رواية بيت العنكبوت الفصل الرابع والاربعون 44 بقلم همس
لــ ج ـــزأ الــرابــع والأربـــ ع ـــــــون
في شقة مستآجرها متعب
متعب : ينتظر دلال على احر من الجمر ثبت الكاميرات ووحط وسيكي وجهز الاستديو بموسيقى هاديه موعد جيتها بعد ساعه
دلال: في شقتها بعد ماصرفت فارس واقنعت ابوها يخليه يروح مندوب لشكريتهم لجدة تروح وتجي خايفه جلست على الكنبه ناظرت بساعتها مابقى الاس اعه الاربع تروح للشقه صارت حطت يدها على جبينها مترردة وخايفه شوي الا يدق جوالها خافت انه اكره صوت تسمعه صوت وليد الي يحسسها بالرعب بس فرحت يوم شافت الرقم يدق بإسم شجون ارتاحت يوم شافت رقمها ردت بسرعه الحق علي شجون مو قادرة اروح خايفه ومسحت دموعها
شجون: حبيتي لاتتأخري على الموعد وتخربي كل شي
دلال: وهي تبكي خايفه ووربي خايفه ياشجووون
شجووون: لاتخافي حبيتي ربي معاك ماراح يترك وحدة تابت ابد ماراح يخذلها يالله قومي وروحي لاتخربي خطة الهيئة
دلال: طيب الحين اقوم سكرت وتنهدت بقوووة رفعت عيونها لربها يارب ستركـ ولطفكـ
رجل الهيئة: دق عليها
دلال: بسرعه ردت عليه وهي بالسيارةبقلب يرجف
رجل الهيئة: يالله يأختي ننتظركـ المكان محاصر
دلال: انا بالطريق سكرت الا يدق اكره انسان ردت بهدوء هلا
متعب: وينكـ تأخرتي
دلال: وهي تتمنى يموت شر ميته موعدنا باقي عليه ربع ساعه
متعب: وهي يشفط من يشرب من الوسكي الي قدامه ويحط رجل على رجل اهم شي انك مجهزة احلى روب ابي اشوفك بأحلى شي ابيك تفتنيني تحركي مشاعري الي مو راضيه تتحرك صوبكـ
دلال : بقلبها جعل نعشكـ يتحرك لقبركـ وارتاح منكـ مسافة السكه وانا عندكـ وسكرت قبل ماتودعه
متعب: ضحك الحين ادوس على كرامتكـ برجولي يابنت الـ ......
دلال: وصلت للشقه شافت سيارة مدنيه عرفت انهم الهيئه ايش وصلك للحال الي فيه يادلال تهورتي تحملي راحت للشقه رقم 5 بالدور الثاني وصلت للشقه دقت الجرس بيد ترجف
متعب: راح للكاميره شغلها وراح جهة الباب فتح لها الباب
دلال: يوم دخلت وهي مرررة خايفه بسرعه ماحست الا بدخول الهيئة عليهم وقبضو على وليد وفتشو مع الشرطه كل الشقه وصاردو جواله وجهازهـ
طبعا أخذو دلال تمويه علشان مايشك وليد انها مبلغه عنه ويحقد عليها كأنهم قبضو عليهم اثنين
غصب عنها ماتحملت جلست تبكي بالطريق بعد مانزلت لهيئه وطمنوها ووعلموها ان صورها الي بجهاز وليد راح تكون بيدهم ويتم التحلص منها
صح فرحت وارتاحت بس مازلت خايفه الموقف الي مرت فيه كان صعب حييييييييل
رجعت لشقتها وكلمت شجون وعلمتها كل شي صار راحت لبيت أهلها واختلت بغرفتها مانامت طويل الليل كابوس يلاحقها وتفكر بكل شي قررت قرار بس تنتظر بكره يجي علشان تنفذهـ
=====================
في بيت موسى
موسى: كل الاغراض والي تبين شي ثاني
العنود: وهي تشتغل بالمطبخ راحت للأغراض بس ماجبت بقدونس علشان التبوله
موسى: ابتسم لها اموت واعرف ليه تبين تكلفين حالكـ كان خليتني اجيب لهم مندي من برا وبس
العنود: مارتاح حتى انا ابطخه بنفسي الحمد لله الفرن كبير ومجهز للطبخ ايش ينقصني
موسى: ماختلفنا بس ليه تسوي حلا قهوه وحلا عشاء ونوعين سلطه تعب عليكـ
العنود: اخذت الاغراض تعبكـ راحه
موسى: ابتسم وهو يشوفها تتجه للفرن رد بحنان وفرح ووجودكـ عندي قمة الراحه
العنود: لفت عليه ابتسمت وكملت شغلها
موسى: طلع وشاف انوار تاكل مكسرات وجالسه عند التلفزيون ناظرها انوار يابوكـ قومي ساعدي خالتكـ
انوار ترمي القشر حق الفستق على الأرض ايش دخلني فيها يبه
موسى: تقهره تصرفتها وعدم احترامها له يابنت استحي انا قدامكـ وترمين القشور كذا وين النظافة والإهتمام متى تتحملي المسؤليه قولي
أنوار: والله تحملت المسؤلية وانت صممت الا تجيب هذي عندنا خلها تفيدكـ
موسى : وصل حدهـ وعصب لا شكلي عطيتكـ وجه كثيرر
أنوار: خافت يوم شافت ابوها مقرب لها
العنود: سمعت صوت زوجها وركضت له ووقف قدامه هدي ياموسى الله يهديكـ
موسى: استغفرالله يارب وراح للمجلس وهو متضايق
العنود: لفت تناظر انوار تطمن عليها
انوار: يوم راح ابوها عدلت جلستها ومثلت انها ماخافت منه ناظرت بالعنود بعين قويه خير ايش عندكـ تخزيني بنظارتكـ كذا
العنود: حبيتي مايصلح تنرفزي ابوكـ كذا حرام ياعمري هذا ابوكـ
اتوار: رمت الي بيدها على الأرض حيه تقرصكـ كم مرة اقولكـ لاتندايني حبيتي وتمثليك التافه خليه لكـ دفتها مع كتفها وراحت غرفتها
العنود: تتضايق من كلامها الجارح وقلة أدبها بس تعذر لها لسه مراهقه وهي زوجة ابو صعب تتقبلها وهي بسن المراهقه راحت لزوجها وجلست جنبه هدي ياموسى الله يخليكـ
موسى: كيف اهدي وهي ماتحترمني يالعنود وماتهابني انوار انقلبت فوق حدر اعرفها كل ماتزوج تسوي كذا ومايهدا بالها وتزين امورها حتى اطلق
العنود: لسه بسن مراهقه لازن نسايسها ولانضغط عليها حيل ارجوك لاتتضايق او تتكدر اليوم عندك رجال مايصلح يوضح عليك الضيق
موسى: ان شاءالله قام وتوضا ويصلي ركعتين علشان يهدا
العنود: راحت للمطبخ تسوي العشاء
أنوار: تروح وتجي منقهره وتكرهـ هالعنود ومصممه تفشلها قدام الرجال فكرت وفكرت نزلت للمطبخ يوم شافت العنود مو فيه فتحت القدر وهو فيه الرز بس لسه مانشف حطت سكر مطحون فيه وركضت فوق
العنود: دخلت ومتطمنه على الرز لانه ذايقه ملحه قبل تحط الرز يوم تنشف قصرت عليه النار وخلته فتحته بعد ربع ساعه مبسوطه انه انضبط واضحه حبته مرة مبسوطه ركضت تجهز السفره حطت الحلا والسلطات يوم جت تغرف الرز دخل عليها موسى
موسى: اوووهـ ريحته تجنن
العنود: ابتسمت بفرح واخذت بملعقه وقربتها لفمه
موسى: فتح فمه وهو مبتسم يوم اكل استغرب وفتح عيونه بقوووة
العنود: استغربت تغير وجهه ايش فيكـ؟؟؟
موسى: شكلكـ بدال ماتحطي ملح نسيتي وحطيتي سكر
العنود: ايش ؟؟؟؟؟؟؟ بسرعه اخدت شوي تذوقه ناظرت زوجها مستحيل انا دايقته قبل احط الرز كانت مرقته تجنن مافيها سكر ولاشي
منار: دخلت عليهم وسمعت كلامهم وبخوف تناظر الباب انوار حطت سكر وهربت فووق
موسى: خلااااااااااااااااص وصلت معاااااااااااهـ جاء يبي يروح يجلدها
العنود: مسكته مع عضدهـ تعوذ من ابليس وروح اشتري عشاء للضيوف يالله يمديكـ
موسى: وربي لأدبها بس خلي ضيوفي يطلعون زادت البنت عن حدها
دق على ولد اخوهـ يجيب له مندي وهو جالس عند ضيوفه بس يغلي جواته ينتظر الضيوف يطلعون ويبرد حرته
انوار: جالسه على اليوتوب ولاهمها شي عارفه ان ابوها ماراح يمد ايدهـ عليها يرحم يتمها وماعودها يضربها ابد بس ماعرفت ان غلطتها اليوم كبيرهـ وتختلف عن كل غلطاتها
موسى: يوم طلع آخر ضيف رمى شماغه ودخل بالصاله وركض على غرفة بنته
العنود: كانت تخيط مفرش صغير يوم شافته يركض وهو معصب ركضت وراهـ تناديه ماوقف سبقها لغرفة انوار
انوار: تبتسم وهي تقلب باليوتب مادرت الا باب غرفتها ينفتح بقوة ويتكسر بالمفتاح خافت وراحت آخر الغرفه
موسى: وهو معصب ماحس بحاله الا يضربها بقوة
العنود : تطق باب الغرفه ارجوكـ موسى هدي تعوذ من الشيطان موووووسى ارجوكـ وبكت
منار ومازن كان يبكون بقوووووووة
موسى: سمع صوت ترجي العنود وبكاء عياله توهـ يفوق من سكرة غضبه شاف البنت طايحه وتبكي طلع بسرعه وراح لغرفته
مازن ومنار ركضو لأختهم يضمونها
العنود: دخلت بسرعه تطمن عليها قربت منها تضمها
انوار: دفتها وبعدت عنها كانت تشاهق كل منك انتي السبب اكرهكـ اكرهكـ اطلعي من بيتنا كنا سعيدين من دونكـ عساك للموت الله ياخذكـ ويرحنا منكـ
العنود: سمعت كلام انوار سكاكين تقطع قلبها طلعت بهدوء ماتبي تزيد عليها
منار: حرام عليك كانت تترجى ابوي يفتح لكـ الباب وتبكي
انوار: اسكتي انتي بعد ولا كلمة مابي اسمع شي كل المصايب منها
فيصل: توهـ جاي من ربعه شاف حالهم ايش فيكم
مازن: ابوي ضرب انوار
فيصل: كـــــــــــيــــــــــــ ـف؟؟؟؟؟؟؟
ابوي عمرهـ مامد يدهـ علينا الحين صار يضربنا شفت مو محذركم منها كنت عارف انها راح تغير ابوي علينا بس انا وراها والزمن طويل ان ماجننتها ان ماخليتها تطلع مجنونه ماكون فيصل ولد الجازي
العنود: دخلت لزوجها وشافته جالس على طرف السرير متضايق حطت يدها على كتفوه يابو فيصل هدي من نفسكـ
موسى: بحزن وهو يكابر مايبي دمعته تنزل عمري مامدت يدي عليه بس جننتي ماصارت بنتي الي اعرفها كل ماصبر نفسي اقول بكره تكبر وتعقل اشوفها تزيد اكثر من قبل تعبت يالعنود تعبت مع عيالي
العنود: صدقني مرحلة المراهقه صعبه حتى للعيال الي امهم وابوهم عايشين معاهم كيف عادي عيالك حاسين بفقد أمهم ومايبغون احد ياخذ ممكانها بس صدقني مرحله وتعدي وبعون ربي راح يقدرني اكسب ودهم
موسى: انتي ماقصرتي حاولتي معاهم كثير بس هم ابد مو متقلبينكـ
العنود: مع دعاي لربي صدقني راح يحنن قلوبهم علي واثقه من ربي
موسى: ونعم بالله ........ اتمنى اليوم الي اشوف زوجتي الي حبيتها وعيالي الي قطعه من قلبي اشوفهم مبسوطين ومابينهم مشاكل
العنود: ابتسمت له ان شاءالله راح تشوفهم كذا
==================
في بيت صلاح
صلاح : قام وتحمم جلس جنب ولدهـ الي غرقان في النوم ناظرهـ برحمه باسه مع خدهـ وبعد عنه يشوف وجهه الابيض وشعره الشقر يشوف نومته ببرائه همس ياترى ياباسل راح تلومني ان كبرت لاني ماخترت لكـ ام مسلمه تخاف ربها او لا راح تسامحني قام من عندهـ ولبس ملابسه ووصى اخته على ولدهـ وراح للدوام بدرري فتح باب السيارة علشان ينزل شاف ياسر قدامه ابتسم يوم شاف حبيب قلبه هلايسوري
ياسر: لف عليه وابتسم هالكبر وتدلعني
صلاح: وهو يروح جهته ويمشون سواء يعني حلال على ام العيال وحرام علينا
ياسر: بقلبه ماعمري سمعت اسمي اصلا من لسانها لادلع ولاغيرهـ
دخلو مكتب ياسر وجلسو سواء لانهم جايين بدري
هيفاء: مرت من عندهم وراحت مكتبها
صلاح: ناظرها يوم مرت ياحليها هالدكتورة احسها شاطرة وحنونة على الاطفال
ياسر: ايه ماشاءالله عليها ليه تراجع بباسل عندها
صلاح: ايوهـ
ياسر: جد تراك سافرت بسرعه وماعلمتني كيف جبت ولدكـ
صلاح: يوم دقو علي السفارة السعوديه ببرياطانيا استدعوني عندهم وقالو تعال نبيك ضروري رحت جري وماودعتك ولاشي لاني كنت خايف على باسل صح كنت اشك مو ولدي بس مهما كان تربى تحت نظري واحن عليه يوم وصلتهم استقبلني المسؤل وقال ان لقينا ام باسل مقتوله وولدها كان منهار ومغمى عليه سكت شوي وكمل بحزن يوم قالو لي كذا حسيت الدنيا ظلمت بعيوني ماشوف غير باسل رحت جري على المستشفى ولقيت باسل البريء مرمي على سرير ابيض وتعبان قربت منه ناظرني بعيونه الزرقاء الصافيه وبكى حضنته جلس يشاهق يقول بابا ليه تركتني بابا ماما ماتت امتلت عيونه دموع وناظر ياسر تخيل ياياسر انذبجت امه قدام عيونه وقتله احمد ربي ان الاشرار ماقتلوهـ معاها
ياسر: وصلت عبرته حلقه وهو يتخيل حال باسل الي عانى بطفولته من اقسى مشهد وشبهه بحالته مع اختلاف الظروف وتشابه الحدث الا وهو قتل سعادة طفل في اول عمرهـ
صلاح: مسح دموعه تصدق لمت نفسي اني تركته معاها وماسألت عنه لمت نفسي ان قتلت براءة طفولة بيد مسيحيه ماتخاف ربها والي ذبحني حيل ان السفارة طلبت تحليل يثبت ان هذا ولدي لان الحكومه البريطاينه رفضت انها تطلعه معاي حتى يثبت ان باسل ولد لي الصدمه انه طلع ولدي يعني يا ياسر انا تخليت عن ولدي سنه كامله ماسألت عنه ولاشي صح ماخفيك كنت انام وانا ابكي كل ماتذكر ضحكته بوجهي بس يطفى شوقي ان تذكرت انه مو ولدي انا تسرعت وتخليت عنه وهذاني اجني ثمار استهتاري الولد الحين يعاني نفسيه خوف وقلق مو طبيعي وصدره تعبان لان كانت تدخن عندهـ حتى جاهـ الربو وهذاني ارجع فيه عند الدكتوره هيفاء
ياسر: زين ماسويت ياخوي والله يخليه لكـ ويخليكـ له
صلاح: يالله ماعطلكـ الحين يجونكـ المراجعين
ياسر: بس يكون بعلمكـ تراكـ معزوم عندي على العشاء الليله
صلاح: ابتسم له ايش الطاري
ياسر: ياخي حسنة قليلة تمنع بلاوي كثيره قلت ابسوي خير فيكـ وضحك
صلاح: ضحكـ بقوة ايشم اقصرت حاس فيني اني مكتوم وبغير جو
ياسر: بس لاتنسى باسل ابيه يجي معاكـ وابجيب ولد اختي الي كبره
صلاح: ماراح يلعب معاهـ ولدي منعزل عن الغير
ياسر: ماعليكـ راح يتعايش معاهم بس خله ينسى الي شافه بعون الله راح يرجع باسل الأول
صلاح: اتمنى ترجع ابتسامته زي قبل
ياسر: كثر دعائك لربكـ وان شاءالله مايخيب رجاك
صلاح: طلع من عندهـ وراح لهيفاء
هيفاء: كانت تقلب الملفات وتنتظر المراجعين ناظرت فيه وردت عليه السلام
صلاح: عدل نظارته المضلله برمادي فاتح حبيت اقدم موعد ولدي باسل
هيفاء: ان كان فيه فرصه ابشر دقت على الرسبشن وسألتها سكرت للأسف ياخوي مافيه موعد الي بعد اسبوع
صلاح: لايادكتورة ولدي صدره تعبان بعد الانلفونزا الي جته ابيك تشوفينه بكرة
هيفاء: والله ماعندي مانع بس يقولون المواعيد فــل
صلاح: خلاص مشكورة اوديه لمستشفى خاص مع اني ابيك انتي تتابعينه مابي أغير عليه الدكاترة عن اذنكـ ما أشغلكـ
هيفاء: شافته متجه للباب ايش رايكـ تجيبه بكره بدري زي جيتكـ اليوم يكون الدوام لسه مابدأ يمديني اكشف عليه بجون ماعطل أي مراجع
صلاح: فرح بس مابي اتعبكـ واجيب بدري وتدوامين بسرعه يعني كذا يطول دوامكـ اكثر
هيفاء: عادي جالسه جالسه اهم شي صحة باسل
صلاح: مشكورة يادكتورة جعلها ربي بميزان حسناتكـ
هيفاء: يوم طلع حطت القلم محيرني ولدهـ حيل احس فيه شي بملفه أمه اجنبيه بس ياكثر الأطفال الي أمهم اجنبيه وماصارة فيهم رهاب زيه ان شفته كسر خاطري عيونه الصغيرة فيها خوف وألم اتمنى احضنه انسيه ألمه بس مو متقبل أحد مسكين والله ارحمه هو وابوهـ الي احس شاف شي من الدنيا مو قليل واضح عندهم سر يكتمونه بس ربي يعينهم
======================
في بيت اهل ياسر
خالد: كان غرقان بنومه دق جواله مرة مارد مرتين شاله بدون مايشوف الرقم ورد بصوت كله نوم
هناء: حبيبي ماقمت لدوامكـ ؟؟؟
خالد: فز يوم سمع صوتها ناظر ساعته شاف الوقت متأخر اووووهـ ياروحي مشكورة راحت علي نومه بس ياحلاتها وانا انام على صوتكـ واقوم على صوتكـ
هناء: تنحرج من كلامه ابتسمت بفرح طيب يالله قوم تراكـ تأخرت حيل
خالد: وانتي ماعندكـ جامعه اليوم ؟؟؟
هناء: محاضرتي راح تبدأ الساعه عشر لسه عليها
خالد: اجل ابوديكـ أنا
هناء: لاحياتي انت متأخر عن الدوام اليوم روح يالله لايعصب عليكـ مديركـ من حينه يتضيد عليكـ الزله
خالد: طيب امِؤؤؤآآآآؤؤؤؤآآآآح سكر من هناء وبعد غطاهـ وأخذ شاور على السريع ونزل عند أمه نزل على راسها وباسها لقاها معصبه افا ياأم يوسف ايش فيكـ معصبه ؟؟؟
أمه : الف مرة ادق على تلفونكـ وماترد كل هذا نوم لاتسهر مدامكـ تبي تفوت صلاة الفجر وتتأخر على دوامكـ
خالد: الله يعفي عني يمه غصب راحت نومه والسهر موبيدي أخذتني السواليف انا وهنو وراح الوقت وإحنا مانحس فيه
أمه: شوف أخوك ماشاء الله عليه لو يسهر الى قريب الفجر صلاة الفجر مايفوتها يوم ننام بشاليه احنا وياهـ نام الساعه ثنين وهو قايم من الفجر مع ذلك سمعت المنبه حقه يدق يظني نايمه شفته فز من فراشه الساعه ثلاث وجلس يوتر حتى اذن الفجر صلى وجلس في المسجد حتى اشرقت الشمس جانا وجلس معاي انا واخواته راح لدوامه ياوليدي هذي صلاة وياسر عرف كيف يحافظ عليها لاتقد سهرتكـ ووناستك على صلاتك ترا صلاتك هي نجاتكـ ياوليدي تعلم من أخوكـ الي حرمته انا من السعادة بطفولته ولجأ لربه تخليت عنه وانا امه وربع ماتخلى عنه خلاهـ دكتور ورجعه لأهله تعرف ليه لان اخوك عرف ربه بالسراء ربي يمايرتكه في الضراء سكتت وقالت بحزن ودموعها تملأ عيونها اتمنى يحط راسه على صدري يقولي ايش لاقى بحياته كيف عامله الي رباهـ اتمنى يفضفض لي بس احسه بعيد ويحب يكتم اسرارهـ عني
خالد: تأثر يوم شاف الحزن بعيون أمه ترا يمه اخوي ياسر كتوم بطبعه حتى إحنا مايعلمنا شي مرة حاولت اخليه يتكلم عن الي رباهـ بس غير الموضوع يمكن عاش وحيد طول عمرهـ تعود مايتكلم ولايشتكي الا لربه هالشي يريحه يمه مو كله بعد عنكـ معانا كلنا حتى مع حبه لاختي الجوهرة ماشوفه يتكلم بشي من الماضي معاها
أمه: تنهدت بحزن اتمنى تجي زوجته شريكة حياته ويفتح لها قلبه بس ماضنيت
خالد: افا يمه ليه ماتضني احس مبسوط معاها
أمه: انا أم ياخالد واقارن بينكـ وينه اشوف الفرح والحب لزوجتك بعيونك ومالقيت أي سعادة او حب بعيون ياسر في حالة ياسر وغربة لو رزقه ربي بزوجة حنونة تفهمه كان شفت الفرح بعيونه مو احسه يدق عليها يقوم بالواجب بس شفت كيف هناء تدق عليك كم مرة وتخاف عليك اما ياسر كم يجلس عندنا عمري ماشفت زوجته تدق عليه اشوفه يكلمها برسميه ويسكر
خالد: يشرب كاسة الشاهي ماعليك يمه بعض البنات خجولات حيل بعدين تتعود عليه يالله يالغاليه سواليفك والجلسه معاكـ ماتنمل بس شكلي تأخرت حيل باسها مع راسها وخلاها
أمه: تناظرهـ وهي رايح جعلني مافقدكم كلكم وجعلني اشوف السعادة بعيون غرررريب
=======================
في جناح شجون
دلال: قبل مايرجع فارس راحت لبيت أهله جلست معاهم عمها وخالتها وشجون جلسو يسولفون بس دلال تجاملهم لأنها تبي شجون على انفراد بس منحرجه كيف تقوم وهم جالسين
شجون: يوم أذن العشاء طلع عمها وهم كملو سواليفهم بس يوم رجع من الصلاة استأذنتهم تروح غرفتها تصلي
ام فارس: دلال يابنتي السجادة بالدولاب علشان تصلين
دلال: لا انا ان سمحت لي شجون ابروح لجناحها اصلي عندها
شجون: ابتسمت حياكـ وراحو سوا
ام فارس: لفت على زوجها ماتلاحظ دلال زايد احتكاكها بشجون
ابو مشاري: كيفهم ماعلينا منهم الي يحنن قلوبهن على بعض ابرك لنا من المشاكل يمكن دلال عقلت وعرفت ان شجون قلبها طيب وتغيرت معاها
ام فارس: الله يستر قلبي مو مرتاح
ابو مشاري: صلي تراك تأخرتي وجهزي لي عشاي ابنام
ام فارس: قامت سم وابشر الحين اجهزهـ
شجون ودلال وصلو لجناحهم
شجون: ابتسمت وهي تسكر الباب توم انور جناحي
دلال: تقدر هالبنت حيل وتحترمها اخذت السجادة من شجون وصلت وشجون صلت معاها يوم خلصو جلست دلال على سجادتها رافعة يدينها شاكرة لربها إنه سخر لها بنت هالحلال تدلها على الطريق السليم
شجون: راحت للمطبخ واحدت كاسين عصير يوم رجعت لقت دلال تدعي ربها ودموعها تنزل من عيونها جلست بهدوء على الكنبة تنتظرها
دلال: خلصت وقامت من السجادة ابتسمت يوم شافت العصير ليه كلفتي نفسك حياتي
شجون: مافيه كلافه ولاشي تعالي نجلس ونحكي شوي
دلال: جلست جنبها وحطت يدها على رجلها اسمعني شجون ماجيت هنا الا علشان اقول كلام بقلبي ابطلعه وارتاح بلعت عبرتها وسكتت شوي ماتبي تبكي انتي ياشجون سويت لي شي ماراح انساهـ بعمري علمتيني درس في طيبة القلب في الالتزام وعدم معصية الرحمن لو غيركـ ياشجون فرحت انها تشوف ضرتها بورطة كبيرة وهالورطة راح تتسبب بطلاقها وتفكها من هالضرة بس انتي سويتي العكس مع اني احتقرتكـ وظلمتكـ وضغطت على فارس حتى طلقكـ وكنت معارضه رجوعك ماخفيك كنت اغار منكـ واستحقركـ كنت ازدري شكلكـ اول ماشفت شكلكـ احتقرتكـ حسيت بغرور اني اجمل منك نسيت ان الجمال جمال القلب والأخلاق كنت فخورة اني من اسرة عريقه وغنيه واضحكـ عليكـ وافتخر بنفسي نسيت ان الانسان بأخلاقه ودينه مو بنسبه
شجون: كانت تسمع لكلام دلال بصمت ومتابعه كل كلمة تقولها
دلال: يوم صار الموقف الي صار لي فقت من غشاوة كانت مغطيه عيوني عرفت قيمتكـ عرفت قدركـ عرفت انكـ فوووووووق بأخلاقكـ والتزامكـ وطيبة قلبكـ وانا تحت بـ
شجون: رفعت يدها لاتكلمي ياختي ولاتحقري حالكـ الي غلط وتاب لربه ولا اصر على معصيته راح يكون فوق بتوبته وندمه ابن آدم خطاء بس خير الخطائين التوابين ومافينا احد معصوم بس العبرة بالتوبة النصوح
دلال: تنهدت بحزن حتى ردكـ اسلوبكـ غير ماقول الا ربي يثبتكـ يسعدكـ بس انا بعد الي صار لي قررت قرار وقلت لازم اقوله لشجون
شجون: ايش هو قراركـ
دلال: راح انفصل عن فارس ويكون لكـ لحالكـ انتي وبندر بدون ضرة تسرقه منكم او تشغله عنكم حتى لو ليلة وحدة ابي فارس لكـ انتي وولدكـ بس مايشغله شي
شجون: مسكت يدها حبيتي لاتصيري مطلقه بسببي هو تزوجكـ وصار الي صار حبتيه وحبكـ بس انا وياه مابينا حب كل واحد منا عايش علشان بندر بس
دلال: ناظرت قدامها بحزن ماغشكـ انا مو بس حبيته انا عشقته بس بعد الي صار ماراح اجلس معاهـ ولا ليله خلاص فارس قلبه وعقله معاكـ يحبكـ ياشجون
شجون: باستغراب فارس يحبني !!!
دلال: مو بس يحبكـ الا يموت فيكـ
شجون: مستحيل حبيتي فارس عمرهـ ماحب احد فارس يحب مصلحته وبس
دلال: وقفت حبيتي شجون
شجون: وقفت معاها سمي ياختي
دلال: حطت يدينها على كتوف شجون عيشي حياتكـ مع ابو ولدكـ بدون ضرة ولا مشاكل ابدي حياتكـ معاه من جديد صدقيني تراها يحبكـ بجنون بس يكابر
شجون: صدقيني لو يحب ماكابر الي يحب يسوي المستحيلات لحبيبه الي يحب يجلس مع حبيبه مو يجيه زيارات خفيفه ويمشي الي يحب يحاول يفتح ويبارد بصفحه جديده مايصر على غروره وعناده الي يحب يحاول ينسي حبيبه جروح قديمه مو يظل على نفس طبعه الشين وينتظر المبادرة والتقرب من الحبيب المجروح فارس يحب مصلحته وراح يظل يحب مصلحته
دلال: انا قلت لكـ الي اشوفه واهم شي يعيش ولدكـ بأمان وسعادة
شجون: انا راح اقبل نصيحتك وراح احاول ابادر بتغير حياتنا للأفضل لعيون ولدي وبس
دلال: ودعتها يوم جت تطلع سامحيني ياختي على كل شي بدر مني ودمعت عيونها
شجون: ضمتها مسامحتكـ وراح تظل اخوتنا للابد
===================
في المستشفى
فواز: يبه كتبو لكـ خروج
ابو فواز: بحزن وين اروح يعني عند ولد مهملني او زوجة مو متقبلتني خلاص ماصار لي بيت يافواز الولد والمراة الي دلعتهم وفضلتهم عليكم نسو ورموني رمي الكلاب
فواز: افا يبه حنا عيالكـ وين رحنا بيتي بيتكـ وانت على راسي وراس خواتي كلهم
ابو فواز: رفع عيونه لولدهـ ونزلت دموعه انت يافواز تقول كذا المفروض آخر واحد يحن علي ويرحمني انت ياما قسيت عليكـ ياما ظلمتكـ وربي جلستي بدار العجزة ارحم لي الف مرة من جلوسي عندكـ راح يزيد عذابي كل ماشوفكـ تحسن لي او تبر فيني
فواز: يبه انت ابوي والي اسويه واجب علي والولد مهما سوا له ابوهـ او أمه يظل يحبهم ويحطهم على راسه ويمكن الي جاكـ ربي يبي يرجعكـ لنا ياما تمنيت ابوي يكون جنبي وخصوصا اني مقبل على زواج الحين
ابوهـ : ناظرهـ بفرح صدق وانا ابوكـ فرحتني وانا بعز ضيقي الي يفرحكـ ويسعد قلبكـ
فواز: خطبنا بس لسه ماردو لنا
ابوهـ : ان رفضوكـ هم الخسرانين والف بنت تتمناكـ وانا ابوكـ وان قبلو المهر وتكاليف الزواج كلها علي
فواز: لايبه لاتطلف نفسكـ عندي خير
ابوهـ : مو كلافه ولاشي ياليت اعوضكـ ربع الي حرمتكـ منه والخير وافر وانا ابوكـ بس ماقلت لي من هم الناس الي خطبت بنتهم
فواز: ابتسم لمجرد ذكر غلا رد على ابوهـ بإبتسامه اخت عبدالرحمن زوج ريوف
ابوهـ : يابختهم فيكـ ياولدي
فواز: الا يبه انا يابختي فيهم لو اقبلو اخوها وابوها وعلى كلام امي واختي امها والبنت والنهم فيهم اخلاق ودين وطيبة قلب
ابوهـ : جعلني افرح بيوم زواجكـ بس ياوليدي ماقدر ارجع لبيتكـ ياليتكـ تعذرني
فواز: ليه يبه؟؟؟
ابوهـ : بحزن مابي اضايق ام فواز جاها مني كثير وعارفه مو طايقه وجودي
فواز: أمي موصيتنا عليكـ قايله لاتفكرون فيني انا بجهه وهو بجهه بس اهم شي برو ابوكم ولاتتخلون عنه وهو بحاجتكم
ابوهـ : كبيره يا ام فواز وراح تظلي كبيرهـ انا الغبي الي فرطت فيك وجرحتكـ وعذبتكـ آآآآآهـ بس توني انتبه لنفسي واعرف اني فرطت بجواهر كانو بيدي
فواز: لاتعب نفسك يبه والي فات فات يالله مشينا ابيك ترتاح باليت جلسة المستشفى تمرض اكثر من ماهي تداوي
========================
في بيت ياسر
ياسر: مبسوط من السهره مع صلاح سولفو كثير وعيون ياسر على باسل الي يقطع قلبه وهو لاصق بأبوه بخوف ورافض يلعب مع عيال خوات ياسر
صلاح: بسولي العب معاهم شوي وروح
باسل: يدخل راسه تحت عضد ابوهـ بشويش مابي
صلاح: يبي يحاول معاهـ
ياسر: اشر له اتركه براحته
جلسو يسولوفون حتى نعس باسل واستأدن صلاح وطلع
ياسر رجع عيال خواته ورجع للبيت لوحدهـ جلس يفكر بحاله وحال زوجته نجود لازم بعد شهر تسوي العمليه ماتتزوج حتى تسويها لازم أكمل اوراقها واخليها تسويها عارف انها رافضه بس لازم تسويها جلس على طرف السرير يقلب جواله جاهـ منها رسالة او لا ماشاف شي حط راسه ونام
نجود: مستغربه ياسر ليه يومين مادق ولا ارسل شي زين يوم اتعذرت منه شاف حاله علي هذا بلا ابوكـ ياعقاب خلاص ماراح احسسه بحبي او اهتمامي له كل الرجال كذا يحبون الثقيله ويستحقرون الي تجيهم بحب واهتمام
حطت جوالها جنبها وكل شوي تفز يارب يدق بس مادق ولا ارسل عجزت يجيها النوم طلعت من غرفتها تبي تسولف مع اختها نجلاء سمعتها تكلم خطيبها (( متملك عليها )) انقهرت ورجعت لغرفتها مالت عليك يا ياسر شوف ولد عمي كيف مهتم بأختي وانت ولاهمكـ زين يا ياسر زين
في شقة دلال
فارس: رجع من سفرته سيدا لشقة زوجته دلال وصل وهو هالك تعبان دخل وسلم عليها يفك أزارير ثوبه بسرعه جهزي لي حمامي
دلال: قامت وجهزت له الحمام طبعا أغراضها كانت شايلتها عند أهلها بدون مايحسون فيها أهلها لان بيت أهلها كبير وفيه درج بالوسط ودرج فرعي هي تدخل مع الدرج الفرعي ورتبت كل أغراضها وقفلت غرفتها
فارس: طلع يحس بنشاط بعد الشاور جلس على طرف السرير يجفف شعره يوم خلص لبس ترنق كحلي ومشط شعره وتعطر جلس على كنبه في الصاله يقرأ كتاب
دلال: متردده تقوله كيف تبي تكلمه ماتعرف ردة فعله عارفه انه مايحبها بس عزة فارس ماتسمح لاي بنت ترفضه هو يرفضها صح هي لا يوم جلست وعطته كوب الشاي تبي تكلمه
فارس :حط الجريدة قال ابوي يبني بموضوع عن اذنكـ وطلع وخلاها
دلال: عارفه انه يتعذر علشان يشوف شجون ناظرته وهو يطلع قريبا ان شاءالله تكون شجون وبندر كلهم ملكماحد يقدر صفو حياتكم
فارس: ركب سيارته حاس بشوق لشوفة شجون دخل على أهله مالقاهم راح لغرفتة أمه واستأذن ودخل يسلم عليها سولف معاها شوي
شجون: نزلت للصاله مالقت خالتها بس شافت الشغاله قدامها سألتها وين ماما
الشغاله: فوق مع بابا فارس
شجون: تذكرت كلام دلال وماتبي تخسر فارس علشان بندر لازم تنسى كل شي راحت لغرفتها وبدلت ملابسها بلبس ناعم ماتبي تتغير بسرعه يشك فيها
فارس: استأذن من أمه وراح لجناح شجون دخل وشاف قدامه وحدة جالسه وتتابع المجد عليها تنورة سواداء ميدي وبلوزة نيلي فتحتها كبيرة ابتسمت يوم شافته قامت له ومدت يدها حمد لله على سلامتكـ
تخربط مايدري ايش يقول ابهرته بجمالها وجاذبيتها رد بهدوء الله يسلمكـ جلس على الكنبه مرتبكـ كل مايرفع عيونه يشوف الفتنه قدامه تبتسم له مايبيها تحس انه منفتن فيها بقوة تلفت وين بندر
شجون: نايم فديته غلبني حتى نام صاير شقي شوي وابتسمت له
فارس: مرتبكـ مايدري ايش يقول ناظرها تحرك شوي يبي يقوم يجلس جنبها ويحضنها ويبرد شوي من شوقه عليها بس تراجع مو انا ياشجون الي انذل لكـ مصيرها هي تجيني بنفسها وقف اجل تصبحي على خير دلولتي تنتظرني ويناظر ردة فعلها فرح يوم تغير وجهها اخيرا شجون بدات تغار علي تحس فيني مهما كابرتي ماراح تقاومين بس زي مانتي تبيني الحين انا ميت عليكـ مو بس ابيكـ بس لازم اتأكد من حبكـ وغيرتكـ علي ...
راح لشقته جاء يبي ينام
دلال: جلست على طرف السرير فارس ممكن اكلمك بموضوع مهم
فارس: سحب لحافه خليه بعدين حدي تعبان
دلال: بس مهم يافارس
فارس: دلااااااااال قلت لك بعدين ماتفهمي انتي سكري النور خليني أنام
دلال: سكرت النور وطلعت
فارس: فتح عيونه يوم طلعت دلال يتذكر شكل وجمال شجون ابتسم غمض عيونه ويتخيلها نايمه بحضنه ويهمس لها احبك
دلال: جلست على كنب الصاله حزينه تتنمى يطلع الصبح وتقوله وترتاح من العذاب الي هي فيه خلاص ملت من حياتها معاهـ صارت حياتها مع فارس مستحيله
شجون: بدلت ملابسها بحزن اصعب شي يهمشك زوجكـ ومايحس فيكـ ناظرت بندر الي نايم بس كل شي لعيونكـ بندر يهون ابضغط على نفسي حتى تكبر بين ام واب متحابين
=====================
في بيت ابوعبدالرحمن
عبدالرحمن: نزل وهو مرة مبسووووط يبه يبه ابشركم عمي طلع بالسلامة
غلا : كانت تآكل مع اهلها كيكـ نظت بسرعه الحمد لله بس يوم شافت أهلها يطالعونها مستغربين جلست وهي منحرجه ايه علشان ريوفنا تفرح فديتها
عبدالرحمن: ضحك على اخته بس مابين لها مايبها تنحرج
ابوهـ : متى ماشاءالله طلع
عبدالرحمن: قبل شوي فواز دق على ريوف وعلمها
غلا: اسم فواز يخلي قلبها يدق بقوة
ابوهـ : اجل نزورهم اليوم بعد صلاة المغرب ونتحمد لله بالسلامة
عبدالرحمن: ان شاءالله يبه راح لزوجته فوق
ريوف: كانت مبسوووطه وتحضر حالها علشان تروح لأبوها
عبدالرحمن: جاء وراها وضمها دوم هالفرحه ياقلبي
ريوف: ابتسمت له ولفت عليه وحضنته طايره من الفرحه احمد ربي انه ردهـ لنا بالسلامه بعدت عن زوجها وجلست على الكرسي لا وراح يعيش معانا راح تجي تزورنا وانا عندي ابوي زيي زي غيري من البنات ياعبدالرحمن
عبدالرحمن: فرحان وهو يشوف ابتسامتها رجعت لها جلس جنبها ومسكـ يدها حبيتي ترا ابوي راح يجي معاي المغرب انا الحين ابنزلكـ وامشي علشان خواتكـ توهم مجتمعات عندهم مابي اضايقكم
ريوف: ياحبيبي انت ماقصرت ياروحي ولا عمي ولاخالتي وغلو وقفتو معاي وقفه كل اهل رجال خواتي موقفها زيكم
عبدالرحمن: واجب حبيتي يالله مشينا لاتتأخري
==============
في جناح مشاري
سحر: نومت بنتها وانتظرت مشاري يجي بس استغربت له ساعه طالع من الغرفه ومارجع خافت عليه دقت على جواله لقت عندها طلعت تدورهـ لبست جلالها ونزلت تحت مالقته استغربت وخافت عليه بس يوم جت تدخل جناحها شافت نور غرفة شعاع الله يرحمها مولع فتحت الباب بهدوء لقت مشاري جالس على سريرها ومعاهـ دفترها الي كانت تكتب فيه خواطر قربت منه حبيبي ايش دخلك هنا
مشاري: يتهرب من انه يحط عيونه بعيون زوجته تنهد بضيق دايم ادخلها بس ابدون ماحد يحس احس ان دخلتها اني اشوفها نايمه هنا جالسه على كرسيها هنا معاها مصحفها تسكرهـ وتبتسم لي وتقولي جعل عيني ماتبكيك وانا اقولها ولا عيني تبكيك بس عيني بكتها ياسحر عيني فقدت شوفتها وبكى بهدوء
سحر: اول مرة بعد وفاة شعاع تشوفه يبكي كذا دايم يمثل دور الرجال الصبور ماتحملت تشوفه كذا بكت معاه وجلست عند رجوله حبيبي لها سنة وعليها متوفيه ولسه حزين
مشاري: مسح دموعه عمري مانسيتها وجهها البشوش قدام عيوني امثل الصبر واتجرعه بس عجزت انساها كل يوم يمر اتجرع مر فراقها أكثر ناظر بسحر اشتقت لها ياسحر اشتقت لها
سحر: تناظرهـ وسالت دمعتها على خدها حبيبي ارجوكـ قوم معاي ولاتعذب قلبي أكثر
مشاري: قام مع زوجته الي ماسكه يدهـ ناظر غرفة شعاع ومكان نومها ويتخيلها قدام عيونه تودعه قبل نومته سكر النور وطلع مع زوجته
=================
في بيت ابو فواز
كان المجلس مززحوم من الزوار وعبدالرحمن وابوهـ موجودين
فواز: فرحان بجيتهم لانهم ريحة الغاليه مع انه مايبي يعلق نفسه وهو مايعرف ردها
ابو عبدالرحمن: نستأذن اجل
ابو فواز: بدري يابو عبدالرحمن تعشو معنا
ابو عبدالرحمن: من عمركـ الجايات أكثر
فواز: تبعهم للباب يودعهم
ابو عبدالرحمن: يوم وصل للباب ناظر بفواز ترا الموضوع الي بيننا تم وحياكـ بـأي وقت علشان تشوفها قبل التحاليل
فواز: مو مستوعب الي يسمعه مو مصدق حاول يتماسكـ رد برزانه ان شاءالله متى مارتاح الوالد اجي
هو شافيها وعارفه بس يبي يشوفها ثانيه وثالثه ورابعهم ايمل من شوفتها رجع عند ابوهـ والزوار سرحان وفرحان
يوم طلعو الضيوف دخلو خوات فواز ضحك وسوالف
ابوهـ : ايش فيكـ ياوليدي مو على بعضكـ من طلعة ابو عبدالرحمن وانت سرحان ابوهـ خايف انهم رفضوهـ ومصدوم
ريوف: تناظر خواتها كلهم شكو ان غلا رفضت رحمو اخوهم مهما كان غالي عليهم ومايبونه ينصدم وهي الوحيدة الي اختراها
عبدالرحمن: ابتسم يمكن لأن ابو عبدالرحمن رد علي اربكني
ريوف: ردو بالموقفه صح ؟؟؟
عبدالرحمن: هز براسه الحمد لله
حنان: كلووووووووووووووش
==================
في شقة فارس
دلال: مانمت طول الليل تفكر
فارس: قام هو مبسووط من شجووون تحمم وطلع يبي فطورهـ جلس على الطاولة وحطت له دلال الفطور وجلست معاهـ بدون أكل ناظرها ايش فيكـ من أمس ماعحبتيني
دلال: فارس حياتنا مع بعض صارت مستحيله
فارس: ناظرها مستغرب من كلامها عقد حواجبه يعني ايش قصدكـ
دلال: مازالت تحبه حاولت تكرهه مو قادرة بس لازم تضحي لعيون شجون الي انقذتها بعد ربها تبي فارس يكون مع شجون مايفارقها وتروح كل الحواجز الي بينهم ردت عليه بعد مابلعت عبرتها فارس لازم ننفصل من بعض
فارس: تكى على طرف الكرسي وليه ان شاءالله
دلال: قلت لك فارس حياتنا مع بعض مستحيله صرنا بعيدن عن بعض انت تغيرت كثير
فارس: قام معصب سألتي نفسكـ ليه بعدت عنكـ يامدام اهملتي جسمك وشكلك حتى صرت ماتنطاقين شوفي نفسك بالله عليك بالمرايه هذا شكل وحدة عمرها 21 وماجابت ضنا شوفي شجون جايبه ولد وجسمها زي المليكان
دلال: بقلبها لاتزيد الطعون تكفى يافارس تمالكت نفسها انا ماطلبت ننفصل يافارس لأني الومك طلبت ننفصل لأني عارفه اني مو لايقه لك على قولتك لاشكل حلو ولا ولد ولابنت سعادتكـ يافارس مع شجون بس حافظ عليها وماي اكون حاجز بينكـ وبينها ابيك تطلقني وتظل مع ولدكـ وزوجتكـ وراحت لغرفتها تلبس عباتها
فارس: استغرب دلال الي تكرهـ شجون كرهـاعمي تقول هالكلام اكيد الامر فيه سر شافها طلعت من الشقه وراحت مع السواق لبيت أهلها بس ماوقفها خلاها تروح جلس يفكر ايش غيرها فجأة كانت تحبني مووت وتغار علي بجنون ايش غيرها الحين ؟؟؟؟؟؟
جلس يفكر ماينكر انه فرحان حيل خلاص عقبة دلال تخلص منها بس خاف على وظيفته بس هي طلبت الطلاق مو أنا
بس احس فيه سر ليه طلبت الطلاق بسرعه وليه تحامي عن شجون كانت تكرهها حيييييييل ايش خلاها الحين تدافع عنها
ركب سيارته وهو يفكر يطلقها ويتخلص منها ماصدق تجي منها بس خايف على وظيفته بس مستحيل يطلبها ترجع انا فارس ولد بندر ارتجى بنت ترجع لي مستحيل شجون مع حبي وعشقي لها ماترجيتها وخليتها هي تجيني وتحاول تتقرب مني مستحيل بنت تجيب راسي لو خسرت وظيفتي بس كرامتي اهم ماعلي
راح لبيت أهله ومقرر مايعلمهم شي حتى يشوف ايش يقرر جلس عند أمه سرحان
أمه: جلست جنبه تقهويه وتصب له القهوة
فارس: أخذ الفنجال من أمه يشرب القهوة وهو سرحان ايش قلب دلال وايش غيرها
أمه: تصدق ياوليدي
فارس: حط فنجاله ايش يمه؟؟؟
أمه: اني فرحانه حيل وانا اشوف دلال وشجون زاينه الاحوال بينهم
فارس: ركز مع أمه كيف يعني
أمه: كم مرة تجينا دلال ان سافرت وتروح بسرعه لجناح شجون شفت حب مشاعل لشجون زوجتكـ دلال كذا تحسها تحبها وتجلس معاها فوق كثير والله ياوليدي ماتوصف فرحتي انا وابوكـ بتصافيهم اقول لابوكـ ايش غير دلال قال شكلها توها تعرف قيمة شجون
فارس: كلام أمه يرن بباله وتصرف دلال اليوم فيه حلقه ضايعه وينها مايدري !!!!
=================
في المستشفى
صلاح: جاء بدري علشان يحلق على موعد ولدهـ خاف ان هيفاء ماتجي بدري وهو مصحي ولدهـ من الصبح وننكد عليه جلس شوي بمكتب ياسر يسلم ياسر على باسل ويلعبه بس صلاح كان كل شوي يشوف الساعه
ياسر: وهو حاضن باسل الي مايبيه يحاول يروح لابوه بس ياسر حاضنه ويبوسه لاتخاف ان شلءالله تجي
صلاح: ناظر ولدهـ وسمع صوت خطوات جايه رفع عيونه شاف هيفاء متجه لمكتبها
ياسر: ابتسم مو قايل لكـ
الممرضة: استاز صلاح الدكتورة خيفاء تستناكـ هناكـ
صلاح: راح لها اول مادخل لها سلم وقال مشكور وربي منحرج منكـ
هيفاء: قامت من مكتبها لاتشكرني على واجبي ممكن تنومه على السرير
صلاح: طيب شال ولدهـ حطه على السرير
باسل: يرفع يدهـ لابوهـ كأنه عمره سنه وهو يقدر يتكلم بس مايقول غير باااهـ
هيفاء: عرفت ان الولد تعبان نفسيا اكثر من جسديا قربت له كيفك اليوم بسولي
باسل: يبي يبكي مايبها تقرب له وينادي ابوه بآآآآآهـ
هيفاء: اسرعت بالكشف رجعت مكتبها وصرفت له ادويه ناظرت بصلاح بس ليتكـ تروح فيه دكتور نفسي وتلحق عليه
صلاح: بحزن ان شاءالله
هيفاء: هذا رقم وحدة سوريه اعرفها شاطرة مررة تقدر تروح لها وانا أكلمها تقدم لكـ الموعد
صلاح: مشكورة يادكتورة ماقصرتي
طلع يوديه ولدهـ وهو معجب فيها وبذوقها واحترامها واهتمامها
======================
بعد اسبوع
فارس: طول الوقت بشقته يفكر يطلق دلال اولا بس بعد مابوها نادوهـ للبيت قرر بسرعه
ابوها: يناظر دلال يعني افهم ان هذا قراركـ بدون مايضايقكـ بشي
دلال: وهي تحجر دمعتها ايه يبه هذا قراري
ابوها: اجل يافارس الله يسعدكـ وبنتي الله يسعدها مع غيركـ مانقدر نجبرها
فارس: مسوي العاشق الولهان بس ياعم انا متمسك فيها ومستعد اتركها عندكم ترتاح بعدين ارجعها
دلال: طلبتكـ يافارس مابي ارجع خلااااااص
امها: خايفه عليها لاحد يضغط عليها لها اسبوع حالتها حالة خلاص يمكن نفس فرقة بينهم وبطلاقهم بنتي ترتاح وترجع لها بسمتها وضحكتها
فارس: خلاص اجل مدام راحتها بفراقي اهم شي علي سعادتها مع او مع غيري بكرة اروح للمحكمة ومايصير الا لي يرضيكـ وطلع
دلال: راحت لغرفتها وسكرت بابها وبكت على زواجها الفاشل رفعت عيونها لربها يارب مثل مازرعت حب فارس بقلبي انزعه مني واسعدهـ مع شجووون ياااااااارب
=================
في بيت الاستاذ محمد
مجمتعين ببيته يعزونه في وفاة ابوهـ
ياسر: وقف معاهم طوال ايام العزاء وكان اقرب لهم من عيالهم
فهد: خطيب نجلاء صح وقف معاهم بس مو زي وقفة ياسر
ياسر: من اليوم الأول يطلب نجود علشان يعزيها بس يقولون تعبانه متأثره لموت جدها مع انه يشوف فهد يدخل بعد مايطلون المعزين يجلس مع زوجته
طلبها ثاني يوم رفضت جاء ثالث يوم ماقدر اعزيها ان شاءالله ركدت بعدين لازم اتطمن عليها علشان القلب
عبدالمجيد: بقلبه ماشاءالله عليها مافيها الا العافيه دخل على اهله وكانت جالسه معاهم زوجكـ يبي يعزيكـ
نجود: قوله تعبانه ماقدر
عبدالمجيد: استحي على وجهكـ ثالث يوم يطلبني وتبيني اقول لا يشوف فهد مع نجلاء وانت ترفضين
نجود: نجلاء قلبها قاسي مو زيي
عبدالمجيد: والله ماشفت اقسى من قلبكـ راح بخجل يعتذر من ياسر
ياسر: تضايق من تهربها منه سكت مارد وراح
عبدالمجيد: دخل متضايق حيل احسن مرررة ضاق وشكله يبي يطفش منكـ ويترككـ
امها: بسم الله على بنتي
عبدالمجيد: ماتبين طلاقها يمه خليها تعقل والا تبي تخسر ياسر للابد
نجود: خافت وراحت لغرفتها وترددت تكلمه او لا بس بالأخير دقت
ياسر: كان يسوق سيارته ومعصب يوم شاف رقمه عطاها مشغول
نجود: قالت يمكن معاهـ مكالمه دقت ثانيه برضو عطاها مشغول
خافت حيل بعد الدقة الخامسه كتبت له رسالة
((( مشكور على التعزيه وصلتني بس قدرني كنت تعبانه تعرف قلبي مايتحمل )))
قراها وطنشها
نجود: تنتظر اتصاله مادق ضاقت حيييييييييييل دقت عليه اخيرا رد
ياسر: رد بجموود هلا
نجود: تهدي صوتها كأنها تعبانه عارفه زعلان مني بس صدقني
ياسر: بعصبيه كاتمها مصدقكـ مشغول الحين اسوق وكمل طريقه
نجود: ياربي زعل اخاف يتركني مستحيل اتخيل ياسر بعيد عني صبرت شوي حتى وصل البيت دقت لقته مقفل
ياسر: وصل للبيت سكر جواله وشدر لحافه ونااااااااااااام
=====================
في جناح شجون
شجون: تشوف حكة ولدها تغيرت وصار يختنق بسرعه طلعت لفارس الي كان يقلب بالدش فارس بندر موع اجبني حالته من يوم غيرنا علاجه ومتغيره حالته قوووة
فارس: وعينه على الكورة ماعليكـ سألت الدكتور نزار قالي بس مع تغير العجلاج بكرة يتعود عليه
شجون: فارس الله يرحم والديكـ غير هالدكتور ارجوووكـ
فارس: يوووه شجون قلت لكـ ان شاءالله فكيني عاد
طبعا فارس بعد طلاقه لدلال يجلس عند شجون وان جاء وقت النوم راح لشقته لانه مفكر يطلع شجون من بيت اهله ويحطها بشقته علشان يفرغ البيت لمشاري وزجته مع امه وابوهـ
رجع للشقه بعد ما أذن العشاء دق عليه صديقه ابراهيم
ابرهيم: هلا فارس كيفكـ
فارس: الحمد لله انت كيفكـ
ابراهيم: منيح والليله لاتفوتكـ راح نجيب بنات منيحات كتير وضحكـ بقووووووة تعال فلها معانا
فارس: ياخي مالي مزاج ابنام
ابراهيم: اقولكـ تعال لاتفوتكـ سهرة ولا احلى بنات عمركم ماشفت زي جمالهم
فارس: اغارهـ ابراهيم بكلامه طيب خلاص الحين اجيكم
=================
في الاستراحه
فالينها بلوت وشيشه ودخان جو بنتين وحدة سعوديه ووحدة اجنبيه رقص وضحكـ والعياذ بالله
بعد ماطلعو البنات دخل واحد يكرهه فارس قوووووووة
مشى بخطوات ثابته ونظرات تحدي وانتقام لفارس
أكيد عرفتوووه
بس هل يبي ينتقم من فارس او يصير شي يمنعه ؟؟؟
نعرف كل شي في الجزا الخامس والاربعين بإذن الله
انتظرررر وني يوم السبت القادم
انتظر ردودكم وتوقعاتكم على احر من الجمرررر
