رواية بنت الشيطان الفصل الثاني عشر 12 بقلم رحمة نبيل
الفصل الثانى عشر
سمعت جنه هذا الكلام وشعرت ان قلبها سيتوقف لم تشعر بنفسها سوي وهي تركض لمكتبه بسرعه كبيره وأخذت تفتح كل ادراجه بهمجيه وهي لاتعرف ماذا تفعل كانت لاتري أمامها سوي صوره نفسها وهي فتاه ليل كانت دموعها تسقط بشده لم تجد شئ في المكتب استدارت لتخرج وجدته يقف أمامها بنظره خبيثه وقع قلبها من هذا المنظر ماذا سيفعل بها اكيد سيقتلها
نظر شوقي بقذاره لها وأخرج ورق من جيبه
شوقي / بتدوري علي دي
نظرت للورق بين يديه بدموع
شوقي وهو يقترب منها ويمسح دموعها / تؤ تؤ تؤ اوعي تعيطي لسه العياط جاي ورا وفري دموعك لبعدين
جنه وهي تبكي وتعود للخلف / ارجوك انا اسفه والله ماهعمل حاجه تاني وهنزل شغل كتير بس ارحمني ابوس ايدك وسبني ابوس ايدك لو سمحت
ضحك شوقي بقذاره ممكن أرحمك بس بشرط
جنه بسرعه / ايه هو
شوقي / تكوني عشيقتي
نظرت نور بصدمه / انت بتقول ايه
شوقي / لو بقيتي عشيقتي مش هبعتك لبيت الدعاره وهعيشك ملكه هنا ومش هنزلك شغل تاني انتي بس تفضلي معايا هزت جنه رأسها بهستيريه / انت ايه ده انت قد ابويا ياقذر
شوقي بحده / اسمعي يابت يا اما كده يا ما تجهزي نفسك بليل هتروحي بيت الدعاره
واستدار وتركها ولكن وقعت عين جنه علي شئ نظرت له و........
................. 
نور وهي تنظر لسراج / متشكره ليك جدا يا سراج مش هنسالك وقفتك جنبي
سراج / انتي طرشه يابنتي منا قلت كل حاجه من تخطيط شيطان انا بس بنفذ
نور بخجل / اشكرلي مالك برضو
سراج بصدمه / اووووبا هو قالك اسمه الحقيقي
هزت نور رأسها ببسمه
سراج في باله / الموضوع كبر اوي دي وصلت لاسمه اشطا عليك يامالك شكلك وقعت
فجأه سمع الاثنان صوتا يعرفونه حق المعرفه
سمر وهي تركض لنور في الممر حيث كانت نور تقف به مع سراج
سمر وهي تحتضن نور بشده وتبكي / نور ياقلبي ازاي يقولوا كده عليكي ده انتي لا بتهشي ولا بتنشي اتعموا ولا ايه ده منظر واحده تبقي تاجره مارشيميللو مش مخدرات
نور / علي فكره انتي كده بتقلي بيا.
سمر / ياشيخه انتي قله لوحدك انا مش عارفه دي ملامح واحده تبقي شرطه
ضحك عمر / اوعي بقي ياسمر عشان اسلم عليها
اقترب عمر منها وعانقها بحنان اخوي
عمر / حمدلله علي سلامتك ياقلبي
نور ببسمه / الله يسلمك ياعموري
سراج في نفسه / الله يرحمك ياعموري
سراج / احم طب استأذن انا بقي يانور واشوفك بعدين
نور وهي تبتسم له /شكرا ليك جدا
سراج بضحك / اقولها شيطان اللي عمل كل ده تقولي شكرا
نور / انا هشكر شيطان بنفسي
هز سراج رأسه وكان علي وشك الرحيل
اوقفته سمر / شكرا جدا ليك بجد مش هنسالك انقاذك لآختي وانك جيت بنفسك عشان تثبت برائتها
سراج /انا اصلا طيوب بس في ناس مش واخده بالها
نظرت له سمر بتعجب على تغيره وضحكت/ فعلا طيوب بس متنساش الرحله ها
سراج ببسمه / لا مش ناسي وانا جهزت كل حاجه
نظرت له باعجاب / شكرا ليك
سراج / احم العفو بعد اذنك
ذهب سراج سمع رنين هاتفه وجده مالك
سراج / الو
مالك / حنين اوي ياسراج وطيوب
سراج بحرج / احم انت كنت سامع
مالك ببرود / انت غبي نسيت الفون مفتوح بعد ما التحقيق خلص.
سراج وهو يحك رقبته بحرج / احم دي سمر قريبه نور
مالك ببسمه ساخره / عارف ياحنين
ثم تحدث بجديه /نفذ باقي الخطه اللي قلتلك عليها ياسراج
سراج / تمام اعتبرها تمت.........عادت نور مع سمر وعمر للمنزل كانوا يصعدون سلم العماره
عمر / ياريت بقي نطفح اي اكل عشان انا هموت واكل وكل مانستريح نلاقي الاستاذه نور طلعت ب....
صمت بصدمه وقال / جنه
نظرت مور وسمر لما ينظرون اليه وجدوا فتاه منكمشه علي نفسها أمام الشقه
ركض عمر لها ونادي / جنه انتي كويسه
فتحت جنه عينها بارهاق والم وقالت بصوت ضعيف / عمر
عمر وهو ينسد علي خدها / اشششش اهدي دلوقتي ندخل الأول واستريحي بعدين قولي اللي عايزاه حملها عمر بحنان كنا يحمل الاب ابنته ونظر لسمر / افتحي ياسمر الباب لو سمحتي
فتحت سمر الباب وهي متعجبه من تصرفات أخيها الذي اخر تعامله مع الفتيات هي ونور
دخل عمر وهو يحملها ووضعها علي الاريكه وابعد شعرها عن عينها
عمر بصوت حنون جدا / جنه
سمر وهي تنظر له بتعجب / يانوحي يانوحي في ايه يامحنو ومين دي
نظر بها عمر بحده وضحكت نور عليهم
فتحت جنه عيونها ونظرت لعمر ودمعت عينها
جنه / قتلته ياعمر قتلته هو اللي كان عايز يبيعني
سمر / يستاهل الوسخ
نظر لها عمر بحده
عمر لجنه / سيبك منها قولي بالضبط ايه اللي حصل
جنه حكت كل ماسمعته من شوقي وصولا لذهابها لمكتبه وامساكه بها
جنه / لما لقيته بيديني ضهره وماشي وهددني مسكت الفازه اللي علي مكتبه وضربته بيها مكنش قصدي اقتله والله بس كنت عايزه انقذ نفسي بس ياعمر انا مش قاتله
سمر بتشجيع / جدعه يابت يستاهل الوسخ المعفن
عمر وهو يهدئها / اهدي ياجنه مين قالك انه مات انتي شوفتيه كان ميت
جنه وهي تهز رأسها بالرفض / لا بس هو نزف كتير
عمر / بصي احتمال انه انصاب بس مش مات وكمان لو كان مات كان زمان الدنيا مقلوبه عليكي وهو اتفضح بسبب عمايله دي حجات مش بتستخبي
جنه ببراءه وغباء / يعني مش مات
سمر وهي تصفق / الله اكبر نور تانيه بنفس الغباء سبحان الله
ضحك عمر علي كلمتها فهي محقه جنه ببرائتها وسذاجتها تذكره بنور كثيرا
عمر لسمر / معلش ياسمر خوديها خليها ترتاح
اماءت له سمر بتفهم وذهبت لجنه وابتسمت لها بلطف / يلا يا كتكوته معايا
نظرت لها جنه ببسمه واطمئنان وذهبت معها
جلست نور بعد ذهابهم بجانب عمر الذي ينظر لباب الغرفه التي دخلت لها
نور / بتحبها
عمر وهو ينظر لها بحيره / مش عارف
نور نظره وغمزه / بتحبها
وتركته وذهبت لتتحضر للذهاب للشيطان
عمر بعد ذهاب نور / شكلي كده والله يانور وقعت
................
في قصر الشيطان كان يجلس مالك وهو يبتسم بخبث علي مايفكر به لميار
فجأه سمع صوت الباب
ذهب ليري من الطارق
فتح الباب صدم بوجود
نور وهي تحمل كيس كبير
مالك بحاجب مرفوع / بتعملي ايه هنا مش المفروض تكوني بتستريحي دلوقتي
ثواني وكانت نور تعانقه بشده صدم من فعلتها وفتح عينه بشده ابتعدت نور بخجل ونظرت له باحراج فهي حقا لم تشعر بنفسها
نور بخجل / اسفه بجد مكنش قصدي.
مالك ومازال ينظر لها بصدمه كيف تستطيع فعل ذلك به انها تشعره بضعفه أمامها كاد قلبه ان يتوقف من المفاجأه
مالك حاول أن يظهر بروده مره اخري / برضو مجاوبتيش علي سؤالي بتعملي ايه هنا
نور ببراءه / كنت بجبلك ده
نظر بتعجب للكيس بين يديها / ايه ده
نور وهي تدخل /دي تعبير شكرى ليك
مالك ضيق عينه وهو ينظر للكيس
فتحت نور الكيس وافرغته علي الطاوله نظر فوجد حلوي كثيره وعصائر وشيبسي كثير
مالك بحاجب مرفوع / ايه ده
نور بحركه مسرحيه / ده الكنز هقسمه معاك علي فكره انت اول واحد اعمل معاه كده عمر ماحد اكل من حلوياتي انت واقف ليه اقعد نقسم الكنز يلا
جلس مالك بتعجب منها.
اخذت نور تقسم الحلوي
لفت نظر مالك نوع من الحلوي الذهبيه مسكها / هاخد دي
نور بفزع / لا الا دي
مالك بحاجب مرفوع / ليه لا انا عجبتني دي
نور / لا دي كوكو بتاعتي
مالك /كوكو!!!!
نور / اه دي المفضله عندي
مالك بعناد وكأنها أعادت له طفولته / لا انا دي عجبتني وهاخدها
نور وهي توشك علي البكاء / لا دي بتاعتي انا خد اي حاجه غيرها
مالك / لا هي دي بس اللي هخدها
وفتحها وكان سيأكلها ولكن فاجأته نور وهي تنقض عليه وتحاول أخذها لكن كان هو اسرع منها فاخذها ووقف وهي بسبب طولها لم تستطع ان تطوله
نور بتذمر / هاتها دي بتاعتي انا
مالك /وانا اللي شفتها الأول
نور / كده طيب
وأخذت تتلفت حولها حتى وقع نظرها علي......فاطمه وهي تتحدث في الهاتف / انا عرفت هي فين بس محطوطه في خزنه مش عارفه اوصلها
..........
ياباشا هملني كام يوم أكده وانا هجبلك اللي تريد لحد عنديك
هناء من خلفها / هو مين ده اللي هتحبيله الحاجه لحد عنديه
فاطمه برعب ان تكون كشفتها /ده ده ده ابوي مريض 
بيقولي هيخرج يشوف العلاج فجلتله انا بجيبه ليك انت بس ارتاح
هناء / اها ربنا يشفيه يابتي
فاطمه بتمثيل / امين يارب يا اما
هناء / خدي يابتي طلعي الاكل لجوزك فوج
فاطمه / حاضر ياما
هناء / حضرلك الخير يابتي
اخذت فاطمه الطعام وصعدت لعثمان وهي تحمد الله أن هناء لم تنتبه لكلامه
دخلت فاطمه الغرفه رأت عثمان يخرج من الحمام وهو يرتدي جلبابه نظر لها بتجاهل واكل ثيابه نظرت له وجدت يحمل سلسله مفاتيح ويضعها في جلبابه
نظرت بخبث فا هو هدفها أوشك علي التحقق
....................
نظرت نور للاريكه خلف مالك ذهبت باتجاهها ظن مالك انها ذاهبه له ولكنها تخطته كان علي وشك الالتفات لها ولكن فاجأته وهي تقفز علي ظهره / هات الكوكو بتاعي
مالك / يابنت المجنونه بتعملي ايه انزلي
نور / لا جيب الكوكو الأول وانا هنزل
مالك بعند / طب اهو
ووضع جزء منها في فمه وباقي الحلوي خارج فمه
نور بصراخ / لا لا هاتها
ونزعت الجزء الباقي منه ووضعته في فمها بسرعه كبيره وهي تتلذذ به
مالك / اخذتيه خلاص انزلي بقي
نور / ماشي
ثم نظرت للمسافه وجدتها بعيده جدا
نور وهي تتشبث فيه / لا بعيد اوي وطي انت طيب وانا هنزل
مالك بضحك عليها / يخربيت القصر
نور بتذمر / انا مش قصيره انت اللي طويل اوي يعني اقصر شويه لو سمحت
مالك / طب بطلي حركه عشان انزلك بدل ما اسيبك متعلقه علي طول كده وانا معنديش مانع
نور / اهو والله نزلني بقي
انخفض مالك بجسده قليلا حتي وصلت نور للاريكه هبطت عليها
مالك / ايه لزقه
نور كانت ستتحدث ولكن قاطعها رنين الهاتف
اشار لها مالك بالسكوت
مالك بجديه / الو ياسراج
..........
اشمعنا يعني دي
.........
مستعجله ازاي يعني
.........
تمام بكره بإذن الله هجبلك الخلاصه
.......
ابعتلي كل المعلومات
انهي مالك مكالمته ونظر وجد نور تنظر له بفضول كبير / مهمه جديده دي
هز مالك رأسه / امممممم
ن
ور بحماس شديد / اجي معاك بالله عليك
مالك بحاجب مرفوع / هو انا رايح اتفسح
نور / بالله عليك اعتبره العملي
مالك / لا ويلا عشان اروحك الوقت اتٱخر
نور وهي تسير خلفه / بالله عليك يا مالك اجي معاك
توقف فجأه / لا وبطلي تقولي مالك
نور / طب ياشيطان عايزه اشوفك وانت بتضرب لو سمحت
مالك ببرود و هو يركب السياره / لا ومش عايز اسمع زن
نظرت له بغضب طفولي كان ان يجعله يوافق علي كل ما تريده
بعد مرور بعض الوقت توقفت سياره مالك أسفل عماره نور هبطت نور منها بغضب بسبب رفضه وضربت الباب بشده
بعد ذهابها
مالك / مجنونه والله فكراني رايح رحله
رحل مالك بسيارته
وصعدت هي الشقه غافله عن هذه الأعين التي تراقبها بغل دخلت للمنزل وجدت سمر تنظر لعمر وكأنها تطالبه بشئ
نور / في ايه
سمر وهي تنظر لعمر / الاستاذ بقوله يتجوز جنه بس بيفكر لسه
نور بتعجب / يتجوزها ليه
سمر / انتي هبله يابت عايزه بنت تقعد معانا كده من غير اي علاقه تربطنا ببعض
ثم أضافت بخبث / كمان يعني انا مش بقول حاجه مرفوضه دي البنت قمر اساسا واخوكي واقع بس بينكر
نور وهي تنظر لعمر بصدمه / أيعقل؟؟
عمر باحراج / اصل هو هي
نور / هم هن ماتخلص ياعم انت مدرس عربي ولا ايه
سمر لتنهي الحوار / اسمع ياعمر لتتجوزها يا تسيبها ليا وانا هخدها معايا المدرسه اللى بشتغل فيها فيه هناك مساكن للعاملين ممكن تدرس لاطفال صغيرين او اي حاجه
عمر متتفضا بسرعه / لا هتجوزها
نور / الف مبروك ياعمر اتجوزت قبلي يامعفن
سمر وهي تعانق عمر وتهمس له / انت مفقوس اوي ياعمر واضح اوي انك هتموت علي البنت
عمر بحرج / واضح اوي
سمر بضحكه / اوي اوي
نور وهي تدخل بينهم / بتقولوا ايه ها ها
سمر وهي تدفعها / ملكيش دعوه انتي ويلا روحي نامي مع جنه وانا هنام مع عمر
نور وهي تنهض / اه والله انا ضهري وجعني من النوم في السجن كسروا ضهري
سمر / والله بقيتي رد سجون يانور
نور وهي تدخل / شوفتي الزمن يا اختي كويس ان سيد مش موجود كان مات تاني.
دخلت نور غرفتها وبدلت ثيابها ونامت بجانب جنه نظرت لملامحها تبدو لطيفه هذه الفتاه مسكينه لقد عانت كثيرا في حياتها
نامت نور وهي تفكر كيف ستذهب للمهمه غدا مع مالك فهي لن تفوت هذه الفرصه
بينما في الشقه بجانبها
كان عاطف يجلس ويفكر بخبث كيف سيجعل نور تترجاه لكي يتزوجها نعم فهو رأها وهي تهبط من سياره مالك وهو سيستغل هذا الشئ لمصلحته ولكن ليفكر قليلا قبل أي خطوه يتخذهااستيقظت فاطمه وقامت بهدوء من جانب عثمان واقتربت منه لتتأكد انه نائم وعندما تأكدت سارت بهدوء علي أطراف اصابعها وذهبت تجاه جلبابه المعلق وفتشت فيه حتي وجدت مفتايح امسكتها بهدوء حتي لاتحدث صوتا يستيقظ بسببه عثمان اخذتها ونظرت لهم بفرحه / واخيرا هخلص منيك ياعثمان ومن جرفك ديه بس جبل ده كله لازمن اندمك علي اللي سويته فيني
..................
في الصباح الباكر استيقظت نور وارتدت ثيابها بسرعه لتلحق بمالك خرجت من العماره بكل هدوء حتي لايشعر احد واوقفت تاكس واعطته العنوان وصل التاكس بعد قليل من الوقت طلبت منه نور الوقوف بخارج القصر والانتظار بعيدا بحيث لا يلاحظ احد وقوفه دقائق قليله وخرج رجل غريب من القصر نظرت له نور بتعجب من هذا ثواني وفتحت عينها بصدمه هذا الشيطان متنكر رأته يركب سيارته وينطلق أمرت السائق باللحاق به بسرعه حتي وجدته يدخل لمخزن قديم لحقته فرأت....
...................
استيقظت جنه وهي تفرك في عينها وجدت سمر تدخل عليها ببسمه / صباح المانجه علي عيون السكر
جنه بخجل / صباح النور
سمر / يلا بقي ياجميل طلعتلك فستان من دولاب نور هي قله زيك كده هيجي علي مقاسك
جنه بخجل / اسفه بهدلتلكم حياتكم بس انا معرفش حد غير عمر بس
سمر وهي تربت عليها / ولايهمك ياعمري انتي تنوري بس معلش عايزاكي في موضوع كده بعد ماتخلصي
جنه بتعجب / موضوع ايه
سمر وهي تنهض / لما تخلصي تعالي نفطر مع بعض ونتكلم شويه انا انهارده أجازه وفاضيه
خرجت سمر من الغرفه وجنه بنظر خلفها ياتري ماذا تريد منها لا تعرف ولكن تتمني الا تكون سببت لهم مشاكل
...................
كان يقف بكل شموخ وينظر للرجل المسطح علي الارض والذي يترجاه ان يرحمه ولكن عذرا ياعزيزي فهذا الشيطان لارحمه في قلبه
الرجل / ابوس ايدك سيبني انا عندي عيال عايز اربيهم والله هما اللي قالولي احط القنبله والله وانا بنفذ بس
الشيطان ببرود ونبره مرعبه حد الموت / وانت اي حد يقولك حاجه تعملها من غير تفكير مش بتفكر في أرواح الناس
الرجل ببكاء/ هددوني بعيلتي وقالوا هيدوني فلوس وانا محتاجهم
الشيطان بنبره خاليه / هما مين
الرجل بخوف شديد / ارجوك ارحمني لو قلت هما مين هيقتلوني
الشيطان متجاهلا كلامه / هما مين
الرجل وهو ينظر لعينه المرعبه / هما هما رجاله تبع حميد بيه الشرقاوي
الشيطان وهو ينظر له ببرود / امشي
الرجل وهو لايصدق انه نجي من تحت يد الشيطان ركض كاامجنون خارج المخزن وهو لا يصدق نفسه انه حي
بينما كان كل الحوار يدور أمام عيني هذه التي تختبأ خلف بعض السيارات القديمه في المخزن
الشيطان بصوت بارد / عجبك العرض
نظرت هي وبصدمه لوجهه وجدته ينظر تجاهها نظرت حولها لعله يكلم احد ولكن ليس هنا احد في هذا المخزن سواها
الشيطان / ايه دلوقتي خرستي مفكراني مش عارف انك هنا
نور / احيه ده كشفني
نظرت حولها ثم خرجت وقفت أمامه مثل الفتاه المذنبه التي تقف أمام والدها
نور محاوله تخفيف الجو / لا بس انت كنت برنس يعني من غير ولا كف واحد الراجل كان هيعترف انه قتل أنور السادات لو عايز
نظر لها ببرود
نور / احم طيب يا شيطان بيه للأسف ميعاد البطاطس 
المقليه بتاعتي وده ميعاد مقدس علي فكره يعني فلازم اروح الحقه
وكانت ستذهب الا انها شعرت بشئ يسحبها من ثيابها مثل المجرمين فجأه وجدته يقف بطوله أمامها
نور / ايه مسكه المخبرين دي ياكبير كده برستيجي يبوظ الله
نظر لها هذه الكارثه المتنقله التي يجدها في كل مكان يذهب اليه جذبها خلفه من ثيابها
نور وهي تحاول مجراه مشيته / كان لازمتها ايه قله القيمه دي يابنت سيد وهو ماسكني كأنه قفش حرامي شباشب من قدام الجامع كده
هز مالك رأسه بيأس من هذه الفتاه هي لن ترتاح سوي عندما تقتل في مره
