رواية بين القسوة والحب الفصل الثالث 3 بقلم دنيا احمد
«البارت التالت»
ــــــــــــــــــــــــــــــــــــــــــــــــــــــــ
احمد مسك شعر نورا و سحبها وراه
احمد: تعالي معايا كدا بس
نورا بألم: اه يبابا براحه شعري والله العظيم مش حقيقي والله العظيم متعدل عليهم والله العظيم
احمد: اخرسي خالص خدي يلا الشنطه دي حطي في هدومك و حاجتك و غوري من هنا انتي متستهليش اني اوسخ ايدي بيكي انا بنتي تعمل كدا اقسم بالله ولا يشرفني انك تكوني بنتي
نورا بستهزاء: بنتك؟ بنتك منين متقولش بنتك بس انا عمري ما شوفت منك حنيه عندي سؤال ليك انت جيت في مره خدتني في حضنك اذا كان انا ولا اختي جيت في مره سمعت مشاكلنا جيت في مره شجعتنا علي حاجه حتي لو بسيطه محصلش احنا شوفنا ضرب و شتيمه عمرك محسستنا انك امان لينا لو انت شايف انك كدا اب فا انت غلطان للاسف خلتني ادور علي الحنان و الامان بره كله بسببك انت
احمد: اخرسي انتي هتديني نصايح ولا ايه مبقاش غيرك اللي يتكلم ده انتي فضحتينا في البلد يلا غوري من هنا
ريم: يبابا حرام عليك والله العظيم الصور اتعدلت والله بدل ما تقف جمبها طيب
احمد: اقف جمبها اقف جمب اللي فضحتني و خلت راسي في الطين اوعي تكوني انتي كمان يست ريم بتعملي زي اختك اقولك حاجه انتي كمان يلا انتي كمان بره مع اختك مش عايز فضايح اكتر من كدا ومش عايزه كل اما ابص في وشك افتكر الفضيحه اللي عملتها
ريم بصدمه: اطلع بره ازاي يعني انا معملتش حاجه والله
احمد: بقولك ايه انتي و اختك بره
نورا: يلا ياريم من هنا
حنان بعصبيه: احمد مينفعش دول بناتك وبعدين هتسيب بناتك في الشارع في الوقت ده عيب مينفعش اهدى كدا و صلي على النبي مينفعش اللي بيحصل ده
احمد: عليه افضل الصلاة والسلام بس بناتك مش بيعرفوا العيب كله منك و من دلعك ليهم انتي السبب
حنان: انا برضو السبب ياشيخ روح منك لله انت اللي ضيعتهم بسبب قسوتك عليهم روح منك لله
احمد: يلا يبت انتي و هي قدامي يلا
احمد فتح الباب و رماهم في الشارع
احمد بصوت عالي: يا اهل البلد من النهارده انا معنديش بنات بناتي ماتوا و مش عايز حد يجيب سيرتهم يلا منك ليها من هنا
واحده من الجيران: تربيه عار والله ده انتو متشرفوش حد
واحده تانيه: ايه ذنب امك و ابوكي منك لله داهيه تاخدك انتي و اختك
حد تاني: تلاقي اختها زيها بس لسه ربنا ساتر عليها الله اعلم بيعملو ايه هما الاتنين من ورا أهاليهم
نورا: محدش فيكو يجيب سيرة اختي اختي اشرف منكوا كلكو و طول ما انتو مش فاهمين حاجه كل واحد يخليه في نفسه يلا ياريم
ريم:يلا
ــــــــــــــــــــــــــــــــــــــــــ
بعد نص ساعه
ـــــــــــــــــــــــــــــــــــــــــــ
ريم: هنروح فين يانورا هنروح لمين دلوقتي
نورا: مفيش غيره هنروح لعمك كمال
ريم: تفتكري هيخلينا عنده بعد كل المشاكل اللي بينه و بين بابا
نورا: مش عارفه بس نجرب
ريم: بس يانورا ده بعيد عن هنا اوي و غير كدا مش معانا فلوس
نورا: ربنا هيحلها ياريم يلا بس بسرعه عشان الحتة دي مقطوعه
ـــــــــــــــــــــــــــــــــــــــــــــ
بعد عشر دقايق
ـــــــــــــــــــــــــــــــــــــــــــــ
راجل: بص ياض ياوليد بص هناك
وليد: فين اه البنات دول مالهم يعني يا ابراهيم
ابراهيم: مالهم ايه يعبيط بنتين و لوحدهم و الدنيا هس هس
وليد: اه فهمت يبني كفايه قرف بقا حرام عليك ده انت حتى عندك اخوات بنات اتقى الله فيهم
ابراهيم: ماشي ياشيخ شكرا علي النصيحه متدخلش بقا
ريم: نورا في اتنين شباب بيبصوا علينا انا مش مطمنه
نورا: متخفيش انا معاكي وخليكي ورايا يلا بس بسرعه
ابراهيم: ايه يقمر علي فين
نورا: وانت مالك انت
ابراهيم: الله الله واضح ان القطه بتخربش
نورا: اه يظريف يلا غور من وشي وسع كدا بس عايزه امشي
ابراهيم: استني بس هو دخول الحمام زي خروجه يقمر
نورا : يعني ايه بقولك ايه ابعد من وشنا احسنلك
وليد: ابراهيم ملناش دعوه بيهم سيبهم في حالهم يلا بينا
ابراهيم: اوعي بس ايدك كدا انا بقرب منكو اهو ورينا هتعملي ايه يقطه
ريم: نورا انا خايفه
نورا: متخفيش انا معاكي خليكي ورايا
ابراهيم قرب من نورا وريم جامد اوي
نورا : ابعد عننا بالله عليك ابعد
ابراهيم: مالك يقمر خايفه ليه متخفيش مني انت طيوب خالص والله بس مقدرش اسيب الجمال ده كله
وليد: ابراهيم يلا بقولك يلا نمشي
ابراهيم وهو بيبعد وليد: ملكش دعوه بقولك ابعد
وليد مسك طوبه و ضرب ابراهيم علي دماغه
نورا بصدمه: مات
وليد: لا لسه عايش بيتنفس يلا بسرعه قبل ما يقوم يلا تعالوا نبعد عن هنا
نورا: يلا
وليد: خلاص استنوا شويه ناخد نفسنا بس المهم انتو رايحين فين
نورا: القاهره
وليد: القاهره؟! بس دي بعيده عن هنا طب يلا تعالوا يلا اوصلوكوا لاقرب محطه
نورا: ماشي يلا
ريم: نورا احنا مش معانا فلوس اصلا هنركب القطر ازاي
نورا: اه صح طب وبعدين طب بص خلاص يا استاذ شكرا ليك احنا هنتصرف
وليد: هتتصرفوا ازاي المنطقه هنا وحشه هديكوا فلوس يلا بس
نورا: شكرا لحضرتك جدا
ــــــــــــــــــــــــــــــــــــــــــــــ
بعد اما ركبوا القطر
ـــــــــــــــــــــــــــــــــــــــــــــــ
ريم: انا هنام مش قادره تصبحي على خير
نورا: وانتي من اهل الخير
ـــــــــــــــــــــــــــــ
الصبح
ــــــــــــــــــــــــــ
نورا: ريم اصحي يلا خلاص هننزل من القطر بعد شويه قومي
ريم: ماشي خلاص صحيت
نورا: يلا ننزل و نروح بيت عمك علي طول
ريم: يلا
ــــــــــــــــــــــــــــــــــــــ
ليلى: رنا افتحي الباب
رنا: حاضر نورا و ريم ماما ياماما تعالي ريم و نورا هنا
ليلى: ريم و نورا اهلا يحبايبي اهلا ادخلوا ادخلوا
نورا: ازيك يطنط ازيك يارنا
رنا: الحمدلله بخير
ليلى: الحمدلله يحبايبي بخير كلنا وحشتوني اوي مالكوا يولاد اكيد تعبانيين من السفر فتحيه يافتحيه اطلعي نضفي اوضه الضيوف بسرعه
ريم بإحراج: معلش يطنط جينا عملنا ازعاج للبيت
ليلى: عيب عليكي تقولي كدا ياريم ده بيتكوا يحبايبي بس مالكوا كدا في ايه
نورا بحزن: مفيش بابا طردنا من البيت
ليلى: طردكوا ازاي يعني هو اتجنن
نورا: هحكيلك بعدين يطنط بس هو فين عمي
ليلى: عمك في الشركه شويه و جاي اطلعوا كدا خدوا دش و ناموا شويه يلا
هما: حاضر
ليلى: منه لله علي طول معذب العيال دي اما اتصل بكمال اقوله..... الو ايه ياكمال ولاد اخوك هنا
كمال: بجد طيب طيب انا ساعه بظبط و جاي اوعي حد يزعلهم
ليلى: متخفش يحبيبي همل دلوقتي طلعوا فوق وناموا
كمال: طيب يحبيبتي انا شويه جاي باي
ليلى: طيب يحبيبي باي
ـــــــــــــــــــــــــــــــــــــ
بعد ساعه
ـــــــــــــــــــــــــــــــــــــ
كمال: ليلى انا جيت فين البنات
ليلى: فوق ناموا شويه لحد اما تيجي
كمال: طيب خليهم لحد اما الاكل يتحط ماشي
ليلى: حاضر
ــــــــــــــــــــــــــ
بعد شويه
ــــــــــــــــــــــ
كمال: ليلى خلاص الاكل جاهز
ليلي: اه يحبيبي رنا هتصحيهم
كمال: ماشي
نورا: ازيك يعمي وحشتني اوي اوي
كمال: وانتي كمان وحشتيني اوي يانورا ازيك ياريم وحشتيني
ريم: الحمدلله يعمي انت كمان والله وحشتني اوي اوي
كمال: طب يلا يلا عشان الاكل
هما: حاضر
كمال: و ابوكوا عامل ايه
نورا بتوتر: كويس يعمي بس
كمال: بس ايه تعبان ولا حاجه
ريم: لا يعمي بس بابا طردنا من البيت و قال في وسط البلد اننا موتنا بنسباله
كمال بصدمه: ايه ازاي يعمل كدا ازاي
نورا بتوتر: هبقا احكيلك يعمي بس بعد الغدا
كمال: انا خلصت الحمدلله خلصوا يحبايبي براحتكوا انا في المكتب
هما: حاضر
نورا: مرات عمي ينفع تدخلي معانا
ليلى: اه طبعا حاضر
ـــــــــــــــــــــــــــــ
كمال: ها يانورا احكيلي يبنتي
نورا بخوف: عمي انت عارف بابا كان بيعاملنا ازاي و عارف انه حرمنا تقريبا من كل حاجه و انه قاسي علينا
كمال بحزن: ايوه يبنتي عارف للاسف كملي يحبيبتي
ريم: عمي اتمنى تسمع نورا للاخر و متجيش عليها انت كمان نورا اتظلمت
كمال: حاضر قولي يانورا
نورا بعد اما قالت كل حاجه: بس ده اللي حصل يعمي والله العظيم عارفه اني غلطانه والله ربنا يسامحني بس انا للاسف كنت بدور علي الحنيه و الامان اللي مشوفتهمش من ابويا وهو خدعني والله ورسم عليا دور الحب واتخدعت فيه في الاخر
كمال: انا انا مصدوم و مش عارف اقولك ايه مش عارف اجي عليكي انتي اه غلطتي بس الغلط الاكبر من اخويا
ليلى: انتي غلطتي يانورا بس كله بسبب ابوكي ربنا يغفرلك يبنتي
نورا بعياط: والله العظيم عارفه اني غلطانه و ندمانه اشد الندم عمي هعمل ايه دراستي انا و ريم كلها هناك
كمال: انتو هتعيشوا معانا هنا و كل حاجه انا هنقلها هتصرف انا المهم متخفوش انا في ضهركوا و ربنا يعدي الايام دي علي خير
ــــــــــــــــــــــــــــــــــــــــــــــــ
نورا: ريم انا اسفه اللي حصلك بسببي انتي ملكيش ذنب يارتني سمعت كلامك انا اسفه
ريم: خلاص يانورا حاجه وحصلت خلاص انسي ركزي في اللي جاي وبعدين انتي اختي يعبيطه يعني انا معاكي في الوحش قبل الحلو
نورا بعياط: بس انتي مكنتيش تستهلي كدا مني انا اسفه اللي انا حطيتك في الموقف ده انا اسفه والله
ريم: خلاص يبت يعبيطه انتي انتي اتفضلي تعيطي بقا مفيش مناديل يخربيتك امسحي في هدومك جتك القرف
نورا بضحك: ضحكتيني و انا مليش نفس اضحك
ريم: أي خدمه
نورا: عارفه ياريم كان نفسي بابا يكون بيحبنا و بيخاف علينا كدا يعني ليه مثلا مكنش عمو كمال ابونا رغم اللي قولته وقف جمبي كنت فاكره اني هيقولي بره هو كمان بس لا طلع العكس ليه بابا مش زيه كدا اول مره احس ان ليا ضهر اقدر اسند عليه ومش خايفه ليه بابا مش كدا
ريم: نصيب يانورا ده ابونا في الاول و في الاخر هنعمل ايه لازم نرضى و نقول الحمدلله ايه ده الفجر تعالي نقوم نصلي ركعتين
نورا: يلا بس تفتكري ربنا هيتقبل مني بعد اللي عملته
ريم: طبعا يحبيبتي ربنا غفور رحيم ربنا رحيم بعباده ادعي ربنا و ربنا عمره ما هيخذلك ابدا خليكي واثقه في ربنا و قولي يارب
نورا: يارب يلا نقوم نصلي و ننام
ــــــــــــــــــــــــــــــــــــــ
بعد الصلاه
ــــــــــــــــــــــــــــــــــ
نورا: تعرفي اني ارتحت اوي اول مره احس بالراحه دي حسه اني مرتاحه من جوه
ريم: الحمدلله اللي بيقرب من ربنا لازم يحس براحه ربنا يعوضنا يارب عن كل تعب احنا شوفناه
نورا: يارب يلا ننام بقا
ـــــــــــــــــــــــــــــــــــ
الشخصيات الجديده اللي معانا هيكون في تاني بس مش هيظهروا دلوقتي كام بارت كدا بس:
كمال(اخو احمد): هو راجل وسيم بملامح قوية وجذابة عنده 42 سنه بيتميز بشعره الاسود وفيه شوية خصل رمادي اللي بيدوا له شكل ناضج وحكيم. عيونه بُنيّة غامقة،
ناجح جدا وعنده شركةعقارات، وقدر يبني سمعة كويسة بفضل اجتهاده وأخلاقه العالية وتعبتر شركته من اهم الشركات اللي في مصر
رغم إن ملامحه بتبان جدية أحيانا، إلا إنه عنده روح مرحة وحس فكاهي، وده مخليه محبوب بين أصحابه و عيلته ماعدا احمد بيغير منه جدا مش بيحبه بسبب انه ناجح اكتر منه والناس بتحبه جدا
ليلى(مرات كمال): عندها 39 سنة وهي ست جميلة وجذابة. شعرها بني ومموج وعيونها بُنيّة كبيرة ولها نظرة دافئة مليانة حنية وحب.
هي أم حنونة وبتدي لبنتها كل الحب والاهتمام اللي بتحتاجه وبتحرص على تربيتها بطريقة صحية ومتوازنة علاقتها بجوزها قوية مبنية على الحب والاحترام، وبيكونوا دايماً سند لبعض.
رنا(بنت كمال): عندها 20 سنة وهي طالبة في كلية الهندسة، شعرها اسود طويل وعيونها بنيّة زي ولدتها و هي شخصية مرحة واجتماعية، بتحب الضحك والهزار مش بتعرف تكون جد دقيقتين علي بعض، ناجحة في دراستها رغم صعوبتها، وبتعرف توازن بين الجد والهزار
ــــــــــــــــــــــــــــــــــــــــــ
عزيزي القارئ اوعى تتردد في يوم انك ترجع لربنا مهما ذنوبك كترت ارجع لربنا ربنا غفور رحيم اوعي تقول ربنا مش هيتقبل مني اصل عملت الذنب ده اكيد مش هيغفرلي اوعي تقول كدا مهما كان الذنب كبير ربنا بيغفر لأي حد بس المهم ترجع وتجاهد نفسك انك تنتظم اه كلنا بنغلط و في مننا اللي بيقطع الصلاه وبعدين يرجع حاول ترجع وتجاهد نفسك
