رواية بين القسوة والحب الفصل الخامس 5 بقلم دنيا احمد
«البارت الخامس»
ريم: رقم غريب
نورا: تلاقيها ياسمين او ماما هاتي....... الو
شخص مجهول: الو يحبيبتي
ريم: مين يانورا
نورا بلهفه: ده ماما ايه يماما عامله ايه وحشتيني اوي
ريم: هاتي هاتي اكلمها الو ايه يماما عامله ايه انتي ازاي خدتي التليفون من بابا
حنان بحزن: خدته منه و هو نايم من شويه انتو عاملين ايه وحشتوني اوي اوي
هما: وانتي كمان اوي احنا كويسين
نورا: ماما هو بابا عملك حاجه
حنان بتوتر: لا يانورا معملش حاجه معملش
ريم بشك: ماما توترك ده بيأكد انه عملك حاجه ضرب. ك يماما
حنان: مش مهم انا دلوقتي المهم هقفل دلوقتي عشان ممكن يقوم في أي لحظه هكلمكوا تاني يحبايبي يلا سلام
هما: سلام يماما
نورا: انا متأكده انه بابا عملها حاجه
ريم: وانا كمان علي فكره صوتها مكنش مطمني
نورا: اما نشوف هيحصل ايه يلا ننزل
ريم: يلا
ــــــــــــــــــــــــــــــــــــــــ
كمال: ليلى انتي فين
ليلى: انا في المطبخ يحبيبي
كمال: عامله ايه يحبيبتي
ليلى بحزن: الحمدلله يحبيبي بس زعلانه علي اللي حصل لولاد اخوك ميستهلوش كل ده والله
كمال: والله انا كمان زعلان عليهم
ليلى: النهارده واحنا في المول دخلنا محل هدوم وكدا رنا كانت بتشتري هدوم هما كانوا واقفين و مكنوش عايزين حاجه بس انا صممت انهم يجيبوا زيهم زي رنا بظبط العيال حسه انهم تقال علينا ياكمال
كمال: اكيد عشان لسه محدش فيهم اتعود في فرق بيني وبين احمد مش متعودين علي ده كله بس مع الوقت ان شاء الله كل حاجه هتبقا طبيعية
ليلى: ان شاء الله بس ينفع نخرج كلنا النهارده بليل
كمال: حاضر هنخرج كلنا النهارده بس يلا بقا انا هموت من الجوع
ليلى: حاضر يحبيبي عشر دقايق بس و يكون الاكل خلص خلاص
كمال: ماشي يحبيبتي هطلع اغير هدومي
ليلى: ماشي يحبيبي
ــــــــــــــــــــــــــــــــ
نورا: ايه ده انت جيت امتى يعمي
كمال: لسه جي يحبيبتي اه قبل ما انسى احنا هنخرج بليل هااا
ريم: الله عليك يحج كمال يمدلعنااا
كمال: الله يخليكي
نورا: اه صحيح يعمي عايزه اقولك علي حاجه كدا
كمال: حاضر خمس دقايق و هنزلك اغير بس هدومي
نورا: اوكيه
ريم: اومال البت رنا فين
نورا: تصدقي مش عارفه تعالي نشوفها في الاوضه بتاعتها و نرخم عليها شويه
ريم: يلا
نورا اتكلمت بصوت عالي و هي بتخبط علي الباب: بت يارنااااااا انتي يوليههههه
ريم: مش بترد ماتت ولا ايه
نورا: تفتكري ماتت تعالي ندخل ونشوف
ريم: انتي يوليه انتي فين
نورا: يخوفي تكون بتحضر مقلب لينا زي ما بتعمل علي طول
ريم: اه هنبدأ الشغل ده انا مش قادره والله لا
نورا: رناااا انتي فين هدخل عليكي الحمام والله لو مردتيش علينا........ مفيش حد في الحمام
ريم: هتكون راحت فين ممكن تكون في الجنينه
نورا: تعالي نسأل مرات عمك
ريم: تعالي
نورا: مرات عمي هي رنا فين مش في الاوضه بتاعتها
ليلى: دي في الجنينه بره
ريم: اوكيه
نورا: بقا انتي هنا يارنا الكلب واحنا بندور عليكي ايه ده مالك يبت
رنا: مفيش
ريم: ازاي يعني مفيش مالك يبت في ايه عملتي مصيبه
رنا: يستي لا مصيبه ايه اصل يعني بصوا هقولكوا انا كنت مرتبطه بواحد
نورا: اههه عارفه انا الداخله دي المهم كملي
رنا: وطلب مني نتقابل وانا رفضت بشده يعني قولتله لا مينفعش ازاي يعني
ريم: جدعه وبعدين
رنا: فضل يقنع فيا وانا قولتله لا و في الاخر قالي مش عايز اكمل عشان اتخنقت
نورا: طب اقسم بالله انتي بت توب التوب و رجوله ده مش راجل اللي من النوع ده مش راجل اصلا هو لو راجل هيخاف عليكي من بصات الناس ليكي المفروض يكون فرحان اصلا انك مش موافقه بس نقول بقا هو طلع رقوله مش رجوله لا رقوله
رنا: يعني انا كنت صح
ريم: طبعا صح ده مش بيحبك اصل لو روحتي مره هتروحي التانيه في التالته لحد الله اعلم هيحصل ايه جدعه انك عملتي كدا
نورا: يبت بتعيطي علي واحد مش راجل فكي يبت قومي يلا قومي
رنا: حاضر
نورا: الحمدلله انها اتصرفت كدا
ريم: بجد اه
ليلى: يولاد يلا الاكل جاهز
نورا: حاضر
ــــــــــــــــــــــــــــــــــــــــ
كمال: هاا يانورا يحبيبتي كنتي عايزه تقولي ايه
نورا: عمي ماما كلمتنا من شويه
كمال: طب الحمدلله يعني احمد اداها التليفون اهو
ريم: لا يعمي هي خدته منه وهو نايم بس احنا لما كلمناها صوتها كان متغير كان غريب
ليلى: اكيد يبنتي من الزعل عليكوا
نورا: لا حسيت ان بابا عملها حاجه حتي لما سألتها هو عملك حاجه اتوترت و قالت لا طبعا معملش حاجه و قالت مش مهم دلوقتي هقفل و هحاول اكلمكوا تاني
كمال: لا احمد متوصلش معاه انه يضرب حنان لا
ريم: عمي كان بيضرب. ها و كان بيضرب. نا معاها لو حاولنا ندخل
ليلى بحزن: لا حول ولاقوة الابالله العلي العظيم ايه اللي حصله بس مكنش كدا والله
كمال: مش عارف والله يا ليلى مش عارف طب وبعدين عايزين اجيب امكوا هنا
ليلى: ياريت ياكمال حاول الست لوحدها هناك و اخوك ممكن يعمل فيها حاجه
رنا: بس يماما ازاي اكيد هيعرف انها جت هنا
كمال: صح بس انا هتصرف انتو عايزين انها تيجي
نورا: عمي كدا هنكون تقال علي البيت ممكن نتصرف وناخد شقه بره
كمال: بس يانورا متكمليش انتو كدا بتزعلوني منكوا جدا انتو بناتي علي فكره انتو زي رنا مفيش فرق البيت واسع و كبير بلاش السيره دي يانورا تاني هزعل منك
نورا: اسفه يعمي
ريم: يعني ينفع تجيب ماما
كمال: هحاول اجبها هتصرف انا لان احمد اتجنن رسمي المهم متشغلوش دماغكوا يحبايبي يلا خلصوا اكل عشان نخرج
هما: ماشي
ــــــــــــــــــــــــــــــــــــــــ
كمال: طب ايه يجدعان خلصتوا
نورا وريم: احنا خلصنا
رنا: وانا كمان
ليلى: كدا كلنا تمام يلا بينا
كمال: يلا
ــــــــــــــــــــــــــــــــــــــــ
كمال: تحبوا تروحو فين
نورا: ايه رأيكوا في شارع المعز
رنا: الله كنت عايزه اروح هناك من زمان اوي
ليلى: يلا
كمال: يلا
ــــــــــــــــــــــــــــ
بعد ساعه
ـــــــــــــــــــــــــ
ريم: ايه الناس دي كلها ده مصر كلها صاحيه
كمال: ايه الجديد ده الطبيعي
ليلى: يلا نتمشى شويه انطلقوا يحبايبي
رنا: اوكيه يلا يولاد
ريم: يلا
رنا: يلا
نورا: المكان حلو اوي
ريم: اوي اوي البيوت القديمه دي حاجه جميله اوي
ليلى: المكان جميل فيه كدا في نوع كدا من السرور كدا مش عارفه
كمال: شارع المعز من احسن واجمل الاماكن السياحية في مصر و بذات بليل بيكون حاجه تانيه
نورا: فعلا شكله جميل اوي
ليلى: كمال شوف رنا بتعمل ايه هناك دي بترقص مع الراجل ابو تنوره
كمال: بنتك اتجننت خالص
ليلى: طب والله شكلها يضحك
كمال: هو يضحك فعلا
نورا: اديلو ادي يارنا
ريم: يلا يبت انتي وهي كفايه رقص احنا عيله محترمه
رنا: محترمه جدا خدشي بالك
نورا: واضح ماتشوف بنتك يحج
كمال: كفايه هطل يا رنا يحبيبتي
رنا: ياكي والله اللي بتعملوه فيا ده
كمال: ايه ياكي دي يعني ايه مش فاهم
ليلى: صدقني مش عارفه
رنا: انتو ازاي مش عارفين يعني ايه ياكي
كمال: اه صح ازاي كدا مينفعش
رنا: ايوه
ليلى: متاخدش في بالك بنتك اتجننت سيبك منها ويلا امشوا بقا
ريم: بتطردينا يعني ماشي هنعديها بس بمزاجنا هااا هاااا
ليلى: يلا يختي
نورا: ايوه يحج الله اكبر
كمال: سيبي الحج في حالو اتكلي علي الله
نورا: ماشي من عيني
ــــــــــــــــــــــــــــــــــ
بعد ساعه ونص
ــــــــــــــــــــــــــــــــ
كمال: ادينا خلصنا شارع المعز كله عايزين تروحوا فين تاني
رنا: استنى افكر
كمال: فكري
ريم: انا جعانه
ليلى: ايه الجديد ياريم يحبيبتي انتي علي طول جعانه يقلبي
ريم: الله يسترك انا جعانه برضو
كمال: طب تعالو نتعشا يلا
هما: يلا
ـــــــــــــــــــــــــ
بعد الاكل
ــــــــــــــــــــــــ
رنا: مش قادره عايزه انام
نورا: وانا كمان
كمال: طب يلا علي البيت
ــــــــــــــــــــــــــــــــــــــــ
شخص مجهول: ونضفتي يانورا وبقيتي تروحي أماكن غاليه وعربيات و بودي جارد كمان ماشي ماشي كله هيجي علي دماغك ان شاء الله اطلع وراهم يسطا
ــــــــــــــــــــــــــــــــ
نورا: بجد كان يوم حلو بشكل مش طبيعي
رنا: اوي اوي اليوم كان جميل
كمال: المهم انكو مبسوطين يحبايبي
نورا: اوي اوي يعني
ليلى: يلا يحبايبي علي النوم تصبحوا علي خير
هما: وانتي من اهل الخير
ــــــــــــــــــــــــــــــــــــــــ
شخص مجهول: ايه البيت الكبير ده مكنتش اتوقع انه هيبقى كدا وايه البودي جارد ده كله لعبت معاكي يانورا ماشي المصايب جيالك جيالك الصبر جميل
ــــــــــــــــــــــــــــــــ
وبكدا خلص بارت النهارده يحلوين
