رواية بيت العنكبوت الفصل الواحد والاربعون 41 بقلم همس
الــ ج ـــزأ الواح ـــد والأربـ ع ـــون
في بيت اهل ريوف
الضيوف طلعو ودخل فواز على خواته
الأم: ماشاءالله عليهم ناس طيبين مرة
حنان/ ايه ماشاءالله عليهم مرة طيبين
فواز: شاغله باله البنت البرونزيه صاحبة الروج الأحمر الي علق بشرشف سريرهـ يبي يسأل بس منحرج وخايف بنفس الوقت خايف انها تكون متزوجه وتعلق بوحدة متزوجة
ريم: خصوصا غلاااااااا ياهي فلة قسم عجبتني
منال: لأنها مجنونة زيكـ لو انك بمكان ريوف كان جننتيهم انتي وغلاوي بس نحمد ربنا انها ريوف اركد منكـ
ريم: ههههههههههههههههههه اقولكـ فله توسع الصدر حطت راسها وتناظر اخوها ليتني نخطبها لغلانا وتاج روسنا اخونا
حنان: حرام عليكـ ايش جاب لجاب فواز راكد مرة وغلا مجنونة وفله
ريم: عادي إما يعقدها ويركدها او تجننه هههههههههههههه
فواز: كان يتابع كلامهم بابتسامه وبدون أي تعليق
ام فواز: والله ان بنت عمكم هند بنت راكدة وعاقله احسها تناسب فواز
ريم: يوووه يمه مابيها ابد ماتناسبه والله غلو تجنن وخفيفة دم وحبوبه
فواز: ابتسم لهم بحنان من قالكم ابتزوج اصلا يالله عن اذنكم ابروح انام وقام يبي يروح لغرفته
ريم: لحقته ياخوي اصبر شوي
فواز: سمي ياختي
ريم: ابتسمت له تراك شفتها والظاهر هي الشوفه الشرعيه هههههههههههههههه ماعجبتكـ
فواز: عقد حواجبه من تقصدين؟؟؟
ريم: الي دخلت غرفتك بالغلط ولعلها خيرهـ قلت يمكن يقتنع فيها
فواز: حاول يخفي فرحته ان الي اشغلت باله من زوجة اخته هي غلا ناظرها بحنان يصير خير ياختي
ريم: مسكته مع يدهـ يعني ماعجبتكـ ترا السمار مو عيب ياخوي ماشاءالله عليها ملامحها تجنن وشعرها سايح
فواز: وانا قلت شي عيبها وتراني من النوع الي افضل البنت السمراء على البيضاء بس ياختي هذا زواج مولعبه لازم الواحد يفكر ويستخير
ريم: فرحت يعني عجبتك بس تبي تفكر
فواز: قرص خشمها ياعجلكـ ودخل لغرفته وخلاها سكر الباب بفرح معقوله هذي غلا تنهد بفرح يعني الحمد لله ماطلعت الي اشغلت بالي متزوجه جلس على سريرهـ تخيلها يومها واقفه قدام المرايه يوم تسحب شرشفه يوم تهمس بخجل لاتناظر ابتسم وتقولي ياريم ماعجبتكـ الا ذبحت اخوكـ وطيرت عقله بعد
================
في جناح شجون
شجون: ارجوكـ فارس افهمني
فارس: انتي الي ارجوكـ شجون افهميني هذا ولدي مو معقوله يموت قدامي واتفرج عليه
شجون: أي يموت الله يرحم والديكـ هذا كلام دكتور شاطر مو أي دكتور
فارس: عصب من كلامها ناظرها من فوق لتحتل انه الخطيب السابق صار دكتور شاطر
شجون: عقدت حواجبها أي خطيب واي كلام فارغ
فارس: لاتتوقعي ماعرفت ان هالدكتور الفاشل هو الي خطبكـ قبلي لا ياهانم تراني عارف وساكت قلت اهم شي مصلحة ولدي بس يوم شفته يبي يذبح ولدي وأمه للأسف ساكته عجزت اصبر رحت ادور اشطر دكتور ونصحني بسرعة اجراء العمليه للي زي حالته ان كنتي تظني انتي وياهـ ان تخلصكـ من بندر هو الي راح يرجعكم لبعض هذا بعدكـ هذا ولدي من دمي ولحمي
شجون: متفاجئه من كلامه ايش تخربط انت لا أكيد انت مجنون مو بعقلكـ ابد فيه انسان عاقل يقول عن زوجته كذا فيه انسان يفكراني ابضحي بولدي علشان اتزوج غيركـ يكون بعلمكـ لو ابتزوجه تزوجته اول ماخطبني مو ارجع لكـ علشان بندر
فارس: تنكري ان جلوسكـ معاي علشان بندر
شجون: بكل شموخ لا مانكر وبكل تأكيد مارجعت لك ولاجلست معاكـ الا علشان ولدي
فارس: قرب منها وتنكري ان لو بندر جاهـ شي ماراح تجلسي معاي
شجون: فزعت بسم الله على ولدي فال الله ولا فالكـ
فارس: بعصبيه ردي علي راح تتنازلي عن شرطكـ وتجلسي او تطلبي الطلاق
شجون: ناظرته باستحقار ماراح اجاوبك بس لو تحلم ماراح تسوي هالعمليه لولدي وراحت عنه
فارس: مسكها مع ذراعها وقربها لصدره حتى صارت شجون تسكع انفاسه القويه من عصبيته راص على اسنانه ماراح احقق لك الي تتمنيه انتي وهالدكتور الفاشل بندر راح يسويها غصب عنكـ وعنه تركها بقوة وراح
===============
في بيت اهل سلطان
مشاعل: بعد ماطلع زوجها لدوامه راحت تشيل الصحون حقت الفطور استغربت ان عمتها ماطلعت من غرفتها طقت الباب بهدوء عليها
العمه: بصوت هادي ادخل
مشاعل: فتحت الباب وقربت لها وباستها مع راسها صباح الخير عمه بس يوم قربت فزت يووه عمه عليك حرارة
العمه: ايه قمت من نومي احس نفسي مخنوقه وحلقي يألمني
مشاعل: بسم الله عليك ليه ماقلتي لنا
العمه: ماحبيت ازعجكم واتعبكم معاي
مشاعل: افا بس تعبكـ راحه ابروح ادق على سلطان يجيب دكتور
العمه: لا ماحب الدخاتره بس سوي لي شربه دافيه لاهنتي وحطي هالدواء معاها
مشاعل: سمي دقايق وجايتك
العمه: يوم طلعت بناتي مادرو عني وهذي فقدتني وجت تطمن علي بعذر ام زوجها الاول لو حبتها سبحان الله ماتخلي احد يمسك عليها ممسك
مشاعل: جت مستعجله لعمتها وحاولت تجلسها وتساعدها تشرب الشربه الي محطوط فيها الدواء يوم خلصت عمتها حطت عليها فوطة باردة وجلست تكمدها حتى شافتها نامت حطت يدها عند نفسها شافت نفسها مو حار يعني حرارتها انخفضت سكرت الباب بشويش وكل شوي تتردد عليها
العمه: فتحت عيونها بعد النومه المريحه الي نامتها شافت مشاعل عند راسها وتغير الفوطه
مشاعل: ابتسمت لها هاهـ طميني عساك ارتحتي
العمه: ماقصرتي والله احس فرق كبير الحمد لله
سلطان: كان طالع من دوامه بدري شاف غرفة امه مفتوحه قال اسلم عليها لأنه ماشافها على الفطور دخل هو وابوه للغرفه سواء بس تفاجاء سلطان من وجود مشاعل عندها ابتسم لزوجته وحبية قلبه ماشاءالله ميشو مسويه زيارة بغرفة امي اليوم
مشاعل: ابتسمت له بحب فرحت يوم شافته جاي اشتاقت له وهو بس له اربع ساعات طالع منها
ام سلطان: لا والله مو زيارة الا فقدتني لاني ماجيت افطر جت تطمن علي لقت حالتي حاله سوت لي شوربه وعطتني دواء وكمدتني حتى نمت واحس حالي الحين احسن بكثير
سلطان: قرب منها بخوف بسم الله عليك يالغاليه وباس يدها ليه مادقيتي علي مشاعل
مشاعل: جت تبي ترد
ام سلطان: أنا رفضت متعودة على دواي ماحب دواء هالدخاترة ايه بناتي وولدي مافقدوني ومادر عني وزوجة ولدي هي الي فقدتني واهتمت فيني وجلست معاي ايه ماتدري آخر عمرك من يبر فيك
ابو سلطان: ناظرها ايه اجوديه هالبنيه حظ ولدي فيها
مشاعل: حمرت خدودها استأذنكم وطلعت وخلتهم
سلطان: يناظرها وهي تروح يحبها ويموت فيها وكل يوم يزيد حبها بقلبه
ابو سلطان: هاهـ يامرة عرفتي قيمتها الحين وانها مامثلها ابد
ام سلطان: يوم قالها زوجها كذا رجعت لها غيرتها وتحاول تكابر ايه عاد تراكـ ذليتنا ببنت اخوكـ انا بعد حبيبه معاها وماقصرت لو غيري كان ياحليك اسمع امهات بعض الازواج يطلعون عيون حريم عيالهم انا الحمد لله اخاف ربي واعاملها مثل بناتي ماتشوفها تحبني وتهتم فيني وتخاف علي
ابو سلطان: عصب منها حدر جبل ولا تغير طبع
سلطان: ابتسم لامه وابوه عن اذنكم
ابو سلطان: يرضيك خربتي فرحت الولد
ام سلطان: وهي تحك وش سويت تراك غثيتني
ابو سلطان: والله ان النقاش معك يقصر العمر تمسين على خير
===============
في جناح سلطان
سلطان: راح لغرفته وفتح الباب على زوجته الي توها آخذه شاور وتجفف شعرها
جاء وراها وباسها مع كتفها فديت حبيتي الحنونه ياعالم لا ويلومني فيها قرب عن اذنها وباسها بقوووووة
مشاعل: غمضت عيونها وهي تبتسم
سلطان: بعد عنها حبيتي تامريني بشي
مشاعل: لفت عليه واختفت ابتسامتها ليه تبي ترجع لشغلك
سلطان: لازم حبيتي لسه دوامي مايخلص الا 2 ونصف بس انا ذبحني الشوق قلت امر على حياتي واشوفها وارجع انشط من قبل ههههههههههههه
مشاعل: سلطان
سلطان: ياعيون سلطان
مشاعل: أحـــــــبـــــك وربي بقوووة
سلطان: ابتسم لها بحنان وسحبها لحضنها وضمها بقوووووة وانا امووووت فيك
شدها على الكنبه وجلسها جنبه
مشاعل: حبيبي تأخرت
سلطان/ لابو الدوام كله الي يحرمني من حبيتي
مشاعل: قامت لاحياتي مابي احرجك مع مديركـ
سلطان: حياتي ابجلس معاكـ
مشاعل: شدته مع يده وهي تبتسم له ياعيون حياتكـ راح تلقاني انتظركـ كلها ساعتين زيادة وترجع ان شاءالله وتلقى غداكـ وحمامكـ جاهزين هههههههههههههههههه
سلطان: قام وباسها مع جبينها انتبهي لنفسكـ قلبي وطلع وخلاها
مشاعل: تنهدت بحب ربي لايحرمني من هالانسان احمدكـ يارب انكـ جمعتنا بعد فراق
===================
في المستشفى الخاص
شجون حاضنه ولدها وفارس يمشي قدامها بصمت
فارس: وقف عند الرسبشن وأخد رقم وجلس بعيد عن شجون وولدها
شجون: جلست هي وبندر وتدعي ربها يكرهـ فارس بالدكتوور الي مو مرتاحه لجيتها له ابد
فارس: جاء دورهم لف عليها وهو عاقد حواجبه مشينا
د/ نزار: اهلين وسهلين
فارس: هلا فيك دكتور
د/ نزار: وهو جالس على متكتبه عدل نظارته وناظر بندر الي بحضن أمه هذا ولدك الي كلمتني عنه
فارس: ايوهـ دكتور
د/ نزار: على فكرة انا أمس دققت بأوراقه وشفت كل حالته من خلال ملفه الي جبته لي من المستشفى هناكـ شفت يا أخ نزار ان ولدكـ مافيه أي مانع من حالته تمنع العمليه بالعكس بنظري ان العمليه هي الحل لحالته مادري كيف دكتور كبير زي الدكتور ياسر يرفض اجراء العمليه له أي دكتور قلب شاطر يعرف انه لابد من اجراء العمليه له
فارس: بفرح يعني راح يتشافى بعدها ان شاءالله
ذ/ نزار: اكيد بس ترا العمليه راح تكون مكلفه بعض الشي
فارس: بكل ثقه ماتهم الفلوس اهم شي يكون ولدي بخيرررر
د/ نزار: ابتسم يكون خير راح انسق موعد العمليه واخلي السكرتيرة تدق عليكـ
فارس: طيب ان شاءالله
د/ نزار: وقف ابكشف عليه اطمن بس والا العمليه فيه فيه
فارس: طيب ناظر بشجون حطيه بالسرير
شجون: حطته وقلبهاعلى السرير وبعدت عنه وهي تناظر ولدها الي يرفع يدينه لها بحنان
د/ نزار: قرب لها وكشف عليه بالسريع وبعد عنه وراح لمكتبه وهو عاقد حواجبه مادري كيف الدكتور يغلط زي هالطه هذي يهمله كل المدهـ المفروض عجل بعمليته من يوم جاهـ
فارس: حسبي الله عليه ناس ماعندهم ذمه يالله عن اذنكـ دكتور وراح لسيارته هو وشجون
شجون: ركبت بهدوء
فارس: لف يناظرها قبل يشغل سيارته شفتي هالدكتور الي امنتيه على ولدكـ ماصار عندهـ امانه لوظيفته ولاشي
شجون: لفت تطالعه مو كل شي تسمعه تصدقه يعني قال عنه كذا صار كلام هالدكتور صحيح يمكن هذا حريص علشان هالعمليه الي باهض ثمنها فقط لاغير
فارس: ايه خليك على غبائك وتغريك اللحيه والي يمثلون الصلاح فتحي عقلكـ ولاتصدقي بسرعه
شجون: لفت تطالع الي قدامها وليه انت ماتفتح عقلكـ وماتصدق بسرعه
فارس: لف عليها بعصبيه شجوووون لاتطلعيني من طوري
شجون: بهدوء لو سويت عمليه لبندر وجاهـ شي ماراح اسامحكـ ابد يافارس
فارس: وجعه قلبه من كلمتها حرك سيارته وتنهد بضيق وبقلبه ماتعرفين اني اسوي المستحيلات علشان بندر يعيش وماتفارقيني ابد بس ليتكـ تحسين فيني
=================
في بيت ابو هيفاء
ابو راشد: يالله يا أم راشد جهزو القهوة يوسف وياسر وخالد جاين لي بموضوع خاص
هناء: دخلت على هيفاء أكيد جاين يخطبونكـ لخالد
هيفاء: مستحيل لو ايشم ايصير آخر شي افكر فيه خالد
هناء: ياغبيه كنتي تخططي على اخوهـ وهذا ابوي يقول راح يخطب بنت استاذة مرتين بعد مو مرة وحدة يعني بالعربي اخوهـ مو يمك هذا الي يموت فيكـ
هيفاء: مالي شغل لا فيه ولافي اخوه ومن قال ابيه اخوه اصلا لا تتوهمن شي ماصار جلست على طرف السرير بعدين مجنونة انتي ايش جاب لجالب خالد معاه الثانويه موظف على قدر حاله وانا دكتورة المستوى التعليمي مو متناسب ابد
هناء: خليك بتفكيريك السلبي واجلسي بحضن أمكـ انا بنظري خالد ماينعاب ابد رجال دين وطيبه ماعليه ابد
هيفاء: خوذيه انتي وريحني منه
هناء: اموووت واعرف انتي ليه مو متقبلته
هيفاء: كذا من ربي مابيه ماطيقه مايناسبني ابد
بعد ماتقهو الرجال استأذنو وطلعو
ابو راشد: دخل على زوجته في الصاله وهو سرحان
ام راشد: ايش فيك يابو راشد سرحان وجهك ماعجبني
ابو راشد: نادي لي هنا وهيفاء الحين
ام راشد: سم راحت لبناتها بالغرفه ونادتهم
هيفاء: مرت من عند أختها مالي خلق اطلع اكيد ابوي يبي ينشب لي يجامل عمتي بس لو ايشم اصار ماراح آخذ احد اقل من مستواي
هناء: ترفع يدينها يارب يغصبك ويكسر راسكـ بعد والا خلودي فيه احد يرفضه
هيفاء: اقول امشي قدامي يالله
ابو راشد: يوم جو بناته تعدل بجلسته انتم عارفين ان عيال أختي جاين يخطبون منا اليوم
هيفاء: تغير وجهها وسكتت
هناء: مستغربه انه ناداها مع أختها ايش دخلها بالسالفه
ابو راشد: انا كان نفسي بعيال اختي كلهم ياسر معجبني وخالد بعد بس سبحان الله ياسر يبي بنت استاذة الي رفضته المرة الاولى واصر عليها للمرة الثانيه عاد ربي حقق املي بخالد وجاي يطلب القرب منا بس انا شرطت عليهم موافقتكم
هيفاء: يبهم ابيه ومستحيل ارضى فيه
ابو راشد: ارتاح لردها يابنتي بيني وبينكـ ضقت اول ماتقدمو لأنهم
هيفاء: قاطعتوه الحمد لله رايك من رايي يبه
ام راشد: قاطعتهم انتم اجنيتو خالد احد يرفضه ولد عاقل ويخاف ربه هذا اهم شي
هيفاء: بس انا مابيه يمه زوجوه اختي مادامكم تبونه بس لاتفرضونه علي
ابو راشد: بإبتسامة حنان لبنته وهذا الي صار يابنتي
هيفاء: لفت على ابوها وهي تبتسم يعني تقدمو لي وانت رفضت وحولتهم على أختي
هناء: ضاق صدرها وهي تحس انها فضله بعد أختها بس بنفس الوقت ماتبي ترفض خالد لأنها من صغرها تميل له بس كان يحب اختها الي ماتحبه حبها خلاها تسكت
ابو راشد: مو هذا ال صار
هيفاء: بكل ثقه اجل ايش الي صار
ابو راشد: هم جاين يخطبون هناء لأن خالد يبي هناء
هيفاء وهناء تفاجئو من رد ابوهم بس كل وحدة تختلف وقع المفاجئه عليهم هيفاء انجرحت وهناء فرحت
ابو راشد: وهو يكمل كلامه براحه بعد ماعرف ان هيفاء ماتبيه انا ماخفيكم كنت قاطع قطع انهم يبون هيفاء وكنت حيل فرحان بس خابت فرحتي يوم طلبو الصغيره قبل الكبيره وقلت اخاف اجرحك ياهيفاء بس سبحان الله يوم قلتي ماتبينه ريحتني الله يرحكـ يابنتي دنيا وآخرة
هيفاء: تخبي جرحها وتغصب الابتسامه لفت على أختها اجل راح يكون عندنا عرس ونفرح فيكـ هنو
هناء: بخجل لازم افكر واستخير قبل عن إذنكم دخلت غرفتها معقوله ياخالد تطلبني معقوله حسيت بحبي لكـ بس غريبه طول عمرهـ يحب هيفاء ايش غير رايه الحين معقوله يوم كبر تغير رايه وكان حب طفوله ومراهقه وامسح
هيفاء: عن اذنكم دخلت غرفتها تبلع عبرتها جلست على السرير طيب ماتحبيه ليه تضايقتي حطت يدينها على رجولها وسرحت بعيد تخيلت شكله يوم كانو صغار وهو يلاحقها وهي تصدهـ يوم كانو بالمراهقه واخواته طفشوها من كثر مايجبون شكولاتات يقولون موصينا خالد نعطيكـ ايها معقوله تغير تجاهي تذكرت نظراته لها يوم بالمستشفى كنت اظنها نظرات غيره اتاريها نظرات بعد وتغير شعور اتاريني ماصرت اعني له شي ناظرت فوق كيفه احسن ريحني منه حطت يدها على رقبتها طيب ليه العبره واقفه هنا ليه احس صدري مخنوق وضايق
هناء: طلعت من غرفتها بسرعه دخلت لغرفة هيفاء وهي مرة مبسوطه شفتي سبحان الله ربي حققك مناكـ بدون ماتجرحينه او تزعلين ابوي وعمتي عليك جلست على طرف سرير اختها تسولف وهي مبسوطه مانتبهت لعيون هيفاء الي كلها حزن تعرفين كانت خطبت خالد لي مفاجئه بس ماخفيكـ مفاجئه حلوة
هيفاء: وهي تتغصب الإبتسامه عساها دووم الفرحه ياختي
هناء: انتبهت لوجه أختها وعيونها الي متحرجة دموع فيها قربت منها ايش فيكـ ياختي فيه شي مضايقكـ
هيفاء: مسحت دمعه تمردت وطلعت غصب عنها ابتسمت بحنان لها لاياختي بس غصب عني فراقكـ موسهل
هناء: ضمتها فديتكـ وانا بعد فراقكم مو سهل
هيفاء: بعدتها بس لاتقبلينه وانتي مو مقتنعه فيه بس تخافي من زعل ابوي وعمتي ترا هذا زواج مو لعبه
هناء: تبين الجد
هيفاء: ايوهـ
هناء: بخجل من زمان معجبني بس عارفه انه يحبكـ علشان كذا ماحاول افكر فيه ماتشوفيني كنت دايم اقنعكـ فيه
هيفاء: ياعمري تقنعيني فيه وانتي معجبه فيه
هناء: ابغى لأختي الخير واقدمها على نفسي بعد ان سعدت أختي أكيد ابكون مبسوطه
هيفاء: ضمتها الله يسعدكـ حياتي
==================
في بيت يوسف
نزلو الإخوان لبيت اخوهم
جوهرة: هاهـ بشروني ايش صار معاكم
يوسف: جلس على الكنبة قال يبي يسألها و يرد لنا
جوهرة: تناظر خالد من جد مايعرف لكم يالرجال طول عمركـ مزعجنا فيها يوم جيت تتقدم خطبته أختها
خالد: فسخ شماغه وجلس هذاكـ اول يوم كنت مراهق الحين هيفاء لها طريق وانا لي طريق الله يسعدها مع غيري
غاليه: كل هذا لأنها دخلت طب من يوم دخلته واخوي شالها من راسه
ياسر: تجي الإنسان نزوات ويتحكم فيه قلبه بس مجرد مايكبر يفكر بغقله وقلبه سواء صح ياخوي وابتسم له
خالد: ابتسم له صح عليكـ
جوهرة: الله يوفقكـ ياخوي وجعلنا نفرح فيكـ انت وياسر بنفس الليله
خالد: ابسم بفرح اللهم آمين
=================
في مجلس ابو سلطان
تم عقد قرآن العنود وموسى
سلطان: بعد ماطلع عمه وعياله دخل موسى على العنود
العنود: كانت لابسه فستان سكري ماسك على جسمها العريض ويبن طولها أكثر مسويه تسريحه ناعمه وكانت ترجف من الخوف لأن هذا ثالث زواج لها خايفه ماتتوفق
ابو سلطان: كان جاي مع العريس وولدهـ يزفونه لبنتهم تفضل على بركة الله
موسى: كان لابس ثوب وشماغ بدون عقال وقف مكانه يوم شاف العنود فرق كبير بالشكل بينها وبين زوجته حتى الثتن الي تزوجهم بعد وفاة زوجته ماكنو زي العنود
العنود: رفعت عيونها له شافت رجال متوسط الطول لحيه كثيفه يتخللها بعض الشيب رجال جدا عادي بالشكل لو كانت العنود زي اول ابد مايدخل موسى بشكله المتواضع مزاجها بس هي بعد جمال صلاح كرهت جمال الرجل اهم سي عندها طيب أخلاقه
موسى: قرب لها وصافحها وبارك لها وجلس جنبها
سلطان وابوهـ وامه طلعو من عندهم
العنود: مستحيه منه وخايفه بنفس الوقت وتدعي ربها التوفيق
موسى: مايدري ايشي بدا كان يسمح على لحته وهو يفكر بكلمات مناسبه لف عليها بإبتسامه ماشاءالله ماتوقعتكـ كل هالزين
العنود: ابتسمت له من ذوقكـ والله
موسى: شوفي يالعنود ابكون صريح معك وقبل نروح لبيتنا ابحطكـ بالصورة ترا انا ربي رزقني اربع عيال بنتين وولدين أنوار ومنار والعيال فيصل ومازن بس ابخليك بالصورة انوار وفيصل لأنهم بسن مراهقه مرة تعبوني وماخلى زوجتي الثانيه تتركني الا بسببهم الله يصلحهم اما الثالثه قست عليهم ماتحملتها وطلقتها بس منار ومازن لسه صغار ومحتاجين عطف يمكن لو حنيتي عليهم راح تسكبينهم تعرفين ايتام وفيهم أجر وانا ماخفيكـ جنوني ولا احد يكدر او يضيق على عيالي وبنفس الوقت زوجتي بعد لها حق مابي عيالي يضايقونها بس اتمنى انك تكوني عاقله وصبورة وحكيمه ويمكن بعد تويفق ربي يكونون مكانة عيالكـ
العنود: اعجبة بصراحته معاها وبمحاولته الجمع بين سعادة عياله وسعادتها ردت بهدوء ربي راح يقدرني اكسب قلوبهم واكون وجه سعد عليكم مو وجه كدر
موسى: اعجب بردها ابتسم لها ووقف يالله أجل نروح لبيتنا
ارجعو للبيت وكانو العيال بيت عمتهم صفيه تحبهم ويحبونها اقترحت على ابوهم ماياخذهم منها وينامون معاها والصباح رباح
العنود: دخلت للبيت كان هادي علمها موسى عن مكان عياله وفرجها على البيت حست بانشراح للبيت
موسى: جابها لها العشاء والعصير وجلسو بعد ماتعشو سوالف
العنود: كانت تدقق بكل كلمة من موسى علشان تعرف طباعه هو عصبي او هادي ايش يحب وايش يكرهـ عرفت ان موسى كتاب مفتوح سهل تتعاملين معاهـ لانه ضد الغموض او اللف والدوران اعجبت بشخصيتع الرزينه الحنونه الحكيمه المتدينه
في الصباح بعد ماقامو العنود وموسى رجعو عيالهم
العنود: فرحت وهلت فيهم
مازن منار سلمو عليها بخجل وهم يطالعون بعيون اخوانهم الي كلها تهديد يوم شافو فيصل يهدد هو وانوار تغيرت ملامح وجيههم وبعدو عن العنود
العنود: رفعت راسها شافت التهديد من نظراتهم لإخوانهم ماحبت تضغط عليهم تركتهم تسندت وابتسمت لفيصل بأي سنه حبيبي فيصل
فيصل: يرص على اسنانه يهمس لأنوار حبك قرد قولي آمين ناظر ابوهـ يخاف يزعل تصنع الأدب بثالث متوسط
العنود: ابتسمت له ماشاءالله تباركـ الله عقبال الجامعه يارب وانتي حياتي أنوار بأي سنه ؟؟؟
أنوار: تهمس لأخوها حية تقرصكـ وتفكنا منك قولي آمين ردت من غير نفس ثاني متوسط
العنود: ماشاءالله اجل بينكم سنة وحدة بس
أنوار: بتريقه لا عشر سنين أكيد وحدة مايبي لها ذكاء
موسى: أنــــــــــــــوار
أنوار: خافت من ابوها وسكتت
العنود: تداركت الوضع صادقه واضحه فديتك وضحكت لها
أنوار: تهمس لأخوها ياسمجك بعد إف تغث
فيصل: صبركـ علي ان ماجننتها ماكون فيصلوهـ
موسى: اجل انا ابصل لي مشوار تآمريني على شي العنود
العنود: ابد سلامتكـ
موسى: لف على عياله وانتم توصوني بشي
أنوار وفيصل : سلامتك يبه
مازن: بدلة كورة بكرة علينا بدنيه
موسى: على هالخشم وانتي منوري تبين شي
منار: الوان خشبيه حقاتي ضاعو
موسى: مرة ثانيه لاتضيعنهم آخر مرة اشتري لكـ
العنود: اصلا راح نحطهم انا وياها بدرج خاص
أنوار: ماحد يرتب أغراض أختي غيري وماحد يقرب غرفتها
موسى: بعصبيه مكبوته خالتكـ لاالعنود بحسبة امكم تدخل كل غرفكم البيت بيتها وبيتكم
أنوار وفيصل شوي ينفجرون ويكرهونها أكثر
موسى: راح متجه للباب
العنود: قامت تودعه وتعطيه شماغه
موسى: وهو يلبس شماغه معليش ثقلت عليك أنوار اليوم بس لاتواخذينها تراها مراهقه
العنود: ابتسمت مستحيل اواخذها بس ليتك فذيتك ماتوبخهم علشاني لأنهم كذا راح يزيدون كرهـ وبعد عني
موسى" فرح لاهتمامها وحرصها انهم يحبونها سمي ولايهمكـ ماراح اقول لهم شي مرة ثانيه وماقصرتي لاهتمامكـ وحرصكـ
العنود: خلاص يابو فيصل هذولا بحسبة عيال فلاتشكر الأم على حرصها لعيالها
موسى: ارتاح قلبه لردها واعجب فيها كثير
==============
في بيت غلاب
دخل تعبان وجيعان من شغله لقى البيت هادي راح للمطبخ مالقى طبخ ولاشي راح فوق للغرفه دخل على غرفه باردة ومظلمه وسبيكه بسابع نومه ضاااااااااق مرة لتصرفها وتطنشيها له وعدم اهتمامها تخيل يوم كان مع مشاعل ماتخيله ابد لو كانت سهرانه وتعبانه تقوم تجهز غداه فطوره عشاه مر من جهة سريرها وقال اوووووف بصوت عالي
سبيكه: تنبهت وفزت يوم شافته سحبت جوالها تشوف الساعه كم شهقت يوم شافتها 2 ونصف بعدت لحافها آسفه حبيبي ماجهزت غداك الحين اقوم واجهزهـ
غلاب: دخل بفراشه بعد ماغير ملابسه مابي شي كملي نومتكـ سحب لحافه وعطاها ظهرهـ
سبيكه: قربت منه وحطت يدها على كتفه حبيبي والله مادري ايش سالفتي مع النوم غصب عني والله ووو
غلاب: بعصبيه مايبي يطلعها سبيكه بدون ازعاج تكفين تراني اكرف من الفجر مو زيكـ بفراشكـ توكـ تصحين يعني تعبان مررررة مابي أي تبرير
سبيكه: بعدت عنه بحزن انا كيف اسوي كذا وليش أنام ايش جاني ياربي تناظرهـ وهو معطيها ظهرهـ كيف اراضيكـ الحين ياغلاب
==================
في بيت الاستاذ محمد
محمد: ارجوك يانجود فكري زين الرجال مشتريكـ
نجود/ يبهم ابيه ياخذني رحمة وعطف وحنان افهمني
محمد: يابنتي والله الرجال ماينتعوض ابد ليه ماتفتنعين ماصدقت ولاحلمت يجيك زيه
نجود: بعصبيه على ابوها ليه ايشن اقصني انا
محمد: مايبي يجرحها مانقصكـ شي زين وحلا وكل شي فديت قلبكـ
نجود: خلاص موافقه عليه بس الزواج ماراح يتم الا بعدالعمليه
محمد: طار من الفرحه جد حبيتي قام وضمها وباسها الله يوفقكـ واصلا هو مو مستعجل ابد على الزواج الحين وقايل لي أي شرط تبيه انا موافق عليه
نجود: ابتسمت لابوها بشرهـ اني موافقه عليه >>>> يالبى الثقه يابنت بشرهـ مرة وحدهـ
============================
في الكفي
كان مشاري وياسر جالسين يتقهون ويسلفون ويفضفضون على بعض دق جوال ياسر
ياسر: وعليكم السلام ورحمة الله وبركاته
جد الحمد لله ايه تم الي تبيه يصير اصلا مستحيل يكون الزواج الا بعد العمليه ان شاءالله شي أكيد
مشاري: يناظر ياسر ويتابع المكالمه وعرف ان بنت محمد وافقت على ياسر
ياسر: سكر من محمد وحط جواله على الطاولة ابتسم بنت استاذي وافقت علي
مشاري: ببرود مبروكـ ياخوي
ياسر: يقلدهـ مبروكـ ياخوي ايش فيك مافرحت لأخوكـ من قلب
مشاري: فيه أحد مايفرح لأخوهـ بس انا قايلكـ وجهة نظري بالخطبه هذي كلها
ياسر: اخذ كوبه عارف انكـ ماقتنعت ابد
مشاري: ليه تضحي وتتزوج وحدة مريضه وحالتها خطيرة بس علشانكـ ممتن لأبوها
ياسر: مو كله لأني ممتن لأبوها انا خلاص لازم اتزوج واستقر
مشاري: الف بنت تتنماكـ ياياسر وانا ذكرت لكـ بنت تناسبكـ والدكتورة الي معاكـ كلهم سليمات مافيهم شي تعرف كيف معاها القلب احتمال تحمل وتجيب لكـ ولد يكون يتيم الأم وتعاني أنت
ياسر: الاعمار بيد الله ياخوي ويمكن تتزوج وحدة مافيها شي تموت سكته او حادث او مرض مفاجيء ان قلت انا كذا عنها وغيري ابعد عنها من يتزوجها ليه نحرمها من السعادة وتعيش زيها زي غيرها
مشاري: مو بس مريضه ابوها حذركـ قالكـ مدلعينها أكثر اخوانها اخاف تتعب معاها أعرف طبعكـ يا ياسر مو هادي زيي يقدر يستحمل طبعكـ ماتتحمل الغلط اخاف تتعب وتتعبها معاك أسألني أنا ياخوكـ ان ماكان الزواج تفاهم بين زوجين ماراح تذوق طعم السعادة
ياسر: مو لازم اكون سعيد سعادتي راح القاها اذا شفتها بوجه زوجتي اما عني حرمت من السعادة من صغري تعودت اعيش كذا
مشاري: مسكـ يده ماتعودت ياسر الي يخاف ربها يقنط من رحمة ربه
ياسر: مسح وجهه استغفر اللعي ارب صادق ياخوي ربي كريم سبحانه وان شاءالله اكون سعيد وأسعدها
مشاري: اتمنى لكـ السعادة من كل قلبي
==================
في الجامعه
غلا: معاها اغارضها ورايحه لقاعتها مرت شافت ورود جايه من الجهه الثانيه نادتها ورود
ورود: لفت عليها اهلين غلا
غلا: حمد لله على سلامتك كيفك الحين
ورود: الحمد لله احسن بكثير
غلا: غبتي يومين خفت عليكـ بغيت اتطمن عليكـ بس ماحصلت رقمكـ
ورود: ماتقصري سجلي رقمي عندكـ افرح لو دقيتي
غلا: طيب خوذي
ورود: ايش هذي؟؟؟
غلا: المحاضرات الي فاتتك سجلتها لكـ
ورود: تفاجئت مشكورة ياروحي كلفتي حالك والله
غلا: ماكلفت حالي ولاشي وقفتكـ بعمري مانساها يالله تعاب ندخل هذا الدكتورة جت
ورود: احجزي لي مكان ابجلس جنبك دقايق بس اشرب مويه وارجع
غلا: اوكـ انتظركـ
جلسو جنب بعض وعبير تناظرهم بحزن من بعيد تشوف اهتمام غلا بورود وكيف ورود مبسوطه في علا ايه راح تتمصلح معاها وتستفيد من شطارة غلا كل الي سوته مسرحيه علشان تكسب حب غلا آآخ يالقهر
===============
في بيت موسى
العنود: دخلت غرفتها وجلست راحت تحممت وبدلت ملابسها ولبست روبها وهي جالسه على الكرسي قدام المرايه الا فيه شي يتحرك دققت شافت ضب صرررررررخت بقوة وطلعت من الغرفه
موسى: كان جالس عن أنوار يكلمها بموضوع سمع صراخ زوجته ركض هو وعياله ناحيتها
أنوار وفيصل يشوفونها طالعه بالروب فشيله عجزو يحجرون ضحكتهم ورجعو لغرفة فيصل
أنوار: كفكـ ياخوي هههههههههههههههههههه
فيصل: ان ماجننتها ماكون فيصل قبلها زينب وطردتها ومها وشتها الحين الدور عليها
أنوار: لا وتمثل علينا مسويه الأم الحنون مالت عليك يالطويله البرصاء الهبلا
موسى: دخل للغرفه يحاول يطلع الضب وهو فاير من العصبيه لأنه عارف ان فيصل مسوي هالحركه مسكه وطلعه برا ورجع معصب يبي يروح لغرفة فيصل
أنوار: ياويلي شكل ابوي رجع ابروح لغرفتي اخاف يذبحني معاكـ
فيصل: جبانه ماخاف منه ولا من غيره >>> سن المراهقه مو سهل
موسى: كم مرة يصبر على اغلاط موسى مع العنود بس هالمرة طولها قبل مايوصل لغرفته ركضت العنود له ومسكته ايش راح تسوي
موسى: وهو معصب ابكسر راسه علشان مرة ثانيه مايسوي حركات سخيفه زي هذي
العنود: علشاني امسحها بوجهي هالمرة
موسى: الى متى نسكت الولد كل شوي يتطاول اكثر يالعنود
فيصل: طلع ماتطولت ولاشي كنت حاطه بكرتون عندي وهو راح لغرفة هذي
موسى: احترمها وقول لغرفة خالتي مو هذي
العنود: خلاص ابو فيصل تعال ريح حصل خير وصادق فيصل تلقاهـ طلع من الكرتون ولقى باب غرفتي مفتوح ودخل
موسى: انتي ماتفتحي غرفتكـ والضب مايدخل تحت الباب فيه واحد قليل ادب دخله ويناظر ولدهـ بعصبيه
العود: مسكته مع عضدهـ ترا راس ماله ضب مو ثعبان بس أنا خوافه يالله مشينا لغرفتنا
موسى: ناظر ولدهـ هالمرة علشان خالتكـ سامحتكـ بس المرة الثانيه ماراح تفلت من يدي ابد.
انوار: يوم راح ابوها مع زوجته جت هي واخوانها لفيصل حظكـ ماجلدكـ
فيصل: مسوي البطل الي مايخاف عادي مايهمني شي
منار: مادري ليه انتم معاهم كذا احس خالتي العنود طيبه وحنونه معانا مرة كم مرة تشتري لي لعبه وتذاكر لي دروسي
انوار: شدتها مع اذنها ان سمعتكـ مناديتها خاله لاذبحك فاهمه او لا
فيصل: مابقى الا بزر بثاني ابتدائي تنصحنا
مازن: صادقه منار زوجة ابوي طيبه احسن من الي قبلها ليه انتم مو متقبلينها
فيصل/ جاكم البزر الثاني اقول روح لفراشك وقبل ماتروح مر الحمام علشان ماتسويها على نفسكـ
أنوار: ههههههههههههههههههههههههه ههههه قويه
مازن: طالعهم بنظرة استحقار وراح وخلاهم هو واخته منار
=====================
في غرفة العنود
موسى: والله ليتك فكتني عليه لأدبه واحد بعقله يحط لك شي يخوفك بالليل
العنود: موسى احنا نتعامل مع سن مراهقه وهالسن تراهـ سن حساس مرة والحين هم مو متقبلني مكان أمهم الله يرحمها وصدقني اعرف كم ناس موجودين ابوهم وامهم مع دلك يعانون من مشاكل عيالهم بالسن هذا الشدة مع انوار وفيصل ماراح تفيد ياموسى لازم نعاملهم بحكمه وتراني لسه عندهم مالي الا اسبوعين مو بسرعه يتقبلوني المسألة يبي لها صبر
موسى: تنهد بضيق الله يعين أهم شي ماتتضايقي تراكـ وربي داخله القلب ومتشعبه فيه بعد
العنود: اتبسمت له ماراح اضيق وجود عيالكـ حولي يسعدني ربي حرمني من عيال ورزقني بعيال زوجي هم بحسبة عيالي فلا تشيل لي هم ابد فديتكـ
==================
في بيت أهل دلال
دلال: جالسه بغرفتها فارس رجع ينشغل عنها بتعذر بمواعيد ولدهـ ويروح يوديه للمستشفى ويطول ببيت أهله هي كلمت على وليد وطلبها كام رفضت اول شي بعدين وافقت فتحت له الكام وكان متكشخه ومبينه مفاتنها
وليد: وووووووواوووووو ايش هالزين كله يادلال بقلبه مادلك
دلال: فرحت بكلامه حيل وتمثل الخجل عليه فاقدة هالكلمات الحلوة والغزل من فارس
وليد: جلس يتمدح فيها ويمثل انه ذايب بهواها
دلال/ استمرت وياهـ ساعه حتى دق زوجها سكرت ونزلت لفارس دخلو البيت تتميلح عند فارس لأن وليد قبل شوي ذايب عند لبسها وشكلها
فارس: ناظر لبسها ماتلاحظين البلوزة مرة ضيقه عليك مرة ثانيه اختاري بلايز أكبرتراك ماعدتي نحيفه زي اول حاولي تخففين وزنك يادلال كل شوي تسمن أكثر شوفي غيركـ جايبن عيال وأجسامهم مثاليه
دلال: عصبت تقصد شجين صح
فارس: بكل برود ايه صح فرق كبير بينك وبينها مع انها جايبه ولد بس الي يشوفها يقول لسه بنت
دلال: الله يمليلك بركتها وجسمي عاجبني ماراح اغير شي فيه عن اذنكـ ابروح أنام حطت راسها على مخدتها تتدكر كلام وغزل وليد وتقارنه بتحطيم فارس تنهدت بضيق وحاولت تنام
===================
في بيت اهل فواز
فواز : نازل مقرر يفاتح أمه بموضوع غلا خلاص مو قادر ينساها او تغاب عن باله لازم يخطبها وبأقرب وقت ممكن
أمه: كانت تتابع المجد يوم جاء ولدها قصرت الصوت
فواز: يمه ابيكـ تخطبين لي
أمه: فرحت هذي الساعه المباركه مو قادرة اصدق وليدي وحيدي اخيرا يبي يفرح قليبي ويخطب خلاص وانا أمكـ ابدور لك بنت حلال تناسبكـ واوصي خواتكـ بعد انا عن نفسي بخاطري بهند بنت عمتكـ
فواز: لا لا يمه البنت ببالي ومابي غيرها
أمه: مين؟؟؟
فواز: أخت عبدالرحمن زوج ريوف
أمه: تغير وجهها قالت بس وسكتت
فواز: ايش بس وليه يمه تغير وجهكـ
أمه: يمه احسها ماتناسبكـ انت تناسبكـ وحدة رزينه وعاقله وراكدة البنيه صغيرة وخفيفه ماتحسها جديه بحياتها
فواز: يمه تعيبن شي بلبسها
أمه: ابد الله يستر عليها
فواز: تعبين شي بدينها
أمه: ابد الله يحفظها
فواز: اختي اشتكت عنها بشي مرة
أمه: بالعكس أختكـ تحبها مرة وبس تمدح فيها
فواز: خلاص هذا اهم شي عندي دين واخلاق وبيت ماشاءالله مامثله امها وابوها واخوها ناس محترمين ومترابطين هذا اهم شي عندي
أمه: ماقدر اقول شي هذي حياتكـ وانت حر فيها فديت قلبكـ والله يسعدكـ معاها او مع غيرها وجعلني ماموت حتى اشوف عيالكـ يلعبون بيننا
فواز: باسها مع راسها الله يعطيكـ طولة العكر يالغاليه
===================
تمت خطبة هناء لخالد وياسر لنجود
واليوم ملاكهم خالد وهناء العصر
وياسر ونجود المغرب
وهيفاء ماتت بحسرتها وقهرها بس تحاول تخفى هذا عن اهلها وتكابر وانه ماهمها شي
العشاء كل واحد يبي يدخل على عروسته ويجلس معاها ويتعرف عليها
.......... ووووو
====================
في بيت ابو عبدالرحمن
غلا:يمه مالي نيه اتزوج الحين ومافكر ابد بالزواج
نوال: يانتي الرجال ماشاءالله ينشراء اخوكـ وابوكـ يمدحونه
غلا: يمه ماعبت عليه شي بس انا مابي اتزوج الحين وووو
نوال: لا ووا ولا شي استخيري وفكري زين وردي علينا لاتستعجلين ابد شاوري الي تثقين وترتاحين لهم مو لازم أنا أي وحدة تثقين برايها وحكمتها قربت لها وباستها مع راسها حبيتي وقلبي لاتستعجلين وتندمين خلاص ياروح أمكـ
غلا: ان شاءالله يمه
يوم طلعت أمها قامت وتوضت وصلت بس مترددة ماتبي تتزوج وماتبي ترفضه تندم بعدين بس فيه اشياء ببالها تفرض عليها ترفضه تحول بينها وبين فواز فكرت من تشتشير عرفت بكرة ان شاء الله اروح لها واستشيرها هي الوحيدة الي اقتنع برايها وحكمتها
^
^
^
اسأله تفرض نفسها
ايش يبي يصير بلقاء هناء وخالد &&&& نجود وياسر ؟؟؟؟
غلا راح تقبل خطبة فواز او لا وايش الاشياء الي تمنعها تقبله ومن هي الانسانه الي تثق فيها وراح تستشيرها ؟؟؟؟
دلال والعلاج الغلط ايش النهايه المرة الي راح تنهي لها؟؟؟
هل راي مشاري صح ونجود وياسر راح يتعبون بحياتهم او راح يلقى سعادته معاها وينسى حبه القديم..؟؟؟؟
سبيكه هل نومها بدايه مشاكل لها مع غلاب ؟؟؟؟
عملية بندر والمصير المجهووووووول
كل هالاشياء راح نعرفها بالجزأ الثاني والاربعون
ان قدرني ربي راح يكون يوم السبت القادم وان شاءالله يكون بارت اطول من هذا
