رواية قتلني ورحل الفصل العشرون 20 بقلم ميفو السلطان
البارت العشرين...
كانت كارما تسير في طريقها لحجرتها
لتحس نفسها بداخل حجره ايان فجاه لتصر*خ به.... انت اتخبلت في عقلك ازاي تشدني كده.
ليقترب منها.. امال لما احب اشوف الهانم امضي استماره.. لتدفعه وتتجه للخارج ليشدها اليه ويهتف.. نسيتيني يا كارما.. لا كده ازعل.. ايان ما يتنسيش يا قلب ايان.
لتنظر اليه مذهوله.. ليهتف ايه مش مصدقه انك قلبي وبعاقب نفسي من يوم ما مشيتي.. بس عارف انك هترجعيلي في يوم.
لتدفعه وتصر*خ.. انت يا ابني عقلك خف علي كبر هيا مين اللي هترجعلك.. انت اهبل يا ايان.. فوق لحالك واعرف انت بتكلم مين..
ليقترب منها بخبث.. بكلم حبيبي اللي سابني ورماني وانا كنت اهبل وما كنتش حاسس.. بكلم قلبي اللي من ساعه ما رجعلي وهو بيدق وحاسس اني رجعت عايش.. ليشدها اليه.. وحشتيني اوي.
كانت مصعوقه.. من هذا الذي امامها اهو ايان البارد المغرور لتهتف بثبات.. بجد مش لاقيه لحالتك وصف بس ربنا يشفيك.. روح اتعالج اكتر من كده وبيزيح ربنا.. اهدي يا ايان بلا قلبك بلا فشتك.. وعدي ايامك معايا انا مش كارما بتاعه زمان.
ليشدها اليه يلصقها به فلم تتاثر ليهتف... عارف وعارف اللي قدامي واحده اتوجعت وغلفت نفسها بحد صعب اخشله بس مش ايان اللي يستسلم مش ايان اللي يعيش حياته يبكي علي غلطه عملها.. انا اتغيرت يا كارما من بعد ما مشيتي وعشت استني ترجعي ومش هكدب علي روحي.. غلطت لا اجرمت بس حقي فرصه تانيه وهاخدها. #ميفو_السلطان
لتضحك بشده وتدمع عينيها.. روح العب بعيد يا شاطر.. ال فرصه تانيه.. واستدارت.
لتسمعه يهتف... هنشوف يا قلب ايان ويشدها ليديرها وينقض عليها يقب*لها بشده اودع فيها عشق ايامه ووحدته عشق عذابه في بعدها ورفضها لقاءه عشق ادركه بعد رحيلها انها روحه ونام ليال يوجع نفسه لما فعله.. كانت تحاول ان تبعده ولكنه كان يجتاحها بقوه فايان ذو عنفوان وقوه ليحس انها ستهلك بين يديه ليبعدها وينظر اليها ويقول.. هترجعيلي يا قلبي وكيفي نفسك علي كده مش ايان ليخبطها علي راسها.. ايان هنا ويشير الي قلبها وهنا وعمره ما هيطلع.. وانا بقه عليا اعرفك ان ايان لسه جوه.
ليتفاجأ بها.
لتقترب منه وتلهبه بانفاسها.. ايه يا ايان عجبتك البوسه تاخد كمان ماعنديش مشكله انا عشت في اوروبا واكيد ماعشتش راهبه لترفع يدها لشفتيه لينظر لها بذهول لتهتف بس مش ببلاش يا ايان اتعلمت زيك كل حاجه بفلوس.بس حتي بالفلوس لا. ابعد عني يابن عمي سكتي مش سكتك وانت مت جوايا من سنين روح شفلك واحده تمارس عليها عقدك وجبروتك انا مانفعلكش يا بيبي.
ليقترب منها اكتر ويلمس شفتيها... قولي زي ماتقولي مش ايان اللي هيسمع للهبد ده وان كتي عايزه تقلبيها حرب فانا لها ومش هسيبك الا اما ترجعيلي لينهال عليها مره اخري يحرقها بشفتيه لتدفعه بقوه وتهرب من امامه ليركن علي الباب.. يخربيت كده وحشتيني يا بنت الايه يالهوك يا ايان كت طور وسيبت قمرك يبعد ووجعته بس علي مين البت بقت فرسه عن حق وحش كده هنبسط وانا بلينه.. دوس يا ايان وحب دانت كنت ميت يا جدع ولين حبيبك ورجعه.... وجعتها.. اعرف ازاي هتطيب وجعها من هنا لحد اما قلبي يلين.. اصبر مفيش في ايدي حاجه..
اما هيا فدخلت حجرتها وقلبها ينبض وتشعر بالغضب.. ايه بتدق ليه مش مت خلاص بتدق ليه دا واحد ما يستاهلش حاجه ولا يستاهل افكر فيه.. لتتنهد اهدي اهدي.. واقفيله وطلعي روحه ال قلبه وزفته..لتتنهد وتسهم.. هو قال بيحبني قال كده.. بعد السنين دي جاي يقلي.. ايان بيحبني.. لتنهر نفسها.. ما يحب والا يتنيل انت شغلك وبس اتخمدي وبطلي تفكير.. ماعادش الا ده كمان.
************
كان قاسم جالسا ليستدعي احد الحراس ويخبره بعنوان ومعلومات عن حبيبته ويقول في ظرف يوم تكون جاييلي قرارها وفين وبتعمل ايه وسابت البيت ليه وفين عارف النفس اللي بتتنفسه عايز اعرفه.تشوفلي راحو فين فاهم.#ميفو_السلطان
**************
في تلك الاثناء دخلت ليال الي البيت لتجد امها تشعر بالقلق لتدخل لتجد فريد منهكا قليلا لتقترب منه برعب.. ايه يا فري.. مالك يا قلب ليالي.. انت كويس واقتربت تقبله وتحتضنه بشده.
ليهتف.. لا يا عمري دا بس شويه تعب وهيروحو..
لتقوم..... لا والله بتدلع علينا يا كتاكيتو طب تعالو بقه افرحكو اسكت الا انا فرحانه اوي.. فيه شركه اجنبيه لسه جايه مصر وصاحبها بيتوسع وبيعمل احلال وتجديد واحنا قدمنا فيها والمناقصه رست علينا يا فيري يا قمر انت.. واسبوع كده وهاخد الجيش والفريق ونروح نمضي العقد ونتناقش في العمليه..
ليهتف.... لا يا ليال خليكي معايا خلي المحامي يروح يمضي وبعدين ابقي سافري نفذي انا تعبان..
لتقترب منه وتجلس تحت قدمه.. اوعي تجيب سيره التعب ماتقلقنيش ماما اطلبي الدكتور.
ليهتف.. لا يا قلبي بس بلاش خليكي جنبي وانا عيان.
لتبتسم.... يا سلام عيون ليال يلا انشالله مارحت اديني قعدالك بطه بلدي يا فري انت قمر واقتربت تقبله وتلعب في خدوده يا خراشي يا ناس حبيبي والله..
ليخبطها.... يا بت يا بكاشه اهمدي ابوكي تعبان.
لتهتف.. بس بس بلا تعبان دانت فله اهوه وهجيب الدكتور برضه مافيهاش كلام.. لتصعد لتغير ملابسها وتطلب الطبيب الذي اتي واخبرهم بانه يجب ان يجدد تحاليله القلبيه واعطاه بعض الادويه وخرج.لتبدا ليال في القلق لتقول... من بكره هنروح نعمل التحاليل ماشي.
اما فريد فكان له راي اخر ليهتف.. لا مش هعمل حاجه دلوقتي انا تعبان.
لتنظر اليه بغضب.. بص بقه مفيش هزار في الكلام ده.
ليهتف.... سيبيني بس علي راحتي والله هعملها بس سيبيني اريح كام يوم كده.
ظلت ليال تعد الايام وتصر علي عمل التحاليل ولكنه كان كالطفل العنيد حتي مر اسبوع واتاهم خبر ان الشركه تعاقدت معهم ولابد من الفريق المختص ان يذهب ليقابل المسؤلين بالشركه.. لتدخل علي فريد وتقول انا مش هسافر يا فريد الا اما نعمل التحاليل.
ليهتف.... طب خلاص اوعدك لما ترجعي هنعملها.
لتقول غاضبه.. وبتقول عليا دماغي نشفه.. امال الطوبه االي راشقه في راسك دي ايه..
ليهتف.. ماتلمي يا بت لسانك دانا جوزك برضه وضحك.
لتقترب منه وتدغدغه... ياختي بطه احلي جوز ده واللي ايه.
لتهتف امها..... والله ماعرفه ناقر ونقير ماتهمدو بقه صدعتوني.
لتقول ليال.... اقعدي يا حاجه علي جنب مش حجيتي وانبسطي وجبتي سبح اقعدي بركه بقه وسيبينا احنا نرازي في بعض.
لتضحك امها... بقه كده طيب ياختي.
لتقول ليال.. انا هلكانه نوم هطلع بقه واياك حد يصحيني.
ليهتف فريد.... يا ريت ياختي تنامي داحنا بندعي بدل مانت قالبه ديب سحلاوي مابتناميش وشغل شغل لما ورمنا.
لتضحك... طب انا بشتغل بتورمو انتو ليه.. يلا مساؤووووو.
كانت امها تنظر اليها بحزن ولم تنطق..
ليهتف فريد.. عارف يا فاديه بنتك مانستش ولا هتنسي. ليال مابتنامش وبتموت في الشغل عشان اللي منه لله لسه مانستوش.رغم انه بعيد بس ليال غير.. البعيد عن العين مش بعيد عن القلب لأ البعيد عن العين بيتجاب سيرته كل يوم بيتحلم بيه كل ليله، بيتنادي علي إسمه في وسط الكلام من غير قصد، بيتراقب كل دقيقه وعُمره ما كان بعيد عن القلب، البعيد عن العين محفور جوه القلب و الروح البعيد عن العين دوب القلب شوق وهيا قاسم مش بعيد عنها قاسم جواها متملك منها مهما الزمن عدي.
لتدمع عينها.. تصدق بدعي عليهم كل صلا يدوقو قهرتنا واللي شفناه وبالذات بدر الحديدي بدعي عليه من قلبي ينتقملي منه ويجبلي حقي وينخلع قلبه.اللي عمله فيا كده وانا متاكده.. قاسم كان عيل وعيل طيب بس طلع وس*خ زي جده َاهم شاربين من بعض..
ليهتف فريد.. قلبي بيتقطع عليها وهيا عامله جامده وقويه ومسافه ماتدخل قوضتها بحسها بترجع ليال الكتكوته الصغيره.ربنا يطبب قلبها بجد كده كتير.
***********
#قتلني_ورحل
#حكايات_mevo
البارت العشرين..الجزء التاني..
كان الحارس قد عاد لقاسم صفر اليدين ليقول له يا بيه انا رحت الشقه ولقيتها متباعه من تمن سنين وماحدث يعرف عنها حاجه رحت الجامعه اسال لقيت برضه نفس الكلام وحاولت بشتي الطرق اوصل ماعرفتش.
ليحس قاسم بالجنون ويصرخ.. انت بتقول ايه انت جايلي تقلي انك مش لاقيها.امال هيلامان وامن ولوا وتحتك ليله واخرتها مفيش .
ليهتف الرجل....... والله يا قاسم بيه ماخليت حته الا ما سالت فص ملح وداب.
ظل قاسم يصرخ ليدخل عليه شريف ويخرج الحارس ليهتف.. ايه ايه صوتك جايب الشركه كلها.. كان قاسم قلبه ياكله.. مش لاقي البت يا شريف قلبي هيموتتي البت مشت بعد ما مشيت وانا اللي فاكر هرجع ارجعها. اتاريهم طفشو.. طفشو يا شريف.. كان الغضب والقهر ياكله.. البت راحت كده. اللي عملت دا كله عشانها. سنين الهم والقهر واخرتها ماشفهاش دانا قلت بس هشوفها لحد ماقلبي يهدي. ايه اتكتب عليا عمري كله اموت بحسرتي.البت طفشت من الفضيحه اللي غرزها فيها الجاحد.. منك لله يا جدي.#ميفو_السلطان
ظل يصرخ وشريف يهدئه.. اهدي طيب هنشوف حد من معارفنا الجامدين في الشرطه يجبلنا قرارها اهدي يا قاسم.
ليصر*خ قاسم... انت بتقلي اهدي يا شريف دا كله كان قدامك.. لما جتلك ميت وقلبي مدعوك بسبب الجاحد اللي قتلني. تمن سنين اسمع صوتها وهيا بتقلي ارجعلي يا قلب ليال. مستنياك اهوه ترجعلي. تمن سنين ورسايلها بتشرح قلبي كل يوم.. تمن سنين وانا بسمع انا هبقي كويسه وهسمع كلامك وهلبس اللي تقول عليه وهتعلم اقلك كلام حب.كان نفسي اسمع منها اي حاجه.تمن سنين ارجعلي يا قلب ليال. طب انا عايز ارجع يا قلب قاسم والله عايز. تمن سنين يا شريف ميت مستني اخد قلب الحديدي عشان ارجع قلبي تقوم تروح كده يطفشو بعدي بمفيش. ليه ليه دا كل حاجه كانت خلصت. لدرجادي اتوجعو.حبيبي ساب الدنيا عشان قتلته. بعد ما رجعتلي الورقه متقطعه.. ورمتها تحت رجلها.. عارف يا شريف انا لزقت الورقه حته حته وكل يوم بطلعها وابص علي امضه قلبي اللي موجوده. بعتبرها لسه مراتي والله انا كنت مقهور وجوازي منها المفروض مايتحلش جدي قهرني منه لله. هموت يا شريف.انت مش عارف كل ليله بتعدي عليا ازاي.ليرفع يده ويهتف.. عارف دبلتها مابعرفش انام الا وراسي نايمه عليها ونفسي لامسها.مراتي في الدبله دي بحضن ايدي. مش انا بقيت جبروت بقيت مسخ يتخاف منه.. بس لما بشوف رسايلها بقلب عيل صغير هموت عليها. انت مش عارف هيا كانت عامله ازاي. ليجلس قاسم والدمع في عينه.. كانت بريئه حاجه كده تخش قلبك تفرحه.. تقلك حاضر وطيب وهعملك اللي عاوزه. تحمر بس لما تبصلها. علمتها الحب علي ايدي ماكنتش تعرف من الدنيا الا قاسم وكلام قاسم وحب قاسم. بس رجعت نزعت قلبها بس غصب عني ماعرفتش اقفله انا بكرهه اوي وانهار قاسم اخيرا.طب اجيبها منين. انا نفسي بيتقطع اجيبها منين يا رب كتير عليا. تمن سنين عذاب هكمل كده ازاي دانا قلبي هينشق.
ليهتف شريف.... صدقني ربنا مش هيسيبك انت اتعذبت وفوق كده وقوم يلا احنا ورانا شغل وداخلين علي معمعه.. المهندسين جايين الاسبوع الجاي عشان احلال الشركات بص هما مجموعه مع بعض الريسه بتاعتهم ست.
ليهتف قاسم بضيق.. جايبلي ست تتمريس عندنا يا شريف.
ليهتف.... ..انا فضيت دور مجلس الاداره الجانبي وعملتلهم سكشن لوحده عشان يبقو جنبك مانا عارفه مناخيرك بتدسها في كل حاجه وان شاء الله هيبتدو وهينجزو خلال شهر وطبعا هنحجزلهم في فندق عشان يباتو وانا جهزت كل ده.
ليقول... طب يا عم شريف رايح تجبلي شركه من اسكندريه من اخر الدنيا وتقعدهملي في فنادق لا وريستهم ست.. يلا اما اشوف اخرتها..
. ليهتف شريف.... يا عم خد جنب اهمد.. ست ايه.. دا جبروت دا ماسكه قسم الديكور بتاع فريد الشامي من وهيا عيله صغيره بس ايه تقلش المراه الحديديه..
ليهتف قاسم... وانت شفتها فين يا حزين يا بتاع النسوان..
ليضحك... انا برضه دانا خام وعلي يدك...
ليسخر قاسم... هتقلي انت عاتق اي سحليه معديه انا مش عارف انت ازاي كده.
ليقول شريف... انت اللي بومه اسكت اسكت دا البت بتبرق لما رحت اخلص ورق مع المحامي. ايه يا واد يا قاسم الجسم ده ناااار والا وشها وشعرها الحرير وجمالها.كنت هموت واعلقها بس بعيد عنك. بت بومه وايه كانت هتشقني نصين. اموت واعرف هيا كده ازاي لبسها نار يولعك كده لما تولع يا واد بتلبس لبس يحرك جواك كل حاجه محزق وملزق ومفسر بالمازوره يهش عينك يلوحه. تيجي تقرب تهبش قلبك تصعرك.يلا اهي لما تيجي الواحد يتفرج من بعيد لبعيد دا كلت وشي مره كفايه تهزيئ وقله قيمه.
ليضحك قاسم... تستاهل انت رايح تشتغل والا تشقط.
ليقول... لا بصراحه يحرق الشغل عاللي عايزينه البت تتشقط يا معلم. بس تلين بنت الجزمه بومه وعليها جبروت ممشيه رجاله بشنبات وراها زي القلم اهي هتيجي وتشوفها وتملي عينيك اللي اتخزقت من قله البص. هتشوف مزه طحن يا لهوي انا سحت من دلوقتي.
ليهتف قاسم.. اهبد اهبد عيل خفيف وواقع. انا مايملاش عيني طرف ست انا عندي ست الستات متربعه وعايشه وهجيبها لحد مالاقاها ربنا يعين قلبي.
...لتدخل عليه كارما ليهتف قاسم.... بقلك ايه يا كارما عايزك ترجعي مقر شركه الحديدي انا نقلت هنا هتضبطي بقيت الموظفين وتفصلي موظفينا عن وموظفين شركه ايان وتجدوليهم وخلال شهر تكوني عملاللي هرم بمجموع الادارين وهعتمد عليكي ماشي حبيبتي..
لتبهت قليلا وتفكر فكانت تتمني ان تبقي بعيدا عن ايان فهو منذ ان اعترف بحبه وقبلها تلك القبله وذكرياتها تعود تقتحم حياتها تنغص عيشتها.
لتهتف.. ماشي يا حبيبي اللي تؤمر بيه وتركته تجهز حالها لتعود الي شركه الحديدي.
******
لتمر الايام وياتي ميعاد المقابله وتستعد ليال لمقابله من يسمونه وحش الشركات كانت تسمع انه شخص ذو جبروت لا يستهان به فارتاحت انها ستتعامل مع شخص جاد لتنهي عملها وتعود سريعا لتطمئن علي فريد فهيا قلبها ينهشه عليه لان اصبح شاحبا مؤخرا..
جاء اليوم ودخلت ليال الشركه واستقبلها شريف بكل ادب ليشرح لهم كل شئ ويعرفهم بالموظفين التابعين لهم وعرفهم عالمكان المخصص لهم ولم يتبقي الا مقابله رئيس الشركه لينتقلا جميعا الي قاعه الاجتماعات وليال قد هيات مجموعتها تماما واصدرت اوامرها بعدم التهاون وان هذه المقابله هيا نقله نوعيه لشركتها.. كانت تقف وضهرها للباب ليدخل عليهم قاسم ويلقي السلام علي الجميع لتتجمد هيا في مكانها وقلبها يهوي في قدمها فهذا الصوت مغروز بداخلها ولا يوم عدي عليها الا وتحلم به رغم تظاهرها بالصلابه والقوه فهذا الصوت الذي تعشقه وتنام علي ذكراه وعلي همساته لها كانت قد نشف عروقها. كانت ليال تقف متصنمه وقلبها يرجف الا انها تماسكت وتجلدت ورسمت علي وجهها ابتسامه خلابه عندما هتف شريف مدام ليال ورئيسه مجموعه المهندسين واكمل لها قاسم بيه صاحب الشركه.. لتلتفت ليال ووجها قد قُد من حديد ليس عليه اي تعابير سوي ابتسامه رسميهلتستدير لينشل قاسم تماما. لتقترب من ذلك الذي اصابه الشلل لتتسع ابتسامتها برسميه وترفع يدها و...قلمي ميفو السلطان ❤️
