رواية المشاكسات الثلاثة الفصل الثالث 3 بقلم نوران احمد
المشاكسات التلاته 3
بقلمي نوران احمد مليجي
اكرم : يلا يا راجل امشي قدامي مش وقته دلع وبعدين انا أقدر انام من غيرك يا جميل انت بردو
كل بنت دخلت مع شاب اوضه وفضلو قاعدين ساكتين
طلع اياد بره الاوضه
ريماس : الواد تقيل بس موز وشكله هيقفشني ابن الايه بس مستحيل اسمحله طبعا ده انا جامده الشباب هنا قمرات موت لازم اشوف باقي الشباب وأقيم الجمال ده اي مصوره الرجاله اللي فتحت دي ده انا مكنتش عايشه يا جدع
اما بره الاوضه عند اياد
اتصل برائف
اياد بخبث : معلش يا رائف ممكن تجيبلي فوطه من الدولاب بتاعي اصل نسيتها
رائف : في اي يا ابني انت اتهبلت ولا اي يا عم انا مجتش اصلا راحت عليا الوظيفه خلاص حسبي الله ونعم الوكيل بس لعله خير اكيد كله بسبب المتخلفين اللي معايا
اياد بصدمه : معلش يا رائف مخدتش بالي بس ليه بتقول كدا حصل اي انت من افضل المهندسين مستحيل يستغنو عنك
رائف : الفكره يا باشا أن المتخلف ماهر عمل بينا حادثه اتكسرنا كلنا قدامنا شهر علي ما نقدر نتحرك من السرير ف اعتذرت عن الحضور انا والشباب وبلغوني أن بكدا احنا مطرودين وحلني علي ما نشوف شغل تاني ده احنا ما صدقنا
اياد : لا لا يا صاحبي هتتعدل اكيد والف شغل يتمناك انت بس تقوم بالسلامه وسيب الموضوع عليا بس لازم الحق انام انت عارف بقا الشغل من بكرا وتعب السنين بعيد عنك سلام بقا
قفل اياد ودخل علي الاوضه وبوش خبيث وقلع التيشيرت اتوترت ريماس وبصت بعيد بسرعه قرب منها اياد وقال : معلش بقا يا صاحبي هنام جنبك النهار ده اصل السرير بتاعي مش مريح خالص
حط أيده علي وسط ريماس ف صرخت بصوت عالي زي البنات
لبس اياد التيشيرت بتاعه بسرعه وبص ليها بصدمه : بنت بنت بنت ازاي انا قولت واحد بيهزر معانا وعامل فيها رائف بس مش بنت انطقي دلوقتي انتي مين واي اللي جابك هنا ما تخلصي
ريماس بخوف ودموع : انا انا انا اخت رائف التؤام والله الموضوع مش زي ما انت فاهم اكيد بس ممكن يعني متعرفش حد اصل اصل محدش يعرف من البيت أننا هنا ولو اتعرف هنتبهدل استر عليا
اياد بغضب : رائف وماهر وشهاب عاملين حادثه ومتكسرين انتم مين وازاي بنت وتتجرئي تقعدي في اوضه واحده مع شاب استر علي مين دي قله ادب وتستاهلي قطم رقبتك ده انا هبهدلك
ريماس بدموع : اصل مفيش حد بيلاقي وظيفه ف الزمن ده بسهوله ف عشان كدا فكرنا نساعد اخواتنا واهو نجرب حاجه جديده احنا جايبين امتياز بس محدش راضي اننا نشتغل من الشباب فكرنا في ده عشانهم اهو اعترفت من غير اي قلم اهو صدقت اني محترمه
اما في اوضه ماسه
ماسه بصوت راجل : ما تتلم يا اخي وتلبس حاجه اي المنظر اللي انت فيه ده حاجه تقرف ده انت عار يا جدع اي المنظر ده
ادم ؛ سيبك من الكلام ده بقولك شوفت بنتين مزز حرفيا مش قادر عايزهم يا جدع الواحد في المكان ده مش بيشوف اي حته طريه ابدا ده احنا مدفونين هنا مشوفتش الحلاوه والدلع الله
ماسه : اللي زيك الدفن ليه حق تستاهل بطل بصبصه وقله ادب اتجوز وارحمنا بقا اي رايك يا عم
ادم بضيق : الله الله الله جري اي يا جدع ما تتلم وتسمع وتحترم مشاعري شويه الله
ماسه : مشاعر مين يا جدع هو انت بتحس اصلا خليني ساكت
ادم : شكلك مش هتجيبها لبر وعايزني اظبطك واديك العلقه التمام صح
فضلو بيتخانقو مع بعض
في اوضه شهد واكرم
اكرم : مالك يا ابو الشباب مقلعتش عشان تنام ليه قاعد متخشب كدا زي عروسه يوم فرحها هتنام باللبس ده ولا اي
شهد بتوتر : ايوه انا عايز انام كدا هقرا كتاب وانت مالك اصلا خليك في حالك يا باي ده انت حشري بصحيح
اكرم : سيبك من الهبل ده انما فاتك اجازه جامده جدا معانا مش قولتك ياض تعالا كنت هتنبسط اوي خلي رائف ينفعك
شهد بفضول : ليه ليه عملت اي اي المميز في الاجازه بتاعتك
اكرم بخبث : البنات تعالا اقولك علي البنات وجمال البنات
قربت شهد بدأ يقول ليها في ودنها حاجات اتصدمت وضربته بالقلم جامد
اكرم : اي الغباء ده يا عم اناولك بكف ايدي علي وشك دلوقتي لازمته اي الغشم ده يا زميلي اكيد زعلان عشان مكنتش معايا
شهد وخدودها حمره : انت انت انسان قليل الادب ومش محترم اي قله الادب اللي انت فيها دي
اكرم : ولا ولا انت بقيت طري كدا ليه وخيخه مالك يلا في اي خد هنا هفهمك واحده واحده
شهد بكسوف : ولا ابعد عني انت مش محترم ابعد عني يا حيوان انت بقولك بدل بدل ما والله ..
وفجاه دخل اياد.
استخبت شهد وراه بسرعه وهي بتتكلم بصوت زي الولاد
شهد بخوف : ش شوف صاحبك السافل قليل الادب ده بيقول اي وعايز يتخانق انا انا بس خايف اعوره مش اكتر
اكرم : ابعد بس يا اياد الواد ده عايز قلم علي وشه يفوقه ويرجعه راجل ده بيقولي يا حيوان انت متخيل سيبني عليه بقولك ده عايز حد يفكره انه راجل
اياد بضيق : اخرس انت وهو مش عايز ولا كلمه شهاب هات حاجتك وتعالا ورايا حالا من غير ولا كلمه ورايا
اكرم : ييجي وراك فين يا معلم هو اي اللي بيحصل هنا وبعدين مش خارج من هنا الا لما اضربه هو كدا عافيه
اياد : احترم نفسك يا اكرم واهدي شويه هفهمك كل حاجه بعدين
خد شهد وطلع بيها اوضه ادم دخل علي طول
اياد بغضب : اي اي الخناق والصوت العالي ده في اي هنا
ماسه بضيق : الشخص ده معندوش بربع جنيه ضمير انسان فاسد ومنحرف
ادم بغضب : ولا ورحمه امي ما انا سايبك عمال تغلط من الصبح وانا ساكت ومتحمل
ماسه وهي بتشمر اكمامها بضيق : لو راجل قرب كدا وتعالا وشوف هعمل فيك اي يا منحرف انت
ادم بصدمه : ولا اماهر انت مش كان عندك شعر في ايدك اي اللي حصلك اوعي تكون بتشيلهم ياض انت منهم ولا اي
احمرت ماسه من الكسوف ونزلت الأكمام بسرعه وبصتله بغضب ولسه هتتكلم
اياد بعصبيه : مسمعش صوت كفايه كدا وانت اتلم شويه واستر نفسك بقا عريتونا علي اخر الزمن وانت يا ماهر هات حاجتك وتعالا ورايا حالا لا ورايا اي ولا اقولك قدامي يا ماهر مش ناقص
مشيت ماسه وراه وقبل ما تقفل الباب طلعت لسانها لادم اللي اتضايق جدا
دخلت شهد وماسه و اول ما شافو ريماس بتعيط بصو لبعض بخوف و قلقو
قفل اياد الباب بعنف اتفزعو البنات قرب منها بغضب شديد ووو
