رواية جحيم العشق الاسود الفصل التاسع 9 بقلم فريده احمد
الفصل التاسع(حكايه اغرب من الخيال)
نور تجمدت مكانها... سمعت صوت غليظ: انت مين وأبني فين.
رفعت وجهها رأت رجل مسن وجهه صارم... ورجاله مسلحين يملأون الغرفه... ظهر جمران وقال بسخريه: ما تنطق ولا الصدمه شلت لسانك.
نور وقفت ونظرت لهم بصدمه... اكمل جمران: اوعي تكوني فاكرنا هبل عشان نصدق انك زهير.
صباحي برق ل جمران وقال: اوعي... هيه كمان بنت.
جمران قال بتهكم: هوه معاليك كمان مخدتش بالك من دول.
مسك صدرها المختبئ بعنايه بشريط ملفوف بوقاحه... نطرت يده بعيد ... ركعت عند قدم صباحي وقالت بصدق: باشا انا هقولك ع كل حاجه... بس يا باشا ما تأذنيش انا غصب عني عملت كده ومعايا الدليل اني اتجبربت ع كده.
صباحي صرخ فيها: انا مش عايز لف و دوران... زهير ابني فييييين.
نور: ف مصر... زهير مخطوف من راجل ابن حرام... سبني احكي لك وانت هتفهم وتعذرني يا باشا.
جمران: أختصري.
نور هزت رأسها وقالت باندفاع: حاضر حاضر.. انا يا باشا من مصر من الصعيد ابويا اتقتل زمان واللي قتله قتل امي و خطفني انا واختي الصغيره وساب الوسطنيه وبعنا لمعلم كبير... المعلم باع اختي وخدني شغلني معاه وسط الرجاله وبقيت زيهم عدت السنين وسبته وعشت حياتي ولقيت اخواتي بس خفت اقولهم اني اختهم الكبيره واتجوزت ابن عمي وخلفت منه وكنت عايشه حياتي وراضيه... بس رجع ظهر ف حياتي تاني... أذي اختي الوسطنيه واتسبب ف حبسها واختي الصغيره اترفدت من شغلها وهوه بعت لي وقالي الحقيقه دي انه هوه اللي دمر حياتي وحيات اخواتي... وطلب مني اني لو ما عملتش اني زهير ودخلت حياتك عشان اسرقك واقوله اسرارك هيقتل عيالي وجوزي و يسيب اختي ف السجن والتانيه يسلط رجالته يغتصبوها و... وعمل كدا فيها لما انا ما بعتلهوش حاجه تخصك... بعت ناس اغتصبوها وبعت لي الفيديو.... اهوه شوف بنفسك.
اعطته الهاتف.... صباحي شاهد الفيديو... لم يحتمل متابعته... ألقي بالهاتف ارضا وقال بحنق: ومين الشيطان ده.
نور بخوف: المعلم قدري رحيم... ودلوقتي مشهور ب خالد رحيم.
صباحي اتنطر واقف... برق لها اوي وقال: انتي متأكده من الاسم ده.
نورهان حملت هاتفها و بحثت عن صورته كانت ألتقطتها له خلسه. قالت: هوه دا خالد رحيم يا صباحي باشا.
صباحي قعد مره واحده.... وضع يده ع رأسه ف خوف قال: قتلوا ابني صح... قتلوه الكلاب.... ياما حذرته... ياما اترجيته ما ينزلش البلد دي لوحده... اديه راح... ابني راح.
جمران مسك نور من ثيابها وهزها بعنف وصرخ فيها: فينه زهير انطقيييييي.... شيلي الوش دا وكلميني... زهير عايش ولا ميت.
دفعها بعيد... نور نزعت الشعر المستعار.... والحواجب الكثيفه وقالت له بتوسل: يا جمران باشا زهير عايش مش ميت وانا... انا اقدر اجيبه... انا عارفه هوه مخطوف فين.
جمران: عارفه... عارفه إزاي يعني هوه اللي هيجبرك تسيبي بيتك وعيالك ويأذي اخواتك عشان تسرقي راجل مفيش مخلوق قدر يدخل مملكته... هيقولك عادي كده ع مكان زهير... انتي بتشتغلينا يا بت صح.
وضع مسدسه ف وجهها وقال بغضب: اعترفي يا بت... قولي الحقيقه مين اللي زقك ع الباشا وزهير فين.
صباحي وقف مره واحده مصدوم... قال بعدم تصديق: نووووور.... نور الهدي.... بنتيييييي.
&&&&&&&&&&&&&
ف المشفي
خرج الطبيب مجهد سيف ركض إليه سأله: نسرين فين يا دكتور... مراتي عامله أيه.
الطبيب: هيه هتبقي كويسه بعد فتره... بس انا اسف مقدرناش ننقذ الجنين.
سيف بصدمه: ايييييييه... جنين... هيه كانت حامل.
الطبيب: انت ما تعرفش انها كانت حامل... انا اسف يا أستاذ.... بس انا لازم اعمل محضر بالواقعه دي... المدام حالتها سيئه جداً وكانت هتروح مننا لولا ستر ربنا... دي قضيه اغتصاب وشروع ف قتل .
عبد العزيز بغضب: لاه يا دكتور... ماعيزنش الحكومه تتدخل... دي كت حادثه مش اغتصاب.
الطبيب بغضب: لاء يا فندم دا اغتصاب ومش من راجل واحد المدام الرحم بتاعها اتأذي بشكل كبير وهيبقي صعب جدا تحمل تاني... دا غير انها نزفت كتير... حضرتك بتكلم دكتور مش وكيل نيابه... وانا لازم اعمل محضر عن إذنكم.
سيف نظر ل عمه بغضب وقال كلام ذات مغزي: اللي حصل لمراتي دا مش هيعدي بالساهل وانا هأخد حقها بأيدي ومش هرحم حد.
تركهم ودخل لزوجته.
عبد العزيز بغضب:عيجول إي الواد ده...عيحدتت ع مين ويجصد ايي.
عمار طبطب ع كتف عمه وقال:معلش يا عمي لازم نعذره اللي مر بيه مش هين أبداً.
عبد العزيز نطر إيد عمار ونظر لأخيه ببرود ورحل...عمار برق لعمه ونظر ل أبيه... اسماعيل:تعرف حاچه عن الموضوع ده يا عمار.
سما بعصبيه:قصدك ايه يا عمي..تقصد ان عبد العزيز لي يد ف اللي حصل لهم.
عمار:حسني أسلوبك شويه يا سما ما تنسيش انك بتكلمي عمك.
سما بتكبر:ما تشوف ابوك بيقول ايه الأول.
تركتهم ورحلت عمار نظر لها بغيظ..اسماعيل مسك يده وقاله:سيبك منيها...تعال نشوف خوك انا عايز افهم منيه جصد اي بكلامه ل عمه.
........
قبل قليل ف غرفه نسرين.
الممرضه:حضرتك إيه اللي دخلك هنا ممنوع الزياره حاليا.
سيف بعصبيه:دي مراتي وانا عايز اتطمن عليها ممنوع ليه بقي.
الممرضه:حضرتك دي أوامر الدكتور وكمان هيه كانت منهاره جداً ومش عايزه تشوف حد خصوصا جوزها...هيه قالت كده بالحرف...ف من فضلك ما تعمليش مشاكل واتفضل من هنا.
سيف غضب جداً من زوجته...نظر لها وهيه ممدده ع الفراش وتركها و خرج...وجد ابيه واخيه.
سأله عمار:نسرين عامله إيه يا سيف.
سيف بغضب:الهانم مانعه حد يدخل لها وخصوصا انا...انا عارف وربنا انها هتبقي ايام سودا....بس مش هتبقي ع دماغي لوحدي.
اسماعيل:جصدك إي يا سيف هوه عمك ليه دخل باللي حوصل لمرتك.
سيف:ايوا يابا...واحد من الرجاله وهوه خارج قالي عمك بيسلم عليك....اكيد اخوك هوه اللي عمل فينا كده...طول عمره بيكرهنا وبيحقد علينا.
اسماعيل:جلبي كان حاسس...اسمع يا ولدي...انت ما تتدخلش ف الموضوع دهوه واصل...همل لي عمك واني وعد مني ل أنتجم لك انت ومرتك اني عخلي چدك بنفسه يخلص عليه...بس هملولي الموضوع دهوه.
~~~~~~~~~~~~~~~~
ف قصر محمود
محمود:ما تفهمنا يا حج انت خدتني انا وعهود من المستشفى ليه كده...هوه حصل حاجه هناك.
عبد العزيز:لاه يا ولدي...بس انا اتخنجت من الجعده هناك...وكمان خايف ل حد يأخد خبر باللي چري...واد عمك عرنا يا ولدي...اللمهم سيبكم منيهم.انت يا ولدي جلت إي مش جلت لك هات عيالك وتعالوا نعيش سوا ف سرايا چدك...يا ولدي انت ناسي انك هتبجي الكبير ولازمن تجعد ف الصعيد شويه..
عهود بأندفاع:لاء يا عمي ما احنا خلاص حلينا مشكله الولاد...يعني انا قلت لمحمود يتجوز ويجيب لهم ام تربيهم....يبقي لازمته إيه يسافروا البلد بقي.
عبد العزيز بأبتسامه خبيثه:ع بركه الله يبجي تتچوزوا دلوكت .
محمود وعهود برقوا لبعض...محمود:انت بتقول اي يا حج هوه سلق بيض انا صح عرضت عليها الجواز عشان خاطر عيالي وبس ....بس هيه لسه ما ردتش عليا.
عبد العزيز بثقه:هيه موافجه صوح يا بتي...احنا ما هنلاجيش احسن منيك تربي ولاد نور صاحبتك...وكماني محمود راچل تتمناه كل الحريم.
محمود بغضب:ابا انا وعهود هنتجوز عشان احمد وأسر وبس وهيه فاهمه كده
عبد العزيز:معلوم يا ولدي...اللمهم دلوكت اني هبعت أچيب المأذون ونكتب عليكم دلوكت.
عهود بخجل:دلوقتي إيه بس يا عمو لاء دا.
محمود:دلوقتي إيه يا حج.....هيه سايبه...هيه يعني مقطوعه مالهاش اهل تسالهم ونروح نطلبها منهم..هوه في اي يا حج بس.
عبد العزيز بتصميم:مين اهلك يا بتي...هاتي رقمهم واني عخليهم يوافجوا حالا وبعدين...هوه انتوا عتعملوا فرح اياك...لاه مفيش الحديت ده....انتوا عتتچوزوا دلوكت و إلا انا عأخد أحفادي وأرچع البلد ها جولتوا اي.
عهود باندفاع:لالا يا عمي انا اصلا كنت كلمت خالي ووافق...انا هكلمه اخليه يجي حالا.
دخلت سما:جواز إيه اللي بتتكلموا عنه دلوقتى وف الظروف دي يا حج.
عبد العزيز:مالكيش صالح انتي يا سما...انتي ما شغلاش بالك باخوكي ولا ب عياله.
سما:وانت بقي اللي شغال بالك...خايف اوي ع العيال.
عبد العزيز:سمااااا.
سما:بلا سما بلا زفت...انا جايه اسالك سؤال واحد بس...انت اللي سلطت ناس ع بنت اخوك.
عبد العزيز بصدمه:اييييي...بتجولي اي يا مخبوله انتي.
سما:بقول اللي سمعته يا حج عاما سيف وابوه واخوه متأكدين انك انت اللي عملت كده....حرص ع نفسك بقي يا سياده النائب...وانت يا محمود لحقت تنسي نور بسرعه كده عايز تتجوز صاحبتها لاء بجد قمه الوفاء طب كنت عزمتني ولا عزمت امك ولا خلاص نسيت ان ليك اهل تعزمهم ع فرحك.
محمود بغضب:سمااااا مالك ف إيه...ما تهدي ع نفسك شويه...مالك طايحه ف الكل ليه...وبعدين انتي اخر واحده تتكلم عن الوفاء...الست اللي اتجوزت قاتل اخوها جايه تكلمني انا عن الوفاء والنبي حلي عني انا اصلا مش طايق ابص ف خلقتك...وسايبك بس عشان ابويا طلب مني اسيبك براحتك.
سما:عاما انا مايهمنيش الكلام ده....انا راجعه البلد ورايا شغل...بس حبيت احذركم من اسماعيل وعياله...مبروك يا عهود صبرتي ونولتي يا مرات اخويا.
عهود حزنت...سما رحلت عبد العزيز ل عهود:سيبك منيها يا بتي....سما بتي كيف امها ماعچبهاشي عيلتنا...سيبكم منيها وخلونا ف چوازكم انتوا.
محمود:طب يا حج انت فعلاً ليك يد ف اللي حصل ف بيت سيف.
عبد العزيز:حتي انتي يا محمود يا ولدي....لاه..انا بكره خوي وعياله صوح...بس انا ما اعملش اكده واصل...كله إلا العرض والشرف يا ولدي.
&&&&&&&&&&&&&&&&&&
عوده ل حامد
حامد رأي الخوف ف عيون سيم....لا يعرف كيف اتته تلك القوي...مسك سلاح الرجل و ضربه به ف وجهه.
سقط الرجل فاقد الوعي...حامد:هيا يا سيم لنهرب قبل ان يصحو.
سيم:ولكن من هذا...لما يريد قتلك.
حامد:انه يظنني رجل آخر لا تهتمي له...هيا بنا.
ركب سيارته وعاد بها للسرايا....فرح استقبلتهم بتهكم:واه شيفاك داير تتسرمح مع الغريبه يا منذر...ايي عچباك ولا اي.
حامد:خليكي ف حالك يا فرح احسن لك..
نظر ل سيم وقال:هيا تعالي .
فرح اغتاظت أكثر...حتي حامد الغريب يعاملها بأحتقار.
/////////////////////////
مع حمزه.
حمزه:تعالي معاي هندخلوا من أهنه.
رفعت حاجبها مبتسمه...قال بضيق:بتضحكي ع إيه يا بت.
نورهان:لا أبداً بس شكلك ف البدله غير الجلابيه الصعيدي...حاسه انك راجل تاني.
حمزه:عتتمسخري علي ولا إي ياااا.
نورهان بأندفاع:بس بس من غير ما تشتم...انا مش بتريق عليك خالص بالعكس...شكلك وسيم أوي...والبدله لايقه عليك...كأنك اتخلقت رجل اعمال مش راجل صعيدي بفأس.
حمزه بعصبيه:وماله الصعيدي ابو فأس....لولا الصعيد والصعايده مصر دي مكنتش هتبجي بلد الزراعة والتچاره...مكنتش هتبجي بلد العادات والتجاليد...مكنتش هتبجي بلد سواح وحضاره....صعيد مصر هوه اخلاج مصر.
نورهان بفخر:يااااه...دا انا واقفه مع مؤرخ تاريخي بقي وانا مش واخده بالي...عاما هدي نفسك شويه وما تنساش اني صعيديه انا كمان.
حمزه:يبجي جولي لحالك واعدلي كلامك معاي فاهمه.
نورهان بعصبيه:تصدق انا غلطانه اني حاولت امدحك واعاكسك...بجد انت إنسان لا يطاق....الله يكون ف عون اللي هتأخدك.
تركته ودخلت القاعه....سار خلفها...جلس بجوارها ...لكن كلامها شغل عقله....نسي كل شئ عندما بدأ الإجتماع.
نورهان كانت ف قمه تركيزها...حمزه قرصها من فخدها ....أنتفضت مفزوعه...برقت له.
.همس لها:إيه ابوكي عيخطب ف مچلس الشعب...مالك مركزه جوي اكده لي...بجالي ساعه بغمز لك...بصي يا حرمه...بصي هناك.
نظرت مكان ما أشار....أكمل كلامه:هوه دا خالد باشا رحيم.
نورهان برقت له...حمزه قرصها تاني...نظرت له بغضب..همس بتوتر:عتبحلجي فيه اكده ليه..هتفضحينا الله يحرجك....ما تركزيش معاه واصل...لو خد باله انك أهنه....هيخلص عليكي...فاهمه.
تذكرت نورهان ان خالد يعرفها لكنها هيه من لا تعرفه...اخفضت وجهها ...لكنها استرقت النظر له ورسمت صورته ف عقلها حتي لا تنساه أبداً.
&&&&&&&&&&&&&&&&&&&
عوده ل نور
نور برقت له...كل رجاله صدموا من كلمته.
جمران:باشا انت بتقول ايه.
صباحي مسك يدها وقال بصدمه:نور الهدي بنت فؤاد الأنصاري...انتي نور.
نور: حضرتك تعرف ابويا...وعرفت اني نور إزاي.
صباحي جلس وظهر الحزن عليه قال:دي حكايه قديمه اوي يا بنتي....انا عارف عيلتك كلها....انا أبقي خالك يا نور.
نور وقفت مصدومه قالت:خالي...خالي إزاي يعني...انا أمي مالهاش أخوات.
صباحي:لاء ليها...ليها يا بنتي....اقعدي يا نور واسمعي اغرب حكايه ممكن تسمعيها ف يوم....من29 سنه كنت شغال انا وجدك مع عيله كبيره اوي ف الصعيد....كبير العيله دي أكتشف مقبره فرعونيه....كنا شغالين عندهم ف نبش القبور وسرقه الآثار...المهم عرفنا ان كنوز المقبره دي كتيره ونادره اوي أوي...والراصد طلب طفل قربان...كبير العيله رفض واستني شيخ معين يجي له من السودان....جدك محمود استغل دا...اتفق مع شيخ انه هيجيب له عيل صغير ويدبحه ع المقبره...انا رفضت حاولت اقنعه انه ما يعملش كده...كان هيقتلني...خفت وقلت له خلاص اعمل اللي يريحك...بس محمود الشيطان كان عايز يضحي بحفيده...بس عبد العزيز رفض يضحي بمحمود...و اسماعيل رفض يضحي ب عمار....جدك راح ل ابوكي المستشفى امك كانت لسه والده تؤام نور الهدي وزهير....جدك دخل يخطف زهير...انا بعت ناس عطلته وبدلت اخوكي تؤامك...بدلته بعيل تاني من الحضانه....انا كنت ضعيف وخفت من جدك...نسيت ربنا وقتها وغلطت غلطه عمري.....جدك خد العيل ع انه زهير حفيده ودبحه ع المقبره وسرق الكنز....انا كنت معاه وشفت كل حاجه بعيني طبعاً هوه ما قاليش انه دبح ابن أختي...عشان يسكتني أداني ألماظ...اداني نصيبي من الدم والسرقه...وانا ضعفت...مقدرتش ارفض الثروه وبرضو خفت اقول الحقيقه لأختي....خدت زهير وهربت...كتبته ع اسمي...عملته ابني عشان ابعده عن الوحش اللي اسمه محمود الأنصاري....نور انا بجد أسف يابنتي...بس لو مكنتش عملت كده ف اخوكي كان زمانه مات ع ايد جده...انا آسف أوي.
نور كأنها اطلق عليها رصاص حي....قالت بقهره وحزن:يااااااه....ياه ع قلوب الناس....للدرجه دي....للدرجه دي يا خالي...عشان الفلوس تعملوا كده...انت فاكر ان ربنا هيسامحك...انت عارف انت عملت إيه...انت مجرم زيه يا خالي...انت فديت اخويا بطفل تاني بريئ...وكمان حرمتنا منه طول العمر ده...دي أول مره اعرف ان ليا أخ...ازاي محدش جاب سيرته قبل كده...وليه...ليه جدي يضحي بحفيده...لاء....لاء انا مش هسكت تاني....كده انا اعدائي بقوا أتنين...جدي...وخالد.
صباحي:أهدي يا نور...انتي لا أد محمود الأنصاري ولا أد خالد رحيم...خالد دا كمان حكايته حكايه....انتي تعرفي انه من اهم اعضاء الجماعه.
نور بصدمه:جماعه..هوه كمان تبع الارهابيين.
صباحي:ياريته كان إرهابي كان هيبقي أمره سهل...دا عضو ف منظمه سريه عالميه إسمها فرسان الهيكل....جماعه سودا اوي وانا للأسف كنت عضو فيها لفتره طويله....بس سبتهم وبنيت المستعمره دي كلها عشان اتحامي منهم...الجماعه عايزين يخلصوا عليا عشان بقيت خطر عليهم....بس هما بطلوا يطاردوني من زمن...ف انا افتكرتهم يآسوا مني...أتاريهم بيخططوا ف الدرا وقدروا يأخدوا ابني مني.
جمران:مالوش لازمه الكلام ده دلوقتي يا باشا المهم ننزل مصر وننقذ زهير باشا...نور انتي قلتي انك عارفه مكانه....تقدري تساعدينا ننقذه منهم قبل ما يقتلوه.
صباحي:أهدي يا جمران انا مش هضحي ب نور عشان انقذ اخوها.
نور:وانا مش هسيب اخويا تحت رحمتهم يا خالي....انا هنزل مصر وهقتل خالد بأيدي وهنقذ اخويا منه.
صرخ فيها:بس يا نور بطلي كلام العيال ده...انتي فاكره نفسك إيه ....خالد ده محدش يقدر يمسه...دا محمي اكتر من رئيس الجمهورية....وكمان انتي لو دخلتي مصر باي طريقه هوه هيعرف...الحل الوحيد انك.....تغيري شكلك...انا اللي هقدر اعملهولك اني اعمل لك عمليه تجميل...و اعمل لك جواز سفر بأسم وهويه جديده و بعدها تأخدي جمران وتنزلي مصر تقولي له بس ع مكان زهير وهوه هيتصرف انما انتي تبعدي خالص عن خالد.
نور:بس يا خالي ازاي اعمل كده...انا تاري معاه تقيل اوي.
صباحي:كفايه شعارات فارغه...دا الحل الوحيد انسي تارك مع جدك ومع خالد...انتي مش هتقدري ع واحد فيهم وهتدمري نفسك يابنتي....انا انهارده هبعت له مرسال واقوله اني كشفتك وقتلتك زي ما قتلت جواسيسه قبل كده...وهوه هيسيب اهلك ف حالهم طالما انتي موتي....ولما ترجعي ل جوزك وعيالك اوعي تعرفيهم انك نور...لأن خالد هيعرف...انتي تجيبي اخواتك وعيالك وجوزك بس وترجعي تعيشي معايا هنا ف المستعمره...دا أامن مكان ليكم كلكم.
