رواية مصلحة وانتقام كاملة وحصرية بقلم هنا حسين
أيوه يا باشا انا اللي كنت طالب اتنين شاورما من ساعة ونص
= هو لسه الأوردر ما وصلش لحضرتك ؟
= والله العظيم الطيار لسه ..
_ هتقولي لسه طالع من المحل حالا والكـ ـدب اللي انا متعود عليه دا
= لأ مكنتش هقولك كدا خالص، انا فعلا نسيت الأوردر بتاعك، سقطته
_ وتفتكر دا عذر انا ممكن اقبله ؟
= لا دا مش عذر، دا توضيح
_ يعني انت مش شايف انك عملت حاجة غـ ـلط
= غلـ ـطة صغيرة في حقك مش هتوسـ ـخ صحيفة غلـ ـطاتك في حق نفسك
_ غلـ ـطاتي انا ؟
= طبعا، تقدر تقولي شاب في سنك ليه يطلب اتنين شاورما لحمة كاتشب ومايونيز الساعة 3 الصبح ؟
_ عشان جـ ـعان مثلا ؟
= انت صاحي في الوقت دا بتعمل ايه أصلا ؟
_ وانت مال أمـ ـك، هو انت هتحاسبني
= خدوهم بالصوت، رد فعل دفاعي خالتي نفسها كانت بتعمله
_ يا عم انا مالي ومال خالتك
= انت حسيت ان فيه انسان ميعرفش حاجة عن حياتك ومع ذلك كشفك، حاسس بالخـ ـطر
_ كشفتني في ايه بقى ان شاء الله
= انت سهران لحد دلوقتي مسحـ ـول على وشك في الأوڤر ثينكنج، مش قادر توقف دماغك
_ انت بتقول أي كلام على فكرة
= كنت بتحبها أوي ؟
_ إيه ؟؟؟!
= رد عليا ياض، كنت بتحبها أوي ؟
_ أكتر من نفسي
= هي اللي خلتك تحب الشاورما لحمة ؟
_ كنت دايما اوديها عند ابو حيدر
= كانت من مصر الجديدة ؟
_ من الكوربة
= وانت من الدرب الاحمر
_ عرفت منين ؟
= إنت غـ ـبي يا حبيبي، ما انت اللي مديني العنوان عشان ابعتلك عليه الأكل
_ اه صح
= أبوها رفـ ـضك ؟
_ رمـ ـى علبة الجاتوه اللي جايبها للكـ ـلب بتاعهم
= والكـ ـلب طبعا مرضيش ياكلها
_ صـ ـعبت عليا نفسي أوي، حتى الكـ ـلب قـ ـرف من الجاتوه بتاعي
= عشان انت حـ ـمار، مفيش كلـ ـب بياكل جاتوه أصلا
_ تصدق صح
= جوزوها لواحد أغنى منك ؟
_ ابن خالتها
= كان لسه راجع من الإمارات ؟
_ صح انت عرفت ازاي
= يا حبيبي هو التريند كدا، كل ولاد الخالة بيرجعوا من الإمارات يخـ ـطفوا البنات من الفـ ـقرا اللي زيك
_ بعتتلي مسدچ يوم فرحها قالتلي انا هكون معاه بجٮـںىمي بس، لكن قلبي ليك انت
= وشوفت استوري من فرحها عند واحدة صاحبتها وهي بترقـ ـص ولا على بالها
_ كانت بتشكل بإيديها الواطـ ـية
= وانت دلوقتي بتحاول تسـ ـلط معدتك على عقلك، بتواجه اكتـ ـئابك بالأكل
_ بحاول اهرب من أفكاري بس
= وبتاكل نفس الأكل اللي كنتو بتاكلوه سوا، لا براڤو، انت حرفيا بتستخبى في البوكس
_ أمال اعمل ايه بس أعمل ايه
= انت مبتحبهاش يا ابني انت بس مريـ ـض بيها
_ لأ بحبها انت ايشعرفك
= ما انت لو لسه بتحبها تبقى مهـ ـزأ ، مفيش حد يحب واحدة داںںںت على وشه بشـ ـبشب الحمام
_ ايوه صح انا مريـ ـض بيها
= الذكريات يا صديقي، مفيش جـ ـرح هيلم طول ما انت بترش عليه كولونيا
_ مش بإيدي
= لأ بإيدك، ابعد عن أي مكان روحتوه مع بعض، ابعد عن أي أغنية سمعتوها مع بعض
_ وايه كمان
= افتح صفحة جديدة متكونش هي فيها، ابدأ حياة جديدة مع حد جديد
_ هبعد عن كل حاجة بتفكرني بيها
= مش محتاج اقولك تبطل الشاورما لحمة ومتروحش مصر الجديدة تحت أي سبب
_ انت صح، كنسل الأوردر بتاعي لو سمحت
= دا بقى اللي كنت خـ ـايف عليك منه
_ إيه هو ؟
= الزهد اللي هيجيلك بعد ما توصل للي كان نفسك فيه، سدة النفس تجاه العالم والأشياء
_ خلاص مبقتش عايز حاجة
= غـ ـلط، انت لازم تعيش حياتك زي ما هي عايشة حياتها تحب وتتجوز وتخلف ، هي اسمها ايه
_ أم هاني
= انت كنت بتحب أرملة وللا إيه
_ لا هي جابت هاني بعد ما فركشنا
= قولها حياتي هتكمل بعدك يا أم هاني
_ حياتي هتكمل بعدك يا أم هاني
= قولها هدوںںں عليكي وعلى أحـ ـزاني يا رخيـ ـصة
_ هدوںںں عليكي يا بنت المقـ ـشفة
= قول أرنبنا في منور أنور وأرنب أنور في منورنا
_ نعم ؟!
= لا انا اسف مش بتاعتك دي ، عيش حياتك وانسى اللي فاتك
_ حاضر
= واطـ ـفح اي حاجة تعجبك إلا اللحمة
_ اعملي أوردر باتنين بطاطس موتزاريلا
= تاخد معاهم مخلل ؟
_ اه وتومية
= أقل من نص ساعة ويكون الأوردر عندك يا بطل، أنا فخور بيك
_ مع السلامة
= يا عصاااام ، أوردر الزبون المطـ ـفي بتاع الدرب الاحمر اللي كنستله عشان اللحمة خلصانه ، طلع بداله بطاطس..
