رواية بين القسوة والحب الفصل التاسع 9 بقلم دنيا احمد
«البارت التاسع»
تاني يوم
ـــــــــــــــــــــــ
عمر: صاحي يماما خمس دقايق ونازل
فاطمه: طيب يحبيبي
ــــــــــــــــــــــــــــــــــــــــ
عمر: صباح الخير
الجميع: صباح النور
عمر: يوسف ايه اخبار انتاج التصاميم الجديده
يوسف: لا ماشيه كويس بس انت ايه مش هترسم انت عارف مهما زينب و باقي الفريق عملو مش هيطلعو نفس التصاميم بتاعتك
عمر: عارف ان شاء الله هبدأ من النهارده
يوسف: ان شاء الله
ملك: الحمدلله كلت.... انا هطير بقا عشان عندي امتحان كمان كام ساعه
فاطمه: ربنا معاكي يحبيبتي
ملك: يارب يماما يلا باي باي يخواتي
عمر: واحنا كمان هنمشي يا امي عايزه حاجه
فاطمه: لا يحبيبي مع السلامه
يوسف: سلام يحبيبتي
عمر تليفونه رن رد علي التليفون وقال: ياههه لسه فاكر
شخص مجهول: حقك عليا حبيت اقولك اني جي النهارده القاهره علي بليل كدا هكون عندك في البيت
عمر: تيجي بسلامه يصحبي هستناك في المحطه مع السلامه
يوسف: متقولش اللي في بالي
عمر: هو اللي في بالك جي النهارده بليل يعني نخلص و نروح نجيبو من المحطه
يوسف: اخيرا يجدع هيجي
عمر: الحمدلله يلا بقا انجز خلينا نروح الشركه
يوسف: يلا
ـــــــــــــــــــــــــــــــــــ
نورا: صباح الخير
الجميع: صباح النور
ليلى: يلا تعالى عشان الفطار
نورا: حاضر
رنا: بابا عايزه اخرج انا و العيال دي
كمال: اخرجو يحبيبتي
ريم: هنروح فين يبت
رنا: مش عارفه هنفكر واحنا في العربيه
كمال: بس هخلي السواق الاول يروح شركه عمر عشان ده نسي ياخد ورق كدا و حد فيكو يطلعها
نورا في نفسها: استغفر الله العظيم يعني هشوفه تاني مش كفايه ليلة امبارح هفضل بقا كدا كل يوم
ريم: الحمدلله كلت هقوم البس بقا
نورا و رنا: يلا
ــــــــــــــــــــــــــ
بعد ساعه
ـــــــــــــــــــــــــ
نورا: عمي احنا خلصنا فين الورق
كمال: اهو يحبيبتي
ريم: اوكيه يحج هنطير احنا بقا باي يشباب
الجميع: سلام
ـــــــــــــــــــــــــــــــــــ
ريم: بت يانورا انتي امبارح بليل كنتي بتكلمي حد كان مين
نورا بتوتر: كان عمر كنت بس يعني حبيت اشكره عشان جه و كدا
رنا: تشكريه اههه قولتيلي صدقي يبت ياريم صدقي
نورا: بس بقا قرف في شكلك منك ليها انسوا اللي في دماغكو ده بقا الحب بنسبالي خلاص جربت حظي و فشلت و مش عايزه اجرب تاني خلاص
ريم: ليه يانورا حقك تحبي و تتحبي يحبيبتي
نورا: خلاص ياريم عشان خاطري محدش يفتح الموضوع ده تاني
رنا: خلاص ياريم سبيها براحتها خلينا نوصل الشركه وبعدين نمشي
ـــــــــــــــــــــــــــــــــــ
عمر: روان هاتيلي قهوه
روان: حاضر
عمر: ليه حاسس اني هشوفها النهارده يارب لا مش عايز اشوفها
ــــــــــــــــــــــــــ
بعد نص ساعه
ـــــــــــــــــــــــ
رنا: نورا اطلعي انتي اديه لعمر
نورا: اهه يكلاب ماشي جتكو القرف
ريم: مقبوله يروحي
ـــــــــــــــــــ
يوسف: عمر انا نازل خمسه و اجيلك
عمر: ماشي
نورا: ياترى مكتب الزفت ده فين استاذ يوسف
يوسف: نورا ايه اللي جابك هنا
نورا: عمي بعت الورق ده لعمر
يوسف: هو انتي جايه لوحدك
نورا فهمت انه قصده علي رنا: لا خالص مش لوحدي علي فكره ده رنا و ريم معايا بره
يوسف: بجد طب بصي مكتب عمر قدام خالص اسألي عليه بعد اذنك اصل صحبي بره سلام
نورا: استنى بس استغفر الله العظيم...... لو سمحتي فين مكتب عمر
روان: عمر حاف كدا
نورا: وانتي مالك فين المكتب بتاعو وخلاص
روان بقرف: اتكلمي معايا بشكل احسن من كدا
نورا: بصي يبت انتي انا علي اخري متخلنيش افرج عليكي الشركه كلها فين الزفت المكتب
روان: تصدقي انك مش محترمه ايه زفت دي
نورا بزعيق: بقا انا يبت متربتش طب و اقسم بدين الله لو محترمتيش نفسك والله العظيم هجيبك من شعرك و امرمطك هنا
عمر: هو في ايه بره..... في ايه هو ايه الزعيق ده... نورا
نورا بعصبيه: اه نورا اتفضل الورق اهو انا ماشيه و ابقى اختار موظفينك كويس سلام
عمر: استني استني بس انا مش فاهم اتفضلي معايا علي المكتب
نورا: ماشي اتفضل
عمر: في ايه بقا صوتك عالي ليه
نورا: البت اللي بره دي عصبتني
عمر بإبتسامة: عصبتك تعملي كدا والله امرك غريب
نورا بتوتر: اه عشان عصبتني المهم يعني المهم عمي بعتلك الورق
عمر: امم استني اشوف بتاع ايه
نورا: بس هما
عمر بمقاطعه: خمس دقايق بس
نورا: حاضر
ــــــــــــــــــــــ
يوسف: ايه ده رنا عامله ايه و ايه اللي موقفك كدا
رنا: الحمدلله، لا ابدا نورا طلعت تدي ورق لعمر و مستنياها عشان نمشي انت مشوفتهاش ولا ايه
يوسف: لا خالص مشوفتهاش
رنا: يمكن
يوسف بإحراج: كنت عايزك في موضوع كدا
رنا: قول
يوسف خد نفس عميق: بصي اتمنى تاخدي وقتك في التفكير انا بحبك و حبيتك من اول يوم شوفتك في عند باباكي في الشركه و من وقتها مش مبطل تفكير فيكي و لما جيت البيت مرتين كنت مبسوط اني رجعت شوفتك تاني و بس كدا اووفف اخيرا
رنا بصدمه: انا مش عارفه
يوسف: بس من غير ما تقولي فكري و شوفي اذا كان في مشاعر ناحيتي ولا لا لو فيه هاجي اخطبك تاني يوم ده رقمي اتمنى تكلميني باي
رنا: هو اللي حصل ده بجد انا مصدومه
ــــــــــــــــــــــ
عمر: تمام قولي لعمك شكرا
نورا: حاضر سلام
عمر: نورا
نورا: نعم
عمر: انتي مش زعلانه من روان صح
نورا: لا عادي خلاص حصل خير
عمر سند علي المكتب وقال: طب كلمتيه
نورا: هو مين
عمر: نورا انتي عارفه انا بتكلم علي ايه
نورا: لا مكلمتش حد
عمر: وبعدين مش غريبه يعني مش مسجله اسم حبيبك
نورا بعصبيه: قولتلك يعمر ده مش حبيبي و لو سمحت متجبليش سيرته تاني
عمر: ايه هو مزعلك اوي كدا
نورا: اللهم طولك ياروح عمر بلاش السيره دي لو سمحت هو ولا حبيبي ولا مزعلني
عمر: اممم بجد والله عموما براحتك دي حياتك بس حبيت اقولك اني مرتحتلوش
نورا: اديك قولت حياتي يبقا ايه محدش ليه الحق انه يدخل فيها اوكيه
عمر: انتي صح اوكيه يانورا حبيت بس انصحك زي اختي الصغيره يعني
نورا: اختك الصغيره؟؟!
عمر: اه
نورا: لا شكرا يا استاذ عمر مش باخد نصيحه من حد وانت مش اخويا عشان اسمع نصحتك او اعمل بيها
عمر ببرود: براحتك
نورا: ما هو براحتي سلام
عمر: سلام...... الحمدلله اني قولتلها كدا لاني مش عايز اتعامل معاها تاني مش ناقصه وبعدين اما مالي بيها حبيبها بقا او لا مليش فيه
ــــــــــــــــــــــــــــــــــــــــ
نورا: يلا يا رنا نمشي
رنا: طيب بس مالك يبنتي بتمدي كدا ليه
نورا: بقولك يلا انجزي عايزه امشي من هنا
رنا: طيب طيب اهدي اركبي يلا
ريم: مالها
رنا: مش عارفه بس شكلها اتخنقت هي و عمر
نورا: محدش يجبلي سيرة الزفت ده تاني
ريم: طب عملك ايه
نورا: يستي معملش
رنا: طب ممكن تقولي حصل ايه معلش
نورا: طلعت اديتلو الورق المهم فتح حوار ايهاب و قالي كلمتيه قولتله مكلمتش حد وبعدين قالي مش غريبه انك مش مسجله اسم حبيبك
ريم: وبعدين
نورا عنيها دمعت: قولتله هو مش حبيبي و ياريت متجبش سيرته تاني قالي هو مزعلك اوي كدا قولتله هو ولا حبيبي ولا هو مزعلني قالي انتي حره دي حياتك قولتله اديك قولت حياتي محدش يدخل فيها قالي انتي صح بس انا مرتحتلهوش انا بنصحك يعني عشان انتي زي اختي الصغيره قولتله اختك الصغيره لا شكرا يا استاذ عمر مش عايزه نصيحه من حد وانت مش اخويا عشان اعمل بنصحتك وبس
رنا: طب انتي زعلانه ليه دلوقتي ما هو صح
نورا: لا مش صح ميقوليش كدا انا مش اخته
ريم: حقك تزعلي لو انتي بتحبيه بس انتي قولتي انك مش بتحبيه
نورا: ايوه فعلا انا مش بحبه
رنا: يبقا زعلانه ليه بقا
نورا: يستي مش زعلانه بس هو يعني عصبني
ريم: عصبك اههه وعينك اللي بتدمع دي لما قولتي انه قالك انتي زي اختي الصغيره
نورا: بس بقا اسكتي
رنا: احم طب عندي ليكو خبر حلو
نورا: ايه
رنا حكتلهم اللي حصل: و بس مستني ردي
ريم: بتحبيه
رنا: الصراحه بقا اه
نورا: يمفضوحه
رنا: الاه اكدب
ريم: طب ردي عليه بليل بقا
رنا: اوكيه
ـــــــــــــــــــــــــــــــــــ
عمر: انت شكلك بدأت تحب نورا ولا ايه لا يعمر لا مينفعش كدا الاحسن اني متعملش معاها خالص ولا حتى نتكلم نص كلمه و ده قرار نهائي لازم ابعد عنها
ـــــــــــــــــــــــــــــــــــ
يوسف: عمر يلا نمشي الليل داخل علينا يلا عشان نجيبه من المحطه
عمر: يلا
ــــــــــــــــــــــ
بعد ساعه
ــــــــــــــــــــــــــ
عمر: اهو القطر وصل هو فين بقا
يوسف: اهو هناك اهو..... وحشتنا يراجل
شخص مجهول: وانتو كمان وحشتني يعمر
عمر: وانت كمان يلا يلا نروح البيت و نتكلم
يوسف: امي ياض يا وليد عملالك كل الاكل اللي بتحبه
وليد: والله طنط دي ست جدعه
عمر: طبعا يخويا اركب يعم
ــــــــــــــــــــــــــ
رنا: الحمدلله كلت تسلم اديكو يخواتي
ريم ونورا: الحمدلله
رنا بصوت عالي: انتي يبت يا ريم انتي والبت اختك اطلعو
نورا: طيب يختي
ريم: في ايه
رنا: هبعتله ولا ارن
نورا: لا رني يلا
رنا: طيب هرن اهو محدش يتكلم
ريم: سمعينا طيب
يوسف: الو
رنا: الو انا رنا
يوسف: عارف فكرتي
وليد بصوت واطي: مين دي ياض
يوسف: ششش
رنا: احم الصراحه اه فكرت و انا موافقه
يوسف: موافقه علي ايه مش تقوليلي الاول انتي ايه شعورك
رنا: خلاص يا يوسف بقا
نورا بصوت واطي: بت يا ريم هو صوتها عمل كدا ليه ايه الرقه دي
ريم: ونبي يختشي معرف
يوسف: لا قولي بس الاول
رنا: هقولك لما تيجي تخطبني
يوسف: قولي لابوكي انا جي بكره
رنا: ايه بكره لا استهدى بس كدا
يوسف: لا خلاص هو بكره مفيش نقاش يلا باي يحبيبتي
رنا: الو ده قفل ابن العبيطه ده جي بكره
نورا: بكره الله عندنا خطوبه بكره انزلي قولي لعمي دلوقتي يلا
ـــــــــــــــــــــــــــــــــــ
عمر: مين يا يوسف و قولي مشعرك الاول و هاجي بكره في ايه
يوسف: قررت اخطب رنا
عمر: رنا بنت كمال
يوسف: اه قولتلها النهارده لما نورا كانت عندك قولتلها اني بحبها و عايز اخطبها و قولت استنى ردها وبعدين اقولك
عمر: بس ازاي بكره يا يوسف
يوسف: عادي نروح بس نتكلم عادي وبعدين الخطوبه
عمر: ماشي
وليد: مش فاهم أي حاجة الحمدلله
يوسف: احسن
عمر في نفسه: يعني ياربي اكون مقرر ابعد عنها نكون اقرب من الاول و كمان نسايب استغفر الله العظيم اهرب منها فين دي
ـــــــــــــــــــــــــــــــ
رنا: بابا عايزه حضرتك في موضوع كدا
كمال: ايه يحبيبتي قولي
رنا: يوسف يبابا كلمني النهارده و عايز يجي يقابل حضرتك بكره
كمال: ليه
ليلى: واضحة يكمال عايز يخطبها
رنا بإحراج: ايوه يبابا
كمال بإبتسامة: وانتي رأيك ايه يحبيبتي
رنا: اللي تشوفه حضرتك يبابا
كمال: لا مش اللي اشوفه ده قرارك انتي مليش دخل فيه
رنا: موافقه يبابا
كمال: طيب انا هكلمه ونتفق انا و هو بكره علي معاد
رنا: ربنا يخليك ليا يا كمال يارب
كمال: ويخليكي ليا يحبيبتي
ــــــــــــــــــــــــــــــــــــــــ
فاطمه: ازيك يا وليد
وليد: الحمدلله يطنط انتي عامله ايه
فاطمه: الحمدلله يبني ادخل ادخل
ملك: اووو اهو التالت جه
وليد: اه جيت يختي عندك مانع
ملك: لا خالص تنور يحج وليد والله
وليد: حج مش هرد عليكي عشان مش قادر و جعان الصراحه
فاطمه: يعيني يبني طب يلا تعالو عشان الاكل يلا
وليد: اومال القرده التانيه فين
مريم: عارف ياض يا وليد احمد ربك انك لسه جي وتعبان يعيني غير كدا كنت قلبتها خناقه يابا اه خلي بالك وغير كدا جعانه مش قادره اهتم دلوقتي
وليد: ايه الجديد يحبيبتي انتي علي طول جعانه
عمر: شششش كفايه صدعتوني
يوسف: جدع والله طب شباب ركزوا معايا ثواني كدا عايز اقول حاجه
الجميع: قول
يوسف: انا عايز اخطب
ملك: اللهم صلي على النبي مين يا يوسف هااا مين
يوسف: يبت اهدي يخربيتك هقول اعتقد كلنا عارفين كمال اللي عنده شركة عقارات ده
فاطمه: ايوه
يوسف: بنته بقا شوفتها كذا مره و الصراحه حبتها اوي يماما و كلمتها النهارده و ردت عليا بليل و طلعت موافقه اني اجي اخطبها
فاطمه: الف مبروك يحبيبي
وليد: مبروك يعم
يوسف: الله يبارك فيكو بكره عايزين نروح بس ربط كلام يعني ونتفق وبعدين الخطوبه
عمر: ماشي بكره بس لما تتصل بالراجل الاول
يوسف: هتصل هتصل بس انتو تمام
فاطمه: تمام يبني ربنا يكتب اللي فيه الخير يارب
مريم: ايوه يعم هتخطب بقا و كدا ماشيه معاك حلاوه
يوسف: الله اكبر في عينك الجوازه هتبوظ كدا
ملك: شكرا يسيدي
يوسف: الو ازي حضرتك عامل ايه
كمال: الحمدلله يبني بخير اتفضل
يوسف: اعتقد ان رنا كلمت حضرتك اني عايز اجي اتقدم
كمال: ايوه قالتلي
يوسف: كنا حابين انا و اهلي نيجي عند حضرتك بكره ونتفق علي كل حاجه
كمال: طبعا يبني تشرفونا في أي وقت
يوسف: الساعه اربعه كويس
كمال: طبعا كويس تنورني يبني
يوسف: شكرا يعمي مع السلامه سلام...... هنروح بكره الساعه اربعه
فاطمه: مبروك يحبيبي ياتري بقا حلوه
يوسف: قمر يماما قمر
مريم: عمر اخوك واقع علي الاخر خدت بالك
عمر: ده واقع في حبها يبنتي من الدور العشرين
وليد: يعيني يبني متعرفش اللي جيلك بعد كدا نكد و قرف يعيني
يوسف: ملكوش فيه بحب نكدها موافق متدخلوش انتو بس يكش نضرب بعض كل يوم بحبها برضو
ملك: ده انت حالتك صعبه اوي
فاطمه: يارب تطلع بنت حلال و بتحبك يبني
يوسف: يارب يست الكل يلا انا هطلع انام عشان العريس لازم ينام بدري باي باي يخواتي
عمر: باي يخويا مع السلامه اطلع اتخمد
يوسف: مهما تقول يقلبي مش هتنكد عليا عشان مبسوط النهارده يلا سلام
عمر: ابنك عقله طار
فاطمه: سيبه خليه يطير عقبالك يعمر مش ناوي تفرحنا بيك بقا ولا ايه
عمر: ماما بعد اذنك متفتحيش السيرة دي
ملك: بس يعمر انت كل ده منستش
عمر بصوت عالي: يجدعان انا حر محدش يدخل في حياتي
وليد: عمر من غير متعلي صوتك عيب
عمر: هو انت مش شايف يا وليد كل مره نفس الموضوع
فاطمه بعصبيه: وهو انا قولت ايه يعني هتفضل كدا يعني مش معقول
عمر بصوت عالي: اه يا امي هفضل كدا و مش هحب واحده تانيه غير داليا ولا هتجوز واحده اظلمها معايا و ياريت الموضوع ده يتقفل خالص تمام سلام انا همشي
وليد: طب انت رايح فين دلوقتي
عمر: هغور في ستين داهيه و اوعي تيجي ورايا انت فاهم
فاطمه: مش فاهمه هيفضل كدا لحد امتى تصبحوا علي خير
وليد: وانتي من اهل الخير
مريم: طب هو امتى هينسى
وليد: صعب يمريم للاسف
ملك: الله اعلم ممكن تحصل حاجه وتخليه يحب واحده تانيه
وليد: يارب يلا قوموا ناموا و انا هروح وراه سلام
ملك: سلام يلا يمريم
وليد: عم جمال
عم جمال: ايوه يا بيه
وليد: مش معاك مفتاح عربيه للعربيات اللي جوه دي
عم جمال: فيه يا بيه دقيقه
وليد: ماشي
عم جمال: اتفضل اهي
وليد: تسلم يعم جمال...... انهي واحده بقا من التلاته دول اه اهي اما نشوف روحت فين يا استاذ عمر
عمر: كل مره نفس الموضوع ايه محدش فيهم بيزهق.... نعم يا وليد
وليد: انت فين
عمر: وليد ارجع البيت
وليد: انجز انت فين
عمر: هبعتلك اللوكيشن في رساله
وليد: ماشي... اه شكلك رجعت لشغل الشرب و البار تاني استغفر الله العظيم
عمر: اركن العربيه يبني..... هات كاس
نرمين: عمر بيه هنا وحشتنا رجعت امتى
عمر: من كام يوم
نرمين: مسمعناش يعني انك رجعت
عمر: معلش المره الجايه
نرمين: بس تعرف ايطاليا غيرتك خالص
عمر: من شهر بجد والله
نرمين: اه والله عادي بتحصل
وليد: عمر يلا نمشي
عمر: وليد شويه و همشي اطلع استني في العربيه لو عايز
وليد: عمر مش هقول تاني يلا نمشي
عمر: وانا بقولك مش همشي دلوقتي
وليد: طب عشان خاطر داليا يلا نمشي من هنا
عمر: اوفف ماشي
وليد: هتروح تسوق
عمر: اه متخفش ملحقتش اشرب حاجه
وليد: ماشي يلا
ـــــــــــــــــــــــــــــ
بعد نص ساعه
ــــــــــــــــــــــــــ
عمر: انا هطلع انام تصبح على خير
وليد: وانت من اهل الخير
ـــــــــــــــــــــــــــ
تاني يوم
ــــــــــــــــــــــــــ
نورا وهي بتفتح الباب علي رنا
نورا: بت يعروسههههه قومييي
ريم: هي لسه نايمه انتي يبتت يارنا قومييي
رنا: ايه في ايه علي الصبح زعيق و خبط خمس دقايق بس
نورا: انتي هتنامي تاني قومي يبتتتت قوميييي يخربيتك يوسف علي الطريق
رنا: لا بتهزري يخرابي ازاي محدش صحاني من بدري ليه اوعي كدا وسعي خليني البس بسرعه
ريم: يعني من غير سيرة يوسف مكنتيش هتقومي يعني ليه بدري يختي الساعه عشره
رنا: علي فكره بقا انتو رخميين ياكي عليكو
نورا: اهو انتي اللي ياكي اخلصي يلا عشان الفطار
ليلى بصوت عالي: انتي يبت منك ليها انزلي يلا
نورا: جرا ايه يا ليلى يختشي بتزعقي ليه وبعدين مش بنصحى بنتك المقتوله
ليلى: قرف في اشكالكو يلا يختي منك ليها عندنا شغل كتير
ريم: ليلى هنبدأ الشغل من دلوقتي مستحيل
ليلى: انزلو بس و هاتي العبيطه بنتي يلا
رنا: هي قالت علي مين عبيطه
نورا: انتي يقلبي
رنا: انا اه ماشي يلا ننزل
ليلى: كمال يلا الفطار
كمال: حاضر جي اهو
حنان: يلا يبت منك ليها عشان الفطار يلهوي علي البرود يما
نورا: حج
كمال: ايه
نورا: هو في ايه مالهم عندهم طاقه من الصبح ليه
كمال: والله يبنتي مش عارف
ليلى: كمال هو كام واحد هيجي كام فرد يعني
كمال: ايش عرفني اعملي و خلاص
ليلى: ماشي هنتصرف بت منك ليها خلصوا عشان ننزل نشتري هدوم لينا
حنان: انا مش عايزه
ليلى: من غير انا يحنان هنجيب كلنا نفطر و ننزل كلنا و هنقول لناس اللي في المطبخ يعملو ايه و اخليهم بس يساعدونا برضو في شغل البيت
كمال: ماشي الحمدلله كلت هطلع اجهز
الجميع: واحنا كمان
ـــــــــــــــــــــــــــــــــــــــــ
وليد: ياض يا يوسف انت ياض قوم
يوسف: ايه يعم الازعاج اللي علي الصبح ده
عمر: يوسف قوم يلا
يوسف: انتو كلكو عندي ليه
فاطمه: قوم يا منيل قوم جهز هدومك ويلا نفطر و ننزل نجيب هدايا
عمر: اكيد مش هنروح لناس ايد ورا و ايد قدام
يوسف: خمس دقايق طيب
وليد بصوت واطي: عمر اصحيه بطريقتي
عمر: اعمل يحبيبي المهم يقوم
وليد: خد شويه مايه يقلبي
يوسف: اه يا قذر اقسم بالله محدش عرف يربيك. كدا
وليد: يلا يعم انت هتمثل يلا قوم
يوسف: جتكو القرف اذا كان انت ولا البارد اللي هناك ده
عمر: بتقول حاجه يا يوسف حسيت الكلام عليا بس
يوسف: هااا لا يحبيبي انا اقدر اقول حاجه علي اخويا الكبير انا اقدر
عمر: طب يلا يخويا يلا بدل ما اكسرلك عضمك يلا
يوسف بخوف: حاضر حاضر
فاطمه: عمر اخوك صحي
عمر: اه يماما هننزل اهو
وليد: يلا انا ننزل
عمر: يلا
ـــــــــــــــــــــــــ
بعد ساعه
ـــــــــــــــــــــ
ليلى: هندخل المحل ده الاول يكمال عشان ننجز
كمال: طيب يحبيبتي وانا هستنى في الكافيه
ليلى: ماشي يحبيبي
نورا: يخراشي حلو اوي ده.. ايه السعر دههه ده يعني ليه البس بتاع بسعر ده ليه هيمسحلي ذنوبي
ليلى: ميهمكيش السعر اللي يعجبك هاتيه من غير كلام يلا
حنان: ليلى
ليلى: حنان انتي اختي يلا نختار مع بعض
حنان: ربنا يخليكو لينا
ليلى: ويخليكو لينا يحبيبتي
رنا: ماما حلو
ليلى: لا حساه مش احسن حاجه ايه رايك يحنان
حنان: وانا مش حساه شوفي حاجه تانيه
نورا: يخواتشي ايه رأيكو في ده عليا
ليلى: حلو اوي اوي ده
حنان: جميل يحبيبتي عليكي
ليلى: شوفي حاجه تانيه برضو اديه للبنوته دي عشان نعرف ان ده بتاعنا
نورا: حاضر
ــــــــــــــــــــــــــــ
بعد ساعه ونص
ــــــــــــــــــــــــــــ
ليلى: بجد اختارنا حاجات حلوه اوي اشرف ساعدنا لو سمحت حطهم في العربيه
اشرف: حاضر يفندم يبني تعالى ساعدني
كمال: خلصتو
حنان: اه
كمال: طيب يلا
نورا: مش هتجيب يعمي
كمال: لا يحبيبتي اشتريت اول امبارح كذا حاجه اونلاين فاهختار حاجه منهم
نورا: اوكيه يلا نروح
ـــــــــــــــــــــــــــــــــــــــــ
فاطمه: يلا ننزل نشتري كذا حاجه و نرجع نلبس و نروح يلا
عمر: يلا..... طارق جهز العربيه بتاعت ابويا وجهز العربيه بتاعتي
طارق: حاضر يباشا
عمر: امي انتي و اخواتي في العربيه واحنا في عربيتي
وليد: ماشي يلا
عمر: طارق تعالى معانا انت وحد عشان الشنط
طارق: حاضر ياباشا.... يبني انت هو عايز اتنين معايا يلا
ــــــــــــــــــــــــــــ
بعد ساعه
ــــــــــــــــــــــــــــــ
عمر: هنجيب ايه يا امي
فاطمه: هنجيب الاول حلويات وبعدين نفكر
يوسف: ماشي
ــــــــــــــــــــــ
فاطمه: كدا خلصنا الحلويات يلا يا يوسف روح هات بوكيه ورد عليه القيمه كدا
يوسف: ماشي هاخد البت ملك و مريم عشان يختارو معايا
فاطمه: ماشي
ــــــــــــــــــــــــــــ
ملك: شكله تحفه
البوكيه حجمه كبير، مكون من ورد جوري أحمر وأبيض، مع أوركيد بنفسجي. مزين بأوراق خضراء غامقة، وملفوف بشريط حريري دهبي مربوط في فيونكة أنيقة.
يوسف: اه حلو اوي
فاطمه: ماشاء الله البوكيه شكله حلو اوي هنجيب علبه شوكولاتة وبعدين نروح نجهز طارق خد الشنط دي و البوكيه خلي بالك منه
طارق: حاضر يفندم
ــــــــــــــــــــــــــــ
بعد ساعه
ــــــــــــــــــــــــ
فاطمه: يلا كدا خلصنا نقدر نروح
ـــــــــــــــــــــــــــــــ
نورا: مرات عمي احنا هنطلع عشان الساعه داخله علي تلاته عشان نلبس
ليلى: طيب يحبيبتي يلا
حنان: كدا خلصنا الاكل و كل حاجه
ليلى: اه الحمدلله يلا نطلع نلبس
ــــــــــــــــــــــــــ
نورا: بجد شكلي حلو اوي نحط ميكب خفيف خالص
ريم: نورا مشوفتيش الحلق بتاعي
نورا: هتلاقي علي السرير انتي لسه حطاه
ريم: طب وسعي كدا خليني احط ميكب جمبك
ـــــــــــــــــــــــــــــــــــ
رنا: ايه يبت يارنا القمر والحلاوه دشي يخراشي خدي بوسه قمر قمر
ـــــــــــــــــــــــــــــ
بعد نص ساعه
ـــــــــــــــــــــــــــــ
عمر: يلا عشان نتحرك بقا كله خلص
الجميع: اه يلا
ـــــــــــــــــــــــــــ
كمال: خلصتو
الجميع: اه
كمال: ايه يبنات الحلاوة دي ماشاء الله تبارك الرحمن قمرات يلا يختي منك ليها علي فوق و لو شوفت واحده فيكو لمحت بس طرف هدومها هيبقا يومها اسود معايا
نورا: جرا ايه يحج ما انت كنت ماشي يخويا زي الفل و كويس قلبت ليه
كمال: يلا يبت علي فوق يلا
ريم: الاه طب براحه يحج يلا يبت منك ليها احنا ملناش مكان هنا
نورا: ربنا علي المفتري
كمال: اه انا مفتري يلا يبت علي فوق
ـــــــــــــــــــــــ
ليلى: كمال وصلو
كمال: طيب يلا هفتح الباب
يوسف: اهه مش مصدق اني جي عشان اتقدم و نتخطب
عمر: ولا شغل المخطوبين و بحبك و الكلام بتاع بليل ده مش عايز عشان ده تلزيق
يوسف: بس ياض ملكش دعوه بينا
كمال: اهلا بيكو اتفضلو
فاطمه: اهلا بحضرتك
عمر: ازي حضرتك يكمال بيه
كمال: الحمدلله ادخلو
ليلى: اهلا بيكو شرفتونا
فاطمه: الله يخليكي
يوسف: اعرفكو دي ماما و دي اختي مريم و دي اختي ملك طبعا عمر عارفينو و وليد صحبنا و زي اخونا بظبط
ليلى: اهلا بيكو انا ليلى مامت رنا و ده كمال ابوها و دي حنان مرات اخو كمال
فاطمه: اهلا اتشرفت بيكو انا بحب ادخل في الموضوع علي طول بس بعد اذنكم خلي العروسه تنزل
حنان: انا هطلع
عمر في نفسه: يارب ما اشوفها يارب تكون بره
حنان: بنات يلا انزلو
ـــــــــــــــــــــــــــــــــــــــــ
نورا بصوت واطي: استغفر الله العظيم يارب
ريم: بت بت انا حسه اني شوفت الواد اللي جمب عمر ده
نورا: وانا
وليد: دول هما
عمر: هما مين
وليد: اللي انقذتهم من ابراهيم
عمر: مش فاهم حاجه
وليد: شويه و هقولك
كمال: دي رنا بنتي و دول نورا و ريم ولاد اخويا سلمي علي طنط يا رنا
رنا: ازي حضرتك يطنط شرفتينا
فاطمه: ماشاء الله زي القمر
نورا و ريم: ازيك يطنط شرفتونا
فاطمه: ماشاء الله بنات اخوك الله اكبر عليهم هما توأم
حنان: ايوه
ليلى بصوت واطي: تعالي معايا بعد اذنكم يجماعه...... شيلي الشربات ده يلا
رنا: يخرابي اشيل كل ده
ليلى: معلش يلا هساعدك شويه
رنا: طيب اتفضلي يطنط
ــــــــــــــــــــــــــــــ
نورا بتبص لعمر بقرف وعمر بيبصلها ببرود
نورا: بارد
عمر مسك تليفونه و بعت لنورا و قالها: علي فكره سمعتك وبعدين يستي شكرا
نورا: العفو يخويا ابقا تعالى كل يوم
فاطمه: احنا طلبين ايد بنت حضرتك لابني وكل طلبات العروسه ان شاء الله احنا تمام عليها
كمال: احنا بنشتري راجل وربنا يقدم اللي فيه الخير
فاطمه: الله يخليك كل اللي رنا تطلبه احنا موافقين بما ان ابني بيحبها و هي شكلها بنت حلال الله اكبر عليها احنا موافقين
يوسف: يبقا نقرأ الفاتحه صح
كمال: وهو كذلك
نورا: مبروك يبت
رنا: الله يبارك فيكي
يوسف: ما حد يسمعنا زغروطه يخونا..... مبروك علينا
رنا: الله يبارك فيك
ريم: يلا بقا عشان ناخد كام صوره يحبايبي
رنا: يلا
ــــــــــــــــــــــــــــــــــــــــ
بعد شوية
وليد: انتي مش فكراني
ريم: حسه اني شوفتك بس مش فاكره فين
وليد: انا اللي وصلتكو المحطه و ضربت ابراهيم افتكرتوني
نورا: اههه افتكرتك
ريم: بس انت تعرفهم منين
وليد: لا ده قصه طويله بس احنا صحاب من الطفوله
عمر: بتعمل ايه هنا ياوليد
وليد: كنت بقولهم حاجه
عمر: حاجه ايه
وليد: بعدين مبسوط اني شوفتكو مره تانيه
نورا: واحنا كمان
عمر: مره تانيه ازاي يعني
وليد: قولتلك بعدين
عمر: ماشي..... كنتي بتبصي بقرف ليه
نورا: والله انا حره
عمر: حره اه بس مش بحب حد يبصلي كدا اوكيه
نورا: معلش
عمر: مستفزه خلصي يلا اللي في ايدك عشان ناكل
نورا: ماشي جايه
ريم: مش هتبطلو خناق بقا
نورا: سيبك منه يا ريم
فاطمه بصوت واطي: بت يملك اللي اسمها نورا دي حلوه اوي حسيتها هتليق لعمر
ملك: ماما انتي عارفه عمر انسي
فاطمه: اخوكي كان بيبصلها كتير لاحظت عليه يمكن يبنتي العقده تتحل علي ايدها
ملك: يارب بس بس عشان جايه
نورا: عشر دقايق والاكل يتحط
عمر: امممم ماشي
نورا: مش بكلمك انت انا بكلم مامتك و اخواتك عشان حبتهم
ملك: والله انتي اللي زي العسل
فاطمه: واحنا كمان حبناكي اوي
عمر: خدتيهم في طرفك بسرعه ماشاء الله
مريم: بقولك ايه يا رنا مالهم دول
رنا: ونبي يختشي منعرف هما علي طول كدا
نورا: هو اللي بيعصبني
عمر: انا
نورا: اومال انا يبني بتحب تعصبني ليه
عمر: انا جيت جمبك
كمال: بس يا نورا عيب
نورا: ماشي يحج عشان خاطركو بس
ليلى: يلا يجماعه الغدا جاهز
فاطمه: يلا
ـــــــــــــــــــــــــــــ
بعد عشر دقايق
ـــــــــــــــــــــ
كمال: اطلعو بقا كدا كلكو علي الجنينه كدا مع بعض يلا اتكلو
ريم: ماشي يحج مقبوله منك
نورا: اتفضلو يشباب
عمر: وليد ايه الحكايه بقا
يوسف: حكايه ايه
وليد: هقولكو من فتره كدا قبلت نورا و ريم كانت الدنيا ليل وقتها و كانت هتحصل حاجه مش لطيفه و الحمدلله يعني انقذتهم و وصلتهم المحطه وبس كدا دي الحكايه
عمر: بجد والله
نورا: اه و شكرا ليك انك وقفت جمبنا مش هننسالك المعروف ده ابدا
وليد: لا ابدا علي ايه انتو اخواتي يعني
ريم: تسلم يرجوله والله
وليد في نفسه: اخيرا لاقيتك ده انتي مفرقتنيش لحظه ياريم ربنا يجمعنا انا وانتي علي خير
يوسف: انتي قولتي هقولك بعد اما تيجي اديني جيت عايز اسمعها بقا
رنا: يوسف بعدين مش دلوقتي
يوسف: طيب يستي اما نشوف اخرتها معاكي
ملك: بجد انتو دخلتو قلبي يولاد
نورا: حبيبي حبيبي انتو اللي زي العسل كلكو والله ماعدا عمر
عمر: رأيك فيا ميهمنيش برضو
نورا: لا والله ده مش رأي ده حقيقية
مريم: هو انتو من وقت ما شوفتو بعض وانتو كدا
رنا: اه يبنتي للاسف صدعونا هما الاتنين
عمر: بنت عمك اللي بتعمل انا اصلا مش عايز اتكلم معاها
نورا: لا وانا اللي عايزه اتكلم اوي ياض
ليلى: نورا في حد بره بيقول انه يعرفك و عايز يشوفك
نورا: مين ده
ليلى: مش عارفه هو في الجنينه من ورا روحي شوفيه
نورا: طب عن اذنكم
ريم: متتأخريش
رنا: تفتكري مين
ريم: مش عارفه
نورا بصدمه: هو هو انت ايه اللي جابك هنا انت مجنون
ايهاب: مش بتردي عليا ليه
نورا: مش عايزه ارد عليك انت ايه معدوم الضمير هااا مش كفايه اللي عملته ايهاب سيبني و ابعد عني انا خلاص تعبت
ايهاب: طب تعالي معايا دلوقتي نتكلم في حتة بعيده عن هنا
نورا: اجي معاك فين انت عبيط
ايهاب طلع سكينه من جيبه و حطها عند جمبها
نورا: ايه ده انت انت مجنون
ايهاب: امشي معايا احسنلك و قولي لناس اللي بره دي اني زميلك و عايزك في حاجه يلا
ريم: هي اتأخرت كدا ليه
عمر: انا هقوم اشوفها
ريم: ماشي
عمر: نورا
نورا: عمر... ابوس ايدك نزل السكينه
ايهاب: يبقا تيجي معايا
عمر: نورا يلا عشان كلهم عايزينك
نورا: طيب جايه... ابوس ايدك امشي دلوقتي
عمر بعصبيه: نورا بقولك يلا
ايهاب: عندنا مشوار انا ونورا دلوقتي مش صح يانورا هاا
نورا بوجع: اهه معلش يعمر بعد اذنك امشي دلوقتي
عمر مسك اديها: بقولك يلا
ايهاب: عمر بيه لو بعدت نورا عني خطوه واحده هقتلك
عمر: امم بجد طب انا عايزك تجرب
نورا بعياط: عمر عشان خاطري امشي
عمر شدها: بقولك يلا ايه ده
ايهاب: سكينه ايه اول مره تشوفها نورا يلا تعالى معايا
نورا بصوت واطي: عمر مش عايزه اروح معاه انا خايفه
عمر: نورا مش هتروح في حتة و يلا امشي
ريم: لا انا هقوم اشوفهم
نورا: مش هروح معاك في حتة
ايهاب: نورا انتي عارفه انا هعمل ايه تعالي معايا احسنلك بدل حبيب القلب يعرف كل حاجه
ريم: كل ده يجدعان.... ايهاب
نورا: ريم نادي عمي
ايهاب: انا همشي بس والله العظيم يانوار مش هسيبك ولا انتي ولا هو هطير انا
ريم: عمي تعالى معايا معلش
عمر: فكرك اني هسيبك تمشي لا والله كان علي عيني "وضربه"
كمال: هو انت..... الو اشرف تعالى انا في الجنينه من ناحية البيت من ورا...... امسكوه
ايهاب: فكرك كدا يانورا هتخلصي مني بعد اللي عملتيه ده مش هسيبك
كمال: حطوه في أي حتة لحد اما اجيلو يلا..... انتي كويسه يحبيبتي حصلك حاجه
نورا: لا يعمي انا كويسه تقدر تروح دلوقتي عشان محدش يشك في حاجه
كمال: حاضر
عمر: انتي كويسه
نورا: اه الحمدلله ريم روحي هناك وانا جايه وراكي
ريم: حاضر
رنا: في ايه ياريم
ريم: ايه يبت مفيش ده واحد زميلنا جه سلم علينا بس مش اكتر
رنا: اه اوكيه
فاطمه: في حاجه
كمال: لا ابدا مفيش حاجه ريم كانت بتوريني حاجه بس خلينا نكمل
نورا: عمر روح وانا جايه وراك
عمر: طب علي فكره في دم
نورا: عارفه حاجه بسيطه عادي
عمر: متأكده
نورا: اه اه متأكده
ــــــــــــــــــــــــــــــ
بعد ساعتين
ــــــــــــــــــــــــــــ
فاطمه: بكره او بعده بالكتير ننزل نجيب الدهب
كمال: ان شاء الله شرفتونا
فاطمه: سلام
كمال: مع السلامه..... مبروك يحبيبتي
رنا: الله يبارك فيك يبابا
كمال: انا هطلع اشوف حاجه و جاي
ليلى: طيب يحبيبي
ـــــــــــــــــــــــــــ
يوسف: عمر هو ايه اللي حصل لنورا
عمر: بعدين يا يوسف
يوسف: طيب
ـــــــــــــــــــــــــــ
كمال: اخيرا وقعت في ايدي
ايهاب: انت شكلك معرفتش بنت اخوك عملت ايه
كمال: لا عارف كل حاجه اشرف قوم بالواجب وانا الصبح هاجي اشوفه
اشرف: حاضر
ـــــــــــــــــــــــــــ
كمال: اومال الباقى فين يولاد
رنا: طلعوا يبابا
كمال: طيب يحبيبتي نورا تعالي عايزك
نورا: نعم يعمي
كمال: خلاص يحبيبتي هو مش هيجي جمبك تاني خلاص انسيه
نورا: الحمدلله اخيرا ربنا يخليك ليا يعمي
كمال: ويخليكي ليا يحبيبتي يلا اطلعي نامي بقا
نورا: حاضر
ـــــــــــــــــــــــــــــــــ
فاطمه: يلا انا هدخل انام مش قادره
عمر: وانا كمان هطلع انام تصبحوا علي خير
الجميع: وانت من اهل الخير
ـــــــــــــــــــــــــــــــــ
في اوضه عمر
عمر: ارن عليها اطمن ولا بلاش لا ارن عادي مش مشكله
ريم: نورا انا هدخل اخد دش
نورا: ماشي يحبيبتي.....ده عمر عايز ايه في الوقت ده.... ايه يعمر في حاجه
عمر: لا ابدا كنت عايز اطمن عليكي انتي كويسه
نورا: اه الحمدلله بخير و شكرا على اللي عملته النهارده
عمر: لا العفو علي ايه بس هو مين ده
نورا: ده يسيدي ايهاب اللي انت كنت فاكر انه حبيبي
عمر: طب هو جه ليه و كان ماسك سكينه و عايزك تيجي معاه بالعافيه ليه
نورا بتوتر: معرفش
عمر: بس هو قال لو مجتيش معايا هقوله علي كل حاجه هو في حاجه معاكي يانورا
نورا: لا يعمر حاجة ايه بس معرفش هو قال كدا
عمر: طيب يانورا انا قولت بس اطمن عليكي تصبحي على خير
نورا: وانت من اهل الخير و شكرا مره تانيه
عمر: العفو باي
نورا: باي
ريم: كنتي بتكلمي مين
نورا: ده عمر مفيش حاجه مهمه يعني
ريم: مفيش حاجه مهمه امممم قولتيلي
نورا: اه اسكتي بقا تصبحي على خير
ريم: وانتي م اهل الخير يختي
ــــــــــــــــــــــــــ
عمر: مع اني متأكد انه في حاجه بس ماشي يانورا علي راحتك بس في الاخر هعرف...... انا مش عارف بس ايه اللي خلاني وقعت فيكي بس ليه علي طول بفكر فيكي طب ده اسميه ايه وليه لما شوفتها واقفه معاه حسيت اني غيران عليها اوي كدا طب و داليا طب انا لسه بحبها ولا بقت مجرد ذكرى لا داليا عمرها ما تكون كدا انا بحبها اوي و هفضل احبها انا مش بحب نورا وبعدين انا قولتلها انها زي اختي الصغيره بس هتبقى زي اختي بظبط كدا احسن
ــــــــــــــــــــــــــــ
ريم: نورا
نورا: نعم
ريم: بتحبيه
نورا: هو مين
ريم: يبت عليا انا عمر يختي
نورا: اقولك الصراحه
ريم: ايوه انا بحب الصراحه قولي
نورا: مش عارفه متلغبطه اوي حسه اني في جوايا مشاعر ليه بس بمنعها
ريم: طب ليه يانورا
نورا: مش يمكن يطلع زي ايهاب يفضل يمثل عليا الحب و في الاخر يسبني اوي يعملي حاجه وحشه وبعدين اصلا هو قالي اني زي اخته الصغيره يعني هو قالها ياريم مش محتاجه
ريم: يمكن مش قصده
نورا: بس في الاخر قالها الاحسن اخليني بعيد تعامل بسيط خالص و هو زي اخويا خلاص
ريم: متأكده
نورا: ايوه كدا احسن لينا هو بيتعامل معايا زي ملك و مريم وانا هبقا كدا
ريم: اللي تشوفيه يحبيبتي انا معاكي و جمبك في أي حاجة يلا نامي بقا
نورا: اوكيه..... يارب يطلع اللي بعمله ده هو الصح
ـــــــــــــــــــــــــــــــ
وليد: عنده 23سنه شاب طويل وعريض، عنده جسم رياضي، بشرته قمحية، وشعره لونه أسود . عينيه بني فاتح. ابتسامته دايماً مشرقة وبتنشر طاقة إيجابية لكل اللي حواليه. وهو صاحب عمر و يوسف من الطفوله كان شغال مع عمر في الشركه وبعدين سافر بيحب عمر و يوسف جدا علي طول كان واقف معاهم هو مثال لصاحب الجدع
