رواية قتلني ورحل الفصل الواحد والعشرون 21 بقلم ميفو السلطان
البارت الواحد وعشرين...
دخل قاسم قاعه الاجتماعات ليسلم علي المهندسين ليهتف شريف المهندسه ليال كانت تعطيه ظهرها لينظر اليها كانت تلبس جيب قصير اسود بفتحه وقميص قصير من الحرير الاحمر يظهر ثنايا جسدها من الخلف ليقترب ويبتسم ليهتف...مدام ليال. . قاسم الحديدي. لينشل عندما استدارت له وعلي وجهها ابتسامه بارده وعيون ليس فيهم اي مشاعر لترفع يدها وتسلم عليه.
لتهتف ببرود تحسد عليه.. ..اتشرفت بمعرفتك يا قاسم بيه كانت تنظر اليه بقوه ولا تحيد عينها عن عينيه كانت تستغرب من نفسها ولكنها وضعت وجع السنين في تلك المقابله.
مد يده لا اراديا ليمسك يدها ليشعر بصعقه في قلبه لتسحبها بهدوء وتنظر له برسميه شديده فاحس ان روحه ستنقبض فامامه حبيبته ولكنها ليست هيا.. تأملها ليجد امامه انثي طاغيه فقد اختفت تلك الطفله وزاد وزنها لتصبح بارعه الجمال وتلبس جيب قصير اسود ضيق يبرز مفاتنها وقميص حريري احمر ذو فتحه صدر عاليه يلهب القلب وكان مفسرا عليها لدرجه مهلكه كان منصعقا من هيئتها.. مين دي ولابسه كده ليه وعامله ايه في نفسها.. وفين عيونها اللي مليانه براءه مين دي..
لم يتحمل قاسم رؤيتها ليستاذن ويخرج ليعتذر شريف ويخرح وراءه.. هرب قاسم لياخذ نفسه كان كأن الشياطين تجري وراءه خرج مسرعا الي مكتبه.
لتبتسم هيا بانتصار انها تماسكت ولم تبين ضعفها فهيا علي مر السنين تخيلت ماذا سيحدث لو قابلته لتحس انها سعدت بنفسها رغم تجدد الوجع الذي يمزقها من الداخل ولكنها بذلت مجهودا كان سيوقف قلبها..
اما هو فاحس بانشقاق قلبه وانه سيصاب بالجلطه ليدخل وراءه شريف ايه يا قاسم حد يسيب حد ويمشي كده.. ليرفع قاسم وجهه ولمعت الدموع في عينه.. مين اللي جوا دي. ليهتف شريف باستغراب.. دي المهندسه ليال اللي كلمتك عنها فيه ايه مالك انت تعبان...🌿 استغفروااااا 🌿
. ليهتف ليال.. دي ليال .. لا دي مش ليال..
ليهتف شريف.. مالك يا قاسم دي مدام ليال المهندسه اللي مضينا مع شركتهَا.
.. ليقطب جبينه وترن في اذنه كلمه.. مدام.. لينظر الي شريف برعب.. هيا مدام..
ليهتف شريف... اه دي مرات فريد الشرقاوي صاحب الشركه..
ليحس قاسم بان انفاسه انقطعت ومسك قلبه ليهجم علي شريف ويقول... بفحيح.. انت كداب ليال ماتتجوزش تاني.. ليال ماتنفعش تتجوز حد تاني.
ليهتف شريف بعد ان ادرك حالته.. انت عايز تقلي ان دي ليال بتاعتك..
ليدمع قاسم ويجلس كانه اصيب بالشلل.. بتاعتي.هه... .بتاعتي انا ليال بتاعتي راحت.. مين اللي بره دي. انا ماعرفهاش.فين حبيبتي الرقيقه فين حنيتها اللي بتخرج من عيونها. دي واحده ماعرفهاش وايه اللي لابساه ده. دا جسم حد تاني حبيبتي كانت بتتكسف حتي تلبس اي حاجه انما مين دي ولابسه كده ليه هيا مجنونه والا اتجننت. لا وقابلتني عادي كده دا عنيها في عيني ولا اكنها تعرفني مين دي انا هتجنن. للدرجادي اتغيرت. لا اتغيرت ايه دي راحت. يا قلبك اللي انقسم يا قاسم راجع تمني نفسك بعد تمن سنين تلاقي حبيبتك اتقلبت. ليقطب فجاه انت قلت ايه استني انت قلت انها مرات فريد الشرقاوي. نهار اسود ومطين بطين البت اللي حيلتي اتجوزت وسابتني. ليال اتجوزت يا شريف ......ميفو السلطان
ليقترب شريف وهو يشعر بالاسي علي صديقه.. ايوه يا قاسم متجوزه من سنين كمان ..
ليحس ان قلبه سيقف.. ليال اتجوزت من سنين. ليال اتجوزت. اتجوزت وسابتني. ليال بتاعتي. كان كالثور الهائج يدور ويدور.
ليهتف شريف ويخبطه علي صدره... ماتهدا بقه انت هتموت نفسك واحده وراحت خلاص فكك وشوف حالك.
لينظر قاسم.... هيا مين اللي واحده وراحت انت مجنون يا شريف ليال بتاعتي تمن سنين وانا بحلم بيها في حضني. ليال بتاعتي اتجوزت قلبي هيقف حد لمس حبيبي غيري ليال ليال بتاعتي ايوه بتاعتي مش ممكن تسيب نفسها لحد تاني دي.. دي وعدتني تبقي ليا اه بحلم بيها كل يوم بتوعدني وحاسس بيها.. ليال ماتتجوزش ليصرخ ليال ماتتجوزش. قلبي... يا رب اروح فين عملت ايه عشان قلبي يتمزع كده هو الفاجر اروح اقتله ليتهالك حبيبي اتجوز حبيبي اللي عشت سنين احلم بيه اخده في حضني بقت لراجل تاني نهارك اسود وايامك الطين يا قاسم.
ليهتف شريف ماتهدا بقه.. هو صحيح راجل عجوز بس جوزها..
لينظر اليه قاسم.... ليال متجوزه راجل عجوز. تتجوز راجل عجوز ليه ليال َماتعملش كده.. ليال من بعدي ماتتجوزش اصلا..
. ليهتف شريف... اعقل يا قاسم دي ست متجوزه بلاش تتهور.
ليصر*خ.. ماتقلش متزفته ليال بيها حاجه ليال بتاعتي ماتسيبنيش انا طبعت نفسي عليها ماتقدرش والله ماتقدر ومتاكد اني انا بتاعها زي ماهيا بتاعتي.. ليال انا اللي دخلتها دنيا وخليتها بتاعه قاسم عن حق.. مش ليال لا اللي بره دي مش هيا ولو كانت هيا يبقي فيه غلط ولازم يتعدل.
ليهتف شريف.. هتعدلها ازاي هتطلقها من جوزها وترجعها العيله الصغيره ازاي.. انت ماتعرفش هيا عامله ازاي دي وحش بتاكل اللي قدامها وماحدش بيقدر عليها..
ليقف قاسم ويهتف بوعيد.. كل الكلام ده عندي ولا يسوي.. ان كانت بقت وحش انا بقه غول وجبروت وان كانت فاكره انها كبرت وماحدش هيقدر عليها انا بقه اللي علمتها تكبر مانا الاستاذ وهيا هتفضل بنوتي اللي بتاخد مني من سكات.. اما بقه موضوع الجواز ده فده هجيب قراره.. ليصر*خ في الحارس لياتي.. اسمع المهندسه ليال.. تسافر اسكندريه وتجبلي كل حاجه عنها وبالذات قصه جوازها ويمين بالله لو اتهاونت في حرف لاكون شقك نصين.. يكون عندي في اسرع وقت انت فاهم..
ليهتف شريف.. هتستفاد ايه يابني بتعذب نفسك ليه واحده وشافت حالها.
ليصر*خ قاسم... اخرس ليال ماتشفش حالها بعيد عني ليال بتاعتي وهتشوف وتعرف ان ليال مش زي مانت شايف... ليقوم ويهتف.. اجمد يا قاسم وقوم شوف اخرها ايه واعرف بقت ايه وبس اتاكد من اللي في بالي يمين بالله لاكون مرجعها تاني تتمني قربي وتموت عليا زي زمان.. مانا مش هنقهر واكل نفسي واقعد اندب علي قلبي اللي بيروح.انا ماعيشتش يوم مالاقيها عايزني اسيبها.. امال هعيش امتي . لا ليال ما راحتش ورغم المسخره اللي هيا فيها دي ما راحتش ليال بتدافع عن نفسها من اللي جرالها. بس لا هترجعي يا قلبي هترجعي ليا وهاخدك من عين الطخين بس اتاكد من اللي في دماغي.. ليال ماتتجوزش لابعدي ولا تتجوز واحد اد ابوها الا لسبب.. وهعرفه وهتشوفي يا قلب قاسم قاسم هيعمل ايه. يلا يا شريف ماينفعش نسيبها كده.
**********
كانت هيا تجلس تتناقش مع المهندسين.. كانت محط انظار الكل بكلامها وثقتها بنفسها ليدخل قاسم ليرجف قلبها وتضغط علي يدها ليلمح قاسم ذلك ليبتسم ويدخل.. اسف يا جماعه والله واقترب وجلس بجوارها لتحس بقلبها سيقفز من مكانه..
ليقول يلا بقه نشوف التصور اللي عملتوه للشركه.. ليقف احد المهندسين الكبار ليتكلم ليهتف قاسم بنبره ساخره ويقترب منها ليقول... هو مش انت برضه الريسه هنا.🌿اللهم صل وسلم وبارك على سيدنا محمد 🌿
لتنتفض وتقطب جبينها ليكمل يعني المفروض اسمع رؤيتك.
لتشعر بالغضب لتتجلد وتبتسم وتقول.... اه طبعا اللي تؤمر بيه يا قاسم بيه. عن اذنك يا بشمهندس هتصرف انا.. لتقوم وهو مشتعل من تلك الملابس التي تبرز مفاتنها بقوه فارجع كرسيه الي الوراء وبدات هيا بقوه تشرح منظورها وكان هو في دنيا اخري لا يسمع شئ نهائيا كان يتامل كيف اصبحت جميله وقويه كيف اتقلبت هكذا كانت تثيره واعجب بهيئتها الجديده انثي قويه ذو بأس ذات جسد رائع ولكن كان يريد ان ينقض عليها يبرحها ضربا من تلك الملابس.. كان يتخيلها في حضنه وعلي وجهه ابتسامه بلهاء.. ويهمس لنفسه.. ليال.. قلبي قدامي كانت تتكلم َعيونه علي شفتيها وتاه وتاه وقلبه يدق حتي احس انه سيخرج من مكانه ليرفع يده ويتلمس دبلته بحنان ليهمس حبيبي والله حبيبي .. كانت قد انهت تعليقها وهو صامت.
ليتدخل شريف بارتباك فقاسم ليس هنا من الاساس.. دا مشروع ممتاز يا مدام.
لترفع حاجبها وتنظر لقاسم بتحدي.. الباشمهندس ماعلقش ايه مش عاجبك.... ميفو السلطان
لينظر اليها ويبتسم بخبث.. لا مش عاجبني ازاي دا كله عجبني مفيش فتفوته والله دا حاجه معديه الخيال. ليخبطه شريف في قدمه ليهتف.. بس هحتاجك نتناقش في كام حاجه هستاذنك نصايه كده ونجتمع انا وانت وتركها دون ان يعطي فرصه للكلام. ...🌿سبحان الله وبحمده سبحان الله العظيم 🌿
ليذهب وراءه شريف ويدخل عليه.... انت هتطينها انا عارف احنا ماضين عقد ومش عشان البت مزه تقعد تسهم كده انت اتهبلت هنتفضح.
ليقوم قاسم ويمسكه من رقبته.... اسمع عشان انا علي اخري لسانك هيقول عليها حاجه انت حر وعينك تبصلها واسمع الكلام اللي قلته قبل كده هشقك نصين.
لينظر شريف بذهول..... احنا في ايه وانت في ايه وبص ايه وز*فت ايه انت اتهبلت. اسمع يا قاسم الشغل حاجه وحياتك الشخصيه حاجه تانيه.
ليجلس قاسم ويهتف مبتسما.. انت عبيط يا شريف انا عاد ليا حياه تانيه من ساعه ماشفتها. دا روحي اللي رجعتلي وقعدتي َمعاها دي هتبينلي كل حاجه روح وهاتهالي يلا انجز.
ليهز شريف راسه باستنكار.... حاضر هزفت اما اشوف اخرتها.
ليقوم قاسم ويجلس علي الكنبه ويضع اللاب الخاص به ويحضر كل مستلزمات القاعده لتجلس بجواره فقلبه مشتعل بما فيه الكفايه ولن يتركها تبتعد ولابد ان يعرف مكنونها فهو متاكد ان بها شئ وليست من تدعي ان تكون.
اخبرها شريف ان قاسم ينتظرها لتتجلد رغم رعبها الداخلي.. فحبها له لم يخرج من قلبها فهو الرجل الوحيد في حياتها ومازال فهو علمها كيف تحب وغرز حبه غرزا لا يستطيع احد ان يخرجه ولكنها لم تعد تلك البسيطه فالزمن هرس وداس عليها لتدخل مطحنه الحياه وتخرج بذلك الشكل.
ليسمع هو طرقات خفيفه لياذن لها لتدخل مبتسمه ابتسامه جامده لا تصل لعينيها ليهتف اتفضلي يا مدام وكان يشدد علي تلك الكلمه لتبهت قليلا وكان هو يتفرس في كل شارده تخرج منها.
لتقترب بهدوء وكان جالسا ليقف احتراما لها ليشير ان تجلس بجواره ليحمر وجهها ليحس بقلبه يرفرف فهو يؤثر عليها رغم برودها لتجلس بجواره بهيئتها التي اشعلته ليبدا في القول..... ممكن معلش تعيدي اللي قلتيه في الاجتماع. لتستغرب ليهتف ضاحكا... معلش والله ماركزت في ولا كلمه كنت مركز في حاجه تانيه خاااالص كانت عينيه تشع حبا.
لترتبك بشده وخفق قلبه ان اخيرا حصل علي رده فعل بدل الجمود الذي تضعه علي وجهها
لتهتف بحنق.... حضرتك قومتني اشرح وماركزتش اظن مايصحش كده انا مش صغيره..
لتتسع ابتسامته ليقول.. لا من جه ماعتيش صغيره تؤ تو تو خالص ماعتيش نهائي.
كانت تفرك من كلامه وتلميحاته ونظراته التي تلتهمها وتلتهم تفاصيلها واعصابها لم تعد تحتمل فهو خرج واخذ فرصته في الانهيار واعاد رباطه جاشه اما هيا ما زالت تتجلد وتصمد ولا تعلم الي متي فقربه يدمي قلبها لتتماسك وتبدا في شرح منظورها وهو مقترب منها ويتاملها عن قرب واصبح مشتعلا تمام...
كانت يتامل شفتيها وهيا تتكلم وتاه فيهم وتذكر كيف كانت لمستهَ كانت ابتسامته حالمه.. حبيبي قدامي قمر وكله قمر بقيتي تهبلي يا لولي. ليتفرس في جسدها ليشتعل لا استحاله حد يكون لمس حبيبي دي حاجتي بتاعتي. لولي مش لحد غيري مش كده يا قلبي بحبه يا ناس وهو عامل وحش كده بس قمر قلبي بيدق هينط من مكانه نفسي اخدك واتوه فيكي بقيتي تجنني ماكنش اتخيل اني هرجع الاقي قلبي ياخد العقل كده كان يمنع نفسه ان يمد يده ويلمسها باعجوبه.. بحبك وهموت عليكي طب ايه ههجم عليكي افرتكك وربنا اهدي يا زفت هتجنن هنجلط يا ربي .
لتستدير بعد ان انهت لتري نظرات قاسم اليها لتحمر بشده وتبعد وجهها ليسعد باحمرارها لتقول وهيا تحس بان هناك من يجري ورائها وصدرها يعلو ويهبط....... اظن كده شرحت كل حاجه حضرتك فهمت المخططات.
ليهتف ببلاهه... لا مافهمتش والله.
لتنظر اليه بغضب وتقوم... هو فيه ايه حضرتك انا تعبت.
ليقترب منها ونظراته تاكلها.. . تعبتي من ايه.. هو انا عملت حاجه لسه.
لتهتف.... عملت.. اه حضرتك لو مش عاجبك شغلي نفضها عادي.
اما هو فكان سعيدا باشتعالها واقترب منها ليهتف.. مش عاجبني .. لا دا دي حاجه فوق الخيال دا عاجبني اوي دا بقي حاجه تانيه والله.
لترد غاضبه... اسمع يا قاسم بيه.
ليقول بابتسامه كلها وله وحب.. عيوني سامعك يا ليال خرجي اللي في قلبك كله.
لتنصعق من كلامه.. لتهتف لو سمحت اسمي باشمهندسه ليال او مدام ليال انا مابحبش كده.
ليقترب منها بشده وينظر ليدها.. اه معلش نسيت انك مدام فريد الشرقاوي.راجل كباره وطيب وبركه السوق سبعيني مش كده.
لتشتعل غضبا من كلامه ولم تعرف ماذا تقول لتهتف.. حضرتك دلوقتي ناوي علي ايه.
ليهتف بحب.. لا ما اقولكيش دانا ناوي علي حاجات كتير هقولهالك حته حته بس اوصل بس لحاجه كده وبعدها هدوس واكمل. والتصميمات هناقشها كتير فاعملي حسابك تبقي معايا في اي وقت.
لتهتف.. حضرتك ساعات ببقي مشغوله هبعتلك كبير المهندسين يقع...
ليقاطعها.. ليال بهدوء كده ونخلينا حلوين وتسمعي الكلام من سكات واللي اقوله يتنفذ.
ليشتعل غضبها من جملته ماذا يظن نفسه فلم تعد تحتمل اكثر من ذلك لتقترب منه مندفعه في الكلام وتقول بغضب.. هو ايه اللي نبقي حلوين واسمع الكلام من سكات انت فاكرني ايه لسه العيله بتاعه زمان اللي بتقلك حاضر وطيب لا يا استاذ فوق انا ماعتش كده.. كانت تنهج بشده.
اما هو فصدحت ضحكته.. لتصر*خ انت بتضحك علي ايه.
ليهدا ويبتسم وينظر اليها بعشق صارخ وهيا لم تعد تحتمل نظراته ليهتف.. .. بضحك علي غلبي واللي هشوفه وتنهد مانا عارف انك ماعتيش الكتكوت الصغير اللي بيقول حاضر بس صدقيني كل اللي قدامي ده هوا.. ليال انت تقريبا دخلتي حته مش بتعتك َمش لايقه عليكي.. ودا انا هتصرف فيه.
لتهتف بغضب.. اسمع بقه يا قاسم.
ليغمض عينه ويقترب.. قلبه يا ناس احلي قاسم دي والا ايه..
لتنظر اليه بذهول.. انت ايه ده.. انت ازاي تكلمني كده لتهتف غاضبه.. تقريبا انت ماتعرفش انا مين بس احب اعرفك انا المهندسه ليال حرم فريد الشرقاوي واي تجاوز مش هسمح بيه عن اذنك.
ليهتف ويقول.. لا انا عارف انت مين كويس اوي وحافظ لاني اللي علمت انما حرم فريد الشرقاوي دي هنعرفها بعدين.ليقترب منها ويظل يقترب لتتراجع وتبتلع ريقها لتخبط في الحائط لتشتعل وتنظر اليه بغضب ليبتسم بحب ونظراته تصرخ بعشقه ليهتف.. قاسم مابيتجاوزش مع حاجه تخصه يا ليال.
لتهتف غاضبه وترفع يدها بقولك ايه انا ماسمحلكش.
ليقترب ويلمس يدها بشفتيه.. ايه... لولي ماتسمحش بايه.
لتبهت وقلبها سينفلق و َتشتعل.. لتدفعه وتهتف ببرود لحد هنا وتقف عندك انت فاكر ايه انا ست متجوزه تتجاوز حدودك هفض العقد لا يهمني شركاتك ولا يهمني هيلمانك.. كل ده علي نفسك يا قاسم يا حديدي.. ليال ماعادتش لا بتخاف ولا بتكش لا منك ولا من اللي يتشددلك انا المهندسه ليال حرم فريد الشرقاوي جوزي فاهم بتقلك حدودك تلزمها وتيجي عندي تقف كده خط احمر انا مش اي حد. كانت تتكلم بشراسه..
وهو يبتسم والسعاده ستفلق صدره من عنفوانها..لينظر اليها بهيام ويضع يده حولها ليرجف قلبها وظل صامتا فتره يتاملها لتحس انها ستنهار فهو يلعب باعصابها فهو لم يعد سهلا.
ليهتف ويقول..طول عمرك خط احمر ليشير الي قلبه طول عمرك مش زي اي حد يا لولي.. لتتجاهل كلامه وتدفعه فلم تعد تحتمل وتخرج وهيا تهمهم وتلعنه بشده.
ليجلس هو سعيدا.. حبيبي بيحمر من نظراتي قلبي يا ناس.. اخيرا قلبك ارتاح والبت بتاعتك انت لسه راشق جواها.. بس ايه فريد الشرقاوي قصته ايه دا راجل اد جدي متجوزاه ازاي اهدي يا قاسم اهدي واتصرف بعقل واحمد ربنا انك عرفتلها طريق.ليغمض عينه ويتذكر تفاصيلها ليبتسم حبيبي بيحمر وانا ببصله قلبي انا هموت عليكي يا هبله حبيبي موجوع مني هداويكي يا واخده قلبي. يا رب اهدهالي.
🌿 صلوا على الحبيب المصطفى 🌿
خرجت هيا مشتعله من عنده وذهبت الي مكتبها وقفلت علي نفسها وظلت تنهج وتحاول ان تستجمع نفسها. ايه ايه انت عامله كده ليه وقلبك هيقف.. الله يخربيتك يا بعيد طلعتلي منين. وايه قله ادبك دي يا مصيبتك يا ليال هتقعدي معاه شهر ازاي دا من قاعده هتموتي. عايز ايه مني يابن الحديدي وبتعاملني كده ليه.مش رمتني ودبحت قلبي بتكلمني كده ليه. وبتبصلي كده ليه الله يخرب بيتك استحمل انا ازاي.. لا دانا بكرهك اه بكرهك ومابكرهش ادك ولو فاكر اني لسه الهبله بتاعه زمان انسي دانا هقفلك واعرفك انا مين.. لتهدا قليلا وتجلس تفرك في يدها.. ايه مالك عامله كده ليه مش علي بعضك من ساعه مابصلك.. الهي كانت عينك تتخزق يا اخي ايه قله ادبك دي هو بيبصلي كده ليه انا خايفه.. لتفز من َمكانها انت اتهبلتي خايفه من ايه هو مين اصلا دا واحد مايسواش ودستي عليه من زمان اعقلي انت كبيره وعاقله وقدامه متجوزه.. لتهتف متجوزه هو كان بيقول ايه لتبقي مصيبه لو عرف اصل الجوازه. لتنهر نفسها. اتلمي واجمدي مش ده علي اخر الزمن اللي يلخبطلك حياتك هو شهر استحَمليه بالطول والعرض فاهَمه.. يا رب اقف جنبي.
عادت كارما الي الشركه وبدات في وضع مخطط وجدول زمني لانهاء اعمالها وبينما تجلس بمكتبها تعمل منهمكه لم تحس بذلك الذي تسلل ليقف بجوارها لتحس بوجع في رقبتها لتبدا في دعك رقبتها لتحس بيد علي رقبتها لتفزع وتنظر لتجد ايان يقف ورائها يهمس في اذنها.... اهدي هشيلك الوجع لتنتفض كي تقوم ليرمي بثقله عليها ويهتف... اهمدي بدل ما صوتنا يطلع وانا واحد ما بيهمنيش.
لتصر*خ..... شيل ايدك لاقطعهالك.
ليهتف.... بصي لو عايزاني اشيل ايدي اهدي. لتتنهد وتعلم انه لن يبتعد لتصمت مجبره ليبدأ في تدليك رقبتها لتحس براحه وخدر يتسلل اليها فكانت مرهقه ومتعبه بشده لترتخي لبعض الوقت ويده ترسل اشارات لقلبها لتستكين لتحس بيده تمتد الي بلوزتها لتنتفض.. ليضحك ويقول.. انا قلت انت نمتي قلت اصحيكي يا قمري.
لتهب مره واحده وتبتعد ووجهها احمر لتهتف منفعله.. نعم خير مش دلكت واتبسط افندم اومر.
ليضحك... انا اه دلكت بس لسه مانبسطش ونفسي حبيبي يحن عليا ساعتها هاخده في حضني وننبسط سوا... ميفو السلطان
لتصر*خ... ماتحترم نفسك بقه.. ايه ده.. مش حاسس انك كبير شويه واللي بتعمله شغل عيال.
ليقترب منها.. الحب مفيش فيه كبير وصغير يا قلب ايان.. يا بت اتربيت وهموت عليكي وحشتيني شويه وههجم عليكي اهريكي بوس وانت بقيتي جامده وطايحه كده.. بس علي مين طيح براحتك يا وحش ...🌿 استغفروااااا 🌿
لتصر*خ.. لا دانت مجنون يلا من هنا بقله ادبك دي وشوفلك عرسه ترضي بيك دانت حالتك صعبه.
لينظر اليها بخبث.. اشوفلي عرسه.. لا والله دانا شايف صاروخ جامد هيخلص عليا.. وحالتي صعبه.. اه وربنا هموت علي الوحش اللي قدامي وهو مقوي قلبه ليقترب بهدوء.
لتصر*خ به.... ماتقربش بقلك.
ليضحك ويشدها اليه.. لا دانا هقرب براحتي وانت كيفي روحك القمر بتاعي واحشني ليشدها اليه لتحاول ان تدفعه ليضحك.. انت ما بتزهقيش يا قلبي. ليهتف بحب وعيونه تلهبها. والله هموت عليكي والله ما نمت يوم الا وعيونك قدامي. وحشتيني وعارف اني وجعتك. بس اعمل ايه.. انت بس اشري وانا هتلاقيني تحت رجليكي والله.. كل حاجه وحشتني يا قلبي والله سنين بعدك قهروني وربوني بجد وكسرو جبروتي وعرفت انك اللي ليا. جدي الله يسامحه رباني غلط انت وقاسم فلتو بس الزمن رباني وخد حقك مني وعايش موجوع.
كانت تنظر اليه غير مصدقه ان هذا ايان صاحب الجبروت والعنفوان ليقترب منها ويقبلها بشده ويشدها اليه يعتصرها بين يديه لتستكين لثواني معدوده لتهب وتنغز نفسها لتدفعه وتصر*خ.. بس بقه انت ايه ما بتحسش ماعندكش دم ابعد عني بقه. 🌿صلوا على الحبيب 🌿
لينظر اليها بحب.. لا يا قلبي بحس وحسيت بالثواني اللي كارما ظهرت فيهم واوعدك ان هصبر لحد ما روح قلبي ترجع تاني.. اسيبك بقه يا قمري بعد ما قلبي برد وحبيبي شفايفه ارتاحت بين شفايفي لثواني.. قمر يا بنت الايه واقترب منها ومسكها مره اخري وهيا تضربه ليقول.. ايان هيرجع كارما لو اخر نفس في حياته.. سلام يا قطتي ليقبل اصابعه ويضعها علي شفتيها لتبعدهم بعنف ويخرج وهو يدندن بسعاده.. لتجلس هيا وقلبها ينبض بشده.. يخربيته دا اتجنن هو بقي عامل كده ليه.. وايه هيرجع كارما دي هو اتجنن.. دا واقف يحب ويسحسح عادي انا عمري ما شفته كده.وايه يا زفته مالك لما باسك انبسطي عبوشكلك بت واقعه. ايه هيبسبسلك ترجعيله ماعندكيش كرامه. طيب يا زفت انت اما اشوف اخرتها.. ايه حرقه الدم دي.. يا رب بقه انا تعبت ريح قلبي.
..مر اليوم بقيته علي شده اعصاب كل من قاسم وليال فهو ينتظر معلومات الحارس علي احر من الجمر وكلمه اكثر من مره ليطلق يده في فعل اي شئ ويصرف ما بداله لو ملاين ويجبله قرار الموضوع.
اما هيا فاكملت يومها باعجوبه وانصرفت لتريح نفسها بعد ان كانت علي شفا الانهيار.. فسنينها قد عادت اليها من جديد تذكرها وتنغص عليها افكارها.. راجع ليه يا قاسم راجع تكلمني كده ليه وبتخطط لايه. انت ماعتش قاسم اللي اعرفه انت واحد تاني قادر وجبروت.. هتعوز مني ايه وكلامك وتلميحاتك دي ليه.. راجع ليه مش القصه خلصت واندعك اللي كل اللي بينا في الارض.. بس لا ان كنت ناوي علي حاجه انا ماعتش هبله وهقفلك وادب صوابعي في عينك انا كبرت يا بيه وقتلك ليا هتاخده غل وحقد وهتحس انك ازبل من الزباله عندي.انت دخلت قلبي ومزعته وخرجتني جثه وانا ماعملتش حاجه ذنبي اني حبيتك عيله صغيره خدتها تحت جناحك وزرعت فيها حبك اللي مش راضي يخرج والله ما راضي حاولت اموته بس مش عارفه.. . لتهتف يا رب عيني عليه يا رب خفف وجعي اللي بيمزعني.. دا كأننا كنا امبارح مع بعض كأن السنين هوا.. رجعت كل وجعي كنت فاكره اني نسيت.. تنسي ايه يا ليال انت هبله انت عمرك مانسيتي قاسم.. قاسم مزروع جواكي وغارز وراشق وانت عارفه كويس ماتضحكيش علي نفسك.. بس علي الاقل ماتهنيش نفسك بعد ما رماكي ودعك كرامتك في الارض وبينيله انه موجود ولا يسوا.. اجمدي كلها شهر وتغوري من وشه ولا يشوفك تاني قصه وتكمل دفن.. كانت تمني نفسها ولكن قلبها سيكون له راي اخر وقاسم سيكون له باع اخر عندها..❤️بقلمي ميفو السلطان ❤️❤️
+
