رواية بيت العنكبوت الفصل الثاني والخمسون 52 بقلم همس
الــ ج ـــزأ الــثــاني والـــ خ ـــمــسوون
في المستشفى
سلطان: بسرعه بسرعه تعالو شيلوها معاي
الممرضات يدفون كرسي ووراهـ يمشون
مشاعل: تتألم خلاص الطلق مواصل معاها مو قادرة تتحمل دخلوها للكشف وشالوها بسرعه فوق يلف باسياب المستشفى ويدعي ربه وهو قلقان قرب من غرفة الولادة وكل ماسمع صوت بكاء طفل يقول يارب هي مايبي يقول لامها وتخاف يبي يبشرهم ان خلصت بس متقطع قلبه وهو شايفها قدامه تتألم كل مايتذكر شكلها يضيق حيل شوي الا يحس بواحد جنبه رفع عيونه وتفاجأ يوم شاف الي واقف جنبه أخر شخص يتوقع يشوفه
غلاب: قلقان على سبيكه وتبعها لغرفة الودلادة قرب التت عيونها بعيون سلطان مرت من عندهـ سرير زوجته والممرضات تدفها لكشكـ الولادة تسند على الجدار القريب وسكت
سلطان: ضايق صدرهـ على شان مشاعل وزادت ضيقته يوم شاف غلاب بس شوفته للمرضات داخلات طالعات اشغله عن غلاب وكل شوي يشوف ساعته ويدعي ربه
غلاب: نفس الحالة باله مشغول مع سبيكة دق جواله على خاله
ام سبيكه: هاهـ بشرني غلاب كيفها انا الحين تحت مع خالك رافضين نطلع فوق
غلاب: دخولها الحين دعواتكم
سلطان: يروح ويجي وقلبه يدق بقوة خاف يوم تأخرو خاف حيل كل شوي يرفع راسه يدعي ربه
كل واحد باله مشغول مع زوجته ومن كان يصدق الدنيا تدور ويوقف غلاب وسلطان بنفس المكان بس يكون الولد ينتظره سلطان مو طفل لغلاب قطع خوفهم صرخات طفل كل واحد رفع راسه يدعي ربه ان الي صرخ طفله تبعه بخمس دقايق صرخت طفل ثاني كل لسه مارتاوحو خافو انها غير زوجاتهم انتظرو يوم طلعت ممرضه كلهم راحو لها بسرعه كل واحد يسابق الثاني بإسم زوجته
سلطان: مشاعل بندر خلص او لا
ممرضه: فيه يجيب ولد مبروكـ
غلاب: سبيكه رشاد
ممرضه: مافيه معلوم غرفه ثانيه وراحت بسرعه عنهم
غلاب: قلق عليها أكثر وكل شوي يشوف الباب اخيرا طلعت ممرضه راح بسرعه سبيكه رشاد فيه معلوم ايش يجيب
ممرضه: ابتسمت بفرح فيه يجيب بنت جميل مرة ساني يجيب ولد ان شاءالله>>> ايه نفس جنسيتها مبسوطه فيها
غلاب: طار من الفرحه الحممممممممد لله دق بسرعه على خاله ابشركم جابت بنت ويسمع سلطان يكلم جوال يبشر أهلها وأهله سكر جواله وهو يسمع فرحته مشى بممرات المستشفى يحاول يبعد ذكريات مشاعل عنه ليه شاف سلطان الا يحيي ذكريات حاول يموتها نزل لقى هالخ ساجد بممرات المستشفى
رشاد: سبيكه بنت الوحيدة قرة عينه كان يبكي وهو ينتظرها تولد تمنى التعب فيه ولافيها هي حبه ودنيته وكل شي له
غلاب: قرب لهم وراح لأم سبيكه وباسها مع راسها ويدها وباركـ لها
أمها: كانت تبكي من زود الفرح مسكت يدهـ قدرت تشوفها
غلاب: لاممنوع اول ماعرفت نزلت لكم بس ابحاول فيهم
غلاب: رفع من سجوده وقام لغلاب وحضنه بقوة وهو يردد الحمد لله
غلاب: راح لواحد يعرفه يحاول يشوف سبيكه بس المسؤل رفض لانها مازالت في قسم الولادة وفيه حريم غيرها صعب تدخلون سمح لهم دقايق يروحون لقسم الحضانه لأن البنت سليمه تقدرون تشوفونها
راح غلاب هو وأم سبيكه ووابوها الي طايرين فرح
سلطان: كلم مشاعل بتلفون الغرفه مببرررررررروك حبيتي
مشاعل: يالله تفتح عيونها الله يبارك فيكـ حبيبي تعبت سلطان حسيت ابموت
سلطان: بسم الله عليك ياروحي هذاني احاول فيهم اطلع اشوفكـ
مشاعل: تمسح دموعها ياليت وربي تعبانه محتاجه لك حياتي
سلطان: من عيوني ابسكر واروح اترجاهم راح للمسؤل
المسؤل: ممنوع ياخوي
سلطان: ياخوي الله يخليك بس خمس دقايق
المسؤل: لو طالعه لغرفة التنويم عادي ارقيك فوق بس زوجتك الى هالحين بفرغة الملاحظة تقدر تشوف الطفل
سلطان: طيب متى تروح لغرفة التنويم
المسؤل: بعد ساعه كذا
سلطان: خلاص راح انتظرها بس توعدني تدخلني لها
المسؤل: ابتسم بإعجاب لحبه لزوجته ولايهمكـ
سلطان: ابعد عنه ودق على مشاعل حبيتي بعد ساعه يطلعونك لغرفة التنويم اقدر اشوفكـ الحين ابروح اشوف الطفل
مشاعل: ساعه كثيره حبيبي
سلطان: حياتي كل شي سويته بس رفض
مشاعل: احل روح ارتاح بعدين تعال تعب عليك حياتي الساعه الحين وحدة بالليل
سلطان: مايجني نوم او راح هوانا ماشفتكـ
مشاعل: فديتك بس ان شفته طمني عنه تراني ماشفت الا ولد احمر ومورم
سلطان: متشوق اشوف ثمرة حبنا
مشاعل: نست تعبها وهي تسمع كلامه
سلطان: يالله حبيتي ادق عليك بعد ماشوفه
غلاب: شال البنت مع خالته ماعيعرف يشيل اطفال بس مصمم يحضنها حضنها بخوف وقرب يبوسها تذكر أمه وفرحتها لو انها فيه دمعت عينه
رشاد زوجته طايرين من الفرحه اول حفيدة تجيهم
رجعو البنت للحضانه
رشاد: احنا نبي نرجع وندق على سبيكه بطريقنا تصبح على خير ومبروكـ ماجاك ياولدي
غلاب: الله يبارك فيك
رشاد: ماراح ترجع
غلاب: شوي ارجع شافهم يوم تأكد انهم ابعدو لف على الحاضنه دق الشباك كتب بالورق هببي مشاعل بندر
الحاضنه: دفت سرير الطفل وقربته له
غلاب: اشر لها تجيبه وعطاها
الحاضنه: رفعته له عن الشباكـ
غلاب: تخيل اول ماعلمته عن حملها تخيل كلامها ابتسامتها بس عقد حواجبه يوم تخيل ضربه لها وهي كانت تصرخ بين يدينه صراخها وصراخ امه
الحاضنه/ استغربت تغير وجهه رجعت الولد سريره ودفت على جنب
غلاب: مازال واقف عند الشباك يشوف سرير بنته جنب سرير ولد مشاعل تنهد بحزن مكتوب ولدي يطيح ويجي مكانه ولد سلطان قطع افكارهـ صوت خطوات لف وشاف الوجه الي مايبه ابعد عن الشباكـ بسرعه ونزل تحت
سلطان: قلبه قارصه حاس فيه شي وجود هالشخص يضايقه قرب للشباكـ وحط اسم ببي مشاعل بندر ابتسم يوم شاف ولده شعور جميل تشوف ولدكـ من احب انسانه لقلبكـ
================
في بيت العمة
عاليه: والله كان زواجهم حلوووو مرة
نورة: مادري ماحس كشخه مرة زواجهم يعني حتى اختارو قصر عادي
شجون: تسمعهم وساكته
هند: ياشيخه ايش فايدة المظاهر كلها خساير على الفاضي اهم شي ينبسطون
العمه: صادقه يابنتي اهم شي سعادتهم
عاليه: وهي معاها الايبارد شوفو صور زواجهم نازلة بالنت
نورة وهند جلسو جنبها ورينا
هند: ياحليه هذا العريس
عاليه: ايه والي جنبه ابوها شوفي مكتوب تحت
نورة: نزلي بعد شوفيه مكتوب العريس وأصدقاؤه
شوفي شكلهم يمزحون عليه
هند: ارجعي فوق ابشوف من الي جنبه هذا
عاليه: مكتوب العريس واخوانه من اليمين اخوه يوسف اليسار اخوه ياسر
شجون: اخذت قطعه من الكيكه ومسويه وساكته
هند" سبحان الله يختل عنهم ياسر مرة
نورة: ايه مو اخو شقيق
العمه: ماعجبها كلامهم اقول سكرو جهازكم وماعليكم من عيال الناس عيب يابنات
هند: يمه ماشفناهم ونتغزل فيهم زيهم زي أي رجال بالشارع بس يعجبنا شكل المعاريس
عاليه: ايه دايم ان كنت فاضيه فتحت جهازي وافرفر باي زوجات حضرتها اتفرج
نورة: قربي شجونه شوفي معانا
شجون: لاحبيتي مابي
العمه: فديتك وفديت عقلك مالت على بناتي بس
عاليه: سكرت جهازها ولاتزعل حبيبة القلب الاصح يمه متى يجون اخوي ابراهيم
العمه: رحلتهم بكره الصباح يعني ان شاءالله بالليل عندنا ان قدرتو تعالو استقبلوهم معاي ان سمحو رجالكم طبعا
البنات اكيد فديتكـ
شجون: افكارها تجي وتروح خايفه من ابراهيم وزجته مايتقبلونها وتبدا معاها رحلة المشاكل من جديد ماصدقت تتخلص من فارس ياخوفها تبدا رحلة عذاب جديدة بعد
================
في المستشفى
شالو سبيكه لغرفة التنويم الي فيها اربعة اشخاص كان فيه سريرين مشغولات وسرير فاضي حطو سبيكه في سرير جنب الشباك وعن يسارها وحده مانبهت لها سبيكه يوم ابعدو عنها الممرضات الي جنبها لفت عليها حمد لله على السلامه
سبيكه: تتعدل بجلستها الله يسلمكـ
مشاعل: ابتسمت لها ايش جبتي
سبيكه: بادلتها الإبتسامة بنت وأنتي
مشاعل: ولـد بهمس تناظر الستارة الي مسكره قدامهم ترا هذي جابت ولد بس يامسكينه توفي بعد 5 ساعات من جبيته أخاف يزل لسانك وتسألينها انا سمعت الدكتور يكلمها وعرفت ماحبيت احتك فيها طول الوقت مسكره الستارة وباين ماتبي تتكلم مع أحد
سبيكه: مسكينه
مشاعل: متى جبتي البنت
سبيكه: البارح بالليل قريب الساعه وحده
مشاعل: أجل معاي بس غريبه ليه توهم يطلعونكـ من كشكـ الملاحظة
سبيكه: صار شوي معاي نزيف دق جوالها خلاص ان شاء الله سكرت الستارة زوجي مسكين يحاول يدخل مانعينه لأني بكشكـ الملاحظة توهم يسموحون له يدخلونه بس خمس دقايق بعد
مشاعل: ضحكت ايه زي زوجي يالله دخلوهـ قبل ساعه كان عندي وعلى قولتك خمس دقايق ونشبو بحلقونا
الممرضه: دخلت بسره وسكرت الستائر
مشاعل: عدلت جلستها وطلعت جوالها تبي تراسل البنات الا تسمع تنحنح واحد تعرفه كويس مستحيل تنساه حطت يدها على بطنها حست بماغص من صوته سكرت جواله تتأكد هي يتهيأ لها اولا
غلاب: دخل وبهدوء السلام عليكم
سبيكه: وعليكم السلام
غلاب: قرب لها وباسها مبروك حياتي
مشاعل: تسمعهم كويس لأن سريرها جنب سرير سبيكه
غلاب: شفتي البنت
سبيكه: ايه شفتها وبسرعه أخذوها مني وأنت
غلاب: شفتها أنا وامكـ وابوك لو تشوفين كيف فرحتهم كانو يبون يطيرون من الفرح وضحكـ
سبيكه : ضحكت فديتهم بس
غلاب: ناظر الغرفه معجبتكـ او نطلب لكـ غيرها ترا اعرف هنا واحد رفيقكـ مايرفض لي طلب
مشاعل: تسع سواليفهم وسرحت قبل سنتين كأنها تشوف خالتها قدامها ضربه لها اهاناته
سبيكه: لاخلني تعرف مو اجتماعيه ابد أنا والي جنبي واضح حبوبه اوسع صدري معاها حتى اخرج تعرف كل السالفه يوم واحد بس
غلاب: ابتسم وهو يناظر ستارة مشاعل حلو لقيتي وحده توسعين صدركـ معاها قطع سواليفهم صوت جوال مشاعل
مشاعل: تبي تسكرهـ بس شافت المتصل عمها ردت بسرعه وعليكم السلام
بخير الله ييبارك فيكـ ياعم
غلاب: بدون شعورهـ ناظر جهة الصوت
سبيكه: استغربت فزته فيك شي غلاب
غلاب: تدارك عمرهـ لا لا مافيني شي بس نسيت حاجه وتوني اتذكرها
سبيكه: ايش هي؟؟؟
غلاب: ابتسم محمد صديقي موصيني اجيب له غرض وانا تاركه لي يومين لهيت معاكـ حياتي ومسكـ يدها وهو لسه مركز مع الصوت
مشاعل: ترد بشويش الحمد لله ماعلي والصغير ماعليه فديت روحكـ
غلاب: مايبي تتحركـ ذكرياته ناظر زوجته باسها مع جبينها على اذنكـ قلبي
سبيكه: لسه ماقالو لك اطلع ولاشي
غلاب: ابروح اعطي محمد غرضه واشوفك وقت الزيارة ان شاءالله طلع بسرعه من الغرفه مابي اسمع صوتها مابي اخون سبيمه حتى بتفكيري سبيكه عوضتني عن كل شي ومشاعل صارت ذكرة قديمه لازم تروح من بالي اسرع وراح لسيارته تنهد وفتح ازارير ثوبه ايش هالصدفه ياربي
=================
في بيت ابو مشاري
مشاعل: جالسه بغرفة الضيوف تستقبل أهل زوجها
أم سلطان: دخلت عليها وسلمت وباستها مع راسها
مشاعل: استغربت من حركتها بس سكتت
ام سلطان: متغيره نفسيتها حيل وتسولف مع ام فارس ومبسوطه
سلطانه: هاتي الكتكوت ميشو
مشاعل: ابتسمت وعطتها اياهـ
العنود: قامت وأخذته قبل سلطانه أنا العمه الكبيرة لازم اول من يحضنه
ام سلطان : ناظرتها انا اولى منكم كلكم أنا الجدة هاتيه وأنا أمكـ
العنود: باسته وهي شايلته سمي يمه
ام سلطان: حضنته على صدرها وطلعت من جيبها الف ريال وحطته بفراشه
العنود: شالته وجلست معاهـ تحضنه وتبوسه
ام فارس: عقال مانشوف ولدكـ بحضنكـ
سحر: غصب عنها تغار من العنود شي لا ارادي يوم سمعت صوت مشاري جاي قامت بسرعه ومتغير وجهها فيه ضيوف مشاري
مشاري: استغرب تقول اسمه كذا بدون أي حنان شكـ ان الضيوف العنود وأهلها يعرف غيرة سحر الجنوني ناظرها يبي يمتص غيرتها حبيتي محلوة اليوم حيل
سحر: ابتسمت له بحنان جد
مشاري: قرب لها وقرصها مع خشمها كل يوم تحلوين بعيوني أكثر
سحر: فديتكـ بس
مشاري: شوفي لي الطريق حبيتي ابروح اتحمم
سحر: سكرت الباب بحذر يالله حياتي
العنود: ملاحظة غيرت سحر وماتلومها ابد
ام سلطان: بعد ماصت المغرب جلست جنب مشاعل تسولف معاها بحب
مشاعل: مستغربه من تصرفاتها ومعاملتها وفرحانه حيل تقول بقلبها الله يديم عليها
ام سلطان: ناظرت الكل مشغول بصلاته لفت عليها وبهمس يابنتي سامحيني وحلليني حبي الزايد لسلطان اعماني كنت اقسي عليكـ وتغليبني بطيبتك اتمنى امسكـ شي عليكـ اعطي نفسي مبرر لتصرفاتي وقسوتي معاكـ اموت قهر ان قابلتي قسوتي بحنانكـ كنت الوم نفسي بس الشيطان اعماني بس جيت محمد الصغير فاتحة خير على قلبي انتي صرتي ام حفيدي وان قسيت عليك قسيت على ولدين لي مو ولد واحد سامحيني وحلليني يابنتي صح عجوز بس اغلطت بحقكـ كثير
مشاعل: ابتسمت وباست يدها انتي بمثابة أمي واعرف حب الأم لولدها وصدقيني مابقلبي شي عليكـ ياعمة
ام سلطان: استحت أكثر من ردها ناظرتها والا مالوم ام غلاب الله يرحمها يوم تموت فيكـ انتي وربي يشهد صرت اقرب لي من بنت اخوي الي ماعاملتني ربع معاملتكـ واحترامكـ لي مايقول الا الله يسعدكـ يابنتي ولك معزة بقلبي غير
مشاعل : ماتصدق تحس انها بحلم جت العنود وامها سكتو وجلست ام سلطان تسولف وحمودي بحضنها بس مشاعل مو معاهم تنتظرهم يطلعون تبشر حبيها وزجها بالي سمعته من أمه تنهدت براحه ورفعت عيونها لربها تحمده وتشكره على كل شي
=========================
في بيت اهل ياسر
ياسر: يوده أهله قبل سفرته
يوسف: وهو يودعه سافر امس خالد واليوم انت مانتحمل فقدكم سواء
ياسر: خويلد كلها اسبوع اسبوعين وراجع بس الله يعينكم على فقدي
غاليه: ههههههههههههههههههه اوخص ياواثق
ياسر: يغمز لها يحق لي
جوهرة: تضمه ايه يحق لكـ يادكتورنا بس ياخوي لاتقطع فينا كلمنا كثير الحين فيه نت مالك حجة
ياسر: باسها على جبينها من عيوني تآمرين أمر يا أم تركي
غاليه: لنا الله
ياسر: ونعم بالله ولكـ بعد بيتي لاتنسينه أمانه برئبتكـ
غاليه: ياليل هالبيت ليتنا ماشرينا سوا ههههههههههههههه
ياسر: احمدي ربكـ كم ليله انام عندكـ حارس أمن
غاليه: ابتسمت له صادق ابفقدكـ مادري مين راح ينام عندي ان رحت الحين الله يخلص خمس شهور على خير بس
أمها: تعالي عندنا بيت اخوك يوسف مايملكـ
غاليه: أكيد يمه ماتقصرون
ياسر: لف عنهم وراح لأمه مسكـ يدها وباسها تآمريني بشي
أمه: بنظرات حنان آمرك تهتم بحالكـ ولاتقطع فينا
ياسر: من عيوني
أمه: تسلم لي عيونكـ سحبته مع يدهـ تراك غالي علي اهتم بنفسكـ
ياسر: ناظرها ونزل عيونه بإذن الله وقف وأخذ شطنته ودعهم
يوسف: لحقه ابوصلكـ
ياسر: ريح ياخوي صلاح يبي يوصلني ماقصرت
يوسف: افا تقرب صديقكـ وتبعد أخوكـ
ياسر: حاشاك ياخوي مافيه اقرب من الاخو كيف عاد ان صار اخو وابو بنفس الوقت ثق مافيه احد ينافس غلاك بقلبي بس صلاح قالي ابوصلك ويبني بموضوع فديت روحكـ
يوسف: يحب اخوه ويحب ادبه وأسلوبه اجل انتبه لنفسكـ يوم شافه ركب سيارة صلاح أشر له بيدهـ وودعه الحمد لله الي ردكـ لنا بعد غياب
صلاح: وربي راح نفقدكـ يالدوب
ياسر: أكيد مافيها شكـ تو اهلي ازعجوني بالسالفه
صلاح: اقول اسحب كلامي تراني أجاملكـ
ياسر: مايمديكـ ماناخذ الا بالكلام الأول وضحكـ
صلاح: اقول يابو الشباب ماتلاحظ انكـ متغير حيل
ياسر: يشوف قدامه من أي ناحية
صلاح: من عرفتك ووانت ثقيل ورسمي وماعمري شفتكـ تضحك من قلب او تمزح ولك كم اسبوع فالها ضحكـ وتعليق وسوالف
ياسر: تجيك ساعات انشراح بالصدر مفاجيئ
صلاح: ايه صح صدقتكـ
ياسر: مو لازم تصدقني ابتسم وناظر الجهه الثانيه بقلبه انا نفسي مستغرب ليه مبسووط حييييل غمه جالسه على صدري وانشالت يارب لاترجعها ثانيه
صلاح: قطع سرحان ياسر ابشاوركـ بموضوع مصيري
ياسر: تعدل وناظر صلاح ياساتر ايش هو ؟؟؟؟؟؟
صلاح: قررت اتزوج مرة ثالثه
ياسر: عين العقل ياخوي
صلاح: بس قررت اخطب وحده تعرفها زين
ياسر: مغصه بطنه وراح باله لشجون عقد حواجبه مين؟؟؟؟؟
صلاح: الدكتورة هيفاء
ياسر: كتم تنهيدة الراحة زين ماخترت
صلاح: اجل رايكـ اخطبها تتوقعها مناسبة لي
ياسر: البنت ماشفنا منها شي يعيب محترمة ومحافظه وانت تشوف كيف محافظة مو زي غيرها من الي يشتغلون معانا
صلاح: ممكن أسأل سؤال محيرني
ياسر: تفضل؟؟؟؟؟؟
صلاح: ليه ماخطبتها اجل وهي بنت خالك ورحت للناس بعيدين وتركتها شفت منها شي يعيب وماتبي تقولي
ياسر: رفع يدهـ حاشاها كانت معاي سنة كامله ببريطانيا وماشفت منها شي يعيب ابد بس ماكتب ربي وترتني ماحرص على زواج الأقارب
صلاح: ابتسم براحة اجل ابخلي اهلي يتقدمون لهم بكرة ان شاءالله
ياسر: حط يدهـ على كتفه الله يوفقكـ ولاتنسى ان صار شي بشرني
صلاح: أول مابشرهـ انت
==================
في بيت اهل هيفاء
هيفاء: سكرت اوراقها واستعدت تبي تنام
أمها" دخلت عليها مبسوطه وجلست جنبها
هيفاء: حيا الله أمي العزيزة الي راح تسهر معاي وتعوضني فقد هنو
أمها: شكلي مو انا الي راح اعوضكـ فيه انسان جديد راح يعوضكـ ان شاءالله
هيفاء: قلبها يدق بقوة مافهمتك يمه !!!
أمها: مابي الف وادور يابنتي ابدخل بالموضوع سيدا واحد اسمه صلاح فؤاد قبل شوي ابوهـ جاء لابوكـ بمحله وتقدمو لكـ ولدهم يشتغل معاكـ وتزوج مرتين وطلق ابوكـ تردد حيل مايبي يزوجكـ لواحد مطلق وانتي بكر ومافيكـ شي يعيب وانا قلت ان كان الولد كفو الطلاق مايعيبه طبعا الراي الأول ولأخير لكـ يابنتي فكري زين واشتخيري وردي علينا مابي اسهركـ وواراك دوام بكرة تصبحي على خير طلعت وخلتها
هيفاء: تشوف الباب وهو يتسكر يمه تركتني بدوامه ورحتي ليه يمه ليه سكتت وهي تتذكر كلام أختها وتذكرت كلامه ومعاملته معاها حطت راسها على طرف سريرها صلاح احسه طيب وهادي ومحترم وولدهـ يدخل للقلب بس صادق ابوي ليه اتزوج واحد سبق له الزواج وعنده ولد لا مابيه سكتت شوي هيفاء ضيعتي منك خالد وجريتي وراء ياسر وماحصلتي لاهذا ولاهذا والحين افرط بواحد واضح محترم ومافيه شي ينعاب علشانه متزوج طيب وان امو صغيرة عمري قارب على 30
ليه ماقبله لازم استخير احس اني بدواووووومه
================
في بيت أهل صلاح
صلاح: وهو مبسوووووط الله يبارك فيكـم
نسرين: اجل متى النظرة الشرعية
صلاح: مادري عن أمي ايش قالت لها أم هيفاء
ام صلاح: قالت لي بكرة العصر ان شاءالله وبعدها التحاليل
ابوهـ : وان خلص كل شي نقدر نعلن خطوبتكم ونتفق مع ابوها على موعد الزواج ان شاءالله
أمه : لاتتفاجيء ترا البنت مش بطالة عاديه يعني مو مستوى العنود ولا
صلاح: تغير وجهه هذيك لاتجيبن طاريها يمه ارجوكـ والعنود الله يستر عليها ابتزوج هيفاء مو لشكلها ابتزوج لأخلاقها ابتزوج زواج جديد وانسى كل ماضيي عن اذنكم وراح لغرفته
ابوهـ : الحين لازم تنكدين عليه فرحته
أمه: انا ايش قلت مابي يحط بباله انها حلوة ويتفاجيء بس
ابوهـ : لاتخسرين ولدكـ ولاتدخلي بحياته فاهمه او لا وطلع وخلاها
أمه : ايش فيه هذا دحين بس معصب
نسرين: ماما ممكن نخلي صلاح بحاله
أمها: حتى أنتي خلاص راح اسكت ماراح اقول ولاكلمة ارتاحو وراحت غرفتها
=================
في بيت أهل هيفاء
هناء: لها يومين راجعه من السفر وفرحانة بخطبة أختها يالله هيوفه استهدي بالله وادخلي
هيفاء: مرتبكه حيل
هناء: يالله تأخرتي
ابوها: طلع يالله الرجال ينتظركـ ادخلي وراي
هيفاء: دخلت وراء ابوها بالضبط
صلاح: ماتوقع انها وراه كان يبتسم لابوها شاف سراب بنت تمشي وراهـ عرف انها هي ابتسم وركز فيها
هيفاء: جلست جنب ابوها ونمزلة راسها
صلاح: كيفكـ هيفاء
هيفاء: الحمد لله قالتها بخجل وهي منزلة راسها
ابوها: عرف انها بعيده وخاف ان صلاح مايشوفها كويس وهو بعين وحدة يابنتي عطيه العصر
هيفاء: بقلبها يبه الله يهديك كيف امسك الصحن وانا ارجف قامت وشالة صينية العصير وقربته له
صلاح: عدل نظارته قبل ماتقرب منه وركز فيها صح هيفاء عاديه مرة بس بعيون صلاح احلولت مع انها اقل منيارا بكثير والعنود بس بنظره احلى بكثيرررر اخذ الكاسه وابتسم مشكور
هيفاء: رجعت صينية العصير وطلعت بسرعه حطت يدها على قلبها ياربي احراج بقوة
هناء: جربي ماجربت ولسه بعد وغمزت بعيونها لها
هيفاء: طاحت على الكنبه بتعب مع اني اشتغل مع الرجال بس الكشف صعب مرة يالله ستركـ بس
هناء: جلست جنبها ربي يوفقكـ حبيتي
هيفاء: تتوقعي اعجبه يمكن زوجاته الي قبلي احلى مني بكثير
هناء: شوفيني مو حلوة بس بعيون خلودي اجنن
هيفاء: قلتيها خالد الي ماتزوج ولاشاف غيرك بعمله بس صلاح سبق له الزواج وعملنا فيه كم بنت ملكات جمال
هناء: لو كل رجال كذا ماتزوج ولادكتور ولا أي انسان سافر برا ياختي ترا القلب يحب قبل العين والزين غسال ايدين وأنا اختكـ
هيفاء: تصدقي لو يتراجع عن خطبته لي راح انصدم واكره طاري الزواج كله
هناء: فال الله ولافالك هيفاء ايش تقولي أنتي
ابوهم: دخل عليهم مبروك حبيتي بس بقى التحاليل يقول صلاح بكره نروح الولد مستعجل
هيفاء: دق قلبه بقوة من زود فرحتها بس حاولت تكتمها تستحي من ابوها
ابوهم: طلع وخلاهم
هناء: شفتتتتتتتتتتتتتي يالدوب معجب فيكـ وطاير فيكـ بعد بس أنتي مكبرة السالفه اكثر من اللزوم
هيفاء: ايش اسوي كنت خايفه حيل
هناء: يابختنا عندنا زواج اجل
أمها : سمعت كلامها ايه بعد قريب على كلام ابوكـ انه مستعجل حيل ايش سويتي بالولد أنتي
هيفاء: ابتسمت ونزلت راسها بخجل
=================
في شقة ياسر
ياسر: مبرررررروك الف الف مبرررروك فرحتني من قلب والله
صلاح: وهو مبسووط مرة الله يبارك فيك عقبالك
ياسر: لاتسوي الفرح حتى ارجع انا ابزفكـ فاهم
صلاح: اقول تبيني انتظرك معصي انا مستعجل حيل
ياسر: ايه دور سيارة تزفك اجل
صلاح: امزح عليك حددت الزواج وقت رجعتكـ كلها اربع شهور وترجع راح شهر الحمد لله الحين
ياسر: ان شاءالله نفرح فيك يامعرسنا الجيد خل خالد يقدم ماسكها علي كل ماقوله شي يقول من قدي لسه عريس
صلاح: ههههههههههههههه الله جعلني ازفك وانت عريس امنيت حياتي والله
ياسر: ياكثر الي يتمنون يزفوني ايش رايكم تزفوني بباص ووتناوبون كل واحد عشر دقايق كذا اعدل بينكم
صلاح: هههههههههههههههههههه الله ياخذ ابليسك يالله ماشغلك عارف انك مشغول
ياسر: ابكمل شغلي وانا مبسوط فرحت قلبي ربي يفرحك دنيا وآخرة
==================
في بيت العمه
حاطه عزيمه كبيره لرجوع ولدها
شجون: جالسه جنب زوجة ابراهيم تسولف معاها حبتها حيل وتحسها طيوبه مرة بس كل شوي تقوم تشتغل مع البنات وترجع
حصه: اموت وعرف ليه تمعوني اشتغل
عاليه: ياختي توكم جاين من سفر لاحقه على الكرف لاتخافي هههههههههههههههههه
هند: وهي تقطع السلطه مع شجون الا ايش صار لقيتو بيت ياحصة
حصة: ايه لقينا يالله اخوكـ لقى بيت على مزاجه
نورة: حلو وين؟؟؟؟؟
حصة : بحي الريان يقول سألت عن الجيران قبل كل شي وشفت البيت صار ينفع لنا احنا وخالتي وشجون
شجون: انحرجت وتغير وجهها تحس صارت حمل ثقيل عليهم
ردت بهودء وربي منحردة منكم حصه
حصه: لاتكملين مابينا حاوجز ورسميات ورتراك بمعزة خواتي ازعل منك ترا شجونه
نورة: خليها عنكـ حساسه حيل بس يافديتها وفديت حساسيتها
هند: الام اتعرفين شي عن اهل زوجك شجونه
شجون: الام يشو جابت ولد فديتها كلمتها كم مرة واعدتني تزورني ان طلعت بس شكلها انشغلت فديتها
نورة: ياسرع الدنيا من يصدق راح تكنلين عدتك وتكوني حرة خلاص هذي آخر دورة لها حاسبتها لها من زود حماسي
شجون: ماتبي كلام كثير زي كذا بس ماحبت تبين لهم عارفه من زود حبهم لها
العمة: جالسه مع الحريم اقاربها وناس من جيرانها
وحدة مراة ماشالت عيونها عن شجون همست للعم هالا ماقلتي لي يام ابراهيم راح تزوجنها او البنت ماعندها طاري
ام ابراهيم: اكيد راح تتزوج بسم الله عليها لسه صغيره
أم احمد:ايه احسب بس مادري خلصت عدتها والا لا
العمه: قريب ان شاءالله
==================
في غرفة فارس
ام فارس: طقت غرفته كم مرة كالعادة مافيه رد دخلت عليه وناظرته بحنان
فارس: قبل مايرفع عيونه عرفهايعرف مافيه احد يدخل عليه غيرها
ام فارس: جلست جنبه حبيبي ذبحت نفسكـ من دوامك لغرفتكـ وين طلعاتك وسهراتكـ
فارس: يحاول يخفي وجهه عنها مالي خلق يمه
ام فارس: مسكت يده من طلاقك لها وانت كذا حالتك نزل وزنك وتغيرت امورك
فارس: بعصبيه يمه ماهمتني ولاهزت فيني شعرهـ اصلا
ام فارس: وهي متضايقه لو ماهمتكـ ليه تسكر على نفسكـ اثبت لي ماهمتك واطلع معانا للمزرعه اليوم
فارس: مالي نفس يمه وظيفتي الجديدهـ ماحك شعري ارجع مهدود وانام بسرعه
ام فارس: يمه يافارس الواحد يقدر يخدع الكل الا أمه يمه يافارس حاول ترجعها قبل تخلص عدتها قربت تخلص ترا
فارس:مابيها
ام فارس: ماتبيها بلسانك بس قلبكـ يبيها
فارس: يمه صدقيني طابت النفس
ام فارس: طيب الله يوفقك مع غيرها بس مصمم ماتطلع معانا
فارس: هز براسه بأيه
ام فارس: باسته مع راسه وقامت تبي تطلع
فارس: بصوت حزين قلتها لها ماينجبر قلب على قلب قبل سنتين وردتها لي الحين ردتها يمه بعد ماتولعت فيها ردت لها يمه بعد ماعشقتها ردتها لي يمه بعد ماصارت كل شي بالنسبه لي
أم فارس: كانت ماسكه عروة الباب وتسمع كلام ولدها ولهجة الحزن فيها حسته انه يطعن قلبها بكل كلمة يقولها لفت عليه تبي توهم نفسها ان ولدها قوي بس انصدمت يوم شافته منزل راسها ودموعه تطلع من عينه جلست جنبه لايافارس لاتحرق قلبي بدموعكـ ياوليدي
فارس: سكت شوي ومسح دموعه حاول يتماسكـ يمه انتي ماتحبيني
امه: فيه ام ماتحب ضناها
فارس: لو كنتي تحبيني ماسكتي لي وانا اغلط ماسكتي لي وانا اظلم كان وقفتني عند حدي كان قلتي هذا غلط يافارس بس جنيتي علي يمه
أمه: كنت انصحكـ بس انت ماتسمع كلامي فارس يمه كل هالكلام والحسره علشان شجون راجعها معاك وقت
فارس: يمه خلاص شجون كارهتني ماقدر اجبر وحده كارهتني مستحيل اذل نفسي يمه ادوس القلب ان كان يبي يذلني
ام فارس: دعمت عيونها ومسحتها بطرف شيلتها اسمعني ضناي تبيني اكلمها واطلبها انا خلني اجرب اقنعها ان رجعت لك وشافتك تعاملها غير صدقني راح تحبكـ
فارس: لا لا لا يمه وحدة ماتبيني مابيها ناظر قدامه كل واحد له طريق منا
ام فارس: اجل ابدا طريقك وخلني اخطب لكـ
فارس: مسك راسه يمه مصدع ابنام لو تسمحين لي
أمه: من عيوني غطته يوم انسدح وتركته
فارس: فتح عيونه خلاص بدا العد التنازلي وانا ماقدر ارجعك لي ياشجون معقوله راح تكوني مو حلال لي غمض عيونه مستحيل يذلني حبك لازم انساها قام ودق على احمد احمد الليله ابسهر سهره ماحصلت فاهم او لا
أحمد: من عيوني ابعلم الربع ونسهر سهرة حلوة
سكر احمد منه التفت على ابراهيم ترا فارس معانا الليله
ابراهيم: حابس نفسه كأنه حرمة حزينه مادري هي الي طلقته او هو؟؟؟؟؟
احمد: احترم نفسك لااتتريق عليه بعدين ماهتم ترا بس كان مشغول بعد وظيفته الجديدة مالقيت غير فارس يهتم بحرمه ماهزت فيه شعره يالله بس ابروح اشتري اغراض لعشانا الليله الغالي راح يسهر معانا
=================
في غرفة شجون
شجون: طلعت متحممه وتجفف شعرها ناظرت نفسها بالمرايه وشعرها مبلول من يصدق خلاص صرت حرة كل هالفترة ماسكه قلبي شبح فارس يلاحقني خلاص مالأحد كلمه علي فارس صفحة وطويتها ربي يسعده وانا الحين حرة نفسي لازواج ولاهم ولانكد ربي من علي بعمه وبناتها من اطيب مايكون شلة هم لزوجة ولدها والحمدلله صارت طيب حيل لك الحمد يارب
العمه: بالصاله يالله شجوووون جيبي اغراضكـ العمال شوي يجون يشولونها
شجون: سمي يمه طلعت كل الأغراض خلاص آخر يوم لهم بالبيت القديم
==================
في بيت يوسف
غاليه: تتقهوى مع امها وأختها صح نسيت اقولكم جونا جيران جدد بس تتوقعون مين ؟؟؟؟؟؟؟؟؟
الجوهرة: بنت خالي فطوم
غاليه: لا
أمها: صديقتك سهام
غاليه: برضو لا
أمها: اجل مين
غاليه: شجووووووووون وعمتها >>>>>>
