رواية هجران القلوب الفصل الخامس عشر 15 بقلم شروق الشمس
هجران القلوب
البارت 15
الكاتبة شروق الشمس
ـــــــــــــــــــــــــــــــــــــ
ورغم دمعي لهيب اجفاك٠٠٠٠٠ونااااه
الشامت لونشدني افلان٠٠٠٠٠ وينااااه
ادنك والجواب ايلوذ٠٠٠٠٠بيه
..........
علي.... اليوم عندي استراحة ولعمال كملو بناء اجوي اصدقاءي ولد خوالي نظفنة لبيت ولمينة الانقاذ كلهة غسلنا من فوك للجوه صارلهم اكثر من شهرين يشتغلون بي بس طلع غير شكل امي سوت عشة للولد خلصنة وطشو
نرجس.... علاوي شوكت نروح للاثاث
باجر لان تعبان والله
اريد غرفتي حلوه
انتي اختاري ليعجبج بنيتي بس خليني انام
احمد.... على شنو هل مصاريف اول وتالي ترحين لبيت رجلج وتبقة غرفتج فارغة
نرجس.... وانت شكو تدخل
علي.... رحمة الاهلكم لا تبدون مناكر هسة اريد انام تعبان
نرجس.... مو شوفة شيحجي
علي.... ماعليج بي خلي يحجي حتى لو اتزوجتي تبقة غرفتج نفس ماهي كل متجين تنامين بيهة بنيتي
نرجس..؟... طلعت لساني على احمد وضحكت بشماتة
احمد..... مخبلة والله
علي..... جوز منهة يااخي
احمد.... شسوي اموت على اختك يااخي
علي..... انچب حبيبي واحترم نفسك
خاب دروح موزين احجي وياهة واجاملهة منو مكلبهة هي
شلت لمخدة وشمرتهة علية اطلع بره لا بارك الله بيك
احمد 
احمد لا تشوفني چهرتك اسبوع كامل
وانتي بطلي مناكر وية احمد بنتي
هوه يجاوز
بنتي انتي چبيرة مو صغيرة هاي اذا مدرسة اجيال هيج لا عتب على لجاهل يلة كومي طفي لضوه مااريد صوت
هزيت راسي وكمت منه طلعت بالحديقة اكعد حسيت خيال وراية
احمد بطل سوالفك اعرفك انت
ماكو حس
التفتت شفت خيال اسود عبر بس وين راح مااعرف
تعوذت لشيطان وبقيت كاعده
شوية احمد دخل من بره
احمد هاي انت جنت بره طالع
اي ليش
ها لا هيج بس شفت خيال عبالي انت
هل درجة صايره تفكرين بية
والله بطران انت بااحلامي لواجيت اضرب نفسي بالنعال علمود اصحة
طعا هذا كلة من لحب
لا بشرفك
وستر اخواتي
اي مبين
شنو قصدج
هيج
موصوجج صوجي واكف يمج انتي تحبيني اعرفج من عيونج
اي اي دروح يلة
اني وين افكر وهوه وين عاندت وماطبيت جوه بقيت كاعده حسيت شي يمشي على ظهري طفرت نكتت نفسي كلشي ماكو
هنوب شفت لخيال فات من يم لتنور اريد اكوم مااكدر ماحسيت اله ايد على چتفي
عااااأااااااا يمةةةةةةةة
علي..... اسم الله شبيج هاي اني
الله لا ينطي عدوك وكعت گلبي عبالي جني
هههههه جني شيسوي اهنا
مااعرف شفت خيال اهناك
وين شفتي
يم لتنور
وين رايح علي
اشوف شكو اهناك
لا فدوه اخاف عليك
هاي شبيج بنيتي قابل جاهل كدامج عفتة ورحت يم لتنور
امشي وره علي وكلبي يدك من لخوف على روس اصابيعي امشي حتى نسيت شنو جاي اقره فزيت على ضحكة علي
ههههههههههههاي
لج تعاي شوفي شنو اهنا
شنو شنو علي
ههههههه والله كلبي وكع من لخوف
جانت علاكة نايلون ودشداشة خالي لسوده من يطيرن بالهوه يسون فد خيال يخوف ومن خوفي اتخيل اشياء ماصايره
رجعنة للبيت كلمن نام بفراشة ثاني يوم علي اخذني اني وامي ورحنة لمعرض مال اثاث
ماشاءالله كلش حلو
يمة شنو رايج نغير اثاث لبيت كله ونبيع لقديم
لا يمة شعندك انت
يمة لولد صديقي اخذ منه بالتقسيط وكل شهر انطي لمقسوم شتكولين
كيفك يمة انت حسب قابليتك
هزيت راسي كلت الله كريم
نرجس اختاري لغرفة لتعجبج بنيتي
تمام
وانتي هم يمة اختاري لغرفة لتعجبج
لا يمة اني ونرجس بغرفة نام
لا يمة ميصير انتي الج خصوصيتج وثاني شي بيوم عجبني انام يمج شلون
انومك بگلبي وليدي
فدوه اروحلج يمة
ااختارت امي غرفة النوم بس تقريبا اخذتهة من تصميم قديم شوية ولون لصاج مارادتهة من ذني لتركيات
ونرجس اختارت لعجبهة هم خليت امي اجهز لمطبخ كامل واني اختاريت ديوان للاستقبال وتخم للهول كلهن حجزتهن وانطيت مقدم للاغراض ولتوصيل هم كال يومين ويوصل طلبكم واي شي مكسور ناقص تجي تاخذه منا
رجعنة بالطريق امي رادت اخذهة للسوق
شتسوين بالسوك يمة
محتاجة مواعين وهيج سوالف
راح اخذج لمكان احسن من زحمة لسوك
كيفك
اخذتهة محل صاير اطراف لسوق مو محل مول كامل كلشي بي للمطبخ لواحد يضيع بي امي تكيف لهيج شي
يمة تكفيج ساعة اهنا
اي يمة كافي
اخذي راحتج اني اروح بشغلة واجي
اي زين
عفتهن ورحت للصايغ دورت لشي يعجبني يشبه هجران مااعرف قياس ايده جان اخذتلهة حلقة عجبني اصيغ كلاده الهة كلت اريده تكتب ام لساده كال اسبوع وتلكاهة جاهزة انطيت عربون ورجعت الامي ونرجس مخلصات حملنة الاغراض ودفعت لفلوس ورجعنة للبيت نزلتهن لبيت خالي رحت على بيتنة ردت ابيع الاغراض بس تذكرت ناس فقره اكو رحت عليهم
السلام عليكم
عليكم السلام هلا سيد تفضل
لا يابة بيتكم عامر انشالله بس اكو ناس خيره توزع مساعدات واجيتو على بالي شنو محتاجين غراض بيت خالة
والله ابني انت تعرف احنة صح محتاجين بس مانتقبل صدقة من احد
خالة اصلا ليوزعهن مامحتاجهن بس هنة مو جدد مستعملات ليش تعتبريهة صدقة
والله ابني مااعرف شكول
لا تكولين شي حجية بس كوليلي شناقصكم
ماناقصنة شي والله
اذا تعزيني حجية اخذيلي طريق اشوف بنفسي
بقينة نتجادل اني ولمرة شكد نفسهة عزيزة من دخلت جان ماعدهة اغراض لاكل تخلي بفلينة وبيهة ثلج وبريمز تطبخ علية واهواي اشياء ماكدرت اذكرهن كد ماانقهرت عليهة الله شاهد بيتهم تعبان ولرطوبة ماكلتة حزت بداخلي اني كاعد بيت كلشي مابي ومن ردت ازوج غيرتة كلة الله يساعدهم ولمره ماعدهة معين زوجهة متوفي وعده 4 بنات و2 ولد صغار والله طلعت ولدمعة بطرف عيني
من ردت اطلع
حجية عندج بيت احد ترحين يمة شكم يوم
اي سيد بيت اخوية
خوش مكان اخذي بنياتج واشيائكم لمهمة بس وروحو فد يومين يمهم لحد ما لولد يجيبون الاغراض ويرتبوهن الكم لان اخاف اخواتي ينحرجن من لولد ليجون وخليلي لمفتاح يم لجيران
اي سيد تدلل بس لمفتاح راح ادزة بيد ابني لبيتكم
بعد احسن وانتي فد يومين ثلاثة وارجعي
لا بيت اخوية بالفرع لورانة ادز ابني عليكم اذا مخلصين اجي
هاي هي متفقين زين حجية بيتكم لو ايجار
لا يمة بيتنة لحمدالله
اي لحمداللة
طلعو من لبيت ودزولي لمفتاح لبيت مساحتة مو قليلة بس قديم وتعبان كلش لسكف واكع يبين لمره من كد لحاجة غراضهة بايعتهن فزعت جماعتي ولد خالي هم واني وياهم جبنة خلفة خلال يومين غيرنة لبيت بالكامل
لخلفة..؟ اكلك سيد انت تكول لناس محتاجة ليش مانبنيلهم محل بالحوش مالتهم چبير وخليهم يستفادون منه
اي والله خوش فكره راحت من بالي رحمة الله على والديك ويتاخر لبناء
يريدلة يومين سيد
هاي هي خلي نكمل
بعد مرور اسبوع خلصنة كلشي لمرة مرتين دزة ابنهة كلتلهة بعد ممخلصين
خليت لولد حتى لبيت يغسلونة حملنة غراض بيتنة كلة وجبتة الهم من غراض لمطبخ لحد غرفة لنوم ولتخم مالت استقبالنة خليتة لستقبالهم هم اسبوع لولد خلصو لبيت اني جنت بين لدوام وبينهم الله شاهد راحة ممرتاح هجران مااعرف اخبارهة لا هي متصلة ولا اني خليتهة براحتهة لمحل هم كمل ربطنة بيبانة ولشبابيك خالي كريم تبرع افلوس لمسواك وتجهيز لمحل علية اجتي لمرة هي ولدهة ولفرحة طالعة من كلبهة
شكد مااريد اتشكرك سيد اقصر بحقك
لا تحجين هيج اني ابنج لچبير اي شي تحتاجينة بالخدمة
لا سيد شحتاج بعد كلشي مسوينة ممقصرين بشي
براحتج حجية يلة اودعناكم اكو امانة الج بالكاونتر ابرينه لذمة حجية
يمة مبري لذمة انت والديك سيد يحفظك لشبابك
عفتهة ورجعت للبيت حجيت الامي
الله يبارك بيك ويرزقك بس شنو الامانة
لصراحة جنت ناذر اذا هجران رجعتلي اطعم 60 فقير بس من شفت هاي لمرة كلت اخلي افلوس ل60 فقر الهة احسن وسألت بيهة ماكو اي شكال
الله يحفظك ويسعدك ويوفقك يارب
بست راسهة يخليج الية يمة شنو اخبار لجماعة
والله يمة مااعرف اخبارهم
ماادي اشو سكتة صارت
اروح لعصر عليهم واشوف
اي والله ياريت اخذي نرجس وروحي
انت توصلنة
لا اخلي احمد يوصلكم
اي بعد احسن
نرجس حضري نفسج لعصر نروح لبيت هجران
اي يمة
للعصر تحضرنة لبست عباتي فوك ملابس لطلعة احنة ممنوع نطلع سافرات اله عباية عبالي علي يوصلنة يبووووو لغثة راح يوصلنة
صعدت وطبكت لباب حيل 
وجع سدي على كيفج هاي أغلى من...؟
من شنو يالغثة
لا هيج بس من اتسدينة على كيفج
يعني هيج فتحت الباب وطبكتة اقوه من لقبلهة
الله ياخذني يوم لقبلت اوصلكم ولج ياطركاعة لبااااااب
اوووي اعتذر هسة اسده برقة فتحت الباب ردت اطبكة بااقوه شي عندي
طفرت علية مديت نفسي لزمت ايده بشرفج لا والله كلبي يوجعني
خليت عيني بعينة ليش
اتيه من اشوف عيونج حتى لكلام يضيع علوية بس على كيفج سدي حتى براغي لسيارة رخت من وره عيونج
احم شيل ايدك احمد
ليش ترجفين ياروح احمد
بطل سخافة كلامك ماصخ
نخليلة شوية ملح
ههه وخر ايدك بطلت بعد مااروح
ليش بكيفج
لا بكيفك
نرجس رحمي حالي
ممسويتلك شي امي اجتي شيل ايدك
سدي لباب على كيف واني اوخر ايدي
سديت بهدوء بس كلشي بية يرجف اول مره هيج واحد يجرء ويباوع بعيوني مااحس عندي مشاعر اتجاهة بس هوه غصب يريدني احبة اجتي امي وطلعنة لبيت هجران من وصلنة جنة ماخذين ويانة حلويات وهيج شي
امي كالت جيبيهن وراية مابية اشيلهن
احمد.... نزلي على كيفج اني انزلهن علوية
نزلت بدون صوت جابهن يمنة وية وصلت احمد زهرة فتحت لباب
زهرة.... اندك لباب امي ملتهية بااخوية وهجران تسبح علي وبابة طالع اني جنت اقره والحمداللة من اقرة كلشي مخربط يمي جنت لابسة تراك وشعري كباية هوسة ولقلم مخليتة وره اذني اني مو محجبة فتحت لباب شفت نرجس شهكت
عزررره هاي انتي لج هلا وغلا نورتينة هلو خالتي حبيبتي اشتاقيتلج هاي وين هل غيبة نرجوسة حبيب...... بسرعة صرت وره لباب والطم على خدي عزه عزه منو هذا طبت نرجس
هاي شبيج نخلستي
لج عزه هذا لصاك منو اكيد اخترع من شاف كفشتي
هههههه ولا يهمج مامنتبه
همزين
يلة فوتي
طبيت سلمت على ام هجران استقبلتنة واخوهة لصغير
اكلج زهرة
عيوني
اشو امج صايره صاكة بعد لولاده
مو مفعول حب لوالد رجع شبابهة
طاح حظج
هههههههه
اجتي هجران سلمت علينة وزهره جابت لضيافة
ام علي...... ام هجران جايتج بموضوع
عيني الج علوية
تسلم عينج حبيبة بس شصار علمود لخطبة
اعتذر منكم علية صح اتأخرنة عليكم بس تعرفين علمود ولادتي بس هسة الحمدلله اني بخير ولتردونة يصير خلي لزلم تتفق واحنة جاهزين ماعدنة شي
الله يرضة عليج حبيبتي انداريت لهجران وانتي يمة اعتبري نفسج مثل نرجس ولتردينة اطلبي
تسلمين خالة ماتقصرون بس اهم شي عندي ابني يبقة وياية
ماعدنة مشكلة بنتي هذا بينكم انتم واذا علينة اعتبره حفيدي الله شاهد واتمناج اليوم قبل باجر يمنة وبيتنة
ام هجران.. انشاء الله علوية
زهرة..... اني اترخص منكم عندي امتحان باجر اروح اكمل دراسة
ام علي.... اخذي راحتج حبيبتي
نرجس...... مرخوصة حبيبتي
زهرة.... رجعت للغرفة اكمل دراستي باجر اخر يوم الحمدلله جنت كلش مسيطرة على لمواد وهم دخلت معهد ف الحمدلله اذا مو طب اعيد لسنة جنت معاهده نفسي اله اجيب طب بابة كال حتى اذا ماجبتي طب ادخلج كلية اهلية على فكره ماعندي مغامرات بالمدرسة لان ملتهية بس بالدراسة واروح وارجع بالخط
طلعو بيت لسيد من يمنة واني ملتهية ادرس حسيت احد فتح لباب باوعت شفتة ابن عمي لچبير الله شاهد اني احبهم كلهم ماعندي شي وياهم
لؤي..... زهرة اريدج بسالفة
عندي امتحان اجلهة لباجر
لا ضروري هسة
مااكدر لؤي اعذرني جاي ادرس
سحبني من ايدي قوي وجرني علية من احجي وياج انتبهيلي
عفوا وانت منو وانتبهلك
ابن عمج
سلام الله على عمي
اطلع بره
حصرني بين لحايط وبين جسمة وضاغط على ايدي حيل
حسي بية
اطلع بره ابني بعدك زعطوط وينك وين هاي لسوالف
ليش مو بعينج
بعدني اريد احجي ماحسيت اله سحب شفايفي وباسني حيل
ضربتة على صدرة واني متنفرزة من حركتة طاح حظك همجي بلا اخلاق ادبسزز اطلع بره والله ان عدتهة اله اكول لابوية واخلي يطيح حظك بقيت ابجي واضرب على راسي
لؤي.... تره هي بوسة ماسويت شي وبعدين شفايفج عسل والله
الله لاشافك ياعار شلون لو حبلت والله ابوية يذبحني
هههههه تردين تحبلين مني ولج
انجب لك طايح حظ الله ياخذك
ليش حبيبي قابل راح تحبلين من بوسة
اي امي كالت هيج
اوووووو امج هيج كالت
وانت شكو اني ابررلك اطلع بره
ادفع بي من صدره بس مااكدرله لان هوه اطول مني وضخم خلة ايده وره ظهري وسحبني علية حيل
اني مو اكول لا اطخني وخر
لا تخافين مراح تحبلين مني بغير طريقة يصير لحمل وليدي
ضربتة راشدي فريت وجهة بي دفعتة وقفلت لباب كعدت بجيت من كل كلبي واحد حقير نذل والله اله اعلمك شلون تتماده علية بسيطة
نرجس..... رجعنة للبيت وامي بلغت علي بالصار خالي كريم كال خلوهة يوم لجمعة نخابر لرجال وناخذ موعد منة بيتنة خلص كلشي بي استقرينة لحمد لله لطابق لثاني علي كال هجران تأثثة على ذوقهة
علي.... لفرحة ماسايعتني خالي هسة اتصل وحدد موعد هي خطبة وهي كطع مهر
ليش مستعجل
شاب كلبي واني انتضر ياخوية
حقك والله
أم احمد.... ولك حميد ما الله يهديك واخذلك اختهة ولله فلقة قمر
احمد..... تذكرت لفتحتلنة لباب الله يستر عليهة شكد حلوه
علي.... الو امك تحجي وياك وين صافن
ها والله ياام احمد اذا نفسة ليوم لشفتهة صدك تستاهل والله
نرجس.... من اكول عينك زايغة يزعلون
ليش يابة
شلون شفتهة
لج غير بس صوتهة يوكع اكبر زلمة
ههههه وانت وكعت
علي..... بس ولكم ماتستحون وانت احمد عايز كبر تقبل احد يحجي بخواتك
لك ياخوي صح حرام بس والله تسطر سطر
اذا تريد اخطبهة ولا تتغزل بيهة كدامنة حرام ابني
عمي والله مو بيدي شسوي
كريم.... لك علي هذا ابنك عليمن طالع متكلي
والله ياخوي شسويلة ادبسزز وطايح حظ ماينلزم
أم احمد.... شكو بيهة اذا عجبتك نخطبهة الك
لا يمة مااريد هيج وحده حلوة باجر تعايروني هي احلى مني ولازم ابوشهة من تجي يمنة وهي حجاب ماتلبس يمكن
أم احمد.... جا شتريد ابني
يمة اني اريد وحده سمره وبيهة عرج ساده دمهة حار اريدهة قزمة وتلبس بمزاجي من تطلع واهم شي عنودية
ام احمد.... يمة هاي مواصفات نرجس
اااااي يمة نرجس بروح ابوج اخطبيهة اليه نتهامس اني وامي
علي..... سمعتك احمد لو تموت ماانطيك اختي
ليش يابة شفتني
مسربت ولا عبالك سيد والك سمعتك
ام احمد.... بس كدامنة هيج الله وكيلك بره مايرفع راسة
علي.... نرجس بعدهة صغيرة ماازوجهة
احمد.... يجوز موافقة هي
نرجس..... طبعاً لا مموافقة على لزواج
ليش شبية شناقصني
لانك ابو نسوان
علي..... سدو لسالفة
احمد..... كلش ضجت صح احجي وعندي صديقات بس شاهد الله مابيوم اجاوزت حدي وياهن ابد لاني احب نرجس احس كلهن مايملن عيني ليش ماتريدني شناقصني عفتهم وطلعت للحديقة
نرجس.... احس اليوم اهواي ضوجت احمد من لحيت بسده لباب وهسة من كدامهم جفصت كلت لازم اعتذر منه طلعت وراه من لتهو بالسوالف لكيتة كاعد بالحديقة
احمد اسف موقصدي
على شنو اسفة نرجس
على لصار اليوم
ليش هوه بس ليوم كل يوم تحبين تضوجيني وتقللين من شأني كدام اي واحد
مو قصدي والله بس انت هم ضوجني
ليش شحاجي اني
بكل مرة تكول لعلي اموت على اختك زوجني اختك متحس بية من هيج تصنف وعبالك وحده عمرهة مية سنة
ليش مجذب اني واخوج يعرف كلش زين بس يعرفج راح ترفضيني لذالك يجاهل لموضوع
نرجس مشاعري مولعبة بمزاجج تتشاقين وتضحكين وياية وبمزاجج اطنكرين اذا ماعندج مشاعر اتجاهي ليش من يجي طاري لزواج الية انتي اطلعين الف حجة والف سبب علمود ميصير لزواج لا تصيرين انانية نرجس تدرين بية كلش زين من يوم الاجيتي لهذا لبيت واني اول واحد احتويتج وشنو تردينة اسوي ليش تغيرتي
اني ماتغيرت بس انت خليتني ابتعد منك كل متشرفني تصنف علية ليحب كلشي يسوي شوف علي من كد حبة لهجران شصار بي انجلط بيوم زفتهة ورفض لزواج لحد مارجعتلة وشوفت عينك يجهز بدون حتى تفكير هذا لحب من يجي طاري حبيبتة عيونة تلمع
بس اعذريني راح اكول كلام قاسي بس انتي عمية من ناحيتي اتشوفين لحب بعيون لكل اله مني ماتشوفينة اتذكري من لزمت ايدج بالسيارة كلني ارجف مااسيطر حتى اسوق من تجين كبالي ركزي بية وانتي تعرفين لا تاخذين شقاية بالجدية نرجس مااجبرج تحبيني لان عمره لحب ماجان صدقة واذا ترديني امثل راح. اصيرلج بطل اكثر من اخوج بس لجواية حقيقة نرجس انتي ممطيتني مجال اوضحلج مشاعري بكل مرة تصديني يابنت عمتي انه عاشكج من لصغر
