رواية جحيم العشق الاسود الفصل الرابع 4 بقلم فريده احمد
الفصل الرابع(لقاء اول ناري)
ف بيت سيف.
عمار:إزاي ما تعرفيش مكانها يا نسرين،اختك فين انا لازم اتكلم معاها،في سوء تفاهم كبير حصل ولازم....
سيف بعتاب:سوء إيه يا عمار دي شافتك بعينها ف حضن روميساء،انت بتقول اي كلام.
عمار:كنت سكران يا سيف،انت شفت حياتي من بعدها وقفت إزاي،شفت بعينك انا كنت متحطم إزاي،بس لما ظهرت روميساء،انا..انا.
نسرين:قررت تعيش حياتك وتسيب الكلبه اللي افتكرتك هتحارب الدنيا وتطلعها،صح عندك حق،ماهو اللي بيجي ببلاش بيروح بلاش،وانت يا عمار،خدتها ببلاش اوي،والغلبانه افتكرتك بقيت انسان وحبيتها،لكن انتوا يا ولاد الأنصاري كلكم نسخه من بعض.
سيف بغضب:انتي هتخبطي ولا إيه يا نسرين،مالك ب ولاد الأنصاري،انت بتكلمي عمار ع غلطته،بتخبطي ف العيله كلها ليه.
نسرين بقهره:وحياه والدك ما تمثلش عليا انا،انا ياما اتعاملت مع مجرمين،ف تمثيلك دا ما يركبش معايا،مش انت كمان عايز تتجوز عليا،عامة براحتك،بس اعمل حسابك لو هتتجوز يبقي تطلقني ف الاول،وانت يا عمار بيه،هتطلق نورهان،لا انت تستاهلها،ولا انت تستحق ست زيي يا ابن عمي.
سيف صفعها ع وجهها،برقت له،عمار:احسن تستاهلي اول مره اشوفك راجل يا سيف،ربيها بنت فؤاد،اللي طايحه فينا وفاكره نفسها ملاك،ياحلوه بدل ما تتمنظري عليا انا،ما شفتيش شغلك ليه انتي وزمايلك زمان وقبضتوا ع خالد اللي قتلكم زي الصراصير ورا بعض.
نسرين رفعت يدها تضربه ع وجهه،سيف مسكها،رن هاتف عمار،رد بغضب:ميييين.
عهود ببكاء:عمار انا عهود،عمار نور ماتت بنت عمك ماتت النهارده،ومحمود،محمود حابس نفسه ف اوضته،انا خايفه عليه ومش عارفه اتصرف خالص.
عمار نظر بغضب لنسرين وقال ل عهود:انا جاي لك.
سيف:مين دي،في إيه يا عمار.
عمار:نور مرات محمود ماتت من شويه.
سيف:طب واحنا نعملها إيه،ما تموت ولا تغور ف داهيه.
تضايق عمار،نسرين:ابعد ايدك عني،بتعمل راجل عليا انا وبس،حتي ف ساعه زي دي،بدل ما تقف جمب ابن عمك،تقول كده ع مراته.
سيف:نسريييين،احترمي نفسك،انا ارجل من ابوكي،وبعدين من أمتي بتقبليها،مش دي اللي قرفتي منها ومن طريقه كلامها وقلتي عنها زباله صحيح،دلوقتى صعبانه عليكي،روحي انتي يا حضرت الرائد واقفي جمب ابن عمك،بس انا مابقفش جمب حد.
نسرين:اه زباله و بيئه،انا ما برجعش ف كلامي،وما تهمنيش أصلا،انا بتكلم ع اسلوبك انت و....
عمار بصراااخ:كفاياااااااا،كفايه انتوا الأتنين،انت إيه يا سيف عادي عندك مراتك تهزقك كده وادامي كمان،وانتي يا نسرين باشا اللي بتكرهيها اوي كده دي تبقي اختك.
نسرين برقت له اكمل:آه ياختي تبقي نور الهدي اختك،وهيه اللي باست ايدي انا ومحمود اننا نخبي سرها عنكم،خافت لتقولوا عنها زباله زي ما بتقولي عليها يا نسرين هانم،كلمي اختك وخديها و روحوا ل محمود.
&&&&&&&&&&&&&&
نور:انا نفذت اول اتفقنا يا معلم،وزمان جوزي بيقرأ الفاتحه عليا، نفذ انت كمان وخرج نورهان من السجن.
خالد بسخريه:مستعجله اوي كدا ليه يا نور،عامة كله هيتم قبل سفرك،ادامك شهر ونص تتعلمي فيهم الانجليزي والفرنساوي وتذاكري بيت الغول كويس اوي،،وتتعرفي ع صور صحابه والبنات واكلاته المفضله وكل حاجه تخصه.
نور:تسمح لي اسألك يا باشا،طالما انت عارف كل حاجه عن الناس دي،شكل بيتهم وصحابهم حتي اكلهم المفضل معاليك عارفه،يبقي ليه ما تأخدش الحاجه اللي نفسك فيها اوي كده من بيت الراجل ده،من غير العمليه الغريبه دي.
خالد:هتفضلي هبله وعبيطه طول عمرك،الراجل ده فولاذي،محدش يقدر يقرب له،المعلومات اللي قلتهالك دي معلومات عاديه جداً،من ع حسابه ع السوشيال ميديا،المهم يا نور تحفظي وتذاكري كويس جدآ،وخلال الفتره دي انا هخرج اختك واسيب نسرين ف حالها.
&&&&&&&&&&&&
ف قصر محمود
نسرين: يعني إيه يا عهود انا لازم اوصل ل محمود دلوقتى بأي شكل يعني اي مختفي.
عهود ببكاء: من... من ساعه... ما وصلنا... خبر... خبر نور... وهوه......
نسرين: اهدي لو سمحتي شويه انا بجد محتاجه اكلمه، انا سمعت خبر خطير ولازم محمود يأكدهولي.
عهود: خبر عن.... عن نور.
نسرين: ايوا يا عهود انتي تعرفي حاجه، هيه قالت لك انها اختي صح ولا عمار بيكدب.
عهود وهيه تمسح وجهها: لاء مش كداب، نور الهدى تبقي اختك الكبيره بس هيه خبت حقيقتها عنك انتي ونورهان عشان كانت خجلانه منها، نور اتربت ع ايد المجرم اللي حاول يقتلك، وحبس اختك ودمر حياتكم، نور خافت تتبروا منها ولا تستعروا ان اختكم بنت جهله عاشت واتربت ف بيئه قذره، خافت تعركم يا نسرين، مقدرتش تواجهكم.
نسرين برقت لها بفزع، انهارت وصرخت بصدمه: ليييييييييه، ليييييييه يارب بس، ليه مكتوب عليا اخسر الناس وبس، ليه يا نور، خبيتي عني ليه، دا انا كان نفسي اترمي ف حضنك، كنت عايزه اشكي لك من المر اللي عايشاه لوحدي، ليه ما خدتنيش ف حضنها بعد ما نورهان اتحبست، ليه سابتني ف الدنيا لوحدي ليييييه يارب بس ليه.
عهود اوقفتها ع قدمها وقالت بحزن: حرام يا نسرين، استغفري ربك، وادعي لها يا حبيبتي، نور الله يرحمها كانت عايشه ف جحيم بسبب السر ده، كانت بتحلم ليل ونهار انها تقولكم الحقيقه وتأخدكم ف حضنها، بس... بس الظروف كانت ااقوي منها.
سيف نظر ل زوجته المنهاره بكاءا، غمز عمار وهمس له: حلو اوي، يعني واحده شمامه والتانيه خدامه، بجد بنات عمك دول يقرفوا.
عمار نظر لأخيه بغضب، تركهم و غادر يبحث عن نورهان، ليخبرها الحقيقه هيه ايضاً.
&&&&&&&&&&&&&&&
بعد أيام _ف اوضه محمود
عبد العزيز: ما بزياداك غم كيف الحريم يا ولدي، ما تفوج أكده وخلينا نرچع نشوف مصالحنا، ممكفكش انك ما حضرتش عزا مرتك، دا البلد كلتها چت تعزيك ولا انت ناسي انت واد مين، وحفيد مين.
محمود ينظر بغضب لأبيه ولا يرد، عهود دخلت ع حديث عبد العزيز، قالت بأحتقان: عبد العزيز بيه معلش ممكن تسيب لي محمود، انا هنزله وراك حالا اوعدك اني اخرجه من هنا وانزله وراك، معلش اتفضل انت.
عبد العزيز بضيق: ماشي يا ست عهود، هجوم أهه، بس لو ما نزلش وراي طوالي هطلع أچيبه بنفسي.
خرج، اغلقت الباب خلفه، عادت لمحمود جلست أمامه ع الأريكه، مسكت يده وقالت بدموع مخنوقه: حاسه بيك واللهي، وشكلي انا الوحيده اللي حاسه بيك، المرحومه معملتش حاجه وحشه فيهم عشان محدش يحترم وفاتها بالشكل دا، محدش زعلان عليها يا محمود، نور عاشت مظلومه وماتت مظلومه، اهلها مش فارق معاهم فراقها، حتي اخواتها بعد ما عرفوا، محدش فيهم فكر يجي يأخد ولادها ف حضنه، بجد قلبي بيتقطع عليها، هيه ما تستاهلش كل القسوه دي، الله يرحمك يا نور يا حبيبتي.
اشهقت ف بكاء مرير، محمود نظر لها بعينان ارهقها البكاء، ارتعشت شفتاه، اغرقت عيناه بنهر دموع محبوسه،
قال بأنهيار أخيراً:نور راحت يا عهود.......،شفتي صاحبتك عملت فيا إيه،....... نور سابتني،....... نور اتخلت عني،......... اعيش من غيرها اعمل إيه..........،قلبي محروق عليهااااااا.......،مش عايز اصدق اني مش هشوفها تاني،........ عايز اسمع صوتها......،هتخانق مع مين لما يقولي باشا،....... هضرب مين لما يقلد الرجاله،...... هنام ف حضن مين وهيه ف حضن الترااااب........،ااااااااه يا نوووور،........ مش عايز اعيش من غيرها يا عهووود.......،سميني ابوس إيدك........،خايف اقتل نفسي واموت كافر....... مش هبقي معاها ف الجنه،...... نور عيني ف الجنه مستنياني هناك،.......... ماينفعش اموت كافر واسيبها تستني لوحدها.......، ااقتليني يا عهود ......... لو احنا غالين عندك.........،ااقتليني ابوس ايدك بقي.
خبط ع صدره بعنف،عهود مسكت يده بقوه،قالت ببكاء:ماشي يا محمود....... انا هقتلك وابعتك ليها،....... وتعيشوا انتوا الاتنين ف الجنه ونعيمها ....... ماشي تمام،...... بس احمد وأسر هتسيبوهم انتوا الاتنين،......... انتوا الاتنين يا محمود........،ايه الانانيه بتاعتكم دي......،عايز الملكين دول يتيتموا ف اسبوع واحد من الام والاب.........،طب مين هيحن عليهم......،مين هيربيهم......،عارف مين....،المدارس الداخليه،.... ولا تجار المخدرات،..... ولا ناس مابتخلفش،..... ولا الأحسن الشارع يا محمود.....،انت فاكر ان ابوك دا،اللي معندوش ذره رحمه....ولا بيعرف يحب......فاكره هيربيهم...فاكر ان حد ف عيلتك ه...هيحن عليهم....دا...دا مش بعيد يقتلوهم عشان....عشان ما يطالبوش بحق ابوهم.
مسحت وجهها وأكملت بهدوء:قوم يا محمود واستهدي بالله،قوم انزل ل عيالك،خلي ابوك يرجع البلد،والناس اللي كل شويه يطبوا علينا عشان يعملوا الواجب،اتقبل عزاهم ومشيهم،خلينا نعيش ف هدوء ونعرف نترحم ع الغاليه......هتوحشني اوي يا محمود...نور هتوحشني اوي...دي اختي مش صاحبتي.....بص...تعالي ننزل لهم....خلينا نعمل الواجب مع الناس وبعد كده...بعد كده.
لم تستطع منع نفسها من الانهيار،محمود اضطر ان يضمها ليهدأ روعها،ويهدأ قلبه المشتعل بنار الفراق
////////////////////////////////////////
ع الطريق،فرمله قويه،نورهان برقت للسياره،نزل صاحبها وصرخ فيها:إييييي....اتعميتي ف عينك ولا ايييي....ماشيفاشي العربيه دي كلها....ماشيه سرحانه اياك.
نورهان بعصبيه:بسسسس.....إيه...يعني تبقي غلطان وكمان بتزعق لي...انت اللي فاكره طريق ابوك...ما تمشي زي الناس...في زفت بني آدمين ماشين معاك ع الأرض....دا انت كائن متخلف صح.
حمزه بغضب اعمي:انتي بتشتميني يا مره،طب انا هعرفك انا ابجي مين يا شرشوحه.
نورهان بكل غضب،رزعته ع وجهه بعنف،حمزه برق لها غير مصدق،خافت من نظرته الحارقه،رفع يده يضربها،الناس منعوه.
نورهان ركضت بينهم واختفت ف لمح البصر،ركبت تاكسي وذهبت لعنوان حمزه القناوي لتعمل لديه،فهوه كما اخبرتها صباح،هوه الخيط الوحيد ل خالد رحيم.
.................
ف فيلا القناوي.
نورهان:صباح الخير،انا نورهان الأنصاري،جيت ف المعاد،انا....
قاطعها رجل مسن صارم:اتفضلي ف الصالون،حمزه بيه ع وصول.
جلست طويلا،سمعت صوت مألوف ف الخارج:ماعيزش اشوف حد واصل،مشيها يا رفعت،وماعوزش ازعاچ من ايتها حد ولو بوي نفسه خرچ من تربته،ما تجوليش فهمان.
نورهان ارتجفت للحظه،تأكدت انه صاحب الحادث منذ قليل،عضت شفتها تفكر ف حيله،خرجت له،صدم منها.
قالت بتوتر:واللهي العظيم ما كنت اعرف ان حضرتك......حضرتك حمزه بيه....بجد انا آسفه.
نظر لها يتفحصها،مسك شعرها فجأة،هزها بعنف وصرخ فيها:أنتي المره اللي ضربتني صوح،وحياه چمالك ده،لأخليكي تبكي دم،والجلم اللي علم ع خلجتي،هردهولك،مليون،بس صبرك عليا......رفعااااااااات.
الرجل الصارم:أوامرك حمزه بيه.
حمزه:خد اللمامه دي،احبسها ف جوضه الموخزن تحت هم يا رفعت.
نورهان بخوف:انت هتعمل إيه فيا،انت هتخطفني ولا إيه،قلت لك اسفه،عايزني اعمل لك إيه يا بني آدم انت.
وطي عليها،مسك شعرها،قال ببرود غاضب:ماهتعمليش يا جمر،انا اللي هعمل كل حاچه،خدها من خلجتي.
نورهان بصراخ وهيه تجر أرضا:مش هسيبك تأذيني يا حمزه......،انت ماتعرفش انا مين........،سبني بالذوووق احسن حمزاااااااا.
/////////////////////////////
أيام حداد صعبه تعيشها نسرين وحدها،سيف ترك لها المنزل بعد مشاجره عنيفه بينهم،رن هاتفها.
نظرت للرقم وبرقت،انتفضت واقفه وقالت:أسامه باشا،سعاده اللوا بنفسه بيكلمني.
اسامه:البقاء لله وحده،شدي حيلك يا نسرين.
نسرين:هوه حضرتك عرفت.
أسامه:مفيش حاجه بتستخبي ع الداخلية،احنا عرفنا ان نور الهدي مرات ابن عمك تبقي اختك الكبيره اللي عشتي سنين تدوري عليها،انا اسف يا نسرين انك خسرتيها قبل حتي ما تعرف انك عرفتي.
نسرين بحزن:مكتوب علينا يا باشا،...مكتوب الحزن والفراق ع جبيني زي الوشم،عشت عمري محرومه من ابويا وامي واخواتي،ويوم ما عرفت اختي الوسطانيه،تتحبس بسبب الكلب اللي دوخنا،والكبيره عرفت انها اختي بعد ما ماتت،شفت حظ اسوء من حظي.
أسامه:للأسف لاء،بس انا عايزك تشدي حيلك كده وتقفي ع رجلك،نسرين انا عارف ان دا مش وقته،بس انا عندي خبر ليكي يمكن يفرحك شويه.
نسرين بتحفز:خير يافندم.
أسامه:نسرين انتي رجعتي الداخلية تاني،واختك ظهرت براءتها أخيراً.
نسرين بفرحه:بجد يافندم،احمدك يارب دا احسن خبر ف الدنيا،أخيراً يارب حاجه تفرح.
أسامه:آه حاجه تفرح،بسسسس.
نسرين:بس ايه يا فندم
أسامه:نسرين انتي لازم ترجعي بخبطه محترمه،نسرين احنا عايزينك تقبضي ع ولاد عمك.
نسرين الصدمه شلتها،قالها:عارف انه قرار صعب،بس مستقبلك ف الداخلية متوقف ع القضيه دي محمود وعمار وحسن الأنصاري لازم يتحاسبوا ع جرايمهم،هما سابوا تجاره السلاح والاثار من تلات سنين صح،بس ملفهم لسه مفتوح ف الداخلية،وما تنسيش انهم يعرفوا كل التجار ف مصر،لازم توصلي لأي خيط يخلينا نقبض عليهم،ولازم يعترفوا مين هما شركاءهم ف مصر،وكانوا بيستوردوا منين و بيصدروا لمين،انتي سامعه يا نسرين،لازم يتقبض عليهم،دا مستقبلك وكمان دا الصح،الناس دي مجرمه ولازم يتحاسبوا.
////////////////////////////
ف سرايا الأنصاري
عبد العزيز بصراخ:بتجولي ايييييييه،اتچوزتيه،اتچوزتي جاتل اخوكي يا بتي.
سما:بس ما تقولش بنتي وبعدين انا كلامي معاك يا جدي،انا قلت لكم ع اللي عندي،انا لقيت منذر ولقيته فاقد الذاكرة،فهمته اني خطيبته واتجوزنا قبل موت نور مرات اخويا،انتوا عارفين اني بحبه ورفضت حسن طول السنين دي عشانه،بس يا جدي انا عارفه ان كل اللي يهمك ان اضم مجموعتي لمجموعه العيله واكبر الشغل،ودا اللي هعمله،وزي ما حذرتكم كلكم،لو منذر جرا له اي حاجه ولو حادثه صغيره،انا هتبرع بكل ثروتي للجمعيات الخيريه،دا غير اني هبلغ عن ابنك يا عبد العزيز بيه،وعن ولاد عمي،انا عارفه مين شركاءهم ف بيروت وعارفه مكان مصنع السلاح بتاع محمود،وعارفه انه لسه شغال يا عبد العزيز بيه،ف احسن للكل انكم تسبونا ف حالنا انا وجوزي،ها قلت إيه يا جدي،انا عايزه كلمتك انت.
حسن بغضب اعمي:تولع الفلوس،اخبطي دماغك ف اتخن حيط،الكلب دا لو دخل الصعيد أصلا مش بيتنا،انا هقتله بأيدي،هسلخ جلده من ع عضمه،وانتي هتتحبسي هنا زي الجزمه،وهتجوزك يا سما انتي سامعه.
الجد:أسكت يا حسن،ماشي يا بت ولدي،انا موافج ع كلامك،بس بشرط واحد،مچموعتك مش بس هتشارك مچموعتنا،لاه،احنا هنأخد تلت اسهم المچموعه،واعتبري دا تمن حياه منذر بتاعك ده.
عبدالعزيز:انت عتجول أي يا حچ،عايزني اتاچر بدم ولدي.
الجد:خلاص يا عب عزيز،احمد مات من زمن،والكلب ده مافكرش حاچه،خلينا نتحدتت ف الموصلحه،بتك عايزه الجاتل ده،ومارضياش غير بيه،واحنا يهمنا نكبر شغلنا يا ولدي،سيبك من اللي فات وخلينا ف انهارده،ها جلتي إيه يا بت ولدي.
سما وهيه تنظر ل حسن بتهديد:ماشي يا جدي وانا موافقه،كلم المحامي يحضر اوراقه،وانا هكلم جوزي يجي.
خرجت من السرايا،حسن ل جده:إزاي يا جدي توافق ع كده،إزاي تسمح ان منذر يدخل بيتنا ويعيش وسطنا.....وازاي اصلا تسكت لها ع جوازها من ورانا بالشكل ده.
الجد بخبث:اصبر يا ولدي،شغل عجلك شوي،البت دي عنيده كيف امها،ولو رفضنا هتجف جصدنا كلنا،ومش بعيد تحبس خواتك وواد عمك،عشجها للجاتل دا،عامي عينها،اصبر لما نحط يدنا ع كل املاكها،بعدها هخليك تجتله بيدك وتبرد نارك،وهچبرها تتچوزك وتعيش أهنه وسطنا.
