رواية بحر النسيان الفصل الرابع 4 بقلم ميمي علي
اتكا محمد ع ظهر الكرسي وقال : بنخش في الموضوع
اريام : ياريت
محمد شافلها : تزبطيه خالد صاحبي ؟
اريام عقدت حواجبها وقالت : ما نزبطش صحاب خوتي تبيني نعرف صاحبك ؟
محمد : يلي مقيم في كندا !
اريام : اها ايه عرفته تلاقينا معاه مرة في مانشستر ، خيره ؟
محمد : يدور
اريام : في شنو ؟
محمد ضحك : يدور في بنت حلال يتزوجها وتقعد معاه غادي !
اريام : اوك واني شن دخلي ؟
محمد : عجبتيه وكلمني عليك !
اريام : وخيرها اسراء ؟
محمد : هو انعجب بيك انتِ
اريام تلفتت القدام وقالت وهي غير مبالية : كنسل
محمد رفع حواجبه : علاش ؟
اريام : المقيمين البرا مافيهمش امان فكني اني نبي نقعد هني !
محمد : فيه من يرفس النعمة برجليه ؟ البنات كلهم يتمنو واحد مقيم البرا في وضع البلاد الحالي وانت جاك وبترفضيه
اريام شافتله وقالت بثقة : محمد اني مش زي البنات ، ولا تفكيري زيهم ! اني لما نقرر نتزوج نبي شخص نعرف شخصيته عيوبه ميزاته نفهم طبعه ، مش زن طب شخص ما نعرفش الا شكله واسمه ونمشي معاه لـ اخر الدنيا زيادة !
محمد : ما نعرفش باش تفكري
اريام : بعقلي
محمد وقف : اني نقول فكري
اريام : مش ح يتغير شي
محمد شافلها : برضو زيدي فكري
اريام : باه
محمد : سلميلي ع بوك والعيلة
اريام : انشالله
محمد : هي السلام
وطلع ، روحت اريام واستقبلها امها بالموشح المعتاد من الاسئلة " وين كنتي ؟ خيرك عطلتي ؟ وين مشيتي ؟ شن درتي ؟ "
وبعد ما جاوبت اريام ع كل هالإسئلة اتجهت اريام للدروج حتى تركب فـ قالتلها امها : وتي روحك العشية عندنا لمة ابلة سهيلة !
اريام تلفتتلها وقالت : ماخاطريش نمشي
امها : لازم تمشو انتو الزوز
اريام : علاش ؟
امها : تتعرفي ع الناس
اريام بترجي : اعفيني !
امها : ساعة من الزمان ومروحين
تأففت اريام وركبت بـ يأس ، فات الوقت ، لبست وانقت وطلعت من دارها وهي تسمع في امها تهدرز مع اسراء في دارها وتقوللها : خليكم كلاس وناعمات ، هي هكي تقول انها تبي كنتها
اسراء : وصيتي اريام ؟
عقدت اريام حواجبها واتجهت ادار اختها ووقفت فم الباب وهي تسمع في الحديث
امها : لالا كان قلتلها مش ح ترضا تمشي ، يلا المهم انزلي ما تعطليناش
وكيف فتحت الباب لقت اريام عاطية بظهرها وبترجع لدارها
اسراء بإستغراب : اريام ؟
تلفتللها اريام بـ انزعاج وقالت : بتعرضونا ؟
طلعت امها من الدار وقالت بكل صراحة : الولد مهندس وبحوشه وزي الغزال ، هو ح يشوفكم انتم الاثنين ويلي بتعجبه بياخدها !
اريام عقدت حواجبها بإنزعاج : بطلي تعاملينا كأن بضاعة ، يشوفنا ويختار يلي تعجبه شن دلاع حني ؟
امها : الموضوع ما يتفوتش عيلة متسمية اصل وفصل
اريام تلفتتت يمينها بإنزعاج ورجعت شافت لـ امها وقالت : اوك لو هو شافنا في اي مكان وانعجب بـ وحدة منا ممكن تتقبليها ، لكن حني نمشو ونعرضو رواحنا شن هالانحطاط هذا للدرجة هادي حني رخاص عليك وتبي تفتكي منا بأي طريقة ؟
امها بحزم : نبي نضمن مستقبلكم
اريام بنفاذ صبر : بجديات انتِ ؟
امها بجدية : نراجي فيكم تحت
ونزلت ونزلت بعدها اسراء ، وحتى ما تحرمش اريام نفسها من السيارة نزلت ، ركبو السيارة وبعد نصف ساعة درسو ع الفيلا الفخمة
نزلو البنات وامهم وفتحتلهم الخدامة الباب واستقبلتهم ، كان العريس مقعمز ع الطاولة الخشبيه هو واخته وهما فاتحين الاب توب والباين كأنه كان يشرحلها او يوريلها في حاجة ، ناضت عبير واتجهت لظيوفها وسلمت عليهم ودخلتهم
قعمزت اريام وجنبها اختها وبينهم امهم ، قعمزت مقابلتهم ام الشاب وهي تشبحلهم وكأنها تقيم فيهم
كانت اريام تتصرف بعفوية بينما كانت إسراء تتصرف بـ اتكيك ، بعد ثواني جابت الخدامـة صفرة العصير والشكلاتة ، خدت اريام العصير والشكلاتة ، اما اسراء فـ فضلت انها تاخد عصير وتعتذر عن الحلو زي ما دارت امها
شافت ام الشاب لـ اريام وقالت : انتِ يلي كنتي البرا ؟
اريام ابتسمت بمجاملة : ايه
وشربت طاستها في جغمة وحدة ، شافتلها امها وفنصت فيها ، اما اسراء ابتسمت لما حست ان الشاب ح يكون من نصيبها .
بسرعان مافات الوقت ، ومجرد ما ركبو السيارة تلفتت الام يلي مقعمزة في كرسي السواق لـ اريام وقالت بغضب : عاجبك يلي درتيه ! هكي تشربي العصير وتاكلي الحلويات كلهم تقولي جايباتك من الشارع ؟!
اريام : عجبتني ضيافتها شن تبيني ندير !
وبعد طريق مليانة بالكلام والهزايب من امها ، وصلو للحوش اخيراً
قعمزت اريام بإنزعاج ع سريرها وخدت هاتفها واتصلت بـ مالك يلي رد من اول رنة
مالك : الو
اريام بإنزعاج : مالك بنطلب منك طلب
مالك بإستغراب : انشالله خير ؟
اريام : نبيك تحجزلي بنرجع لـ بريطانيا !
مالك : علاش ؟
اريام : ماعجبنيش الجو هني اضايقت هلبا
مالك : خيرك من شنو اضايقتي ؟!
اريام : من كل شي ، المجتمع والعيلة وكل شي
مالك : قاعد الجو جديد عليك ، ح تتعودي
اريام بإنزعاج : مانقدرش نتعود ومانبيش نبي نرحع بس
مالك : وصمود والجرو لمن بتخليهم ؟
اريام : ليك انت
مالك : شكلك مصرة
اريام : هلبا
مالك : سامحيني ما نقدرش نتصرف الا بـ كلمة من بوك !
اريام بإصرار : كبيرة وعقلي في راسي ونعرف مصلحتي اني هني ما نقدرش ننسجم مالك دير فيا معروف خودلي تذكرة في اقرب وقت
مالك : أسف ما نقدرش !
اريام بإنزعاج : اوك تمام
وسكرت الخط وهي فايرة
خشتلها امها يلي كانت قاعدة بحرايجها ومكياجها وقالت : معقولة هكي تتصرفي تقولي عيلة ؟ ضيعتي برستيج العيلة كلها هذا غر ع اساس نتجكترو بيك بنتنا خريجة بريطانيا حتى المرا انصدمت فيك !
اريام وقفت من ع سريرها وقالت بغضب : تعاملي فينا معاملة سلعة وبضاعة وتبيني نسايرك ؟
امها بغضب : الامهات كلهم يهدفو لـ تزويج بناتهم لـ عائلات مرموقة واني زيني زي اي ام !
اريام : شن فايدة العائلة المرموقة لو مافيش انسجام بيناتنا ؟!
امها : وانتِ منين تعرفيه باش تحكمي عليه ؟
اريام : ما نعرفاش ومانبيش نعرفه شن يوم العرسان العالمي ولا شنو ؟
امها هدت وقالت : من تاني ؟
اريام : شي انسي
امها : لا قولي من تاني !؟
اريام : حد !
امها بإنزعاج : كالعادة رفضتي طول
اريام : اكيد !
امها : والله ماصاير منك ولما تعنسيلي
اريام : اي اصلاً اني نبي نعنس مش ح نتزوج اي شخص باش نهرب من لقب عانس !
امها هزت راسها بيأس وانزعاج وطلعت
تاني يوم ، ناضت اريام ع صوت جنات يلي كانت حاملة هاتفها وتقول : هاي سنابيني ، طبعاً اني في حوش صاحبتي الخميرة شوفو كيف نبي انوضها توا
قعمزت اريام وشافت لـ جنات يلي تلفتتلها وقالت وهي حاملة الهاتف في ايدها : حي نضتي خسارة فسدتي المقلب !
ورجعت شافت للهاتف وقالت : يلا المرة الجاية
نزلت هاتفها وسلمت ع اريام يلي قالتلها : انتِ حياتك كلها هكي ع الشارع ؟
جنات قعمزت ع السرير وقالت : حياة الفاشينستات كلها هكي !
اريام : ربي يلطف بيك
جنات : خيرك ما ترديش نتصل بيك سبعة لاف مرة
اريام : كنت راقدة اكيد مش متوقعة ان ح ترد عليك سكرتيرتي ؟
جنات : باه نبي قفطان
اريام : قفطان شنو يلي تبيه ؟
جنات : قفطان حفلة ، عندي عرس غدوا وقفاطيني كلهم لابستهم !
اريام : الدولاب قدامك وكان لقيتي حاجة خودي
ناضت جنات وفتحت الدولاب السحاب ، طلعت اريام من دارها حتى تغسل وجهها
خدت جنات شن ناقصها للعرس من قفطان وكندرة وشنطة وبعض المكياج وروحت
فات الوقت ، وبينما كانت جنات تهيج في العرس كانت اريام مقعمزة في الكافي مع اختها ، تلفتت كانت الطاولة يلي مقابلتها مقعمز فيها رجل شكله مش غريب عليها ، مقابلاته بنت واضح عليها الانوثة والدلع الزايد المصطنع من حركاتها وطريقة كلامها
عقدت اريام حواجبها وهي تشبح للشكل المألوف ، ورفعت حواجبها بإدراك لما عرفاته "عبدالله زوج سيرين ، وكما تعرف اريام ان عبدالله عنده اخت واحدة كبيرة في العمر فـ مستحيل تكون هادي اخته !
وتأكدت لما رن هاتفه وقال : النفاخة !
البنت بإنزعاج : ديمة تفسد علينا في جونا ، قوللها مش فاضي !
وفعلاً رد وقاللها زي ما تبي البنت وسكر الخـط وتأسف منها
زادت عقدت اريام حواجبها استغراباً من خيانة عبدالله لـ سيرين المغرمة بيـه ويلي طالما كان حبها ليه واضح من نقاشاتها مع صديقاتها وكلامها عليه ، خداها تفكيرها وراء السبب المنطقي يلي يخلي رجل متزوج من حبيبته ، متهني معاها ، تحبه ، تحاول ترضيه بـ شتى الطرق ، يخونها !
مافيش سبب منطقي الا ان عينه زايغة !
وفي خلال لحظات رن هاتف البنت فـ ردت وبسرعان ما سكرت واستأذنت من عبدالله وهمٌت بالرحيل !
خلص بعدها عبدالله وطلع كذلك واريام قاتلها التفكير ، كيف ليه الثقة اصلاً ان يقعمز معاها قدام الله وخلقه ؟!
روحت للحوش وهي في انزعاج كبير من الموضوع ، وصلت للحوش ، بدلت حوايجها وفتحت سناب ، خشت ع الستوري امتع جنات يلي لقتها منزلة صورها في الصالة الفخمة وهي متأنقة بقفطان اريام ، مجموعة صور وبعد الفيديوات التافهة يلي تغني فيهم مع الاغنية كأي بنت !
وبعد انتهاء الصور والفيديوات الخاصة بالعرس تفاجأت اريام بفيديو لـجنات وهي لابسة بيجامتها الوردية وفاتحة سهارة دارها ومنظفة وجهها من الميك أب وتقول فيه
" طبعاً للي سألوني ع قفطاني من وين ، القفطان خديته من برا ليه سنتين عندي وتوا بس كيف جاني ، بصراحة ما نذكرش شن اسمه المحل المهم يلي نذكره ان خديته من بريطانيا ، وبالنسبة للي سألوني ع الميك اب سبق وقلتكم نمكيج بروحي مستحيل نعطي ثقة لـ اي وحدة تمكيجني ، ايه وهذا هو ، تصبحو ع خير سنابيني "
اتصلت اريام بيها حتى تشاركها الحمل يلي ع صدرها وردت بعد ثالث مكالمة كانت الاولات كلهم مشغول : الو
جنات : هاي
اريام : شن الجو شن اخبار العرس
جنات بحماس : تمام والعرس يهبل والعشي يهبل والعروسة تهبل والمنظومة مش عادية والصالة مصينيها مولية حاجة خيال اكيد شفتي صورها في السناب ؟!
اريام ببرود : اي شفتها حلوة
جنات : خيرك ؟
اريام : شفت عبدالله اليوم !
جنات : راجل سيرين ؟
اريام : ايه !
جنات : باه انشالله بطول العمر ! وين شفتيه ؟
اريام : في الكافي ، والغبارة مقعمزة معاه بنت تتمايع وتتشقلع اني انصدمت
جنات تفاجأت : مستحيل !؟
اريام : وحقربي !
جنات : قلتي لـ سيرين ؟
اريام بضيق : لا قاعدة مقلتهاش ، معاش عرفت نقوللها او لا خايفة ما تصدقنيش !
جنات : تي بري قوليلها شن تراجي سيورها وتعرف كل شي اعطيها علم من توا لو عرفت انك عرفتي وماقلتيش لما تزعل منك
اريام مسحت ع وجهها بحيرة : مش عارفة ، المشكلة خايفتها تكبرها وتوصل للطلاق !
جنات : شن دخلك انتِ هي تتصرف المهم اعطيها علم ما تخليهاش زي الاطرش في الزفة اخخي اللقطة راه تعتبري سترتي عليه انتِ
اريام : مرات يكون مجرد نزوة
جنات بإصرار : اريام اتصلي بيها واحكيلها ما تستغلفيش صاحبتك
اريام بتردد : هكي قولتك ؟
حنات : اكيد ، يلا ما نبيش سي السيد يخش عليا انتظار يلا نهدرزو
اريام : باي
وسكرت الخط ، وماهي الا ثواني ولقت نفسها متصلة بـ مالك يلي رد من اول رنة
مالك : الو
اريام : اهلين مالك كيف الحال ؟
مالك : تمام كيف حالك انتِ ؟
اريام : بخير الحمدالله ، شن اخبار المزرعة وصمود وكله
مالك : كل شي تمام
اريام : اممم كويس
مالك : فيه حاجة ؟
اريام عقدت حواجبها : زي ..؟
مالك : نحس فيك تبي تقولي حاجة !
اريام تنهدت وقالت : بصراحة نبي نستشيرلك لعلى وعسى تقدر تساعدني !
مالك : بخصوص ..؟
اريام : موضوع شخصي شوي ، متعلق بصاحبتي
مالك : انشالله خير
اريام : لقيت راجلها اليوم يخون فيها
مالك : وين لقيتيه ؟
اريام : في الكافي
مالك : بالك اخته او زميتله
اريام : اخته كبيرة في العمر ويخدم في النفط ما اعتقدش فيه بنات يخدمو في مصفاة النفط
مالك : قلتيلها صاحبتك ؟
اريام : لا هذا علاش نبي نسألك نقوللها او لا ! سألت صاحبتي الثانية وقالتلي قوليلها لكن اني مش مقتنعة مية في مية لأن هي تحبه هلبا وخايفة ماتصدقنيش ونخسرها ، انت شن رايك نقوللها او لا !
مالك : درتي عين العقل ، الموقف يلي شفتيه امسحيه من ذاكرتك ، يمكن هو طبعه امتع بنات حتى لو يحبها صاحبتك مرات تجي في خاطره يتعرف ع وحدة جديدة يفوت عليها الكساد ويكسر بيها الروتين ويفوتها في الاخير ، النوعية هادي بالذات ماليهمش علاج يبو مرا دمها بارد ومتغارش لأنه طبعهم هكي وصعب يتغير
اريام : المشكلة دمها مش بارد وتغار عليه من نسمة الهواء !
مالك : مشكلة !
اريام : كبيرة ، بجديات وجعتني علاش يدير فيها هكي والله ما يتحشم
مالك : ما يعرفش قيمة النعمة يلي عنده
اريام عقدت حواجبها استغراباً من كلمته وابتسمت من بوادر الموضوع الشخصي الحساس يلي ح ينفتح وقالت : علاش ؟
مالك : اني كان نتزوج يلي نحبها وربي معاد نبي حاجة من الدنيا !
اريام زالت ابتسامتها وقالت بحزن : ربي يجمعكم بحلاله
مالك : صـعب !
اريام بإستغراب : علاش ؟
مالك : كل الظروف مش مناسبة
اريام : انت وين لقيتها اساساً ؟!
مالك : فجأة طلعت عليا اني بروحي مش عارف كيف ، لا ع البال ولا ع الخاطر
اريام رجعت ابتسمت وقالت : عرفنـي عليها !
مالك رفع حواجبه وهو مقعمز ع الدرجتين يلي قدام الباب وقال : تبيني نعرفك عليها ؟
اريام : ايه
مالك : اليـوم !؟
اريام زادت نبضات قلبها وبفضول قالت : عـادي !
يتبع ..
اريام : ياريت
محمد شافلها : تزبطيه خالد صاحبي ؟
اريام عقدت حواجبها وقالت : ما نزبطش صحاب خوتي تبيني نعرف صاحبك ؟
محمد : يلي مقيم في كندا !
اريام : اها ايه عرفته تلاقينا معاه مرة في مانشستر ، خيره ؟
محمد : يدور
اريام : في شنو ؟
محمد ضحك : يدور في بنت حلال يتزوجها وتقعد معاه غادي !
اريام : اوك واني شن دخلي ؟
محمد : عجبتيه وكلمني عليك !
اريام : وخيرها اسراء ؟
محمد : هو انعجب بيك انتِ
اريام تلفتت القدام وقالت وهي غير مبالية : كنسل
محمد رفع حواجبه : علاش ؟
اريام : المقيمين البرا مافيهمش امان فكني اني نبي نقعد هني !
محمد : فيه من يرفس النعمة برجليه ؟ البنات كلهم يتمنو واحد مقيم البرا في وضع البلاد الحالي وانت جاك وبترفضيه
اريام شافتله وقالت بثقة : محمد اني مش زي البنات ، ولا تفكيري زيهم ! اني لما نقرر نتزوج نبي شخص نعرف شخصيته عيوبه ميزاته نفهم طبعه ، مش زن طب شخص ما نعرفش الا شكله واسمه ونمشي معاه لـ اخر الدنيا زيادة !
محمد : ما نعرفش باش تفكري
اريام : بعقلي
محمد وقف : اني نقول فكري
اريام : مش ح يتغير شي
محمد شافلها : برضو زيدي فكري
اريام : باه
محمد : سلميلي ع بوك والعيلة
اريام : انشالله
محمد : هي السلام
وطلع ، روحت اريام واستقبلها امها بالموشح المعتاد من الاسئلة " وين كنتي ؟ خيرك عطلتي ؟ وين مشيتي ؟ شن درتي ؟ "
وبعد ما جاوبت اريام ع كل هالإسئلة اتجهت اريام للدروج حتى تركب فـ قالتلها امها : وتي روحك العشية عندنا لمة ابلة سهيلة !
اريام تلفتتلها وقالت : ماخاطريش نمشي
امها : لازم تمشو انتو الزوز
اريام : علاش ؟
امها : تتعرفي ع الناس
اريام بترجي : اعفيني !
امها : ساعة من الزمان ومروحين
تأففت اريام وركبت بـ يأس ، فات الوقت ، لبست وانقت وطلعت من دارها وهي تسمع في امها تهدرز مع اسراء في دارها وتقوللها : خليكم كلاس وناعمات ، هي هكي تقول انها تبي كنتها
اسراء : وصيتي اريام ؟
عقدت اريام حواجبها واتجهت ادار اختها ووقفت فم الباب وهي تسمع في الحديث
امها : لالا كان قلتلها مش ح ترضا تمشي ، يلا المهم انزلي ما تعطليناش
وكيف فتحت الباب لقت اريام عاطية بظهرها وبترجع لدارها
اسراء بإستغراب : اريام ؟
تلفتللها اريام بـ انزعاج وقالت : بتعرضونا ؟
طلعت امها من الدار وقالت بكل صراحة : الولد مهندس وبحوشه وزي الغزال ، هو ح يشوفكم انتم الاثنين ويلي بتعجبه بياخدها !
اريام عقدت حواجبها بإنزعاج : بطلي تعاملينا كأن بضاعة ، يشوفنا ويختار يلي تعجبه شن دلاع حني ؟
امها : الموضوع ما يتفوتش عيلة متسمية اصل وفصل
اريام تلفتتت يمينها بإنزعاج ورجعت شافت لـ امها وقالت : اوك لو هو شافنا في اي مكان وانعجب بـ وحدة منا ممكن تتقبليها ، لكن حني نمشو ونعرضو رواحنا شن هالانحطاط هذا للدرجة هادي حني رخاص عليك وتبي تفتكي منا بأي طريقة ؟
امها بحزم : نبي نضمن مستقبلكم
اريام بنفاذ صبر : بجديات انتِ ؟
امها بجدية : نراجي فيكم تحت
ونزلت ونزلت بعدها اسراء ، وحتى ما تحرمش اريام نفسها من السيارة نزلت ، ركبو السيارة وبعد نصف ساعة درسو ع الفيلا الفخمة
نزلو البنات وامهم وفتحتلهم الخدامة الباب واستقبلتهم ، كان العريس مقعمز ع الطاولة الخشبيه هو واخته وهما فاتحين الاب توب والباين كأنه كان يشرحلها او يوريلها في حاجة ، ناضت عبير واتجهت لظيوفها وسلمت عليهم ودخلتهم
قعمزت اريام وجنبها اختها وبينهم امهم ، قعمزت مقابلتهم ام الشاب وهي تشبحلهم وكأنها تقيم فيهم
كانت اريام تتصرف بعفوية بينما كانت إسراء تتصرف بـ اتكيك ، بعد ثواني جابت الخدامـة صفرة العصير والشكلاتة ، خدت اريام العصير والشكلاتة ، اما اسراء فـ فضلت انها تاخد عصير وتعتذر عن الحلو زي ما دارت امها
شافت ام الشاب لـ اريام وقالت : انتِ يلي كنتي البرا ؟
اريام ابتسمت بمجاملة : ايه
وشربت طاستها في جغمة وحدة ، شافتلها امها وفنصت فيها ، اما اسراء ابتسمت لما حست ان الشاب ح يكون من نصيبها .
بسرعان مافات الوقت ، ومجرد ما ركبو السيارة تلفتت الام يلي مقعمزة في كرسي السواق لـ اريام وقالت بغضب : عاجبك يلي درتيه ! هكي تشربي العصير وتاكلي الحلويات كلهم تقولي جايباتك من الشارع ؟!
اريام : عجبتني ضيافتها شن تبيني ندير !
وبعد طريق مليانة بالكلام والهزايب من امها ، وصلو للحوش اخيراً
قعمزت اريام بإنزعاج ع سريرها وخدت هاتفها واتصلت بـ مالك يلي رد من اول رنة
مالك : الو
اريام بإنزعاج : مالك بنطلب منك طلب
مالك بإستغراب : انشالله خير ؟
اريام : نبيك تحجزلي بنرجع لـ بريطانيا !
مالك : علاش ؟
اريام : ماعجبنيش الجو هني اضايقت هلبا
مالك : خيرك من شنو اضايقتي ؟!
اريام : من كل شي ، المجتمع والعيلة وكل شي
مالك : قاعد الجو جديد عليك ، ح تتعودي
اريام بإنزعاج : مانقدرش نتعود ومانبيش نبي نرحع بس
مالك : وصمود والجرو لمن بتخليهم ؟
اريام : ليك انت
مالك : شكلك مصرة
اريام : هلبا
مالك : سامحيني ما نقدرش نتصرف الا بـ كلمة من بوك !
اريام بإصرار : كبيرة وعقلي في راسي ونعرف مصلحتي اني هني ما نقدرش ننسجم مالك دير فيا معروف خودلي تذكرة في اقرب وقت
مالك : أسف ما نقدرش !
اريام بإنزعاج : اوك تمام
وسكرت الخط وهي فايرة
خشتلها امها يلي كانت قاعدة بحرايجها ومكياجها وقالت : معقولة هكي تتصرفي تقولي عيلة ؟ ضيعتي برستيج العيلة كلها هذا غر ع اساس نتجكترو بيك بنتنا خريجة بريطانيا حتى المرا انصدمت فيك !
اريام وقفت من ع سريرها وقالت بغضب : تعاملي فينا معاملة سلعة وبضاعة وتبيني نسايرك ؟
امها بغضب : الامهات كلهم يهدفو لـ تزويج بناتهم لـ عائلات مرموقة واني زيني زي اي ام !
اريام : شن فايدة العائلة المرموقة لو مافيش انسجام بيناتنا ؟!
امها : وانتِ منين تعرفيه باش تحكمي عليه ؟
اريام : ما نعرفاش ومانبيش نعرفه شن يوم العرسان العالمي ولا شنو ؟
امها هدت وقالت : من تاني ؟
اريام : شي انسي
امها : لا قولي من تاني !؟
اريام : حد !
امها بإنزعاج : كالعادة رفضتي طول
اريام : اكيد !
امها : والله ماصاير منك ولما تعنسيلي
اريام : اي اصلاً اني نبي نعنس مش ح نتزوج اي شخص باش نهرب من لقب عانس !
امها هزت راسها بيأس وانزعاج وطلعت
تاني يوم ، ناضت اريام ع صوت جنات يلي كانت حاملة هاتفها وتقول : هاي سنابيني ، طبعاً اني في حوش صاحبتي الخميرة شوفو كيف نبي انوضها توا
قعمزت اريام وشافت لـ جنات يلي تلفتتلها وقالت وهي حاملة الهاتف في ايدها : حي نضتي خسارة فسدتي المقلب !
ورجعت شافت للهاتف وقالت : يلا المرة الجاية
نزلت هاتفها وسلمت ع اريام يلي قالتلها : انتِ حياتك كلها هكي ع الشارع ؟
جنات قعمزت ع السرير وقالت : حياة الفاشينستات كلها هكي !
اريام : ربي يلطف بيك
جنات : خيرك ما ترديش نتصل بيك سبعة لاف مرة
اريام : كنت راقدة اكيد مش متوقعة ان ح ترد عليك سكرتيرتي ؟
جنات : باه نبي قفطان
اريام : قفطان شنو يلي تبيه ؟
جنات : قفطان حفلة ، عندي عرس غدوا وقفاطيني كلهم لابستهم !
اريام : الدولاب قدامك وكان لقيتي حاجة خودي
ناضت جنات وفتحت الدولاب السحاب ، طلعت اريام من دارها حتى تغسل وجهها
خدت جنات شن ناقصها للعرس من قفطان وكندرة وشنطة وبعض المكياج وروحت
فات الوقت ، وبينما كانت جنات تهيج في العرس كانت اريام مقعمزة في الكافي مع اختها ، تلفتت كانت الطاولة يلي مقابلتها مقعمز فيها رجل شكله مش غريب عليها ، مقابلاته بنت واضح عليها الانوثة والدلع الزايد المصطنع من حركاتها وطريقة كلامها
عقدت اريام حواجبها وهي تشبح للشكل المألوف ، ورفعت حواجبها بإدراك لما عرفاته "عبدالله زوج سيرين ، وكما تعرف اريام ان عبدالله عنده اخت واحدة كبيرة في العمر فـ مستحيل تكون هادي اخته !
وتأكدت لما رن هاتفه وقال : النفاخة !
البنت بإنزعاج : ديمة تفسد علينا في جونا ، قوللها مش فاضي !
وفعلاً رد وقاللها زي ما تبي البنت وسكر الخـط وتأسف منها
زادت عقدت اريام حواجبها استغراباً من خيانة عبدالله لـ سيرين المغرمة بيـه ويلي طالما كان حبها ليه واضح من نقاشاتها مع صديقاتها وكلامها عليه ، خداها تفكيرها وراء السبب المنطقي يلي يخلي رجل متزوج من حبيبته ، متهني معاها ، تحبه ، تحاول ترضيه بـ شتى الطرق ، يخونها !
مافيش سبب منطقي الا ان عينه زايغة !
وفي خلال لحظات رن هاتف البنت فـ ردت وبسرعان ما سكرت واستأذنت من عبدالله وهمٌت بالرحيل !
خلص بعدها عبدالله وطلع كذلك واريام قاتلها التفكير ، كيف ليه الثقة اصلاً ان يقعمز معاها قدام الله وخلقه ؟!
روحت للحوش وهي في انزعاج كبير من الموضوع ، وصلت للحوش ، بدلت حوايجها وفتحت سناب ، خشت ع الستوري امتع جنات يلي لقتها منزلة صورها في الصالة الفخمة وهي متأنقة بقفطان اريام ، مجموعة صور وبعد الفيديوات التافهة يلي تغني فيهم مع الاغنية كأي بنت !
وبعد انتهاء الصور والفيديوات الخاصة بالعرس تفاجأت اريام بفيديو لـجنات وهي لابسة بيجامتها الوردية وفاتحة سهارة دارها ومنظفة وجهها من الميك أب وتقول فيه
" طبعاً للي سألوني ع قفطاني من وين ، القفطان خديته من برا ليه سنتين عندي وتوا بس كيف جاني ، بصراحة ما نذكرش شن اسمه المحل المهم يلي نذكره ان خديته من بريطانيا ، وبالنسبة للي سألوني ع الميك اب سبق وقلتكم نمكيج بروحي مستحيل نعطي ثقة لـ اي وحدة تمكيجني ، ايه وهذا هو ، تصبحو ع خير سنابيني "
اتصلت اريام بيها حتى تشاركها الحمل يلي ع صدرها وردت بعد ثالث مكالمة كانت الاولات كلهم مشغول : الو
جنات : هاي
اريام : شن الجو شن اخبار العرس
جنات بحماس : تمام والعرس يهبل والعشي يهبل والعروسة تهبل والمنظومة مش عادية والصالة مصينيها مولية حاجة خيال اكيد شفتي صورها في السناب ؟!
اريام ببرود : اي شفتها حلوة
جنات : خيرك ؟
اريام : شفت عبدالله اليوم !
جنات : راجل سيرين ؟
اريام : ايه !
جنات : باه انشالله بطول العمر ! وين شفتيه ؟
اريام : في الكافي ، والغبارة مقعمزة معاه بنت تتمايع وتتشقلع اني انصدمت
جنات تفاجأت : مستحيل !؟
اريام : وحقربي !
جنات : قلتي لـ سيرين ؟
اريام بضيق : لا قاعدة مقلتهاش ، معاش عرفت نقوللها او لا خايفة ما تصدقنيش !
جنات : تي بري قوليلها شن تراجي سيورها وتعرف كل شي اعطيها علم من توا لو عرفت انك عرفتي وماقلتيش لما تزعل منك
اريام مسحت ع وجهها بحيرة : مش عارفة ، المشكلة خايفتها تكبرها وتوصل للطلاق !
جنات : شن دخلك انتِ هي تتصرف المهم اعطيها علم ما تخليهاش زي الاطرش في الزفة اخخي اللقطة راه تعتبري سترتي عليه انتِ
اريام : مرات يكون مجرد نزوة
جنات بإصرار : اريام اتصلي بيها واحكيلها ما تستغلفيش صاحبتك
اريام بتردد : هكي قولتك ؟
حنات : اكيد ، يلا ما نبيش سي السيد يخش عليا انتظار يلا نهدرزو
اريام : باي
وسكرت الخط ، وماهي الا ثواني ولقت نفسها متصلة بـ مالك يلي رد من اول رنة
مالك : الو
اريام : اهلين مالك كيف الحال ؟
مالك : تمام كيف حالك انتِ ؟
اريام : بخير الحمدالله ، شن اخبار المزرعة وصمود وكله
مالك : كل شي تمام
اريام : اممم كويس
مالك : فيه حاجة ؟
اريام عقدت حواجبها : زي ..؟
مالك : نحس فيك تبي تقولي حاجة !
اريام تنهدت وقالت : بصراحة نبي نستشيرلك لعلى وعسى تقدر تساعدني !
مالك : بخصوص ..؟
اريام : موضوع شخصي شوي ، متعلق بصاحبتي
مالك : انشالله خير
اريام : لقيت راجلها اليوم يخون فيها
مالك : وين لقيتيه ؟
اريام : في الكافي
مالك : بالك اخته او زميتله
اريام : اخته كبيرة في العمر ويخدم في النفط ما اعتقدش فيه بنات يخدمو في مصفاة النفط
مالك : قلتيلها صاحبتك ؟
اريام : لا هذا علاش نبي نسألك نقوللها او لا ! سألت صاحبتي الثانية وقالتلي قوليلها لكن اني مش مقتنعة مية في مية لأن هي تحبه هلبا وخايفة ماتصدقنيش ونخسرها ، انت شن رايك نقوللها او لا !
مالك : درتي عين العقل ، الموقف يلي شفتيه امسحيه من ذاكرتك ، يمكن هو طبعه امتع بنات حتى لو يحبها صاحبتك مرات تجي في خاطره يتعرف ع وحدة جديدة يفوت عليها الكساد ويكسر بيها الروتين ويفوتها في الاخير ، النوعية هادي بالذات ماليهمش علاج يبو مرا دمها بارد ومتغارش لأنه طبعهم هكي وصعب يتغير
اريام : المشكلة دمها مش بارد وتغار عليه من نسمة الهواء !
مالك : مشكلة !
اريام : كبيرة ، بجديات وجعتني علاش يدير فيها هكي والله ما يتحشم
مالك : ما يعرفش قيمة النعمة يلي عنده
اريام عقدت حواجبها استغراباً من كلمته وابتسمت من بوادر الموضوع الشخصي الحساس يلي ح ينفتح وقالت : علاش ؟
مالك : اني كان نتزوج يلي نحبها وربي معاد نبي حاجة من الدنيا !
اريام زالت ابتسامتها وقالت بحزن : ربي يجمعكم بحلاله
مالك : صـعب !
اريام بإستغراب : علاش ؟
مالك : كل الظروف مش مناسبة
اريام : انت وين لقيتها اساساً ؟!
مالك : فجأة طلعت عليا اني بروحي مش عارف كيف ، لا ع البال ولا ع الخاطر
اريام رجعت ابتسمت وقالت : عرفنـي عليها !
مالك رفع حواجبه وهو مقعمز ع الدرجتين يلي قدام الباب وقال : تبيني نعرفك عليها ؟
اريام : ايه
مالك : اليـوم !؟
اريام زادت نبضات قلبها وبفضول قالت : عـادي !
يتبع ..
