامي باجر اخر متحان الج
لا بعدني ممخلصة قراية
يلة حضري نفسج لجمعة خطوبتي
جذابة
اي والله
شايفة الف خير حبيبتي بس وعلي وين راحة يبقة
يروح وياية
بقي يمنة هجران
مااكدر حبيبتي لان من راح يكبر يكرهني ليش اربي اخوانة يمي وهوه يمكم وثانيا مااكدر يوم بدونة وليدي
زين بس ايام زواجج خلي يمنة
الله كريم حبي
كلمن راحت لمكانهة تنام ثاني يوم اجة بابة على غده كال حضري نفسج لسيد يجي لعصر ترحون للسوك اخذي امج وياج
أم هجران.... اني مااكدر اروح عيني ياسين صغير وزهرة متعرفلة خليهم يرحون وحدهم شكو عليهم
لناس شتكول
شعلينة بحجي لناس متأكدين من تربيتنة ولا تنسة هذا سيد علي يخاف الله بكلشي وهوه حتى من طلب بتك ماطلب يشوفهة نظرة شرعية يخاف الله
هاي هي جهزي نفسج بنتي
خلصنة تحضير لغدة طبت زهرة
ياناس خلصت واخيرااااا كللللوووؤووووووش
هذا خلصنة منه كولولة بيبااااي وهذا خلصنة منة كولة تفووووو بااااااابة انت اهنا
لا بعدني ماجاي
حبيبي اسفة بس فرحانة لان خلصت امتحانات
مبروك بنتي يارب يوم تتخرجين واشوفج احلى دكتورة
امين امين يارب
امي لغالية اروح اناااااااااام ابد ابد لا تكعدوني
تغدي وروحي
اي والله هم صدك
هجران.... كومي بدلي وتعاي
لا حبي مرة وحدة اتغدة واروح ابدل وانام
تغدينة وخلصنة زهرة طفرت نامت وقفلت لباب امي كالت خلي علي يمي وروحي وية لسيد
كمت تحضرت لبست فستان لون سمائي فاتح وياه شال ابيض وحذاء فلات لان اني طويلة مكياج بسيط خليت
هجران بوية خلصتي لسيد بالباب
اي بابة
طلعت هوة نزل من لسيارة
مرحبا
عليكم السلام بوية
يلة اصعدو
احم بس اني محد وياية
بابتسامة كل لهلا بيج يابة تفضلي فتحت باب لصدر وصعدت
بنتي امانتك سيد
انشاء الله كد الامانة حجي
افتريت وصعدت من ناحية لسايق عين الله ترعاج بوية كمر ويمشي شدعوه هلكد حلوة انتي
سيد
روح لسيد
لا تخجلني
هجراني شمسوي انه بوية
غض لبصر
نضرة شرعية يبوي
ههههه فدوه لهاي لضحكة وين علي لصغير
بالبيت
ليش ماجبتي وياج
يضايقك
افه افة عليج والله هذا ابن لغالية
وين رايح
اجيبة
ممبدلتلة
انزلي بوية بدليلة وتعاي انتظركم بس لا تتاخرون
تمام نزلت بفرحة لان راد يروح وياية وماخليتة علاوي علوشي وينك مامة
ها مامة
مو ردت تجي وياية
اي
يلة تعال ابدلك
صدك مامة اروح وياج
اي حبيبي مكدرت اعوفك ضايج وعمو علي كال خلي يجي زلمة ويانة
صدك مامة يعني عمو علي يحبني
اي حبيبي يحبك
على لسرعة بدلت لعلاوي وطلعنة اول ماصعد
شلونك عمو
هلا هلا بوية اني زين اذا انتم زينين تعال ابوسك
اوف اوف لك شنو هل ريحة لطيبة
من مامة
فدوه اروحلك واروح لمامة
ها يابة نطلع لو ناسين شي
لا ماعدنة شي
يلة حجي في امان الله
الله وياكم سيد
اي بوية وين تردون نروح بالاول
كيفك
انتم شتكولون
انت شنو يريحك سوي
زين بالاول خلي نروح ناخذلج احلى بدلة
بخجل كيفك
رحنة للمجمع جان خاص بس للعرايس
اجرت بدلة ماروني بس كلش مستوره ومريحة طبعاً اختيار علي بعدهة اخذت حذاء شوية عالية لون ذهبي ولماسكة ذهبي وماروني كلش حلوة
هجران... شنو رايج اخذ زي رسمي لو دشداشة
كيفك
لا يبوي انه ليش سألتج لاني محتار
لصراحة من اجيتو علينة جانت لدشداشة كلش حلوة عليك فدشي
هاي هي انتضريني بلسيارة مااتاخر عليج واذا ردتي شي اتصلي عليه
تمام
يلة علوش
ها عمو
يلة بوية انزل
مامة
انزل بوية غير انه كتلك
اي عمو
راحو ساعة تقريباً ورجعو
ها يابة تاخرت عليج
عادي
مامة شوفي عمو علي شنو اشترالي
اوي حبيبي بالعافية كلش حلوات وليدي
شكرا مامة
ليش تعبت نفسك
هجران اسكتي هذا ابني هم
الله يخليك النة
هنوبة رحنة اختارينة لحلقات هم ولذهب رجعنة للسيارة
نروح نتعشة بالمطعم
لا خلينة نرجع للبيت
ليش
ماكلنة الابوية
لا اني ستأذنت منة وماكال شي
اها بكيفك
ها علوش بوية شتكول
بكيفكم عمو
لا هاي كلمة عمو مو حلوة
اسف اكول سيد
ولا هاي
شنو اكول لعد
انت شتحب تكلي
باوع علية وحسيتة متردد بالكلام او خايف عبالة مثل ابوه لو حجة كلمة زايده ينكتل
شو ابني صفنت حبيبي بيك شي
ها لا مابية شي
براحتك ابني لتحب تكولة كولة لا تتضايق
ماشي
يلة نزلة
دير بالك مامة لا تنزل من طرف لسيارات من يم عمو علي انزل
اي مامة
تعال بابة وياية
اخذه علي واني نزلت وياهم
اتمنة الزم ايدج واعبرج مثل بنيتي بس هسة حرام وعد بس نكطع مهر مراح اعوفج ابد
واني عمو راح تعوفني
لا طبعا انته ابن روحي
احبك عمو
واني اموت بمك
يلة تعالو
دخلنة للمطعم واخذنة زاوية بالمطعم كعدنة
مرتاحة يابة
لصراحة
اي
لا
ليش يابة
مماخذه راحتي واني مكشوفة هيج لاول مرة اطلع لهيج مكان
ولا يهمج
كابتن من رخصتك اخوية
تفضل استاذ
اذا ممكن قاطع عدكم تخلي النه
اي تدلل استاذ
ها يابة وهسة
اي مرتاحة
يلة شطلبون
كلمن طلب على ذوقة بعدهة علوشي شرب عصير واحنة چاي
هجران تحبين لچاي
اي بعد كل وجبة لازم
ههههه واخيرا لكيت احد يتضامن وياية من عائلتي
ليش
اهلي محد يشرب لچاي غير بس لصبح
صدك
اي بس. اني مرات امي على واهسي تشرب
اي زين
هجرن احجيلي عن نفسج
احم خليهة بغير وكت من نصير وحدنة
تمام
اي يابطلي تريد شي بعد
لا عمو شكرا
لا تشكرني وليد
ليش
لاابن من ابوه يسويلة شغلة يسويهة لان يحبة ماكو داعي للشكر
مامة يعني بابة ميحبني
لا ليش حبيبي
لان هوه ميسوي مثل عمو لا وياية ولا وياج
علي... ليش ابني
لان هوه بس اطلب منة شي يضربني لو يضرب مامة عمو انت هم راح تضرب مامة لو طلبت شي لو صرت وكح
لا حبيبي ليش اضربك انت ابني وحبيبي اذا سويت شي غلط راح احاول اصححة الك بس ميوصل للضرب وامك اخليهة بنص كلبي شلون اضربهة
عمو يعني بابة اذا اجة من لسفر وراد نرجع يمة نعيش راح تعوفنة
لا وليدي مراح اعوفكم اله واني ميت
لا اسم الله عليك بعيد الشر خلي نغير لموضوع احسن
هجران ابنج عمرة صغير بس تفكيرة چبير واعي يبين اهواي اشياء لازم اعرفهة
راح نحجي اهواي بس مو هسة
براحتج يلة خلينة نروح للحديقة
صدك عمووووو الله احب لحديقة وبيهة العاب
يلة يابطل خلي نروح
تاخرنة علي
روحة لعلي بعد وكت هستوة اذن مغرب
طلعنة للحديقة وعلي انطلق بالعب كعدنة بمكان اني وعلي وعلوش راح يلعب بس كدام عينة مو بعيد اباوع ابني محروم من ابسط حقوقة دمعت عيني علية حسيت ايد انمدت ومسحتهة وهاي اول مرة شخص يمسح دمعتي غير ابوية وامي
اسم الله لا تفزين هيج مو قصدي افززج بس شفتج صافنة ودموعج تنزل ليش ياضوه عيوني
احم علي اعذرني مكدرت احجي كدام ابني لان بسرعة يتحسس
عرفت بيج
ليش هيج علوش من احد يسويلة شي ابسط حاجة يتشكره
لان يحس بنقص
ليش
لان ابوه ماجان عنده هذا لحنان وطولة لبال اله جان ممنوع يحجي اهواي ممنوع يطلب حاجة واذا راد شي وبچة
كملي ليش سكتي
لو هوه ينضرب لو اني
لسبب
مااعرف عبالك مو ابنة
او چان يعاقبج بي
مافتهمت
يعني جان يأذي علوش لان يعرفج تتأذين علية
هههه ليش هوه مقصر وياية بالاذية
ليش جان يأذيج
كول بشنو ممأذيج
يعني شلون
لا يضل بالك شي مو مهم
ممكن تحجيلي
اخاف بيوم تاخذه ضدي لو تعايرني بي
ليش هل درجة شايفتني خسيس ونذل
حشاك بس بسببة ماعندي ثقة بااحد
احجيلي عنج هجران
اني جنت مثل فراشة اطير من زهرة لزهرة لحد متتعب وتنام بالمكان ليعجبهة وفجأة وبيوم كعدت ماكو ولا زهرة يمي بس وحوش ويحاولون يكصصون اجنحتي حتى لا اطير
منو ذولي
عمتي لچبيرة
ليش
لان تكره امي
كملي
انجبرت بزواج مااعرف شنو مصيرة وعلى ساعة گلبي يوكف بسبب خسرت حب طفولتي بيوم لعرفت يبادلني بنفس لشعور اجاني لفرج بيوم تأجل كلشي وستنجدت بيك تخلصني ماجنت اعرف ضروفك وعلى ساعة فكرت انت هم تخليت عني رضيت بالقاسمة الية الله
جنت مدللة ابوية وامي رحت لبيت مااعرف عنهم شي لشهاده لله عمي وخالتي جانو يحبوني ولبنات وحتى احمويني اله هوة جان من الاول ماخذن شغلة انتقام وحقد او اجباري علية وبيوم لزفة بعد ما لكل نام وخلص كلشي حسيت لدنية اسودت بوجهي ماجنت اتمنة لصار وية غير لحبيتة
علي.... هجران جانت تحجي بحركة نست اني منو ويم منو تحجي حست نفسهة تحجي وية دكتور نفسي احس قبت داخلي مال اسنين ضامتة اتمنيت احاوطهة واطبطه علية بس جان حرام علية لمسة الهة لان ماعاقدين هي تحجي واني احس عبالك واحد يعصر بكلبي تمنيت هذاك لخسيس كبالي اطلع كل هذا لقهر بي مديت ايدي مسحت ادموعهة
هجران.... علي لا تعودني عليك وتعوفني بعدين اوعدني متصير قاسي علينة مثلة
اوعدج اصير مثل ماتردين ياروحة لعلي
لا تعبين روحج اذا ماحابة لا تكملين كلام
لا عادي بالعكس احب افضفض بس مالكيت شخص مناسب
كملي يروحي انتي
اول ايام جان زين وياية بس بعد فترة تخبل وكل كلمة يكلي انتي عندج علاقة ومن هاي لسوالف اني ابقة ساكتة لا اكدر انكر ولا احجي بيوم اجة سكران وهذا اول يوم اعرف بي جبرني على كلشي اسوي انت تخاف تلزمني ولجمعة اصير حلالك وهوه كومة اذنوب تحملت وياه سحبت نفس بوجع جبرني اشرب وياه واني انقرف من ريحتة اول ماقربة لحلكي كلبت معدتي ماتحملتة لزمني شبعني كتل ساد حلكي علمود اهلة لا يسمعون لصوت جان يعرف وين يضربني ابد ميوصل لوجهي علمود لا يبين سحلني وبابشع طريقة
شهكت مكدرت اتحملهة
علي........ اختصبج؟
هجران..... هزيت راسي بس بطريقة حتى لكافر ميسويهة
علي..... يعني شلون
سكتت فترة مكدرت احجيلة بس من كد ماسكتت هسة طلع علية جنت خايفة لا علي يطلع نفسة
هجران وياية
هزيت راسي
حابة تكملين
اي
اي شلون بابشع طريقة
يعني مو مثل لبشر او مثل اي اثنين مزوجي
هجران لا تخبليني لعد شلون
جاان جاان يستعمل الات لهذا لختصاب مالتة
زين وبعدين
مااعرف شلون اوضحهة الك بس جنت احس نفسي بمعتقل مو زواج جان يجبرني اسوي اشياء تقرف الله ميقبل بيهة هاي جانت اول مرة بحيث اسبوع اني مااكدر امشي ولا اتحرك من افراشي
وشلون هوه قبل ميجي يمج
جنت اقفل لباب وانام بعدين اكتشفت انو هوة مرجع طليقتة وهي تحرضة لهذا لشي علمود اطلب لطلاق بدون حقوق
الله واكبر عليهم كافي بچي بنيتي يلة امسحي ادموعج من ترتاحين احجيلي بغير وكت علوش اجه هسة يشوفج تبجين ويضوج
تمام بس. اريد اروح للمغاسل
اهنا ماكو هسة نروح لذاك لمطعم
مامة مامة شبيج
مابيه شي حبيبي بس وكعت وتعورت
وين وكعتي مامة وين لعورة
اهنا بيدي
سحب ايد امة وباسهة
ها هسة صارت زينة
اي ياروحي
تعاي نزلي شوية مامة
علي.... لا وليدي ميصير تنزل بالشارع عيب
انت شيلني عمو
اي تعال
شلتة وتقربت على امة مسح دموعهة وباسهن
ههههه لك شنو هل حنية هاي
حضنتة وكزكزت علية يلة يابة امشينة عبرنة لامطعم ترخصنة منة وراحت هجران للحمام
عمو انت بچيت مامة
لا حبيبي مامة وكعت
لا مامة متوكع بس من واحد يضربهة تبجي
لا يروحي ماضربت امك بس اتذكرت شي وبچت
اي زين عمو لا تزعل مامة هي تحبك
وانت شمعرفك
اني اسمعهة تحجي لبيبي حنان عليك بس هي عبالهة اني نايم
اممممم ملعون
ههههههه واني هم احبك عمو
واني اموت عليكم اجتي امك
يلة يابة نرجع لو محتاجين شي
لا تسلم ممحتاجين شي
