رواية بين القسوة والحب الفصل السابع 7 بقلم دنيا احمد
«البارت السابع»
عمر: باي يا نورا
نورا بغيظ: باي يخويا بسلامه
عمر: شكرا
يوسف: باي يا انسه نورا
نورا: باي....... عمر ده انسان مستفز قليل الذوق مش فاهمه انا عمي بيشتغل مع الاشكال دي ازاي عصبني استغفر الله العظيم
ـــــــــــــــــــــــــــــــــــــــــــــــــــ
يوسف: بتفكر في ايه
عمر: مش بفكر يعم البت دي معصباني اللي اسمها نورا دي
يوسف بضحك: طب والله جدعه ده محدش يقدر عليك غير ربنا
عمر: بجد والله تصدق انك عيل بارد ياض ابو برودك كفايه ضحك خلاص هتموت يعني
يوسف: هموت والله مش قادر خلاص والله هسكت اصلك مشوفتش وشك كان عامل ازاي وانت بتتهزق هموت بجد
عمر: مش هرد عليك عشان شويه و هكسرلك صف سنانك اللي فرحان بيهم ده
يوسف: لا و علي ايه هسكت احسن
عمر بينه و بين نفسه: بس حلوه علي فكره لطيفه اوي...... ايه ده لا ارجع لوعيك يعمر انت نسيت ولا ايه مينفعش انت وعدت نفسك
يوسف: عارف بتفكر في ايه انسى يعمر انسى و عيش حياتك
عمر: يوسف بعد اذنك انا عارف انا بعمل ايه كويس لو سمحت محدش يدخل في حياتي الشخصيه
يوسف بحزن: طيب يعمر بس خلي بالك انت بتضيع انساها بقا و عيش حياتك
عمر: خلاص يا يوسف بعد اذنك
يوسف: حاضر
ـــــــــــــــــــــــــــــــــــــــــــــــــــ
كمال: ادخل.... وصلتيهم يا نورا
نورا: اه يعمي
كمال: ادخل
ميرنا: كمال بيه عايزه اقول لحضرتك حاجه
كمال: قولي في ايه
ميرنا: استاذ خالد الحسيني بره و عايز حضرتك
كمال: اهه مش هنخلص من القرف ده خليه يدخل
ميرنا: اتفضل يفندم
خالد: ليك واحشه يراجل كدا متسألش عليا
كمال ببرود: عايز ايه يخالد انجز مش فاضي
خالد: تؤ تؤ عيب مش لازم الاول تعرفنا علي الحلوين ولا ايه
كمال: ملكش دعوه بيهم انجز و قول عايز ايه
خالد : كل الناس بتحبك و بتحب شغلك قبل ما انت تعمل ده انا كنت الاول في مجال شغلي جيت انت وخدت كل حاجه خدت مني الزباين كلها و ده مش عدل انه يكون عندك كل حاجه
كمال: ده رزق و مكتوب انا حاولت وتعبت لحد اما وصلت للمكان ده و ربنا رزقني علي قد تعبي يخالد الدور و الباقي عليك
خالد: بتعمل ايه اكتر مني بص عندي ليك صفقه العمر ايه رأيك ندمج الشركتين مع بعض هنبقا رقم واحد في السوق و الارباح بنص يا كمال هااا
كمال: ده المره المليون اللي تجبلي العرض ده و اقولك لا لازم تكون عرفت الجواب و مش هفكر يخالد كل واحد يخليه في حالو
خالد: بقا كدا ماشي بس صدقني هتندم
كمال: وانا عايز اشوف يخالد هتعمل يلا عشان مش فاضي
خالد بستهزاء: ماشي يا كمال انت اللي اخترت باي يا كمال بيه
كمال: انسان مريض نفسي معندوش ولا ذرة اخلاق
نورا: هو مين ده يعمي و ايه حكايته معاك
كمال: هقولكوا بس لما نروح حاضر
نورا: ماشي
ـــــــــــــــــــــــــــــــــــــــــــــــــــ
عمر: انا طالع انام شويه
يوسف: ماشي يعمر و انا رايح الشركه عقبال ما ترجع
عمر: ماشي ماشي
يوسف: مش عارف امتى هتنسى يعمر
ـــــــــــــــــــــــــــــــــــــــــــــــــــ
في اوضه عمر
عمر بعصبيه: محدش حاسس بيا انا وعدتها اني مفكرش في حد غيرها ولا احب حد غيرها محدش هيفهمني كله شايف الظاهر بس......... اوف و التانيه دي انا تهزقني بشكل ده دي عبيطه باين عليها ولا ايه استغفر الله العظيم انا هنام احسن من ساعه واحده بس شوفتها اقوم افكر فيها ده انا عبيط انا كمان
ـــــــــــــــــــــــــــــــــــــــــــــــــــ
ريم: هو عمر ده عملك ايه عشان تتعصبي كدا
نورا: محدش يجبلي سيرته ده انسان مستفز يبنتي خبطني و كنت هقع روحت شتمته الصراحه بس اتأسفت و قولتله بس انت غلطت لما كنت بوصلهم كدا راح قالي بكل برود ولا اكني سمعت الحزء التاني هكتفى بالجزء الاول ده بارد مستفز
رنا بضحك: كل ده وهو غلطان
نورا: قصدك ايه يعني يختي اه انا مش غلطانه وبعدين بس بس اسكتوا محدش يجيب سيرته تاني
ريم: طبعا من عنينا
نورا: ايوه اسكتوا بقا
كمال: خلاص خلصت يلا نروح بقا استنوا بس دقيقه....... ميرنا تعالي ثواني
ميرنا: ايوه يكمال بيه
كمال: انا هاخد اجازه لاخر الاسبوع لو في حد مهمه خليه يجيي البيت
ميرنا: تمام يافندم اجازه سعيده
كمال: شكرا...... يلا يولاد
هما: يلا
ـــــــــــــــــــــــــ
رنا: انت بجد هتقعد معانا لاخر الاسبوع
كمال: اه يحبيبتي و كمان عشان عامل مفاجأة لنورا و ريم اول لما نروح
نورا: متقولش يحج جبت ماما
كمال : قفشتيني اه يستي جبتها
ريم وهي بتحضنه: الله بحبك اوي اوي يعمي ربنا يخليك لينا
نورا: هات حضن يحج الله عليك اقسم بالله انت عم توب التوب
كمال: والله العظيم انا مش فاهم انتو بتقولوا ايه بس واضح انه حاجه حلوه بس بقا يلا الجو حر كفايه تلزيق
نورا: انت صح
رنا: الله طنط حنان وحشاني بشكل اخيرا هشوفهااااا مبسوطه اوي
كمال: ربنا يبسطكوا كمان و كمان يحبايبي
ــــــــــــــــــــــ
بعد ساعه
ــــــــــــــــــــــــ
ليلى: فتحيه افتحي الباب لو سمحتي
فتحيه: ده كمال بيه يست ليلى
كمال: ازيك يفتحيه عامله
فتحيه: الحمدلله يابيه
نورا و ريم بلهفه: مامااا
حنان: عاملين ايه يحبايبي وحشتوني اوي اوي عاملين ايه
ريم: الحمدلله انتي كويسه صح مفكيش حاجه
حنان: لا يحبيبتي كدمات بسيطه بس
نورا بحزن: انا اسفه يماما كله بسببي حقك عليا انا
حنان: خلاص يحبيبتي اللي حصل حصل ليلى قالتلي كل حاجه انا اللي اسفه خليتكوا تعيشوا ايام وحشه بس خلاص كله هيتعدل ماشي خلاص يحبايبي كله هيبقي كويس
كمال: ازيك يحنان عامله ايه يا اختي
حنان: الحمدلله يا اخويا عايزه اشكرك علي اللي عملته
كمال بحزن: متكمليش يحنان انتي اختي انا اسف علي اللي عمله فيكي احمد مكنتش اعرف انه بقا كدا انا اسف
حنان: لا لا انت ملكش ذنب هو كدا من زمان..... عامله ايه يارنا يحبيبتي وحشتيني
رنا وهي بتحضنها: وانتي كمان اوي اوي
حنان: ما شاء الله كبرتي و بقيتي عروسه ربنا يخلهالك يا ليلى
ليلى: يارب يحبيبتي
حنان: كمال احنا كدا هنكون كتير و
كمال: حنان بعد اذنك متكمليش نورا برضو اتكلمت في الموضوع ده و قولتلها ممنوع بالعكس انا مبسوط اننا اتلمينا في بيت واحد زي زمان عقبال احمد يارب
حنان: ربنا يهديه
كمال: يارب يلا يعيال عشان نغير هدومنا و نتغدا
هما: حاضر
ليلى: وانتي يحنان تعالي ندردش شويه في المطبخ
حنان: يلا يحبيبتي
ـــــــــــــــــــــــــ
بعد نص ساعه
ـــــــــــــــــــــــ
كمال: انا قررت اني هفضل في البيت لاخر الاسبوع
ليلى: بجد يا كمال اخيرا هتاخد اجازه مره واحده في حياتك
كمال: شوفتي بقا أي خدمه
ليلى: ربنا يخليك ليا يحبيبي
نورا: عمي صحيح ايه حكاية خالد الحسيني ده
كمال: ده يستي كان صحبي من زمان ابوه مات و خد هو شركة ابوه كنت انا لسه في بداية حياتي و فضلنا صحاب لحد اما شركتي بدأت تكبر و الزباين اللي عنده جم عندي انا و من وقتها بدأ يكرهني و بقا يحقد عليا في كل حاجه مع اني كنت جمبه لما كان بيقع بس الصداقه دي اتحولت لعداوه للاسف حاولت اخليه يرجع عن اللى هو فيه بس مفيش فايده الناس اكتشفت انه بقا بيهرب مخدرات و سلاح اعمال غير مشروعه يعني بجانب الشركه و الزباين اللي كانو معاه اكتشفوا اللي كان بيعمله و حد منهم بلغ عنه و اتسجن سنه تقريبا وبعدين طلع و شركته فلست و بيحاول دلوقتي يرجعها زي الاول و عايز يدمج شركتي و شركته وانا رافض لاني عارف لحد دلوقتي بيتاجر في الحاجات دي وبس
ريم: طب ليه يعمل كدا ما يحاول يكبر شركته بس بالحلال
كمال: حاولت معاه في الموضوع ده بس للاسف فشلت
رنا: ربنا يهديه
كمال: يارب.... الحمدلله انا كلت
ــــــــــــــــــــــــــــــــــــــــ
عمر: اه دماغي هي الساعه كام يخرابي الساعه تسعه انا نمت كل ده ازاي
يوسف: انت يعم قوم بقا
عمر: قومت خلاص هي امك مش ناويه تيجي ولا ايه
يوسف: جايه بكره قوم بقا عندنا شغل كتير
عمر: طيب طيب نازل اهو
ــــــــــــــــــــــــــــــــــــــــ
عمر: هاااا في ايه
يوسف: روحت المكان اللي كمال قال عليه حسيته مش احسن حاجه الصراحه حسيت ممكن يكون في احسن من كدا
عمر: متأكد بس شوفت انه كويس
يوسف: مش عارف بس انا بقول نشوف حاجه تاني هو قال في حاجات تانيه لو محبتوش ده
عمر: طيب استنى اكلمه
يوسف: طيب
عمر: الو ازي حضرتك ياكمال بيه
كمال: ازيك يعمر في حاجه ولا ايه
نورا: اوف البارد اللي بيتكلم
عمر: اه الصراحه بص يوسف راح المكان اللي حضرتك قولت عليه و معجبوش فا ينفع نيجي لحضرتك بكره ونشوف كذا حاجه تاني
كمال: اه طبعا ممكن تقدر تيجي بس انا مش في الشركه لحد اخر الاسبوع تقدر تيجي البيت بكره لو حابب
عمر: تمام ماشي هجيلك علي الساعه تلاته
كمال: و هو كذلك اعمل حسابك عزمك علي الغدا كمان
نورا: كدا كتير عليا اكون انا و البارد ده في مكان واحد قلبي لا يتحمل
ريم: عمك لوسمعك دلوقتي هيفتحلك محاضره طويله عريضه
عمر: تمام ماشي مع السلامه
يوسف: هاااا قالك ايه
عمر: عزمنا بكره علي الغدا
يوسف: احلف بالله يعني هشوفها
عمر: هي مين دي
يوسف: ملكش دعوه انت
عمر: ابو قرفك و التلزيق بتاعك ده غور يعم
يوسف: امشي انت بس غور
ــــــــــــــــــــــــــــــــــــــــ
ليلى: بكره عندنا ضيوف ولا ايه
كمال: اه يحبيبتي
ليلى: طيب يحبيبي
حنان بخوف: كمال احمد بيتصل
كمال: مترديش
حنان: حاضر
كمال: يلا نطلع ننام بقا
ليلى: تعالي يحنان اوريكي الاوضه بتاعتك
حنان: يلا يا ليلى
نورا: يلا ياريم عشان ننام و عشان بكره عندنا مذاكره كتير
ريم: يلا
ــــــــــــــــــــــــ
تاني يوم
ـــــــــــــــــــــــ
حنان: انتو لسه نايمين الساعه عشره ونص قومي يختي منك ليها قومي
نورا بضحك: و هاا هو صوت امي من جديد قومي يريم قومي يختي
ليلى: كمال كمال يلا قوم كفايه كسل
كمال: حاضر حاضر
ليلى: هقوم اصحى رنا......... رنا بت يارنا قومي يبت قوميييي قامت عليكي حيطه
رنا: عايزه مني ايه يماما خمس دقايق
ليلى: قومي الكليه يبنت الهبله هتتأخري
رنا: اه صح عندي محاضره بعد شويه قومت خلاص
ليلى: قومي يلا
ــــــــــــــــــــــــــــــــــــــــ
حنان: صباح الخير يا ليلى
ليلى: صباح الخير يحبيبتي نمتي كويس
حنان: اه الحمدلله يلا عشان نحضر الفطار
ليلى: يلا
ــــــــــــــــــــــــــــــ
نورا: صباح الخير يعمي صباح الخير يا لولو صباح الخير يماما صباح الخير يبت يارنا يوم جميل و سعيد
الجميع: صباح النور
ريم: صباح الخير وسع كدا يحج كمال خدني جمبك ونبي
كمال: دي لسه نايمه دي ولا ايه دي نامت انتي يبت ريم
ريم: صاحيه يحج صاحيه
حنان: دي مش هتوفق غير بعد ساعه
ليلى: دي ماتت مش نامت يحنان
حنان: دي بطلع عيني عشان تقوم
نورا: سيبوني انا اصحيها هاتي بس المايه دي كدا ريمووو يحبي لازم تقومي يعيوني
ريم: بس يبت خمس دقايق بس
نورا: طب خدي المايه دي يحبي
ريم: يححح انتي تاني هااا انتي تاني و ربنا ما هسيبك يبنت حنان
نورا: لو جدعه تعالي يبت.... يماماااا اقسم بالله بهزر معاكي
ريم: افتحي الباب يجبانه اطلعي لو جدعه
نورا: انا مش جدعه مين اداكي الفكره الغلط دي
كمال: ايه دول
ليلى: عيال في رابعه ابتدائي
حنان: عندك حق
ريم: بت يانورا استوب اللعب جوعت اقسم بالله
نورا: احلفي انه استوب
ريم: والله العظيم استوب مش قادره
نورا: وانا كمان جعانه
رنا: ليلى جعانه فين الاكل
ليلى: اهي المفجوعه نزلت
رنا: ربنا يخليكي فين الاكل برضو
حنان: حاضر حاضر هينزل دلوقتي
ــــــــــــــــــــــــ
بعد ربع ساعه
ـــــــــــــــــــــــــــ
كمال: الحمدلله كلت نورا عايزك في موضوع لما تخلصي انا في الجنينه
نورا: حاضر يعمي جايه.... ايه يعمي
كمال: نورا انتي متأكده انه ايهاب ده موجود في القاهرة
نورا: اه بما انه شافني يبقا هو هنا
كمال: ممكن يكون واحد صاحبه مثلا و قاله يراقبك و بيوصله كل حاجه عموما هلاقيه يحبيبتي متخفيش بس لو كلمك انزلي قبل ما تردي عشان اسمع معاكي و نشوف عايز منك ايه
نورا: حاضر يعمي
كمال: متخفيش خير ان شاء الله
نورا: ان شاء الله
رنا: يلا اطير انا يخواتي
ليلى: خلي بالك من نفسك
رنا: حاضر
نورا: احنا هنطلع نذاكر يلا ياريم
حنان و ليلى: ماشي
ريم: يلا
ـــــــــــــــــــــــــــــــــ
نورا: ايهاب شكله مش موجود في القاهرة
ريم: يعني ايه اومال عرف كل ده ازاي
نورا: عمي بيقول ممكن يكون واحد صاحبه قاله يراقبني و يوصله كل حاجه
ريم: طب وبعدين
نورا: ولا قبلين اما نشوف اخرتها ايه
ريم: خير يحبيبي متخفيش يلا نذاكر
ــــــــــــــــــــــــــــــــــــــ
قبل الضهر بخمس دقايق
ـــــــــــــــــــــــــــــــــــــ
نورا: ريم قومي يلا نتوضى عشان الضهر
ريم: يلا
ـــــــــــــــــــــــــــــ
بعد الصلاه
ــــــــــــــــــــــــــ
ريم: يلا نكمل
نورا: يلا
ـــــــــــــــــــــــــــ
بعد ساعتين
ــــــــــــــــــــــــــــ
الباب بيخبط
كمال: اكيد عمر...... اهلا اهلا اتفضلوا
عمر: ازي حضرتك
كمال: الحمدلله اتفضلوا ليه تعبتوا نفسكوا
يوسف: دي حاجه بسيطه
كمال: اتفضلوا....... عم محمد تعالى خد الحاجات
عم محمد: حاضر يابيه
كمال: عاملين ايه
هما: الحمدلله
عمر: بص احنا عايزين نشوف اماكن تانيه غير دي
كمال: بس ده كان احسن مكان
يوسف: مش عارف مرتحتش للمكان الصراحه
كمال: مش عارف الصراحه بس اكيد هخليكوا تشوفوا
رنا: يا اهل الدار يا بشرررر انا جيتتتت
كمال: معلش دقيقه..... في ايه يبت في ناس جوه
رنا: مننا وعلينا تعالي بس يحج معايا عايزه اوريك حاجه
كمال: نعم..... رنا بنتي
عمر: اهلا
يوسف بإبتسامة: اهلا
رنا: اهلا بيكو شرفتونا... بص يحج بنتك
كمال: وريني...... شطوره يقلبي
رنا: الدكتور قالي ممتازه و عجبته جدا يبابا مبسوطههه يحج والله
كمال: وانا كمان مبسوط دايما في نجاح كدا يحبيبتي
يوسف: مبروك
رنا: الله يبارك فيك... انا هطلع اشوف العيال
ليلى: رنا بيذاكرو فوق خليهم يخلصوا وبعدين ينزلوا معلش يحبيبتي
رنا: اوكيه يماما عن اذنكوا
عمر في نفسه: اكيد مش هي يارب متطلع هي
كمال: تعالو نتكلم عن الشغل لحد انا الغدا يخلص
عمر: طبعا اتفضل
ــــــــــــــــــــــــــــــــــــــــ
نورا: هنزل اجيب عصير مش قادره هموت
ريم: هاتيلي معاكي
نورا: ماشي.......... ماما يمامااااا
عمر في نفسه: استغفر الله العظيم اللي خوفت منه حصل
كمال:في حاجه يانورا ولا ايه
نورا بصوت واطي: استغفر الله العظيم......... لا يعمي بس كنت عايزه عصير انا و ريم هما فين
كمال: فوق في الاوضه خلي حد من جوه يعملك
نورا: حاضر..... اهلا بيكوا شرفتونا
هما: اهلا بيكي
ــــــــــــــــــــــــ
ليلى: كمال و هو في حد كان بينادي علينا
نورا: اه انا بس خلاص عملت
ليلى: طيب يحبيبتي يلا اطلعي كملي
نورا: حاضر
ريم بصوت عالي: نورا التليفون بيرن
نورا: جايه....... ده هو
ريم: طب انزلي لعمي بسرعه
نورا: عمي يعمي
كمال: ايه يحبيبتي
نورا: تعالى ثواني
كمال: حاضر في ايه
نورا بصوت واطي: ايهاب بيتصل
كمال: طب استني تعالي ندخل المكتب
يوسف بصوت واطي: هو في ايه
عمر: مش عارف
كمال: عن اذنكوا دقيقه........ ردي
نورا: الو
ايهاب: نورا حبيبتي وحشتيني اوي
نورا: عايز مني ايه مش كفايه بقا
ايهاب: ازاي بس انا بحبك والله وانتي كمان لسه بتحبيني صح
نورا: ايهاب عايز ايه انجز انا فهماك كويس
ايهاب: فلوس عايز فلوس اكيد عمك ميعرفش حاجه عن موضوعك
نورا: وانت مالك بعمي
ايهاب: لا طبعا ليا لو مبعتيش الفلوس هبعت الصور لعمك و الله اعلم ممكن يطردك زي ابوكي
نورا: انا مشوفتش واحد في حقرتك ابدا انت انسان حقير
ايهاب: تؤ تؤ عيب يانونو كدا اسمعي الكلام زي الشاطرين انتي دلوقتي عندك فلوس قد كدا
نورا: مش هبعتلك حاجه و اعلى ما في خيلك اركبه انت فكرني ضعيفه زي الاول لا انسى نورا القديمه ماشي غور في داهيه سلام.. عمي خايفه يعمل زي ما عمل و ينشر الصور تاني اكيد هي اختفت دلوقتي انا خايفه ينشرها تاني
كمال: لا يحبيبتي متخفيش كويس انك نزلتي و قولتيلي لاني عايز اعرف هو كان عايز منك ايه دلوقتي عرفت يلا روحي كملي مذاكره
نورا: حاضر
عمر: في مشكله او حاجه
كمال:: لا لا مفيش ربنا ما يجيب مشاكل
يوسف: طيب
كمال: خلينا نكمل شغل
عمر: يلا
ــــــــــــــــــــــــــــ
بعد ساعه
ــــــــــــــــــــــــــ
ريم: انا خلصت يلا ننزل
نورا: وانا كمان يلا
كمال: كدا تمام ولا عايزين نشوف حاجه تانيه
عمر: ياريت نشوف حاجه تانيه
كمال بضحك: لا كدا بعد الغدا مش قادر
يوسف: ولا انا الصراحه
ليلى: كمال الغدا جاهز
كمال: طيب يحبيبتي جاي... يلا بينا
عمر: يلا
كمال: نورا فين ياريم
ريم: فوق يعمي هتنزل دلوقتي
حنان: طب يلا عشان الغدا
ريم: ماشي يماما هي نازله دلوقتي
رنا: اه اخيرا مش مصدقه اخيرا اكل
ليلى: لا حول ولاقوة الابالله ربنا يصبرني
كمال: مالك يانورا
نورا: مفيش يعمي مصدعه شويه
كمال: طب كلي و ان شاء الله الصداع يروح
نورا: حاضر يعمي
كمال: طب يعمر انت مقولتليش ابوك فين لانه بقاله فتره مختفي
عمر: والله هو سافر تركيا من سنه في شغل والله اعلم هيرجع امتى
كمال: ربنا معاه
عمر: يارب
نورا: عقبالك انت كمان اما تسافر
حنان: نورا عيب
عمر بإبتسامة: سبيها يطنط خدت علي كلامها
نورا ببرود: اممم ابقا تعالى كل يوم اسمعك كلمتين
رنا بضحك: هيعجبك كلامها اوي
كمال: نفسي افهم بتضحكي علي ايه
رنا: جرا ايه يحج كمال الضحك حرام ولا ايه خليك فرفوش كدا يحج
كمال: فرفوش اه و مالو...... معلش يعمر يبني دول عيال عبيطه
نورا: انا عبيطه يحج بس بس انت خلتها خل خالص يحج كمال
كمال: خلتها خل ازاي يعني
ريم: لا محدش يركز معاها دي بتخترع كلام محدش يفهموا غيرها
كمال: صدعتوني.... الحمدلله كلت
نورا: بالهنا و الشفا يحج
كمال: اخرسي يبت
نورا: مقبوله منك ياروحي
عمر: الحمدلله تسلم ايديكوا
يوسف: الحمدلله الاكل جميل جدا علي فكره
ليلى: بالهنا يحبايبي.. نورا قومي و ريهم الحمام فين
نورا بغيظ: من عيني اتفضل يا استاذ
عمر ببرود: اتفضلي
نورا: اتفضل نشف ايدك
يوسف: شكرا
نورا: العفو...... اتفضل يخويا
عمر: شكرا يا ايه اسمك ايه تاني معلش
نورا: لا والله لا يحبيبي ابقا عالج الذاكره بتاعتك بقا انا بقول الكلام مره واحده خد نشف ايدك واه ارجع بقا لوحدك
عمر: ارجع لوحدي عيل صغير انا ولا ايه
نورا: ما انت عيل صغير فعلا
عمر: مستفزه
نورا: سمعتك علي فكره
رنا: عايزين كوبايه شاي في الخمسينه تعدل المخيخ كدا
ريم: اههه ياه يبت يارنا
يوسف: واضح انكو بتحبوا الشاي
رنا: جدا انت مش متخيل انا بحبه قد ايه و يا سلام بقا يا استاذ لو عليه نعناع كدا اووف
يوسف: اه بقا لو الشاي يكون تقيل و تكون الدنيا ليل كدا و الشارع هدوء
رنا: ياههه بالله عليك كيف عرفت نفس الدماغ يراجل
يوسف: بجد اه.... انتي لطيفه اوي
رنا: بتقول حاجه
يوسف: هااا لا قصدي انكو لطاف اوي يعني
ريم: اممم الله يخليك
رنا: ربنا يسترك
كمال: ايه العيال دي صدعوك صح
يوسف: لا بالعكس والله
رنا: يحج عيب عليك
نورا: والله يا استاذ عمر محدش مستفز اكتر منك
عمر: اه ما انا عارف
نورا: مش هرد عليك لاني بحاول احافظ علي الهدوء بتاعي
عمر: طبعا طبعا الهدوء لازم
كمال: مالكوا
عمر: لا ابدا متخفش المهم نرجع لشغل
كمال: يلا
نورا بصوت واطي: و الواد شغيل اوي اوعى الشغل المهم
عمر بصلها بطرف عينه و ضحك
رنا: تعالوا اوريكوا حاجه
ريم: ايه
رنا بصوت واطي: هو انتو ملاحظين يوسف بيبصلي ازاي
نورا: اه شكله وقع ولا ايه
ريم بضحك: جدا اقسم بالله
رنا: بس يبت اكيد بيبص بالغلط
نورا: بالغلطط اممم قولتيلي
رنا: بلاش انتي
نورا: مالي يحبيبتي
ريم: كفايه عمر اللي كل شويه يبصلك بطرف عينه
نورا: بس يبت ده مش بيطقني ولا انا بطيقه
رنا: بكره تحبيه يختي
نورا: ههه نكته ظريفه جدا متقولهاش تاني بقا
ريم: هنشوف في الاخر
نورا: هنشوف
كمال: دقيقه وجي
عمر: تمام
يوسف: ايه رأيك في ده يعمر
عمر: لو ملقتش حاجه احسن من كدا هختاره لان ده احسن مكان لحد دلوقتي
يوسف: تمام
عمر: معلش يا اه يانورا ممكن مايه
نورا: اممم الذاكره رجعت هجبلك و مالو
عمر: شكرا
نورا: اتفضل
عمر: شكرا جدا
نورا: العفو يخويا
عمر: وانتي في سنه كام بقا يا شاطره
نورا: شاطره؟! انت شايفني عيله في تانيه ابتدائي
عمر: بطولك ده اه
نورا: مالو طولي يحبيبي مش احسن ما اكون زيك طويل و اهبل
عمر بإبتسامة مستفزه: مقبوله منك يشاطره
نورا: ولا متعصبنيش انا علي الله حكايتي اقسم بالله هقوم اجيبك من شعرك
عمر: امم مش مهم في سنه كام
ريم: في تالته ثانوي
نورا: مش هحلك و كتاب الله ماشي
عمر: ادبي اكيد اصل وشك ميديش انك علمي خالص
نورا: ههه ظريف ايه الضحك ده لا علمي و علمي رياضه كمان
عمر: اووو شاطره بقا ولا علي الله حكايتك زي ما قولتي
نورا: الحمدلله شاطره و ميخصكش
عمر: لا جدعه صدمتيني
رنا: انتو مش ناويين تهدوا و تخفوا خناق
عمر: انا والله هادي الدور و الباقي علي بنت عمك
نورا: انا هاديه جدا علي فكره
ريم: واضح
كمال: معلش اتأخرت عليكوا هااا كنا بنقول ايه
يوسف: احنا قولنا لو مفيش تاني هنختار ده
كمال: لا فيه تاني
عمر: طب نشوف
ــــــــــــــــــــــــــــــــــــــــ
حنان: ليلى احمد مش مبطل رن اعمل ايه
ليلى: مترديش زي كمال ما قال...... استني افتح الباب
حنان: ماشي
ليلى بصدمه: احمد
احمد بعصبيه: جوزك فين كماااال
ليلى: اهدى بس يا احمد
احمد: اوعي من وشي
كمال: احمد
نورا بخوف: بابا
احمد: فين مراتي
كمال: اهدى مينفعش كدا في ناس في البيت نتكلم بعدين
احمد: وانتي يا نورا جيتي هنا ملقتيش غير هنا هااا
نورا: كنت عايزني اروح فين و انت راميني في الشارع انا و اختي في نص الليل
عمر بصوت واطي: انا مش فاهم حاجه يا يوسف
يوسف: ولا انا بس اسكت
احمد: اخرسي مش عايز اسمع صوتك
نورا: ولا انا عايزه اسمع صوتك ولا حتي اشوفك
احمد (ضربها): اخرسي قليله الادب
من قوة القلم نورا وقعت علي الارض
كمال: انت مجنون قومي يا نورا قومي يحبيبتي اياك تمد ايدك علي حد من البنات انت فاهم انت اتجننت رسمي ازاي تعمل في مراتك كدا و عيالك ترميهم في الشارع في نص الليل و متعرفش حصلهم ايه انت ليه بتعمل كدا
احمد: متدخلش انا هاخد مراتي و همشي و الاتنين دول اشبع بيهم مش عايزهم هما ماتوا بنسبالي
كمال: انت مكنتش كدا ايه اللي حصلك فوق يا احمد فوق اقف جمب بنتك هي غلطت بس شوف انت قصرت في ايه
احمد ببرود: انا مقصرتش في حاجه هي اللي مش كويسه عشان تدور بره بتاعت شباب و ميشرفنيش انها تكون بنتي
كمال ضرب.ه و قال بعصبيه: اخرس قطع لسانك بنتك اشرف من الشرف اذا كان ابوها بيقول عليها كدا الناس تقول ايه احمد انت ايه اللي جرالك
احمد بحقد: تحب تعرف ايه اللي حصلي من عيني اللي انا فيه ده بسببك و بسبب ابوك علي طول ابوك كان بيقارني بيك كان يفضل يقولي انت فاشل و مش فالح في حاجه اتعلم من كمال خليك زي كمال شايف الناس بتحبه ازاي الناس بتحبه اكتر منك لانه هو ناجح اكتر منك حتى لو كنت نجحت في حاجه بسيطه و اكون مبسوط بيها يقولي اخوك عاملها قبلك حتى في الجواز انت خدت اللي بتحبها بس انا لا ابوك جوزني غصب عني لوحده ولا بحبها ولا عمري شوفتها اصلا بس ازاي اصل انا مش كمال كان دايما بيعاملك احسن مني و كان بيحبك اكتر مني كان علي طول بيقول لناس انا عندي ابن واحد رافع راسي و هو كمال انما انا مفيش حاجه واحده كويسه عملتها رفعت راسه عرفت ليه انا اتغيرت و بقيت كدا و بقيت بكرهك يا كمال
كمال: احمد انا والله كنت علي طول بتكلم مع ابوك في حكايه انه يفرق في المعامله بيني و بينك كنت بقوله مينفعش انت احسن مني في حاجات كتير يا احمد بس ابوك مكنش شايف كدا
احمد: خلاص اللي حصل حصل بس ده ميغيرش اني بسبب ابوك مبقتش بحبك يا كمال و ده غصب عني انا ماشي و مش عايز البنتين دول هما ماتوا بنسبالي و مراتي هجبها يا كمال سلام
ليلى: كمال انت كويس
كمال: انا انا مكنتش اعرف انه شايل جواه كل ده
عمر في نفسه: ليه مضايق اوي كدا عشانها استغفرالله العظيم
كمال: رنا انتي وريم خدوا نورا و اطلعو فوق
رنا: حاضر يبابا يلا يا نورا
ليلى: انا اسفه جدا علي اللي حصل ده
يوسف: لا لا حصل خير مفيش حاجه بس تحبي نطلب دكتور شكله تعبان
كمال: لا يبني كتر خيرك انا كويس الحمدلله
عمر: طب احنا هنسيب حضرتك تستريح النهارده بعد اذنك
كمال: مع السلامه يبني
ــــــــــــــــــــــــــــــــــــــــ
يوسف: حاسس ان الحوار كبير شويه
عمر: وانا كمان كلام ابوها عنها مش مفهوم شكلها عامله حاجه كبيره
يوسف: الله اعلم و يمكن مظلومه
عمر: ممكن ليه لا ملناش دعوه
يوسف: صح
عمر: تعالى نخرج
يوسف: عمر هترجع تاني ولا ايه
عمر: يعم ملكش دعوه ولا اروح لوحدي
يوسف: اه و انت راجع تخبط حد ولا تموت جي للاسف ربنا يهديك
عمر: ماشي
ــــــــــــــــــــــــــــــــــــــــ
ريم: نورا انتي كويسه
نورا: مش عارفه بس انا عايزه انام بعد اذنكوا
رنا: طب يلا يا ريم نطلع
ريم: يلا
نورا بحزن: ياترى فكر فيا ازاي دلوقتي اكيد بيقول عليا اني مش كويسه بعد اللي بابا قاله
ــــــــــــــــــــــــــــــــــــــــ
كمال: نامت
رنا: اه يبابا
كمال: طب يلا انتو كمان علي النوم ريم معلش يحبيبتي نامي مع رنا النهارده
ريم: حاضر يعمي يلا يارنا
ـــــــــــــــــــــــــــــــــــــــــــــــــــ
عمر: يادي القرف دي رانيا هنا
يوسف: يبني حرام الشرب و الكلام ده
عمر: ملكش فيه يا يوسف استنى في العربيه لو عايز
يوسف بعصبيه: امتى تفوق من القرف ده انا طالع
رانيا: عمر وحشتني امتى رجعت من ايطاليا
عمر: اول امبارح يقلبي
رانيا: تعالي بالمناسبة دي اشربك حاجه علي ذوقي
عمر: يلا
رانيا بدلع: وحشتني علي فكره
عمر: رانيا بعيد لو سمحتي انتي عارفه
رانيا: ليه بس
عمر: رانيا متعصبنيش
رانيا: خلاص خلاص عصبيتك وحشه هسكت اهو
عمر: جدعه اسكتي خالص....... ياترى ايه اللي وراكي يانورا عملتي ايه عشان ابوكي يقول الكلام ده كله..... هات كاس تاني...... انا مالي ما تولع خليني في نفسي و ياريت ابطل تفكير فيها احسن
ـــــــــــــــــــــــــــ
بعد ساعه
ــــــــــــــــــــــــــــ
يوسف: اوف بدأنا..... سكران تاني صح يخربيت كدا اركب اركب ربنا يتوب عليا
عمر: شششش عايز انامم
يوسف: اخرس ليك عين اصلا تتكلم
ــــــــــــــــــــــــــــ
بعد شويه
ـــــــــــــــــــــــــ
يوسف: طارق تعالى اسنده معايا
طارق: حاضر
عمر: عايز انام طلعني
يوسف: ما احنا بنطلعك اهو..... بس شكرا روح انت
طارق: العفو يا باشا
يوسف: ربنا يهديك يارب من وقت ما هي راحت و انت بالمنظر ده امتى تفوق يعمر لنفسك امتى
ــــــــــــــــــــــــــــــ
الشخصيات الجديده:
عمر الرشيدي: عنده 23 سنة، شعره أسود وعينيه بني فاتح، جسمه رياضي وملامحه حادة وجذابة، صاحب شركة تصميم ملابس وأحذية ناجحة، بيشتغل بشغف وإبداع في عالم الموضة. عنده رؤية واضحة وذوق رفيع في التصميم، وبيسعى دايمًا لابتكار أفكار جديدة، شخصيته قوية ،دايمًا متفائل بمستقبل شركته. عنده جانب طيب و حنون بس مش بيظهر غير لناس القريبه منه زي عيلته
يوسف الرشيدي: اخو عمرعنده 22 سنة. شعره بني فاتح وعينيه لونها اسود، جسمه رياضي، لكن مش بنفس قوة عمر، ابتسامته دايمًا بتدي إحساس بالراحة والدفء.
شخصيته مختلفة عن عمر، هو اجتماعي عنده قدرة على تكوين صداقات بسهولة. مرح وخفيف الدم، دايمًا بيحاول يشوف الجانب الإيجابي في كل حاجة. رغم إنه أصغر من عمر بسنة، عنده ذكاء بيخليه يتصرف بحكمة في المواقف الصعبه، هو الحتة المرحة والودية في العيلة، والكل بيحب يكون حواليه.
دي الشخصيات اللي ظاهرت في البارت ده في شخصيات هتظهر تاني ان شاء الله نقولهم في نفس البارت
