رواية بيت العنكبوت الفصل الواحد والخمسون 51 بقلم همس
في سيارة فارس
فارس: كان يسوق بسرعه جنونيه وكل مايتذكر كلام ابوهـ وأخوهـ يدوس اكثر
مر بتقطاع خطير داس بكب قوته كأنه يبي ينتحر مر من بين سيارتين بكل جنون ثواني وتخط وحدة من السيارة فيه تعداها وهو يسمع هرن السيارات بكل قوتها مشى بطريقه ماهمه شي راح لطريق بري نزل لحاله مانزل جواله يسمعه يرن بس مايبي يرد على احد
مشاري وابوه: يلفون بالشوارع يدورنه راحو للاستراحه مالقو احد
ابوهـ : ودني لبيت صديقه احمد اقرب شخص له يمكن راح عندهـ
مشاري: سم يبه حرك سيارته وهو يدعي ربه إن اخوهـ مافيه شي
ابوهـ : يوم قربت سيارة مشاري من بيت أحمد يدعي ربه انه يشوف سيارة ولدهـ فيه بس خاب أمله يوم مالقى السيارة ناظر مشاري سيارته مو فيه يعني مو عندهـ
مشاري: يبهم ودليل يمكن راح معاهـ بسيارته خليني انزل وأتأكد
ابوهـ يسمح على لحيته بكل توتر طيب رح تأكد
مشاري: نزل ودق الجرس بسرعه فتح لهم احمد بثوب البيت لأنه كان جالس بالملحق
احمد: خاف يوم شاف وجه مشاري مو زين خير يابو بندر فيه شي
مشاري: الخير بوجهكـ بس فارس من الظهر طلع ولارجع ندق عليه مايرد قلنا يمكن نلقاهـ عندكـ
احمد: شاف ابو مشاري بالسيارة وواضح التوتر عليه ناظر بمشاري ماعليك ياخوي ان شاءالله مافيه الا كل خير انا ابدورهـ واعلمكم
مشاري: نروح معاكـ ممكن تجي معانا
احمد: هو طلع متضايق صح
مشاري: سكت شوي ماخفيكـ غلظنا عليه الكلام انا وابوي ووطلع زعلان
احمد: يعني خلاص مايصلح تروح معاي وهو ضايق منكم خلني اروح واشوفه قبل
مشاري: بس قلقان عليه وابوي اشد مني
احمد: ماعليك فويرس يحب يتدلع عليكم وابتسم علشان يهدي مشاري
مشاري: مشكور ياخوي ازعجناكـ بآخر الليل
احمد: افا عليكـ فارس اخوي زي ماهو اخوكـ حرك سيارته بعد ماراح مشاري وفعلا نفس ماتوقع لقى فارس بنفس المكان الي كل مايضيق يروح له دق على مشاري وبشره انه لقاهـ وطمنه انه مافيه الا كل خير ططمن امه وابوكـ
نزل بهدوء وقرب عندهـ وحط يدهـ على كتفه
فارس: عرف انه احمد بدون يلتفت ايش جابكـ
احمد: جلس جنبه جابني شوقي وضحكـ
فارس: ابعد عني وربي انكـ فاضي
احمد: تربع جنبه ايش مضيق صدركـ كل هالضيقه وخلاكـ تتركـ البيت من الظهر الى هالحين ولاترد على أهلك امكـ وابوك قلقانين عليكـ خاف ربكـ يافارس لو شفت حال ابوكـ ترحمه واخوكـ بعد كيف عاد امكـ
فارس: بتريقه مسوين قلقانين علي
احمد: لا يمثلون علي ارتحت
فارس: بعصبيه ايه يمثلون ولاعمرهم اهتمو فيني ابوي اهم ماعليه الحبيب الغالي مشاري بس فارس بالطقاق
احمد: حرام عليكـ لاتظلم ابوكـ
فارس: حرام عليه هو يظلمني ويوقف هو واخوي ضدي بعصبيه تخيل ياأحمد يبون يفسخون مني زوجتي غصب ابوي واخوي يبون يوقفون ضدي بالمحكمه وتبيني اقتنع انهم يحبوني
احمد: طيب انت ليه ماتطلقها مو كنت ماتبيها وكارهها ومارجعتها الا علشان ولدكـ خلاص الولد وراح ايش تبي فيها كلها مصايب ومتاعب طلقها وتزوج اطلق بنت غيرها
فارس: رفع عيونه يشوف الفضاء الي قدامه تخيل شكلها قدام عيونه بقلبه ماتوقع فيه اطلق منها
احمد: وين سرحت اقولكـ طلقها ولاتختلق مشاكل مع أهلكـ بسبب بنت لاجت ولاراحت
فارس: رص اسنانه مابي اطلقها تفهمون مابي
احمد: مسألة عناد يعني
فارس: ايه عناد كيفي
احمد: ياخوي افهمني
فارس: مسك اذانه مابي اسمع شي زوجتي وانا حرررر فيها فكووووني كلكم ضدي لا ابو لا اخوي وللاسف حتى اقرب صديق لي
احمد" ممكن تسمعني وانت بعدها حر ايش تقرر
فارس: ساكت مارد
احمد: تجي منكـ احسن من تجي منها صدقني ياخوي وين فارس الي دايم رافع راسه مافيه احد يقدر يذله
فارس: عصب ماجابته أمه الي يذل ولد بندر
احمد: كفو هذا فارس الي اعرفه بس تمسككـ فيها يحسسها بأنها شي ثمين عندكـ وصدقني راح تتكبر وتتغلى عليك وتعند علشان تنتقم منكـ بس ان صبحتها بكرة بورقتها خربت عليها طعم النصر الي تدور عليه
فارس: كان يناظر الي قدامه يوم سمع كلام احمد لف يناظرهـ يفكر بالي قاله
احمد: من هي الي تخليك تزعل وتضيق وتطلع من بيت أهلكـ وربي كذا تفرح عليكـ اكثر فوق يافارس فووووووق
لاتنسى هي بنت مين وأخت مين نسيت وحاب اذكركـ
فارس: اصلا ماهزت فيني شعرة بس انا مسألة عناد ابعقلها واخليها كسيرة بس ابوي واخوي ضدي هذا الي قهرني أحمد
احمد: ماعاش من يقهركـ ياخوي امش معاي نرجع لبيتنا او بيتكم وبكرة نقوم بدري ونروح للمحكه ونرمي الورقة عليها علشان تعرف من فارس صدقني انها تبيكـ وتموت فيكـ وراح تنصدم بكرة ان طلقتها
فارس: ارتاح لكلام أحمد يبي أي احد يقوله شجون تحبك زي ماتحبها بس مجروحه وتكابر قام ونضف ثوبه مشينا
احمد: تجي معاي لبيتي ونسهر سوا
فارس: مسوي ماهتم ابروح لبيتنا اطمن أمي وبكرة بنت سعد تعرف قدرها حرك سيارته واتجه لبيتهم لقى أمه واخوهـ وابوهـ ينتظرونه
أمه: فزت من مكانها ركضت له خوفتني عليكـ ياضناي
فارس: باسها مع راسها بس ماعبر اخوهـ وابوهـ بس قال السلام عليكم ابروح لغرفتي تعبان
ابوهـ : نوم العوافي
مشاري: عارف انه زعلان وماحاول يترضاهـ لانه عارف انه غلطان اهم شي تطمن انه مافيه شي راح لغرفته بعد ماقام ابوهـ وزوجة ابوهـ
سحر: طمني رجع
مشاري: وهو يجلس على طرف السرير ويسحب لحافه ايه رجع الحمد لله
سحر: بشرني عن نفسيته
مشاري:زعلان مرة بس ماعلي منه انا ماقلت الا كلمة حق علشان هالمسيكينة
سحر: بس حبيبي قسيت عليه شوي
مشاري:مو أكثر من قسوته على بنت خالتي الله يرحمها يالله حياتي سكري النور وراي دوام بكره
=================
في بيت أهل صلاح
صلاح: بعد مانام ولدهـ نزل عند أمه واخته يمه
أمه: لبيه صلاح
صلاح: بتردد بكرة فيه زواج اخو ياسر ابيكم تحضرون كلكم
أمه: مالي مزاج حبيبي ان حضرت انت كفيت ووفيت ماعرف أمه واخواته ربنا يستر عليه
صلاح: يمه ابيكم تتعرفون عليهم ووو ابيكم تتعرفون على أهل العروسة
نسرين: امممم كأني اشم ريحة خطبة جديدة
صلاح: أيــه صادقة نسرين
أمه: يناسبون طبقتنا او لا ؟؟؟ يكفي الي فات صلاح
صلاح: انا يكفي الي فات يمه هذا دكتورة باسل ارتحت لها حيل لها سنتين معانا بالمستشفى ماعمري سمعت صوت ضحكتها وحنونة على ولدي بس ابيكم تعرفونها من قريب مايهمني جمالها عند جمال روحها وقلبها ابي ام حنونة لباسل وزجة تفهمني وأفمها ابعوض سنين عمري الي فاتو يمه فأرجوكـ الطبقيه هذي مابيها
أمه: رحمته خلاص ياولدي راح نحضر واشوفها بس ايش اسمها
صلاح: بإتسامة فرح اسمها هـــــيــــــــفــــاء
=====================
في مكان آخر
يمشي بخطوات ثابته متجه الى مكان مجبور يذهب اليه
كأنه كل رجل تغصب أختها على القدوم
قلبه يثنيه على التقدم
وعقله يجبره ان لايتراجع فيما قرر فيه
هي جرحت كبريائه بمافيه الكفايه
لماذا يصبر عليها بعد كل هذا
في امواج تفكيره يدق قلبه ويضع يدهـ على قلبه
هذا هو سبب همي
هذا هو سبب حزني
هذا من جعل بنت لاتسوي شي تدوس على كبرياء فارس بندر
ضغط بيده على صدرهـ لو تذلني ادوسكـ بدون رحمة
وقف قليلا
رفع رأسه شامخا ومشى بثبات
أنا بندر لاشجون ولاغيرها تذلني
دخل على القاضي بعد ماستأذن من سكرتيرهـ
انتظر صديقه احمد وابراهيم الي دخلو عليه بعد دقائق ليكونو شاهدين على طلاقه لشجون
طلع من الشيخ وهو يضحكـ مع زملاؤه بدون أي مبالاة
لف عليهم بكل شموخ اول ماطلعو من المحكمة بامناسبة هذي ولأني افتكيت من عبئ كبير جالس على قلبي سنتين عشاكم على حسابي بالإستراحه
ابراهيم: ايه بس انتبه لاتطلعك بقصة حمل جديد هالمرة هالبنت تراها نشبه تطردها وترجع لكـ بأي حجة هههههههههههههههههه
فارس: لا بسم الله مافيه حمل ولاشي حطت ببطنك بطيخة صيفي
ابراهيم: احطها الليله لاتتأخر اوكـ
فارس: اوكـ
ابراهيم: ودعهم ومشى
احمد: ناظر صديقه وحط يدهـ على كتفه كفو ياخوي الحين صرت فارس الي أعرفه
فارس: بكل شموخ وراح اظل فارس الي تعرفه وتراكـ يوم تشوف حالي البارح مو حب فيها لا عناد لاني ماحب احد يفرض اوامرهـ علي ولا ماتحرك قلبي لها بشي وتخسى بنت المدمن سعد تحرك قلبي ماحركوهـ بنات هوامير الرياض تحركه بنت سعد
أحمد: ابتسم له ابتسامة لها معنى ريحت قلبي بكلامكـ
فارس: يالله باي وركب سيارته وشغل اغاني بصوت عالي علشان يسمعها احمد مر من جنب سيارته واشر بيدهـ وهو معاه زيقارته ومسوي نفسه طربان يوم ابعدت سيارته عن احمد لف يشوف ظرف ورقة الطلاق فتح شباكه ورمى الزيقارة الي ماشفط منها شي نزلت دمعة عنيدة مسحها بسرعه مسك اطار السيارة بكل قوته ويردد كلمته ماحرك قلبي بنات الحسب والنسب تحرك قلبي بنت سعد آآآآآآآآآآآآآآخ يالقهر يعني انت ويطق صدرهـ ميت سنين وماتحركت الا مع الشجون ايش شفت منها ايش جذبكـ فيه بس بسرعه صورة عيونها الحزينة قدام عيونها صورة شفايفها ان حاولت تخفي ابتسامتها وتزيد جمال وجاذبيه تذكر مشيتها يوم تمشي قدامه نعموتها مع قساوة الحياة الي مرت عليها آآآآآآآآآآآآآآآآآآآآآآآآه ـ ياشجون عذبتي قلبي بدون أي رحمة بس مو فارس الي يستسلم او ينزل راس هالا كرامتي ضغط على البنزين واتجه بيت العمة تردد ينزل او لا وهو يطالع عمارتهم بسرعه فتح الباب وأخذ الظرف رن الجرس
العمه: شجون يمه الجرس يدق
شجون: طلعت من المطبخ سمي كنت اغسل الصحون واسمع الشيخ ماهر المعيقلي ماسمعته ياعمه راحت واخذت سماعة الانتفرون مين ؟؟؟
فارس: بلع غصته بكل ثقه فارس
شجون: وجعها قلبها يوم سمعت صوته
فارس: خاف تسكر السماعه بسرعه شجون انزلي وخذي الي معاي
شجون: سكرت السماعه عمه فارس يقول تعالي خذي الي معاي
العمه: ناظرتها وسكتت شوي انزلي يابنتي وشوفي ايش عندهـ
شجون: ماتبي تخاف او ترتبكـ تعودت دايم تكون هاديه عدلت بيجامته الناعمه نزلت من الدرجه وهي تعيد ربطة شعرها عارفه شكله حوسه بيجامه اسود بأبيض وشعر مربوط بس بالها مو مع شكلها لان فارس مايهمها بالها ايش جايب الف توقع جاء ببالها فتحت الباب بهدوء وقفت وراء الباب
فارس: يحاول يجيب كل مساوئها يبي يكرهها ومايبي يضعف قدامها طلع درجتين ودف الباب بشويش ودخل وقف يوم شاف الي لابسه بيجامة اسود بأبيض وسعر مربوط ووجه خالي من أي مكياج والشمس على وجهها مايدري هي تاخد من نور الشمس او الشمس تاخذ من نورها تمنى يشق الورقة ويسحب شجون لحضنه ويقولها لاتتركني انا ابيك ومفتون بحبكـ تمنى يقولها ارحمي قلبي ياشجون قلب ماحب قبلكـ وماتوقع يحب بعدكـ
شجون: استغربت من وقفته ونظراته لها قطعت سرحانه فارس بغيت شي
فارس: انتبه لنفسه ومد لها الظرف
شجون: مدت يدها تآخذهـ وقلبها يدق بسرعه ماحست ان اصابعها التقت بطرف اصابعه ماحست انها حركت قلبه أكثر وهو يحس ببرودة اطرافها
فارس: ابعد يدهـ بسرعه لاتتوقعي يوم ارفض طلاقكـ حب فيك شجون لا مسألة عناد بس لاتغتري وتظني هيان بحبكـ لسه ماشفت بنت تسرق قلبي لبس نظارته بكل شموخ وجاء يبي يطلع
شجون: مشكور فارس
فارس: وقف يوم سمع كلامها ولف عليها فسخ نظارته على ايش تشكريني
شجون: صح صار بينا اشياء كثيرة وانجرحت كثير بس لازم اشكركـ انكـ غصبت نفسكـ علي سنتين ناظرته بعيونها بس تأكد راح اظل ادعي لكـ بالسعادة واستر ماواجهت يافارس
فارس: بقلبه ناوية تجلطني هالبنت ماتقرا شوقي وحبي لها بعيوني تقول جبرت نفسكـ علي توادعني كأنه امر سهل تناظرني بعيونها بكل برائة ماتعرف ان نظراته ترسل سهام مميته لقلب عشقها
شجون: غمضت عيونها لثواني تنهدت بعمق اتمنى لكـ حياة سعيدة بدون شجون ومشاكلها
فارس: ناظرها من فوق لتحت
شجون: فهمت نظراته انه يحتقرها
فارس: يبي يشبع عيونه من شوفتها بس بدون مايحسسها بعد ماناظرها لبس نظارته مرة ثانيه انتبهي لنفسكـ وطلع وسكر الباب تمنى عنده قدرة وجرأة يقولها احبكـ ابيكـ لاتتركيني بس مايقدر الكلام يوقف بحلقه كبريائه سبب عذابه ركب سيارته وحركـ لبيت أهله
وصل لبيت أهله لقاهم مجتمعين على الغداء
سحر: يوم دخل اخذت بنتها وراحت فوق تبيه يتغداء براحته
فارس: فسخ شماغه وراح يغسل يدينه وجلس معاهم على السفرة بدون مايقولهم شي
أمه: تتابع طريقة أكله غريبه مرة اول مرة تشوفه يسرعه بأكله طبيعته ماياكل كثير عرفت ان ولدها متوتر بس يحاول يخفي توترهـ
ابو مشاري: كان يسولف مع مشاري ويوجه الكلام لفارس
فارس: مسوي نفسه معاهم وهو ابد مو معاهم صورة شجون وهي واقفه بالشمس ببيجامته لاصقه بخياله
ام فارس: عيونها على ولدها كانت تنظرهـ علشان تتغداء معاهـ بس مارفعت ملعقتها لفمها وهي تشوف ولدها كيف ضايق بس مخبي ضيقه بقلبها معقولة لسه مجروح من تصرف ابوهـ واخوهـ معاهـ تنهدت بضيق ياعمري ياوليدي هالقلب ياكثر ماتعب وتحمل
فارس: حس أكل كثير حط ملعقته انعم الله عليكم
ابوه: صحه وعافيه
امه/ صحه وعافيه ياقلبي انت
فارس: وقف واتجه للمغسله غسل يدينه وفمه وناظر بنفسه بالمرايه لأحد يلاحظ عليكـ شي يافارس خلكـ قوي طلع لهم وهو يمسح بالفاين ابشركم
ابوهـ واخوهـ وامه : رفع عيونهم له
ابوه: بفرح خير ان شاءالله
فارس: افتكيت من هم على قلبي
مشاري: ابتسم بفرح يعني لقيتي وظيفه غير وظيفتكـ
فارس: ابتسم بشموخ لا
امه: اجل اي شوانا امكـ
فارس: حط عيونه بعيون ابوهـ وبكل فخر طلقت بنت سعد وارتحت منها تمسون على خير وراح لغرفته فوق
مشاري وابوهـ تناظرو وسكتوا
أمه: نزلت راسها بحزن ونزلت دمعتها
ابوهـ ناظرها ايش فيكـ تبكين افرحي له شوفي يقول ارتحت من بنت سعد ولدكـ قايل لك مايبي يطلقها عناد مو حب فيها
أم فارس: ناظرت بزوجها انت ابو ماتفهم لودكـ زيي الام تفهم لولد سكن حشاها تسعة اشهر واكل من اكلها ونام بحضنها قامت الأم كل مايحرتق قلب ولدها يحترق قلبها قبله حتى لو ماعلمها تفهم ايش معنى الام يابندر مسحت دموعها وراحت لفارس
مشاري: خنقته العبرة وهو يسمع كلام ام فارس قام من السفرة بعد ماستأذن ابوهـ وراح لغرفته
سحر: توها منومة بنتها ابتسمت يوم شافت مشاري بس تلاشت ابتسامتها يوم شافت وجهه
مشاري: جلس على طرف السرير سرحان
سحر: جلست جنبه وحطت يدها على كتفه حبيبي صاير شي
مشاري: لاحبيتي ماصار شي
سحر: اجل ليه وجهكـ كذا ؟؟؟ فارس قالوكم شي تهاوش هو وعمي مرة ثانيه ؟؟؟
مشاري: حاول يخفي ضيقه لابس قالنا انه طلق شجون
سحر: مو شجون طالبه تتطلق بس لايكون هو متضايق سكتت شوي بس استعبد فارس يضيق لو قدر شعرة وهو مايطيق شي اسمه شجون
مشاري: تنهد على قولتك مستحيل يضيق او يهتم الله يسعدها بنت الحلال ويسعد اخوي مع غيرها انسداح وسحب لحافه عن اذنك حبيتي ابنام شويه
سحر: استغربت حاسه زوجها فيه شي عدلت غطاهـ وراحت للجهة الثانيه وانسدحت على فراشها لفت تناظره وهو يطالع السقف قربت له وحطت يدها على صدرهـ حبيبي ايش فيكـ لاتخبي عن سحورتكـ
مشاري: حط يدهـ على يدها وناظرها شوي بعدين ناظر السقف بعيون حزن وشوق اشتقت لأمي سحر
سحر: استغربت ورفعت راسه له تناظرهـ
مشاري: عارف انكـ راح تستغربين هالعمر ويحن لأمه بعد ماتوفت من عشرين سنة لو اقولكـ ياسحر عشرين سنة عمرها ماغابت عن بالي عشرين سنة صوتها مازال يرن بأذني كل مابوس ميار اتمنى معاي تشوفها وتكلمها يوم خالتي تكلمت عن حنانها على فارس غبطت فارس إن عندهـ أم تحن عليه تحس فيه كم عانيت بزواجي الأول ماحد كان حاس فيني لأني كنت ساكت ماعلمت أحد بس لو عندكـ أم كان حست فيكـ بدون ماتتكلم قلبها يعلمها
سحر : كانت تسمعه وهي خانقتها العبرة يس ساكته
مشاري: نسى نفسه وهو يتكلم حرارة حضن أمي لسه احس فيها الى هالحين أحس بفدا يدينها يوم ازورها بالمستشفى كنت صغير ماعرفت ان نظرتها وحضنها لنا تودعني أنا واختي نوال سكت شوي لأن عبرته وقفت بحلقه كان عمري عشر سنوات شدت على يدي قالت مشاري انت كبير اهتم بأختكـ ولاتتعب ابوكـ ابد كون ذراعه اليمين لاتقسى على أحد ابد يامشاري علشان ماتندم ان فقدته اذكرها سكتت شوي ودموعها تجمعت بعيونها وتقولي ابوكـ يمكن يجيب لكم أم ثانيه لاتتعبها رديت عليها مابي غيرك يمه وابوي ماراح يدخل زوجة غيركـ حطيت يدها على خدي حبيبي مشاري لاتنسى أي وصية من الي وصيتكـ عليها قبل ماطلع مع ابوي نادتني بحنان حبيبي ماتبي تضم امكـ قبل تطلع ردعت وارتميت بحضنها ومافكيته حتى ابوي قالي يالله رجعنا خلصت الزيارة وفعلا خلصت زيارتي لها مدى عمري لأنها توفيت بعد صلاة الفجر نزلت دمعة من عينه على خدهـ بس يد ناعمه وحنونة مسحتها لف عليها يشوف دموعها ابتسم لها بس رزقني ربي بوحدة تفهمني وتحس فيني وتحبني زي ماحبها
سحر: قربت له وحطت وجهها تحت رقبته تحاول تخفي دموعها
مشاري: حست برطوبة دموعها على رقبته يحب حنانها ورقتها لف جسمه وحضنها وهمس بأذنها حرمني ربي من كنز وعوضني فيكـ
=======================
في بيت العمة
شجون: راحت فوق وعطت عمتها الورقة
العمة: تقلبها تناظرها رفعت عيونها لشجون ان شاءالله فك اسركـ
شجون : هزت راسها بإيه
العمة: قامت الكرسي وسجدت لربها وطولت السجود
شجون: تناظر لعمتها وتبتسم بحنان وتحمد ربها إنه رزقها بعمة حنونة زيها
دق تلفون بيتهم قامت شجون ترد عليه
العمة : رفعت من سجودها وجاست على الكنبة وكل شوي تحمد ربها
شجون : الحمد لله بخير وانتي كيفكـ ؟؟؟
فاطمة: دووم يابنتي وانا ابشرك بخير مادري عمتكـ قريبة او لا
شجون: سمي الحين اعطيكـ اياها قربت السماعه لعمتها ودخلت غرفتها تنهدت براحة تحس رجعت حريتها لابو تخاف منه ولا زوج ابتسمت يارب لكـ الحمد دخلت تتوضا وتصلي لربها الي يكتب لها
العمه: مشكورهـ يا أم يوسف بس ان قدرت جيت أنا والبنات شجون ماتوقع
فاطمة : قصدكـ زوجها يمنعها ؟؟؟
العمة: لايارب لك الحمد ابشركـ اليوم فكـ أسرها رجعت لبنيتي حريتها ربي يعوضها ويسعدها
فاطمة: ابتسمت اللهم آمين اجل لاتنسونا عارفه البطاقات واصلتكم بس قلت ادق بنفس اليوم انبههم خفت تنسين وربي جلست معاك بس مرة بس سبحان اللخ دخلتي قلبي
العمة: جعلك تدخلين من باب جنة الفردوس قولي آمين
فاطمة: وياك وجميع المسلمين يالله يا أم ابراهيم اشوفك الليلة
العمة" ان شاءالله
فاطمة: سكرت السماعه وكان ياسر وخالد والبنات عندها
جوهرة: يبي يجون ؟؟؟؟؟
فاطمة: ام ابراهيم وبناتها يبون يجون
غاليه: وشجون ؟؟؟
ياسر: يسمع كلامهم مد فنجاله لاخته
فاطمة: اختلست النظر لياسر تقول عمتها اليوم طلقها زوجها ماتقدر تجي
ياسر: بدون شعورهـ بسرعه شرب كميه من فنجاله وهو حار آآآآح
كلهم لفو عليه بسم الله عليك
خالد: حاسب ترا فيه شاهي كثير على ايش مستعجل
ياسر: مرتبك ويحاول يخفي ارتباكه وضحك على كلام اخوهـ
امه: فهمت عليه وسكتت
خالد: لف على أمه مسكينه لايكون البنت الي مالها أحد
جوهرة: ايه ربي يعينها
ياسر: ساكت ويقرض من المكسرات الي قدامه
غاليه: خليها ترتاح منه ربي مو مضيعها
خالد: ايه ربي يرزقها بزوج احسن منه
فاطمة: تعدل شيلتها اللهم آمين
====================
في جناح غلا وفواز
فواز: فتح الجناح اخيررررررا رجعت لحبيتي قرب منها وضمها بقوة ماسكـ نفسي غصب عند اهلكـ واهلي قبل شوي تحت
غلا: وانا بعد مشتاقه لك حيييييييل
فواز: بعد عنها وقرص خشمها تعرفي انك اكبر نصابه شفتها بحياتي
غلا: ليه حبيبي
فواز: لان كفالتها عند اهلكـ وتقولي مشتاقه لكـ
غلا: بعدت عنه وجلست على الكرسي ماكذب واقول مانبسطت بس تأشر على قابها مشتاق للي سرقه
فواز: ابتسم لها وجلس جنبها فديت غلاي بس
غلا: امممم عندي لك بشارة حلووووووة مررررررة
فواز: خير ان شاءالله ايش هي ؟؟؟؟
غلا: مسكت يدهـ وحطته على بطنها
فواز: سكت وفتح عيونه لا لا تقولين
غلا: تستعبط ليه ماتبي ؟؟؟؟؟
فواز: حبيتي تراه المسائل مافيها مزوووح
غلا: كذا فرحتكـ بعبود
فواز: شالها من على الكرسي
غلا: تمسكت برقبته لاااااااااااااا فواز
فواز: قرب لها قولي ابو عبود يا أم عبود لف فيها لفتين بهدوء خايف على النونو
غلا: حطت راسها على رقبته جد مبسوط حبيبي
فواز: وربي كأني بحلم حياتي ايش رايك انزلك كذا لاهلي وابشرهم
غلا: نزلت بسرعه تسويها يامتهور
فواز: ضحك حبيتي تعالي معاي ابشر أمي وابوي
غلا: لاحبيبي استحي بشرهم انت
فواز: قرب لها وباسها بوسه قويه اجل اببشرهم وطيران ارجعكـ ياغلاي ياأم غلاي
===================
ليلة زواج خالد وهناء
ياسر: يتكشخ قدام المرايه وهو حيل مبسوط يحمد ربه حضر زواج آخر اخوانه ماحرمه ربي من هالمناسبه
غاليه: دخلت عليه بالمبخرهـ كلوووووووش عقبال مانزفكـ يارب
ياسر: طويل قدامها وعريض وكاشخ بالثوب والغتره يبخر غترته ويبتسم الله لايقولها
غاليه: افا الا ان شاءالله اليوم قبل بكره
جوهرة: دخلت عليهم صادقه ان شاءالله اليوم قبل بكره
ياسر: لاصق عندكم لاصق مافيه مفر عارفه الدوبا غاليه تعبت وهي تهتم ببيتي الي لاصق ببيتها هههههههههههههههه
غاليه: وربي عسل على قلبي بس ياخي سكن جنبي واحد عزابي لا انيس ولا ونيس لو تزوج كان فلها مع زوجتكـ زوجي عسكري وكل شوي يرابط كل ماشوف بيتك فارغ اقول لو عنده زوجه كان فليتها معاها
ياسر: لاياختي تغثيني زوجتي بعيالكـ سلامات عيالكم قشران ههههههههههه
غاليه: حرام عليك يسوري
جوهرة: ليه ايش مسوين ببيتك اكيد رمون خابرتها عوبه
ياسر: كل الثلاثه كل واحد اقشر من الثاني جايب تحفه غاليه علي موصي عليها من ماليزيا جيت ولقيتها ركام هههههههههههههههههه
غاليه: ابعدت المبخره شرهتك على الي يبخركـ
ياسر: لف على المرايه ليتني قايل من زمان كذا كتمني ببخورها
غاليه: تسمعه وماتت ضحك على تعليقه تمشي مع جوهرة ماتلاحظين ياسر غير نفسيته اليوم ماعمري شفته من جيته عندنا يضحك ويعلق زي اليوم دايم ثقيل وكلامه رسمي
جوهرة: فديته صادقه عيونه تشع فرح
غاليه : وقفت تعدل تسريحتها وجوهرة وقفت جنبها تعدل مكياجها لفت غاليه على جوهرة تتوقعين فرحان علشان شجون تطلقت من زوجها
جوهرة: صح خطبها قبل ماترجع لزوجها بس ماتوقع يحبها قد كذا
غاليه: لاتسبعدين شي ترا الرجال غامضين ماتعرفين لهم
جوهرة: اخوكـ يخرع مو حق حب ولاشي ماحرك قلبه كم بنت لاصقين معاه بدوامه تحرك قلبه بنت جيرانهم يوم صغار
غاليه: يمكن شجون قدرت تسرق قلبه بعدين تعرفين اتمنى اعرف ايش صار عليه بطفولته ماعمرهـ ىتكلم وين الي رباهـ بس قالنا توفي وبس ومايبنا نسأله
جوهرة: الله العالم يوم صغير من كان يشتكي له او كذا كان طبعه من صغرهـ
ياسر: خلص لبسه وراح لاخوهـ خالد
خالد: كان لسه بالسروال والفنيله يكلم هناء
ياسر: ياهوووووهـ خربتو طعم اللقاء كان ابعدت عنها لو اليوم بس
خالد: سكر وابتسم طلبت مني بس ماتحملت ودقيت يوم ماردت سويت نفسي زعلان وردت فديتها
ياسر: عاد تصدق جربت شوفه وجلسه وجوال ماعجبني احس اطعم يكون مفاجئه
احلى لو تبعدون عن بعض حتى ليلة زفافكم
خالد: الحمد لله ماسمعت هنو كلامكـ ياخي تبيني اتعذب
ياسر: ناظر ساعاته الماركه اقول بسرعه البس أخرتنا ياعريسنا الهيمان
خالد: صح فتح دولابه وطلع ثوبه وغترته
ياسر: راح لبشته وطلعه له ولبسه اياهـ
خالد: ممكن يادكتورنا تبعد عني ان جو يصورني شكلي غلط جنبك هههههههههههه
ياسر: زينك فيكـ لاترفعني بس
خالد: تعرف ياسر اتمنى يجي يوم ادخل عليك وانت لابس هالمشلح
ياسر:لاتصير زي العجايز يوم يدعون توني افتكـ من خواتكـ تجي انت يالله ترا يوسف مره معصب يقول تأخر
طلعو كلهم للقصر
==================
في القاعه
هيفاء: كانت لابسه فستان احمر وتسريحه حلوة هيفاء مو جميله الى هذا الحد بس مملوحه واقفه تستقبل وتهلي وتسلم
نسرين: يمه شكلها هذي اخت العروسه
امها: لابسه اكشخ شي وحاطه وشايله شنطت قوتشي وتمشي بثقه ناظرت هيفاء متأكده هي
نسرين : لازم نتأكد بس مادري ليه حسيت هي وصلت لها وسلمت عليها ابتسمت لها انتي اخت العروسه
هيفاء: بادلتها الابتسامة ايوه حياكم
نسرين: أنا اخت صلاح ابو باسل وهذي أمي
هيفاء: ماتدري ليه دق قلبها يمكن كلام اختها البارح السبب هلا والله شرفتونا اخذتهم وجلستهم بمقاعد اماميه
ممكن تسمحون لي استقبل الضيوف المكان مكانكم
نسرين: خذي راحتك ياختي لفت على أمها ياحليلها شكلها مرة حبوبة
امها: ماش مو حلوة مرة
نسرين: يمه ايش فيكـ انتهينا وملينا من زين الشكل اهم شي زين الاخلاق يمه يكفي صلاح والي جاهـ
أمها: خلاص مالي دخل الله يوفقهم
هيفاء: رجعت وقفت تستقبل الضيوف وتسرق النظرات لاهل صلاح الي يراقبونها معقوله كلام اختي هناء صح ابتسمت وكملت سلامها
وصلو اهل العريس واستقبلوهم بحرارة
هناء: متعودة على خالد مارتبكت ولاشي بالعكس مبسوطه وتضحك مع صاحبتها
خالد: حدث ولاحرج خشته من هنا لهنا وكل شوي يبعد عن ياسر مايبه يوقف جنبه عند التصوير يهمس بإذنه ياخي خل بيني وبينك اخوي يوسف مو تلصق فيني
ياسر: ضحك عليه ولصق فيه عناد واشر لهم صورنا
خالد: دخل على هيفاء وزفوهم وكل الطرفين فرحان بالثاني
فاطمة: بعد ماطلعت من ولدها جلست قدام بكراسي اهل العريس يوم جت ام ابراهم تسلم عليها اهتمت فيها وجلستها جنبها وسوالف معاها
غاليه: شكل أمي حبت ام ابراهيم
جوهرة: فديتها امي حبوبه مع الكل
غاليه: بس ام ابراهيم غلاها بقلب امي غير تتوقعين علشان ياسر
جوهرة: يمكن لاتستبعدين شي مع انها ماعمرها قالت ابي شجون لياسر بس ماتدرين ايش بقلبها يافديت روحها
خلصو تصوير وراحو خالد وهناء لبيتهم
سكرنا بابهم عليهم بدري جريئين مانبي ندخل معاهم بيتهم
===================
في المستشفى
سلطان: بسرعه بسرعه تعالو شيلوها معاي
الممرضات يدفون كرسي ووراهـ يمشون
مشاعل: تتألم خلاص الطلق مواصل معاها مو قادرة تتحمل دخلوها للكشف وشالوها بسرعه فوق يلف باسياب المستشفى ويدعي ربه وهو قلقان قرب من غرفة الولادة وكل ماسمع صوت بكاء طفل يقول يارب هي مايبي يقول لامها وتخاف يبي يبشرهم ان خلصت بس متقطع قلبه وهو شايفها قدامه تتألم كل مايتذكر شكلها يضيق حيل شوي الا يحس بواحد جنبه رفع عيونه وتفاجأ يوم شاف الي واقف جنبه أخر شخص يتوقع يشوفه؟
