رواية بنات الاسد الفصل السابع 7 بقلم السلطانة نور القمر
#بنات_الأسد
#الفصل_السابع
دخلت جيسي وفهد وآوس و وراهم فريق طبي كامل جاهز بكل المعدات و الخادمه قالت ليهم علي المكان اللي فيه الاوضه و يدخلوا الاوضه يلاقوا نوران نايمه علي السرير ونور قدامها قاعده واول ما الشباب يشوفوهم يلاقوا التلاته مش بيقلوا جمال عنهم جيسي تروح علي نوران وتحضنها
جيسي : انا اسفه سامحيني والله دورت كتير اسفه
نوران مسحت علي شعرها : يا قلبي انا والله كويسه خلاص والله كلنا تمام خلاص بقي يا جيس
جيسي بدموع : يعني انتي مش زعلانه مني
نوران : لا وانا عمري ما ازعل منك
أما فهد أول لما شاف نور راح حضنها و رفعها من وسطها ونور حضنته جامد و مسك راسه بايدها و غمضت عيونها براحه
فهد : نوري وحشتيني
نور : وانت كمان فهدي كنت مستنيه اشوفك تاني
فهد : وانا اهو قدامك يا عمري حمد لله علي سلامتك كنت هتجنن عليكم
( ادهم اتعصب جامد وزين مسك أيده و بص ليه بحزم أنه يسكت ادهم بص ليه بضيق وسكت و لكن من جوا بيغلي )
+
( بعد ما جيسي اطمنت علي نوران راحت لنور و خدتها من فهد و حضنتها وفهد راح لنوران و قعد جنبها و مسك أيدها و بص ليها بابتسامه )
فهد بهزار : طب اقول ايه بالمنظر ده الف سلامه طب بزمتك ديه المره الكام اللي اجي في مشكله اكبر من التانيه والاصابات اسوا انتوا ايه مش بترحموا
نوران ضحكت بمرح : مش هنبقي نبات اسد لو حياتنا مش فيها اكشن ما انت عارف
فهد ضحك وحضنها : حمدالله علي سلامتك
نوران بحب اخوي : الله يسلمك
سيف كان عايز يولع فيهم بس مش هو اللي يبين انفعالاته قدام حد و كمان لسه مش متاكد انها هي و سكت بيتابع بصمت
آوس : حمد لله علي السلامه
نور : وحشتني يا اوس
آوس حضنها : عمري يلهوي حتي وانتي تعبانه عسل يخرب بيت كدا
نور بضحك : طول عمري يا ابني بس البعيد اعمي بعيد عنك
آوس ضحك : كدا اتأكدت انك بخير
آوس بمعاكسه لنوران وهي ضحكت : قمر يا بنتي قولتلك ميت مره اتجوزيني وانتي مش موافقه
نوران ضحكت : وهتتجوز واحده بالمنظر المبهدل ده
آوس : قطع لسان اللي يقول كدا ده انتي عسل ذي امك حتي وانتي تعبانه ناس ....
جيسي قاطعته بحده و خصوصا انهم مش لوحدهم و هي عارفه اوس لكن الباقي لا : آوس
اوس سكت و بص ليها بابتسامه بلهاء و هي بصت ليها بتحذير لالتزام حدوده
فهد بابتسامه : دكتور دايموند تقدر تعمل شغلك
دايموند بعمليه : تمام مستر فهد بس اذا سمحت عايزه ابقي مع المرضي مع الفريق الطبي بتاعي
سيف بهدوء : مافيش مشاكل اعمل الاهم ليهم
و بص لإخوات و فهموا قصده ايه و خرجوا سوا عشان ياخد مساحته الكافيه معاهم بدون إزعاج
جيسي بأمتنان : أنا مش عارفه اشكركم بجد ازاي علي اللي عملتوه معاهم
سيف : ولا يهمك المهم انهم بخير وحمد لله علي سلامتهم
فهد : الله يسلمك بجد شكرا ليكم انتوا انقذتوا حياتنا معاها مش بس هما
ادهم باستغراب : للدرجه ديه
آوس بتأكيد : واكتر من كدا احنا من غيرهم مش كاملين واحنا بنكمل بعض
ياسين : بس انا مش اعرف غيرك مش انت آوس الوجداني مش كدا
اوس بابتسامه ساحره : اه أنا اوس الوجداني ياسين بيه ديه بتكون اختي جيسي الوجداني و فهد السوهاجي
سيف : اه اهلا وسهلا انتي بقي صاحبه شركات علمدار بتاعت الاعلانات والديكور
جيسي : اه أنا
زين هو بيبص عليها بتفحص و صدمه من صغر سنها اللي كان مش متوقع ليه ذي ما بيسمع فكر ان الناس بتبالغ في كلامهم عنهم : بس انتي صغيره اوي
جيسي ضحكت : مش اوي أنا عندي 27 سنه
ادهم : لا والله يا يعني سني
جيسي : اممممم تقريبا كدا علي العموم شكرا مره تانيه
ياسين بسخريه : بس بيقولوا عليكي مغروره ومش بتشكري ولا بتعتذري
جيسي : انت أنقذت حياتي معاهم وده اقل حاجه بس ده مش اسمه غرور ده اسمه ثقه طالما مش بغلط يبقي مش بخاف عشان كدا مش بقول الكلمتين دول اللي نادر علي رائيك
نفس الوقت قطع كلامهم خروج الدكاتره المشرفين علي حالتهم جيسي راحت في اتجاه دايموند
{مترجم للعربي من الاماني }
جيسي اتكلمت معاه بالالماني بطلاقه : اخبارهم ايه دكتور دايموند
دايموند : هم دلوقتي كويسين وواضح أن في حد كان بيهتم بيهم بس نور هانم هتعمل علاج طبيعي هي و نورين هانم عشان الكسور اللي عندهم متعملش تأثير سلبي عليهم بعد كدا نوران هانم كويسه جدا و علي فكره نور هانم تقدر تفك رجلها و أيدها و احنا عملنا كدا بس لازم تعمل علاج عشان تمارس حياتها عادي لكن تقدر تمشي عليها كويس
آوس : يقدروا يسافروا و الطياره خاصه وكل الرعايه هتبقي موجود هناك
دايموند : مافيش مشكله وبتمني ليهم الصحه الدائمه مستر فهد
فهد : شكرا دكتور دايموند بس مش عايز رافت السوهاجي يعرف وانت اكيد عارف
دايموند : متقلقش سيد فهد مستر رافت مش هيعرف حاجه فهمت قصدك اكيد بس عن اذنكم أنا لازم ارجع المانيا النهارده قبل ما دكتوراه رافت يعرف
جيسي : الطياره في انتظارك انت و فريقك عشان ترجعوا لالمانيا ثاني و في الحارس في انتظاركم برا
دايموند بابتسامه : تمام
+
( اخد فريقه الطبي و خرجوا برا القصر و لاقوا عربيه من انتظارهم لتوصليهم للمطار و ركبوا العربيه و مشيوا )
