رواية بين القسوة والحب الفصل الثامن 8 بقلم دنيا احمد
«البارت التامن»
تاني يوم
ـــــــــــــــــــــــ
عمر بألم: اهه دماغي مش قادر
يوسف وهو بيخبط علي الباب: عمر انت صحيت
عمر: ايوه ايوه ادخل
يوسف: عامل ايه
عمر: مش قادر عندي صداع فظيع
يوسف: احسن من القرف اللي شربته امبارح
عمر: يوسف متتكلمش في الموضوع ده اسكت بقا اجهز يلا عشان نروح الشركه
يوسف: ماشي يعمر
ــــــــــــــــــــــــــــــــــــــــ
عمر: خلصت
يوسف: اه يلا
عمر: ايه اخر الاخبار
يوسف: الشركه بدأت تنتشر بشكل كويس جدا بعد الصفقه اللي خلصت في ايطاليا الشركه بدأت تكبر و في وفد امريكي جي النهارده لازم نكون مستعدين
عمر: كويس اوي و ايه اخبار التصاميم الجديده
يوسف: ماشيه بشكل كويس لحد دلوقتي اول لما نوصل هخليك تشوفها
عمر: تمام
ـــــــــــــــــــــــــــــــــــ
نورا: اه دماغي وجعاني اوي ما اكيد لازم توجعك يغبيه ما انتي طول الليل بتعيطي يلا مش مشكله نقوم ناخد دش لذيذ كدا و ننزل
ــــــــــــــــــــــــــــــــــــــــ
كمال بحزن واضح: انا زعلان اوي يا ليلى مكنتش متوقع ان اخويا يطلع بيكرهني بشكل ده ده طلع مش بيحبني بس والله العظيم انا بحبه كله بسبب انهم كانوا علي طول بيقولوا اني احسن من احمد بس والله هو احسن مني بحاجات كتير
ليلى بحزن علي حالو: كمال متزعلش نفسك يعني ده مهما كان انتو اخوات و برضو اكيد لسه بيحبك هو بس كان متعصب زياده امبارح
كمال خد نفس عميق: لا يا ليلى هو طلع كل اللي جواه امبارح عارفه ان ابويا غصب علي احمد انه يتجوز لانه كان شايفو فاشل و مش فالح في حاجه قال لو اتجوز يمكن يتعدل قولتله مش هتيجي كدا و حاولت افهمه انه كدا بيعمل تفرقه بيني و بين احمد بس مقتنعش و احمد اتجوز حنان غصب عنه و طلع كل السنين الوحشه اللي عاشها للاسف عليها و علي عياله و قطع معايا مع اني والله كنت بحاول اصلح اللي ابويا عملو بس للاسف مقدرتش سيبته علي راحته قولت يمكن يحن تاني و اوحشه بس لا
ليلى: طب هو ليه ابوك عمل كدا حتى لو مكنش احسن حاجه كان يقف جمبه و يعدل بينكو في المعامله بس ايه ذنب العيال و حنان ذنبهم ايه
كمال: مش عارف يا ليلى
ليلى: معلش يحبيبي حقك عليا انا قوم خد دش كدا و انزل
كمال: حاضر
ليلى: يارب اصلح الحال اما اقوم اشوف الفطار
ــــــــــــــــــــــــــــــــــــــــ
رنا: ريم بت يا ريم قومي يلا
ريم: حاضر حاضر قومت اهو
رنا: طب يلا عشان الفطار
ريم: حاضر يا رنا
ــــــــــــــــــــــــــــــــــــــــ
كمال: صباح الخير
الجميع: صباح النور
كمال: نورا
نورا: عمي انا عارفه انت عايز تقول ايه كويس انت ملكش ذنب في حاجه وخلاص انا نسيت امبارح وبقيت احسن الحمدلله
كمال: الحمدلله طيب يبنتي....... انا كلت الحمدلله عن اذنكم انا داخل المكتب
نورا: وانا كمان الحمدلله انا هطلع اذاكر شويه ريم لو حبه تذاكري ابقي اطلعي ماشي
ريم: حاضر
حنان: ليلى
ليلى: نعم
حنان: من وقت ما حصل اللي حصل امبارح تحسي ان البيت كئيب و كلهم باين علي وشهم الزعل
ليلى: فعلا و بذات كمال و نورا محدش فيهم توقع اللي احمد قالو ده بس سبيهم دلوقتي ان شاء الله بكره هيكونو احسن ايه رأيك نقوم نعمل حاجه حلوه هما بيحبوها يمكن تعدل مزاجهم شويه
حنان: يلا
رنا: ريم تعالي نخرج في الجنينه شويه
ريم: اوكيه
ــــــــــــــــــــــــــــــــــــــــ
يوسف: اجبلك التصاميم دلوقتي
عمر: ياريت
يوسف: ماشي...... زينب فين التصاميم الجديده
زينب: موجوده يفندم
يوسف: طب روحي اديهم لعمر
زينب: حاضر
عمر: ادخل
زينب: ازي حضرتك يفندم التصاميم اللي حضرتك طلبتها اهي
عمر: تمام تقدري تطلعي دلوقتي و انتي خارجه كدا قولي لروان تعملي قهوه
زينب: حاضر
عمر: اما نتفرج و نشوف....... اممم مش وحش بس عايز تعديل لو مثلا خلينا اللون اغمق شويه هيكون احسن و ممكن نضيف اللون الاسود........ حلو اوي ده اكتر واحد عجبني الالوان الصيفيه اللي فيه بتدي نوع البهجة كدا......... ادخل
روان: القهوه يفندم
عمر: حطيها هنا و اطلعي
روان: حاضر...... اول مره يكون هادي ده علي طول متعصب يارب يفضل كدا علي طول
عمر: لحد دلوقتي كله تمام...... زينب تعالي عايزك... ادخل
زينب: اتفضل حضرتك
عمر: انتي اللي عملتي التصاميم دي لوحدك
زينب: لا مش لوحدي ياسر ساعدني فيهم
عمر: طيب استني... روان خلي ياسر يجيلي
زينب: هما مش حلوين ولا ايه
عمر: لا حلوين بس في كذا حاجه لازم تتعدل.... اتفضل
ياسر: حضرتك طلبتني
عمر: ايوه اتفضل انا شوفت التصاميم بس في كذا حاجه لازم تتعدل لانها مش حلوه وهنعدلها دلوقتي مع بعض واتمني نخلي بالنا اكتر من كدا يلا نبدأ
ـــــــــــــــــــــــــــــ
بعد ساعه
ــــــــــــــــــــــــــ
عمر: كدا بقت احسن بكتير عن الاول اتمنى انكو فهمتو الي انا قولته
زينب: ايوه فعلا كدا بقت احسن بكتير شكرا لحضرتك انا عن نفسي استفدت من حضرتك
ياسر: وانا كمان
عمر: طب الحمدلله تقدروا تطلعوا دلوقتي
ياسر: بعد اذنك
عمر بتنهيده: حاسس اني مش قادر....... الو بقولك ايه يا يوسف تعالى شويه معلش
يوسف: ايه شوفت التصاميم
عمر: اه طلعت حلوه بس عدلت فيها شويه
يوسف: طب وانت مش ناوي تبدأ ترسم ولا ايه
عمر: مفيش حاجه في دماغي دلوقتي بس هحاول المهم الوفد ده جي امتى
يوسف: خلاص علي وصول
عمر: طب يلا عشان نستقبلهم
ــــــــــــــــــــــــــــــــــــــــ
نورا: الحمدلله لحد دلوقتي خلصت اربع مواد فل اوي كفايه لحد النهارده و نشوف بكره هناخد ايه تاني بقا........ ياترى هيجي النهارده اههه لاااا احنا هنبدأ ولا ايه لا جربت حظي مره وخلاص خلصت محدش يستاهل فا الاحسن يا نورا يحبيبتي نبطل تفكير فيه هو اصلا انسان بارد و مستفز خليكي في دراستك و حلمك اللي عايزه توصليلو بس كدا احسن
ــــــــــــــــــــــــــــــــــــــــ
رنا: اتمنى انكو تتخطوا كلام عمو
ريم: لا متخفيش علينا اتعودنا علي الكلام ده مش اول مره متخفيش خدنا مناعه يحبي
رنا خدتها في حضنها: حقك عليا انا من الدنيا دي حقك عليا علي كل حاجه وحشه انتو مريتو بيها
ريم حضنتها جامد وحست انها خففت عنها حتى لو بحاجه بسيطه.
رنا: متزعليش يحبيبتي كل حاجه هتبقا كويسه وكل حاجه هتتعدل طول ما انتي واثقه في ربنا اعرفي انه عمره ما هيخذلك ابدا هو بس بيختبر صبرنا و هنقدر نتحمل ولا لا كله هيبقا تمام
ريم: يارب يا رنا يارب تعالي ندخل جوه
رنا: تعالي
ــــــــــــــــــــــــــــــــــــــــ
ليلى: الله علي ريحة الكيكه تحفه
حنان: اوي اوي كدا عملنا بسبوسه و كيكه تفتكري كدا كويس ولا ايه
ليلى: اعتقد اه ان كدا تمام دول اكتر حاجتين هما بيحبوها يارب الحاجه البسيطه دي تفرحهم
حنان: يارب
ــــــــــــــــــــــــــــــــــــــــ
بعد ساعه من الاجتماع
ــــــــــــــــــــــــــــــــــــــــ
عمر: اعتقد كدا اتفقنا علي كل حاجه مبروك عليكو روان وصليهم
يوسف: مش مصدق انهم وافقو يشتغلو معانا
عمر بغرور: ليهم الشرف انهم يشتغلو مع عمر الرشيدي
يوسف: طبعا طبعا يفنان اومال انا هروح اكمل شغل
عمر: ماشي..... اهه دماغي هتنفجر
عمر بدأ يفكر في موضوع نورا اللي حصل امبارح تاني
عمر: ياترى هي عامله ايه دلوقتي.. يعم وانت مالك هو في ايه متفكرش فيها خليك في شغلك و ملكش دعوه بيها حاسس اني مش قادر و عايز اروح انا همشي..... روان انا ماشي الغي كل المواعيد بتاعت النهارده
روان: حاضر
يوسف: ادخل
عمر: يوسف انا ماشي مش قادر و لغيت كل حاجه النهارده
يوسف: ماشي وانا شويه و هاجي
عمر: تمام
ـــــــــــــــــــــــــــــــــــــــــــــــ
ليلى: رناا اطلعي هاتي نورا و انزلي
رنا: حاضر
ليلى: كمال يلا عشان الغدا
كمال: جي حاضر
ــــــــــــــــــــــــــ
بعد ربع ساعه
ــــــــــــــــــــــــ
نورا: الحمدلله كلت الاكل حلو اوي
حنان: بالهنا و الشفا يحبيبتي
ليلى: و لسه في الحلو بعد اما تخلصوا كلكو
رنا بحماس: الله عاملين ايه هاا عملتو ايه
حنان: عملنا بسبوسه و كيكه بشكولاته و العاديه و بالبرتقان كمان
ريم: يااااه ايه الدلع ده
ليلى: أي خدمه
كمال: اما نشوف هيكونوا حلوين ولا لا يلا الحمدلله كلت خلينا ندوق بقا
حنان: عشر دقايق بظبط و كل حاجه هتنزل
ريم: وانا هجيب فيلم قديم نتفرج عليه لان شكلها هتبقا سهره
نورا: ايه رأيكو في فيلم اسماعيل ياسين في متحف الشمع؟
الجميع: حلو ده
ريم: هجيبه تقريبا كلنا بنحبه
ليلي: الكيكه و البسبوسة
حنان: و عصير نشربه و كمان شوية لب عشان نتسلى برضو
كمال: اطفي الانوار خلينا نعيش جو السينما شويه و اه اقفلي الستاير
رنا: حاضر
ريم: اهو لاقيته يلا يارنااا الفيلم هيبدأ
رنا بصوت عالي: لاااااا استني
نورا: صوتك وحش يبت اخرسي
رنا: شوفي صوتك الاول يختشي ولا احنا معانا الفنانه نانسي عجرم واحنا منعرفش
نورا: مش هرد عليكي عشان انا محترمه
ريم: بس يبت منك ليها خلينا نتفرج ماما هاتي حتة الكيكه دي
حنان: خدي يحبيبتي
كمال: البسبوسة حلوه اوي تسلم ايديكو
نورا: والكيكه خطيره
كمال: استني ادوقها... امممم لا فعلا حلوه اوي
رنا: ششش اسكتوا الفيلم بدأ
كمال: طيب يختي سكتنا
ــــــــــــــــــــــــــــــــــــــــ
ليلى: الحتة اللي جايه دي احسن حاجه في الفيلم
ضحكت نورا بصوت عالي: اسفه والله بس الحتة دي بتضحكني اوي
كمال ضحك عليها و قال: لا عادي يختي ولا يهمك الحمدلله اننا في البيت
ريم: ضحكتك دي فضيحه
نورا: الاه ما قولنا لامؤاخذه
رنا: شششش اسكتوا خليني اركز
كمال: ياريت بتركزي كدا في دراستك
رنا: مش هرد عليك يا كمال دلوقتي بعد الفيلم اسكتوا خالص
ـــــــــــــــــــــــــــــ
بعد ساعه
ــــــــــــــــــــــــــــــ
حنان: ياههه ضحكنا كتير اوي
ليلى: بجد اه بس الفيلم حلو اوي الصراحه
نورا: و غير الاكل تحفه
ريم: نجيب مسرحيه ولا خلاص كفايه
كمال: لا هاتي ده الواحد ما صدق اننا نتلم
حنان: وانا هقوم اعمل فشار
نورا: الله عليكي يحنان
رنا: نجيب مسرح مصر ولا حاجه تانيه
كمال: اه هاتيه
ريم: اوكيه استنوا..... اجيب اللي هي خمس نجوم
الجميع: اه
نورا بصوت عالي: يلاااااا يماماااا
حنان: جايه و الفشار اهو اتفضلو
ليلى: تسلم ايدك... شغلي يبت يا ريم
رنا: ششششش
نورا مسكت المخده و حدفتها عليها
رنا: اهه
نورا: بس بقا بس بقا اخرسي قرفتينا
كمال: احسن
رنا: ماشي يانورا الكلب
ريم: اسكتوا المسرحيه بدأت لولو هاتي شويه لب
ليلى: خدي يقلبي
ـــــــــــــــــــــــــــــــــــ
كمال: بجد علي ربيع دمه خفيف اوي
حنان: اه اوي
نورا: مرات عمي هاتي ونبي شويه فشار
ليلى: خدي يحبيبتي
كمال: استني استني بتسحبي الطبق بسرعه ليه هاتي شويه ليا انا كمان
ليلى: طبعا خد شويه اهم
كمال: تسلمي يحبيبتي
ـــــــــــــــــــــــــــــــــــــــــــــــ
في اوضه عمر
عمر بتفكير: ياترى نلبس ايه التيشيرت الاسود و و بنطلون چينز و شوز ابيض تمام حلو نروح ناخد دش سريع كدا و ننزل
ــــــــــــــــــــــــــــــــ
بعد ساعه
ــــــــــــــــــــــــــــــ
رغم ان اللبس بسيط بس كان شكله حلو اوي عليه
عمر : اخر حاجه البرفان و الساعه كدا فل اوي
يوسف: انت خارج ولا ايه
عمر: انت شايف ايه ايوه خارج
يوسف: عمر اوعى تكون رايح البار تاني
عمر ببرود: ايوه رايح
يوسف بعصبيه: عمر كفايه القرف ده يبني ارجع عمر بتاع زمان ارجع صلي تاني و انزل چيم و العب رياضه زي زمان
عمر: اديك قولت زمان ان شاء الله نحاول نرجع زي زمان بس اه كدا كدا لسه بلعب رياضه
يوسف: بجد والله و بنسبه لصلاه ايه نظامها كتر خيرك والله
عمر: ان شاء الله يا يوسف انا ماشي سلام
يوسف: ربنا يهديك
ـــــــــــــــــــــــ
بعد ساعه
ـــــــــــــــــــــــــ
عمر: خد مفاتيح العربيه اركنها هناك يلا........ اهه هيفضلوا يبصولي بقا وعمر عايزه ارقص معاك عمر مش عارفه ايه و هي مش ناقصه وجع دماغ...... هات كاس يبني خلينا ننسى الهم اللي احنا فيه
رانيا بدلع: وحشتني
عمر بقرف: وانتي كمان بس رانيا مش عايز حد جمبي النهارده ولا يتكلم معايا
رانيا: وهو انا حد يحبيبي
عمر بعصبيه و صوت عالي: قولت مش عايز حد انتي مش بتفهمي
رانيا بخوف: حاضر حاضر هبعد
عمر: ناقصه قرفك انتي كمان
رانيا: شكله متعصب النهارده علي الاخر
عمر في نفسه: وحشتيني اوي شايفه من بعدك وصلت لايه شايفه حالي عامل ازاي عدا سنه علي غيابك ياريتك كنتي معايا دلوقتي
ـــــــــــــــــــــــــــــــــــ
فلاش باك قبل سنه
ـــــــــــــــــــــــــــــــــ
عمر: خلاص يحبيبتي هانت كلها شهرين ونتجوز
داليا: بجد مش مصدقه اخيرا
عمر بإبتسامة: ولا انا مصدق.. صحيح جبتي التحاليل
داليا: لا لسه وبعدين يعني متخفش اوي كدا تلاقيها حاجه بسيطه اوي
عمر: ان شاء الله يلا يحبيبي نروح بقا وانا هروح اشوفلك التحاليل
داليا: اوكيه يلا
ــــــــــــــــــــــــــــــ
عمر: يوسف تعالى معايا نروح لدكتور اللي راحتله داليا و نشوف التحاليل
يوسف: يلا
ــــــــــــــــــــــــــــ
عمر: ازي حضرتك يادكتور انا جي عشان تحاليل داليا
الدكتور: اه ده انا لسه هشوفها دلوقتي
يوسف: طب شوف يادكتور
الدكتور: انا اسف يا استاذ عمر الانسه داليا عندها سرطان الدم
عمر بصدمه: مين دي اللي عندها سرطان الدم اكيد التحاليل غلط يعني ايه سرطان ده مش فاهم انت عبيط ولا ايه
الدكتور: انا بعتذر لحضرتك جدا الاحسن انك توديها المستشفى بسرعه عشان تشوف هي في انهي مرحله قبل فوات الاوان عن اذنكو
عمر: يوسف هو الدكتور ده عبيط ولا ايه داليا ازاي يعني مش فاهم
يوسف: وحد الله يا عمر قوم قوم خلينا نشوف هنعمل ايه
عمر: يوسف داليا مش هتموت صح
يوسف: لا لا ان شاء الله هتخف بس تعالى معايا يلا
عمر: سوق انت مش قادر
يوسف: حاضر
عمر: طب هقولها ايه اروح اقولها عندك سرطان تعالي معايا اتعالجي ولا اجبهلها ازاي
يوسف: اهدى يعمر هتتحل ان شاء الله هي لازم تعرف
عمر: لا لا مش هقدر اقولها دي بتتصل ياريتني ما قولتلها رايح اجيب التحاليل هقولها ايه دلوقتي
يوسف: هات كدا... الو ايه يا داليا بقولك ايه احنا جايين استني في الجنينه سلام
عمر: يوسف مش هقدر
يوسف: لازم يعمر تعرف
ــــــــــــــــــــــــــ
داليا: من غير ما تتكلموا انا عرفت كلمت الدكتور دلوقتي و قالي كل حاجه
عمر: حبيبتي متخفيش هتخفي ان شاء و هنعمل فرحنا و هنفرح كلنا
داليا: ملهاش لازمه يعمر
عمر: لا ليها يلا تعالي معايا
داليا بعصبيه: مش هروح معاك مش عايزه
عمر: وانا بقولك هتيجي يلا قدامي
داليا: سيب ايدي يعمر اوعى بقولك مش عايزه
عمر ببرود: ششش اركبي و انتي ساكته اطلع يا يوسف
ـــــــــــــــــــــــــــــ
بعد ساعه
ـــــــــــــــــــــــــ
عمر: اتفضلي يا دكتوره التحاليل اهي شوفي هتعملي ايه
الدكتوره: اتفضلي معايا عشان نعمل كام أشعه
داليا بخوف: لا مش عايزه عمر عشان خاطري يلا نروح
عمر: متخفيش انا جمبك عشان بس نطمن عليكي يلا يحبيبي روحي
داليا: حاضر
ـــــــــــــــــــــــــــ
بعد اربع ساعات
ـــــــــــــــــــــــــــــ
الدكتوره: اتفضلوا انا عملت كل حاجه عشان نعرف مدى انتشار السرطان و هي في انهي مرحله دلوقتي و ان شاء الله بعد يومين نشوف
عمر: تمام شكرا
ــــــــــــــــــــــــــــــ
بعد يومين
ــــــــــــــــــــــــــــــــ
عمر: يوسف يلا نروح لدكتوره
يوسف: يلا.... مش هناخد داليا
عمر: لا
يوسف: ماشي
ـــــــــــــــــــــــــــــــ
بعد ساعه
ـــــــــــــــــــــــــــــ
عمر: ازي حضرتك يادكتوره هااا كل حاجه مظبوطه صح اكيد هي لسه في المرحله الاولى و هتخف بسرعه
الدكتوره بأسف: انا اسفه يا استاذ عمر بس
عمر: بس ايه
الدكتور: الانسه داليا في اخر مرحله و السرطان انتشر في الجسم بشكل كبير و في حاله زي كدا العلاج و نسبة انها تخف ضعيفه جدا انا اسفه
عمر: يعني ايه يعني اخر مرحله و العلاج صعب طب طب تسافر بره تتعالج يعني اكيد بره في تطور اكتر وكدا يعني انا مستعد اخيلها تسافر
الدكتوره: انا اسفه بس حتى لو سافرت بره مفيش فايده السرطان انتشر بشكل كبير جدا في جسمها اتمنى تفضل جمبها الفتره دي و تحاول تفرحها بحاجات تكون بتحبها بعد اذنك
يوسف: هااا يعمر الدكتوره قالت ايه هتبدأ علاج امتى
عمر: مفيش علاج خلاص
يوسف: ازاي يعني مفيش علاج مش فاهم
عمر خد نفس عميق: داليا في المرحله الاخير و السرطان انتشر جدا في جسمها و العلاج دلوقتي شبه مستحيل يعني بمعنى اصح داليا في اخر ايامها
يوسف بصدمه: اخر ايامها؟ طب تسافر بره يمكن في حل
عمر: الدكتوره قالت حتى لو سافرت مفيش حد هيقدر يعمل حاجه يلا يا يوسف نروح انا مخنوق
يوسف: يلا
ـــــــــــــــــــــــــ
بعد شهر
ــــــــــــــــــــــــــــ
يوسف: ايهه ماتت لا حول ولاقوة الابالله طب هقول لعمر الخبر ده ازاي يماما
فاطمه: والله يبني مش عارفه ده روحه فيها ربنا يرحمها و يغفرلها انا هطلع اقوله
عمر: ادخل.. ايه يماما في حاجه
فاطمه: عمر يحبيبي عايزاك في حاجه
عمر: قولي يحبيبتي
فاطمه: بص يبني داليا ماتت
عمر: داليا ماتت ازاي يعني يماما بالله عليكي خفي الهزار شويه انا اصلا رايح لداليا دلوقتي
فاطمه: لا حول ولاقوة الابالله وحد الله يبني
عمر: لا إله إلا الله بس داليا عايشه انا كنت بكلمها بليل و مكنش فيها حاجه انا هروح اكيد عامله فيا مقلب و قالتلك اشتركي معايا بس والله لوريها علي المقلب السخيف ده
فاطمه: عمر فوق داليا ماتت افهم بقا ماتت ادعلها يحبيبي ادعلها الجنازه بعد صلاة العصر
عمر: ماتت و سابتني لوحدي دي وعدتني يماما انها مش هتسبني تقوم تسبني كدا
فاطمه: قضاء ربنا يحبيبي قوم يلا قوم عشان نروح الجنازه يلا
عمر بعصبيه: جنازة ايه انا مش رايح في حتة انتو مجانين داليا لسه عايشه بقولك انا كنت بكلمها بليل اوعي من قدامي يوسف يوسف ايه اللي امك بتقوله ده داليا ايه اللي ماتت
يوسف: ربنا يصبرك ادعلها بالرحمه
عمر: ده انتو مجانين بجد بقا اتجننتو رسمي اوعى انا هروح البيت عندها
يوسف: عمر مينفعش اللي بتعمله ده اهدى كدا يلا عشان الجنازه يعمر يلا يحبيبي
ــــــــــــــــــــــــــ
في الجنازه
ــــــــــــــــــــــــــــ
عمر في نفسه: مش انتي وعدتيني انك تفضلي معايا ليه روحتي و سبتيني بوعدك اني مش هحب حد بعدك و هفضل احبك و مفيش واحده تقدر تاخد مكانك ربنا يرحمك يحبيبتي
ـــــــــــــــــــــــــــ
رانيا: عمر عمر انت نمت ولا ايه
عمر: هااا لا منمتش كنت بفكر في حاجه كدا
رانيا: انت عينك مدمعه ليه
عمر بعصبيه: وانتي مالك امشي من هنا يلا قومي
رانيا: حاضر حاضر
عمر: هات كاس تاني...... انا هقوم اروح في حتة تانيه المكان زفت النهارده...... انت يبني هات العربيه اما نشوف هنروح فين
ــــــــــــــــــــــــــــــــــــــــ
نورا: اههه السهره كانت حلوه اوي اوي
ليلى: بشكل مش طبيعي لدرجه ان الوقت عدا و الساعه بقت واحده
كمال: يلا بقا علي النوم و تسلم ايديكو علي الحاجات الحلوه دي يلا تصبحوا علي خير
الجميع: وانت من اهل الخير
نورا: يلا احنا كمان ننام بقا مش قادره
ريم: يلا
ــــــــــــــــــــــــــــــــــــــــ
عمر خد نفس عميق: الجو حلو اوي النهارده النيل و السما ياريتك كنتي معايا وحشتيني اوي ربنا يرحمك كان اكيد دلوقتي عندنا اطفال و اجي من الشغل الاقيكي حضرتي الغدا كنت هجبلك هدايا كتيره و كل يوم خروجه شكل كنت عايز اعمل معاكي ذكريات كتيره اوي بس انتي قررتي تسبيني و تمشي حتى مشوفتكيش ولا مره في احلامي نفسي اشوفك حتى لو مره واحده بس..... جرح فراقك لحد دلوقتي معلم جوايا اكنك لسه ميته امبارح بظبط ربنا يصبرني...... ايه يا يوسف
يوسف: انت فين يبني انا قلقان عليك
عمر: انا جي خلاص سلام
يوسف: سلام
ـــــــــــــــــــــــــــــــــــ
يوسف: اخيرا جيت كنت فين كل ده
عمر ببرود: كنت في البار و بقولك ايه دماغي وجعاني مش قادر انا هطلع انام تصبح على خير
يوسف: استغفر الله العظيم ربنا يهديك و ترجع عن اللي بتعمله ده
ـــــــــــــــــــــــــــــ
تاني يوم
ـــــــــــــــــــــــــــــــ
ليلى بصوت عالي: يلا يجماعه الفطار
الجميع: طيب
ـــــــــــــــــــــــــــــــــــ
كمال: الحمدلله كلت بقولك ايه يا ليلى انا هتصل بعمر اخليه يجي و يتغدا معانا لان المره اللي فاتت زي ما انتي عارفه مخلصتش شغل معاه
ليلى: ماشي يحبيبي
نورا بصوت واطي: استغفرالله العظيم مش هقدر استحمل البارد ده مره كمان ده انسان عباره عن تلاجه متحركه
ــــــــــــــــــــــــــ
عمر بصوت عالي: يوسف اعمل حسابك هنروح لكمال بيه عشان عزمنا علي الغدا النهارده عشان نكمل الشغل
يوسف: ماشي امك علي وصول هاااا
عمر: ماشي
ــــــــــــــــــــــــــــــــــــــــ
رنا: بابا ينفع نخرج انا و ريم و نورا
كمال: علي فين
رنا: ممكن نروح نشتري هدوم و حاجات كدا يعني
كمال: ماشي يحبيبتي بس متتأخروش
رنا: عيب عليك مش هنتأخر بت يانورا انتي يبتتت يلا عشان نخرج قومي يختي منك ليها
نورا: اوكيه
ــــــــــــــــــــــــــــــــــــــــ
عم جمال: حمدالله بالسلامه يست هانم
فاطمه: الله يسلمك يعم جمال خلي الشباب يدخلوا الشنط دي علي جوه
عم جمال: من عيني يا هانم
يوسف: ماما وحشتيني اوي
فاطمه: وانت كمان يحبيبي وحشتني اوي فين اخوك
يوسف: نازل دلوقتي..... ازيك يبت يملوكه وحشتيني
ملك: وانت كمان اوي
يوسف: فين العقربه الصغيره
مريم: انا هنا وبعدين انا مش عقربه يخويا بدل ما تقولي وحشتيني يبت يمريومه
يوسف: يختى حلوه انتي قموصه لا وحشتيني والله
مريم: وانت كمان وحشتني اوي والله
عمر: ازيك يماما عامله ايه
فاطمه: الحمدلله يحبيبي رجعت امتى
عمر: من كام يوم بس ازيكوا يدوشه
مريم: احنا دوشه يعم ماشي
ملك: سبيه يختي سبيه اه مش بقا مدير شركه دلوقتي لازم يتكبر علينا
عمر: اه رجعنا لتمثيل و الدراما كوين
يوسف: مش هنخلص
عمر: بجد اه يلا يماما يحبيبتي احنا عندنا شغل اول لما نخلص هنيجي علي طول
فاطمه: ربنا معاكوا يحبايبي
يوسف: يارب يحبيبتي
ــــــــــــــــــــــــ
عمر: تعالى الاول نروح كام مكان كدا من اللي احنا اتفرجنا عليهم عشان ننجز وقت
يوسف: طيب يلا
ــــــــــــــــــــــــــــ
رنا: مبسوطه اوي اننا خرجنا مع بعض
ريم: وانا كمان
نورا: تعالو نروح المحل اللي هناك ده
رنا: يلا
ريم: الهدوم هنا حلوه
نورا: اه جدا يلا انا هدخل اقيس
ريم و رنا: انا كمان
ـــــــــــــــــــــــــــ
بعد ساعه
ـــــــــــــــــــــــــــــ
رنا: اشترينا حاجات حلوه اوي
نورا: جدا
احد الحراس: هاتي عنك يفندم
نورا: اتفضل
رنا: فعلا الشنط كتيره اوي تعالو معايا عايزه اجيب شامبو و حاجات لشعري
ريم: يلا
نورا: رنا بصي ده كدا شوفيه مقاطعه ولا لا
رنا: طيب استني امم لا هاتيه
نورا: اوكيه
ــــــــــــــــــــــــــــــــــ
ريم: معلش ممكن بس تاخد شنطه يا استاذ اه شريف
شريف: هاتي يفندم يبني خد باقي الشنط و حطها في العربيه يلا
رنا: يلا ميكب
نورا: يلا بينا
ريم: احنا كدا هنفلس
رنا: لا لا متخفيش يلا بس
ريم: الحج هيولع فينا يلا يختي
ــــــــــــــــــــــــــــــ
بعد ساعه
ــــــــــــــــــــــــــــ
نورا: اعتقد كدا كفايه الشنط بقت كتيره اوي العربيه اتملت
شريف: خد يبني الشنط دي و علي العربيه
رنا: اتفضل... يلا نروح خلاص مش قادره
ريم: ولا انا رجلي وجعتني
نورا: طيب يلا
رنا: نورا عمر جي
نورا: اه اهلا وسهلا
ريم: يجدع
نورا: لا يحبيبتي منك ليها وبعدين انا ابص لده ده بارد ده تلاجه ماشيه علي الارض بس بس ده انا مش بطيق اسمع اسمه اسكتي
رنا: بكره هنشوف
نورا: تؤ انسى يحلوه منك ليها
ــــــــــــــــــــــــــــ
عمر: حلو المكان ده يلا نروح بقا عشان نتفق
يوسف: يلا
ــــــــــــــــــــــــــ
بعد ساعه
ــــــــــــــــــــــــ
الباب بيخبط
كمال: انا هفتح خليكي...... اهلا يعمر ازيك يا يوسف عاملين ايه اتفضلوا
عمر: الحمدلله بخير حضرتك عامل ايه
كمال: الحمدلله بقيت احسن
يوسف: يارب علي طول
كمال: تعالو ندخل المكتب لحد اما الاكل يخلص
عمر: تمام ماشي
ــــــــــــــــــــــــــ
حنان: ايه يبني كل الشنط دي ماشاءالله
رنا: دي الحاجات اللي جبناها يطنط
حنان: بس ده كتير
رنا: عادي عادي حاجات ضروريه متخفيش
نورا: انا هطلع عشان ارتب الهدوم يلا يا ريم
رنا: وانا كمان
حنان: طيب يحبايبي
ـــــــــــــــــــــ
كمال: يعني كدا المكان تمام
يوسف: اه كويس
كمال: طب الحمدلله كدا اتفقنا
عمر: ايوه شكرا لحضرتك تعبناك معانا جدا
كمال: لا عادي ولا يهمك كدا الشغل خلص نقضي اليوم بقا مع بعض
عمر: اللي حضرتك تشوفو ليا الشرف طبعا
كمال: يلا نطلع
يوسف: اتفضل
ليلى: خلصتو شغل
كمال: اه الحمدلله فين البنات
ليلى: فوق هينزلو بعد شويه
كمال: تمام ماشي... صحيح هو ابوك مش ناوي يرجع
يوسف: والله يا كمال بيه محدش فينا عارف بس ممكن يرجع قريب ان شاء الله
كمال: ان شاء الله
ـــــــــــــــــــــــــــــــــــ
رنا: بت انتي و هي يلا ننزل
نورا: يلا
ـــــــــــــــــــــــــ
عمر بصوت واطي: مش هنخلص بقا كل شويه هشوفها يخربيت كدا
نورا بصوت واطي: يخربيت القرف التلاجه جت يارب صبر من عندك
رنا: اهلا بيكو نورتو
يوسف: بنورك
عمر: شكرا
كمال: جيتوا بسرعه يعني
ريم: ايه بسرعه ده احنا بقالنا ساعتين بره و كل ده بسرعه
كمال: اه والله جيتو بسرعه
نورا: صلي على النبي في قلبك بس احنا روحنا المحلات كلها لحد اما رجلينا وجعتنا
كمال: عليه افضل الصلاة والسلام المهم مش جبتو اللي عايزينو
ريم: اه الحمدلله يعمي
كمال: الحمدلله..... هروح اشوف وصلو لفين
نورا بتبص لعمر بقرف
عمر: في حاجه
نورا: افندم
عمر ببرود: اصلك بتبصي اوي في حاجه عارف اني شكلي حلو والله
نورا: ايه يحبيبي ايه يروحي حلو يعم اتنيل بلا خيبه هبصلك علي نيلة ايه يعني
عمر: رأيك فيا ميهمنيش خالص علي فكره
نورا: نفسي افهم انت بارد كدا ازاي يعني يا استاذ يوسف ده اخوك صح مستحمله ازاي ونبي
ضحك يوسف و قال: والله العظيم ضحكتيني ونبي يختي مش عارف بس اخويا بقا نقول ايه
عمر: ظريف اوي منك ليها خفي شويه هاا
نورا: معلش يعسل
عمر: مستفزه
نورا: مش اكتر منك والله اقسم بالله مفيش حد بارد و مستفز غيرك
رنا: بس انتو الاتنين ايه خناق خناق احنا مش في حضانه هنا
يوسف: صدعتونا
ريم: سيبيهم ونبي خناقتهم لطيفه
نورا: انا هسكت
عمر: يبقا احسن عشان صدعتيني
يوسف: استاذه رنا معلش ممكن تدليني علي الحمام
رنا: اه اتفضل معايا
يوسف: شكرا
رنا: الحمام اهو
يوسف: طب عايز منديل انا بس هغسل ايدي
رنا: اوكيه... اتفضل
يوسف: علي فكره انتي لطيفه اوي
رنا: شكرا بعد اذنك
يوسف: شكلي وقعت ولا ايه قمر والله
ــــــــــــــــــــــــ
كمال: يلا يشباب عشان الاكل اتفضلو
ــــــــــــــــــــــــ
عمر: تسلم ايديكو الاكل حلو الحمدلله انا كلت
حنان: بالهنا و الشفا يبني
الجميع: الحمدلله
ليلى: بالهنا و الشفا
حنان: يلا يا ليلى نشيل بنات يلا تعالو شيلو معانا
ليلى: اسأليهم الشاي بتاعهم هيكون ايه يا نورا
نورا: حاضر.... الشاي بتاعكو ايه
عمر: انا و يوسف مظبوط
كمال: وانا كمان يحبيبتي مظبوط
نورا: اوكيه..... مرات عمي كلهم مظبوط
ليلى: تمام استني عشان تاخديه
نورا: حاضر..... هاتي عنك... اتفضلو الشاي
عمر: شكرا
نورا وهي بتبصله: العفو
كمال: ريم معلش يحبيبتي في ورق علي المكتب هاتيه
ريم: حاضر...... هو ده يعمي
كمال: اه يحبيبتي تسلمي
ـــــــــــــــــــــــــــ
بعد نص ساعه
ـــــــــــــــــــــــــ
عمر: كدا اتفقنا خلاص
كمال: ايوه مبروك عليكو
يوسف: الله يبارك في حضرتك لازم نمشي دلوقتي
كمال: طب خليكو شويه كمان
عمر: لا معلش مره تانيه
كمال: طيب مع السلامه
عمر: سلام اههه معلش تليفوني
يوسف: يلا يعمر
عمر: يلا
ــــــــــــــــــــــــ
رنا: الجو حلو اوي
نورا: اوي اوي
ريم: غروب الشمس حاجه حلو اوي
نورا: اههه اخيرا عمر مشي
ريم: عرفتي منين
نورا: انتي مسمعتيش صوت العربيه ولا ايه
ريم: لا مخدتش بالي طب يلا ندخل جوه
رنا: يلا
ــــــــــــــــــــــــ
عمر: البت نورا دي مستفزه
يوسف: والله لطيفه انت اللي بتعصبها و بتخليها تتعامل معاك كدا
عمر: بس بس انا مش عايز اتعامل معاها اصلا يلا نروح مش قادر
ـــــــــــــــــــــــــــــ
بعد نص ساعه
ـــــــــــــــــــــــــ
عمر: انا هطلع يا امي هاخد دش و نازل تاني
فاطمه: ماشي يحبيبي
عمر: لازم يعني ترن دلوقتي اووف..... الو مين
ايهاب: انت اللي مين
عمر: انت اللي متصل انت عبيط
ايهاب: نورا فين
عمر بإستغراب: نورا؟..... يخبر ابيض التلفونات اتبدلت يخربيت القرف
ايهاب: انت يعم رد عليا نورا فين وبعدين انت مين
عمر: وانت مالك انا مين عايز نورا في ايه
ايهاب: حاجه خاصه بيني و بينها
عمر: حاجه خاصه ازاي يعني لا قولي انا الحاجه الخاصه دي
ايهاب: يعم وانت مالك
عمر: اقولك ايه مش عايز وجع دماغ سلام...... و ده مين ده كمان يست نورا استغفر الله العظيم
ـــــــــــــــــــــــــــ
بعد ربع ساعه
ــــــــــــــــــــــــــ
عمر: ده انت بارد ياض ايه كل الاتصالات دي.... الو نعم عايز ايه
ايهاب: انت برضو بقولك عايز نورا قولها ايهاب عايزك
عمر بيحاول يتمالك نفسه: نورا مش هنا و خف اتصالات شويه غور
ايهاب: ياترى مين ده يانورا ايه حد جديد اما نشوف ايه حكايتك
عمر بعصبيه: مين ايهاب ده كمان و عايز منها ايه و يتصل بيها ليه اصلا... يعم وانت مالك انا هنزل احسن
ـــــــــــــــــــــــــــ
نورا بصوت عالي: رنا مشوفتيش تليفوني
رنا: هتلاقيه علي الطرابيزة
نورا: ماشي...... هو انا شيلت الباسورد و انا مش فاكره ولا ايه وبعدين انا مكنتش حطه الصوره دي ثواني بس كدا ده انا حطيت تليفوني جمب تليفون عمر يخرابي يما يخربيت كدا غبيه
ريم: في ايه يبت اتجننتي بتكلمي التليفون
نورا: اتجننت ايه بس التليفونات اتبدلت
رنا: بتاعت مين
نورا: تليفوني و تلفونه
ريم بغباء: مين هو
نورا بعصبيه: مش وقت غباء عمر قصدي علي عمر
ريم: اهههه فهمت
رنا: طب اكتبي رقمك و رني عليه
نورا: طيب تعالو نطلع
ريم: يلا
نورا: يخرابي لو ايهاب رن او بعت حاجه انا عايزه تليفوني دلوقتي
ريم: ان شاء الله لا يعني بس رني يلا
نورا: طيب
ـــــــــــــــــــــــــــ
عمر: مش هنخلص من امه بقا ولا ايه.... الو
نورا: الو انا نورا
عمر: نعم
نورا: نعم ايه التلفونات اتبدلت يا استاذ بعد اذنك تعالى دلوقتي انا عايزاه
عمر: عارف مش فاضي دلوقتي
نورا: يعني ايه مش فاضي
رنا بصوت واطي: اتحايلي عليه
نورا: عشان خاطري ممكن تجيبه دلوقتي معلش
عمر: طيب
نورا: باي
عمر: باي
ريم: قالك ايه
نورا: جي
ــــــــــــــــــــــــ
عمر: معلش يا امي هطلع بس ساعه كدا وجي
فاطمه: رايح فين يحبيبي
عمر: شغل يحبيبتي ساعه بظبط وهاجي يلا سلام
فاطمه: سلام يبني
ــــــــــــــــــــــ
بعد نص ساعه
ـــــــــــــــــــــ
عمر: الو بقولك ايه انا داخل علي البيت اهو استنيني في الجنينه من ورا
نورا: حاضر...... انا هنزل ماشي عشر دقايق و هطلع تاني
رنا: ماشي بسرعه
ـــــــــــــــــــــــــــ
عمر: هاتي التليفون
نورا: اتفضل هات بقا تليفوني
عمر: اتفضلي
نورا: شكرا تعبتك معايا تصبح على خير باي
عمر: نورا متنسيش ترني علي ايهاب اصله عايزك في حاجه خاصه
نورا بصدمه وتوتر: مين ايهاب ده انا
عمر بمقاطعه: نورا متكدبيش انا حبيت بس اقولك احسن حبيبك يقلق او حاجه
نورا: حبيبي مين هو مش حبيبي
عمر ببرود: ميخصنيش في حاجه دي حياتك انتي حره بس حبيت اقولك يعني سلام
نورا: سلام يعمر بس بما انك مش عارف حاجه و مش فاهم متحكمش عليا بالوحش سلام
عمر: ملكش دعوه يعمر حببها مش حببها ملكش فيه تكلمه بقا هي حره اهم حاجه اننا منتعملش معاها تاني... اووفف طب انا مضايق ليه دلوقتي ما تكلمه انا مالي
ـــــــــــــــــــــــــــ
رنا: هااا
نورا: اهو جبته
ريم: مالك طيب
نورا: شكل ايهاب كلم عمر
ريم: قاله ايه
نورا: معرفش بس عمر قالي متنسيش تكلمي ايهاب اصله عايزك في حاجه خاصه وبعدين قولتله مين ايهاب قالي متكدبيش دي حياتك وانتي حره انا قولت اقولك عشان حبيبك ميقلقش عليكي
رنا: وبعدين
نورا خدت نفس عميق: حاولت اقوله ده مش حبيبي قالي مليش دعوه ميخصنيش في حاجه قولتله بما انك مش فاهم و مش عارف حاجه متحكمش عليا بالوحش و مشي بعدها
ريم: طب انتي مضايقه ليه دلوقتي هو ميخصهوش فعلا و المفروض اصلا متديش مُبرر
نورا: لا مش مضايقه وبعدين عادي يعني بس اسكتي
ريم: شكلك هتقعي في الاخر
نورا: لا اسكتي بقا
ـــــــــــــــــــــــــــ
فاطمه: ايه يحبيبي رجعت بسرعه يعني
عمر: ما قولتلك هرجع بسرعه
ملك: و روحت فين بقا
عمر: بس يبت
ملك: ماشي ماشي شكرا يلا يبت يمريم نقوم ننام
مريم: يلا يا اختشي
فاطمه: يلا يحبيبي قوم نام انت كمان و الصبح نتكلم
عمر: حاضر
ـــــــــــــــــــــــــــــ
في اوضه عمر
عمر: مش قادر خلاص ارن عليها لا وارن ليه و هو انا حبيبها استغفر الله العظيم انا هحاول انام
ـــــــــــــــــــــــــ
ريم: بطلي فرك بقا في السرير زهقتيني عايزه انام
نورا: بحاول والله مش عارفه نامي ملكيش دعوه بيا
ريم: اخرسي بقا
نورا في نفسها: ابعتله مسدچ يعني اشكره فيها اني جبته و كدا يلا علي الله..... مساء الخير حبيت اشكرك مره تانيه انك جيت
عمر: يارب ميكونش اللي في بالي يارب للاسف اللي في بالي..... العفو علي ايه مفيش أي تعب
نورا: ممكن اسألك سؤال
عمر: قولي
نورا: هو ايهاب قالك ايه بظبط
عمر: سيرة الزفت ده استغفر الله العظيم يارب...... مقاليش حاجه يانورا قالي انه عايزك في حاجه خاصه وبس
نورا: طيب شكرا ليك مره تانيه تصبح على خير
عمر: وانتي من اهل الخير
ـــــــــــــــــــــــــــــــ
الشخصيات الجديده
فاطمه(ام عمر و يوسف): عندها 47 سنه، شعرها بني غامق، بشرتها قمحية، وملامح وشها دقيقة وناعمة. عندها عيون بني فاتح، نظرتها دايمًا حنونة ومليانة حب
شخصيتها هادية ومتفهمة، بتحب تقعد مع ولادها وتسمعهم، حبوبة وبتحب تساعد الناس، كل اللي يعرفها بيحبها ويحترمها.
ملك الرشيدي: عندها 21سنه، شابة مليانة حياة ونشاط. شعرها طويل وناعم، لونه بني فاتح، . بشرتها فاتحة، وعندها عيون خضراء، شخصية اجتماعية، بتحب تخرج مع أصحابها وتروح الحفلات، عندها شغف بالفن والموسيقى، وغالبًا بتلاقيها بتسمع أغاني أو بتعزف على الجيتار. بتدرس في كلية فنون جميله وبتسعى لتحقيق أحلامها بكل شغف وطموح.
مريم الرشيدي: عندها 19سنه، سنة، شكلها بيدل على حيويتها وشبابها. شعرها بني فاتح وطويل، بشرتها قمحية صافية، وعيونها عسلي واسعة، نظرتها بتبين فضولها وحبها لاستكشاف كل جديد، شخصية مرحة واجتماعية، بتحب تخرج وتتعرف على ناس جديدة، عندها شغف بالموسيقى والرقص، وغالبًا بتشارك في حفلات الجامعة. بتدرس تصميم الأزياء نفسها تشتغل في شركةاخوها، طموحة ومليانة طاقة، ودايمًا بتحب تكون في وسط الأحداث وتعيش حياتها بكل حيوية.
ـــــــــــــــــــــــــــــــ
