رواية دموع السيف الفصل الخامس 5 بقلم هايدي الصعيدي
سيف قام من النوم على صوت دوشه عاليه وعيال بتصوت وترزيع وتخبيط راح ناحيه شباك الصاله المفتوح على شباك صاله دموع ولقى المهرجان ده عندها
+
دموع كانت بتجهز نفسها ونازله الشركه على الساعه 8:00 تقريبا وسمعت صوت تخبيط على الباب فتحت لقيت اخوات جوزها وعيالهم وحماتها طالعين عليها وفي ايديهم شنطه ومن غير ما تسال عرفت ايه اللي جوه الشنط من الريحه الزفاره اللي وصلت لحد عندها
2
حماتها بخبث : ايه على فين يا ست الحسن اخوات جوزك جايين عندك هتسيبي ضيوفك وتنزلي
+
دموع بعصبيه مكبوته : لا ازاي يا ماما تفضلوا.. دا البيت بيتكم.
+
دخلوا ريا وسكينه ودي هتكون اسميهم معانا نظرناً لصفاتهم
+
دخلو هما وامهم وانتشروا في الشقه بدون اي خجل واللي فتحت التلاجه تقلب فيها واللي فتحت الشنط وطلعت الفسيخ والرنجه السردين في نص الصاله وقعدت.... واللي دخلت المطبخ وخلته زريبه بعد ما كان بيلمع وريحته كلها زفاره والعيال انتشروا في الشقه زي الوباء
3
دموع دخلت الاوضه على حسين بقهر
+
: حسين حسين قوم عايزاك
+
حسين فتح عينيه واتكلم بخشونه
+
: في ايييه ابوكي مات ولا ايه بتصحيني كده ليه
+
دموع بغصه : اخواتك وامك بره وجايبين اكل بحري معاهم وقلبوا ريحه الشقه... المهم مش دي مشكلتي... المشكله ان انا عندي شغل ضروري النهارده و لازم يتسلم.. وبعدين حد يجي عند حد بدري كده بدون اذن
+
حسين اتعدل بعصبيه ومسكها من اديها جامد
+
: انتي اتجننتي يا بت.. انتي عايزه اخواتي يستاذنوا قبل ما يجوا شقتي شكلك اتهبلتي وبعدين ك*ام الشغل ما تستاذني يا اختي عملالي فيها رئيسه الوزراء
+
خلص كلامه وزقها ونفض الغطا عنه ووقف وقال وهو ماشي اتجاه الحمام
2
: يلا غوري حضرلي غيار داخل اتغسل داهيه لاصبحك ع الصبح يا بومه
3
دموع اتقهرت من طريقته لكن للأسف ما باليد حيله وقفت دققتين تهري وتنكت في نفسها وبعدين غيرت هدومها بعصبيه واستاذنت من الشغل ولبست جلابيه بيتي واسعه مش ناقصه كلام من العقارب
وطلعت لحسين غيار وطلعت تلم من ورا عيالهم المعفنه اللي بهدلت الشقه وبقت تكلم العيال بهدوء ما فيش فايده والعيل مش بيسمع الكلام بقت تجري وراهم في الشقه ورايا واسكينه مبسوطين وعلى مزاجهم اللي بيحصل لا وكمان بيسلطوا العيال عشان يجننوها اكتر
5
دقايق و حسين طلع صبح على امه واخواته وقعدوا ياكلوا مع بعض
+
حسين بص لدموع وهو بياكل بصله وقال
2
: تعالي كلي يا سنيوريتا دموع
1
دموع بصتله بقرف وهي خلاص هيغموا عليها من الريحه
+
: لا بالهناء والشفاء ما اقدرش أكل الحاجه دي وانت عارف
+
اخت حسين الصغيره برفعة حاجب ونظرات شماته
+
: الله يرحم ميه الفسيخ و الملوحه اللي كنت غرقانه فيهم
+
دموع بصه لحسين بقهر وعتاب وفي بالها
5
" دي اخرتها يا حسين بتستاهين بجرحي اللي عريته قدامك وبتطلع سري عشان في الاخر اخواتك تعايرني بيه "
+
وبلعت غصتها وبصت بعيد عنهم.... حسين بص لاخته بغضب وجز على سنانه وما تكلمش شويه وخلصوا حفله الزفاره بتاعتهم وقامت دموع عملت لهم شاي وهي خلاص هترجع من منظر مطبخها وطلعت بالشاي قدمته ليهم
4
اخته الكبيره خدت منها كوبايه الشاي وبتشمها وهي بتقول
+
: ما اعرفش ليه سبحان الله بقرف منك ومن اكلك وشربك
1
دموع ببرود : خلاص مش عاجبك ما متشربيش ده اللي ناقص كمان
+
حسين بصوت عالي : دمووووع
1
ريا تمثيل : هو ده اللي قدرت عليه يا اخويا.. اختك الكبيره بتتهان في بيتك وانت قاعد تتفرج
1
حسين وقف : والله انتوا حرين في بعض انا ورايا شغل ومش ناقص رط حريم ع الصبح... يلا انا نازل الورشه ادعيلي ياما
1
دموع كانت بتبص ليه برجاء عشان ما ينزلش ويسيبها معاهم لكن ما عبرهاش..... دموع قعدت بقهر وبصت جمبيها لقت ابن رايا عملها في الارض رحت مصوته بصوت عالي
+
: ااااااييييع.. الحقي ابنك عمل حمام في الارض وبهدل الدنيا بقذرته
+
ريا ببرود : انتي مش شايفاني بشرب الشاي لما اخلص ان شاء الله
+
دموع بقرف : يا بنتي الحقي دا بيلعب في البيبي بتاعه
6
ريا بنفس البرود اللي. قاصده تستفزها بيه
+
: والله مش عاجبك قومي امسحي انتي وشطفيه واغسلي بنطلونه
4
دموع بشمئزاز
+
: يييييع انا لا يمكن اعمل كده انتي مجنونه
+
ريا وقفت بردح : يع ومجنونه الله يرحم يا اختي ما تنسيش احنا جايبينك من فين يا كسر الحريم يا عره يا ام بطن بور دا احنا جيبينك من وراه الجموسه يا بت.... انا شخة ابني ياااااع ده انتي حتى مش عارفه تجيبي حتة عيل زيه يا اختي لا وقرفانه قوي ما تنسيش الجيله بتاعة البهايم اللي مرات ابوكي كانت بتخليكي تشيليها بايديكي الحلوه اللي فرحانه بيهم وبضوافرك دي يا روح امك
+
كل دا كان بيحصل قدام سيف في الشقه التانيه اللي كان متابع الأجواء من اول ما صحي كأنه بيتفرج على مسلسل في حاره شعبيه او فيلم قديم.. وكان بيعلق في باله على كل مشهد بيشوفه
3
واول ما ريا ابتدت تردح قال
+
: ايه البلاعه اللي اتفتحت دي.... الله يحرقك.. وليه قذره ده انتي لو كلب شاخخ في بقك مش هتتكلمي كده .....شخة ابنك ياع لاء يا ك**مك شخه ابنك بلسم جروح .... وخبط ايد بأيد وهو بيكمل وهو باصص على دموع..... انا مش عارف مال البسكوته دي بشخاخكم يا عيله معفنه وايه اللي زنقك وسطيهم
12
