رواية هجران القلوب الفصل السابع عشر 17 بقلم شروق الشمس
هجران القلوب
البارت 17
للكاتبة شروق الشمس
ـــــــــــــــــــــــــــــــــــــــــــــــــــــــــ
گولوله هو الشمس والدنيا ظلمة بدونه
_______________________
دخلت للبيت جنت مستحية من اهلي لان اتأخرنة اهواي
اعتذر بابة تاخرت بس علي اخذ علوش للحديقة
اعرف بتي لا يضل بالج لسيد انطاني خبر
اها زين
اي مرتاحة يابة
اي الحمدلله
عساج دوم
يابة شوف علي شترالي نيشان لذهب
مبارك عليكم الله يسعدكم لسيد ابن اجاويد
الله يسعدج امي اخذي ابنج نومي وبعدين نحجي
بدلت لعلوش واني هم ارتاحيت نزلت يم اني حجيتلهة كلشي صار زهرة وين
لج هاي تنبل مال نوم نزلت بس تعشت ورجعت نامت
خطية صارلهة اكثر من شهرين منايمة بس تقرة ونومهة مو تمام
اي والله يارب تحقق حلمهة وطلع لمعدل ليسر خاطرهة
امين ياارب
دك تليفون جان علي رفضتة وترخصت من امي رحت يم علوش شفتة نايم مددت بفراشي ودكيت على علي
الوووو
يابعد بعد الووووو واهلهة شلونج بوية
الحمدلله بخير دامك بخير
عساج دوم يارب
تسلم انت شلونك
الحمدلله بخير ليش تحجين برسمية وياية
ممتعودة عليك
يلة ماظل شي واعودج علية
انشاء الله
ارتاحيتي بوية
اي الحمدلله
خوما بعدج ضايجة
لا بالعكس كلش مرتاحة وياك
اروحلج فدوه اني وليدي شلونة
بس دخلنة نام
خلي يرتاح اشتاقيتلج ياروحة لعلي
واني هم اشتاقيتلك
اووويلي يلة بوية روحي نامي نوم لعافية
وانت
شنو انه
راح تنام
انتي شنو تردين
اكيد تنام
تدللين غالية ولطلب رخيص
سديتة من هجران وكلمن غط بنومة
نرجس.... بعد لصار احس عيني تفتحت على احمد مابي شي معيب بالعكس شاب حلو اسمر طويل ضخم صاحب كارزمة ذواق كلش ليكعد يمة ضايج يطلع متونس ليش اني رافضتة اخذت تليفوني ودكيت علية
الوووو
هلا نرجس
مشغول
لا محتاجة شي
ممكن نحجي
بشنو
بكلشي
لعندي كلتة
احمد بس اني ماحجيت شي
اسمعج
يجوز حجيي يزعلك بس اسمعني للاخر
تمام
ياابن خالي لصراحة اني ماعندي اي شعور اتجاهك لا حب ولا كره مجرد ابن خالي لا اكثر يجوز حب وصداقة طفولتنة خلتي اتعلق بيك بس مو لدرجة احبك عندي هاي لكلمة مقدسة مو كل واحد يكدر يوفي حقهة درست 3 سنوات اعدادية اهواي شباب شفت ينطقون هاي لكلمة بس كلة جذب ودرست معهد هم اكثر من شخص رادني بعلاقة ويجيني اني معجب واحبج ومن هاي لسوالف الله شاهد ما يوم فكرت بااي شخص جنت اخلي اخوية لتعب علية كدامي ولهذا ليوم اني هيج كلبي فارغ مابي اي شخص ولو لا علي مشجعني احجي لبداخلي ماجنت اجرء واخابرك
انطيني فرصة ازرع بذرة حبي بكلبج
موافقة بس بشرط
الي هوه
بالحلال
يعني نتزوج
لا ننخطب لبعض لمدة سنة واذا اتفاهمنة نكمل واذا منتفاهم ننفصل
واذا قبل لسنة خليتج تعشقيني
انت تحدد موعد لزواجنة
نرجس تحجين صدك لو متصدقة علية لو شنو
ليش اتصدق عليك ردت فرصة وهاي انطيهة الك بس مااريد بالحرام اريدهة كدام لكل واهلي واهلك شاهدين
والله اسويلج احلى خطبة
لا احمد مااريد من هسة مصاريف مجرد نلبس حلقات بالعتبة ومهر سيد نعلنهة وخلص واذا
كافي نرجس لا تنغصين فرحتي وعد اخليج تعشقيني
وعد منى اذا صار كلشي مثل منريد بهذاك لوقت نسوي احلى خطبة
هاي هي تدللين باجر اني يمكم
لا تستعجل
هم صدك ليش لستعجال افتحي لباب هسة نجي
هههههه مخبل علي نايم
نكعده عيوني
سديتة من نرجس وطاير من لفرح مادام انطتني فرصة راح استغلهة بكل دقيقة منهة رجعت للبيت لساعة هستوهة 11
يمة يمة ام احمد وينج
ها يمة شكو
ابوية وينة
هذاك بالغرفة
اكدر احجي وياكم
اي تعال
خير ابني شكو
اريد اتزوج
هههههه شبيك بابة حلمان
لا والله احجي صدك
تي مني هي
نرجس
بت عمتك
اي هي
شلون ويمتة فهمني
شبيك يابة اني من زمان احب نرجس
اي نعرف كلنة انت تحب نرجس ونرجس مطيق تباوع بوجهك
لا غلطانين بس اليوم حجينة سوه وانطتني فرصة انقذ حبي يا ابتي
هههههه لا ابني نلحس مخة
شبيج يمة والله هذا لصار اتفقنة ننخطب لبعض لمدة سنة واذا كدرت اخليهة تحبني نزوج
انت مقتنع بهذا لكلام
اي ليش لا
واذا مااتفقتو
كلمن يروح بحال سبيلة
ونتخارب اني واختي بسببكم
لا ليش
شنو ليش ابني
يابة والله ماكو هيج شي اصلا حتى علي يعرف بية احب اختة بس مغلس
والله شكلك اذا انت مقتنع بهذا لكلام مامنة فايده لحجي
يمة اشو ساكتة
قابل شكول انت مقتنع ابني وليسعدك يسعدني ماكو احسن من نرجس
جا كومو نخطبهة
شبيك ابني شايف لوقت
عادي يابة اله اخطب قبل علي
خليهة باجر
لا والله اله هسة
جريتهم جر وصحت عمي كريم وخالتي مايعرفون شنو لسافة
ولك يمفلوك بس فهمنة شكو
اريد اخطب خالة
هسة
اي اي هسة
علي انت وابنك شاربين شي
والله ياخوي شسويلة سحلني من لغرفة اني وامة كلشي مامفتهمين
يلة وصلنة هسة كلشي تفتهمون
هلا هلا بيكم خوماكو شي خوية صاير شي
لا عمة ماكو شي انشاللة خير لا تنهبطين اجينة نشرب ماي يمكم
ليش عمة ماعدكم ماي
لا والله ماينة مو طيب بس مايكم يخبل
سحلني ابوية من ياختي لسموحة خوية بس هذا واحد سزز لا تخافين ماكو شي بس اذا ابو حسين كاعد صيح النه
اي خوية تفضلو
شكو يمة شبيهم خوالي
والله يمة مااعرف شبيهم يردون اخوج
الله يستر
روحي صيحي وخلي چاي على لنار
بشرفج يمة ساعة 12 مال چاي
چا شلون كعده فارغة امشي يلا
علي علي نايم لو كاعد علاوي ادك بالباب على كيف
تعاي بوية شبيج
ها مابية شي نايم
اي توني غفيت
خوالي ملتمين بالستقبال
بفزة شكو ياستار
لا اسم الله لا تفز يابة ماكو شي لان وجوهم تضحك مو مكدره
خير انشاء الله
يلة جاي بس ابدل اهدومي سويلنة چاي
اي هسة
رحت للمطبخ واخرط اخدودي مخبل والله عزه بيعنك احمد شوازاني وحجيت وياك
صبيت لچاي وصحت امي تودي مارحت اني لان اعرف ليش جايين وخفت من علي
الله بالخير
الله بالخير والعافية لسموحة بوية كعدناك من نومك
لا خالي تنورون بكل وكت هلا بيكم
كريم.... اي ابو احمد خير انشاء الله ساحلنة بهل ليل شكو
علي..... ليش خالي انت هم متعرف شي
لا والله ابني سحلوني من نومتي كوه هذا لهتلي خلاني اغير اهدومي كلشي ممفتهمين الله شاهد
ها خير انشاء الله مية هلا
ابو احمد..... اعذرنة خالي بس اجينة نخطب نرجس لااحمد اعرف مو وقت ولا كلشي مناسب بس هذا لمخبل شاش علينة هسة
مية هلا بيكم بس دقيقة خالي خليني افتهم وحده وحده
احمد.... اني افهمك ابو حسين
اي اسمعك (بس احس نار تغلي جواية شصاير ليش اله هسة معقولة صاير كلام بينة وبين نرجس شكو كومة اسألة براسي بس احترام لخوالي ساكت )
شوف خوية انت تعرف بية كلش زين واكثر من مرة فاتحتك بالموضوع بس جنت ترفض وتكول صغيرة واني جنت اعرف ترفضني لان نرجس مو موافقة علية
اي وشتغير هسة
ماتغير شي علي بس انت تعرف ماعدنة سيطره على گلوبنة مع احترامي الك انطوني فرصة انت واختك حدد لوقت لمناسب لفتره لخطبة واذا مانتفاهم كلمن يروح لسبيل حالة ونبقة اهل
مافتهمتك هذا حجيك لو سامعة
لا هذا حجيي اليوم من طلعت من لبيت واعرفك كلش زين سمعت لصار بيني وبين نرجس ردت اخذ فرصة للانسانة عذرا علي على لكلمة هاي بس اريد فرصة للانسانة لاحبهة واتمنة اتصير حلالي واذا رفضتو مراح اخليكم اتشوفون وجهي ولا اضايقكم بعد نبقة اهل
علي..... بقيت ساكت شسوي افرح لان اكو من يحب اختي ويريد كلشي يسوي لخاطر يحصل عليهة لو اعصب من وقاحتة لو شنو اسوي مثل بلاع لموس بقيت لا اكدر اعصب وخوالي كاعدين عيب منهم وهوه اجة من لباب جان يكدر كلشي يسوي من ظهري ولا اكدر اوافق واني اعرف نرجس ماطيقة
كريم.... ها بوية شكلت ليش ساكت
والله خالي مااعرف شكول خليني اشاور اهل بيتي والله كريم
ابو احمد.... خالي احنة مو غربة كوم شور اختك وشوفهة
خالي اعذرني هاي لسالفة مو مال عجلة خليني احجي وياهة والله كريم
كريم..... هاي هي خالي اخذو وكتكم وانشاللة نفرح بيهم
الله كريم بيهة لخير انشاللة
احمد.... طلعنة واكو امل بكلبي
انت ليش ماكلت هذا اتفاقنة اني ونرجس
تقبلين واحد يجي ويكلج متفق وية بتج للزواج
طبعا لا
جا شلون تردين اخلي نرجس بهيج موقف وية اخوهة
بس احنة اهل
واذا يمة نسيتي عاداتنة وتربيتنة
لا بس لان شفتك متلهف
اذا قسمتة مااتصير لغيرة ام احمد بالعجلة ندامة
الله كريم
علي...... نرجس عوفي لبيدج تعاي
ها
شبيج ترجفين ليش خايفة لا تتوقعين اسوي شي. انتي ماتردينة ولدليل اول ماصحتج حتى ماسألت امي
لا مو هيج بس
بس شنو
اني غلطت خوية ماجنت اتصور. هيج
اعرفج عاقلة ومايطلع منج غلط علوية احجيلي اسمعج
بس متزعل
لا بس اذا لغلط مو جبير
لا وغلاتك عندي
اي اسمعج
انت مو كتلي فكري واحمد خوش ولد
بطلي رجيف بنتي تعاي يمي
لا اخاف تضربني
ليش يايوم مديت ايدي عليج
مو
كملي بنيتي
اي اني فكرت بكلامك ولصراحة ماكدرت اتحمل ذنبة واني شفت شصار بيك بزواج هجران فكرت اني ماعندي شي وكلبي فارغ الحمدلله ليش اخلي ذنبة بركبتي وهم كلت لنعرفة احسن من لغريب ليش ماانطي فرصة بشرط بالحلال نعقد بالحرم لشريف ونلبس حلقات وبس لمدة سنة اذا ماكدرت اتقبلة نفسخ لخطبة واكون كدام الله وضميري سويت لعلية وفسخ لخطبة احسن من لطلاك ماحبيت اسوي شي يمس سمعتي وتربيتك الية انت كدام عيني بكل خطوة اخطية يابة
سحبتهة لحضني وضميتهة لكلبي امسد على شعرهة بستهة من راسهة ماضاعت تربيتي بيج علوية ونعم لتربية بوية انه مفتخر بيج ومرفوع راسي ولسويتي هذا مو غلط عين لصح سويتي جزاج الله الف خير بنيتي
لتردينة يصير زين مااختاريتي لان احمد ماانطة بيج وكال هي كالت هيج رفعتي راسي بنتي الله يرضة عليج
حضنتة وبست ايده
لا بنيتي ميصير تبوسين ايدي بس للاب ولام ل ايد تنباس
سحبتهة مره ثانية وبستهة لاب ليربي مو ليخلف وانت ابوية
الله يرضة عليج حبيبتي
يعني مزعلان مني
لا ليش ازعل منج وانتي ماغلطتي بشي بالعكس صححتي لغلط ونقذتي شخص الله اعلم شراح يصير لو غير شخص متقدملج
فدوه اروحلك حبيبي
ها يالغالية شتكولين افة افة ليش هاي لدموع
مفتخرة بيكم يمة
الله يحفظج النة حبيبتي شتكولين انطيهة لااحمد لولا
انطيهة يمة احمد ولنعم منة
هاي هي خليني اشحنة شوية الثلاثاء وانطي خبر نعقد سوه علمود
لتشوفة صح سوي يابة
شايفة الف خير بنيتي
لخير بوجودك ياغالي
شايفة لخير يمة مهناية
الله يسلمج ويخليج الية
يلة انه اروح انام محتاجين شي
لا يمة سلامتك بس اكول لو ترد خبر لخالك باجر علمود يجهزون سوية
لا يمة خلي شوية اشلع كلبة يالة
براحتك يمة
مرت الايام وعلي واجة يوم لثلاثاء علي ماانطة موافقتة الااحمد لكاعد على نار بدو يجهزون للخطبة بيوم لجمعة وعلي عزم خواله لساده وعمامة وجماعتة لناس كلهة تغدت وخلصت توجهو لبيت ابو هجران لجان ماقاصر بالناس هم عمام وخوال لبنية موجودين اتفقو لطرفين على لغايب ولحاضر قرو لفاتحة بنية لتوفيق
علي.... من رخصة لكل عمي ابو ياسين اذا مابيهة احراج باجر نروح لكربلة اهناك نعقد بالحرم لشريف
لتريدة سوي سيد ماعندي اشكال بس هسة عن لحلال ولحرام سيد كريم يعقدلكم وباجر عيدو
هاي هي تدلل سوولنة طريق ودخلنة اني وخالي وابو ياسين وجانت امي وام ياسين موجودات وهجران الي ممبين منهة شي غير بس ايده ولقراءن بين ايديهة حتراما لابوهة ماحجيت ولا رفعت راسي عقدنة وكملنة علت صوت لهلاهل ولفرحة ماسايعتني طلعو خالي وابو ياسين وامي وام ياسين بقينة بس اني وجوريتي اخذت منهة لقراءن صدقت وشلتة رفعت لمغطينهة بي مااعرف شنو جان يكولولة برنص جانت سبحان لخالقهة اية من لجمال رفعت راسهة وهي كامت بطولهة جنة شطب ريحان
مبروك يابعد لتعب مبروك ياتالي هلي مبروك صرتي الية وبااسمي وعد اضمج بروحي مبروك حصلتج من بعد ذاك لتعب كلة
يبارك بعمرك ويحفظك الية بابتسامة يا حبيبي وروحي وعمري وحياتي كلها
لا لا هاي منو هيج تحجي بشرفج عيديهة
حبيبي و روحي وعمري وحياتي كلها
فديت كسرة لراء بالسانج اخذته لحضني بلهفة واشتياق وحب كلهن انجمعن علية ممصدك لصار الحمدلله ياربي على فكره طالعة مثل لملاك لماروني يجنن علية
وانت هم لدشداشة ولفة لشماغ اخذت كلبي
بهيده بوية مو حمل هذا لسان انة
ليش لا حلالي صرت وكل لبداخلي اكدر اطلعة الك لا حرام ولا راح تدفع كفارة ولا تصلي استغفار ههههه
اويلي طلعتي ام لسان واني اكول ماتحجي لازم اسحب لكلام كوة منهة
اعجبك حبيبي بس جنت محرمة عليك مااكدر اطلع ابداعي
فدوه لبداعج
زهرة....... يلة عيني عراس تاخرتو ايصير ادخل لولا
علي.... هاي منو جوريتي
هاي زهرة اختي
فوتي يابة كل لهلا بيج
سلام عليكم
عليكم السلام نزلت نضري منهة جنت متوقعهة ساهية عن لحجاب بس سبحان لخالقهة لشعر ولعيون نفس لون عكس هجران بكلشي هجران طويلة ورشيقة هي قصيرة شوية مليانة مو كلش ضعيفة مكياجهة بسيط طاغي جمالهة اكثر اكو شي بيهة يجذب لواحد الهة صح اني سيد وزوج اختة صرت بس احجي ضميري لان كلامهة يجبرك تباوع عليهة وتذب ميانة بسرعة عكس هجران ثكيلة
مبروك سيدنة يارب اتشرف لخير بوجود اختي يمك
يبارك بعمرج يوم الالج
لا كش برة وبعيد خليني مدللة بيت ابوية
ههههه حقج ماكو احلى من دلال الاهل
اي وشرفي يلة تعالو اطلوع لنسوان تسأل عليكم عبالهم ضعتو
هههه يلة يابة
اعرف كطاعين رزق بس شنسوي لووبيدي مااخليكم اطلعون منا اله اطكطك حرمل لان ثنينكم طالعين نستلة تخبلون
حبيبتي جوري لاتعضين شفتج الية بعد مااخاف منج يكلبي
بهيده حبيبتي لا اطلعين كل شينياتج اليوم تحمضين على كلب ابوية
ههههه وشرفي اله اسحلة سحل ياللة اقبل بي. اله اجلطة مثل..... عزة اسف
علي.... لا بوية كوليهة مثلي من انجلطت بسبب اختج
اي وشرفي
شبيج هجران خليهة بوية تره اني مو عقده
لا اعرفك انت سيد كلك لو غيرك
هههههههاي صح والله
طلعنة كعدنة بالكوشة كلهة باركت وسلمت علينة
نرجس جابت لذهب وعلي لبسنيا بس لحلقة
كال
مراح نلبسهة اهنا اريد البسهة الج بالحرم لشريف
براحتك عيني
فدوه اروح لعينج يلة بوية خليني اطلع ماشاللة لنسون كومة خليهن ياخذن راحتهن
لا علي خليك
تشبعين مني ياروحه لعلي
هههه مو هذا قصدي بس زهرة تريد تاخذلنة صور
لا يبوي مااحب لصور بالموبايل وره لمغرب اخذج وناخذ صور بالستوديو
تمام براحتك
فدوه للدغة
يلة روح
خلي زهرة تغطي شعرهة كدامي حرام يبوي
مو شسمة
شنو
زهرة مو محجبة
اها فتهمتج بوية يصير خير
انشاء الله
طلعت شفت اكبالي ابن روحي
هلا هلا يبعد ابوك
عمووو علي شلونك
انه بخير اذا انت بخير
الحمدلله تمام
دومك يارب شهل جمال ولك
انت شريتهم الية
تستاهل ماين لعيون بوية
عمو راح تاخذ مامة وبعد ماعندي مامة
اي بوية اخذك واخذ امك
يعني اني هم اجي وية مامة
اكيد لان مامة مانكدر تعيش بلاك
احبكم كومة
واني اموت عليكم يلة امشينة يم لزلم
طبيت للديوان كلهة باركتلي وسلمت عليهم كلهم شوية وطلعنة لبيتنة
هجران..... بديت اجهز نفسي للخطبة وزهرة ملتهية وياية ماعافتني ابد اجة يوم لخطية وجانت تخبل اول مرة احس بشعور لعروس فرحة ماتنوصف رحت للصالون خالتي وياية وامي وزهرة بقن بالبيت رجعت وجان بيتنة متروس خطار كعدت بدن لبنات دك وركص احس بديت استرجع شخصيتي وطبعي لقبل يهذا اليوم من فرحتي اندمجت وية لبنات بالركص نزل وليدي عبالك عريس علي جان ماخذلة قاط كامل اسود وابيض وابوية زينة زيان كلش حلو زهرة جانت مسوية شعره ومثبتة بالسبري يخبل صاير اجة علية بوستة وطلع برة من دخل علي احس فراشات بكلبي لكلام طلع من كلبي قبل لساني
زهرة.... جنت مخبوصة بالخطبة واحضر ملابس ابوية وعلوش وعبدالله رادني اكوي ملابسة شوية وابجي من لخبصة خلصت كلشي حتى ماتغديت لبست فستان زيتوني طويل وبي فتحة من وره يم لرجل ولصدر مالتة كيبور وية لردن بس اهواي ميبين جسمي منة لان كيبور لصدر بس كد لرگبة اني طبيعية شعري يميل للتمري او لجوزي نفس لون عيوني لان اشبه مامة شعري طويل برمتة من لنهاية وشلت نص وعفت نص وطلعت گذلة خفيفة من لجهتين مكياج بسيط خليت دا ارش بالعطر وطب لؤي جمدت بمكاني
شطالعة اليوم
كلت مااطول لساني علمود لا يسويلي مشكلة
شكرا من ذوقك
بالله رشي عطرج خلي اشمة
ها لؤي ميصير حباب اطلع
تقرب علية لزكني بالميز مال مراية شنو لميصير اشوف
لؤي
روحة
عيب لتسوي
لا مو عيب
اخذ مني لعطر رش علية بحيث خنكني بي بقيت اكح
كافي عاد
شنو لكافي
ترش عطر اختنكت
بس مجاي اشمة اني
انت مريض
اي مريض بيج
بحركة سريعة لوه ايدي وره ظهري وخلة خشنة بركبتي قيد حركتي
لؤي كافي واطلع زودتهة اهواي
ليش تخافين تحبلين مني اذا ابوسج
طاح حظك همجي بلا اخلاق ادبسزز اطلع بره ابني
الله اي من الاول وطلعي لسانج
والله ان ماطلعت الم عليك لموجودين كلهم
عادي اكول هي صاحتني لغرفتهة
ادبسزز وخر ايدك لا اكسرهة
عنيفة صايرة بزونتي
رفعت رجلي وضربتة بين رجلي بحركة سريعة طفرت جوه ماعرفت شصار بي لادبسزز والله اله اكول لابوية واخلي يطيح حظك همجي بلا اخلاق
هاي شبيج تحجين وية نفسج
معليج بية روحي ربي اخوج لسزز ولا يتقرب الية بعد لا والله اندمة
ليش شكو
لادبسزز..؟...... هيج سوه
اني اعلمة اله اكول الامي
لا ربحنة تكول الامهة هوه من ابوج مايخاف تردين يخاف من امج
يلة خيولي تعاي راح تجي هجران
روحي شغلي لديجي وهسة اجي بس اشوف علوش وينة
اي انتظرج
دروت على علوش مالكيتة طبيت لامطبخ ميتة جوع خليت تمن وعلية قطعة لحم واني واكفة دااكل اجة يوسف ابن عمي لثاني كلش حباب واموت علية احسة اخوية والله
لج ها لعوبة تاكلين ومتصيحين علية
اهو هم انت
ليش عيني منساعد
لا والله
لج شطالعة تخبلين
مرسي جدا جدا
اويلي والله طالعة كيكة
من ذوقك عيوني
اكلنة وكملنة شغلن لبنات لديجي
يوسف.... خرب انه نقطت ضعفي
تعال بشرفك محد اكو غريب
يلة عليهة
ههههه يلة
طبينة بالنص دك ركص كلهة تضحك علية
لا تضحكون اني من اهل لعريس يابة
صارت عيني على لدرج شفت لؤي واكف وصافن تعكر مزاجي
يوسف... لج يلة بت لصاكة
لا مااريد بعد تعكر مزاجي
ليش
شفت لشيطان كبالي
ههههه لا بوية غلطانة هسة لشياطين ذبن لحم ويانة وملائكة تسجل علينة
سحبني يوسف وبقينة نركص بس عيني على لدرج شفتة ماكو ارتاحيت اخذت راحتي اجتي هجران طالعة تشك شك هههه استقبلناهة بالهلاهل ولچكليت شوية واجوي اهل لعريس طفينة لديجي بالاول طبو سكتة بس لسلام وبعده من عقدو اشتغل لهلاهل شغلون صفكات حيدرية بس ولا وحده من لموجودات ركصت ابد طفت لصفكات من طلعو لعرسان اكيد اني لطلعتهم من الاول حبيت علي من اسمع هجران تحجي الامي علية لو نرجس تحجي فرحانة لان راح يصيرلي اخ چبير واذا ماقبل غصب اخلي يصير ههههه لنسوان لكبار كامن يهوسن الهم
لبسهة لذهب وخلصت مراسمهم لليل كلمن طش لبيتة بقن خالاتي ونسوان خوالي وعماتي ونسوان عمامي هجران ماقبلت تبدل كالت علي يجي ياخذهة للمصور لان ماقبل احنة نصورهم
بوية هجران زهرة وينجن
ها يابة
كولي لاختج لسيد اجة
اي يابة خلي يدخل
لا ينتظرهة يريد ياخذون صور
اي زين
انطيت خبر لهجران ولتهيت وية لبنات
طلعت علي جان بالطرمة واكف نفس ملابسة بس لابس بشت فوكهة من طلعت نزع لبشت وخلاه علية بمعنى بدلتي مستوره
هيج ارتاح اكثر بوية
ماشي
على كيفج لا توكعين
صعدني بالصدر وصاح على علوش
ها عمو
روح صيح خاللتك وتعال
اي
زهرة زهور
ها حبيبي
عمو علي يريدج
شيريد
مااعرف
طلعت بفستاني عادي لان مو محجبة
ها سيد
بوية خلي شي عليج وتعاي ويانة
لا سيد اخذو راحتكم
تعاي بوية لمة حلوة نرجس هم ويانة
اي تمام بس اكول لبابة
يلة مو تتاخرين
دكيت على احمد
ها عريسنة
احمد جيب نرجس وتعال للمصور بس امانة الله ماتحجي وياهة كلمة بخصوص ذاك لموضوع
تدلل
