رواية بنت الشيطان الفصل الثالث عشر 13 بقلم رحمة نبيل
الفصل الثالث عشر
إن الله حين يتـولاك ، ولايته تهُد الجـبال ، تلين الحديد ، تسوق إلى قدمـيكَ ما كان مُستـَحيلًا ". .
يقول الرسول ﷺ
"أنا في روضتي حي .. أسمع كل من صلى علي "
- صلوا عليه 
开始吧
في حاره نور هبطت سمر وجنه لشراء، بعض الأشياء بعد أن انتهوا كانوا علي وشك الصعود ولكن وجدوا زوجه عاطف أمامهم
سلمي بسخريه / مين دي ياسمر
سمر بتأفف / ياصباح ياعليم يارزاق ياكريم
عايزه اي ياسلمى من امى علي الصبح
سلمى / فيه ايه ياختي بتتكلمى كده ليه والعنطزه وخداكي اوي ده انتم سيرتكم علي كل لسان في الحاره وسمعتكم بقت في الأرض لا ومش مكفيكم كده جايبين بنت تعيش معاكم واخوكي في البيا معاكم صحيح اللي اختشوا ماتوا
سم بغضب / سمعه مين يا ام سمعه انت وجوزك بذات متتكلموش علي السمعه بدل وربي اللي خلقني وخلقك لكون معرفه الناس بلاويكم كلها
سلمي / علي الاقل ياحبيبتي مش بنرجع مع رجاله غريبه في انصاص الليالي ولا بنجيب بنات بيوت فيها رجاله
سمر بحده / قصدك ايه يامعفنه بكلامك
سلمي بشماته / مش انا ياحبيبتي دي الناس كلها هي اللي مورهاش سيره غيركم لما سمعتكم بقت في الطين الله يرحمه ابوكم لو كان عايش كان مات تاني بس نقول ايه نسي يربيكم الأستاذة نور كل يوم ترجع بعد نص الليل مع راجل في عربيته ايه مفكره نفسها عايشه في أمريكا ولا ايه
سمر / قطع لسان اللي يقول كلمه علي اختي
كل الناس عارفه من هما عيال عبدالرحمن محمد اللي خيره مغرق الناس كلها ونور بتشتغل في الداخليه وطبيعه شغلها بتخليها تطلع مهمات وتتأخر فيها فطبيعي مترجعش في الوقت ده لوحدها وحد من زمايلها هو اللي يوصلها اما بالنسبه للبنت اللي حضرتك بتتكلمي عليها دي تبقي مرات اخويا وكتب كتابهم انهارده.
ثم أضافت بسخريه/ ابقي نورينا ياحبيبتي يلا ياجنه عالم زباله
وأخذت يد جنه وصعدت للسلم وهي تتأكل من الغضب قابلت عاطف يقف علي السلم كانه ينتظر شئ
سمر بحده / فيه حاجه
عاطف بتوتر / لا ابدا مفيش هو بس سمعت صوت عالي خير فيه حاجه
سمر بسخريه/ ابقي اسأل مراتك ياخويا
وتركته ورحلت
صعدت سلمي وهي تتأكل من الغيظ / اه يابنت الكلب ياسلمي لما وريتك مين هي سلمي
وجدت زوجها ينتظر اعلي السلم وهو متحفز وينتظر منها الخبر الذي يريده
عاطف بلهفه / ها ياسلمي عملتي ايه
سلمي وهي تدفعه وتدخل / ياخويا اتنيل دي فضحتني في نص الشارع دي محدش يعرف يطلع منها بحاجه دي مدردحه
ثم قالت بشماته / بس كفايه سمعه نور اللي نشرتها بين الناس
عاطف في باله /بكره تتحايلي عليا يانور عشان ارضي اتجوزك
............ 
في المشفي كانت تسير ساره وهي تمسك ظهرها / اه ياني ياما ياصغير علي المرمطه ياساره طلع عيني ياما حسبي الله ونعم الوكيل فيك يا مازن ياشريف بهدلت امي معاك كان مالها تجاره يابنت الجبالي
فجأه وجدته يقف أمامها
ويضم زراعه لصدره / اتجنيتي الحمدلله وبتكلمي نفسك
ساره وهي تنظر له بغيظ / اه هو حد يقعد معاك ويفضل عاقل
اقترب منها بسرعه مما جعلها ترجع للخلف بخوف
ساره / ايه
مازن وهو يغمز لها /واحلي مجنونه
ثم تركها ورحل نظرت هي له بتعجب هل غمز لها الآن يالله هو سيجعلها تجن بالكاملفي سياره مالك كان يقود وهو ينظر لها كيف تنظر للاسفل مثل الطفل المذنب
مالك ببرود / انتي سألتني ينفع تيجي معايا ولا لا صح
هزت نور رأسها بايجاب
مالك / مش سامع
نور / صح
مالك / واظن انا قلتلك ان مينفعش تيجي صح؟
نور / صح
مالك / وانتي مشيتي ورايا ورقبتيني ومفكره اني مش واخد بالي ودخلتي ورايا المخزن وانتي متعرفيش ايه اللي ممكن يحصل جوا صح
نور بخفوت / صح
مالك / اممممم لازم تتعاقبي
نور وهي تهز وأسها بخوف / لا يامالك بالله عليك انا بس كان نفسي اتفرج عليك وانت بتعمل مهمه
مالك / افرضي كانت عصابه خطيره وهددوني بيكي مثلا كان هيبقي وقتها موقفك ايه انتي بتمشي من غير ماتشغلي دماغك
نور بخفوت / اسفه
مالك ببرود / برضو هعاقبك يانور
نور / طب هو ايه العقاب
مالك بتفكير / لسه هفكرلك في واحد حلو
نور وهي توشك علي البكاء / تفكر في واحد حلو
مالك وهو يتوقف أمام منزلها / بالضبط يلا انزلي وجهزي نفسك لان التدريب الجاي هيبقى مبارزه بيني انا وانتي
نور بفم مفتوح / انا وانت ازاي مش فاهمه ده انت هتفرمني
مالك / امال انا بدربك ليه مش عشان تعرفي تبارزي اي حد
نور / انا بعرف اضرب علي فكره
مالك / عارف بس مش باحتراف وده اللي هنشتغل عليه
نور وهي تهبط / هموت قبل اليوم ده
هبطت نور من السياره ورحل مالك كانت نور تصعد السلم عندما رأت الناس تنظر لها وتتحدث بهمس نظرت لهم بتعجب ماذا يحدث هنا
صعدت ودخلت للشقه وجدت سمر تجلس وهي غاضبه بشده وجنه تجلس بجانبها وتنظر لها باسف
نور / في اي مالك ياسمر
ثم نظرت لجنه / مالها سمر يا جنه
سمر / ماليش يانور مفيش حاجه
نور بعناد / لا فيه مالك كده قالبه خلقتك وليه الكل عمال يبصلي ويتوشوشوا كده
سمر بحده / حد كلمك ولا قالك حاجه
نور / لا بس كان شكلك غريب عمالين يهمسوا لبعض
سمر / مافيش يا نور يلا ادخلي اقلي بطاطس يلا وشيطلنا شويه بيض عشان ناكل قبل أي حاجه قبل اللخمه
نور / لخمه ايه
سمر وهي تنهض بحماس / انهارده كتب كتاب عمر وجنه
نور بصراخ / بجد والله
سمر وهي اهز رأسها بايجاب / اها انهارده هيتجوزوا
نور وهي تقفز بمرح / ايوه بقي يبشه هو ده الكلام
ثم وقفت وصرخت مما افزع جنه وسمر / اللبس مجهزناش اللبس ولا اي حاجه لازم اجهز فستان حلو واشوف جذمه تليق عليه
سمر / اهدي ياختي هو كتب كتابك انتي
نور بتذمر / ايه مش اخويا لازم افرحله
سمر / طب انجري اعملي اي حاجه نطفحها الأول
نور وهى تدخل بتذمر / الجاريه اللي جايبها سيد ليكم هو اللي رماني الرميه دي
سمر / بطلي برطمه واخلصي يازفته
ضحكت جنه عليهم وسعدت لأنها ستكون جزء من هذه العائله تذكرت كلام سمر لها
سمر /ايه رأيك في عمر
جنه بخجل / ماله يعني
سمر / يعني هو مش عاجبك
جنه وخدودها احمرت بشده / هو محترم وكويس
سمر / يعني لو أتقدم ليكي هتوافقي
جنه وقد الجمتها الصدمه / يتقدم لي ازاي يعني
سمر / بصي انتي زي اختي يا جنه وتهمني مصلحتك والله انا مش عايزه الناس تتكلم عنك بالسوء
جنه بخيبه امل / يعني هو عايز يتجوزني عشان الناس انا ممكن امشي وهلاقي مكان متقلقيش انا بعرف اتصرف
سمر وقد حققت مرادها وتأكدت من حب جنه / مين قالك انه عشان الناس بس
جنه بانتباه / امال ايه
سمر بغمزه / يعني انتي مخدتيش بالك من كلامه ونظرات
جنه بخجل / انا مش
سمر / خلاص خلاص هتموتي مني اعتبر دي موافقه
جنه هزت رأسها بايجاب
عادت جنه من شرودها علي صوت سمر /
ايه يا كبير سرحان في ايه لا فوق معانا كده لسه اليوم طويل وورانا حاجات كتير
ضحكت جنه بخجل وذهبت معها لتتجهز حتي تنتهي نور من اعداد الطعامأسفل المنزل كان يقف علي بعد مناسب بحيث يستطيع سماع كل شئ دون أن يلحظه احد
اخرج هاتفه واجري مكالمه /
ايوه يا عثمان بيه
عثمان من الجهه الاخري / ايوه يا فجري جولي ايه اخر الاخبار عنديك ونور كيفها
الرجل / يبشه الست نور هنا مبهدله الدنيا
عثمان وهو يقف بحده / بتجول ايه يا مخبول انت
الرجل برعب من صوته / مش انا يبشه دي الناس هنا كلهم بيتكلموا عليها وانها كل يوم بترجع البيت في انصاص الليالي مع راجل غريب عنيهم
عثمان بغضب / انت متأكد يا مخبول انت
الرجل / متأكد يابيه وكومان انا مراجبها دايما وبشوفها بتروح لراجل البيت وتغيب عنديه بالساعات
عثمان بغضب أعمى / اجفل جفل نفوخك
نظر عثمان أمامه بشر / أكده يابت عمي رايحه مصر عشان تتسرمحي بس مبجاش عثمان اللي بتتهز ليه كل شنبات النجع اما خليتك تترجيني أرحمك
..................
الممرضه / دكتور ساره دكتور مازن بيقول لحضرتك تجهزي عشان فيه عمليه مهمه
ساره / تمام بلغيه اني جايه
ذهبت الممرضه لتبلغه
ارتدت ثيابها وتعقمت وذهبت لغرفه العمليات وجدت مازن يقف ويعطي تعليمات للمرضين
دخلت ونظرت للمريض وجدت وجهه مغطي
مازن / نبدٱ
هزت رأسها وبدأت تقوم بالعمليه له وبعد مرور ساعتان انتهت العمليه نظر لها مازن بأمر / اقفلي الجرح
وتركها وخرج بتعب
نظرت هي له بعد خروجه وقلدته / اقفلي انتي الجرح
اتجهت للمريض وأخذت تخيط جرحه بعد أن انتهت ذهبت الممرضات له لينقلنه للسرير المتحرك لنقله لغرفه أخرى عندما كانوا ينقلونه ظهر وجهه نظرت هي لوجهه وبهت شكلها وتراجعت بخوف وانفاس متلاحقه كيف هو هو مات امامها هي متأكده من ذلك
.......................
عاد عمر للمنزل وهو متعب حيث ذهب للشركه يحاول جمع اي شئ يدين حميد الشرقاوي
دخل للمنزل وصدم مما رأي المنزل يعم في الفوضي والارائك مزاحه الزاويه ونور ترتدي عباءه قديمه وتربطها علي وسطها وترتدي حجاب صغير علي شعرها مربوط للخلف وتمسك منفضه وتقوم بتنظيف السجاد وسمر تخرج من المطبخ وهي تحمل وعاء ملئ بالارز وهي تنتقي منه الأشياء غير اللازمه وجنه تخرج من الغرفه وهي تضع ماسك علي وجهها
سمر وهي تنظر لعمر / كويس انك جيت انزل وصي علي الجاتوه
عمر بتعجب / ايه اللي بيحصل هنا
سمر / هو ايه اللي بيحصل يعني كتب كتابك انهارده
عمر / اه كتب كتابي
ثم فتح عينه بشده / نعم كتب كتابي ازاي
سمر وهي تنظر له بتعجب / ايه ده هو انا مقولتلكش
عمر بسخريه / لا مقولتيش
سمر ببساطه / انهارده كتب كتابك علي جنه
عمر / لا والله ونسيتي تعزموني انتي مجنونه ياسمر.
سمر وهي تدفعه للداخل / يلا بسرعه غير عشان تروح تجيب الطلبات
عمر / يا ستي استني بس عاي...
سمر وهي تدفعه لغرفته/ بطل رغي وخلص ياعم ورانا شغل كتير
دخل عمر غرفته وهو يضرب كف بكف / ياهبل بيعملوا كتب كتابي مفاجأه ليا
جنه لنور / نور بقالي نص ساعه حاطه البتاع ده اشيله امتي
نور وهي تمسح وجهها من الغبار / لا خلاص روحي اغسليه كده وقته خلص
جنه / تمامدخل سراج وجد كلا من مالك و مازن يتحدثان
سراج / متجمعين دايما يارب
نظر له مالك ببسمه / تعالي ياسراج شوف مازن
سراج وهو يجلس بتعجب / ماله مازن
مازن / هتجوز
سراج / اه الف مبر...... ايه انت هتتجوز!!!!
مازن بحاجب مرفوع /ليه يعني منفعش اتجوز ولا ايه
سراج / لا بس غريبه اوي يعني مازن الشريف هيتجوز وهو اساسا مش بيطيق جنس الستات لا وهيتجوز اول واحد فينا كمان غلبت توقعاتي كلها
مالك / شوفت مش ان الأوان انت كمان تحصله
لايعرف لماذا اول شخص خطر في باله في تلك اللحظه هي سمر ابتسم سراج بشرود / ان شاء الله
مازن وهو يضرب مالك في كتفه / خدت بالك انت اول مره ميرفضش لا والابتسامه مترين بسم الله ماشاء الله
مالك / انا عارف هي مين وهي كويسه جدا علي فكره لو منك هاخد خطوه واتقدم
سراج بخبث / علي الاقل انا واضح يا شيطان الدور والباقي على اللي بيخبوا
مالك ببرود / قصدك ايه
سراج بضحكه / قصدي علي اللي عرفتها اسمك يا شيطان
مازن بغمزه / لا ده انا فايتني كتير بقي
سراج / اوي يامسكين
مازن / هي نفسها البنت اللي حبتني اعالجها
سراج بضحك / انت عرفتها
مازن / لاحظت فعلا ده كان هيقتلني وانا بكشف عليها
مالك ببرود / ايه هي الحفله عليا ولا ايه
سراج بضحك / مش انت اللي بدأت وكنت عايز تعملها عليا اديها انقلبت عليك
ضحك مازن علي ملامح مالك وكلام سراج
سراج ببسمه / يا بقالنا قد ايه متجمعناش كده
مازن / ربنا يديمكم ليا يارى انتم عيلتي الوحيده
مالك وهو سربت علي كتفه ويعانقه / الف مبروك ياصاحبي
مازن / الله يبارك فيك وعقبالك
قال الاخيره بغمزه فضحك سراج
سراج / صحيح مين العروسه
مازن بهدوء / دي دكتوره متدربه عندي اسمها ساره
مالك / هتتقدم امتي
مازن / لسه هفاتحها الأول بالموضوع واشوف رأيها
سراج / انت لسه ماقلتش ليها
مازن وهو يشرب القهوه التي أعدها مالك / لسه
مالك / بإذن الله توافق ونفرح بيك ياكبير
سراج / الف مبروك ياصاحبي
مازن / الله يبارك فيك
مالك وهو ينهض / هطلع اخد شاور لحد ما الاكل يوصل
سراج / تمام
................
نور وهي ترتدي وتنادي سمر
سمر / تعالي اقفلي السوسته دي رخمه اوي
جاءت سمر وكانت ترتدي فستان سماوي طويل يظهر قوامها وجميل جدا اغلقت سمر سحاب الفستان / ايه القمر ده
كانت ترتدي نور فستان وردي طويل وبه بعض الأشكال الكريستاليه
ولكن يفصل جسدها
نور / سمر بلغتي سراج ومالك
سمر وهي تغمز لها / هو احنا وقعنا ولا ايه
نور / احم وقعنا ايه يابت انتي بس انتي عارفه لولاهم كان زماني في السجن هما اللي ساعدوني عشان اخرج علي الاقل ياستي عشان منحسش نفسنا لوحدنا انتي عارفه ملناش حد هنا وجنه كمان ملهاش حد هنا
سمر / تمام ياجميل انت هكلم سراج
نور بخبث / وهو رقم سراج بيعمل معاكي ايه يامربيه الاجيال
سمر وهي تضربها / جذمه سراج هو المؤسس الأساسي للمدرسه والمتبرع الاساسي ليها فأكيد تاخد رقمه يعني
نور / ماعلينا كلميه لحد ما اشوف جنه كده خلصت ولا لا
سمر / تمام
خرجت نور وتوجهت لغرفه جنه
واتصلت سمر بسراج واخبرته
دخل عمر علي سمر وهو متأنق في بدلته
سمر وهي تطلق صفيرا / ايه الحلاوه دي كانت مستخبيه فين
عمر بتكبر مضحك / دي حجات كده انا مدكنها للحبايب
سمر وهي تغمز / من لقي احبابه بقي
عمر بضحك وهو يعانقها / عقبالك ياعمري
سمر / اهم حاجه اني اطمنت عليك ياعمر غير كده مايهمنيش
دخلت نور / اسفه او بقطع جو العشق الممنوع بس الجيران بدأت تيجي والعروس هتسيح جوه يلا يا باشا نطلع
عمر وهو يعانق نور ويضحك / الله يكون في عونه اللي هيتبلي بيكي ياعمري
نور / ده ياسعده ياهناه
............
مازن / ياعم هو انا اعرف حد منهم عشان اروح بعدين هما عزموكم انتم مش انا
سراج / متبقاش بايخ البنت يتيمه وعايزه تحس ان فيه ناس معاها عشان فرحتها يلا يامازن تعالي معانا بدل الزهق ده واحنا وشنا في وش بعض كده
هبط مالك السلم واخذ المفاتيح بررود ونظر لمازن / يلا عشان منتأخرش علي الناس
مازن بسخريه / من امتي الشيطان بيحضر أفراح
مالك بغمزه / من ساعه ما طب
نظر له سراج ومازن بتعجب من تغير الشيطان بهذه الطريقه اكيد هذا شخص آخر فهذا ليس ابدا الشيطان الذي يخاف منه الجميع
جذر سراج مازن وانطلق للسياره ركب مازن بجانب مالك قاد مالك السياره حتي وصل لمنزل نور
هبط الجميع من السياره بطلتهم الخاطفه للانفاس فكانوا ساحرين
دخلوا العماره تحت انظار عاطف
والرجل الذي يراقب نور
الرجل محدثا عثمان / الو يابيه
عثمان / خلص في ايه
الرجل / انا شفت الراجل اللي الست نور دايما بتروحله بيته داخل عنديهم ومعاه رجلين
عثمان / طب راجبهم كويس واتأكد انهم طالعين ليها مش لحد تاني
الراجل / اعتبره حوصل يبشه
............
دخل كلا من مازن وسراج ومالك للمنزل وجذبوا انتباه الجميع بطلتهم التي تبدو للجميع انهم ليسوا من الحاره بل يبدوا انهم من أصحاب الطبقه الغنيه جدا
نهض عمر من جانب جنه وذهب لاستقبالهم وجلسوا جميعا تحت نظرات سراج العاشقه ونظرات مالك التي تكاد تحرق نور بسبب ثيابها
جاء المأذون وبدأ بكتب الكتاب
المإذون / من وكيل العروس
نظر الجميع لجنه ونظرت هي بحزن
مالك بتدخل / مازن هو وكيل العروس
نظر مازن له
مالك / انت الكبير هنا يامازن
نظر مازن للعروس ولم يعرف لم هز رأسه بالموافقه علي كلام مالك
................
عثمان بغضب وقد اطاح بكل شئ أمامه
وهو يصرخ / ماشي يانور انا هوريكي ازاي ترفضيني عشان تتسرمحي أكده
وضع هاتفه علي اذنه ونظر امامه بغل / اجهز بكره هنفذ..........
