رواية بين القسوة والحب كامله وحصريه بقلم دنيا احمد
الام(حنان): عندها 45، هي ست مصرية أصيلة، عندها شعر أسود طويل بدأ يظهر فيه بعض الخصل البيضا، وعيونها بنيّة، بشرتها قمحية، شخصيتها مش ضعيفه اوي، دايمًا متوترة وخايفة بسبب قسوة جوزها اللي دايمًا بيسيطر عليها وبيضربها، ورغم كل الظروف الصعبة اللي بتمر بيها، دايمًا بتسعى تخلق جو من الأمان والراحة لولادها.
الاب(احمد): عنده 49سنه، راجل متوسط الطول شعره أسود بيظهر فيه بعض الشيب وعيونه سودا غامقة، ملامحه جامدة و مبتبينش عليها أي عواطف،
شخصيته قاسية ومتسلطة، بيعامل مراته وعياله بحدة شديدة. لو حصلت أي غلطة، حتى لو كانت صغيرة، بيستخدم العنف بدون تردد. دايمًا بيشخط وبيزعق، ومفيش عنده مساحة للتفاهم أو التسامح. بيحب يفرض رأيه وسيطرته على الكل، وبيشوف إن ده هو الصح. نادرًا ما بيظهر أي مشاعر دافيه أو حنية.
البطله(نورا): عندها 18 سنه، شعرها طويله لونه بني، عنيها عسلي، بشرتها قمحيه،بنت شجاعه جدا و شخصيتها قويه بس عند ابوها بتكون ضعيفه الشخصيه بسبب خوفها منه بس هي بتحاول تتغلب علي ده، بس برغم كل اللي بتعيشه عندها إرادة قويه و بتحاول تطور من نفسها علي طول، بتحب الضحك و الهزار، رغم المشاكل اللي هي فيها بس بتفضل مبتسمه و بتستخدم الهزار كوسيلة لتخفيف التوتر،بتدرس هي في تالته ثانوي علمي رياضه،بتحب واحد اسمه ايهاب هنتعرف عليه دلوقتي
اختها(ريم): عندها 18 سنه برضو، شبهها اوي في الشكل، بس عندها طابعها الخاص. بشرتها لونها قمحيه زيها، عندها عيون عسليه وشعر بني طويل زي اختها. شخصيتها مرحة وبتحب الضحك، دايما مبتسمه وبتحب تبعث البهجة على الناس اللي حواليها. قلبها كبير وبتحس بالتعاطف مع الناس، وبتحاول ترفع المعنويات وتخلي الجو حواليها حلو ومريح، شخصيتها قويه بس مش زي نورا بتخاف من ابوها جدا
صحبتهم(ياسمين): عندها18سنه، بشرتها بيضاء، عيونها كبيرة ولونهم بني غامق، وشعرها بني فاتح . بتتميز بشخصيتها الطيبة والودودية، و. بتحب الضحك والهزار، دايماً بتقف معاهم في الوحش قبل الحلو
إيهاب: اللي نورا بتحبه عيل متهور و صايع و بتاع بنات يعني مش احسن حاجه و مش احسن حد، عنده 20 سنه، هوايته المفضلة عزيزي القارئ انه يضحك علي البنات، بشرته سمرا، عيونه سودا، وشعره أسود.
بس دول اهم الشخصيات دلوقتي باقي الشخصيات هنعرفهم مع الاحداث.
ــــــــــــــــــــــــــــــــــــــــ
«البارت الاول»
في يوم من الايام نورا و ريم و ياسمين رايحين الدروس اللي وراهم زي كل يوم كالعاده ما هما تالته ثانوي بقا لازم يهتموا.
نورا: اوف انا زهقت من ام تالته ثانوي دي كل يوم دروس ياربي امتى نخلص من العذاب ده تعبت
ياسمين: هانت يحبيبي خلاص كلها شهرين و نخلص من الهم ده وندخل اللي نفسنا فيه و تتجوزي اللي اسمه إيهاب ده و نخلص منك بقا
ريم: يارب يختي و يارب يكون بيحبها بجد و صادق و عايزها بجد مش زي شباب اليومين دول
نورا: طبعاً لا إيهاب مش زيهم و هيجي و هيتجوزني ملكيش دعوه انتي متدخليش بس و هيكسفك و هتشوفي
ريم: يارب يطلع صادق
ياسمين: بس بقا يلا يختي منك ليها يلا عشان هنتأخر علي الدرس
هما: يلا يختي
ـــــــــــــــــــــــــــــــ
بعد الدرس
ـــــــــــــــــــــــــــ
ريم: اه مش مصدقه ان اليوم خلص
نورا: ولا انا بجد........ ده إيهاب بيرن... الو ايه يحبيبي وحشتني اوي
إيهاب: و انتي كمان انتي فين كدا
نورا: اهو خلصت الدرس و هروح
إيهاب: طيب يلا انجزي و روحي البيت عشان انتي وحشتيني اوي
نورا: حاضر يحبيبي هروح بسرعه باي
ايهاب: باي
ياسمين: انا خايفه اوي ياريم علي نورا انا مش مطمنه للواد ده خايفه يكون بيضحك عليها بكلمتين و خلاص
ريم: الصراحه انا كمان مش مطمنه بس نعمل ايه فيها بتحبه ربنا يسترها
ـــــــــــــــــــــــــــ
*كل واحد روح البيت*
حنان: هاا يعيال عملتوا ايه النهارده اليوم كان كويس
هما: اه الحمدلله
حنان: الحمدلله يحبايبي انا هدخل انام بقا تصبحوا علي خير
هما: و انتي من اهل الخير
ريم: انا هدخل الاوضه بتاعتي هنام مش قادره
نورا: اوكيه يحبيبتي
ــــــــــــــــــــــــــــ
نورا رنت علي ايهاب
نورا: هااا يسيدي اديني روحت بسرعه اهو هاا وحشتك
إيهاب: اوي اوي بقولك يقلبي عايز منك طلب
نورا: ايه قول يحبيبي
إيهاب: ما تبعتيلي كدا صور ليكي و انتي في البيت كدا دلوقتي اصلك وحشتيني
نورا: انت بتقول ايه لا طبعا مش هعمل كدا عيب اكيد لا
إيهاب: بجد والله؟ ماشي براحتك مش عايز منك حاجه خلاص شكراً يختي
نورا: انت زعلت ليه طيب
إيهاب: لا يست عادي هزعل ليه يعني براحتك بس متزعليش لو لاقيت حد بيسمع كلامي و روحتلها و سبتك ماشي عشان بس تكوني عارفه انك مش بتسمعي كلامي خالص
نورا: لا لا خلاص هبعتلك بس متزعلش ولا تسبني بس هتمسحهم علي طول ماشي
إيهاب: ماشي يلا ابعتي
نورا: حاضر دقيقه واحده
إيهاب بخبث: ابعتي يختي ابعتي ابعتي يهبله فكراني بحبك هه اخد منك بس اللي انا عايزو و افضحك و ارميكي زي الكلبه قال احبك قال
نورا اتصورت و بعتت الصور
نورا: هاا ايه رأيك حلوه؟
إيهاب: زي القمر بقا تخفي عني الجمال ده كله
نورا: بجد! طب يلا بقا امسحهم عشان خاطري
إيهاب: اممم شكلك مش واثقه فيا بس ماشي همسحهم متخفيش
نورا: لا والله واثقه فيك بس معلش
إيهاب: حاضر متخفيش
نورا: طيب انا هنام تصبح على خير باي
إيهاب: باي
ـــــــــــــــــــــــــــــــــــ
تاني يوم
ـــــــــــــــــــــــــــــــ
نورا و ريم: صباح الخير يماما صباح الخير يبابا
حنان: صباح النور يحبايبي
احمد: هو في خير طول ما انتو موجودين جتكوا الهم منك ليها اشكال تقرف علي الصبح
حنان: ليه بس كدا يحج هما قالوا ايه يعني
احمد: اخرسي يست انتي كمان قرف في شكلك انتي و بناتك ربنا ياخدكوا... انا همشي
نورا: ماما هو بيعاملنا كدا ليه هو مش بيحبنا يعني هو ايه ده
حنان: لا يانورا ازاي ابوكوا بيحبوكوا طبعا بس هو مش بيعرف يعبر و ضغط شغل و كدا المهم يلا يلا قوموا يلا عشان الدرس ربنا معاكوا يارب
هما: ماشي يماما باي
ياسمين: في ايه علي الصبح مالكوا ضربيين وش النكد ليه؟
ريم: مفيش يستي كالعاده ابويا سمعلنا كلمتين علي الصبح
ياسمين: خلاص يست فكوا بقا فكوا ولا اكن حاجه حصلت
ــــــــــــــــــــــــــــــــــ
بعد الدرس
ـــــــــــــــــــــــــــــ
نورا: يلا يريم بقى نروح عشان خلاص تعبت عايزه انام مش قادره
ريم: ولا انا خلاص
ياسمين: انا كمان يلا اشوفكوا بكره يعيال باي باي
هما: باي
ــــــــــــــــــــــــــــ
*نورا وريم روحو البيت و اتغدوا*
نورا: أخيراً هنام مش مصدقه… اوفف ده وقت تليفوني يرن ياترى مين.....ده إيهاب ايه يحبيبي
إيهاب: ايه ينورا انتي فين
نورا: في البيت في ايه بتكلمني كدا ليه في حاجه ولا ايه
إيهاب: اممم طب حلو اوي بصي يحلوه لو مبعتليش 15 ألف جنيه هنشر صورك علي جميع المواقع يقلبي
نورا: ههه ضحكت ياض هفطس تصدق انجز بقا عايزه انام والله مش وقت هزار مش قادره
إيهاب: انتي فكراني بهزر يبت انتي
نورا: انت شكلك بتتكلم بجد ولا ايه اكيد لا اكيد لا مش هتعمل فيا كدا صح اكيد مش هتعمل كدا ده انا حبيبتك
إيهاب: حبيبتي اه لامؤاخذه يانونو اصلي كنت بضحك عليكي انا اتجوزك انتي واحده بعتتلي صورها بلبس البيت انتي عبيطه يبت
نورا عيطت و قالت: بس انا واثقت فيك ده انا كنت بثق فيك اكتر من نفسي عملتلك ايه بالله عليك يا إيهاب متعملش حاجه وبعدين يعني وبعدين صوري كنت بلبس البيت و كان محترم
إيهاب: لابس البيت اه محترم اممم ما علينا من ده اصل بقا في تطور يانونو عدلت صورك بالذكاء الاصطناعي و اكيد فاهمه الذكاء الاصطناعي بقا يعمل أي حاجة و كل حاجه دلوقتي يحبي هااا مترغيش كتير قدامك اربع ايام ماشي يا نونو باي يحبي
ــــــــــــــــــــــــــــــــــ
وبس بكدا يكون خلص بارت النهارده يارب يعجبكوا و مستنيه رأيكوا 
تتوقعوا هيحصل؟
