رواية بيت العنكبوت الفصل الخمسون 50 بقلم همس
الــ ج ـــزأ الــ خ ـــمـــسوووون
في غرفة فارس
مانام طول الليل ضايق كل مايتذكر رفض شجون له مو متصور يجي يوم ترفضه بنت وتسكر كبرياؤه وشموخه لعد آذان الفجر غفت عينه دق المنبه سكره بضجر وملل قام وأخذ فوطته وتحمم لبس ثوبه بدون حتى مايسكر أزاريره حط شماغه على كفته ولبس طاقيته مر من جهة المرايه وقف عندها يطالع بشكله أمس كان يوصي الحلاق يضبطه كويس يعجبه جماله ويحس إنه جذاب حيل قال لنفسه مستحيل ترفضين عارفه ومتأكد زيها زي أي بنت تموت فيني وماصدقت اصارحها بحبي لها بس تبي تنتقم مني بأي طريقه بس لحمي مر ياشجون انا فارس مو أي شخص تحلمي لو اترجاك مرة ثانيه والحين راح تشوفي ايش اسوي طلع من غرفته معصب نزل تحت
أمه: كانت تجهز فطوره لأنه ابوهـ طالع بدري ومشاري فطرته سحر وطلع ابتسمت يوم سمعت صوت خطواته تنزل من الدرج بس اختفت ابتسامته يوم شافت وجهه واضح الضيق والارهاق عليه قالت له بهدوء صباح الخير حبيبي
فارس: بدون نفس صباح النور يمه جلس وهو ماله نفس على الطاولة
أمه: تقرب له الأكل
فارس: قطعت قطعه من الخبز بس ماقربها للصحن طالع بأمه يمه ابيكـ تزوجيني بأقرب وقت
أمه: رفعت عيونها باستغراب حبيبي وشجـ
فارس: لاتكملين اسمها مابيها ولا ابي طاريها
أمه: بس لك شهر وانت مزعجني تبيها وأنا أمكـ وترجيتها علشان ترد عليكـ يوم ردت تفشلني وتحرجني معها
فارس: يمه من زمان مابيها وأنتي تعرفي اني مجبور عليها صح اولا
أمه: عارفه بس تغيرت كثير وصرت تحبها
فارس: تنرفز من قال أحبها.؟!؟!؟
أمه: تصرفاتكـ تقول
فارس: ما أنكر اني ارحمها بس حب عمري ماحبيتها ولا راح أحبهاوالحين ابغاكـ تخطبين لي بأقرب وقت وقام وهو مالمس شي من فطوره
أمه: تصفق بيدها لاحول ولاقوة الابالله عجزت افهم هالولد ابد قامت تشيل السفرة الا التلفون يدق طالعت الساعه لسه 7 اللهم جعله خير لايكون مشاعل فيها شي يارب تجعله خير رفعت السماعه هلا وغلا
العمه: هلافيكـ وين ابو مشاري
أم فارس: استغربت جفا عمة شجون معاها واضح انها متضايقه حيل
ردت عليها طلع يكمل اشغاله
العمه: اجل اسمعي يا أم فارس بلغيه اننا كلامنا معه مو مع ولدكم المراهق
أم فارس: عن الغلط يا أم ابراهيم
العمه: جاكـ العلم ان كانت بنتنا تزوجته غصب عنها ومجبورة ورجعت لعيون ولدها مو معنى هذا يخليها معلقه بذمته ويروح يتمتع ويتزوج لها حق زي ماله حق وترا الزواج مو غصب يوم يرميها قبل سنة ونصف ماجبرناهـ عليه يجي الحين يجبرها عليه حنا ناس مالنا ومال المحاكم بس مو معنى كرههنا للمشاكل راح نسمح لودكم الطايش يعذب بنتنا لا والي رفع سبع يا أنكم تسنعون ولدكم ويترك بنتنا من طيب خاطر وبستر او نتواعد في المحكمة ونفسخها غصب عن خشمه يالله مع السلانة وسكرت السماعه
شجون: عمتي ثقلتي على خالتي مرة هي مالها ذنب
العمه: ذنبها دلعت ولدها اكثر من الازم ذنبها ماعلمته وش الصح من الغلط كلنا امهات ونحب عيالنا بس معناته نشوفهم يغلطون ويظلمون ونسكت عنهم لأني احبه شوفي يابنيتي ان ماخذتي حقكـ باللين خوذيه بالقوة مايضيع حق وراهـ مطالب وحقكـ تنفصلين على هالزفت فويرس الي غروره ودلع أمه خلاها متفطرس ومتكبر ويظننا نبي نسكت له يبطي عظم اسكت له
شجون: قامت وجلست جنب عمتها فديتكـ ياعمه ربي ارسلكـ لي رحمة
العمه: تضمها يكفي ماذقتي من طفولتك يكفيني حسره وقهر اني أختكـ ماتت وماوقفت معاها ومانقذتها خلينا اريح ضميري لو شوي وربي انك بحسبة بناتي ياشجون يوم واتمنى ماموت حتى اشوفكـ مبسوطه اتمنى اشوفكـ تبتسمين من قلب
شجون: وهي راسها على صدر عمتها غمضت وتنهدت بضيق وبقلبها متى يجيني يوم سعيد
أم فارس : سكرت السماعه وهي مستغربة من اسلوب ام ابراهيم معاها أول مرة تكلمها كذا ايش مسوي يافارس ماتعصب عمة شجون كذا الا قايل لشجون شي كبير الله دقت عليه
فارس: قرب يوصل لدوامه رد سمي يمه
ام فارس: ياوليدي دقت علي عمة شجون وكانت معصبه حيل وتتوعد وتهدد ايش مسوي البارح مع شجون ياوليدي قلي
فارس: خلها تفارق بس مابقى غير العجوز تتهدد شي بيني وبين زوجتي مالها خص فيه خليها تكمل علاجها بالمستشفى ويالله حست الخاتمه
أم فارس: عيب ياوليدي تقول كذا عنها قلي ايش مسوي
فارس: مثل ماوصيتكـ يمه اخطبي لي اليوم قبل بكرهـ عن اذنك وصلت لدوامي مع السلامه
أم فارس: الله يسلمكـ الله يهديكـ بس لو تترك العصبيه والعناد كان تكون مافيه زيكـ اعرف طيبته وحنانه بس ان عصب انعمى ربي يهديه ويرده لشجون ونفرح برجعتها
========================
في المستشفى
هيفاء: لامشاءالله باسل مرة تحسنت حالته بس لازم تستمر على علاجها لمدة شهر
صلاح: نزل ولده من السرير ريحتني الله يريحك يادكتورة جلس على المكتب ينتظرها تكتب له العلاج
هيفاء: حطت الروقه على الطاوله علشان ياخذها صلاح تفضل
صلاح: الموعد الثاني متى ؟
هيفاء: خلصت مواعيده ماشاءالله عليه وضعه تحسن متى ماتعب بسم الله عليه جيبه زيه زي أي واحد طبيعي
صلاح: ضاق مايعرف ليه مسكـ يد ولده وطلع كان ينتظر موعد ولدهـ على احر من الجمر يحب يسمعها وهي تلعب باسل علشان مايخاف منها يسمع ارشادتها الطبيه مرت عليه دكتورات بس مايعرف ليه حس بمويل تجاهـ هيفاء طلع منها ومر من عند ياسر أشر له بيده وراح يودي ولدهـ مايبي يشغل ياسر
ياسر: دق جواله هلا وغلا بأبو ميار ايه ايه خلاص اتفقنا سكر جواله وكمل كشف على مرضاهـ طلع الساعه 2 راح للمطعم ينتظر مشاري
مشاري: كان ينتظره وقف يوم شافه يعني لازم نحجز موعد لشان نشوفكـ
ياسر: ايش اسوي ياخوي عملي ضغط مرة
مشاري: جلس مع ياسر ربي يعينكـ سمعت ان عندكـ بعثه لكندا ؟؟؟
ياسر: ايه ربي يعين
مشاري: كم مدتها ؟؟؟
ياسر: ست شهور ان شاءالله ابسافر بعد زواج اخوي خالد بأسبوع
مشاري: اخوكـ طول بخطوبته
ياسر: تعرف أمها تعبت فجأه صعب يحطون الزواج
مشاري: والحين كيفها
ياسر: لا الحمد لله تحسنت مرة الله يديم عليها وعلى كل مسلم
مشاري: اللهم آمين ... وانت يالشايب متى تتتزوج
ياسر: فكني من السالفه خواتي ناشبات بحلقي خصوصا أم تركي وتجي انت الحين ياخي كرهت سالفة الزواج من كثر مايعددون لي بنت فلان وبنت فلان
مشاري: مسكـ يدهـ تزوج صدقني ماراح تندم
ياسر: بس انت سبق تزوجت وندمت وتوك ترتاح
مشاري: رزقني ربي بأم ميار وارتحت
ياسر: ونادرا ماتلقى امثال ام ميار واخواتي
مشاري: لايخلي تجربه وحدة تأثر عليكـ وتناظر الزواج بنظارة سوداء
ياسر: بحزن وألم مرت علي تجارب من صغري أثرت علي ياخوك خلني كذا اعيش بين مرضاي اريح لي
مشاري: بس
ياسر: ماعلينا تراني جبعان بسرعه الحقني بغداء
مشاري: احسن مافيك انك اكبر دكتور واكبر مصرف
ياسر: هههههههههههههه احسن شي
======================
في بيت ابو مشاري
ابو مشاري: رجع من شغله وهو واصل حدهـ تعبان ومصدع ينتظر غداهـ
ام فارس: ودها تعلم زوجها بكلام أم ابراهيم بس تشوف زوجها ماله خلق خايفه من ردة فعله وتخاف تسكت تدق عمة شجون الحين وتقوله ويعصب منها ليه ماقالت له تحط الغداء وهي خايفه بس تعض شفايفها
ابو مشاري: اصبري لاتحطينه الحين خلي العيال يرجعون
ام فارس: مشاري تقول سحر يبي يتغداء برهـ وهي راحت لأمها تعرف بعد ماتعدل حاله زوج أمها صارت سحر فديتها تروح لأمها كثير
ابو مشاري: سبحان مغير الأحوال فجأة سند تغير وماحد يعرف السبب ايش؟؟؟
ام فارس: تلقى ام سحر كانت تدعي ربها يردهـ لها مرادا جميل تعرف ام سحر بنت حلال وطيبه ماتستاهل الا كل خير
ابو مشاري: والنعم فيه تكى على الكنبه ينتظر فارس ويقلب بالقنوات يدور اخبار عن سوريا رفع عيونه لزوجته وجهك اليوم مو طبيعي
ام فارس: ارتبكت لاسلامتكـ بس مصدعه شوي
ابو مشاري: بسم الله عليكـ لايكون ضغطكـ منخفض ادق على فارس يوديكـ للمستشفى
ام فارس: مسكت يدهـ لا ماله داعي نتغداء الحين وأكل بنادول واريح وماهنا الا كل خير
ابو مشاري: طاله ساعته ولدكـ شكله يبي يطول دقي عليه
ام فارس: هاهـ ليه ادق عليه خله متى مارجع احط له الغداء انت الحين تغداء وريح راسكـ
ابو مشاري: مارد على كلامها طلع جواله ودق على ولدهـ يالله وينك الحين الساعه 2 ونصف انتظركـ على الغداء
فارس: طيب يبه انا جاي بالطريق
ابو مشاري: ابقوم اغسل الحين يجي ان شاءالله
فارس: دخل بطفش ماله حيل نقاش ولاشي حتى بعمله متمشكل وحس انه مو طايق ابو دلال الي كل يوم يتغير عليه اكثر وهو واخوها رمى نفسه على الكنبه بملل حاس المشاكل كثرت عليه
ام فارس: يالله ياقلبي بدل ملابسك وتعال تغداء راكـ مافطرت
فارس: مسكـ راسه
ام فارس: ايش فيكـ بسم الله عليكـ
فارس: بعصبيه كارهـ دوامي وقدت على كم شركه وماقبلوني وابو الزفت دلال صاير غثيث وماينطاق هو واخوها شايفين انفسهم مادري على ايش ؟؟.
ابو مشاري: وهويمسح بالفوطه استغفر ربكـ ولاتحش فيهم وخلكـ نظامي ومايجونكـ واحمد ربهم مطلق بنتهم ولسه مخلينكـ
فارس: تحمد ربها هي اني ......... بغى يغلط بس مسكـ نفسه
ابو مشاري: عقد حواجبه انكـ ايش
فارس: صرف >> اني ماخليت شركتهم كان يبلشون لاني الوحيد الي اعرف امول على بضاعتهم
ابو مشاري: اقول قوم غسل ترا الجوع ذبحني يوم جاء يبي يقوم فارس دق التلفون
ام فارس: وجعها بطنها راحت تبي ترد
فارس: خليه يمه رد ببرود هلا من معاي
العمه: هات ابوكـ بسرعه مالي كلام معك انت
فارس: شايفتني بزر تكلمني كذا
ابو مشاري يناظر زوجته باستغراب
ام فارس: ندمت انها مافصلت الفيش وصار قلبها يدق بسرعه
ابو مشاري: يسمع ولدهـ يهاوش من الي معاكـ فارس
فارس: وشي بيني وبين زوجتي مالك شغل فيه ونجوم السماء اقرب لكـ اني اطلقها وسكر السماعه
ابو مشاري: ناظرهـ بحزم لايكون تكلم ام ابراهيم
فارس: عجوز ملقوفه جد الا تحشر خشمها بكل شي
ابو مشاري: هيه ياولد انجنيت انت !!!!!!!!!
فارس: وليه انجنيت يبه اكون مجنون لو اخلي وحدة عجوز زي هذي تتدخل بيني وبين زوجتي
ابو مشاري: ناظره بغضب وراح للتلفون دق على العمه مسائك الله بالخير ياأم ابراهيم
ام ابراهيم: معصبه من رد فارس من وين يجي الخير بابو مشاري
ابو مشاري: افا يا أم ابراهيم مافيه الا كل خير هدي انتي وفهميني السالفه
ام ابراهيم: حكت له كل الي صار
ابو مشاري: وهي تسولف يناظر بنظرات غضب لزوجته وولدهـ ويحاول يهدي نفسه قدام العمه يا أم ابراهيم الي ماراح يصير الا كل خير انتي هدي الحين وبعون الله مايصير الا الي يريحكـ
ام ابراهيم: بعصبيه مايريحني الا ولدكم يتركـ بنتنا بحالها ترا الزواج مو غصب خليناهـ بحاله يوم طلقها يخليها بحالها الحين
ابو مشاري: سمي سمي مايصير الا الي يرضيكـ سكر منها وجلس على الكرسي يقلب نظرات عتاب بين زوجته وولدهـ
ام فارس: مرتبكه ماتدري ايش تقول
فارس: مسوي ولاهمه
ابو مشاري: ممكن تقولي لين ليه خبيتي علي انها اليوم داقه عليكـ
ام فارس: انشغلت ونسيت
ابو مشاري: من اول مارجعت نشبت بحلقكـ اقولكـ ايش فيكـ وانت تتصديين ليه معتبرتني انتي وولدكـ طرطور
ام فارس: حاشاكـ يابو مشاري بس
فارس: يبه أمي مالها ذنب خوفها منكـ يمنعها تكلمكـ طول عمرك تعاملها بشدة كيف تبيها تعلمكـ كل شي وماتخبي عنكـ
ابو مشاري: جانا الحكيم ينصح وفر نصايحكـ لنفسكـ
مشاري: دخل على صوت ابوهـ سكر باب الفيلا ناظر بابوه واخوه واضح فيهم شي خير ايش فيكم
ابو مشاري: بعصبيه من وين يجينا الخير يامشاري وخوكـ سود وجهي مع شجون وعمتها البنت الي اخدتها رحمه ابي انقذها من عذاب ابوها وقعتها بعذاب ولدي
فارس: عصب وانا ايش سويت يبه هذا حقي وجزاتي رحمتها وتزوجتها غصب عن خشمي هذا جزاتي تزوجت وحده اسم عيلتها يجيب العار وسكت وصبرت وجبت منها ولد والحين يصير الغلط مني
ابوهـ : مدام عيلتها يجيب لك العار طلقها امساك بمعروف او تسريح بإحسان
فارس: يبه آسف واعذرني انا سمحت لكـ تدخل بزواجي وتزوجيناهـ غصب الحين ماسمح لأحد يجبرني اطلق حط اصبعه على راسه اطلق بمزاجي وكيفي لاهي ولاعمتها يجبروني وخل تهديدهم يفيدهم
مشاري: يراقب وساكت مايبي يشغل النار أكثر وهو عارف ان ابوهـ مرة معصب
ابوهـ : قرب منه وناظرهـ بتهديد اسمع عاد جاكـ العلم ومايتعداكـ شغل المراهقه والتحدي خليها مع ربعك بالاستراحه اما عندي لا راح تطلق غصب عنك فاهم او لا وراح وخلاهم
فارس: يوم راح ابوهـ وسمعه سكر غرفته قال بين اسنانه وربي لاتزوج واهنيها وأدبها
مشاري: بكل هدوء الله يسعدكـ
فارس: تنتهد براحه يوم سمع كلام أخوه وربي انك احن من ابوي علي
مشاري: بس قبل زواجك ورقة طلاق شجون
فارس: طالعه باستغراب
مشاري: لو ماطلقتها بإرادتكـ راح نفسها منكـ احنا فيكون اولى ياخوي تجي منكـ وبكرامتك احسن وراح من عندهـ
فارس: منصدم انت يامشاري تكون ضدي اخوي الي اعتبره اقرب من ابوي
مشاري: اخوكـ دايم بصفكـ الا ان ظلمت راح يكون ضدكـ كافي ماجاء شجون وسكتنا ترا شجون انظلمتنا منا كلنا لو اختنا وربي مارضيناها عليها لف يناظر ام فارس نسيتي ياخاله يوم غلاب مع مشاعل كلنا كنا نبي نذبحه كرهناهـ اكثر من دم اسنانا وترا فارس مو بعيد عن غلاب بس الفرق ان فارس طول معاها يطلقها ويرجعها ويحرمها تعيش حياتها بس غلاب وقفنا ضدهـ وحرمناهـ يرجعها مو كون شجون ماعندها اهل ماحد يدافع عنها لا انا اخوها وابوي ابوها وراح اكون ضدك يافارس حتى ترجع صوابكـ بكره ياتروح للمحكمه تطلق او احنا نروح نفسخها منكـ
فارس: يوم راح اخوهـ رمى نفسه على الكنبه وحط يدينه على راسه
أمه: جت مسرعه له خايفه عليه ياضناي لاتتعب حالكـ طلفها وريح نفسكـ
فارس: شفتي يمه ابوي واخوي ضدي ماحد يحبني قام بسرعه وأخذ مفاتيح سيارته
أمه: حلفت عليكـ ماتشوق وانت ضايق كذا أخاف يجيك شي
فارس: ليتني مت قبل ماشوف ابوي واخوي الي هم عزوتي بدنياي يكونون ضدي مابي الحياة يمه كرهتها وراح وضرب بالباب بقوة
أمه: ركضت لجناح مشاري تدق عليه خايفه
مشاري: فتح لها سمي ياخاله
ام فارس: الحق على ولدي يامشاري طلع وهو معصب ويدعي على نفسه بالمووووت ياويلي وجلست تبكي
مشاري: وجعه قلبه على اخوهـ ورحم خالته هدي ياخاله استودعناهـ ربي ماراح يجيه شي ان شاءالله
ام فارس: مالي ولد غيرهـ لو جاهـ شي ابنتهي ليه تقسى عليه يامشاري ليه وجلست تبكي
مشاري: بحكمة مسك يدها خالتي هو ضاق مرة وحده بس شجون الف مرة ضاقت واحنا تخلينا عنها عمركـ سألتي نفسكـ كم بكت من اهنات فارس لها عمركـ سألت نفسكـ كم مرة تركت الأكل من الضيقه ليه نرحمه ونوقف معاهـ لانه ولجنا واحنا نعرف انه غلط بحق شجون كثير اسألكـ بالله مو كان يقسى عليها قدامكـ
ام فارس: تمسح دموعها وساكته
مشاري: جاوبيني ياخاله
ام فارس: هزت براسها بإيه
مشاري: طيب يومها ايش سويتي ؟؟؟
ام فارس: والله كنت انصحه كثير بس ربي يهديه مايسمع كلامي
مشاري: بس ماجيتني هنا تبكين من سوياهـ بشجون زي ماجيتي الحين توفت اختها ماصبر حتى تتشافى من مصيبتها طلقها بسرعه بدون أي رحمه ترقد ولدهم ماقول ولدها وينه كان يرجع معانا للبيت وهي الي تسهر معاهـ لحالها ماوقف جنبها لا بأبوها ولا بموت اختها ولا بموت ولدها الي هو ولدهـ فارس اخوي ومن دمي ويصعب علي اني اقسي عليه بس احنا سكتنا كثير وظلمنا البنت كثير ياخاله ربي راح يسألنا عن الي يصير
ام فارس: ناظرته بس أنا أم يامشاري وماتحمل اشوف ولدي يطلع ويسوق السيارة وحالته حاله ماتحمل اشوفكم تقسون عليه
مشاري: مايبي يجرحها ويقولها ماضرهـ الا دلالك الزايد له هي بمقام أمه ويحترمها سكت مارد
ام فارس: قامت من عندهـ ومسكت جوالها كل شوي تدق على ولدها مو راضي يرد
دخلت على زوجها الي مسوي نفسه نايم وكل شوي تدق وتتأفف
ابو مشاري: عارف انها تدق عليه خلاها ووماقال شي
فارس: كان يقوود سيارته بسرعه جنونيه كل مايتذكر كلام أهله يدوس اكثر كأنه يبي ينتحر وصل لتقاطع المفروض يوقف بس ماوقف بالعكس اسرع بقووووووة
==============
في بيت ابو عبدالرحمن
غلا: نايمه عند أهلها لأن زوجها مسافر بأمه لمكه يومين وراجع مبسسوطة حيل ثلاث شهور من زواجها يرفض تنام عند أهلها ولا ليله كل ماتطلبه يقول ماعرف انام بدونك جابها أمس العصر وحرمت أمها من ابوها ناشبه بحلق أمها سواليف وضحك حتى عبدالرحمن ماسلم منها نشبت بحلق ريوف قالت له توكل أنت لغرفتكـ راح تشبع منها انا يومين وارجع نامت بعد صلاة الفجر وعلى تسعه صحتها أمها
نوال: غلو يكفي نوم قومي ابوكـ يستناكـ تحت تراهـ ماشافكـ زين مشتاق لكـ حيل
غلا: تسحب لحفاها يمه ليه ماسهر معانا البارح أنا لسه ماشبعت نوم خليني الله يخليكـ
نوال: جلست على طرف السرير تمسح على شعر بنتها الناعم وهي مبسوطه ومو مصدقه تصحي بنتها فقدتها ثلاث شهور بس هذي سنة الحياة غلو قلبي قمي اشتقنا لجمعتنا على الفطور من كثركم علي انتي وعبدالرحمن بس يالله حبيتي ابشوفكـ حولي على السفرة
غلا: لفت على أمها وباست يدها بقوووووة ربي لايحرمنا من أحن أم الحين افز قامت بسرعه آآآآآآآآي ومسكت جنبها
نوال: خافت عليها بسم الله عليكـ حبيتي ايش فيكـ
غلا: هذي رابع مرة يمه ان قمت بسرعه كذا يوجعني جنبي
نوال: آها طيب حبيتي روحي الحين تحممي على السريع وانزلي ابجهز الفطور ابوكـ تحت يستنانا
غلا: مسكت خد أمها وباستها بقووووووة سمي يا أحلى أم
نوال: تبتسم بحنان وهي تشوف هبال بنتها ماتغير بعد زوجها فديتها وفديت رجتها نزلت تحت عن محمد الي كان يقلب الجريدة نزل جريدة على حجرهـ وين غلو
نوال: فديتها يالله قامت تعرف ماخلتنا ننام الا الفجر نعسانة ماشبعت نوم
محمد: ابتسم تعرفي نوال ان غلو لها فقيدة كبيرة
نوال: تنهدت ايش اقول يامحمد وربي ان كل يوم افتح غرفتها واتخيل اني اصحيها واسكرها بس كل ماتذكر اننا زوجناها ابن حلال يسعدها ويفرحها يرتاح قلبي واسكن شوقي لها
محمد: بكره يجيبون عيال يملون علينا البيت وراح تقولي طفشنا منكم اطلعو خلاص ههههههههههه
نوال: وهـ ياليت يجون وكلي فداهم يزعجوني يكسرون اثاثي بس يجون
عبدالرحمن: وهو ينزل من الدرج لايبه تكفينا ميار وجنونها توهـا تمشي ومخلت شي على حاله
نوال: يافديتهااااااا بس وينها من زمان عنها
عبدالرحمن: ايش من زمان يمه قبل أمس عندنا
نوال: ابيها كل يوم تشقر بس سحر تنحرج منها وتتوقعنا نتضايق من ميوري
عبدالرحمن: لادلعينها يمه بزيادة ماخليني شي لعيالي
ريوف: تغير وجهها
نوال: عيالك وعيال سحر وغلا كلهم جوات قلبي قلبي دكان كل واحد له مكان
محمد: ترا اغار تبين عيالي وعيالهم يزاحموني عزالله مابقى لي شي
نوال: أنت المكان الكبير وابتسمت له بحنان
ريوف: تذكر ربها جواتها على حياة عمها وخالتها قمة الحب والاحترام الي ماشافته بين ابوها وأمها
عبدالرحمن: يمه ذبحني الجوع وين بنتكـ
نوال: صحيتها وقامت تتحمم ابقوم اشوفها ثانيه
ريوف: خليك ياخاله انا اقوم لها راحت غرفتها طقت الباب لارد فتحت الباب بهدوء الا تتفاجأ بشكل غلا لافه نفسها بروب الحمام ونايمه مسكت ضحكتها غلوووووووو قومي
غلا: فزت وحطت يدها على صدرها بسم الله علي خرعتني يالدوبا
ريوف: كلهم ينتظرونك تحت وانتي نليمه وتاركتهم
غلا: تحك شعرها الرطب طيب جيتكم
ريوف: لا تتأخري
غلا: ان شاءالله بس ابلبس ملابسي مطوله تبين تتفرجي او ايش
ريوف: ههههههههههههه بسم الله علي
غلا: جد ناس ماتجي الا بالعين الحمراء
ريوف: فديت الحمشه بس طلعت وسكرت الباب
غلا: تعدل مخدتها حمشه حتى على النوم بس خرب نومها جوالها الا دق كم مرة أخذته شافت حبيبكـ هلا قلبي
فواز: هلا وغلا بنور العين الي اشين ليله من 3 اشهر قضيتها البارح بدونها
غلا: يالله تفتح عيونها صادق حتى أنا
فواز: لو احلف احلى ليله
غلا: افا حبيبي انام بدونكـ وتبيني انبسط
فواز: طيب متى نمتي البارح
غلا: انقلبت على ظهرها مانمنا حشرت أمي وريوف عندي بغرفتي وفليناها فواز احس ابوي ودحوم طول الليل يقنتون انك ترجع وتفكهم مني
فواز: ضحك عليها حتى حمر وجه يحب خفة دمها ايه واشين ليله صدقتكـ
غلا: خطت يدها على فمها بهمس جد اني فضيحه ايه حبيبي عجزت انام وحسيت بوحشه بدونكـ حشرتهم عندي
فواز: احبك ياأحلى واجمل مصرفه شفتها بحياتي
غلا: ضحكت من قلبها بس قطع عليها ضحكتها طق الباب كان صوت عبدالرحمن نطت جالسه وعدلت روب الحمام حبيبي دحوم ارسلوهـ اهلي شكلهم يبون يجلدوني لأني تأخرت عليهم حيل تحت
فواز: مو على كيفه يجلدكـ وراكـ رجال الحين ترا اشغل سيارتي وارجع الحين
غلا: ماتهنت بأهلها لسه لاقلبي وش دعوة ترجع وماخلصت شغلكـ مستحيل
فواز: قولي ترجع وماتهنيت بأهلي وتنشب لي مستحيل وضحكـ
غلا: افا بس ماقولها
عبدالرحمن: طق بقوة غلازي جالسه تقرقين بالجوال ومخليتنا تحت ننتظركـ
فواز: يؤؤؤه دحوم ريوف مولع اخليكـ الحين وسكر
غلا: سكرت منه دقيقه وانزل قامت بسرعه اووف بطني ايش فيه كل ماقمت كذا تعبني بدلت ملابسه شعرها نشف تقريبا لأنها من زمان طالعه مايبي له اسشتوار هو سايح بطبيعته نزل ولقت ابوها ينتظرها مع امها قربت منه باسته مع يده وراسه
محمد: مسكها مع يدها جد نمتي بعد الشازر وخليتنا تحت
غلا: غفوة صعنونه داهمتني باباي لفت على ريوف تأشر بيدها يعني الوعد جلست جنب ريوف اوريكـ ماسرعك فضحتني كان سترتي علي
ريوف: سألوني وينها ايش تبغيني اجاوبهم
غلا: كان قلتي تتميكج وتتمشخ لكم
ريوف: معروف انك تكرهي شي اسمه مكياج يعني دبري لكـ كذبه مقنعه
غلا: ايه صح مشكله
ريوف: قربت لها وهمست يقول دحومي ان حبيب القلب دق عليكـ
غلا: تحط يدها على قلبها دق يبرد جمرة قلبي
ريوف: اقول اهجدي مالاق عليك الرومانسيه ترا
غلا: لفت عليها يابنت خابرتكـ رقيقه كيف تحولتي دفشه كذا
ريوف: ترفع حاجبها من عاشر القوم اربعين يوم صار منهم
اجتمعوا على السفرة سواليف مشتركه وضحكـ
نوال: تصدقون مانقصنا غير سحورتي بس كان تكمل جمعتنا
غلا: فكينا يمه تجي وتجيب معاها قطتها الشرسه ميوري تشوفي كل اغراضكـ الي هناحطام وركام ماكملت كلامها الا ...
سحر: كملي حش ببنتي
غلا: حطن يدها على صدرها بسم الله علي
ميار: ركضت وارتمت بحضن غلا من بينهم
غلا: جبنا سيرة الئوط قام الئوط ينط وجلست تبوس فيها بقوووووة
سحر: أي بوسي غصب عنكـ خاله زينه
غلا: بعدين ايش عرفكـ اننا مجتمعينا تو أمي تقول مانقصنا غير سحورة قلت ايه فاقدينها مرة
سحر: ايه صدقتكـ مالت بس وراحت تبوس راس عمها جايه غصب عنكـ وابرزوركـ ببيتك واخلي كتكوتتي تحوسكـ حوس
غلا: ههههههههههههههههههه تووووبه بس فيكنا مت كتكوتتتك يرحم أمكـ
بعد مافطروا جلسو يتقهووون
نوال: قربت لبنتها حبيتي تراني شاكه بوضعكـ
غلا: استغربت من كلام أمها أي وضع يمه
نوال: دورتكـ متأخره عنكـ اسبوع وكل ماتقومين بسرعه يتعبكـ اسفل بطنكـ صح
غلا: ايه صح يمه اوووهـ لاتقولي قصدكـ شكلي حامل
نوال: وصيت ابوكـ يجيب تحليل حمل منزلي
غلا: ليه الفاضيح يمه قدام ابوي
نوال: اما فضايح ماشفتيه فرحته ماتشوفينه يوم كلمته بسرعه طلع
غلا: يمه فشيله والله كيف ابحط يوني بعيون أبوي واخوي
نوال: يابنت حلال محلله ربي والكل يتمنى ضنا وأكيد فواز يبي
غلا: مو بس يبي الا ناشب بحلقي من أول شهر
محمد: دخل عليهم وحاط التحليل بكيس غير كيس الصيدليله وعطاه نوال
غلا: يمه مو قاردة اقوم فشيله
نوال: اقول قومي معاي بسرعه
ريوف وسحر وعبدالرحمن منسجمين بالسوالف مانتهبو لهم
محمد: جلس معاهم بس باله مع بنته وزجته الي دخلو غرفته
نوال: يالله كذا طريقته خمس دقايق ونتأكد ونبشرهم
غلا: يمه خايفه
نوال: يابنتي تراها مو ولادة تحليل بس
غلا: وليه الولادة اصعب
نوال: لاتستعبطي علي يالله خلصيني
غلا: يوووه عصبت ماما سمي هاتيه راحت وكان قلبها يدق بقوة وطلع لها خطين طلعت لأمها تنطط قدامها
نوال: حاسبي مجنونه النونو راح يطيح
غلا: حطت يدها على بطنها ايه صح نسيت فديته
نوال: مافيني صبر ابطلع ابشرهم
محمد: يناظر الباب ينتظرهم يطلعون
عبدالرحمن: ايش فيكـ يبه
محمد: مافيني شي يابوكـ
نوال: طلعت الحمد لله باركووووووو لغلا حامل مبروك ياعمه ريوف
سحر وريوف نطو من مكانهم وراحو سيدا لغلا يحضونها
غلا: كتموتو ولدي ابعدو عنه خلوه يتنفس الصعداء
سحر: مالت نتفة نونو تراه لسه ماكبر
غلا: بكره يكبر ويأدب كتكوتكـ الي معاكـ ويخليه ترتز بالزاوية بدون حراكـ
سحر: يوووهـ كل هذا حقد على ميوري
غلا: لا من زود حبي لها
محمد: قرب لها والبنات ابعدو باسها مع جبينها مبررروك يابنتي
غلا: باسته مع يدهـ الله يباركـ فيكـ يبه
عبدالرحمن: مبروكـ يالدفشه يارب يجيكـ هالولد ويركدكـ
غلا: ايه سبقتكـ اباخذ فرحت اول حفيد ان شاءالله
كلهم ضحكوا لا ريوف تغير وجهها ولاحظها عبدالرحمن رد على أخته تحداكـ ماياخذ غلا ولد الولد احد يبي يطلف الجو علشان زوجته
نوال: كل واحد له غلا وفرحته سبحان الله سواء ولد ولد او ولد بنت سواء الاول او الاخير
سحر: صح يعني بطلو شغل المبزرة ضحكو كلهم وكملو جلستهم
ريوف: استأذنت تبي تكمل شغلها فوق
عبدالرحمن : راح وراها دلت على زوجته وحبيته وهي جالسه طرف سريرها تبكي جلس جنبها وحضنها ليه حياتي تبكي
ريوف: كملت معاك سنة وماحملت أكيد فيني شي عبدالرحمن خايف ماحمل وتتركني وجلست تبكي
عبدالرحمن: رحمها ويكرهـ يشوف دموعها مستحيل اعيش مع وحده غيركـ حبيتي ويمكن العيب مو منك مني
ريوف: لا حبيبي رحت مع أختي حنان وقالت لي عندكـ خربطت هرمونات
عبدالرحمن: رحتي وماقلتي لي
ريوف: انت معطني الإذن مفتوح اني اروح من بيت اهلي مع خواتي للي ابي قلت لي لاتسأذنني حبيت اعالج بدون ماتشعر وتتعلق وتمل
عبدالرحمن: مسكـ وجهها مستحيل امل او اطفش منكـ حبيتي ابوي ماجبت له أمي غيرنا لانها صار معاها نزيف بعد غلا وشالو رحمها ومافكر ابوي بيوم يتزوج عليها وانتي لسه صغيره وتراني لسه زيك صغير هههههه لسه الطريق قدامنا ايش ورانا خلينا نتهنى وخلي غلاوي وسحورة يبلوشون بعيالهم ترام شاري وفواز سيبان يالله يحلقون اعمارهم انا توني بعز شبابي ههههههههههههه
ريوف: ابتسمت من بين دموعها على كلامها
عبدالرحمن: حضنها لبى الابستامة الي تسحر
================
في غرفة هناء
هيفاء: دخلت على هناء وهي تسكر شنطتها الي راح تروح فيها بكرهـ
خنقتها العبره بس حاولت تمسكـ نفسها خلاص اجل آخر ليله لكـ معانا
هناء: كانت مبسوطه تحب خالد حيل وفرحانه انها راح تنزف له بكرهـ ابتسمت لأختها الا يدق جوالها يوووه قايله له لايدق علي ويدق
هيفاء: جلست على الكرسي وليه ماتبينه يدق عليكـ
هناء: ياختي ماتطلع مفاجأه متفقه انا وياهـ قبل شهر وينزل اسبوع بعده اسبوع صفت على آخر لليله وشوفيه يدق ماردت عطته رساله مابي ارد بكرهـ ان شاءالله تشبع مني ارسلتها الا يدق ناظرت اختها وهي تبتسم عنيد
هيفاء: ابتسمت وهي تشوف اختها ترد عليها وتضحكـ معاهـ مبسوطه قالت بقلبها يابختكـ ياختي غروري اعماني اعيش عيشتكـ ربي يسعدكـ
هناء: سكرت منها وحطت جوالها وتكمل شغلها هاهـ عزمتي كل صديقاتكـ
هيفاء: كل الي بالمستشفى بعد خليت المستخدمه تدور بالبطاقات على كل المكاتب ايش ورانا القصر مفتوح للجميع
الا صح من راح يسوق فيكم بكرهـ والا راح يسوق بنفسه
هناء: اخوه ياسر راح يسوق فينا
هيفاء: مازال قلبها يدق لطاريه امممم ماراجع زوجته خابرتها قربت نتهي عدتها
هناء: يقول خالد وماعندهـ طاري ياسر ان صد صد تعرفين انتي قوة شخصيته
هيفاء: ايه ماشاءالله عليه قوة شخصيته تميزهـ عن غيرهـ
هناء: وهي تحط كل اغراضها هي جنت على نفسها الا ماقلتي لي اخبار الولد التعبان نفسيا
هيفاء: قصدكـ باسل صلاح
هناء: ايه
هيفاء: الحمد لله تحسنت حالته مرة اصلا ابوهـ مهتم فيه حيييييييل حتى تضايق يوم قلت له انتهت مراجعاته عندي من زود حرصه يبي يظل يراجع ويتطمن عليه
هناء: متأكدة يبي يظل يراجع يتطمن عليه او يتطمن على قلبه
هيفاء: عقدت حواجبها مو فاهمه ايش قصدكـ
هناء: سكرت سحاب شنطتها خوفي انه مبسوط بمراجعات ولدهـ علشانكـ
هيفاء: بلاسخافه الرجال همه ولدهـ
هناء: ايه ربي يخليه له
هيفاء: يالله اخليكـ الحين طلعت راحت لغرفتها وكلمة اختها تتردد على أذنها تذكرت باقة الورد الي جتها على مكتبها بعد اجازتها شهر يوم ترافق مع امها جتها اهداء من باسل وفيها كلمات حلوة تغير وجهه اليوم معقوله كلام هناء جد اوووهـ مابي اعلق نفسي بسراب انام ابركـ لي شكلي شوفة عروس وعريس يتغزلون ببعض خلاني اتهياء شي غلط لحستو مخي هنو وخوليد ايه ربي يسعدكم
====================
في بيت ابو مشاري
ام فارس :فزت من نومها بسم الله الرحمن الرحين اخذت جوالها تدق جوال ولدها مقفل قومت زوجها بندر قووم احس ولدي فيه شي من الظهر مارجع ادق عليه مسكر جواله
ابو مشاري: قام من فراشه وراح لمشاري وطلعو يدورن عليه كل واحد منهم خايف اكثر من الثاني بس يتظاهر القوة يدعون ربهم جواتهم الله يستر عليه ويخليه لهم
