رواية اقدار العشق الفصل الخامس 5 بقلم امل الهواري

رواية اقدار العشق الفصل الخامس 5 بقلم امل الهواري 

رواية أقدار العشق



الفصل الخامس

بمقر النجار جروب

عاد مازن إلي مكتبه وهو يلعن قرار آدم ، وجلس علي كرسي مكتبه بصمت مميت طال لعشر دقائق ، لتقطعه ساره

ساره :- مازن بيه في حاجه حصلت بخصوص شغلي هنا

مازن ببعض الضيق:- إنتي هتبقي سكرتيرة مكتبي ، بس هتقومي بشغل مكتب آدم علي ما تيجي سكرتيره جديده

ساره بلمعه في عينيها أذهبت ما تبقي من عقله
انا عندي واحده صاحبتي ممكن يعني...

قاطعها بلهفه أدهشتها.:- إتصلي بيها بسرعه خليها تيجي حالا

ساره بدهشه:- أنا لسه هقولها يعني يومين تلاته كدا

مازن بتأفف :- اوك،بس ممكن سؤال

ساره :-إتفضل

مازن:- هي دي عنيكي ولا عدسات

ساره بذهول :- أفندم وحضرتك بتسأل ليه ، هي عنيه شغلاكم ليهكدا

مازن :- يظهر إن معجبينك كتير

ساره بتجاهل:- بعد إذن حضرتك علشان أشوف شغلي ، وهمت بالمغادره ولكن توقفت عند سماعها صوته المشابه للرعد

مازن :-إستني عندك أنا مش سمحتلك إنك تمشي ، لو تعمدتي التجاهل لكلامي أو مشيتي من دماغك بعد كده ، هتشوفي وش عمرك ماكنتي تتخيلي إنك تشوفيه مفهوم

ساره بذعر:- حاضر

مازن بحده:-إتفضلي علي شغلك

ذهبت ساره لمكتب آدم وعلمت منه كيفيه الشغل ، وبدأت عملها بنشاط يكفي انها إبتعدت عن ذلك المتعجرف كما تصفه ، فعزمت علي عدم ترك مكتب آدم وأن مريم عليها العمل بمكتب مازن

*****___*******

عوده للصعيد

إستعاد ممدوح عافيته ، وأمر رجاله بالبحث عن مريم بالأسكندريه كما يعتقد وجودها ، وعلم بمرض نواره المفاجئ وحزن عليها فهي إبنة عمهوعزم علي الذهاب للمشفي للإطمئنان عليها

****_____******

في باريس

اخبرها بالأمر الذي أخفاه عنها ، فقد كان هدفه في البدابة التعرف عليها وإقاعها بشباكه لتصبح وسيله لتدمير سمعت أخيها ، ولكن لم يفعل ذالك لأنه أحبها بشده

آيه بإنفعال:- كان لازم يعرفني ويسبني أختار لكن إزاي ، دا آدم النجار هو بس اللي لازم يقرر كل حاجه

مراد:-.إهدي أرجوكي أنا هموت لو ضعتي مني تاني

آيه ببكاء:-أنا إندفنت بالحيا في المصحه خمس سنين ، بسبب قرار غبي منه كنت بتمني الموت كل يوم علشان أجيلك

مراد بحنان وهو يزيل دموعها بأنامله :- بعيد الشر عنك أوعي تجيبي سيرة الموت دي تاني ، مستحيل أخلي حاجه تفرقنا عن بعض تاني

آيه بسعاده:-أنا روحي رجعتلي تاني بوجودك أنا بعشقك يامراد

مراد بعشق :- إنتي عشقي الوحيد إنتي اللي علمتي قلبي معني الحب ي أول وأخر عشق في حياتي

آيه بحب وهي تنظر في عينيه :- إنت اللي ملكت قلبي عمري ما حبيت قبلك ولا كنت هحب بعدك

مراد :- إحنا لازم نتجوز قبل ما آدم يعرف إنك عرفتي الحقيقه

آيه :- لازم أنزل مصر لازم أواجهه مش هتنازل عنك أبدا

مراد :- وأنا هنزل معاكي ونواجهه مع بعض

آيه:-لأ يامراد عايزه أكون لوحدي ، متخفش عليا آدم مش بس أخويا الكبير لأ دا هو أبويا وأمي ، أنا وهو مش لينا غير بعض هتكلم معاه لوحدي وبإذن الله هقنعه بيك

مراد:- بس يآيه....

قاطعته قائله :- أنا عارفه إنك خايف عليه متخفش دلوقتي أنا عارفه كل حاجه

مراد:-خلاص موافق هحجزلك بكره وهخلص شغل هنا وأحصلك

آيه بتعجب:- صحيح يامراد اللي سمعته عن شركاتكم إنها أفلست

مراد بثقه :- عمر شركات السيوفي ما تعلن إفلاسها كل الحكايه إننا غيرنا نشاطنا ، وياله بقي علشان ترتاحي قبل السفر

آيه:- حاضر ياحبيبي

مراد في نفسه:-إن ما دفعتك التمن غالي ياآدم مبقاش أنا مراد السيوفي .......

******____******

نرجع لمجموعة النجار

ظلت ساره تعمل بإجتهاد حتي تثبت كفاءتها لا تعي للأعين التي تراقبها ، وقاطعها رنين هاتفها فغيرت إتجاه المقعد الجالسه عليه ، وأجابت بمشاكسه ومرح كعادتها غير مباليه بأحد

ساره:- حبيب قلبي

وما أن إستمع مازن إلي تلك الجمله حتي تطاير الشرر من عينيه ، وتقدم إليها ، ولكن توقف علي أخر لحظه... عندما أكملت....

ساره :- والله وحشاني يابت يامريومه

مريم :- يابت بطلي أسلوبك دا إنتي في شركه محترمه اللي يسمعك يقول ايه

ساره:- متقلقش ياجميل أختك مسيطره

مازن مزهول وفي نفسه:-يخرب بيتك مسيطره كمان دا شكلي وقعت في سواق توكتك

مريم بضحك:-والله شكلك هتترفدي النهارده ومعاكي الراجل الغلبان اللي كان السبب في شغلك

ساره بثقه:- يابنتي دول بيتخانقوا عليه هنا هم كانوا لاقين حد يعبرهم

مازن بصوت منخفض :-طلعي كل مواهبك ياختي طلعي

مريم:- ماشي ياست شاكيرا

ساره:- عندي ليكي حته خبر إنما أيه لوز اللوز

مازن هي بقي فيها لوز اللوز كمان ، أما ألحقها قبل ما تجيب طبق التسالي كله وآدم يعلقها

مريم:- قولي يامصيبه

ساره:-أنا هكلم آدم بيه علشان تشتغلي معايا ، ماهو انا لازم أطلع من الورطه دي وإنتي صاحبتي ولازم تساعديني ، معلش بقي هتشتغلي مع واحد أعوذ بالله عليه حاجه إستغفر الله العظيم تنح وغتت بشكل

ومع أخر كلمه إنقض عليها مازن .......

******__******

بالصعيد

تدهورت حالة نواره ، فلم يستطع الاطباء إقاف النزيف ، علم ممدوح بما حدث لها فذهب لرؤيتها والاطمئنان عليها ، ذهب للطيب الخاص بحالتها

ممدوح :- طمني يادكتور، نواره كيفها دلوجت

الطيب :- أنا اسف ياممدوح بيه احنا عملنا كل اللي نقدر عليه لكن مفيش فايده النزيف موقفش والحاله ساءت عن الاول

ممدوح بحزن :- خلاص نسافرها تتعالج بره مصر

الطيب :- مفيش فايده احنا عملنا كل اللي ممكن يتعمل حتي لو سافرت بره هي نفس النتيجه

ممدوح :- تجصد اي

الطيب :- ربنا يتولاها برحمته

خرج ممدوح وهو بحاله يرثي لها ، وتفاجئ بجمال ابن عمه الجالس عند غرفته اخته نواره يبكي علي ما حدث لهم

إقترب ممدوح منه وربت علي كتفه :- وحد الله ياخوي

رفع عيناه ليجد ممدوح امامه :- لم يستطع الحديث ظل يبكي فماذا ؟؟ لوعلم ممدوح بكل ما حدث ، هل هذه الايدي التي تحاول تخفيف المتاعب ستظل كما هي ، ام ستقوده لهلاكي .........ظل هذا الحديث يدور برأسه وهو يبكي

ممدوح :- جوم ياخوي كله مجدر ومكتوب ، جوم غير خلجاتك

جمال :- خلاص ياممدوح كل حاچه راحت مبجاش حيلتي حاچه واصل

ممدوح بدهشه :- انت بتجول اي !!! ، كيف ده حُصُل ؟؟؟

جمال بتوتر :- دخلت شغل جديد وخسرت كل حاچه

ممدوح بأسي :- ربنا يعوض عليك ياواد عمي متجلجش أني چنبك

جمال :- كتر خيرك ياواد عمي

ممدوح :- هو أنت كنت موچود لما نواره وجعت حصل أي علشان يچرلها كل ده

جمال بإرتباك حاول إخفاءه :- ................

السادس من هنا 

تعديل المقال