رواية جحيم العشق الاسود الفصل العاشر 10 بقلم فريده احمد
الفصل العاشر(قتل وضحيه وانتقام)
مع نور الهدي
جمران:هنا يا نور ف الفيلا دي...دي شكلها مهجوره.
نور:اومال انت فاكر إيه يعني...عايزهم يحطوه ف فندق سبع نجوم.
احد الرجال:يلا بينا يا جمران زمان الباشا اتبهدل اوي ف الفتره اللي فاتت دي.
نور مسكت ايد جمران وقالت بتوسل:أوعي تقوله اني اخته يا جمران...اوعي تقوله اني بنت أصلا.
جمران بتهكم:عايزاني اكدب ع زهير كمان زي ما كدبت ع الباشا شهر ونص يا نور...
نور:اعمل إيه يعني ماهوه اللي عنيد اوي ومكنش هيسبني امشي غير اما انفذ له اللي ف دماغه.
جمران:وافرضي عرف انك ما عملتيش عمليه التجميل ف لندن وان صورتك اللي بعتيهاله دي كانت تنكر و كمان كنتي بتدربي ع النشان والمصارعه عشان تأخدي تارك من خالد وجدك هتعملي ايه وقتها انتي مش اد غضبه.
نور:انا مش خايفه من خالي انا كل همي دلوقتى اني انقذ تؤامي اللي عمري ما شفته ...وارجعه معاك ع الإمارات وارجع لجوزي وعيالي و اقوله الحقيقه وهوه هيساعدني أخد حقي وكمان هبعت اخواتي ل خالي يحميهم كده هيبقي احسن.
جمران:وانتي إيه بقي...انتي الجندي المجهول....انتي اللي هتضحي بحياتك عشان التار والكلام اللي انقرض دا....ما تسمعي كلام خالك وسيبي حقك لربنا ياخدهولك.
نور:ونعم بالله يا جمران بس انا تعبت من الهرب والخوف والعيشه المتداريه لحد امتي همثل اني واحده تانيه...لحد امتي هفضل بقناع ست مزيف عشان افضل ميته ف نظر خالد جمران انا مش هقدر اسيب بلدي واروح استخبي عند خالي وجوزي مستحيل يهرب انت ما تعرفهوش.
جمران بمزاح:واللهي طالما هوه ابن عمك يبقي زيك عنيد مغرور شايف نفسه.
ضربته ف صدره ضحك وقال:خلاص معلش انا مش ادك يا عم نور...عاما يلا كله يطلع سلاحه يا رجاله خلينا ندخل نجيب زهير باشا.
كل الرجال شدوا اجزاء وضعوا كاتم الصوت تسللوا لداخل الفيلا الأشبه بالخرابات
قتلوا الحرس...ودخلوا الفيلا...لم يجدوا أحد...نور اضاءت كشاف تبحث عن الغرفه المؤديه لقبو الفيلا....فجأة اضاء نور من كل مكان.
ظهر رجال من كل مكان...قال أحدهم:انتوا مين وازاي تدخلوا البيت دا انتوا ما تعرفوش دا بيت مين....نزلوا السلااااح.
همس عنتر ل نور:هنعمل إيه يا فالحه مش قلتي الحرس هنا قليل.
جمران نظر لنور وابتسما بخبث....نور ضغطت ع زر ف ساعتها وفجأه انفجرت قنبله ف الخارج.
سقط الكل ارضا....نور وجمران ورجال صباحي...اطلقوا سيل من النيران ع رجال خالد....قتلوهم جميعا.
نزلوا لقبو الفيلا وكسروا باب الغرفة...وجدوا زهير ملقي ارضا....جمران ركض إليه احتضنه:زهير...زهير انت كويس.
زهير بصدمه وفرحه:جمراااان أخيراً جيت...كل دا يا جمران.
جمران:معلش سامحني يا صاحبي...انا اتاخرت عليك صحيح بس تستاهل عشان تحرم تمشي من غيري .
نور نظرت ل تؤامها بحزن كبير شعرت انها تنظر ف المرآه ذكرها بنفسها وهيه تمثل دور الرجل ف شبابها.
عنتر باندفاع:يلا جمران يا زهير باشا خلونا نمشي من هنا بسرعه.
خرجوا مسرعين توجهوا لفندق صباحي....ف غرفه نور
جمران دق بابها ودخل:أحم نور افندي ....ها هتعملي إيه....كده زهير بقي ف امان وهنسافر الصبح...انتي بقي ناويه تعملي إيه.
نور:مش هرجع يا جمران....انا هبات هنا والصبح هرجع بيتي...بس ربنا يستر و خالد ما يشكش فيا.
نظرت لوجه التنكر ف المرآه...
جمران:غلط يا نور....لو رجعتي لبيت جوزك ع طول كده بعد ما زهير اتخطف من فيلاته خالد هيشك فيكي هوه أكيد لسه مراقب بيت جوزك...لانه مش غبي وممكن مايكنش صدق ان صباحي باشا قتلك...ف يستحسن انك تقعدي هنا ف الفندق فتره.
نور:عندك حق....ماشي انا هصبر هنا لحد ما الدنيا تهدي واشوف خالد هيعمل إيه.
جمران:قصدك إيه يعني برضو مصممه تراقبيه.
نور:من بعيد لبعيد لازم أسبقه بخطوه هوه بعتني ل صباحي عشان اعرف نقطه ضعفه وقوته انا بقي هعملها فيه...هفضل مراقباه لحد ما اعرف كل حاجه عنه...لازم اعرف ادخل له منين وازاي.
جمران:نور انا خايف عليكي بجد...طب تحبي اسفر زهير وافضل معاكي.
نور بأمتنان:لاء يا جمران...انا مقدره خوفك عليك ومتشكره طبعاً لمساندتك ليا بس الافضل انك ترجع مع زهير وتحميه...انا مش عايزه حد من اخواتي يتأذوا من خالد تاني....ممكن تفضل جمبه يا جمران.
جمران:ماشي يا نور افندي...بس عايزك توعديني انك لو احتاجي مساعدتي تكلميني فوراً وانا هطير ع مصر واجي لك ع طول....نور انتي بت جدعه وتستاهلي الواحد يقف جمبك...بجد يابخت جوزك بيكي.
ابتسمت له شاكره...وتمنت ان لا تورطه معها ف يوم .
&&&&&&&&&&&&&&
ف إستراحه الأنصاري
عبد العزيز:حچ احمد يا حچ...واه وينه الراچل ده....ووين غفير الطين ماجعدش ع البوابه ليه.
عبدالعزيز دخل وجلس ع الكرسي اخرج هاتفه ...لكنه صدم ب فرح زوجه أبيه تنزل من الطابق الثاني.
عبدالعزيز:واه...أنتي عاتعملي ايي عندك يا فرح.
فرح بصدمه:انت اللي عتعمل أيي اهنه ف الوجت ده....
عبدالعزيز بغضب:أني اللي عسألك يا حرمه...أيي اللي خرچك دلوكت من السرايا وچايي اهنه لي.
دخل محمود الجد وقال بغضب اعمي:يعني صوح اللي سمعته...انت يا عب عزيز...انت بتخون ابوك مع مرته....للدرچه دي النچاسه ف دمك.
فرح بصدمه:عتجول ايي يا حچ...خيانه ايي اني چيت اهنه لأبوي...هوه بعت لي مرسال وچالي أچي اجابله اهنه.
محمود وهوه يخرج سلاحه:أخرسي يا مره يا ناجصه...اني عخلص عليكوا انتوا التنين.
عبدالعزيز بتوتر:ايي يا بوي في ايي انت كيف تفكر اني عبص لمرتك...دي كد بتي.
محمود:كد بتك...ما انت كت عتتچوز بتك يا عب عزيز...جبل سابج بصيت لمرت اخوك فؤاد...ودلوكت بصيت لمرتي.
فرحه بخوف:لاااه يا حچ...ما حصولش حاچه عب عزيز كيف ابوي.
محمود لم يتركها تدافع عن نفسها...اطلق الرصاص ف صدرها....عبد العزيز صرخ بهلع:لييييي ليه يابوي واللهي ما في حاچه بنتنا...اني مظلوم.
محمود اطلق الرصاص عليه لكنه تفاداه...دفع ابيه وركض للخارج...صدم ب أخيه مسكه
وقال بتوسل:سماعيل خوي...عجل ابوك ياخوي...بوك عايز يجتلني.
اسماعيل بشماته:انا خابر يا واد ابوي...انا اللي عملت أكده.
عبد العزيز برق لاخيه قال بعدم تصديق:انت يا خوي لييييييي....كنت عملت لك اييي عشان تخلي ابوي عايز يجتلني.
اسماعيل:عشان انت تستاهل الحرج يا عب عزيز....انت سلطت ع ولدي ومرته...انت عايز تخلوص مني ومن عيالي...من يومك حاجد عليا من يوم ما ولدك اتجتل وانت بتكره عيالي وياما شفت الشماته ف عينك....انا بجي لازمن أخلص عليك يا عب عزيز.
محمود الجد من خلفهم:ايييييي...عتجول ايي يا اسماعيل.
اسماعيل:ايوا يا حچ انا اللي عملت أكده...بس انت ليه ما جتلتوشي...ولدك كان عايز يجتل ابني وخلي رچالته يغتصبوا بت فؤاد ولدك....شفت كبير العيله من بعدك...شفت عمل فيا وف ولدي اييييي.
محمود الجد:لاااااه انت كداااب دا ما حصولش....عب عزيز ما عملش أكده...اللي عمل ف ولدك اكده انا خابره زين..دا حمزه الجناوي....عايز ينتجم مني هوه وعيلته...ليييي يا ولدي خلتني أجتل مرتي لييييه.
اسماعيل:ما تحزنش عليها جوي اكده...فرح دي چاسوسه عليك لابوها...انا سمعتها بودني بتنجل له اخبارك....عوض طمع ف العموديه و سلط بته تجولك تكتب لها حجها واتت عايش عشان يجتلوك و يزوروا الوصيه ويأخد كل املاكك يا حچ...البت دي كان لازمن تنجتل من زمن.
محمود الجد لم يصدق ما يسمع قال:يعني ايييي...يعني انا عايش وين عايش ف غابه ولا ايييي...طب لو عوض عرف انها ماتت...دي هتبجي حرب.
عبدالعزيز:واني كت عروح فيها فطيس يا حچ...اسمع يا سماعيل انت حج ولدك ومرته مش عندي حجك عند الجناويه و أما اللي عملته فيا دلوكت...ف دا حجي اني واني هعرف اخده منك كيف يا واد ابوي.
محمود الجد:اهدي يا عب عزيز وخلينا نتاوي جتت فرح جبل ما النهار يطلع وبعد اكده اني هحضر حاچه حلوه ل حمزه....لازمن افكره مين هوه محمود الأنصاري .
&&&&&&&&&&&&&
..ف قصر محمود
ام محمد: يعني إيه يا ست عهود... صحيح هتنفذي كلامه وتعيشوا سوا زي الأخوات... ودا كلام يدخل العقل برضو.
عهود بخجل: بس بقي ليسمعك انا غلطانه اني حكيت لك حاجه..
ام محمد: يا ست عهود مش غلطانه ولا حاجه بس دا مايرضيش ربنا أبدأ... بقالكم شهر وشويه متجوزين وانتي عايشه ف اوضه وهوه ف اوضه... حتي لما بتقعدوا سوا لازم العيال تبقي معاكم... كده مش هينفع لازم تكلميه تقربي منه انتي مراته يا ست عهود.
عهود: طب خلاص اسكتي بدل ما يسمعك.
ام محمد: طب بذمتك مش نفسك فيه... نفسك كده يأخدك ف حضنه... تنامي جمبه.. ت....
قاطعته: بس بقي يا أم محمد..... انتي بتكسفيني كده.... انا راحه اصحيه بدل ما يتعصب عليا تاني اوعي يا وليه من طريقي.
خرجت من المطبخ... ام محمد: غلبانه اوي يا ست عهود... بس انا مش هسيبكم كده... انا لازم اتدخل آه.. العيش والملح اللي كلته ف بيتكم يديني حق اني اتدخل اصل كده حرام دي مش عيشه أبداً.
............
محمود: فين القهوه يا عهود بقالك ساعه بتعمليها.
عهود: انا اسفه واللهي معلش.... بس أسر جري عليا والقهوه وقعت مني.
محمود بفزع: وقعت ع إبني.
عهود بضحك: وقعت ع ابنك إزاي يعني... دا ابنك يوقع القصر دا كله ع دماغي يا محمود عارف المثل اللي بيقولك اللي خلف مامتش اهوه عيالك شياطين زيك بالظبط.
ضربها بالوساده ف وجهها... قالت بمزاح: هنزل احضر لهم فطارهم بدل ما يلموا عليا الناس..... وانت خلص وانزل لهم قبل ما تروح شغلك.
خرجت واغلقت خلفها... محمود ابتسم بمراره... جلس يتصفح الجريده... دق الباب ودخلت ام محمد الخادمه.
محمود: تعالي يا ام محمد خير ف إيه.
ام محمد بتردد: لاء يا محمود بيه مفيش حاجه مهمه انا بس كنت قصداك ف موضوع كده.
محمود: تعالي يا ام محمد عايزه إيه ما تتكسفيش... انا زي ابنك.
تشجعت المرأه وقالت: ودا اللي جرأني أجي اتكلم معاك يا محمود يابني.
محمود: مش فاهم تقصدي إيه.
ام محمد: بص بقي انا هقولك ع اللي ف قلبي ورزقي ع الله انا بصراحه شايفه الحياه بينك وبين عهود عامله إزاي ودا مايرضيش ربنا حرام عليك تظلم نفسك بالشكل دا... انت لسه صغير اوي ع الاعتكاف دا يابني ... طب لو مش عشان خاطر نفسك ... عشان خاطرها هيه... البنيه عايشه خدامه تحت رجلك انت وعيالك بتحبكم اوي وانا بشوف بعيني انت بقي مستخسر فيها حضنك يابني دي شابه صغيره ومن حقها تتهني ف حضن جوزها دي انسانه وليها مشاعر بصراحه كده انت لازم تاخدها تعيش معاك ف اوضتك... يابني دا حقها عليك وحرام تظلمها.
محمود بتكشيره: هيه اشتكت لك.
ام محمد بسرعه: حاشه لله البنيه عايشه وراضيه وحامده ربها ع عيشتها معانا.... بس انا ست وحاسه بيها... وانا خلصت ضميري ادام ربنا وقلت لك ع اللي ف قلبي وهسيبك لضميرك يا محمود بيه.
فتحت الباب لتخرج قالت كلمه أخيره: ست نور الله يرحمها كانت هتبقي عايزاك تعيش من بعدها مش تدفن نفسك بالحيا... محدش طلب منك تخرجها من قلبك بس جسمك ليه حق عليك وبقي ملك ست تانيه وهيه محتاجاك يابني.
&&&&&&&&&&&&&&&&&&&
ف مول سما
سما:هايل سيم عملت شغل ممتاز.
حسن:فعلاً سيم مميزه اوي...بس مش زيك.
شدها من خصرها ألصقها فيه...برقت له وقالت بعصبيه:ابعد ايدك عني يا حسن انت سوقت فيها أوي...انا عشان بسكت لك هتفتكر ان دا حقك...ابعد قبل ما حد من العمال يجي ويشوفنا كده.
حسن:طظ ف العمال وف اي حد....انا ما يهمنيش حد يا سما.
سما:واللهي ولو منذر جه دلوقتى وكسر لك ايدك دي اللي كل شويه تمدها ع مراته هتعمل إيه.
ضحك بخبث وقال:خليه يوريني شطارته....سما حبيبتي انا ما بخافش من حد وانتي ملكي انا وبس.
دفعته ف صدره وقالت بغضب:ملكك إزاي يعني ما تفوق بقي انا ملك منذر جوزي انا بنام ف حضنه كل ليله منذر هوه اللي بيعاشرني مش انت...بطل تقولي الكلام الفارغ ده.
حسن اتعصب جداً...قال لها بحده:انا اللي بنام ف اوضتك يا مدام....حامد بينام برا بعيد عنك إيه شيفاني بقرون عشان اسيب بنت عمي تنام ف اوضه لوحدها مع راجل غريب.
سما برقت له بصدمه قال:ايوا يا ابله انا كشفتك من زمن...انا كنت هقتله وهوه اعترف لي بالحقيقه وانا سكتت عشان اخوكي ما يدفنكيش بالحيا...انتي متخيله لما جدك يعرف انك جايبه راجل غريب وعايشه معاه ع انك مراته وهوه ولا يقرب لك من قريب ولا بعيد حتي متخيله هيعمل فيكي إيه....بس انا مش فاهم انتي ليه بتعملي كده....غرضك إيه يا سما من كل ده.
سما بصدمه:انت...انت عارف كل ده و طول الوقت بتمثل عليا يا حسن...طب ليه....سكت ليه الوقت دا كله.
حسن:عشان اشوفك هتعملي إيه....كنت مستني اعرف اخر تمثليتك إيه يا هانم......بس خلاص دلوقتى اللعب ع المكشوف...انتي هترجعي السرايا وتطلبي من حامد انه يمشي وتقولي للكل انك اتطلقتي منه وهنتجوز انا وانتي انتي فاهمه.
سما بصراخ:لاءءءءء...لاء،يا حسن....انا مش لعبه ف ايدك...عايز تفضحني عند جدك روح اعمل اللي انت عايزه...بس انا مش هتجوزك انا ليا حق ولازم هأخده.
حسن بصراخ ايضاً:حق ايييييه وعند مين ما تنسي بقي...حاولي تنسي وتسامحي...ابوكي غلط زمان صح وانا ظلمتك كتير بس خلاص يا سما هتفضلي فاكره وشايله ف قلبك لحد أمتي....طب انتي ليه رجعتي اما بتكرهينا كلنا كده عايزه تنتقمي مننا تعملي إيه يعني؟.
سما:معرفش واللهي بس انا مش مرتاحه ف حياتي....مش عارفه اشوف شغلي وارجع اعيش حاسه اني لو مخدتش حقي منكم مش هعرف اكمل حياتي زي الناس.
حسن اخرج سلاحه و رماه تحت قدمها...مزق قميصه و صدر لها صدره العاري وقال:اهوه خدي السلاح وخدي حقك مني....ااقتليني زي ما جبرناكي تقتلي منذر...يلااااا مستنيا إيه.
سما مسكت سلاحه...رفعته ف وجهه ويدها ترتعش بقوه....عيناها أمتلأت بالدموع...ألقت السلاح بعيدا
وركضت بكل قوتها...حسن أخد سلاحه و شتم بغضب...سمع صراخها العالي....قال بهلع:سماااااااااااااا
///////////////////////
ف سرايا القناويه
حامد:كيفك يا حمزه يا ولدي.
حمزه:بخير يا عمي.
عتمان:ايي يا حمزه كل دا نوم...اي ناموسيتك كات كحلي ولا ايي.
حمزه برق له...حامد:بس يا عتمان ما ترازيش واد عمك ع المسا.....ها جولي يا ولدي وريح جلبي بجي...عملت ايي.
حمزه:عملت ايي ف اي يا عمي.
حامد:واه أي يا ولدي انت لساك نايم ولا أي بجولك عملت ايي مع الأنصاري...مش جلت لي اتطمن يا عمي...اني صبرت كتيير وانت لساك ما عملتش حاچه.
حمزه:حاضر يا عمي...اصبر علي اشرب جهوتي وافوج وبعدين نتحدت سوا وينها نورهان.
عتمان اقترب منه وقال بخبث:بجولك ايي يا واد عمي هيه سكرتيرتك دي متچوزه.
حمزه برق له بغضب...عتمان بمزاح:اني بصراحه معچب بيها جوي اصلها چميله جوي جوي يا واد عمي.
حمزه بعصبيه:عتمااااان بعد عن نورهان خالص...اوعاك تضايجها بكلامك الماسخ ده....نورهان چايه معاي أهنه ف شغل وبس فاهم.
عتمان تضايق....حمزه تركهم وخرج يبحث عنها وجدها تقف ف الحديقه نداها:نورهان تعالي أهنه.
نورهان:مساء الخير يا حمزه بيه.
حمزه بعصبيه:اهوه مسا والسلام...ادخلي اعملي لي جهوه خلينا نمشوا نشوفوا اشغالنا ع المسا.
نورهان بغيظ:يا حمزه بيه ما في اربعين شغاله ف بيتكم اشمعنا انا اللي بتطلب منها تعمل لك القهوه وتنضف لك اوضتك وتحضر لك حاجتك...هوه انت هتفضل مستعبدني ف مصر وهنا انا مش خدامه.
مسك يدها بعنف وهمس بغل:لاه...انتي خدامتي يا نورهان...ولا نسيتي اللي عملتيه فيا جبل سابق.
نورهان:طب سبني يا حمزه بيه....أيدي هتتكسر...خلاص بقي دا انت قلبك أسود اوي.
حمزه بتأكيد:جوي جوي...ودي اخر مره تتحدتي معاي أكده فاهمه...انتي عتفضلي تحت رحمتي لحد ما نخلوص من أتفاجنا فاهمه.
هزت رأسها موافقه...ترك يدها...تمتمت وهيه تدخل السرايا:حقير مغرور ربنا يرحمني منك بقي.
حمزه نظر لها....تحركت مشاعره نحوها مجددا...قبض يده بقوه...كره ان يقسو عليها..لكن هذا طبعه وتلك شخصيته.
بعد ساعتين تقريباً ع الطريق ف سياره حمزه.
نورهان: لسه كتير ع المكان اللي احنا رايحينه ده.
حمزه بسخريه:ايي وراكي الوزاره وخايفه تتاخري عليها..
نورهان ببرود:وزارة ...هوه انا كل ما هكلمك هتتريق عليا...انا بسألك عشان تعبت من القعده وبصراحه كده عايزه ادخل الحمام.
حمزه بجفاء:وما جولتيش لييي ما الاستراحه لستاها معديه من شوي انتي غبيه يا بت...معرفش انتي محاميه كيف.
نورهان:اوووف بقي....خلاص يا حمزه بيه...انا هخرس اهوه.
نظر لها بسخريه و لف وجهه....فجأة ظهرت سياره نقل امامه تقطع عليه الطريق...لف باندفاع وكادت السياره ان تنقلب.
