رواية بيت العنكبوت الفصل الخامس والاربعون 45 بقلم همس
الــ ج ــزأ الــ خ ــامس والأربــ ع ــون
في الإستراحه
كان جو صاخب لهو ورقص ودخان وغيره مما حرم ربي
فارس: نسى كل مشاكله ومبسوط بالجمعه والوناسه
جاء بخطوات ثابته وعزيمة على التلذذ بالإنتقام مركز عينيه على واحد فقط من بين هالشباب
فارس: رفع عيونه وهو كان يضحك مع أحمد الا يشوف أكرهـ شخص قدامه
حمد: تقدم بإبتسامة مكر وخبث
فارس: لف على ابراهيم ايش جابه هذا
ابراهيم: جاء عن طريق عادل اسكت لاتفشلنا لاتنسى اننا بإستراحة أهله
عادل: قام وسلم ورحب بحمد وجلسه حيا الله من جانا
حمد: وهو عيونه على فارس صد عنه وابتسم لعادل الله ييقيكـ
عادل: بعد ماطلب من القهوجي يصب قهوة لحمد سمعنا انكـ راح تتزوج
حمد: قريب بس بقى التحاليل خطبة من ارقى عوايل الرياض
فارس: بتريقه ماضنتي
حمد: ناظرهـ بعصبيه ايش تقصد
عادل: تعوذو من ابليس يالربع ايش فيكم
حمد: مادري ايش فيه علي مع اني مابقلبي عليه شي
فارس: بعصبيه كذا من ربي ماطيقكـ اكرهكـ الحب من الله
حمد: يتصنع البراءة عمري ماشلت او كرهت أحد
عادل: كفو وأنا اخوكـ
حمد: كفوكـ
فارس: تضايق جلسه هو فيها مابيها
أحمد: شدهـ مع يدهـ اقول اجلس بس وطنشه ماعليك من أحد يالله نكمل لعب بالوت
حمد: يوم شاف فارس منسجم باللعب ويضحكـ مع ربعه بقلبه ان ماخليت هالضحكه تتبخر ماكون حمد ولد سند وتشوف يافويرس انت واخوكـ مشاري لف على العيال اجل كيف البنات الي جبتوهم
خالد: يوووه فاتكـ نصف عمرك رقص ودلع وحركات
حمد: يطول صوته بس ماتصير ربع الي عندي
عادل: من جدكـ
حمد: اجل امزح دلع ونعموه ورقه بس متزوجه بس زوجها ثور مايدري عنها تلعب من وراهـ وهو مو داري ههههههههههههههههه
ابرهيم: وهو يحط الورقة عز الطلب الله يكثر من الثورة الي مايعرفون ايش تسوي حريمهم من وراهم ولايرقبونهم واحنا ننبسط تقدر تجيبها
حمد: شوفو صورتها قبل
فارس: ماكأنه يسمع بس ذابحه الفضول يشوفها يسمع الشباب يصفرون
أحمد: مد له الجوال شوف
حمد: بكل خبث يتابع وجه فارس
فارس: شي منه مابيها
احمد: شوف بس ومتع عيونكـ شوف الصدر كيف واضح اغلبه شوف
فارس: ماقاوم هالاغراء وناظر بطرف عينه بس ماصدق الي يشوفه سحب الجوال ويدقق دلال معقووووووووووووووولة رمى الجووووال وراح جهة حمد يشدهـ مع ثوبه ويعطيه بوكس
حمد: يقاوم ويرد ضربة فارس ببوكس زيه
العيال قامو يفكون بينهم بعدو فارس الي انطلق للمطبخ يجيب سكين
حمد: والعيال ماسكينه شفتو الثور هذا هو مايعرف زوجته وين تروح ووين تعرض نفسه شفتوه الي شايف حاله علينا ترا هذا حاله هياط تلقى رجوله لا
فارس: وهو بين العيال ومعصب حيل خلوووووني عليه والله لاذبحه لو تروح رقبتي
حمد: جروهـ العيال برا وركبوهـ سيارته مافكو فارس حتى راح حمد
فارس: كان فحمان من زود العصبيه خلاص الغضب ماخذ منه كل مأخذ ناظر بوجيه العيال الي يقرا فيها الشماته فيها حس وجودهـ غلط سحب نفسه منهم وطلع ركب سيارته وهو يسب بدلال وبأهل دلال أخذ جواله يدق عليها مسكر فكر يروح لهم دق بابهم ماحد رد الكل نايم يتوعد انه يفضحها عند أهلها توهـ يفهم ليه طلبت الطلاق اتاريها ناويه تلعب وتسربت بس ماراح تروحين مني يادلال لو كنتي طلقتي بس اعرف كيف انتقم منك على طول كلام أمه يرن بأذنه معقولة شجون تعرف ومتفقه معاها توني افهم وافك الرموز وليه تحسن الوضع بينهم داس على النزين ومشى بأقصى سرعته راح لجناحهم لقى شجون معاها مويه تبي تروح لفراشها عيونه تطلع منها الشرار لأنه توهـ مصدوم من الي صار وابليس راكبه وعيونه منعميه قرب لها وشدها مع شعرها انتي تعرفين بموضوع دلال صح او لا
شجون: مستغربه كيف عرف ناظرته تتكلم عن ايش
فارس: بعصبيه لاتطلعيني من طوووووري ياشجون تعرفين ان دلال لها علاقاااااااات صح او لا
شجون: بس تابت خلاص
فارس: تركها يعني كنتي تعرفين
شجون: ايه
فارس: بكل قوته عطاها كف وطاحت على الأرض تغشيني معاها كلكم غشاشات كلكم كذابات ماعمري شفت بنت صادقه اكيد مالومك لو تعاونتي معاها حنيتي على تربيتك هذي كانت مهنتكـ
شجون: وقفت قدامه مو محتاجة برائتك ولاشهادتكـ طول عمركـ تنظر لي كذا بس كلامك ماراح يهزني تعرف ليه لانك ماتعني لي شي راحت وتركته دخلت غرفتها تحاول تهدي نفسها فرحت يوم سمعته ترك الجناح وشغلت سيارته يوم راح طلعت دموعهااااااا اكرهكـ والله اكرهكـ وبكت أكثر ماحست الا بيد صغرة تتمسك فيها وتضمها بجسم نحيل ضمتها بكل قوتها وبكت عند رقبته ماصبرني عليه غيركـ يابندر مماقول الا ربي ياخذ حقي منه تعبت خلاااااااص مو قادرة اتصبر
فارس: يمشي بسيارته بون هدف مايدري ايشي سوي يتمنى مات ولا صار بالموقف الي هو فيه انا فارس ولد بندر انهان كذا واكون اضحكوه للشباب دق جواله ناظره لقاه احمد طنشه دق ثانيه وثالثه طنشه راح للثمامه وجلس بمكان دايم يجلس فيه ان كان ضايق سمع صوت سياره مالف يشوفها صوت خطوات تتقترب عندهـ يد على كتفه متأكد انك هنا
فارس: بحزن بدون نفس ليه جيت تكمل شماته فيني
احمد: افاا اوانا اخوكـ صداقة عمر إحنا ماتهون علي تراكـ
فارس: وقف بعصبيه مابي رحمتك مابي شفقه من أحد فاهم او لا
احمد: وقف معاهـ هدي وانا اخوكـ
فارس: كيف اهدي يا أحمد قلي صرت على كل لسان الحين طليقتي كانت تلعب من وراي وانا مادري
احمد: قلتها طليقتك يعني مو زوجتكـ راح يعرفون انك اكتشفتها وسترتها وطلقتها
فارس: بس انا اعرف انها كانت متعبرتني ثور على قولتهم وتلعب من وراي تعرف كيف تلعب من ورايا ياأحمد بس خله يجي الصبح والله لا افضحها
احمد: انجنيت انت ترا لها أهل
فارس: ابي أهلها يذبحونها يدوسونها بين رجولهم
احمد: يادكي فكر بعقلكـ اهلها ماراح يصدقونك، مامعاكـ شي يثبت كلامكـ
فارس: بجوال التيس حمد
احمد: والتيس حمد هذا الي يبيه يبي يشب النار بينكم ويتخلى عنكـ ويقول يشهد ربي ماشفت على بنتكم شي وتروح انت فيها تخسر وظيفتك وراح تنحبس وتنجلد بحد القذف افهم يافارس لاتتسرع حمد كل هذا يبي ينتقم منكـ مو من طليقتكـ
فارس: ان سكت قهر وان تكلمت قهر ايش اسوي ياربي احس اخترق جواتي وجلس على ركبه وطلعت دموعه
احمد: رحمه هونها تهون وانا أخوكـ
فارس: يناظره بحزن كيف اهونها خلاص يا أحمد راسي نزل ماقدر احط عيوني بعيون احد
سكت شوي مسك الحصاة وعصرها بيدهـ بكل قوته اتمنى انتقم منها بس مالي وسيله عليها لو عارف كان قبل ماطلقها دستها برجولي حتى بردت قلبي بعدين ارميها رمي الكلاب بس صارت أذكى مني كله من راس الحيه الي عندي عارف إنها هي الي خطتت وابعدتها عني مازالت حاقدة علي تبي تتشفى فيني وتبي تتخلص من ولدي علشان تتركني وحيد كسير توني افهم كل الي يصير قدامي عرفت الحين ليه ماتبي الدكتور نزار وتبي ياسر الخايس
احمد: استغرب من تفكيرهـ انجنيت انت يافارس مافيه أم تضحي بولدها علشان تتركـ زوجها ايش يحدها اجل ترجع لكـ هذا ولدها يافارس تعرف كيف ولدها
فارس: مسك راسه بقوووة كذابات كلهم كذبات انت ماتعرفهم يا أحمد انا اعرفه غشاشات واكبر نصابات قام بسرعه بس مستحيل افرط ببندر ولا لحظه الدكتور نزار منذرني كل ماتتأخر العمليه راح يتضرر طفلكـ مابي اخسر ولدي راح ركض لسيارته وسكر الباب وشغلها ومابي اخسر شجووون بعد ماحبيتها مستحيل افرط فيه حتى لو ماهي طايقتني انا ابيها وماتخيل حياتي بدونها
أحمد: وقف يشوف غبار سيارة صديقه الولد انجن آآهـ يافارس ماتخيلت فارس ولد بندر راح ينهان ويتعب زي ماتعب اليوم
===================
في بيت موسى
انوار: دخلت ورمت على الطاولة بطاقة دعوة حفل تفوق مالي احد اصلا جلست على كرسي غرفتها ضايقه
فيصل: اهلين
انوار: بدون نفس هلا
فيصل: جلس قدامها افا ايش فيكـ
انوار: عندنا حفل تفوق ومعطينا دعوة للأمهات كل البنات فرحانات الي انا مالي ام تحضر لي
فيصل: دقي على خالتي موضي تحضر ماتقصر او عمتي مها
انوار: جلست تفكر مادري اخاف يرفضون
منار: دخلت وسمعت كلامهم ليه تتعب نفسها خالتي العنود تحضر تراها تحبكـ
انوار: حبتها حيه رقطا قولي آمين ومابي ادعي عليك علشان اختي
منار: طيب لاتعصبين اقترحت بس عليك ماتبينه لاتقبلين
فيصل: أكيد ماراح تقبل من وحدة بزر زيكـ
انوار: دقيقه ابدق على خالتي موضي دقت عليها خالتها قالت من عيوني حبيتي بس فيه حفل بنتي بنفس اليوم
فيصل: عمتي طيب
انوار: مابي اذل عمري أكثر
فيصل: اخذ التلفون دق على عمته
مها: عمته من عيوني حبيبي بس ولدي تعبان ماقدر اركه ليه ماتقولون لخالتكم العنود ماتقصر تراها
فيصل: مشكورة عمة وسكر ورمى السماعه مالت عليه بس شاطرة تقترح
انوار: حطت يدها تحت خدها مالت عليهم مافيه احد فاجنا لاخالة ولاعمة
منار: جت تبي تتكلم بس سكتت خافت يخانقونها
انوار: يوم جت بعد ماتعشت راحت غرفتها حطت راسها على المخدة دقت عليها صديقتها اريج
اريج: اهلين ايش سويتي؟؟؟
انوار: تحممت واستشورت شعري وتوني متعشيه والحين ابنام وانتي ؟؟؟
اريج: امي طلبت كوفيره تستشور شعري ورجته بس امي ماراح تحضر وصت اختي ندى قالت لها جيبي عيالكـ عندي واحضري حلفة اختكـ وانتي من راح يحضر لكـ
انوار: بحزن قلت لخالتي وعمتي وتعذرو
اريج: وزجة ابوكـ ليه ماقلتي لها يمكن توافق
انوار: انجنيتي انتي اذل عمري لها تخسى
اريج: لو منكـ قلت لها ماهمتني اهم شي ماكون انقص من البنات اذا ناودني يبون ينادوني ولية امري واصير ماعندي احد كيفها اخليها تحضر بعدين اطنشها بس اهم شي تخدمني متى ماحتجت لها
انوار: مابي أي شي منها ومابيها تفرح اني ذليت نفسي وجيت اطلبها
اريج: براحتك سي يو
انوار: سكرت السماعه وتردتت تروح تقول لابوها او لا بس قالت مستحيل سكرت النور ونامت
================
في المدرسة
انوار: طول الطريق مع ابوها هدايه وسرحانه حتى على الفطور ماكلت شي حاول فيها ابوها يعرف السبب ماقالت له نزلت وهي حزينه وتسمع البنات الي تقول تبي تجي أمي والي تقول اختي خالتي عمتي الا هي كانت هاديه وساكته
اثناء الحفل كرمو طالبه مثاليه لكل فصل
انوار: تدعي انها مو هي وهي تشوف كل مثاليه يستدعون أمها وتطلع المنصه ويسلمون عليها وتحضن بنتها وييسالونها عنها وتمدحها وتسمع التصفيق
اريج: ترا ريمان تقول انوار هي المثاليه
انوار: ايش عرفها
اريج: اختها مو مراقبه قالت لها
انوار: ليتني غبت
اريج: ليه يالخبله
انوار: لو كلامها صحيح تخيلي وجهي اطلع يسألون عن امي مايطلع احد تجي المديرة من باب الرحمة تحضني مابي رحمة من احد ودمعت عينها
اريج: خلاص اسكتي لاتفضحينا يمكن ريمان غلطانه
الي تقدم البرامج الآن مرحلة ثالث متوسط
انوار: مغصها بطنها
المقدمة / ثالث متوسط [أ ]الطالبه جيهان محمد
طلعت البنت واستدعو امها
المقدمة/ ثالثت متوسط [ب]
انوار: عضت على شفايها وحطت يدها على بطنها من الخوف
المقدمة/ الطالبه أنوار موسى الفيصل
اريج:صفقت بحرارة لها هي وصديقاتها
انوار: راحت بخطى حزينه اتجاهـ المنصه طلعت الدرج سلمت على المديرة
المديرة: لفت وين أمها نباركـ لها
انوار: تبي تقول ماحضر لي قريبه الا تشوف العنود بطولها الواضح وبياضها تقرب للمنصه وتطلع الدرج بكل ثقه أنا امها وفخورة بأني امها الي رفعت راسي انا وابوها
الكل صفق بحرارة كل كلماتها المميزة عن غيرها من الأمهات
انوار: مو صدقه الي تشوفه قربت لها العنود وحضنتها ماتحملت انوار بكت بحضن خالتها
اريج:ياحليها خالتها واضحه حنونه مو على كلام انوار عنها
ريمان: لو موح نونه ليه تقول هالكلام كان تعمدت تحرج انوار ولاتحضر هالحفل
المديرة: باركت لهم
المقدمة: كلمات بسيطه عن انوار هي مثاليه في البيت زي المدرسه سؤال نطرحه لكل أم علشان نشوف الطالبه تطبق مثاليتها في البيت والمدرسه
العنود: بكل رزانه وحنان مسكت المايكـ قالت بنتي حنونه مرة مع اخوانها متعاونه معاي بارهـ بأبوها الله يسعدها دنيا وآخر يارب
الكل صفق بحرارة
وانوار: ابتسامتها من الأدن للأدن تحجر عبرتها نزلت لصديقاتها الي ضموها وباركو لها
اريج: ضربتها مع كتفها يامجنونة واضح انها تحبكـ لو زوجة ابو غيرها احرجتكـ
ريمان: ماعزمتيها وجت لكـ كنت تتعمدين تسئين لها وهي تحسن لكـ
اريج: احمدي ربك ماصارت زي الي قبل مايحبونكم بس علشان ابوكم احسها هدي غيرهم واضح ممن نظراتها لكـ
بعد مارجعو للبيت كانت فرحانه بهديتها وابوها عطاها خمس ميه هدية تفوقها
دخلت غرفتها مادرت الا باب غرفتها يدق خلته يدخل ماتوقعت انها العنود
العنود: حبيتي جهزت لكـ هديه بمناسبة مثاليتك بس عارفه انها متواضعه بس يارب تعجبكـ
انوار: اخدتها لقتها ساعه من اسواتش بناتيه ناعمه حطتها على السرير وراتكت بحضنها آسفه خاله سامحيني كنت اضن أي زوجة اب قاسية ظلمتك كثير وصارت تبكي وتشاهق
العنود: ضمتها وجلست تمسح على شعرها حبيتي مالومكـ والله ومازعلت عليك علشان اسامحكـ بعدتها عن حضنها وجلست على السرير لاتخربي فرحتكـ ببكائكـ
انوار: والله اني حقيرة وماستاهل تعاملكـ كل صحباتي لاموني صارت اختي منار وهي صغيره اعرف مني احبكـ ياخاله والل احبكـ
العنود: ضمتها وهي تبتسم وانا بعد احبكـ واموت فيكـ
موسى: كان يبي يروح غرفته بس سمع صوتهم راح لهم كان يبي يدخل فضل انه مايقطع كلامهم بس سمع النقاش بينهم رفع عيونه لربه شاكر له على انه رزقه بزوجة حنونة تخاف ربها بعياله راح لغرفته بدون مايحسسهم انه سمع شي
=================
في بيت أهل نجود
ياسر: موعد العملية قرب يانجود لازم نسويها قريب
نجود: بس خايفه يا ياسر خايفه
ياسر: لاتخافي ربي هو الشافي
أمها: يابنتي احمدي ربكـ ان زوجكـ هو الي راح يسويها لكـ
ابوها: احمد ربي انه رزقنا فيكـ صح خايف على بنتي الحين بس بعد توكلي على ربي وعارفه انه هو الشافي بس اريح لقلبي ان الي راح يسويها لها زوجها حريص عليها زي حرصه على نفسه
ياسر: لف على نجود بإبتسامه اكيد هذي زوجتي وأم عيالي ان شاءالله
نجود: بحزن تتوقعني راح اعيش واجيب عيال بعد
ياسر: مسكـ يدها بحنان علشان يطمنها بعون الله راح تعيشي ثقتي بربي كبيرة كم مرة اجريت عمليه مشابهه والحمد لله عايشين مبسوطين الحين
نجود: طيب ليه ما نأجلها
ياسر: علشان تعيشي حياتكـ طبيعيه نجود لازم تسوينها قريب صدقيني نسبة نجاحها بإذن الله كبيرة
نجود: بــس
ابوها: خلاص وانا ابوكـ زوجكـ اعرف بمصلحتكـ
ياسر: يالله اجل انا استأذن الحين
ابوها وامها كلهم وقفو معاه بدري يالغالي
ياسر: من أعماركم بس ابمر امي واخواني طلع ولحقته نجود
نجود: مسكته مع يدهـ لازم بعد اسبوع
ياسر: ابتسم لها بحنان لازم لاتخافي يانجود ولاتفكري كثير قرب لها وبان فرق الطول بينهم نزل راسها وباسها مع جبينها وطلع
نجود: تنهدت براحه كل يوم يزيد حبي لكـ ياياسر بس خايفه تغتر علي بيوم وتتركني سرحانه وهي تدخل غرفتها سكرت الباب وجلست على طرف السرير كل ماشوف الفرق بيني وبينه جماله غير عني طوله هيبته مركزة اخاف يغتر علي ويتكرني بس احمد ربي ان ماضيه اسود وكل مايحاول يغتر علي اذكرهـ بماضيه بطريقه غير مباشرهـ علشان مايغتر ويتركني قامت عن سريرها ووقفت عند الشباكـ اصلا لو فكرت بعقلي ايش خليه يخبطني ويصمم علي وهو بكل هالصفات الا اكيد انه خطب وماحد رفضه لأنه ماضيه وطفولته صعبه والا واحد زيه يرضى ببنت مريضه ابتسمت براحه اهم شي انه صار زوجي وانه الحين يحبني ويموووووت فيني لو اني محسسته اني امووت فيه كان خسرته بس انا ثقيله عليه ومايعرف الى هالحين مكانته بقلبي والرجال ان عرف مكانته بقلب الزوجة اغتر عليها وشاف نفسه
===================
في شقة فارس
فارس: ماجاهـ النوم ابد بس يفكر بالي صار حاس انه بحلم مو بعلم أخذ جواله يدق على دلال مسكر رمى جواله وراح ياخذ دش لعله يبرد من حرة قلبه
طلع يفركـ بشعره بالفوطة رمى فوطتع اشعل زيجارته وهو يفكر ايشي سوي
حاول ينسى سالفة دلال ولبس ثوبه واتجه لبيت أهله
سلم عليهم وجلس
امه: ايش فيك حبيبي وجهكـ ابد ماعجبني ؟؟؟
فارس: لايمه بس مانمت زين
شجون: قامت اصب لكـ شاهي فارس؟؟؟
فارس: ناظرها نظرة بعدين قال بدون نفس مابي
شجون: جارحها بكلامه امس وضربته لها بس تحاول تعذر انه مصدوم من الي صار واي زوج راح يطلع من طوره بس مسألة وقت بعدها يرتاح
ماتقدر تصير هي والزمن عليه
فارس: ماكان يسولف مع ابوهـ وامه كان مهموم وسرحان
ابوهـ ملاحظ سرحانه وهدوءه بس ساكت
امه: يحترق قلبها وهي تشوفه حزين بس ماتبي تضغط عليه
مشاري: تنحنح ودخل هو وسحر وبينتهم
سحر: جلست جنب شجون وتسولف معاها بشويش
مشاري: يسولف مبسووط بس لاحظ وجه اخوهـ عسى ناشر يابو بندر
فارس: الشر مايجيكـ يابو ميار
مشاري: وجهكـ ابد ماعجبني
أمه: من اليوم اقوله بس مو راضي يتفح قلبه لي
شجون: سكتت عن سحر وتراقب فارس
فارس: لابس وضع ولدي ابد ماعجبني ومحتار اسوي له عمليه او لا الدكتور نزار يقولي التأخير مو من صالحه ابد
مشاري: قايلك ياخوي الدكتور ياسر انسب له
فارس: جن حنونه لسيرة غريمه ياسر اجل اخيس وافشل دكتور لقيته ياسر
مشاري: تغير وجهه مهما كان صديق العمر ياسر فارس لاتسب الرجال ماعجبكـ شي يخصكـ بس مو معناته مو شاطر بشهادة اغلب مراجعينه انه شاطر يكفي انه حصل على الدكتورة ممتاز مع مرتبة الشرف
فارس: مع نفسه بس مابيه يعالج ولدي لو اروح فيه افشل دكتور ماوديه عن هذا
مشاري: بسرعه بديهته فهم كره فارس له لأنه كان خاطب شجون قبله ويشوف اخوهـ حالته حاله اليوم عرف انه يخبص بالكلام سكت عنه
فارس: بعد ماهذا شوي ابسحب ملفه اليوم من عند نزار واوديه دكتور ثاني يالله عن اذنكم اروح اشوف الدكتور طارق
ابو مشاري: الله يشفيه ويخليه لكم يارب
فارس: يالله استأذنكم وطلع للمستشفى راح يسحب اوراق ولدهـ شافه الدكتور نزار وهو طالع من عيادته
نزار: أهلين ابو بندر كيفكـ
فارس: ماعلي الحمد لله
نزار: ليه ماجبت معاك بندر اليوم موعدهـ
فارس: سكت شوي منحرج لا دكتور أمه رافضه تجري له عمليه وطلبت مني نكشف عند دكتور ثاني مقتنعه ان الدكتور ياسر هو الصح
نزار: عصب بس مسكـ نفسه مايبي احد يشككـ بخبرته رد بهدوء يابني ايش مصلحتي اجري له عمليه الا لخوفي عليه ولدكـ ان ماسواها راح يتعب سنة او سنة ونصف راح يموت والاعمار بيد الله بس لازم نعمل بالأسباب
فارس: بس يادكتور حتى العلاج ماناسبه بغت امه تمنعه منه بس قلت لها أخاف يتضرر لازم يكمل الشهر زي ماوصانا الدكتور والحين كمل بس ماشفنا فايدة
نزار: دليل على إن ولدكـ ابد مو متقبل أي علاج لان حالته تتطلب عمليه بأسرع وقت
فارس: احتار في امرهـ رفع عيونه للدكتور بـس
نزار: ماراح افرض عليكـ شي روح بأوراقه وشوف ايش يقولكـ الدكتور الثاني بس تأكد كل تأخيره منكم راح تضر الولد ولاتجوني بعدين تقولون سوا العمليه له لأني ماراح يكون بيدي شي وقتها بس يكون بعلمكـ ساعات الولد معاكم معدودة حالته مرة صعبه
فارس: أخذ اوراقه وراح للدكتور طارق سأل عنه لقاهـ بإجازة رجع للدكتور نزار
نزار: خلاص قررت اتابعه أنا
فارس: ايوهـ واسرع بإجراء العمليه له خايف على ولدي دكتور
نزار: جيبه لي اغير علاجه علشان قبل العمليه وراح نسوي له بعد شهر بإذن الله
فارس: اوكـ رجع لزوجته وعلمها
شجون: قامت من الكرسي هالدكتور مارتحت له مخلي ولدي حقل تجارب
فارس: ايه قلبكـ مايعرف يرتاح الا لدكتور واحد بس
شجون لفت عليه ايش قصدكـ يافارس يكون بعلمكـ ماهمني لا انت ولاياسر ولاغيرهـ همني ولدي وبس تفهم ايش معني همني ولدي
فارس: زي ماهو ولدكـ ولدي يامدام
===============
في بيت ابو عبدالرحمن
فواز: جاي لبيتهم علشان الشوفه الشرعيه
قررو انهم يخلون ريوف معاها محرم وعلشان ماتنحرج غلا من ابوها وأخوها
غلا: كانت لابسه لبس رسمي تنورة سوداء وبلوزة سكريه ناعمه شاليه قدام شعرها علشان مايغطي على وجهها وماحطت أي مكيا جالا كلوس بس
فواز: يوم سمع خطواتها دق قلبه من الفرحه رفع عيونه شاف غزالته الصغيره تمشي معاها صنية حلأ خافت تشيل عصير ينتثر عليها من الربكه حطت الحلا على الطاولة ماعندها جرأة تقدم له ورجعت وراها بدون ماتشوف وجلست على الكنبة بس استغربت ان الكنب مو كانه كنبهم ماسمعت الاضحكة ريوف فزت من مكانها اتاريها جالسه عليها بدون شعورها طلعت بسرعه من المجلس ووجهها مولع نار وركض على غرفتها
ريوف: ميته ضحك عليها
فواز: حاول يحجر ضحكته وانقهر انها طلعت بسرعه ليه تحرجينها
ريوف: الخبله ماتحس تحت احد وتكمل ضحكها
فواز: وقف طيب لاتقولين لها شي تحرجينها
ريوف: حاولت تسكت آسفه اخوي خربت عليك ماخليتك تشوفها زين
فواز: عارفه وصورتها راكزة بذهني فديتها وفديت سمارها الي ذبحني ونعومة ملامحها
عبدالرحمن: دخل عليهم
فواز: مايبي ريوف تبين شي ناظر بعدالرحمن اجل الأهل راح يدقون عليكم ويحددون معاكم موعد الشبكه
عبدالرحمن: فرحان لأخته حياكم بأي وقت ياخوي
غلا: جالسه على سريرها وماسكه رجولها ومقربه وجهها بينهم كل ماتذكر الموقف يضيق صدرها الحين ماعمرهـ شافني الا بمواقف محرجه الله يستر ليلة العرس اجل ايشي جيني دايم كذا ياغلا متى اركد ياربي حتى هالريوف متسمرة ماتتحرك تحركي يادوبا مو تظل كأنك صنم قلنا محرم مو صنم بس
ريوف: دخلت عليها كيف عروستنا
غلا: لفت بسرعه ورمت عليها المخدة مالت عليك يالصنم
ريوف: ماقدرت تتحمل انفجرت من الضحك
غلا: تحك راسها عمرما تراكـ مريحه سليب هاي وينه عنك ههههههههههههههههه
ريوف: وجع قولي ماشاءالله هههههههههههههههههه
جلست جنبها بس واضحه عجبتيه حيييييييل
غلا: اختفت ابتسامتها لا والله احسه يبي يقول رجه ومخفه
ريوف: عدلت جلستها لو تشوفينه كيف كان يتابعكـ بنظراته وضاق ليه ضحكت عليك سرقتي قلب اخوي تمد يدها بسرعه رديه بسرعه
غلا: مسكت يدها وعضتها
ريوف: آآآآآآآآآآآآآآآآآآآآآآي وجع
غلا: بعدت يدها تبتسم ابتسامتها المعتادة كذا رجعتها
نوال: سمعت صرخت ريوف جت ايش فيكم؟؟؟؟؟
ريوف: تفرك يدها غلو عضتني
نوال: متى تعقلين توهـ خطيبك جاي يشوفكـ ولسه رجه
غلا: حكت شعرها وطالعت أمها يمه حاولت اركد اعقل اهجد أي شي بس ماقدرت
نوال: ايه يجيك فواز ويعقلكـ
ريوف: اخاف هي تهبل فيه وضحكت
غلا: ابتسمت يكون احسن
=======================
في جناح سلطان
مشاعل: تعبانه حيل ونايمه على سريرها
سلطان: جاء من دوامه شاف حبية قلبه واضح عليها التعب رمى مفتاحه وجري لها حبيتي ايش فيكـ ؟؟؟؟
مشاعل: حطت يدها دوخه حبيبي وبس ارجع مايجلس شي بمعدتي
سلطان: بخوف قومي ياعمري اوديكـ للمستشفى
مشاعل: لاقلبي كذا الوحم يالله فتحت عيونها حطت يدها على خدهـ وبإبتسامه ولد سلطان مو سهل مايجي وبالعين قطرة
سلطان: مسكـ يدها وباسها خلاص اول ولد وآخر ولد مابيكـ تتعبين قدامي قلبي يتقطع
مشاعل: بسم الله على قلبكـ حبيبي وجت كبدها حاولت تقوم
سلطان :ساعدها وودها للحمام وانتظرها حتى تطلع وعضد لها انقهر مرررة حبيتي لازم نوديكـ للمستشفى تعطيكـ ابرة مهدئة
مشاعل: يالله تجلس على السرير لاعمري اخاف عليه كلها شهرين واخلص من هالوحم
سلطان: جلس جنبها وستة اشهر يبدا حمله الثقيل وضمها ياقلبي وربي اتمنى اخفف من تعبكـ بس مابيدي شي
مشاعل: ضمته مع خصرهـ حياتي يكفيني قربكـ هذا لوحدهـ يخفف عني
================
في بيت موسى
انوار: تساعد العنود بتجهيز العشاء وسوالف وضحكـ سوا
فيصل: دخل عليهم وعطا أخته نظرة استحقار وراح غرفته
انوار: تبي تروح له بس منحرجة من خالتها
العنود: حطت يدها على كتفها حبيتي روحي له
انوار: حطت الصحن الي بيدها وركض لغرفة أخوها
فيصل: يوم شافها خير ايش بغيتي يالخاينه
انوار: أي خاينه ايش سويت
فيصل: قبلتي بوحدة تكون مكانة أمي وتقولي أي خاينه طسي عن وجهي لاشوفك خليها تفيدكـ ودفها وسكر الباب
أنوار: دمعت عيونها ونزلت لخالتها
العنود: يوم شافتها راحت لها وضمتها خانقنكـ لأنك صرتي كويسه معاي صح
أنوار: وهي تبكي مو طايق يشوفيني وبكت أكثر
العنود: حبيتي مصيرهـ يهدأ ويحن لكـ مهما كان انتي اخته واقرب وحدة له
وماراح يستغني عنكـ صدقيني
أنوار: وهي تشاهق أنتي ماتعرفي اخوي فيصل ان زعل خلاص مايسامح
العنود: جلستها ومسحت دموعها راح يهدأ وراح يجلس معانا ضحكـ ويسولف زيكـ الحين وراح تشوفي ان شاءالله
انوار: هدات شوي ورفعت عيونها للعنود كيف تكوني واثقه كذا
العنود: لأني احبكم مرة لازم يجي يوم تحسون بحي لكم وابتسمت لها بحنان
أنوار: اتمنى يجي هذاك اليوم بأسرع وقت
==================
في المستشفى
ياسر: جالس عند راس نجود يهديها
نجود: ماسكه يدهـ خايفه ياياسر خايفه
ياسر: يبتسم لها بحنان لاتخافي نجود ربي معاكـ راح تقومين بالسلامه وتمارسين حياتكـ طبيعيه ان شاءالله
نجود: بحزن سامحني يا ياسر ان غلطت عليك بيوم وخل أهلي يسامحوني
ياسر: حط اصبعه على فمها راح تقوومين بالسلامة ان شاءالله قالها كذا وهو خايف مرررة بس متوكل على ربه
نجود: تسمع كلامه وتشوف نظرات الحنان منه بس صارت صورته تشوش عندها لأنها استجابة للبنج ويدها بيد ياسر مافكها حتى نامت واسترخت يدها
ياسر: كان شايل هم كأنه اول مرة يسوي عملية وفعلا اول مرة يسوي عملية لقريب له ومو أي قريب هذي زوجته لو ماكان يحمل لها حب بس مهما كان زوجته وأم عياله مستقبلا ووبنت مدرسه محمد
الممرضه : تمد له أغراض العمليه وتشوف اضطراب ياسر
الطبيب المساعد: نفس الشي اول مرة يلاحظ الدكتور كل هالإرتباكـ
ياسر: كان يتصبب عرق وكل شوي يرفع عيونه لنجود الي نايمه وموح اسه بالي حوله ويدعي ربه انه تقوم بالسلامة
استمرت العمليه اكثر من خمس ساعات
أهل نجود كانو ينتظرون وهم خايفين مرة
امها: بس تدور تنتظر خروج ياسر
محمد: يتصنع الهدوء والا هو اشد من أمها يمكن ارتباكـ
ياسر: خلص من العمليه والحين يبي يخيط الجرح بس الجهاز أشر بقووووة
ابوها: فز وقام حاس فيه شي يصير جوة
امها: يوم شافت خوووف زوجها خافت عليها أكثررر
===================
انتهى البارت
وعارفه انه قصيررر مو زي العادة
العذر والسموحه بس الاحداث لازم توقف كذا
انتظر ردوكم على احرر من الجمر فلاتبخلون فيها علي
وونتظر الفايزة بالالماسه للبارت الخامس والاربعوون
