رواية جحيم العشق الاسود الفصل الثالث 3 بقلم فريده احمد
الفصل الثالث(صدمه قاتله)
ف البلد، ف سرايا القناويه.
حمزه: اخرس يا عتمان، بتبارك لي كيف انت، وينه عمي حمدان.
عتمان: بوي ف الموزرعه، لسه ما عرفش انك رچعت يا واد عمي.
حمدان من خلفهم: لاه عرفت دلوكت، كفاره ياواد خوي.
حمزه بزعيق: انت كيف يا عمي تسمح بالمهزله دي تحصول ف غيابي، كيف سبتو العومديه لعيله الأنصاري، حتي لو بوي مات، كان لازمن انت اللي تمسكها.
عتمان: ياواد عمي، الناس ماعيزناش، انت محبوس بجالك كد ايي، الدنيا اتغيرت كتيير يا حمزه،مبجاش ينفع نغصب الناس كيف زمان.
حمزه:كماني فجدتوا السيطره ع الناس يا عمي،لاااه،البلد چرالها إيي ف غيابي،مكنوش عشر سنين عمي يا عمي،ارچع ألجي ابوي ميت،والعموديه ومچلس الشعب رايح مننا.
حمدان:ما تجلجش يا واد خوي،كل حاچه هترچع لأصلها،بس اصبر انا كنت صابر اما انت تخرچ لنا بالسلامه.
حمزه:واااه،ليي مفيش رچاله غيري ف العيله ولا ايي.
حمدان نظر لأبنه عتمان وقال بحسره:لاه،مفيش رچاله من بعدك يا حمزه،عيالي وخواتك، وعيال اعمامك،اتعلموا واتثجفوا ف مصر وجال ايي مالهومش ف التار و حوارات الصعايده كيفنا،من بعدك يا جناوي يا صغير،معدتش في نخوه ف عيله الجناويه.
حمزه بغضب:ماشي يا عمي،انا هرفع رأسكم من الأول وچديد،وهخرس كل كلب نبح عليكم ف غيابي،لساتهم ما يعرفوش مين هوه حمزه الجناوي.
&&&&&&&&&&&&&&&
ف مشفي الطريق
حامد:انتي تاني هوه حضرتك بتطارديني بقي ولا إيه.
سما:لاء يا حامد انا جايه لك ف مصلحه هتعيشك ملك باقي حياتك،قلي لو مهتم هكمل كلامي.
حامد:بصي يا إبله،انا عدي عليا كتير اوي زيك،بس هجيبلك الأخر،حضرتك انا مش للبيع،لا انا ولا ضميري،انتي جايه تعرضي عليا كام ألف وتغري عيني عشان اشتغل لك ف تجاره الاعضاء ولا تهريب المخدرات ف الجثث،لاء آسف انا مش....
سما:بسسسس،اهدي يا حامد،اعضاء إيه ومخدرات إيه بس... انا شكلي كده برضو،الله يسامحك،انا كنت عايزاك تنقذ حياتي.
حامد:انا آسف فهمتك غلط هوه حضرتك مريضه.
سما بتعب:آه،مريضه بالحب،انا عشقت راجل شبهك الخالق الناطق،وبسبب حبي ليه حياتي وقفت،جدي بيغصب عليا يجوزني ابن عمي اللي كنت بحبه قبل ما شبيهك يطلع لي ف البخت،بس انا بعد موت حبيبي مش قادر افتح قلبي ل راجل تالت،انت فاهمني.
حامد:انتي لو بتقولي ألغاز مش هتبقي صعبه كده،ممكن واحده واحده تفهميني إيه الحوار وانا لو هقدر اساعدك مش هتأخر واللهي يا استاذه.
سما حكت له كل حكايتها عدا انها هيه من قتل منذر شعرت انه سيخاف منها،اذا عرف انها قاتله.
سما ببكاء: ودي كل حكايتي،انا ما شفتش ف حياتي غير الظلم،ودلوقتي انا عايزه أخد حقي من الدنيا ومن اهلي ومن ابويا اللي كان هيتجوزني،وخصوصا ابن عمي اللي عايز يلعب بيا الكره،يحبني ع كيفه ويكرهني بمزاجه،لاء يا حامد انا عايزه ابني شخصيتي بقي،عايزه ااقدر اقول لاء بقلب جامد،عايزه حيطه اتسند عليها يا حامد،وانت هتكون سندي لو وافقت،وما تخافش،انا هدفع لك مبلغ كبير،بص هكتب لك تلت ثروتي بس مقابل انك توافق تساعدني ونمثل عليهم الجواز،او ع الاقل نتخطب،ولما حسن يتجوز ويشلني من دماغه وقتها انا هحلك من وعدك وهديك حقك تالت ومتلت ها قلت إيه.
حامد:يعني انتي عايزاني ارجع منذر الراجل اللي كل حكومات العالم بتدور عليه،وعايزاني ادخل عيلتك اللي منذر قاتل ظابط فيهم،وكمان عايزاني امثل اني متجوزك واعيش معاكي ف سرايا جدك ف الصعيد.
سما:تقريباً كده كل كلامك صح.
حامد:طب ممكن افهم ليه،عايزه ترجعي لسرايا جدك ليه وانتي مش طايقه حد فيهم.
سما:لاسباب بسيطه اوي،عشان احرق قلب حسن،واغيظ جدي،وااقتل ابويا بالبطيئ،لأني ناويه اخد منه منصبه ف المجلس،انا عايزه احزنهم ع كل حاجه،زي ما حزنت عمري كله،واخرتها بدل ما يعوضوني اللي عملوه فيا وف امي،لاء عايزين يجبروني اتجوز حسن عشان اضم ثروه طليقي لثروتهم،شفت جشع اكتر من كده.
حامد ف نفسه((لما هما ناس جشعه اومال انتي تبقي ايه عايزه تكدبي ع اهلك وترجعي الميت للحياه وتقهري قلب راجل بيحبك وصبر عليكي تلات سنين وكمان ابوكي عايزه تموتيه بحسرته وكل ده وهما اللي وحشين وانتي ملاك،بس عاما عادي المهم مصلحتي انا،واللهي يا حامد البت دي فرصتك اللي ياما حلمت بيها،وافق يا عم واتجوزها ،واسحب منها ع قد ما تقدر،وف الاخر خد نص فلوسها،المهم شوف مصلحتك انت بقي))
سما:ما ترد عليا بقي طمني،قلت إيه .
حامد:ماشي يا سما انا موافق ااقلب ل منذر دا،بس مش هتكلم لبناني مش هعرف يا بنت الناس،انا هتعامل عادي مع أي حد،بس ف حاجه بقي،،،،انا هأخد النص،ايه رأيك
سما ف نفسها((النص،لاء وبيقولي مش هبيع ضميري،اما استغلالي ناقص بصحيح.))
مدت يدها له بغرور:موافقه،هنبتدي من دلوقتى هتسيب شغلك وهتيجي معايا هعرفك كل حاجه لازم تعرفها،ولازم تتحول لشخصيه منذر مش اسمه وشكله وبس.
&&&&&&&&&&&&&&&
ف بيت صباح
صباح:اهلا بالست المحاميه،دا انا كنت مستنياكي من بدري،اتأخرتي علينا ليه كده.
نورهان:معلش يا صباح،انا عارفه طبعاً ان كان لازم أجي اشكرك ع مساعدتك ليا.
صباح: عيب يا ست نورهان دا انتي متوصي عليكي من المعلمه عيشه،عاما ياختي انا هخفيكي ف حته امان اوي.
نورهان بعصبيه:بس انا مش عايزة استخبي يا صباح انا عايزه اوصل للمعلم قدري رحيم،لازم اخد حقي منه،سنين الظلم اللي شفتها ف السجن وحياتي اللي اتخربت بسببه لازم ادفعه تمنهم غالي.
صباح:اهدي بس يا ست البنات،الدنيا ما بتمشيش كده،اولا انتي لسه هربانه من السجن مابقالكيش كتير،وعيون الحكومه مفتحه و مخبرينها مرشقه ف كل حته خصوصا ف الاماكن اللي زي دي،وتاني حاجه واهم حاجه،المعلم قدري ده،هوه نفسه خالد رحيم،انا سألت عنه وعرفت حكايته،دا كان تاجر سلاح عادي وف يوم الحكومه طبت عليه ف بيته وحصل ضرب نار ماتت شمس مراته هيه وعياله التلاته،قوم ايه،هوه هرب من الحكومه،بس اتعرف ع ناس تقيله،وكبروه ودخلوه منظمه سوده،كل رجالتها وحريمها،ناس تقيله اوي،محدش يعرف يمسهم،لا من الحكومه ولا من الفضاء،وع كده خالد دا بقي ياخد حقه من الحكومه ويقتل فيهم وينصب لهم كماين ولا الارهاب و بقي كابوس الحكومه،تخيلي ان محدش قادر يعرف شكله لحد دلوقتى،غير طبعا الكبارات اللي مشغلينه،والناس بتاعته،بس يا نورهان ياختي،يعني الراجل دا شبح،وانتي يا غلبانه فاكره نفسك هتقدري عليه.
نورهان بغضب:ايوا هقدر يا صباح،انا ما يهمنيش الحكومه ولا الناس اللي حاولت توصل له،انا عايزه بس اعرف بيته،او حد من اللي شغالين معاه شخصيا،عايزه اوصل لاي حد تبعه،وانا عليا الباقي.
صباح:فهمتك ياختي،بصي انتي هتتكني عند واحده حبيبتي ،هيه بت شمال صح،بس انا هنبه عليها مالهاش دعوه بيكي،انتي هتقعدي عندها ضيفه،لحد ما اعرف لك حد من طرف المعلم قدري،وهحاول اشوف لك سكه تدخلي له بيها ماشي،،اه ما تستهونيش بيا،انا شكلي غلبانه وعايشه ف منطقه شعبيه،بس سيطي مسمع من الشرقيه للبحر الاحمر.
ضحكت نورهان:انا عارفه وعيشه واثقه فيكي اوي هيه خلاص مدتها خلصت وكلها شهر كمان وهتخرج.
صباح:انا عارفه،بس من هنا لحد ما تخرج مش عايزاكي تحاولي تتواصلي معاها،عشان الحكومه عينها هتفضل عليها،وانتي فاهمه بقي يا ست المحاميه.
&&&&&&&&&&&
ف قصر محمود
محمود:تعالي يا سما،اول ما افتكرتي ان ليكي اخ،تعالي طمنيني عليكي.
سما بتوتر:محمود انا مش جايه اتضايف،انا جايه لك ف موضوع كده وعارفه انه هيضايقك.
محمود:خير ف إيه.
سما:محمود انت عارف طبعاً ان ابن عمك عايزني،وانا مش عايزاه،وعارف ان جدك مصر يجوزني ليه عشان فلوسي،وبرضو عارف انا قلبي مع مين.
محمود انتفض بعصبيه:انتي عايزه تجننيني معاكي ليه يا سما،حب إيه اللي كل شويه طالعه لنا فيه،انتي واعيه لنفسك بتقولي إيه،خلاص دماغك ضربت.
سما بصراخ:محموووود،لو سمحت كفايه بقي،انت فاكر نفسك مين عشان تحاسبني احب مين وما احبش مين،منذر انا قتلته بسببك،قتلته رغم اني ما شفتش منه حاجه وحشه،و لعلمك بقي منذر عايش.
محمود بصدمه:ايييييييييه،عايش،فين هوه...
قاطعته بحزم:محدش فيكوا هيمس شعره منه،منذر فقد الذاكره لما وقع ف النيل،مش فاكر غيري انا انا قابلته صدفه،وهوه عرف شكلي وكان ناسي اسمي واسمه،انا قلت له اني خطيبته،وما حكيتلوش ع ماضيه الاجرامي،بص يا محمود انا عارفه انك بتكرهه و بتحمله ذنب احمد،بس هوه خد جزاءه ومات مره،بس ربنا بعتهولي انا،رجعهولي من الموت عشان يرحم قلبي،بس يا محمود انت اخويا صح واحمد كان اخويا،وانا اللي خدت بتاره،،بس دلوقتى،منذر بقي بني ادم جديد،نضيف،مش فاكر انه مجرم،وانا مش هسمح لحد يفكره ب ماضيه،يا محمود انا بحبه وعايزاه،ولوانت اخويا صح وبتحبني سبني اتجوزه واعيش معاه،انا ماعرفتش السعاده غير معاه،اديله فرصه وحاول تسامحه عشان خاطري انا،لو مصلحتي تهمك سبنا ف حالنا ووافق بالجوازه دي.
محمود بصراخ:لااااااااء،انتي اتجننتي رسمي ،انتي عايزاني انا اوافق ع جوازك من ارهابي زي دا واحط ايدي ف ايده وادخله عيلتي،عايزاني ارحب بقاتل اخويا يا سمااااا،انتي ايه،مصنوعه من حجر.
سما ببرود:لو هوه قاتل ومجرم ف انت زيه وما تتخيرش عنه انت وولاد عمك،انت تاجر سلاح وعمك وعياله تجار سموم وأثار لا عندكوا مبدأ ولا دين،زيكم زي الارهابيين بالظبط،بس هما ع الاقل عارفين نفسهم مش مستخبيين ورا قناع رجال الأعمال ،وشخصيات مهمه ف المجتمع.
محمود صفعها بقسوه نور مسكت يده وقالت بغضب:بس يا محمود،انت بتعمل إيه،بتضرب اختك.
سما بسخريه مره:قبل ما تضربني شوف انت كمان متجوز إيه،اتجوزت خدامه عندك ،كانت عامله فيها راجل،وشغلتها ف السلاح والله اعلم شغلتها ف ايه تاني،والنبي قبل ما توعظني اوعظ نفسك وانت كلك عيوب ،بتحرم عليا حب مجرم وانت ومراتك ابو الإجرام والحرام كله.
نور نظرت لها بغضب،محمود كاد ان يضربها مجددا،تركته ورحلت قالت قبل خروجها.
سما:انا مكنتش جايه اخد إذنك،انا جيت احذرك وتوصل التحذير دا لأبوك ول جدك،منذر خلاص بقي جوزي،ولو حد فيكم فكر يأذيه،حياتكم هتكون التمن،انتوا عارفين هوه يقدر يعمل إيه كويس،واناعارفه مكان عصابته ،ولو حاولتوا تدخلوا ف حياتنا بأي شكل،انا هجيبهم هنا،وهقلبها حرب أهلية،انت فاهم اظن.
غادرت وعيناها كلها غضب،نور:اهدي يا محمود انت اتسرعت معاها.
محمود بعصبيه:اخرسي يا نووور،،ما تفتيش ف كل حاجه،البت دي مخها ضرب،وانا هجبرها ترجع ل عقلها تاني،اوعي من وشي.
تركها وخرج،نور نظرت بحسره لاخر مره عليه وتركت المنزل وخرجت بلا عوده.
&&&&&&&&&&&&&&
ف بيت نسرين
سيف من خلفها،حضنها بقوه وقبل عنقها بحب.
نسرين:بسس يا سيف،الأكل هيتحرق مني.
سيف بدلال:حبيبي بيعمل لي الأكل بنفسه،إيه الرضا دا كله يا قلبي انا،خدي احلي ورد لشمس حياتي.
اعطاها باقه ورد احمر ضخمه جميله،نسرين هللت من الفرحه،حملها وظل يقبلها.
نسرين بسعاده:حبيب قلبي ياسيف،ليه كل ده،هوه في مناسبه انهارده وانا مش عارفه.
سيف انزلها ارضا وكشر،قال بجديه:يعني مفيش مناسبه انهارده يا نسرين،انتي شايفه انه مفيش.
فكرت قليلا وقالت بتوهان:إيه عيد ميلادك،ولا عيدي انا،ولا،ياااااااااااااه خبر دا عيد جوازنا صح.
سيف بتكشيره:لاء يا مدام،دا ذكري اليوم اللي اتقابلنا فيه من سنين،تصدقي دلوقتى بس صدقت انك معدتيش تحبيني دا لو كنتي حبتيني أصلا.
نسرين بأندفاع:إيه يا سيف،هوه انا كل ما اكلمك لازم تقلبها دراما،إيه خلاص نسيت،جلا من لا يسهو،انت محسسني اني اجرمت عشان نسيت.
سيف بعصبيه:نسرررين،اتكلمي معايا عدل،انا مش مجرم قبضتي عليه،انسي بقي انك كنتي ظابط،خلاص يا حلوه اترفدتي من زمن بسبب اختك،ياريت بقي تنسي ماضيكي وتفتكري الراجل اللي انت ع ذمته،ودايما منفضه له.
نسرين بغضب:دي اخر مره تتكلم عن أختي كده،انت سامع.
سيف:هتعملي إيه يعني،هتضربيني يا نسرين باشا،والنبي اتكسفي ع دمك شويه،غوري من وشي انا غلطان اني عبرتك وجبت لك ورد.
نظر لها ببرود وقرف وقال:عمار كان عنده حق لما خان اختك،لو هيه زيك كده يبقي تستاهل انه يخونها،يا بختك يا عمار،بس انا بجد الغلطان اني ما سمعتش كلام ابويا واتجوزت عليكي،انا صح إيه اللي يجبرني اعيش مع ست عاقر زيك.
نظر لها بكل احتقار وتركها وخرج،قذفت الحائط بالصحون الصيني حتي جرحت يدها.
&&&&&&&&&&&&&
محمود:أسر خد هنا ابعد عن البسين،يا ام محمددددد.
ام محمد الخادمه:عيني يا بيه،معلش غبت عنهم دقيقه،في ناس عايزينك يا بيه ع الباب وشكلهم حكومه.
محمود قلق،لكنه ذهب لهم:خير يا حضره الظابط في إيه.
الظابط:انت محمود الأنصاري.
محمود:ايوا انا خير.
الظابط بتوتر:عايزينك ف المستشفى.
انقبض قلبه وقال:مستشفى إيه،ليه،جدي جرا له حاجه.
الظابط:محمود بيه تعالي معانا لو سمحت وهناك هتعرف.
.........
ف مشرحه المشفي
محمود بتوتر قاتل:انا عايز افهم انا هنا ليه،انتوا جايبني المشرحه ليه ما حد يتكلم.
اقترب ممرض يحمل صينيه عليها اغراض.
الظابط:ممكن تتمالك اعصابك شويه يا محمود بيه،احنا جايبنك هنا عشان تتعرف ع جثه........مراتك.
محمود برق له مفزوع صرخ فيه:مرات مين يا راجل انت،انت هتخرف،مراتي ف الشغل،لسه مكلماني من ساعتين،وانت تقولي جثه،انت غلطان انا ماشي من.....
محمود سكت عندما رأي ع الصينيه،اسوره نور،ومحفظتها الجلديه،واغراضها.
الظابط اشار للطبيب بفتح درج الجثه،محمود نظر لجثمان مفحم،الظابط بحزن:عربيتها اتقلبت ع الطريق واتحرقت،النيابه هتحقق وتعرف دي كانت حادثه،ولا جريمه قتل.
