رواية بيت العنكبوت الفصل الاربعون 40 بقلم همس
الــ ج ــزأ الأربـــــ ع ـــــــون
في غرفة مشاري
سحر: بعد ماطلع مشاري نومت بنتها وكانت حيل مرهقه لأن ميار مسهرتها طول الليل أخذت فوطة مشاري الي يحطها على عيونه اذا نام كانت تحمل ريحته حطتها على وجهها وغفت عينها على ريحته بس فزت من نومها بخوووف حطت يدها على قلبها اعوذ بالله من الشيطان الرجيم وتنفخ عن يسارها بسرعه قامت من سريرها وبيد ترجف دقت على مشاري مرة مارد مرة ثانيه مارد ثالثة رمت جوالها وهي تتنفس بسرعه الله يستر يارب احفظه لي يارب
فجأة دق جوالها بنغمة خاصه بمشاري ردت بسرررعه بس كان مشاري معصب سحر بعدين أدق عليكـ وسكر جواله بسرعه
سحر: تناظر جوالها مستغربة أول مرة يعاملها مشاري كذا جلست على سريرها بخوف الله يستر أكيد فيه شي طار نومها ومسكت جوالها وتروح وتجي بغرفتها بقلق تنتظر يكلمها ماتبي تدق تزعجه
مشاري: يوم حدهـ حمد طلعت سيارته برا السكه ولفت خمس لفات ماداس على البنزين ولاشي ربي ثبته وهو يشوف ان الموت جاي له بس توكل على ربه وكان يستغفر حتى هدات السيارة من نفسها ونجى من حادث فظيع كانت تلف سيارته وسحر تدق بعد الدقه الثالثه رد وهو معصب سكر جواله وضغط على البنزين يلحق حمد مشاري نادرا مايعصب بس إن عصب صار أشد من فارس
حمد: كان متلدد وهو يشوف سيارة مشاري تدور تأكد ماراح ينجة من الحادث شغل موسيقا هدايه وكمل طريقه ووصل لمحطه نزل لدورة للبقاله يشتري ببسي ومويه وماكأنه سوى شي راح لجورات المياهـ يوم طلع فتح سيارته وطلع علبة الببسي ماح سالا بيد تشده بقوة ناظرهـ وفتح عيونه بصدمه ماتوقع يشوف مشاري قدامه
مشاري: وهو ماسك فنيلة حمد وراص فيه على السيارة تبي تذبحني يالخسيس
حمد:حاول يدافع عن نفسه دف مشاري بقوة وطاح مشاري على الأرض قرب منه يبي يكمل عليه بس مشاري سبقه وسحبه على الأرض وثبته بكل قوته
حمد: وهو فحمان خاف من مشاري يحاول يدفه مو قادر مشاري اقوى منه
مشاري: قسم بالله لو ماخاف ربي كان دفنتكـ هنا بس مابي الوث يديني فيكـ وقام عنه
حمد:وهو يشوفه يبعد ويروح لسيارته قام وكل ملابسه وشعره غبار كان يتكلم وهو فحمان هالمرة نجيت المرة الثانيه ماراح تنجى علشان تعرف تآخذ شي مو لكـ
مشاري: وهو يفتح باب سيارته الي أخذته ماتسوى تراب رجولها وان شفتك جايب سيرتها والله ثم والله ماحد يفكك مني وركب سيارته ومر من عندهـ ويشوف حمد وهو يركب سيارته مشاري ابتسم لاتبعد يابطل لأن الشرطه شويات جايه لكـ وحرك سيارته من عندهـ
حمد: خاف بس ماحب يبين مامداه يمشي مسافه الا يمر عند نقطة تفتيش
العسكري: على جنب يالاخو
حمد: عرف انه مقبوض عليه بسبب بلاغ مشاري عليه والله ماخليها لكم يابيت بندر يجي اليوم الي ابرد حرتي فيكم
طبعا قبضت عليه الشرطه وراح بسين وجيم وماطلع من عندهم بالعين قطرة حتى جاء ابوهـ وتطلعو بكفالته
ابوهـ وهو بالسيارة حمار انت تسوي كذا فيه وتبلشنا انا سند آخر عمري اتمرمط كذا كل من سبة ولد رخمه مادري متى يعقل
حمد: لاتلومني يبه فيني حرة شابه بقلبي حريقه
سند: الحرة الي بقلبكـ ماحد شبها غيركـ من خمالكـ وخبالكـ تضيعها من يدك وبعد سنة تروح تسوي كذا بزوجها انت خبل او ايش ابفهم
حمد: حقكـ علي يبه
سند: والله ثم والله ان احرجتني ثايه لا أنت ولدي ولا أعرفكـ مليت من خبالكـ متى تركد وتطلع رجال
حمد: اوعدكـ اصير رجال بس بقلبه والله مافوتها لكم ياعيال بندر وكل مايتذكر نظرات النصر الي يناظرهـ فيها مشاري يحترق أكثر
=================
في بيت ابو مشاري
فارس: يضم أخوه حمد لله على سلامتك ياخوي ليتني كنت معاكـ والله لامردغ وجهه بالتراب
مشاري: ابتسم بهدوء الي جاهـ كفاهـ
ابو مشاري: والنعم فيكـ ياوليدي زين ماسويت واحمد ربي اني شفتكـ قدامي
ام فارس: يستحق الشكر سبحانه الحمد لله جت على كذا
مشاري: وهو منحرج منهم عن اذنكم ام ميار تنتظر فوق على أعصابها
ابو مشاري: ايه ياوليدي روح طمنها
فارس: يناظر أخوهـ وهو رايح فوق اتمنى اشعر بالي تشعر فيه ياخوي احلى شي تحس فيه زوجه تحبكـ وتحبها تخاف عليكـة وتخاف عليها الله يهينك يابو ميار
مشاري: فتح باب غرفته بهدوء
سحر: فزت يوم جاء وركضت له وحضنته وصارت تبكي
مشاري: وهو يضمها بقوة خلاص ياقلبي واللخ دموعكـ تذبحني
سحر: وهي تشاهق ماتخيل حالي لو جاكـ شي يامشاري وتبكي أكثر
مشاري: يبعدها عن حضنه ويبتسم لها المفروض تفرحين ان زوجكـ واقف سيلم قدامكـ مو تبكين
سحر: وهي تمسح دموعها ايش اسوي على هالطبع الشين على قولة غلو ان فرحت سحير بكت وان حزنت بكت وان استحت بعد بكت دايم تقولي عوامتكـ خربانه
مشاري: هههههههههههههههههههه ضمها على صدرهـ فديت الرقيقه ياعالم غلو تلومكـ لانها دفشه مستحيل تبكي
سحر: تناظرها بحنان احمد ربي ان رد روحي لي
مشاري: ابتسم لها بحنان واحمد ربي ان رزقني بأحن بنت
=====================
في غرفة العنود
العنود: جالسه في غرفتها سرحانه
مشاعل: طقت باب العنود
العنود: قامت وفتحت الباب يوم شافتها مشاعل ابتسمت
مشاعل: ابتسمت لها لايكون ضايقتكـ
العنود: افا عليكـ الا فرحتني مسكت يدها لاتعالي ميشو محتاجه اشاوركـ بموضوع زواجي أكيد سلطان قالكـ سمعت رايهم كلهم الا أنتي
مشاعل: تبغين الجد
العنود: قولي
مشاعل: ماحبيت اضايقكم قلت امور عائليه مابي اتدخل
العنود: حطت يدها على كتف مشاعل حبيتي أنتي وحدة منا وفينا كيف تضايقنا هاهـ ايش رايكـ من أقبل
مشاعل: انتي استخرتي صح
العنود: ايوهـ
مشاعل: بعد الإستخارة مين ارتاح له قلبكـ
العنود: سكتت شوي ارتاح لابو الأيتام ابغى اطفال يامشاعل وتعرفين وضعي مستحيل يجيب اطفال الا بقدرة ربي ابغى يكون عندي أطفال يملون علي البيت
مشاعل: عين العقل أنا اول ماقالي سلطان قلت له ليتها تقبل بأبو العيال
العنود: بس خايفه يامشاعل خايفه
مشاعل: مسكت يدها ليه خايفه
العنود: بحزن لاتنسي راح تكون ثالث زواج لي لو طلعت فاشله فيه ايش راح يقولون الناس عني بغض النظر عن الناس أهلي ايش راح يكون موقفهم
مشاعل: وليه خايفه من الفشل؟؟؟
العنود: عنده عيال بسن مراهقه لو كسبت عياله الصغار خوفي من البنت والولد المراهقين ماراح أكسب حبهم وهو صريح قايل لأبو اهم شي عندي عيال واني طلقت وحده علشانهم ماخفيكـ تمسكت فيه أكثر لأني عرفت انه حنون بس خفت مايتقبلوني وتصير مشاكل وتنهي بالطلاق
مشاعل: حبيتي العنود صدقيني بحسن المعامله تقدرين تكسبين اقسى قلبي بس المسأله يبي لها صبر صديقيني ودعوة صادقه لربكـ تدعينه يعينكـ على تربية هالأطفال الأيتام خلي نيتكـ انكـ قابله ابوهم وانتي ناويه خير بالأيتام صدقني ربي راح يساعدكـ شوفني مثلا تحملت زوجي الأول علشان أمه المسكينه وصبرت وعوضني ربي بأحن انسان على وجه الكون سلطان ياعل عيني ماتبكيه
سلطان: كان يبي يدخل عليهم بس يوم سمع كلام مشاعل ابتسم وقال بهمس انا ياعل عيني ماتبكيك ياحلى انسانه شفتها لازم اخليهم مع بعض يسولفون بدون قيود ونزل وخلاهم
============
في بيت ياسر
ياسر: صلى صلاة الاستخارة للمرة الخامسه قام من سجادته وتوكل على ربه وجلس على الكنبه وأخذ جواله ودق على استاذ محمد
محمد: كان جالس مع بناته وعياله شاف رقم ياسر استبشر وابتسم رفع السماعه وقام عن الازعاج
ام عبدالمجيد: أكيد ابوكم داق عليه واحد غالي على قلبه شوفو وجهه كيف
عبدالمجيد: أكيد طالبه السابق الدكتور ياسر والله يمه انه يحبه حب مو طبيعي
اام عبدالمجيد: هو ماشاءالله عليه اذكر ابوكـ من يومه صغير يمدحه لي ويمدح صبره وكفاحه واجتهادهـ تخيل كان يطلع الأول مع انه مالقى وقت يذاكر فيه الا في المدرسه لأن ابوكـ طلب من المعلمين يتعاونون معاهـ ويخلون له فترة يذاكر فيها ويقللون عليه الواجبات بس شوف ايش صار دكتور مشهور ماشاءالله عليه
نجود: تناظر اخوها يارب تطلع زيه يادلوعة ابوكـ
عبدالمجيد: والله ماحد أخذ دلال ابوي وامي بعد زيكـ
أمها: ضمتها فديتها بس كلكم عندي واحد وتعرف غلاكـ عندي ياعبدالمجيد
نجوى: وانا ؟؟؟؟؟؟؟؟
عبدالمجيد: انتي ولد خالي راح يدلعك لاتستعجلين
نجلاء: شوفو وجهها كيف حمر ههههههههههههه
نجود: ضحكت معاهم بس ماعلقت
ابوهم: رجع وجلس بينهم بهدوء
زوجته: صبي القهوة لابوكـ يانجلاء
محمد:أخذ القهوة بعودء وشرب منها وهو سرحان
زوجته: عسى ماشر يابو عبدالمجيد
محمد: ابتسم لا خير مافيه شي ان شاءالله
زوجته: من رجعتك بعد الاتصال ووجهك ماش
محمد: مافيني شي وناظر بنجود وسكت
نجود: خافت من نظرات ابوها خافت ان الدكتور قايل له شي عن حالتها
بعد ماتفرقو عيالهم راحو محمد وزجته لغرفتهم
زوجته: المفروض تنبسط مو تضيق احد يحصل زي ياسر ويتردد
محمد: ماتعرفين ايش افكر فيه يانورة خوفي ان ياسر ماطلبها الا رد جميل بنظرهـ اعرف ياسر قلبه حنون ويمكني من غبائي يوم افضفض له رحمني ورحمها قال اتزوجها
زوجته: جلست جنبه وحطيت يدينها على كتوفه رد جميل او غيرهـ راح يخاف ربه فيها ويسعدها صدقني
محمد: اخاف ياخذها رحمه بس موحب
زوجته: اذا عاشرها راح يحبها ان شاءالله وياكثر الي يحبون ومارحمون ويحترمون حريمهم بس اهم شي الزوج يكون يخاف ربه صدقني الحب لو ماجاء عادي لانه راح يسعدها قد مايقدر
محمد: نجود حساسه وانتي تعرفين ومزاجه بس يتغير اخاف مايقدر يتحملها
زوجته: من اتاكم من ترضون دينه وخلقه فزوجوه وهذا ماعبت عليه شي بس خايف من اشياء يمكن مو فيه طلبتك امحمد منى عيني افرح بنجود وتصير زي أختها مخطوبه ومبسوطه ومين الي خطبها دين وخلق ومركز يالله لكـ الحمد
محمد: اجل خبريها وردي علي
===============
في غرفة نجود
نجود: أكيد ابرفض ومن قالكم ابي الزواج اصلا الفكرة هذي شايلتها من راسي من زمان
أمها: يمه البنت سترها ببيت زوجها وجاكـ عريس أي بنت تتمناهـ
نجود: لفت على أمها يمه لاتتوقعي اني غيرانه من أختي وشفقانة على الزواج انا مبسوطه عند أمي وابوي ويغنوني بعد ربي عن رجال الكون كلهم
أمها: قربت منها حبيتي نجود أمكـ وابوكـ ماراح يدوم لكـ
نجود: بعصبيه ولا زوجي بعد حتى انا ماضمن عمري مع حالتي هذي يمكن يومي قريب
أمها: ضمتها بسم الله عليكـ يايمه يومي قبل يومكـ
نجود: يمه الله يخليكـ تبين راحتي سكري موضوع الزواج هذا تراه حيل ينرفزني ويقززني بعد
أمها: بس يمه
نجود/ رفعت يدها خلاص يمه مابي هالسيرة مابي واحد يتزوجني رحمه وشفقه ورد جميل ابوي مو محتاجة شفقة من أحد
أمها: بس يانجود
نجود: رفعت يدها ارجوكـ يمه النقاش انتهى
أمها: يوم جت تبي تطلع من الباب
نجود: لفت عليها وارجوكم مابي احد ينقاشني سالفة الزواج مرة ثانية
=================
في الكليه
تقرب خطوات خبيثه الى شنطة غلا حطت فيها سديات اباحيه وراحت بسرعه لمبنى الادارة
الوكيله: نعم ايش بغيتي
البنت: ابقدم بلاغ عن بنت توزع اشرطه إباحيه اهاف توزعها الحقو عليها قبل توزعها
الوكيله ارسلت 2 من بنات الأمن وراحو لشنطة غلا يفتشونها
غلا: توها ترجع من الفسحه شافتهم متجهين لشنطتها خير ايش تبغون بشنطتي
حقت الأمن: طلعت سيديات نبغى هذولي تعالي معانا
غلا: تفاجات ايش تسووون؟!؟!؟
رئيسة الأمن: بتريقة واستحقار احنا المفروض نسألكـ ايش يسوون هذي بشنطتكـ!!!!
غلا: عقدت حواجبها وتناظر السيديات الي بيدهم ماعرف عنهم شي ومادري من حطهم هنا
رئيسة الأمن: تعالي معانا لرئيسة قسمكـ وقولي وإكذبي براحتكـ
غلا: قلبها يدق بقووة وماتعرف ايش السالفه وصلو لريئسة القسم
الدكتورة: سمحت لهم بالدخول وأخذت منهم السيديات رفعتها ايش هذي ياغلا
غلا: والله يادكتورة ماعرف عنها شي
الدكتورة: عطتها حقت الأمن بسرعه شغليها وتأكدي ايش فيها يوم طلعت حقت الأمن ناظرت غلا جانا بلاغ ان بشنطتكـ سيديات والعياذ بالله ماقدر اكمل
غلا: بصدمة مستحيل يادكتورة اسويها وربي لو ماخفت منكم خفت من الي فوقي يراقبني
الدكتورة: دقايق مانستعجل حتى ترجع ريئسة الأمن اجرت اتصالات تخلص اشغالها
وغلا: مو معاها مع البليه الي طبت عليها تدعي ربها تكون سيديات فاضيه يارب ساعدني
ريسة الأمن : دخلت وحطتها على طاولة الدكتورة
غلا: تناظرها بترجي يارب مافيها شي
الدكتورة: بحزم هاهـ ايش فيها
رئيسة الأمن:تناظر غلا باستجقار للاسف فيها اشياء تشيب الراس غفران يارب
الدكتورة: تفضلي وكملي شغلكـ يوم طلعت حقت الأمن لفت على غلا افا ياغلا هذي وانتي طالبه متفوقه ومجتهدة تسوين كذا لا ومو تبلين نفسكـ بعد عندكـ نية توزعينها وتبلين فيها غيركـ
غلا: عصبت يادكتورة اقسمكـ بربي الي خلقني ماعرف ايش سالفتها
الدكتورة: اول ماجاني البلاغ ماصدقت وتمنيت ريسة الأمن تقولي بلاغ كاذب بس للأسف طلع حقيقة
غلا: بلاغ من مين ممكن اعرف من الي بلغ عني
الدكتورة: رفعت يدها آسفه ماقدر اعلمكـ وتصير مشاكل
غلا: بعصبيه بس من حقي اعرف يمكن بنت حاقدة علي وحطتهم بشنطتي
الدكتورة: اسفه ياغلا ماقدر بكرة ابحول قضيتك للتحقيق وهم يتصرفون معاكـ
غلا: بس يادكتورة طلبتكـ ابغى اعرف هالإنسانه الي كل شوي تطيحني بمشاكل ماسويتها
الدكتورة/ غلا انتهى وقتي معاكـ
غلا: بس
الدكتورة: تفضلي اطلعي
غلا: طلعت وهي حزينه مو مركة اصلا بطريقها ضربت كتف بنت بدون ماتحس
البنت: هيه عميانة انتي فتحي زين
غلا: مو يمها ومو معاهم اصلا
عبير: جت لها تركض غلووو خوفتني ايش فيكـ حتي للقاعه مارجعتي
غلا: تناظرها بحزن ودموعها متحجرة بعيونها مصيب هجت على راسي ياعبير مصيبة
عبير: بسم الل عليكـ ايش هي المصيبة ؟!؟!؟
غلا: بحزن حكت لها الي صار
عبير: شهقت وحطت يدها على فمها ماصدق أكيد بنت حاقدة عليكـ سوت كذا
غلا: تهز براسه وجلست مو مركزة ياعبير ابد مو مركزة
عبير: حطت يدها على كفتها حبيتي لاتضيقي اجراءت روتينه فقط لاغير ماراح يقدرون يسوون لكـ شي
غلا: لفت عليها وهي معصبه من جدكـ انتي هذي سمعتي وسمعت أهلي تعرفين ياعبير كيف سمعت أهلي ابوي وأمي الي ربوني على الحرام والعيب اجي يوم كبرت والمفروض ارفع روسهم اطمنها بسبب ماسويته طز باختبارتي وبمستقبلي بس اهم شي عندي أمي وابوي واخوي ماوطي روسهم على الأرض
عبير: ايش عرفهم لاتقولين لهم اكيد راح ياخذون منكـ تعد وبس
غلا: وقفت تبغين اخبي عن أهلي مستحيل لو يضبروني يسون فيني أي شي بس مستحيل اخبي عنهم ربونا امي وابوي انا واخوي على المصارحه وماننخبي شي عنهم لو ايشم اصار
عبير: يامجنونة يمكن اهلكـ مايصدوقونكـ وتعرفين اخوكـ عبدالرحمن ان عصب انعمي ومحافظ حيل أخاف يتهورون معاكـ لان ماتقدري تثبتي برائتك ابد
غلا: شالت شنطتها ربي راح يثبتي برائتي والبنت راح تنفضح بيوم وراح تشوفين
عبير: تغير وجهها يارب انتبهي لنفسكـ
غلا: ماردت عليها لبست عباتها وركبت مع ابوها وهي ساكتة
ابوها: كان يسولف عليها يوم شافها ساكته استغرب ابتسم معقولة غلو تكون هادية
غلا: اعذرني يابوي بس مصدعة شوي
ابوها: بخوف بسم الله عليكـ امر فيك على المستوصف
غلا: مايحتاج يبه صداع بسيط وراح يخف
ابوها: هذانا وصلنا بيتنا بدلي ملابسكـ وانزلي اخوكـ وزوجتك اليوم وصلو وينتظرونا على الغداء امك احرقت جوالي بسرعة لاتتأخر انت وبنتكـ وضحكـ
غلا: سكتت ماردت دخلت مع ابوها للبيت وسلمت على اخوها زوجته بهدوء لفت عليهم اعذروني مصدعة مالي نفس آكل وطلعت غرفتها
عبدالرحمن: حز بخاطرهـ استقبال اخته ببرود ماحب يقول شي وسكت
ريوف: نفس الشي انصدمت بس قالت يمكن طبيعتها متقلبة المزاح توني اعرفها وماعرف طبايعها
نوال: مارتاحت وكانت تقلب بالملعقة ماأكلت
محمد: ليه ماتأكلين يانوال
نوال: حطت الملقعة انسدت نفسي ماتعدوت مانكون سوا على السفرة
عبدالرحمن: يمه غلا ايش فيها وجهها ابد ماعجبني كذا هي من فترة او توها
نوال: هذا الي محيرني وأنا أمك طالعه مني الفجر تمزح وتعلق زي عادتها وكانت مبسوطة حيل علشانكم راح ترجعون اليوم وتوصي ابوها مايتأخر عليها متحمسه لرجعت اخوي وزوجته
محمد: حطت ملعقته صادقة طول الطريق اخوتني وهي توصيني بس استغربت هدوئها يوم طلعت سألتها قالت مصدعة
نوال: مستحيل غلا بنتي وانا اعرفها زين لو فيها تعب بسيط نامت على رجلي وجلست تون علي وتدلع وجه غلا مو تعب الي بوجهها ضيقه ومو بسيطه بعد اعرف بنتي مو بسرعة تضيق
عبدالرحمن: ضاق وقام من السفرة اختي تضيق واحنا نسكت يمكن احد ضايقها بكليتها وماتبي تقولنا ابروح اشوف عنها
نوال: اجلس ياروحي ابدق عليها تنزل
دقت أمها عليها وخلتها تنزل
غلا: تتظاهر القوة عارفه لازم تقولهم بس خايفه مايصدقونها
نوال: يابنتي وجهكـ ماعجبنا ايش فيكـ
غلا: ناظرتهم كلهم ومنحرجة تتكلم
ريوف: انا استأذن ابقوم ارتاح بعد السفر
غلا: ممكن تجلسين ريوف انتي اختي وماراح اخبي عنكـ شي
ريوف:حبت غلا الي مخليتها زي اختها بس خافت عليها أكثر
غلا: اليوم دخلت للقاعه لقيت حقت الأمن عند شنطتي
اهلها كلهم مركزين معاها
غلا: بخوف طلعت من شنطتي سيديات وسكتت ماكملت
عبدالرحمن: وهو متمحس ايش فيها السيديات كملي ياغلا لاتحرقين دمي
غلا: سيديات محظورة
ريوف: ناظرت عمها خافت يقوم يضرب غلا بدات ترجف بدون ماتحس حطت موقفها مكان غلا كان ابوها يذبحها وماصلي عليها
غلا: ناظرت اهلها بحزن بس ووربي مادري كيف جت لشنطتي ووربي قد تربيتكم يمه ويبه ومستحيل اسوي شي يغضب ربي
محمد: قام وراح لها
ريوف: بدات ترجف أكثر وغمضت عيونها راحمه غلا
محمد: جلس جنب بنته وحضنها عارف ان غلا بنت محمد مستحيل تنزل راس ابوها بيوم عارف ان غلا بنت محمد قد الثقه هذي بنتي وأنا اعرفها
ريوف: يوم سمعت كلامه فتحت عيونها منصدمه
غلا: ضمت ابوها وبكت على صدرهـ
محمد: حط راسها على صدرهـ
نوال: قامت وجلست بالجهة الثانيه ارفعي راسكـ ياغلا مدامكـ على حقكـ لايهمكـ أحد
غلا: بعدت راسها عن صدر ابوها بس يمه ايش يثبت برائتي الدكتورة ماخلت لي أي مجال
نوال: مسحت دموع بنتها الي فوقنا راح يثبت برائتكـ زي ماثبت براءة عائشه رضي الله عنها ربي عادل مايخلي مظلوم الا ينصرهـ بس انتي الجئي له وحركي سهام الليل تراها تصيب الظالم وماتخليه
عبدالرحمن: كيف عرفو ان بشنطتكـ الاشياء الخايسه هذي
غلا: بحزن تقول الدكتورة وحدة بلغت عني
عبدالرحمن: من هي هالبنت ؟؟؟؟؟؟
غلا: رفضت تقولي
عبدالرحمن: وهو معصب مو على كيفها من حقنا نعرف أنا راح اكلم فواز يشوف لنا هالموضوع
غلا: لاتكفى ياعبدالرحمن خصوصا الدكتور فواز اول انسان راح يصدق الي يسمعه لأنه ماخذ فكرة شينه عني
عبدالرحمن: يصدق مايصدق مالي شغل بس اهم شي يشوف لنا الموضوع وان ماقدر انا اروح واتفاهم مع كليتكـ ليه يظنون مالكـ اهل يدافعون عنكـ يظلمونكـ ويحرمونكـ تعرفي من بلغ عنكـ هذا ظلم وعين الظلم بعد
يالله اوديكـ لأهلك ياروف وأكلم اخوكـ
ريوف: راحمه غلا حيل بس منحرجة تروح لأهلها الظهر ويستقبلونهم بمشكله بس سكتت ماردت راحت فوق
نوال: مسكت يد ولدها ياوليدي مايصلح اول مرة تزورهم بنتهم بعد زواجها تتكلم عن مشكله زي هذي
عبدالرحمن: بعصبيه ماعلي من أحد ماسويت عيب او غلط اختي اهم شي عندي
محمد: انا يابوكـ ابروح بكرة لجامعتها واشوف المشكله انت لا تقول شي لفواز
عبدالرحمن: يبه ايش يصبرني لبكره ابيه يدق على هالدكتورة الخايسه ويشوف الموضوع ماقدر اخلي اختي ليله كامله على أعصابها ماقدر يبه
نوال: ضمته مع كتفه روح مع زوجتك وعين خير توكم جايين من سفر
غلا: وهي تناظر قدامها وماسكه دمعتها سامحني ياخوي نكدت عليك وانت عريس فيه أخت تستقبل اخوها بمشكله كبيرة
عبدالرحمن: راح جهتها وجلس جنبها وحضنها وباسها مع كتفها ياختي مانكدتي ولاشي الي صار مقدر ومكتوب مو منك من الي ظلمتكـ طلبتكـ لاتشيلين هم ترا همنا واحد وال انسيتي يومنا صغار كيف كنتي تشيلين همي اذا هددني مدرس انه يضربني لو ماكتبت الجزاء
غلا: ناظرته بحنان الله يسعدكـ ياخوي دنيا وآخرة
عبدالرحمن: وهو يحس بعبرة واقفه بحلقه وهو يشوف نظرات الحزن والهم بعيون غلا الي ماعمرهم شاف فيهم الا المرح والضحكـ بلع ريقه آمين وانتي معاي
نوال: قلبها يتقطع على عيالها قربت من ولدها يالله ياوليدي لاتنسى زوجتكـ تراها لسه عروس روح لها
عبدالرحمن: قام وهمس لأمه لاتخلونها يمه
نوال: مسكت يده بحنان لاتوصي حريص وأنا امك
عبدالرحمن: راح لغرفته بدل ملابسه وجلس على السرير والنوم مجافي عيونه
ريوف: صغيرة ماتعودت تواسي أحد بس متضايقه من حال زوجها وموقف غلا وقلبها متقطع عليهم بس ماتعرف كيف توقف معاهم جلست على طرف السرير وحطت يدها على يد عبدالرحمن ريح نام لك شوي البارح مانمنا غير متأخرين ومسكت خط اليوم
عبدالرحمن: بدون مايطالعها كيف يجيني النوم ياريوف وانا أعرف ان اختي تحترق جواتها انتظر العصر على أحر من الجمر
ريوف: الله يفرجها لها
عبدالرحمن: ماصدق يأذن العصر بسرعه أخذ زوجته وراح فيها لبيت أهلها تردد ينزل يسلم عليهم او لا....... تذكر وصاة أمه له وشاف فرحت ريوف بأخوها نزل سلم عليه وراح
فواز: استغرب من برود عبدالرحمن بالسلام خاف انه بينه شي هو وريوف سكت ودخل جوا وهو يحاول يشاركـ ريوف برفحتها مستغرب التناقض بين فرحة ريوف وضيقة عبدلرحمن جلس يسأل ريوف عن رحلتهم ويدقق بكل كلمة تقولها عن عبدالرحمن معقوله ماحبها وريوف ماتحست لأنها صغيرة وعلى نياتها
أمها: اجل وين عبدالرحمن مانزل سلم
ريوف: قالي اذا جيت آخذك انزل اسلم على عمتي خاف فيه خواتي يحرجني
منال: توها داخله زين ماسوا مشتاقين لك يالدوبا وضمتها
ريوف: اجتمعو خواتها وصارت تضحك وتسولف ووزعت الهدايا وهي مبسوطه بس مخرب فرحتها قضيت غلا تناظر أخوها تبغى تقوله بس ماتبغى قدام خواتها لأن هذا سر من أسرار أهل زوجها
فواز: اخذ هديته مشكورة ياختي بس هديتي فرحتك وشوفتك سعيدة ومبسوطة
ريوف: والله قليله بحقكـ ياخوي بس العذر والسموحه منكم
ريم: ايش دعوة لا والله كفيتو ووفيتو ماشاءالله عليه باين كرمه عساك مبسوطة معاهـ ياختي
ريووف: الحمد لله رجال حنون وطيب ومتفاهم وكريم وأخلاق ودين وبار بأهله ويحب أخته قليل من الرجال زيه
حنان: ياختي مهما قلتي مايصير زي نورنا وضيانا اخونا فواز عسى عيني ماتبكيه
ريوف: دق جوالها ردت بسرعه هلا وغلا سم الحين افتح لكـ الباب
فواز: لاتفتحين انا ابستقبله وادخله انتي بس روحي شغلي والمكيف والأنوار بالمجلس وانتي ياريم جهزي القهوة وانا اخوكـ
ريم: سم ياخوي
فواز: كان باله مشغول مرة فرح يوم جاء عبدالرحمن يبي يتطمن تمنى شكوكه مو بمحلها بس تفاجأ من وجه عبدالرحمن الي متغير ويتغصب الابتسامه حتى يوم دخلت ريوف نظراته لها باردة خاف مرة
عبدالرحمن: أخذ فنجاله من ريوف ابغاك بموضوع ياخوي
فواز: رفع راسه بخوف وناظر ريوف بحنان وقال بقلبه الله يستر عليك ياختي رد بكل ثقه يخفي توترهـ لحالنا او معانا ريوف
عبدالرحمن: لف يناظر ريوف بعدين ناظر بفواز ريوف شريكة حياتي ماقدر اخبي عنها شي
فواز: ابتسم براحه تفضل ياخوي قل ايش عندكـ
عبدالرحمن: حكى له الي صار يوم انتهى ناظر بفواز الي كان ساكت ومابدر أي شي منه قهره برودهـ ابغى منكـ يابو ابراهيم انكـ تشوف لنا الموضوع متأكد اختي بريئه ومتأكد البنت الي بلغت عنها هي الي جابت هالشي ابيكـ تساعدنا وتقولنا عن البنت
فواز: بكل هدوء نظاما يمنعون علشان مايتدخلون الأهل ويتضررون البنات
عبدالرحمن: بعصبيه كاتمها أي نظام الله ياخذ النظام كله اهم شي عندي أختي ماتنظلم وانا اتفرج
فواز: هدي ياخوي أختك ان كانت بريئه صدقني راح تبان برائتها لاتخاف
عبدالرحمن: عصب ووقف يناظر فواز ان كانت بريئه وانت شاك ببرائتها
ريوف: خافت وهي تشوف عصبية عبدالرحمن ماكأنه هو الحنون الهادي الحكيم ماتعرف ان عبدالرحمن اذا احد مس احد عزيز وغالي عليه مايقدر حتى يفكر بحكمه حاولت تهديه وهي خايفه عبدالرحمن ترا فواز مو قصده
عبدالرحمن: ناظر فواز بعتاب مابي منكـ أي خدمه وانسى السالفه يالله ريوف جيبي عباتك والحقيني بالسيارة
فواز: قام مسكه مع كتفه تراك فهمتني غلط
عبدالرحمن: بدون مايناظره مشكور على الفزعه لو وحدة من خواتكـ كان ضربت بالنظام بالجدار بس للاسف توقعت اننا صرنا أهل والي يجينا يجيكم
فواز: انا لازم اشوف الموضوع قبل
عبدالرحمن: لف بعصبيه أختي متأكد من برائتها وتربيتها سواء شفت الموضوع وتأكدت انها بريئه او ماشفته اختي بريئه غصب عن الكل وطلع وخلاه
ريوف: دخلت جوهـ بسرعه سلمت على امها وخوتها وجت تبي تطلع
منال: وين ماراح تتعشين
ريوف: وهي خايفه عبدالرحمن مشغول وطلعت بسرعه
فواز: دخل على أهله متضايق من ردة فعل عبدالرحمن بس ماعلم احد
============
بسيارة عبدالرحمن
كان يسوق وهو معصب وساكت
ريوف: تبي تكلمه بس مو قادرة خايفه يعصب عليها
وصلو للبيت ودخل وشاف أمه قدامه وين غلا
نوال: بحزن جالسه بغرفتها
عبدالرحمن: أكلت شي
نوال: بحزن أكثر مارضت هاه ياوليدي كلمت فواز
عبدالرحمن: مانبي منت أحد بكره انا اروح واشوف الموضوع
ريوف: انجرحت من كلامه عن اخوها وتسرعه بالحمن عليه نزلت راسها وسكتت
نوال: حتى حزنها على حال بنتها مانساها ريوف ناظرتها بحنان يوم شافت عبدالرحمن راح لغرفته مسكتها لاتلومينه يابنتي هذا طبعه يعصب اذا احد قرب لاحد خالاته او سحر وغلا واكيد اذا قرب احد صوبكـ
ريوف: بحزن بس ياخاله اخوي مارفض يساعده بس عبدالرحمن الله يهديه تسرع ومافهمه
نوال: ابتسمت عارفه ولدي اذا عصب يفهم كل شي غلط
ريوف: راحت للغرفه شايله بخاطرها على زوجها بس بنفس الوقت ماتقدر تلومه المصيبه الي فيها أخته مو سهلهجلست جنبه ومسكت يدهـ صدقني اخوي مو قصده مايبي يساعدك تناظره وخايفه من رجة فعله تخاف يعصب عليها
عبدالرحمن: لف عليها ريوف شفتي بروده وانا احكي له ماكأن شي صار لاويرد علي ببرود ان كانت بريئه يعني هو شاكـ ببرائتها
ريوف: عبدالرحمن هذا طبع اخوي بارد لانه يفكر بحكمه حتى واحنا باصعب الامور تلقانا نعصب ونتحمس وهو يقابلنا زي ماقابلك مايبي يستعجل علشان يحل المشكله زين ياما لامته اختي حنان ومنال بعدين يحل المشكله بكل رويه ويندمون انهم لاموهـ لاتتوقع بروده معاك لانها مو اخته صدقني انه الحين شايل همها ويفكر كيف يثبت برائتها اخوي وانا اعرفه لاتتوقع اقول كذا علشان ادافع عنه لا وانت بنفسك راح تشوف كلامي صح اولا
عبدالرحمن: مسك يدها آسف حبيتي عصبت على اخوك بس غصب عني وعموما ماراح انتظر منه شي لاتزعلين انا ابروح بكره بنفسي
ريوف: سوي الي يريحكـ بس صدقني واثقه ان الحل راح يكون بعد ربي بيد فواز وراح تذكر كلامي
في الجامعه
فواز: مانام كويس بس يفكر بمشكلة غلا عارف انها مشاغبه بس مايتوقع واحد بالميه بنت واحد زي محمد واخت عبدالرحمن تسوي كذا مستحيل بعدين ماوثق فيها اخوها الافعلا انها تستحق الثقه بس كيف يثبت برائتها لازم يدرس المشكله من جميع النواحي دخل مكتبه ودق على مشرفة قسم غلا
المشرفه : اهلين دكتور فواز
فواز: انا سمعت عن مشكلة الطالبة غلا محمد وحبيت اتأكد
المشرفه: راح احولك على الدكتورة حصه هي الي عندها القضيه تعرف أي قضيه اخلاقيه من شأنها
فواز: ممكن تحولين عليها
المشرفه :اوكـ
فواز: كان ينتظر رد الدكتورة وبراسه الف فكرة وفكرة
المشرفه: شكلها لسه ماجت اول ماتوصل اخليها تدق عليكـ
فواز: خلاص انتظر اتصالها حط السماعه وهو يفكر بمشكلة غلا الي اشغلت باله
============
في بيت محمد
نوال :جهزت الفطور واجتمعوا على الطاولة
محمد: ماله نفس يآكل مشغول باله على بنته بس يغصب نفسه علشان ماينقل توتره وحزنه
عبدالرحمن: لف على أمه كيفها الحين
نوال: دخلت اصحيها تصلي الفجر لقيتها على سجادتها سكرت الباب عليها وخليتها
محمد: ماحاولتي تطمنين عليها
نوال: مابي اضايقها اعرف هالحلات ماينفع فيها الا الخلوة مع رب العباد
ريوف: ساكته ومتكسر قلبها على غلا بس مابيدها شي تسويه
عبدالرحمن: خليها تغيب هاليومين حتى تنحل مشكلتها ان شاءالله
ريوف: بس خابره عندها امتحانات واخاف يرفضون يعيدونه لها
عبدالرحمن: بالطقاق عمرهم ماعدوهم اهم شي راحتها عندنا
الكل استغرب يوم سمعو خطواتها خايفين يرفعون راسهم وتكسر خاطرهم بعيون مورمه ووجه احمر من كثرالبكاء بس استغربو انها لابسه زي لبسها العادي ومابان عليها أي شي
غلا: جلست بكل ثقه بعد ماصبحت عليهم وباست امها وابوها مع روسهم أخذت خبزة وقطعتها وأكلت كم لقمه رفعت عيونها لهم وتناظر علامات الاستغراب بوجهم حطت خبزتها أكيد مستغربين ومتوقعين حالي غير بس ليه اتعب واحزن وانا ماسويت شي وواثقه ماغلطت ليه احزن وماثق بنصرة ربي لي وهو من وعد من فوق سبع سموات لانصرنك ولو بعد حين ماراح احزن ولاتنزل دمعتي ولا تخاذل وراح اطلع برائتي بنفسي
عبدالرحمن: انا ابروح لجامعتك مع ابوي
غلا: لاتروحون ياخوي انا ابطلع برائتي بعون ربي وراح تشوفون الي مايضيع حق وراه مطالب عن اذنكم
نوال: بس حبيتي ليتك ماتروحين اليوم اخاف يجيك كلام يجرحك او يضايقك
غلا: ماراح انزل راسي او انجرح وانا ماسويت شي يالله دحوم ماراح توديني وابتسمت زي عادتها
عبدالرحمن: فرح يوم شاف ابتسامتها رحعت لها من عيوني وراح معاها
نوال: نزلت راسها ونزلت دمعتها ومسحتها عارفه بنتي تجترق جواتها بس تكابر ليتني اقدر اشيل همها
محمد" تنهد بضيق هذي غلا صعب تنسكر لو ايشم اصار تظهر عمس ماتبطن صعب تبين حزنها او كسرها او ضيقها الله يسرع بفرجها
==============
بمكتب فواز
فواز: توه مخلص من محاضرته دخل مكتبه اول مادخل دق جواله اهلين ريوفي
ريوف: هلا اخوي عارفه وقت دوام ومابي اشغلك بس ابغاك تطمني على قضية غلا ايش سويت فيها ؟؟؟
فواز: والله ياختي انتظر الدكتورة الي تتابع قضيتها مادري هي تتهرب او ايش سالفتها جت محاضرتي الأولى ولسهم ادقت بس طمنيني عنها كيف حالتها اليوم عندها امتحان بمادتي بس ماراح احاسبها على غيابها
ريوف: جلست على طرف سريرها ياخوي من قالك غابت هي عندكم اليوم
فواز: فتح عيونه من جدكـ مجنونة تجي بالظروف هذي
ريوف: تقول ماسويت غلط أنزل راسي علشانه ابروح احضر ولاهمني احد
فواز: اعجب بردة فعلها وثقتها من نفسها الله يوفقها دق تلفون المكتب على اذنك ريوفي شكل الدكتورة حصة دقت سكر من ريوف السلام عليكم
حصة: بكل شموخ وعليمن السلام طلبتني دكتور
فواز: ايه علشان قضية الطالبه غلا ممكن اعرف البنت الي بلغت عليها وكيف عرفت ان غلا معاها اشرطه
حصه: بحزم قضية غلا محمد انتهت والبنت الي مبلغه ثقه وانا ابتصرف مابي احد يتدخل بشغلي
فواز: يكره عجرفتها وغرورها يكون بعلمك دكتورة حصه انا دقيت على عميد الجامعه وفوضني اشوف الموضوع معاك مستحيل قضية اخلاقيه زي كذا تمس بسمعة بنت مالها أي سوابق وتمس بسمعة اهلها يتم بموضوعها طرف واحد لازم ثلاثة اعضاء على الاقل
حصه: عصبت ليه يوم تروح للعميد مو قد الثقه انا تعرف كم قضيه جتني وحليتها بكل عدل وحكمه مو كوني امراه تتوقعني احكم عواطفي انا عندي النظام نظام ماتحرك مشاعري ورحمتي دموع الطالبات وبقضية غلا عارفه انك مهتم بحكم القرابه الي صارت بينكم لهذا ارفض ان تكون طرف بحل القضيه
فواز: انا قلت ثلاثه انا وانتي وواحد معانا نتشاور ونتفاهم بس كونك تحكمي على البنت كذا كونها قريبتي او موقريبتي الظلم ظلم مايتغير
حصه: انا ماظلمتها اشرطه ولقيناها بشنطتها ايش معنى هذا وانت بنفسك يادكتور تعرف غلا لسانها طويل وتمشكلت مع بنات
فواز: تمشكلت مع بنات مو دليل انها توزع اشرطه مخله للاداب انا مابري ساحتها بس لازم اجراءات اولها ناخذ راي كم بنت فيها ثانيا اعرف اسم البنت وايش قرابتها لها يمكن حاقده عليها وحطت الاشرطه بشنتطتها
حصه: قلت لك البنت ثقه وتراني ماحطبتها عريفه سريه وقلت لكم عنها الا لأنها قد الثقه كانت تبلغني بكل شي يصير اول بأول وانت تعرف ان اسم غلا دايم يجي
فواز: جاء والا ماجاء ابي اعرف هالبنت ليه تجيب اسم غلا كثير يمكن فيه عداوة بينهم
حصة: ضحكت بتريقه مشكلتك يادكتور ماتعرف للبنات زيي هالبنت يكون بعلمك صديقه مقربه من غلا بس ماتتحمل أي غلط حتى لو كانت صديقتها
فواز: انتهى النقاش وملف قضية غلا يجيني بأسماء الي فيه
حصه: انقهرت ماتبيه يتدخل بس العميد موافق يعني فواز راح ينشب لها بدون نفس زين وسكرت السماعه بسرعه
فواز: استغفرالله ايش هالقسوة كلها المفروض تكون احن على الطالبات مني بس والي رفع سبع اذا كانت غلا بريئه مستحيل اخليها بمنصبها منصبها ارشادي لازم تكون وحده عاقله وحكيمه وحنونه بس مالي حجخ حتى تثبت براءة غلا
==============
في ساحة الجامعه
غلا: حلت اختبارها وطالعه وضيق العالم فيها بس تحاول تخفيه
عبير: غلا غلا
غلا: لفت عليها هلا
عبير: ليش فيك أمس طلعتي من المشرفه ووجهك متغير والحين ساكته وهموم الدنيا فيك
غلا: جلست معاها وحكت لها الي صار
عبير: شهقت وحطت يدها على فمها معقوله شكل وحدهـ حاقده عليك وسوت كذا
غلا: ماقول الا حسبي الله ونعم الوكيل
عبير: تذكرين وورود الي تهاوشتي انتي وياها يوم تمدح الدكتور
غلا: ايوه اذكرها
عبير: دايم تناظرك بكرهـ وتهمس وتميل شفايفها اذا مريتي احسها هي لأني مرة مريت هي وصاحباتها كانت تقول والله لاخليها تندم وراح تشوفون شكلها كانت تقصدكـ طالعيها من امس حيل مبسوطه
غلا: ناظرت بورود الي كانت تسولف مع صديقاتها وتضحكـ مبسوطه وحست بكره العالم لها على طول تذكرت ان الظن السيئ مايجوز ناظرت لعبير حرام يمكن مبسوطه انها حلت كويس ماقدر اظلمها وانا ماعندي دليل انها هي
عبير: حطت يدها على كتف غلا ياقلبي غلو قلبكـ طيب وماتعرفين الي يصير حولكـ بس صدقيني راح تندمين بيوم يوم تشوفين الناس على حقيقتهم
غلا: ابتسمت بسخريه يعني ان مالصقت تهم بالناس بدون حجه ودليل والا اكون غبيه ساذجه لاتنسين عبير ان ديننا حرم علينا الظن السيء لاننا لو استعجلنا راح ننندم وصدقيني ماراح اندم على طيبة قلبي على قولتكـ عن اذنكـ
عبير: تناظرها مغرورة بس جاء اليوم الي ينسكر غروركـ
موضوع غلا انتشر بين البنات والكل صار يتهامسون عنها كيف انتشر هذا الي مجنن غلا عرفت ان نفس البنت ناشره الخبر علشان تضررها أكثر كل مايزيد الضغط تردد حسبي الله ونعم الوكيل
مرت من عند بنات وهم يتهاموسون يوم شافوها مرت سكتو يجرحونها بتصرفاتهم بس ماحاولت تبين رفعت راسها بكل شموخ وكملت طريقها
عبير: وينك حبيتي
غلا: بس من طريقي من الحمام لهنا كم ممجموعه يتهامسون فيني مادري كيف انتشرت السالفه بسرعه
عبير: أكيد ورودوه هي الي اعلنت الخبر بسرعه اشوفها اليوم تتنقل بين المجموعات وبس تتكلم
غلا: سواء كانت ورود او غيرها ماقول الا حسبي الله ونعم الوكيل
================
في مكتب الدكتورة حصه
حصة:كانت تكمل بعض الاوراق ومنزلة نظارتها آخر خشمها
ورود: لو سمحتي دكتورة ممكن ادخل
حصة: تناظرها من لاتحت النظارة ايش عندكـ قولي بسرعه ماعندي وقت
ورود: بخوف دكتورة سمعت الكل يتكلمون عن غلا بس
حصة: بعصبيه مالك دخل بالشغلات هدي يالله ارجعي مكانكـ
ورود: بس يادكتورة غلا مالها ذنب انا شافيه البنت الي حطتها بشنطتها
حصة: حطت الاوراق على جنب وتناظر ورود بعتاب ماشاءالله على كم اتفقت معاك غلا علشان تجين عندي او هددتك وخفتي منها
ورود: والله الي خلقني ماكذب بالعكس غلا ابد ماتتقبلني حتى انا بس حرام تنظلم وانا اشوف
حصة: اقول اطلعي ماعندي وقت لمسرحياتكم
ورود: طلعت مقهورة من الدكتورة بس مصممه ماتسكت لازم اقول لغلا بس عارفه غلا ماراح تصدقني تظني افتن كيفها صدقتني او ماصدقتني لازم اقول الي شفته علشان يرتاح ضميري طلعت للساحه وشافت غلا جالسه مع عبير قربت منهم غلا لو سمحتي ابيك بكلمتين
عبير: قامت بعصبيه ايش تبغين منها بعد ماكفاكـ الي سويتيه فيها
ورود: ناظرتها بحقد آخر وحدة تتكلمين انتي فاهمه او لا
عبير: انطمي ولا كلمة الي يجرح غلو يجرحني بس راح تبان الحقيقه ياظالمه وراح تشوفين
ورود: أنتي آخر وحده تتكلمين تجافعين عنها قدامها وتطعنينها من وراء
غلا: تناظرهم مو فاهمه الي يصير حولها هيه انتي ايش تقولين وتخربطين
ورود: ابحذرك من عير ياغلا ترا هي البنت الي حطت السيديات بشنطتكـ وانا شفتها بعيوني
عبير: دفتها اقول روحي خربطي بعيد ماتقدرين تفرقين بيني وبين غلا لو ايشم ايكون
غلا: متفاجئه من الي يصير مستحيل تصدق ان صديقة طفولتها عبير تسوي فيها كذا قربت من ورود اسمح بكل شي الا تشككين بإخلاص عبير لي تعديتي حدودك ياورود
ورود: يكون بعلمك رحت اببلغ عليها عن الدكتورة حصه بس هي طردتني قلت اجيك لكـ مو حب فيكـ ياغلا تعرفين الكره الي بيني وبينكـ بس اختلافنا مايخليني اشوفكـ تنظلمين واسكت وانا عارفه انتي ايشي اغلا واخلاقكـ وتربيتكـ كيف قلت الي علي وارتحت تصدقين ماتصدقين انتي حرة بس ابيك تعرفين ان الحية ناعمه من فوق تلدغ من تحت وراحت وخلتهم
عبير: تــــف عليك وعلى اشكال زيك من جد قليلة أدب
غلا: تناظر بحمار وجه عبير وارتباكها نفضت الافكار والشكوك من راسها مستحيل اخلي ورود تشككين بأقرب وحده لي مستحيل
==============
في بيت محمد
غلا: مشكله جتني بقوة عين تشككين بصدقتي جد شين وقوة عين
نوال: اهم شي يابنتي لاتخسرين صديقتك لمجرد كلام
غلا: مستحيل يمه اصدق اصلا ماصدقت بورود وانا ماشفتها كيف اصدق بصديقة العمر
ريوف: بس اسمحي لي غلا لاتقين مرة مادريليه احس بكلام ورود شي من الصدق
عبدالرحمن: ليه؟؟؟
ريوف: ليه عبير لصقت التهمه بورود من بين البنات يمكن ورود شافتها وخافت عبير منها ولصقتها فيها
غلا: ضحكت حبيتي ريوف عبير صديقة قديمه انا وياها توام متطابق مستحيل تضرني بشي
ريوف: لازم نفك السر ونعرف من البنت الي بلغت ابروح أسأل اخوي يمكن عرف شي
================
في غرفة فواز
فواز: كان فاتح النت يكمل بحثه دقت ريوف اهلين ريوفي
ريوف: حكت لفواز الي صار
فواز: استغرب من وقاحة البنت شوفي ريوف حصه مانعه نعلم باسم البنت بس انا ضدها من حق غلا تعرف من البنت الي وشت فيها حصه تخاف تصير مشاكل بالجامعه بس حرام بنت توشي ووتظلم وتمثل البنت الصديقه المخلصه الحنونه
ريوف: باندهاش من كلامك فهمت ان عبير هي البنت الي بلغت
فواز: ايه عبير والحين ريحتني يوم قلتي ان ورود شافيتها هذا يساعدني بحل القضيه
ريوف : سكرت من اخوها ونزلت بسرعه لغلا راحمه غلا بس لازم تعرف ان عبير تغشها
عبدالرحمن: هاهـ ايش رد فواز عرفو البنت او لا؟؟؟؟؟
ريوف: نفس توقعي
غلا: تغير وجهها عقدت حواجبها قصدكـ عبير هي الي بغلت
ريوف: هزت براسها بألم ايه
غلا: قامت من مكانها مسسسسسسسسسستحيل ماصدق
نوال: قامت وضمتها بسم الله عليكـ
غلا: لفت ودموعها بعيونها يمه عبير الي كنت معاها اقرب من انفساها تسوي كذا عبير الي اقدمها على نفسي ايام الاختبارات تسوي كذا عبير الي امتها كل اسراري تسوي كذا
نوال: حطت يدها على فم بنتها لاتندمين على خير سويتيه حبيتي
عبدالرحمن: قام بعصبيه البسي عباتك يمه وروحي لاهلها ان مارجعت عن بلاغها واعترفت اننها ظالمه اختي راح يصير شي ثاني
نوال: كيف اروح لهم يمكن تنكر
عبدالرحمن: الحن مافيه مجال تنكر كل شي بان
نوال: بس روحتي لهم مو زينه
محمد: روحي انتي وغلا يمكن تنحل المشكله سلمي وتندم البنت على خاينتها لصديقتها
===============
في بيت عبير
ام عبير: مستحيل بنتي تسوي كذا يا أم غلا
نوال: هذا الي صار ارجوك خليني اكلمها
عبير: نزلت وعرفت انهم عرفو سلمت على نوال بكل شموخ يتخاله انا ماقلت الا الي شفته وظليت انصح غلا بس مانتهت
نوال: عبير هذي غلا صديقتكـ تظلمينها قدامي بعد أنا امها واعرف فيها
عبير: ياخاله غلا بالجامعه مو غلا الي بالبيت تعبت انصحها
نوال: عصبت خافي ربك ياعبير خافي ربك مصير الحق يبان بس صدقيني ماراح نعفي عنك وراح ناخذ حق بنتنا
ام عبير: تهددين بنتي قدامي ياأم غلا لانها ماسكتت عن سوايا بنتكـ تخوفينها وتهددينها
نوال: للاسف ان بنتي وثقت ببنتك
ام عبير: البيت يتعذرك يانوال
نوال: ركبت مع عبدالرحمن بحزن
عبدالرحمن: يضرب على الدركسون والله ماخلها لهم وراح يشوفون عساها للـ
نوال: مسكت يده لاتجعي ياوليدي قول حسبي الله ونعم الوكيل تراها موهينه عند ربي
=============
قدام مكتب التحقيق
فواز: مقهور من تستر حصه على اعتراف ورود بس قال راح ابين الحقيقه من جهه ثانيه تحرجهم كلهم وربي معاي خايف من طريقته ماتضبط بس متوكل على ربه
غلا وعبير واقفات عن الباب ينتظرون دورهم في الدخول للتحيق
غلا: تناظر بعبير بكل حقد
وعبير تناظر غلا بكل شموخ وكبرياء وانتصار عليها
حقت الامن : غلا ادخلي عليهم
غلا: لبست عباتها وقفازها ماتنكر انها خايفه بس متوكله على ربها
كان يوجد بالمكتب فواز وحصه وفوزيه
فواز: طالب منهم انه هو راح يحقق
حصه: ماتبي هذا يصير بس سكتت لان فوزيه موافقه تحس فواز بس يتدخل بشغلها
فواز: الحين ياغلا ماوصلنا القضيه للهيئه لو تعترفين الحين بدون أي اعتراض راح نسكر القضيه وناخذ تعهد يصير بملفك بس ان رفضتي واصرتيتي انك مظلومه وحولنا بصماتك للشرطه وصرتي متورطه راح نحاولها للهيئه وتنفضحين
غلا: بكل شموخ وثقه بعدين مستحيل اعترف واقر واخد تعهد على شي ماسويته وياليتكم تآخدون البصمات لان هالسيدات مالمستها ابد
فواز: ارتاح من ردها واخفى ابتسامته يمكنك تطلعين الحين
يوم طلعت غلا قال للمشرفات شفتو ردها وثقتها مستحيل تطلع من وحدة مسويه شي
حصه: بعصبيه مو دلل فيه بنات قويات ومتعودات على الكذب انا متعودة اتعامل مع زي هالحالات
فواز: طيب مانختلف دخلو عبير
عبير: يوم دخلت كانت مرتبكه بس حاولت تحفي ربكتها
فواز: عبير ليتنا نحل الموضوع الحين بحل سلمي لاننا نبي نحاول البصمات للشرطه واذا ثبت ان البصمات تحصك راح تتحول للهيئه لان حقت الامن مستها من وراء قفاز يعني آخر بصمات للبنت الي حطتها او لغلا
عبير: زادت ضربات قلبها لأنها عارفه ان غلا مالسمتها واخر بصمات لها بكت آآآآآآآسفه والله اسفه ارجوكم استرو علي ابليس اعماني وخلاني اسوي كذا
حصه: تفاجئت وفتحت عيونها بقوة
فواز: تنهد براحه وفرح ان خطته نجحت وبانت الحقيقه
عبير: جلست تبكي وتشاهق كيف سويت كذا والله مو انا لشيطات اعماني ارجوكم استرو عل لو يعرفون اهلي ذبحوني
حصه: جلست تخانقها وتعاتبها
فواز: خلاص النقاش انتهى وانتي ياعبير اذا عفت عنك غلا راح تسكر القضيه بس ان ماعفت مانقدر نسوي شي لانك شوهتي سمعتها ومالنا حق نتدخل وقام وطلع وخلاهم
كان آخر الدوام وكل البنات مو فيه ركب سيارته وهو مرة مبسوط يحمد ربه انه بان الحق
اخد جواله ودق على اخته ريوف
ريوف : كانت جالسه مع أهل زوجها كلهم يناظرون لغلا الي كانت تحي لهم الي صار وريقها ناشف وباين التعب فيها لأن طول الليل مانامت كانت تبتهل لباريها يحل مشكلتها ويبن برائتها من فوق سبع سموات
دق جوال ريوف خافت شوي وابعدت عنهم وبصوت هادي هاهـ بشريني ياخوي
فواز: مبرووووكـ ياختي عبير اتعرفت بكل شي روحي بشري زوجكـ واخته واهله
ريوف: سكرت السماعه بدون ماتقوله مع السلامة او حتى تستسفر كيف اعترفت نست حتى تشكره راحت ركض لأهل زوجها مبررروكـ غلا عبير اعترفت
غلا: مو مصدقه سبحان الله رحماك يارب اسرعت بفرج همي وغمي ابعدت عن اهلها ورمت نفسها بين يدين ربها ساجدة خاصعه له تشكر من سمع نجواها بظلمة الليل تشكر من رحم ضعفها تشكر من كان رحيم بحالها كانت ساجدة ودوموعها تسيل على خدها
اهلها وقفو يطالعون فيها ينتظرونها ترفع راسها علشان يضمونها على صدروهم بس سمعو صوت شهقاتها وهي تشكر ربها
نوال: ماتحملت جلست على الكنبة وصارت تبكي
ريوف: نفس الشي بكت معاها
عبدالرحمن: مسح دموعه بشماغه
محمد: يتاظاهر القوة بس من جوا فرحان لبرائة بنته وحزين وهو يسمع شهقاتها عارف انها كانت تتظاهر القوة قدامهم بس انهارت الحين طلعت كل الي فيها
==================
في بيت ابو سلطان
العنود: نزلت عند أهلها وجلست بهدوء ناظرت بابوها يبه
ابوها: بكل حنان سمي
العنود: عدوكـ السم بتردد يبه فكرت كثير واستخرت ولقيت انسب واحد لي هو موسى
ابوها: ابتسم وانا اميل له بعد بس ماحبيت اقول لك شي ابيك انتي تفكرين براحتكـ
أمها: مادري انتم وشلون تفكرين
ابو سلطان: خلينا التفكير الزين والسنع لك ليتك تفكيني من تفكيركـ واقتراحاتكـ
أمها: اعوذ بالله مايبني اتكلم ابد
سلطان: مبروك ياختي والرجال رحت وصليت معه وشفته ترتاحين له سبحان الله
العنود: وهي تتذكر حالها اول كان وين والحين وين كانت مع مشاري معززة مكرمه والحين هذا زواجها الثالث قالت الله يتمم بخير
=============
في شقة فارس
فارس: يتضبط قدام المرايه يالله مشينا دلال
دلال: سكرت جوالها الثاني كله اوك مشينا
طبعا دلال ظلت علاقتها بوليد تزد يوم بعد يوم حست فرق بينه وبين فارس اغراها بدلع وهمي ماراح يدوم اهم شي تنقم من حقران فارس لها وماسمحته الحين يوم رجع لها لانها عارفه مارجع لها الا يقهر شجون
فارس: نفس الشي حاول يوهم نفسه بسعادة وهميه مع دلال ويهمش شجون ويقهرها ويحرك غيرتها بتصرفاته ودلعه لدلال
دلال: يالله حبيبي تأخرن عليكـ
فارس: عادي حبي وارسلها بوسه على الهواء
وصلو لبيت ابوهـ واستقبلتهم أمه
فارس: كل شوي ينتظر نزول شجون يشتاق لها بس مايحب يبن لف على أمه اجل وين بندوري
أمه: خابرته له يومين تعبان ياقلبي عليه
فارس: تعبان وماقلتو لي ؟!؟!؟
امه: ياوليدي المفروض تجينا وتتطمن عليه وعلينا تجلس ثلاثى ايام واحيانا اسبوع مانشوفكـ
فارس: تعرفين الشغل يمه صرت مدير قسم وانشغلت كثير
ابو مشاري: وهو يفسخ شماغه الشغل مو اهم من ولدك المريض
فارس: فز هلا يبه وقام باسه مع راسه
دلال: قامت بدون نفس تبوسه وهي راصه على اسنانها عساك للموت الي يريحنا منك ياشيبون
فارس: دق على تلفون شجون وبرسميه زايدة نزلي الولد خليني اشوفه بسرعه مشغول واابمشي وسكر بدون مايسمع ردها
دلال: تناظرهـ بتريقه وبقلبها مسوي تنقم منها مالت عليك
شجون: بدلت بيجامتها ولبست بلوزة تركواز غامق مع تنورة سوداء رفعت شعرها بتاج ونزلت
فارس: رفع عيونه لها يوجعه قلبه من شوقه ووله وهيامه فيها بس مكابرته تمنعه يبن لها مد يده وهو جالس هاتيه اشوفه
بندر: وهو تعبان بكاء شوي وتعلق بأمه
فارس: ضمه بندر بحنان وطالع بعيوننه التعبانه رفع عيونه لشجون بحزم مارحتي فيه للدكتور
شجون: بدون ماترفع عيونها له راح فيه عمي الله يجزاه خير بندر رفع يدينه لأمه الاي ابتسمت له بحنان وضمته
فارس: تسمرت عيونه على شفايفها وهي تبتسم
دلال: تناظره بحقد وهو مفهي مع شجون بس ساكته ماقالت شي
شجون: اخذت ولدها وجلست على الكنبة
فارس: استعدي بكرة الصباح ابوديه لمراجعته انا واتفاهم مع دكتورة وضع الولد موعاجبني ابد لازم له عمليه تريحه
شجون: كان الدكتور رافض يقول قلبه ماراح يتحمل أي عمليه لسه صغير
فارس: مو على كيفه ابدق على مشاري يجهز لي موعد معاه واتفاهم معاه شافكـ ساكته ومهمله الولد ماهتم بس لو شاف وراه ابــو يناقشه بالمنطق هابه وسوا له عمليه بسرعه معروفين دكاترت العام مو زي الخاص جايهم راتبهم بعمليه او غيرها مايبون يتعبون حالهم
شجون: قهرها كلامه استغفرالله لاتتهم الرجال اشوفه مخلص بشغله وهتم ببندر
فارس: تحركت غيرته وعقد حواجبه ماعندكـ سنع انتم يالحريم بسرعه تنخدعون حط لحيه وسوا مطوع صار مخلص بكره راح اخشره واحرجه وراح تشوفين
=======
في بيت اهل ياسر
جواهر: هاهـ ياخوي ايش صار عليكـ مع بنت استاذك
ياسر: نزل عيونه بعدين رفعها رفضت
أمه: تحمست تترك بنت خالك هيفاء الي الكل يتمناها وتروح لوحدة مريضه وتحسف فيها الحين
ياسر: سكت مارد
أمه: يوم شافته سكت قالت لاتلومني ياوليدي بس أنا أمك وتهمني مصلحتك وابي اسوفك عريس واتطمن عليك
ياسر: وهو منزل عيونه يسمع كلامه على طول جته صورته وهو صغير يبكي بالمحطه صورة ضرب عمه جاسم له رفع عيونه لها وناظرها بعتاب بس ماتكلم كلمه وحده وقف يبي يطلع
جواهر: وين ياخوي
ياسر: ابروح عندي شغله عن اذنكم ركب سيارته وفتح ازاير ثوبه مايبي يعامل أمه كذا يتمنى يرمتي بحضنها زي أي ولد بس صورة وعذاب الماضي مو راضيه تغيب عن باله عارفه انه يجرحها ويحاول يغصب نفسه يتقبلها وينسى الي صار بس موقادر فتح شباك سيارته واخذ نفس عميق قال يارب رحمتك وعفوك يارب ساعدني ابرها يااااااااارب
أمه: يوم طلع نزلت عيونها ونزلت دمعه من عينها مو متقبلني ابد ابد
جواهر: قامت وحضنتها مع كتفها يمه ماعقك ويحاول يبرك وماعمره جاء الا بيده شي لك وان عرف ان نفسك بحاجه يحلف علينا مايشتريها غيره
أمها: رفعت عيونها بحزن لبنتها وهذا الي ذابح قلبي يابنتي هذا الي يموتني اشوف يحاول يبرني بس بر مو حب احسه كارهني ومو متقبلني ابد وسبحان الله على كثر ماكرهته يومه صغير على كثر ماقذف ربي بقلبي حبه الحين الى درجة احس اني احبه اكثر منكم اتعب اذا شتفه يشتاق لك يكلمك يفضفض لك ينام على رجولكـ بس ماقدر الومه الي سويته فيه مو قليل الله يحنن قلبه
================
في بيت ابو عبدالمجيد
ياسر: ممكن اعرف سبب رفضها لي
محمد: وضح له كل شي
ياسر: طيب قلها الدكتور مصمم يبي يتزوجك ومو رحمه ولاشي هي بنت طبيعيه زيها زي غيرها لي تحكم على نفسها بالحرمان وتمنع نفسها من الزواج كثير غيرها تزوجو مافيها شي
محمد: ماخفيك يا ياسر يمكن رفضها خيره ترا نجود حيل حساسه وصعب تتفاهم معاها تزعل ووتنرفز من اقل شي
ياسر: وانا راضي وهذاني اكرر خطبتي لها وانتظر ردكم على اذنك يابو علدالمجيد
محمد: فرح يوم رجع ياسر يخطب بنته يتمناه من قلبه لها بس دعاء ربه ان بنته توافق
=================
في الجامعه
غلا: راحت لورود وهي منحرجه منها رفعت راسها مادري كيف اشكركـ ورود وكيف اعتذر منكـ ان كنت بيوم زعلتكـ صرتي احسن من صديقة العمر الي وثقت فيها وغدرت فيني
ورود: حطت يدها على كتف غلا انتي كانتي تلومني الا لمصلحتي لانك بنت محافظه وماترضين الغلط صح كنت اتضايق منكـ يومها بس اعرف انكـ على صح ومهما صار بينا ماتوصل اني اشوفكـ تنظلمين واسكت
غلا: ابتسمت لها من اليوم ورايح راح تكوني صديقتي واختي بعد الا ان كنتي ماتبغيني
ورود/ افا عليكـ لي الشرف بعد
غلا: عن اذنك حبيتي اسمعه ينادي اكيد اخوي جاء راحت تلبس عباتها ماحست الا باليد الي تمسكـ كتفها لفت شافت اكره وجه قدامها دفت يدها بعدي يدكـ لاتندسيني
عبير: وهي تبكي آسفه غلا غيرتي منكـ اعمتني لعب فيني الشيطان والله اني ندمانه عدد شعر راسي
غلا: ناظرتها اعتذارك وشعر راسك وفريه لك حسك مابي اسمعه وجهك مابي اشوفه فاهمه او لا راحت وخلتها
يوم وصلت للبيت سمعت امها تكلم ام عبير
نوال: شوفي يام عبير ماراح اكون زيك واسكر السمااعه بوجهك زي ماطرديتنا من بيتكـ لا اخلاقي ماتسمح لي وسالفة اننا نتازال عن حق بنتنا راح نتازل من عفى واصلح اجره على الله
غلا: اعجبت برد امها باستها مع راسها وهي تكلم ام عبير وراحت لغرفتها
=================
في المستشفى
راحت ام فارس وشجون وفارس للموعد طبعا ام فارس كان عندها موعد لاسنانها وراحت معاهم خلصت موعدها وجلست تنتظر موعد بندر
النيرس: تفضلو
فارس: السلام عليكم يادكتور
ياسر: بكل احترام وعليكم السلام هلا وغلا بابو بندر
بعد تبادل السلام والسؤال عن الحال
كانت شجون وام فارس جالسات على جنب
فارس: اخذ بندر من حضن شجون وخلا ياسر يكشف عليه بعد ماخلص من الكشف صرف له ادويه مناسبه
يادكتور جيتك اليوم علشان تحدد عمليه لولدي مو معقوله كل شوي يتعب وحالته حاله ولدي الحين يموت ببطء واحنا نتفرج
ياسر: ابتسم مالومك انت تفكر كذا بحنان الابوهـ بس انا ابجاوبك بتفكير الطب بندر عمره صغير على عمليه زي كذا ماراح يتحمل
فارس: ربعي ذكرو لي حالات مشابهه لحالة ولدي وسوها وهم بعد اصغر منهم وبعدها عاشو بصحة وسلامة
ياسر: ياخوي مو بالمنطق نقول تشبه حالته او ماتشبه امراض القلب كثيره ومتفرعه يمكن انت كشخص عادي ماتقدر تقرر نفس حالته او لا بس احنا نعرف ان هذا عنده مثلا ثقب في قلبه هذا صمام وهذا غير
فارس: بعصبيه ارجوك هالفلسلفه كلها مايبها انا ابيك تسوي عمليه لودي وتريحه انا اعرف بمصلتحه من أي احد
ياسر: ناظر فارس وتضايق من ردهـ بس ماسك نفسه
ام فارس وشجون كانو يتابعون الحوار
ام فارس همست لشجون ياويل كبدي قال كلام ماينقال للدكتور اكيد راح يعصب عليه ويقول لاعاد اشوف وجيهكم لا انتم ولا ولدكم
شجون: ماعتقد فيه ناس حكيمين مو يعرفون يسمكون اعصابهم
فارس: مالقى رد هاهـ متى موعد العمليه يادكتور
ياسر: ابتسم بسخريه ماشاءالله قررت قلت لكـ ولدكـ مايتحمل مستحيل اسويها له واجني على طفل بريء
فارس: كان جالس رجل على رجل ويحرك سبحته بيده ابتسم اجل خلاص ابسحب ملفه من هنا وارح فيه لاشطر دكتور قلب الدكتور نزار
ياسر: انت حر بس انا ابقولها للمة الاخيرة لاتجني عليه
فارس: وقف يالله يابنت ولف على ياسر واثق من الدكتور نزار اشرط طبيب عرفته وقلت له عن حالته قال اصلا معروف ان العمليه لحالة زي حالة ابنكـ تريحه المفروض طبيبه من زمان سواها له بس انا قلت ابجي اسألكـ قبل بس شفتكـ تتهرب براحتكـ
ياسر: ناظره من فوق الى تحت ومن قهر من اسلوبه خذ ملفه من الاخت الي برا وموفقين
فارس: عصب من طردته له غير المباشره وطلع بسرعه
شجون: تمشي وراهـ وهي حاضنه ولدها فحمانه لانها شايلته مع الغطاء
ياسر: ابتسم بسخريه ماكلف حاله ولا يشيل ولدهـ عنها
ام فارس: ركبت بسرعه مع ولدها الي تشوفه معصب
فارس: قسم هذا مودكتور صدق يحطون هاللحيه ويدعون بالصلاح قدام الناس وهم فاشلين ومو قدر المسؤليى والأمانه
ام فارس: ساكته هي وشجون ماردو
شجون: بقلبها ابفهم ليه عصب الحين وهو الي تفنن برفع ضغط غريب من جد ماحد يعرف له ابد
فارس: دخل للبيت ولقى ابوهـ قدامه شفت زي ماتوقعت تهرب مايبي يتعب نفسه على عملية ولدي ايه مالومه ماراح يجيه مكسب بس تعب وبس وين الاخلاص ابفهم
ابو مشاري: هدي هدي ايش صار
ام فارس: ولدكـ قال للدكتور ورفض يسوي عمليه لولده علشان كذا عصب احمد ربك ياوليدي ماغلط عليك ومسك نفسه تراك ماقصرت عليه قلت له كلام قوي لو غيره طردك
فارس: يخسى طبيب فاشل زيه يطردني والله لادوسه برجولي دوس
مشاري:من تدوس
فارس: ارتبكـ من دخول مشاري لاتلومني ياخوي كنت معصب
مشاري: عقد حواجبه ايش فيك وتدوس مين
فارس: مايقدر يقول الدكتور ياسر يزعل اخوه ورط ماقدر يرد
ام فارس" تعرف اخوك يامشاري ان عصب خبطت بالكلام
مشاري: الله يعينه على نفسه عن اذنكم وراح وخلاهم
ابومشاري: وانا ابروح لو ظليت مع هالمجنون ابنجن
فارس: جلس بكره ان شاء الله اوديه للدكتور نزار وراح تشوفون الفرق
شجون: بكل ثقه بس مستحيل اسوي لولدي عمليه وانا سمعت كلام دكتوره انه يضره
فارس: قرب منها ويناظرها وهو معصب تراه زي ماهو ولدك ولدي
شجون: ناظرته وحمدت ربها ان مافيه غيرهم بالصاله لان خالتها راحت لغرفتها ناظرته من فوق لتحت متى صار ولدكـ متى اهتميت فيه اصلا مو هذا الولد الي ماتبغاه وماتبي امه بعد
فارس: صار ولدي من اول ماصار ببطنكـ اهتميت او ماهتميت فيه انتي المسؤله انتي الي تبعدين
شجون: ابعذ او مابعد بس يظل بندر ولدكـ يعني لو كنت مازالت مطلقه راح تهمله لاني مبعده ومطلقه كيف تفكر أنت
فارس: مالك شغل كيف افكر بس بندر راح يسوي العمليه
شجون: ناظرته مستحيل اوافق
فارس: ابتسم بسخريه وافقتي ماوفقتي مع نفسكـ حرمتيني منه سنة كامله والحين تبين تموتينه وانا اشوف ماراح اسكت لكـ وترا موافقتكـ ورفضك كلها واحد لاني مسويها له يعني مسويها له وطلع وخلاها
=============
في بيت اهل ريوف
ام فواز مسويه عزيمه وعازمة اهل عبدالرحمن
عبدالرحمن: والله مادري كيف اشكركـ ياخوي زبنفس الوقت منحرج منك على تهوري معاكـ سامحني ياخوي وحقكـ علي وهذا راسكـ ابوسه لكـ
فواز: ابعد راسه افا عليك ياخوي مابينا عتاب والله لوم الي يلومكـ انا لو جاء اختي كذا كان انعمي واخبط بالكلام زيكـ
عبدالرحمن: ابتسم ماتوقع
فواز: ليه؟؟؟
عبدالرحمن: لانك تذكرني بطبع خالي مشاري نادرا مايعصب ويتعامل مع المشاكل بحكمة ورويه ماشاءالله عليكم
فواز: سحبه مع يده تعال ندخل بس ويكفي ترفي عترا ريوفنا راضيه عليكـ بدون ماترفعنا هههههههههههههههه
عبدالرحمن: الله يخليها لي يارب
فواز: وهويمشي جنبه داخلين جو تعرف بعد ماشفتك خايف على اختكـ ارتحت كثير
عبدالرحمن: ليه؟؟؟؟؟؟
فواز: عرفت اني زوجت اختي ذيب يحافظ ويدافع عنها
عبدالرحمن: هههههههههههههههه مشكور على الترفيع
===============
في الصالة
سحر ومشاعل وغلا مبسوطات مع خوات ريوف ضحك وسوالف
خوات ريوف اعجبتهم خفة دم غلا مرة خصوصا ريم لانها زيها خفيف دمها
ريم: تعالي غلا نفسي اشوف عليكـ روج احمر كذا ساطع
غلا: لاياختي اصير كأني ام عيال
ريم: ياحبيلك خلينا نشوفكـ
سحر: جربي ايش يضركـ
غلا: اممممم خليني احطه واشوف خشتي واجيكم اخاف تضحكون علي
ريم: خلاص روحي لغرفتي فوق وفكي شعرك وتعالي والبسي هالحلق الكبار
غلا: هيه ايش عندكـ تبين تكبريني عشرين سنه وراء هههههههههههه
ريوف: من جد وناسه ابشوفك بلوكـ جديد غلو
غلا: ياختي انا سمرة وروج احمر وشوة طايره مايجي اصير كاني ساحرة
ريوف: عاد ماشاءالله الي يسمعها يقول شوشتها طايره اربع وعشرين ساعه سايحه
ريم: يالله غلووو روحي لاول غرفه يمين
غلا: اوكـ بس كم تعطيني
ريم: الي تبين بس روحي سوي الي قلت لك عليه
مشاعل: وتلسه راح نشوف غلو ام علاوي ههههههههههههههه
غلا: دفتها وضحكت وراحت
ريم: جلست تسولف مع البنات
غلا: راحت فوق ياحليهم بيتهم هادي ايه تزوجو بناتهم وفضاء عليهم وين الغرفه الي على اليمين ايه هذي فتحتها وشغلت النور ياحليك ريومه مازالتي تهتمين بغرفتك حتى بعد زواجكـ طلعت الروج وحطته وفكت شعرها وجلست تنفشه تبغاهـ يتعدل وحطت الحلق بآذانها تشوف نفسها ماتت من الضحكـ والله جد صرت كاني ام علاوي هههههههههههههه
عبدالرحمن : كان متحمس ويسولف مع ابو عبدالرحمن بموضوع بقصيدة للمتنبي شويات اجيبه لك من فوق طلع فوق مستعجل راح لمكتبه بس شاف نور غرفته مولع قال اكيد احد الصغار داخل غرفتي ويبي يحوسها
غلا: تبعد وتقرب عند المرايه وتستهبل آخده راحتها مالت بجسمها وشعرها تتميلح قدام المرايه الا تشوف وجه رجال قدامها وواضح متفاجا فيها صرخت وعلة طول اندست تحت السرير
عبدالرحمن: داخل وهو متأكد ان فيه بزر يحوس بغرفته بس تفاجأ ان نفس البنت الي اشغلت باله بالزواج واقفت قدامه جاء يبي يطلع بس سمع صوت البنات مع ضيوفهم يرقون فوق دخل للغرفه علشان مايشوفهم ومعطي غلا ظهرهـ
غلا: بهمس وخجل ابطلع الله يخليك اطلع
عبدالرحمن: منحرج اكثر منها فيه بنات بعد قدامي انحبست
غلا: سحبت الشرشف حق السرير
عبدالرحمن: يشوف بطرف عينه الشرشف ينسحب
غلا: لفت نفسه بالشرشف الابيض الطويل وماتشوف طريقها ابعد عن الباب ابطلع
عبدالرحمن: ابعد وشاف بنت مغطيه كل جسمها بالشرشف بس طاحت قدامه لانها ماتشوف طريقها بغى يضحك على شكلها وهي تطيح وتقوم بسرعه وتطلع من الباب وتشوت الشرشف سحب الشرشف ولقى الروج الاحمر ثابت فيه من طيحتها مات عليها من الضحك
غلا: ركضت لغفرة البنات فحمانه وعرقانه وشوشتها طايره وروجها رايح نصه
ريم: يووه ايش جاكـ
غلا: ابذبحكـ الحين بيدني توصفين لي غرفة اخوكـ
ريم: اووووووهـ نسيت غرفتي يسار مو يمين
غلا: شالة المخده وجلست تضربها والبنات وريم ماتو ضحك عليها
