رواية بين القسوة والحب الفصل الثاني 2 بقلم دنيا احمد
«البارت التاني»
نورا: اعمل ايه ياربي اجيب المبلغ ده منين ده احنا علي الحديده اعمل ايه اكيد مش هيعمل كدا اكيد اكيد يعني إيهاب بيحبني اكيد بيهزر زي ما بيعمل اكيد ميعملش كدا طب طب لو عمل يانورا يبقى ايه العمل ده ده بابا يدب.حني ايه اللي انا عملته ده يارب سامحني يارب يارب حلها من عندك
ــــــــــــــــــــــــــــــــــــــــ
تاني يوم
ــــــــــــــــــــــــــــــــــــــــ
ريم: بت يانورا انتي يغيبوبه اصحي منك لله هنتأخر علي الدرس يخربيتك
نورا: صاحيه ياريم صاحيه
ريم: ايه ده يبت يخربيتك مين مزعلك عينك منفوخه كدا ليه اوعي يانورا يكون الزفت ده عملك حاجه
نورا : انا خايفه اوي ياريم خايفه انا في مصيبه اعمل ايه انا اللي عملت في نفسي كدا
ريم: طب اهدي طيب اهدي في ايه انا مش فاهمه حاجه ايه اللي حصل
حنان بمقاطعه: يانورا ياريم يلا يبت انتي وهي عشان الفطار
ريم: حاضر يماما طب قومي يانورا قومي اغسلي وشك قومي يلا
نورا: حاضر
ريم: يارب ميكونش اللي في بالي يانورا ربنا يستر
ريم: صباح الخير يماما
حنان: صباح النور يحبيبتي
ريم: اومال فين بابا
حنان: راح الشغل من بدري
ريم: طيب
حنان: نورا فين
نورا: انا اهو يماما
حنان: مالك يبت عينك منفخه كدا ليه
ريم بتوتر: لا يماما ملهاش بس بنتك بتعيط عشان الامتحانات قربت و خايفه متجبش مجموع كويس بس ده كل الموضوع يعني
حنان بشك: اممم بجد والله لا متخفيش يبنتي ان شاء الله خير
نورا: ان شاء الله يماما
حنان: مالك يانورا مش بتاكلي ليه يبنتي يانورا مش بتردي ليه
نورا: هااا ايه يماما بتقولي حاجه
حنان: بقولك مش بتاكلي ليه في ايه سرحانه في ايه يبنتي
نورا: ما يماما زي ما ريم قالتلك متوتره بس شويه معلش يماما ممكن الفلوس عشان نروح الدرس عشان كدا هنتأخر
حنان: حاضر
ريم: لا بجد انتي مش طبيعية النهارده في ايه
نورا: بعدين ياريم بعدين
حنان: هو احمد مسبش فلوس ولا ايه شكله مسبش فلوس لا إله إلا الله ازاي يعني يعمل كدا ايه الجديد يعني منك لله يا احمد الحمدلله اني معايا 150 جنيه يارب يكفي..... يعيال هي فلوس الدرس كله كام
ريم: 120 يماما
حنان: الحمدلله هيكفي الفلوس اهي يحبايبي ربنا معاكو يارب
هما: يارب يلا سلام يماما
حنان: سلام
ـــــــــــــــــــــــــــــــــــــــــ
ياسمين: يافرج الله ساعه يختي منك ليها عشان تنزلي ايه ده مالك يانورا شكلك عامل كدا ليه في حاجه ولا ايه مالها ياريم
ريم: والله يبنتي مش عارفه انا دخلت عليها الصبح لاقيتها كدا و بتعيط
ياسمين: في ايه يانورا مالك يحبيبتي احكلنا مالك
نورا بدأت تعيط تاني
نورا: انا والله انا معرفش هيعمل كدا ليه والله العظيم انا مش قصدي اعمل حاجه غلط والله انا غلطت انا اسفه
ريم: طب يبنتي واحده واحده قوليلنا في ايه محدش فينا فاهم حاجه براحه كدا و قولي في ايه
نورا: حاضر انا من يومين كدا كنت بكلم إيهاب عادي زي كل يوم طلب مني طلب بس والله العظيم في الاول رفضت
هما: طلب منك ايه
نورا بتوتر: طلب مني صور ليا وانا في البيت
ريم بعصبيه: مش قولتلك ده واحد قذر و قليل الادب بس معني كلامك كدا يانورا انك بعتي انتي بعتي يانورا
نورا بتوتر: اه بس والله فضل يقولي همسحهم و انا صدقته
ياسمين: ازاي يانورا ازاي تصدقيه طب وبعدين يانورا حصل ايه تاني
نورا: امبارح كلمني و قالي عايز 15 الف جنيه غير كدا ينشر الصور و قدامي اربع ايام و قالي انه عدل فيهم كذا حاجه مش عارفه ايه بالذكاء الاصطناعي ده
ريم: ليه كدا يانور ليه انتي عارفه البير و غطاه ده بابا يقتلك يانورا لو عرف حاجه زي كدا ليه
ياسمين: خلاص ياريم اهدي اهدي لازم نفكر خلينا نروح الدرس دلوقتي وبعدين نشوف
ريم: ماشي يلا
ــــــــــــــــــــــــــــــــــــــــــــ
بعد الدرس
ــــــــــــــــــــــــــــــــــــــــــــ
نورا: وبعدين هنعمل ايه استنوا التليفون بيرن ده ايهاب
ياسمين: طب ردي ردي و خلينا نسمع
نورا: الو
ايهاب: ايه يانونو وحشتيني هااا خلاص اول يوم بيروح فاضلك تلاته بس ياروحي ماشي يقلبي
نورا: ايهاب استنى بس اسمعني انا واثقت فيك وحبيتك اكتر من نفسي و حكتلك اني مفتقده حنان الاب و انت فعلا عوضتني عن حنان ابويا بس ليه تعمل كدا في الاخر ليه بجد و انت عارف كويس اوي اني معيش المبلغ ده و معنديش حد اجيب منه فلوس و انت عارف الحال
ايهاب ببرود: ميخصنيش والله المهم عندي الفلوس ابوكي اخوكي مليش فيه هو انا فاتح ملجأ ولا ايه محدش قالك تخليكي واثقه فيا اوي كدا بقولك ايه مش عايز وجع دماغ انا عايز الفلوس غير كدا هفضحك مش انتي عندك عم خلاص هاتي منه الفلوس
نورا: عمي ما انت عارف المشاكل اللي بينه و بين بابا
ايهاب: اقولك ايه متصدعنيش بمشاكلك دي داهيه تاخدك انتي و ابوكي و عيلتك كلها انا عايز الفلوس باي يا يايحبيبتي
ريم: اقسم بالله حيوان و ندل و مش راجل انتي ازاي واثقتي فيه يانورا ازاييي
نورا : عشان غبيه كله بسبب بابا عشان مشوفتش منه حنان الاب لو كان نفسي اشوف منه حنيه او اهتمام بسيط هو انتي فاكره ابوكي ده اب هاااا فاكره ان ده اب اب فين ياريم فوقي ده طول الوقت ضرب و شتيمه و بيدعي علينا ان ربنا ياخدنا يبقي ده اب هاااا حقي ادور علي الحنان و الامان في حته تانيه كان نفسي يكون بيحبنا بس للاسف
ريم: عندك حق
ياسمين: طب وبعدين هنعمل ايه
نورا: مش عارفه مش عارفه عقلي واقف مش عارفه افكر
ياسمين: طب تعالوا عندي البيت اكننا هنذاكر يلا
ريم: ماشي يلا
ـــــــــــــــــــــــــــــــــــــــــــــــ
بعد تفكير كتير محدش فيهم وصل لحل كل واحد راح بيته
ـــــــــــــــــــــــــــــــــــــــــــــــ
بعد يومين
ـــــــــــــــــــــــــــــــــــــــــــــــــ
نورا: ايهاب بيرن استنوا ارد... الو
ايهاب: ايه يروحي جهزتي الفلوس خلاص الوقت بيعدي هااا يستي جهزتي كام لحد دلوقتي قوليلي
نورا بخوف: ولا حاجه
ايهاب: نعم لامؤاخذه ازاي يعني ولا حاجه انتي عبيطه يبت انتي طب اقسم بالله لو الفلوس مجتش النهارده بليل لكون منزل الصور كلها سلام
نورا بخوف: لا لا النهارده ازاي اعمل ايه اعمل ايه حد يساعدني يارب حلها من عندك ازاي بجد يعمل كدا
ياسمين: اهدي اهدي
ـــــــــــــــــــــــــــــــــــــــــــــــــ
في بيت نورا
ــــــــــــــــــــــــــــــــــــــــــــــــــ
نورا و ياسمين و ريم متجمعين
نورا بخوف: انا خلاص انتهيت انا عمري معملت حاجه وحشه لحد ليه كدا ليه ياربي
ريم : استغفري ربك مينفعش نقول ليه دي حكمه ربنا
نورا: استغفر الله العظيم ده ايهاب بيرن ايه يا ايهاب
ايهاب: ايه يانونو جبتي الفلوس يحبي
نورا بخوف: ابوس ايدك متفضحني ابوس ايدك
ايهاب: امممم يبقى مجبتيش طيب انتي اللي اخترتي يحبي باي
نورا: ده قفل قفل يا ريم قفل
ريم: طب رني تاني رني
نورا: شكله عمل بلوك يارب ونبي يارب عارفه اني غلطت بس متعقبنيش بالطريقة دي ونبي
ياسمين: اهدي يانورا اهدي
ـــــــــــــــــــــــــــــــــــــــــــــ
بعد نص ساعه
ــــــــــــــــــــــــــــــــــــــــــــــــ
احمد بزعيق: فين بنتك فين نورا فين اللي مربتهاششش فين اللي جيبالي العا. ر فيننننن
حنان: انت بتقول ايه يحج عيب اللي بتقوله ده دي بتذاكر مع اختها و صحبتها جوه
احمد: بتذاكر بنتك يهانم بنتك صورها نزلت علي النت بشكل زباله
حنان بصدمه: ايههه
نورا بصدمه: نزل الصور نزل الصور نزل الصور اتفضحت اتفضحتتت يارب
احمد: افتحي يانورا افتحي افتحي بدل ما اكسر الباب
نورا بخوف: اقسم بالله يبابا ظلم والله العظيم الصور مش حقيقه والله العظيم
احمد: بقولك افتحي الباب ده كدا ماشي انا هكسر الباب
احمد كسر الباب و مسك نورا من شعرها و بدأ يض.ربها
احمد: والله اقت.لك اقت.لك و اشرب من د.مك بقا تعملي فينا كدا
ياسمين: يعمو سيبها والله العظيم اتخدعت والله
حنان: سيب البنت يا احمد سيبهااا بقولك
ريم: يبابا سيب نورا عشان خاطري
احمد: ابعدي بقولك بصي انا مش هعمل حاجه لانك متستهليش اوسخ ايدي بواحده قذره زيك بس انا هوريكي تعالي معايا
نورا بخوف: هتعمل ايه
احمد: تعالي بس
