رواية طفولتي المشتتة الفصل التاسع والثلاثون 39 بقلم ضاقت انفاسي

رواية طفولتي المشتتة الفصل التاسع والثلاثون 39 بقلم ضاقت انفاسي

تقدم من امه وقبل راسها واشر على الغرفه : هذي ريما هنا قولي لها تنزل وانتهينا

ناظرته بقهر ودخلت الغرفه

توجهت لريم : ريم ريم يالله تأخرنا قومي جهزي نفسك ما بقى وقت على الحفله

ريم وهي دافنه وجهها بالمخده وصوتها مبحوح : ما رح احضر

وبقهر رفعت راسها وفرت المخده بعيد عنها

ما رح انزل يا رب اموت وارتاح من هالعيشه

وصارت تمسح دموعها

دخل خالد بهدوء وناظرها وبعدها توجه للخزانه

طلع له ملابس وتوجه للحمام

ام خالد : كيف ما تنزلين ودك تفشليني قدام المعازيم ؟؟

طيب وش سبب المشكلة ؟؟؟

ريم وهي تمسح دموعها بطفوله : ما صار شي

وخلاص ما رح انزل

ام خالد بقهر واعصابها بدت تفلت : كيف ما في شي

وانت تبكين وحالتك حال يالله قومي البسي

ريم وقفت بعصبية : والله والله والله والله ما احضر الحفله

ام خالد بقهر وقفت وطلعت من الجناح بزعل

توجهت ريم للمطبخ وفتحت االثلاجه

وصارت تشرب مويه

سكرت الثلاجه وطلعت من المطبخ شافته لابس

والظاهر انه رح يطلع

فتح باب الجناح وطلع بهدوء

رجعت لغرفة النوم ودفنت نفسها تحت الغطاء

ودموعها على خدودها

وراحت بسابع نومه

يوم الجمعه

فتحت الثلاجه وهي تحس راسها مصدع

اخذت مويه وتوجهت للطاوله اخذت حبتين بندول

وشربتهم حتى يروح وجع راسها

جلست على الكرسي وهي ضاغطه على راسها

بعد ثواني حطت راسها على الطاوله وغمضت

عيونها

وهي تشتم نفسها غبيه لو بدلت ملابسي وحضرت

الحفله اكيد سديم ورغد يقولون عني غيرانه

عضت على شفتها بقهر

واكيد الحين الزوج الثلاثي يتشمت بي

غبيه غبيه غبيه وطول عمري غبيه

رفعت راسها لما حست حركه بالمطبخ

شافت خالد عند الغاز يعمل قهوه

استغربت وقفت وتوجهت عنده وهي حاسه

بالندم ما كان داعي للمناحه للي عملتها

ولو ما عاندت كان ما صار للي صار وبتردد وصوت مبحوح : اعطيني اكمل عنك

ناظرها ببرود ورجع يجهز بالقهوه

ريم وحست انه زعلان : ارتاح انا اجهزها

طنشها وما ناظرها

كانت واقفه محتاره وش تعمل

جهز القهوه وهي تناظره

بعدها توجه للطاوله واخذ فنجان واحد وحطهم على الطاوله

وجلس وسكب له فنجان

كانت ريم تتابع حركاته بدقه

توجهت وجلست مقابله وبتردد : أأأانا آسفه

ارتشف كن فنجان القهوة وما عبرها ولا كأنه في شخص

جالس قدامه

ريم جن جنونها كيف زوجها يزعل منها صارت

تفكر بأي موضوع تفتحه علشان تكلمه

وفجأة لمعت الفكره براسها : اصحي مصعب وطيف ؟؟؟

طنشها وما رد عليها

ريم بندم : انا اسفه انت زعلان مني ؟؟

وقف وهو يحمل فنجان القهوة وبدون ما يناظرها : لما تحفظين اسرار البيت وقتها يصير خير

وطلع من المطبخ

قامت خلفه بسرعة وهي تردد : والله ما قلت لجدتي شي بس قلت لها ما ابغى احضر

طنشها وطلع من الجناح

ضربت رجلها بالارض بقهر وتوجهت مستغربه

طيف ومصعب ما صحاهم

دخلت غرفهم واستغربت انهم مو موجودين

دخلت غرفة النوم وطلعت اللاب وجلست على النت وهي تحس راسها خف وجعه شوي

&

&

&

&

&

&

&

&

&

بعد الظهر فركت عيونها وهي تناظر اللاب سمعت دق على باب

الجناح قامت بكسل تفتح الباب سألت من خلف

الباب : مين ؟؟

الشغاله : انزل غداء جاهز تحت

ريم بهدوء : اوكي

توجهت للغرفه ولبست عبايتها والشيله بدون

مرايه

طلعت بهدوء وتوجهت للدرابزين ترفه عن نفسها

شوي وتزحلقت

بعدها توجهت لصاله الطعام

دخلت وكان الكل موجود عدا الجد للي بعده مسافر

ردت السلام بصوت هامس

فيصل بحده : كل يوم صوتك يلعلع بالبيت

وعند السلام تهمسين همس

طنشت ريم وما ردت وجلست كالعادة جنب نوف

ناظرت خالد للي مندمج مع عياله

ناظرت الاكل ومسكت الملعقة بشرود

لمتى رح تبقى حياتها كذا ؟؟

المفروض هي للي تزعل مو هو !!

مغرور وشايف نفسه قال اسرار

اي اسرار يقول عنها ؟؟!!

انا ما قلت الا ما ودي احضر وما قلت لها السبب

ليه زعل ؟؟

وبعدين خالتي انا ما قلت لها !!

نقزت على صوت : مطوله وانتي شارده ؟؟

من اول ما جلسنا وانت ماسكه الملعقة !!

ناظرت فيصل للي كان يناظرها وكأنها ماكله

حلاله

وقفت ريم بهدوء : الحمد لله

فيصل بحده : ارجعي تغدين مو فاضي لك

نبتلش فيك بالمستشفيات

الجده بهدوء : فيصل علامك على البنت من اول ما جلسنا ؟؟

فيصل بقهر : كل تصرفاتها ما تعجبني !!

وناظر ريم : اجلسي

ناظرت ريم خالد كان منشغل ويحط اكل لطيف

انقهرت ولا كأنها زوجته المفروض هو يدافع

عنها

حتى ولا اهتم من اول ما جلست وابوه ينافخ

علي

وما تكلم

جلست ريم وحاسه العبره خانقيتها

سمعت سديم تقول بصوت منخفض : ناس ما تيجي الا بالعين الحمراء

خالد بحده : سديم حطي لسانك بحلقك احسن لك وأعطاها نظره قويه

سديم بقهر اول مره خالد يكلمها كذا: وانا وش قلت حتى تكلمني كذا ؟؟

كله علشان ست الحسن والجمال ؟؟

خالد لاول مره يطلع صوته كذا على اخواته : سديم

سديم بخوف من خالد : اسفه

فيصل ناظر سديم بقوه : انا لما اكلم بنت عمك

لا تتدخلين فاهمه

قاطعته الجده : خلاص حصل خير كملوا اكل

زفر فيصل بضيق ورجع يكمل اكله

مسكت ريم الملعقة وبعدها رجعتها مكانها

مسكت قطعة خبز صغيره

وصارت تاكل فيها شوي شوي

بعد وقت كمل الاغلب اكله وريم بعدها تمضغ

بقطعه الخبز

قام خالد واخذ معه عياله

ما بقى على الطاوله الا الجده وام خالد وفيصل

فيصل بهدوء : مو عاجبك الاكل ؟؟

ناظرته ريم وعيونها تلمع بالدموع وما ردت ونزلت

راسها

فيصل بهدوء غريب : انا اسف يبه

كملي اكلك واذا مو عاجبك الحين اشتري لك

وجبه من المطعم

ريم مستحيل تقبل الشفقة من احد

عارفه ومتأكده انه فيصل شفقان عليها

والا كان ما قال كذا !!

لهذا الحد صارت مثيره للشفقه اذا فيصل

الحجر شفق عليها !!

مستحيل تسمح لحد يشفق عليه

اخذت نفس ورفعت راسها وهي تبتسم : مو جعانه يا عمي

والا كان شفتني الحين اكلت السفره كلها

وبعدها وقفت وهي تبتسم : عن اذنكم

طلعت من الصاله

الجده زفرت بضيق : ليه عملت فيها كذا ؟؟

على الاقل خليتها تاكل كم لقمه وبعدين

فتحت اسطوانتك

فيصل بندم : والله يمه ما ادري لما اشوفها

احس براكين الحقد كلها تتجمع

وندمت لانها ما اكلت شي

بس انقهرت لما قالت لي ام خالد انها مزعله

خالد

تعرفيني عندي وخالد وبس ما اسمح لحد

يضايقه او يزعله وسديم دواها عندي

ام خالد بهدوء : خلاص هدي اعصابك وكل شي

ينحل

الجده : ابوك اليوم اتصل فيه ما يرد كلمك ؟؟

فيصل بتذكر : ايه صح ذكرتيني اتصل اخبرهم بصفقه مهمه

وبعدها وقف واستأذن وطلع

*

*

*

*

*

*

*

*

جلست بصاله التي في مقابل خالد

وهو مطنشها يكلم نواف وسامر

دخلت الجده وام خالد

الجده ناظرت ريم بعد ما جلست : ريم قهوي زوجك

خالد بهدوء ناظر جدته : لا يا جده تقهويت قبل شوي

وناظر ريم : قهوي امي وجدتي

قامت ريم بهدوء ومدت القهوه لام خالد والجده

وبعدها رجعت مكانها

بعدها استأذن سامر ونواف وطلعوا

ام خالد بلقافه : الحين انتم الاثنين موجودين

ممكن اعرف وش صار البارحه ؟؟

الجده : لا تقولون ما في شي هذا الجواب

ما يدخل راسي

ناظرهم خالد ببرود : ما صار شي

قاطعته امه بزعل : الحين انا غريبة صرت عنك

وتتكتم وما تقول لي

خالد بهدوء : شوفي يمه انتي على عيني وراسي

بس احب اقول لك وهذا انا اقول قدامها

واشر على ريم

اي مناسبه ممنوع تطلع وهي حاطه مكياج والفستان يكون بأكمام وطويل وشعرها ممنوع يكون

مفتوح غير كذا ما عندي

ريم باتفعال لا ارادي: لا والله

الجده بنهر : ريم

وقفت ريم وناظرت جدتها : سمعتي وش يقول ؟؟؟

ام خالد مو عاجبها كلام خالد : حفله بدون مكياج

كيف هذي ؟؟

وفستان بأكمام ؟؟؟

يا خالد انت تتكلم بالعصر القديم ما في الحين

فساتين كذا !!

الجده : وبعدين فستانها البارحه انا شفته ساتر !!

خالد ببرود : بالنسبة لي مو ساتر وهذي شروطي

نفذتها اسمح لها تحضر ما نفذتها القعده بالبيت

يا زينها

بعدها وقف وطلع بهدوء

ريم وهي تردح بعد ما طلع : لا والله

هذي حريه شخصية انا البس للي ودي اياه

ما حد له عندي

وما اسمح لاحد يدخل

يعني شفتوني سكتت ولبست هذي العبايه

واشرت على عباتها

قلتم نستعبدها

اقولك من الحين

رح البس للي ودي اياه واحط للي وده إياه

ام خالد : اشوف طلع لك لسان بعد ما طلع

ليه ما قلتي له

ريم جلست بعصبية : يعني عاجبك ابنك وقوانينه

هذي !!!

الجده : وبعدين معك انت الحرمه السنعه تمشي

بشور زوجها

وش رح تستفيدين من الحفلات هذا زوجك

الظاهر انه زعلان

دخلت ام سليمان على اخر كلمه : من هو الزعلان ؟؟

ريم بهدوء ما ودها حد يعرف بالمشكله ويتشمت فيها بدون نفس : ما حد زعلان انتي تتوهمين

وطلعت جوالها وصارت تطقطق عليه

ام سليمان بنغزه : علامك ما حضرتي الحفله ؟؟

ريم بدون ما تطالعها وهي تطقطق : ما يخصك

كيفي احضر او ما احضر

ام خالد مو عاجبها تصرفات ريم : وقسم بالله

اتصل بخالد الحين واعلمه

ريم بدون ما تناظرها : عادي قولي له

مسكت ام خالد الجوال

لمحت ريم عمتها مسكت الجوال

وبعد ثواني قالت الو

وبسرعة ركضت عند عمتها وهي تقول : والله امزح

وسحبت الجوال من ام خالد وقفلته وهي تسمع

خالد يقول الو

ريم بلوم : خالتي كل شي تروحين تقوليه حرام

هذي فتنه يعني تحبين تكونين فتانه ؟؟

ام خالد فتحت عيونها : يا قليله الحيا انا فتانه ؟؟

ريم ببراءه : اذا قلتي لخالد عني تكونين فتانه

ام سليمان : عيب عليك هذا الكلام

ريم وجوال ام خالد بيدها ناظرته وهو يرن

واعطت مشغول

ام خالد رفعت حاجب : اعطيني الجوال

ابتعدت ريم عن خالتها وخبت الجوال خلف ظهرها

ورفعت حواجبها بمعنى الرفض

رجع جوال ام خالد يرن

ناظرته ريم واعطت مشغول

ام خالد بدت تفقد اعصابها : اعطيني الجوال

ريم بعناد : لا لا علشان تقولين لخالد

ام خالد زفرت بضيق : خلاص ما اقول له بس اعطيني الجوال

ريم بعناد : نوووووووو نوووووووووو

رجع خالد يرن

اعطته ريم مشغول

وبعدها بثواني رن جوال الجده

وبسرعه ردت الجده

الو

خالد : وش فيها امي ؟؟

الجده بقهر : هذي

ريم ناظرت جدتها وصرخت : لاااااااااااااااا

وسحبت ريم منها الجوال من جدتها وقفلته

وابتعدت عنهم

الجده فتحت عيونها : يا قليله الحيا اعطيني الجوال

ريم بعناد : نووووووووووووووووووو

رن جوال الجده وكان خالد

اعطته مشغول

وخلال دقايق سمعت صوته من الخارج : يمه

في شي ؟؟ وش الصراخ للي سمعته

ابتسمت الجده بخبث

ناظرتها ريم وركضت وبسرعة حطت يدها

على فمها

الجده وهي تحاول تبعد ريم عنها : امممم امممم

ام خالد بعصبية : ريم

خالد وبعدين مع هالزفته ريم ؟؟

ريم بلوم وصوت منخفض لام خالد : للي يفتن الله يحطه بالنار

خالد بهدوء : ريم تعالي بسرعة

ريم ناظرت جدتها ما ودها تطلع

الجده بعصبية : خالد قسم بالله اذا ما سحبتها

من هنا الحين

الا لساني ما يناطق لسانك

حشى وش طول لسانها ما تحشم احد

ريم هزت راسها بالرفض

ام خالد : يالله روحي عند زوجك

ريم هزت راسها بالرفض

خالد صوته من الخارج : ريم اقول لك تعالي

بسرعة

ريم بعناد جلست وبصوت منخفض : اهون عليك يا خالتي تطرديني ؟؟

ام خالد تنهدت : خلاص يا خالد اتركها

الجده حزنت عليها : خلاص يا خالد روح

خالد بهدوء : كلمتي ما رح اثنيها

ريم تعالي هنا بسرعه

ام خالد همست لها : خلاص روحي

ريم بعناد هزت بالرفض راسها

الجده بقهر من عنادها : خلاص شوفي وش يبغى

وارجعي بسرعه

وقفت لما سمعت صوته الهادي : يعني افهم انها

ما تبغى تطلع

الجده : لا لا الحين جايه

واعطتها نظره بمعنى روحي

توجهت ريم خارج الغرفه بعد ما حطت الجوالات

على الكنبه وهي ماده البوز وتتحلف

للزوج الثلاثي

طلعت كان واقف ينتظرها

ناظرها وبهدوء : اطلعي على الجناح فوق

ولا تنزلين منه الا لما ارجع

ناظرته بقهر وصوت منخفض : يعني عقاب ؟؟

ناظرها ببرود : لا مو عقاب بس انا طالع مو فاضي كل شوي تجيني شكوى

يالله قدامي اطلعي

توجهت للدرج وهي ماده البوز وهو طلع من البيت

&

&

&

&

&

&

&

كان جالس بالاستراحه مع ربعه وصقر معهم

صقر وهو يمسح مكان الضربه : حرام عليك ليه

ضربتني ؟؟

خالد بابتسامة : علشان تعمل مقلب مثل وجهك وبدر وعمر حسابهم بعدين يصورون

لو ما كنت مغطي على عيونك كان عرفتك على طول

بس صدقني الا اردها لك والايام بينا

صقر : يا اخي نفسي اشوفك معصب

دايما مروق وهادي

قلت خليني اعمل كذا علشان تعصب

خالد ابتسم : قل اعوذ برب الفلق

صقر كش عليه : مالت اصلا انا غبي مضيع وقتي

معك

بعدها وقف واستأذن وطلع عنده مناوبه بالمستشفى

رجع خالد مع ربعه ضحك وناسه وقفل وجواله

احتياط

*

*

*

*

*

*

*

طلعت ريم تشوف طيف ومصعب ما دخلوا الجناح والوقت تأخر صارت

الساعه 10

طلعت وشافت بوجهها سديم ورغد وروان ومي

ناظرتهم ريم وطنشتهم ونادت احمد للي كان واقف عند الدرج

بس وقفها صوت سديم :لو شفتي يا رغد

بعض ناس ابوي مسح فيهم الارض على الغداء

بصراحه حزننونيييييييي

رغد بشماته : ليه ما صورتيها خليني اضحك

ناظرتهم ريم باشمئزاز : حطي لسانك بحلقك انتي وإياها

روان : اصلا هي محتره منا

ريم بقرف : لا يا شيخه يا حسره على وش اغار واحتر

هزلت

سديم اقتربت منها واشرت عليها بتعالي : انتي يا قزم

على وش شايفه نفسك المفروض

تدفني نفسك

امك وابوك تبروا منك مو سائلين عنك

والا في ام ما تحضر عرس بنتها ؟؟

ريم جن جنونها وعندها عقده من كلمه قزم

وهي اصلا خلقها ضايق ومخنوقه وزاد

خنقها كلام سديم

ما تطيق حد يذكر امها خير شر ما تطيق

ليه كلما تنسى الماضي لازم يذكرونها وبدون وعي

هجمت على سديم ومن شعرها شدته بقوه

وبعدها عضتها بيدها

ودفتها وبسرعة هربت على الجناح وقفلت الباب

بالمفتاح

والبنات يناظرن مو مستوعبات الموقف

سديم ودموعها تنزل بقهر : والله يا كلبه لتندمي

وخلال دقايق الجوز الثلاثي كان متواجد ومعهم

فيصل

سديم بقهر ودموعها تنزل : شوف يبه مكان عضتها

وشوف شعري كيف قطعته

فيصل وهو يكتم عصبيته : انت ما ضربتيها

سديم وهي تمسح دموعها : والله والله ما ضربتها حتى اسأل البنات هي هجمت علي

وضربتني وبعدها هربت للجناح

مي : والله يا عم سديم ما ضربتها ريم هجمت عليها

وضربتها

وكل البنات ايدوا كلامها

توجه فيصل للجناح وطق الباب وبصراخ : ريم افتحي الباب

ريم من وراء الباب : ما رح افتح

فيصل بصراخ : اقول لك افتحي الباب قبل ما اكسره فوق راسك

ريم ببرود وهي تمسح دموعها : اذا تقدر تكسره

اكسره

فيصل بصراخ : ريم

طلع الجوال ورن على خالد بس مقفل

شد على الجوال بقوه

الجده اقتربت من الباب بهدوء :ريم بدون مشاكل

افتحي الباب

رجع يتصل فيصل بخالد بس مقفل

من القهر ضرب الباب بقوه : اقول لك افتحي الباب

ريم : ما رح افتحه لو تموت

سمعت صوت : وش فيه ؟؟

فيصل بعصبية : انت وينك جوالك مقفل ؟؟

خلها تفتح الباب احسن ما اكسره فوق راسها

اتفاهم معها خلها تفتحه

خالد بهدوء :طيب فهموني السالفه

فيصل بصراخ : حشى متزوج كلبه !!

شوف يد اختك وشعرها

ناظر خالد مكان ما اشر فيصل

سديم بقهر : شوف مكان عضتها وشوف شعري

كيف قطعته

ناظر مكان العضه مكان اسنانها واضح في اثار للدم

خفيف وشعرها معفوس

تنهد وناظر سديم : فجأة من الباب للطاق هجمت

عليك ؟؟

فيصل بعصبية : يعني الحين ودك تطلع اختك

غلطانه ؟؟!!

سديم : ما قلت لها شي

كنا نتكلم مع بعض وبعدها هجمت علي

والله ما ضربتها

وصارت تمسح بدموعها : اذا انت اخوي ما رح توقف

معي مين يوقف معي

والله احس راسي تمزع من شدها لشعري

وفوق هذا ودك تطلع الحق علي

وصارت تشاهق

خالد ما يحب يشوف دموع اخواته تقدم من سديم

ومسح دموعها : خلاص انا اخذ حقك واوعدك

اوقفها عند حدها اذا كانت غلطانه

سديم : اذا مو مصدقني كل البنات يشهدون معي

خالد بهدوء : خلاص مصدقك بس لا تبكي

فيصل بقهر : اترك عنك سديم وتعال خلي

الكلبه تفتح الباب

تضايق خالد من شتم ابوه وبهدوء : يبه لها اسم

اعتقد !!

فيصل طنش : يالله خلها تفتح

اقترب خالد من الباب وبهدوء : ريم افتحي الباب

خلينا نحل المشكله

ريم كانت جالسه خلف الباب وتمسح

دموعها

ما لها سند بهذي الدنيا

كلهم ضدها وخاصه بعد ما سمعت كلامه

مع سديم

وهي كانت تنتظره ياخذ حقها من سديم

تحس كل امالها تحطمت فجأة

الشخص للي كانت تنتظره يبعد شر عمها

عنها

طلع هذا الشخص بصف اعدائها

بس مستحيل تضعف لهم مستحيل

خالد بهدوء : ريم اقول لك افتحي الباب

فيصل ضرب الباب بقوه : وقسم بالله اكسره فوق راسك

ريم من بين دموعها تكلمت باستهزاء : اذا كسرته ترى

من الحين تصليحه عليك

قاطعها خالد وما زال محافظ على اعصابه : ريم

افتحي الباب

وبعدها ناظر البنات : ليه واقفين هنا ؟؟

روان وسديم خذوا بنات عمي واطلعوا من هنا

وانت يا جده روحي ارتاحي انتي وامي

طلعوا البنات وهم يتحلطمون ما يقدرون

يقولون لا لخالد

بالرغم من بروده الا له شخصيه بينهم وكلمته ماشيه عليهم

الجده مو عاجبها : يالله يا ام خالد

خالد ناظر ابوه : انا اتفاهم معها وان شاء الله

ما يصير خاطرك الا طيب

فيصل بعناد : مو متحرك من هنا الا لما تفتح

وانا اتفاهم معها

وضرب الباب بقوه : اقول لك افتحي الباب

مسحت ريم دموعها

وهي تفكر هالطراق محصليته محصليته

تاخذه وترتاح خاصة بعد ما راحوا البنات

يعني ما في حد يتشمت فيها

توجهت للحمام غسلت وجهها ونشفته

وتوجهت للباب

وفتحته وخلال ثواني كان فيصل ماسكها ومعطيها

طراق على وجهها

ابعد خالد عن ابوه : يبه

فيصل بعصبية : اتركني عليها اذا اليوم ما طلعت حرتي فيها رح ادخل المستشفى واموت قهر

الله ياخذها رفعت ضغطي

وبحركه سريعه بعد خالد عنه وسحب ريم من يدها

بس مسكه خالد : يبه اتركها واسمع منها بالاول

فيصل بدون وعي : اتركني يا خالد

خالد بهدوء : يبه هذي زوجتي وما احب حد يمد

يده عليها

ترك خالد ابوه وبهدوء : اذا بتعزني يبه اتركها

وسحب نفسه وتوجه للمطبخ يجيب كاس مويه

لابوه

لانه متأكد كثر ابوه يعزه وما رح يضربها

حمد ربه انه لقى طريقه يبعد ابوه عن ريم

فتح باب الثلاجه

وسمع باب تقفل استغرب ليه ابوه طلع

سكر الثلاجه وتوجه للصاله بسرعه

شاف ريم واقفه وحاطه يدها على خدها

وابوه مو موجود

تقدم منها وبهدوء : طلع ؟؟

رفعت ريم نظرها عن الارض ونزلت يدها

عند خدها وبابتسامه هزت راسها بالموافقه

زفر بضيق وناظرها : ليه كذا يا ريم ؟؟

لازم كل ما اطلع من البيت اغلبهم يشتكون منك ؟؟

ليه ما تحاولي تتأقلمي معهم وتعملي علاقات

طيبه مع اخواتي !!

ليه تخلي الكل ينفر منك يعني من اول ما رجعت

والكل يذمك ويذم طول لسانك !!

ليه ؟؟؟

وش تستفيدين اذا الكل نفر منك ؟؟

الحين انت كبيره متزوجه لازم علاقاتك مع من حولك

تكون افضل من كذا !!

ممكن اعرف ليه ضربتي سديم ؟؟

كانت تناظر للبعيد وتسمع له

مستحيل حد يفهم للي بداخلها

مستحيل حد يشعر بمعاناتها

دايما هي الغلطانه

من اول ما جاءت هنا من هي طفله

الكل ينفر منها ويتقزز

هم زرعوا الحقد والكره بعلاقتي معهم

حاولت انسى واتأقلم معهم

بس للاسف

قلوبهم سوداء حقودين

مو بحاجه لصداقة احد !!

عشت حياتي بدونهم اقدر اكملها بدونهم

رفعت نظرها له وكان ينتظر منها الاجابه : خلاص

ضربتها وعمي اخذ حقها ما له داعي نفتح تحقيق

وتوجهت للغرفه ما رح تقول لاي شخص للي

بقلبها

لو شكت له عن اخته ما رح يوقف معها

رح تبقى اخته اولى منها

ليه تتعب حالها وتدافع عن نفسها

دامها من اول ما جاء والكل يشكي من طول لساني

ما رح يصدقني ويكذب اهله

زفرت بضيق وتوجهت للحمام

تاخذ راحتها وتسمح لدموعها بالنزول

تشكي آلامها واحزانها .....

&

&

&

&

&

&

&

&

*

نزل خالد من الدرج بقهر

ام خالد : وين يمه ؟؟

وقفه فيصل : وين ؟؟

ناظر ابوه بزعل

مسك فيصل يده بندم : زعلت ؟؟

خالد بزعل : اولا هذي زوجتي واحترامها من احترامي

وانا قلت لك اتفاهم معها بس ما سمعت كلامي

فيصل : لا تزعل يا خالد والله فقدت اعصابي وبعدين كلها كم كف حصلتهم

خالد بهدوء : يبه لو تقطعني ما فتحت حلقي

اما ريم رجاء ما تمد يدك عليها اذا غلطت انا اتفاهم

معها

فيصل بهدوء : خلاص لك ما امد يدي عليها

بس لا تزعل ادخل

خالد ببرود : متفق مع واحد من الربع اطلع معه

ام خالد : متى ترجع الوقت الحين تأخر ؟؟ وبعدين قبل شوي رجعت

خالد ببرود،: ما ادري اي ساعة ارجع

ام خالد بهدوء : لا تتأخر

هز راسه خالد وبعدها استأذن وطلع

زفر فيصل بضيق وجلس على الدرج

*

*

*

*

*

*

*

دخلت الصبح المطبخ وكان الجناح هادي استغربت

الهدوء

وتذكرت انه خالد اليوم دوامه بالمستشفى

فتحت الثلاجه وعملت لها كوب حليب

جلست على الطاوله وناظرت الكوب للي بيدها

ومسحت دمعه نزلت غصب عنها

زفرت بضيق وصارت تشرب الحليب بهدوء

بعدها توجهت لغرفه النوم وفتحت اللاب وجلست

تتابع بعض المنتديات حتى تنسى للي صار

بعد اذان الظهر قررت تنزل تحت

واستغربت البزران ما لهم صوت

لبست عبايه وحطت الشيله على راسها

فتحت باب الجناح وطلعت شافت احمد ومصعب

بأخر الصاله يلعبون بلايستيشن

توجهت لهم وسحبت الاسلاك من الكهرباء

مصعب بانفعال : ليه كذا ؟؟

ريم مدت بوزها : ليه ما ناديتوني العب ؟؟

مصعب : كنت نايمه ورفضتي تصحين

رجعت الاسلاك بالكهرباء وجلست على الارض

وبدت تلعب معهم

وصارت تضحك وتمزح معهم ونسيت

كل شي

&

&

&&

&

&

رجع من دوام المستشفى تعبان وتوجه للجناح يبدل

ملابسه وينزل

سمع صوت ضحكها ناظر اخر الصاله

كانت تلعب مع مصعب واحمد وتضحك

رفع حاجب ولا كأنها هي للي انضربت البارحه

توقع يرجع يلاقيها مقفله الباب على روحها

وحالتها حاله

مو جالسه تلعب وتضحك

توجه للجناح وهو مستغرب من حالها

&

&

&

&

*

&

على الغداء جلست بهدوء قبل ما يوصل

عمها فيصل

نواف بابتسامة : وش ناويه تدرسين يا سديم ؟؟

سديم بدلع تغيض ريم : افكر ادرس لغه عربيه

خالد بهدوء : حلو

سامر : ليه ما تدرسين لغات ؟؟

قاطعهم دخول فيصل رد السلام وجلس

كان يسترق النظر لريم

للي كانت تكلم نوف وتبتسم والوضع عندها

عادي

حس وجهها منتفخ واثار لون احمر على وجهها

بس عادي تضحك مع نوف ولا كأنه صار شي

لو وحده ثانيه كان ما نزلت من اسبوع

بس يحس بعيونها انكسار حزن يغلب عليها بريق

الالم على الرغم انها تضحك بس تحسها مكسوره

من الداخل

ناظر خالد منشغل بعياله وما هو داري عن هواها

متيقن من انها انظلمت كثير وانحرمت كثير

من غير ذنب

واكبر ظلم انها تتزوج من خالد

صحيح انه طيب وهادي بس عنده عياله

اهم شي

ما اشوف اهتمامه فيها كونها عروس

وهي صغيره ليه تبدأ حياتها مع شخص متزوج

وعنده عيال

كان خاطري ازوجها نواف لانه هو الشخص للي رح

يسعدها

او سامر بس قدر الله وما شاء فعل كل شي

نصيب

ما ادري ليه قلبي يحقد عليها هالبنت يمكن

لسانها الطويل ينرفزني

زفر بضيق وكمل اكله

كانت تاكل شوي شوي وتهمس لنوف وتبتسم

احمد بطفوله : بابا خذنا على المول اليوم !!

طيف : يا جدووووو خذنا على المول

فيصل بهدوء : خلاص جهزوا نفسكم بعد العشاء نطلع

روان : عاش بابا

الجده : ايه و الله في كم غرض ودي اشتريه من السوق

اوصيكم عليه

فيصل : ليه ما تطلعين معنا ؟؟

الجده : ما لي على الاسواق خليني هنا احسن

لي

ام خالد : وانا معك يا خالتي وضعي ما يسمح

لي اروح للاسواق

فيصل : خلاص براحتكم

ورجعوا يكملون اكل بهدوء

*

*

*

*

*

*

*

*

*

جهزت طيف ونزلت عند جدتها بالصاله الداخليه

وسألت بهدوء : متى يرجع جدي ؟؟

الجده : والله ما ادري بالضبط

ام خالد : ام بدر وينها ما تيجي ؟؟

ريم بهدوء : كلمتها اليوم تقول جنى قرفتها

حالها لاجلها ما ودها تطلع متغلبه فيها

الجده : الله يكون بالعون

ام خالد ناظرت ريم : إلبسي عباتك اتوقع انهم

كملوا صلاة العشاء

ريم بهدوء : ما ابغى اروح

الجده : روحي غيري جو

ريم ناظرتها بهدوء وبداخلها مع مين تروح

بنات عمها ما يكلمنها

لا ام ولا اب ولا حد تسوق معه

حتى زوجها ما يسأل عنها وندمت المره الماضيه انها

طلعت معهم لانها هي والكرسي واحد

ام خالد : روحي معهم وتسوقي ام سليمان

طالعه معهم

ريم بهدوء : ما لي نفس اطلع واذا متضايقات

من وجودي الحين اطلع على الجناح

الجده رفعت حاجب : ليه تقولين كذا ؟؟

والله مو متضايقة من وجودك

ام خالد حست ريم عيونها تلمع بالدموع : زعلانه

مع خالد ؟؟ او رفض انك تطلعين ؟؟

ابتسمت ريم بهدوء : لا والله

قلت لطيف تقول له ما رح اطلع

الجده : براحتك

رن جوال ام خالد

ردت بهدوء الو............طلعت مع سديم ...........ما ادري ....... اسأل طيف عنها يمكن معهم .......مع السلامه

رفعت ريم نظرها لخالتها

ام خالد : هذا نواف يسأل عن نوف

هزت الجده راسها وصاروا يحشون وريم

مستمعه

اتصل فيصل بام خالد

الو .........اي هنا ...........لا ما تبغى تروح ......ما ادري ...........

ناظرت ريم : عمك يقول لك تعالي معهم

ريم بهدوء : ما ابغى

ام خالد رجعت تكلم فيصل : ما وتبغى تروح ..............

ام خالد ناظرت ريم : يقول لك دقيقتين تكونين

عند السياره

ريم والعبره خانقيتها : ما رح اطلع

مدت ام خالد الجوال لريم : كلميه

تناولت ريم الجوال وبصوت مخنوق : الو

فيصل : دقيقتين تكونين عند السياره

ريم بهدوء : تعبانه مو قادرة اطلع

سكت فيصل وبعدها تكلم : براحتك

قفلت ريم الجوال واعطته لام خالد

الجده : وش يوجعك ؟؟

ريم بهدوء : ولا شي

بعدها وقفت : انا طالعه على غرفتي انام

نعسانه

ام خالد : الله معك

طلعت ريم من الصاله

الجده بهمس : من هالقصه اذا ما كان خالد مانعها

تطلع

ام خالد : يمكن حتى ما اتصل يسأل ليه تأخرت

لانه منعها تطلع ليه يسأل

ثواني ورن الجوال

ام خالد الو ...........طلعت تنام ..........لا ما فيها

شي ارهاق بسيط .........مع السلامه

الجده بلقافه : خالد ؟؟،

ام خالد : ايه يسأل عن ريم ليه ما نزلت

الجده بتحليل : مو خالد للي مانعها

طيب وش للي يخليها ترفض تطلع ؟؟

ام خالد : والله ما انا عارفه يا خالتي

وكملوا سوالفهم وحشهم

*

*

*

*

*

*

*

يوم الاحد

جالسه بالصالة بعد الفطور وتسمع من طيف

ومصعب عن مغامراتهم البارحه

ريم بابتسامة : طيف انتي قلتي لخالد اني ما رح اروح

والا مصعب قال له ؟؟

مصعب : لا طيف قالت له وقال بابا براحتها

انقهرت ريم من رد خالد

وصرخت عليهم : انقلعوا من وجهي

طيف : خليني اكمل

ريم وقفت بضجر : اروح انظف المطبخ ابرك لي

&

&

&

&

&

جالس مع عمه نايف بالمكتب

نايف : لانك بالبدايه باكر تتعود على المستشفى والدوام وتتأقلم معه

خالد بهدوء : ان شاء الله

نايف : اليوم رح تنقلون للبيت الجديد ؟؟

خالد : ايه بعد العصر

نايف بهدوء : الله يبارك لكم ان شاء

ناظر خالد ساعته : استأذن خلص وقت البريك

نايف ابتسم : مع السلامه

طلع خالد من المكتب سرحان وهو يفكر

ومستغرب طول فتره البريك وهو جالس معه

ما سأل عن بنته !!!

رفع نظره بعد ما صدم بشخص

ورفع حاجب وهو يناظره

طلع خالد من المكتب سرحان وهو يفكر

ومستغرب طول فتره البريك وهو جالس معه

ما سأل عن بنته !!!

رفع نظره بعد ما صدم شخص

صقر بابتسامة : سلامات يا دكتور وين عقلك ؟؟

سليمان بابتسامة : هو عنده عقل اصلا

خالد رفع حاجب : محترررررين

صقر مسك يد سليمان وناظر خالد : مالت عليك

يالله يا سليمان ورانا اشغال مهمه

ابتسم خالد وطنشهم وتوجه لمكتبه

وخلال دقايق رن جواله رفع الجوال واستغرب

رقم مو مسجل عنده

فتح خط بهدوء : الو

صوت بنت ناعم : مرحبا

خالد بهدوء : اهلين

البنت : انت الدكتور خالد ؟؟

خالد بثقل : نعم اختي اي خدمه

صوت البنت تكلم حد عندها : هذا الدكتور خالد

رقمه صح ياي

ورجعت تتكلم : دكتور خالد انت جديد عنا بالمستشفى

ما تصدق تعبت وانا ابحث رقمك

من اول ما شفتك حبيتك

خالد بابتسامة وهو يمشي : والله ؟؟

البنت : ممكن اقابلك ؟؟

وقف خالد ببرود : ممكن يا قلبي

بس انتي دكتوره والا ممرضه هنا ؟؟؟

البنت بدلع : مو مصدقه انك وافقت على طول

خالد بصوت عالي وهو واقف خلف باب

مكتب صقر : صدقي يا عمري وفتح الباب

وناظر سليمان للي ماسك الجوال

وصقر حاط اذنه على السماعه يسمع

ناظروا خالد بدهشة وعيونهم مفتوحه

خالد بابتسامة : هذا جيت لك للمكتب ما في داعي

تصرفي رصيد كفايه يا حلوه

نزل سليمان الجوال بذهول : كيف كشفتنا ؟؟

قفل خالد الجوال وضحك : ههههه لانه خططكم

فاشله

عاد مين للي ما عنده عقل ؟؟؟

صحيح تذكرت هاذي الاشغال المهمه يا صقر ؟؟

ولعب بحواجبه

صقر : صدقني رح ييجي يوم ارفع ضغطك

واخليك بركان ثاير بس انتظر المقلب القادم

ضحك خالد : هههههه فعلا انك سخيف

يالله عن اذنكم

وناظر سليمان قبل ما يطلع : لا تتصلين فيني

يا حلوه مو فاضي الحين هههههههه

&

&

&

&

&

&

نظفت المطبخ ومقهوره للحين

وهي تقلد صوت خالد : براحتها

تذكرت جدها ما كلمته من ايام

رح تحاول تشكي له مع انها عارفه ما رح يساندها

لانه خالد بالموضوع

وجدها عنده خالد ما حد يوصل درجته

طلعت من المطبخ وكانت الصاله فاضيه الظاهر انه

مصعب وطيف طلعوا

دخلت غرفه النوم واتصلت بجدها

بعد كم رنه فتح خط

ريم بهدوء : الو

الجد بترحيب : هلا والله بالقاطعه ما تتصل فيني

كل يوم

ريم : اتصلت فيك قبل ايام

قاطعها جدها : المهم اخبارك يا حلوه ؟؟،

ريم حست بالعبره خنقتها لما كلمت جدها : متى ترجع ؟؟

الجد حس فيها شي : وش فيك علامك يبه متضايقة ؟؟ حد زعلك ؟؟

ريم وكأنها قنبله موقوته : مو بخير يا جدي

سافرت وتركتني هنا

لعمي فيصل

الجد بهدوء : قال لك شي ؟؟

ريم ببكاء : مو بس قال ضربني

الجد بانفعال: ضربك ؟؟؟ ليه ضربك ؟؟

ريم وتمسح دموعها : لاني ضربت سديم

الجد تنهد بهدوء : ليه ضربتيها ؟؟

ريم وطلعت شهقه منها وهي تتذكر كلام

سديم للي جرحها : جدي انت تعرف سديم ولسانها

دايما تتعمد تجرحني وتهيني

قدام بنات عمي تعايرني

ريم ببكاء مو قادرة تكمل وبصعوبه ضغطت على نفسها

تعايرني انه امي وابوي تبروا مني

وانه عمي فيصل مسح فيني الارض على الغداء

ليه انا حظي ناقص ما لي سند يحميني

ما لقيت شي اقهرها فيه هي مو مثلي

الشاطر يرمي علي كلام ويعايروني

هي مو مثلي عايشه عند امها وابوها

مدلعينها ما يحرمونها من شي

لها اخوان واخوات مو مثلي وحيده منبوذه

ما في شي اعايرها فيه ما لقيت الا اني اضربها اخفف من اثر كلامها للي مثل السم

تنهد الجد : خالد وش قال ؟؟

ريم من بين دموعها : ما كان موجود انا لما ضربتها

دخلت الجناح وقفلت الباب ولما طلع عمي فيصل

وسمع من سديم اني ضربتها صار يتوعد بي

ويخبط على الباب علشان افتحه

بس انا رفضت لاني عارفه رح يدفني بمكاني

حتى بدون ما يسمع مني

بعدها وصل خالد وصارت تبكي سديم وقال لها

الا ياخذ حقها مني

ليه يا جدي يوقف ضدي ليه ؟؟

مو انا زوجته !!

المفروض يوقف بوجهم ويقول لهم هذي

زوجتي ما اسمح لاحد يمسها لو بكلمه

وطلب مني افتح الباب

لما فتحته هجم علي عمي فيصل واعطاني كم طراق

وبالغصب ابعده خالد عني

ليه كذا حظي ؟؟

علشان ضربت سديم عصب عمي فيصل

ليه هو كسر يدي

وما حد اهتم ليه ؟؟

علشان انا ما لي والي ؟؟

علشان ابوي متبري مني ؟؟

وبضعف كملت

تحسسوني اني جاية من الشارع مو كأني بنت لكم

للي يكون متضايق ييجي يطلع حرته بي

قاطعها الجد وهو يسمع بكاءها : خلاص ما يصير

بخاطرك الا طيب

وسديم دواها عندي اذا ما نزلت واعتذرت لك ما اكون ابو سلمان .بس اهم شي لا

تضايقين خلقك وسعي صدرك ووعد مني الا اليوم

تنزل وتعتذر منك

ريم بهدوء وصوت شهقاتها طالع : م. شش كك و ر

الجد بهدوء : يالله مسحي دموعك وما يصير خاطرك الا طيب

وبعدها استأذن وقفل الخط

تنهدت ريم وهي تحس نفسها ارتاحت شوي

فضفضت من الضغوط للي بداخلها

رمت نفسها على السرير وهي تمسح دموعها

&

&

&

&

&

رن جواله وتوقع يكون صقر فقرر يطنشه

رن مره ثانيه

مسك الجوال واستغرب

فتح خط بهدوء : هلا

الجد بعصبية : وحطبه ليه ما ترد من اول

خالد ابتسم : انا بالمستشفى

الجد بزعل : وش للي سمعته ؟؟

وكمل بدون ما ينتظر اجابه

ليه ابوك ضارب زوجتك ؟؟

خالد ببرود : وش عرفك ؟؟

الجد : جدتك قالت لي

خالد بهدوء : يقولون ضاربه سديم

قاطعه الجد بنرفزه : ليه ما وقفت بصف زوجتك

ودافعت عنها وخليت اختك الزفته تعتذر من ريم ؟؟

ما هقيتها منك تصف ضد زوجتك

كلكم ضد هالضعيفه !!

خالد بجديه : والله يا جدي ابعدت ابوي عنها

وبعد ما طلع سألتها عن السالفه وانا ناوي

اخلي سديم تعتذر من ريم اذا كانت سديم غلطانه

بس لما سألتها وش صار بالضبط رفضت

تقول لي ولا حتى عبرتني

وانت تعرفني يا جدي ما احكم الا اذا سمعت

من الطرفين

وانا سمعت من سديم ما سمعت منها

فما رح اتدخل اذا ما سمعت من الطرفين

حتى احكم بينهم

الجد بهدوء : والله اعرفك بس ما ابغى تظلم

هالبنت مثل ما غيرك ظلمها

ابغى لما ترجع تنزل سديم وتعتذر من ريم

لانها سديم هي الغلطانه

خالد رفع حاجب : وش عرفك يا جدي انها سديم غلطانه ؟؟

الجد بحزم : لا تفكر اني مسافر ما ادري عن شي

صحح معلوماتك كل شي يصلني

وانتظر اتصالك ابغى اسمع اعتذارها بنفسي

تنهد خالد : ان شاء الله

وبعدها قفل الخط

*

*

*

*

*

سديم بغرفتها تبكي بقهر : لو اموت ما انزل

اعتذر لها

ام خالد : عارفه جدك وعناده لا تعملين مشاكل

سديم بقهر : انا جدي يمسح بي الارض علشان الزفته ريم ويهددني لما يرجع خالد من الدوام

اذا ما نزلت معه واعتذرت

ما يحصل طيب

روان بغيره : هالريم لاحسه عقل جدي

ام خالد خلقها ضايق من الحمل : انت حره

انا حذرتك من عصبيه جدك

وبعدها طلعت

ورجعت سديم تبربر بقهر

دخل خالد بهدوء بعد ما طرق الباب : يالله ننزل

اعتذري قبل الغداء

سديم بقهر : يرضيك اختك تنذل علشان ست ريم ؟؟

خالد ببرود : والله انا ما سمعت من الطرفين حتى احكم

بس جدي يقول عليك الحق

يالله تراني تعبان ودي اتغدى وانام لا تأخريني

غسلي وجهك وتعالي انا واقف انتظرك هنا

وقفت سديم بعصبيه وبقهر دخلت الحمام وغسلت

وجهها وطلعت وهي تنشفه

&

&

&

&

&

&

كانت جالسه بالصالة وتنتظر على نار متى تيجي

سديم وتعتذر لها

قررت تجلس بالصاله على اللاب حتى تظهر انها ما تدري

عن شي

انشغلت بالمنتديات وبعد مرور وقت انفتح

باب الجناح

ما ناظرت وهي مندمجه مع المنتدى ونسيت

الاعتذار

دخل خالد وبهدوء : ادخلي يا سديم

رفعت ريم راسها وتذكرت ومثلت انها ما تدري عن

شي رفعت حاجب باستغراب وهي تشوف سديم

سديم بتعالي : انا اسفه

سمعت صوت الجد على السماعة الخارجيه : خلها

تسلم على الريم وتحب راسها

سديم بقهر تقدمت من ريم ونفذت الامر

ريم ابتسمت بنصر

الجد : اعطيني ريم

مد خالد الجوال لريم

حطت ريم على السماعة الداخليه : الو .......

ابتسمت وناظرت سديم وخالد وقالت ايه ...............راضيه ..........ايه .............ايه ..........ان شاء الله .........مع السلامه

قفلت الخط وناظرت ما كان فيه الا خالد

مدت الجوال له بس مسك يدها بهدوء وهو يناظرها بتشكيك : انت خبرتي

جدي ؟؟؟؟

ريم بتمثيل : انااااا ؟؟

ابتسم خالد ابتسامه خفيفه وهو متأكد انها هي

للي خبرت جدها بس كان نفسه يعرف وش

قال لها جده

تركها بهدوء : انزلي تحت الغداء جاهز علشان نجهز الاغراض

*

*

*

*

*

*

دخلت الجناح الجديد وهي تناظر نظره

تقييميه

كان اكبر من الجناح في بيت جدها

كان واقف خلفها : خلي عنك التأمل الحين خلينا

نرتب الاغراض وبعدها ارجعي للتأمل

لفت وجهها ريم ومدت بوزها بضجر وهي تناظره ورقبتها مرفوعه عالاخيره علشان تشوفه : يعني الخدم

وش وظيفتهم ؟؟؟

مد يده بهدوء على راسها ورسم على شفتيه ابتسامه ونزل راسها : لا تنخلع رقبتك وانت تناظرين فوق هههههه

ريم عفست ملامحها وبصوت هامس : سخيف

سمعها بس تظاهر انه ما سمعها : وش قلتي ؟؟

ريم وهي تتكتف : اقول وش فايده الخدم ؟؟؟

خالد بهدوء حازم : انا ما احب حد من الخدم يلمس اغراضي او اغراض عيالي لنا يد ليه ما نخدم

انفسنا كله على الخدم هم كمان بشر لهم طاقة

لاحتمال الشغل

يعني اذا رتبتي اغراضك بتنقصين ؟؟؟

ريم رفعت حاجب : ارتب ملابسي بس ما لي دخل

بملابس طيف ومصعب

واعطته نظره كلها عصيان وتمرد

ناظرها باستغراب ما توقع ريم للي رسم لها شخصيه

بعقله قبل ما يقابلها كذا

صورتها بمخيلته كانت اجمل من الواقع

تنهد وهو يتكتف : صادقه مو ملزومه باغراض عيالي

بس ملزومه باغراضي وناظرها بحده

بعدها ارخى ملامحه

خلاص انا ارتب اغراض عيالي وانت رتبي اغراضك واغراضي

ومشكوره مقدما ورمقها نظره فيها عتب

ريم بندم من طول لسانها حكت راسها باحراج

من تصرفها : انا اسفه

خلاص انا ارتب كل الاغرا...

قاطعها بجعرفه : لا مشكوره

حمل اغراض طيف ومصعب ومشى كم خطوه

بس مسكت يده : خلاص انا ارتبهم مو قصدي

قاطعها بعصبية اول مره تشوفه كذا : والله ما ترتبينهم

مو محتاجين منك شي

ما ادري لو رتبتيهم تاخذين اجر ذول يتامى صغار

بس ما ادري عقلك كيف يفكر

ابعد يدها عنه بهدوء

وتوجه لغرف عياله

حطت اصبعها الشاهد بفمها بندم

زفرت بضيق وتوجهت لغرفة النوم ترتب الاغراض

*

*

*

*

*

*

*

وقفت وهي تحط يدها خلف ظهرها

من التعب بعد ما كملت من ترتيب الاغراض

دخل بهدوء وتوجه للتسريحه

جلست على السرير بتعب وهي تراقب حركاته

توجه للخزانه وفتحها

بعدها فتح كل ابواب الخزانه وهو يناظر

كانت الاغراض مبعثره ولا تقرب للترتيب بشي

زفر بضيق وناظرها وهو يكتم عصبيته : تسمين هذا ترتيب ؟

ريم ببراءه : والله تعبت وانا ارتب فيهم

خالد بحده رفع يده وهو يؤشر على الخزانه : هذا

ترتيب ؟؟؟

وقسم بالله يمكن طفل ابو سنتين يرتب افضل منك ؟؟؟

زفر بضيق انا ما ادري شغلك هذا غش والا وش بالضبط ؟؟

تستهبلين علي ؟؟

وتقدم من الخزانه وفرغ كل الاغراض

وبحزم : رتبيهم من جديد انا طالع وراجع بعد

وقت وقسما بالله اذا كان مو مرتب الا تعيدينه من جديد

انت الحين كبيره مو صغيره لازم يكون عندك تحمل للمسؤوليه اكثر من كذا

ناظرها وهو مو عاجبه طريقه حياتها وطلع

زفرت ريم بضجر وهي تردد بنفسها : لا يشيخ اعصابك

وصارت تردد وهي تقلده : تسمين هذا ترتيب

اخخخ يالقهر

يقطع المسؤوليه وتعبها

ناظرت الاغراض بعجز وقرف وتأففت بصوت عاااااالي

*

*

*

*

*

نزل من الدرج وكان يطل الدرج على صاله كبيره

ام خالد كانت واقفه بالصاله شافت

خالد نازل من الدرج : خالد تعال

نزل من الدرج وهو متنرفز الترتيب والاناقه

والنظافه شي رئيسي بحياته

ما يرتاح يجلس بمكان ما يلمع اقترب من امه : سم يمه

ام خالد تناظر ابنها : علامك متضايق ؟؟

ابتسم خالد مجامله والضيق باين على ملامحه: لا يمه ما في شي

بس تعبان من الدوام وللحين ما ارتحت ابغى انام

ام خالد : الله يعطيك العافيه كملتوا ترتيب الاغراض ؟؟؟

خالد مسح على شعره الطويل بتعب : اغراض مصعب وطيف ترتبوا

بس بقى اغراضي انا وريم قاعده الحين ترتبهم

ام خالد باعجاب : ما شاء الله ما دريت انه ريم

سنعه

صارت مرتبه اغراض العيال نشيطه

ابتسم خالد مجامله وبداخله يعزي نفسه

وهو للحين متنرفز من ريم

قال نشاط !!

اي نشاط واي سنعه اذا ترتيب الملابس

ما تعرف ترتبهم

بس اخخخ الله صبرني

بس سكت ما قال شي ما يحب خصوصيات بيته

تطلع حتى لو كان امر تافه

ويصبر نفسه باكر تتعلم وتتسنع على يدينه

بس يحتاج لوقت

زفر بضيق وناظر امه : اجلسي يمه ارتاحي

وغمز لها بابتسامة خفيفه

علشان البيبي

دفعته امه عنه بخفه ووجهها احمر من الفشيله : ما الوم طول لسان ريم دام انت زوجها

ضحك خالد : هههههههه والله ابغى راحتك

ام خالد تحاول تغير الموضوع : ابوك وين راح ما رجع ؟؟

خالد وهو يناظر المكان : والله ما ادري

دخل نواف بابتسامة

خالد : هلا والله بالمعرس

نواف بابتسامة : وينك وين المعرس باقي اسبوع !! ام خالد بفرح وفخر تناظر عيالها : اليوم الاحد

وعرسك الخميس ما بقى شي

قاطعهم احمد وهو يركض : ماما شوفي مصعب

الزفت !!

خالد رفع حاجب مو عاجبه : وش قلت ؟؟ منو الزفت ؟؟

احمد بخوف من خالد : صار يبكي

ام خالد بضيق ناظرت خالد : ليه تناظره كذا ؟؟ عجبك

الحين يبكي ؟؟

بس شاطر على اخوانك وبعض ناس لسانهم

مترين مو قادر تقصه

فهم خالد نغزتها بس ما رد توجه لاحمد

وحمله وهو يراضي فيه : خلاص يا بطل انا امزح

معك

واحمد يبكي

خالد ناظر امه وهو طالع : رح اخذهم على البقاله

اراضي ابنك الدلوع قبل ما ييجي ابوي ويفتح

مجلس تحقيق

ام خالد بابتسامة : الله معك

*

*

*

*

*

*

*

دخل الجناح بهدوء بعد ما رجع من البقاله

ناظر لون جدران الصاله كان باللون البيج

توجه لغرفه النوم وهو يتوعد اذا ما كان

الاغراض مرتبه مثل ما يبغى

دخل وفتح عيونه على وسعهم

خالد:

دخلت الغرفه وانا اتوعد لازم تتعلم الترتيب

ترتيبها العشوائي ما يمشي معي

دخلت ويا ليتني ما دخلت انصدمت صراحه

مو لهذي الدرجه الاهمال !!

مو لهذي الدرجه توصل معها ترمي كلامي بعرض الحائط

اقتربت والاغراض مثل ما تركتها على الارض

وحضرتها الاميره النائمه كانت على السرير

كتمت غيضي من تصرفاتها الامباليه

وغمضت عيوني وانا اتعوذ من الشيطان

هزيتها بالخفيف ما ردت

وقفت وصرخت باسمها : ريم

فزعت من النوم وناظرت حولها وكأنها مو مستوعبه

بعدها ناظرت المكان وناظرتني وهي تقرص بعيونها

بعدها فتحتهم

اشرت على الاغراض بهدوء:وش افهم من هذا التصرف ؟؟

ناظرتني وحكت جبهتها : هاه

اشرت على الاغراض بهدوء : وش افهم من هذا التصرف ؟؟

ناظرتني بغباء ما ادري كيف يقول صقر عنها متفوقه

بالمدرسه بصراحه مو راكبه عقلي

لانه تصرفاتها بالبيت ما تدل الا على الغباء

ناظرتها وانا انتظر الاجابه

ردت : اي تصرف وهي تتثاوب

صرخت عليها : ريم قاعده تستهبلين علي ؟؟

نقزت بخوف ووقفت وهي تناظر الاغراض حسيتها صحصحت بعد الصرخه : والله

من التعب ما ادري كيف نمت

ناظرتها ما ادري حزنت عليها يمكن تكون تعبانه

اخذت نفس وبهدوء : طيب روحي غسلي

وجهك وارجعي علشان نرتبهم

هزت راسها ومن ملامحها يظهر عليها الخوف

وبنفس الوقت الضجر

جلست على حافه السرير انتظرها

رجعت وتوجهت للاغراض

تقدمت منها اساعدها

لكني تفاجئت فيها تبتعد خطوه وتغطي وجها

بيدينها

استغربت تصرفها سألتها بهدوء : وش فيك مثل

الهبله عامله كذا

نزلت يدينها بشويش

وعلى ملامحها الاستغراب بس ما تكلمت

مثل ما توقعت تفكر اني ابغى اضربها

غريبه هذي البنت بتفكيرها تنهدت

وحبيت اطمنها : لا تخافين ما رح اضربك

مع انك تحتاجين تكسير راس على كسلك

بس امرنا لله

يالله تعالي اساعدك بالترتيب واعلمك

هزت راسها وتقدمت وملامح التردد

على وجهها

جلست ارتب معها وهي هاديه ما تكلمت بشي

مطيعه

يغلب عليها طابع الحزن

بعد وقت من الهدوء

بدون ما اناظرها : انا اسف عصبت عليك

بس لا تلوميني لاني اذا شفت شي مو مرتب اتنرفز واعصب

ويا ليت حتى نتفادى هذي النقطه

تخلين الجناح مرتب ونظيف

وبالنسبة لمصعب وطيف مو مجبوره تقومين بالاهتمام فيهم

وترتيب اغراضهم

وانا من باكر رح اشوف لهم مربيه

واذا انك تعبانه ليه ما قلتي لي كان رتبتهم

بنفسي !!

وهي ترتب بدون ما تناظر : مو تعبانه

ومصعب وطيف مو مجبوره اهتم فيهم

جدتهم موجوده وعماتهم موجودات

وبعدين مو صغار حتى تجيب لهم مربيه

خلهم يعتمدون على نفسهم

ناظرتها وانا مندهش كانت تتكلم بحقد وكراهيه

وكأنها فعلا زوجه اب بمهاره

رديت ببرود : هذا وانت بعدك كذا صغيره تتكلمين على عيالي باكر لما تدخلين جامعه وش تسوين فيهم

لذي الدرجه تحقدين عليهم وتكرهينهم ؟؟!!

ترى من الحين اقول لك على بلاطه

دخلنا بالمعروف نخرج بالمعروف

مو طايقه عيالي وما تبغينهم او متضايقه من

وجودهم

نلتقي بالمحكمه باكر

ناظرتني بتفاجئ : تطلقني ؟؟؟!

رديت بدون اهتمام : والله اذا زوجتي حاقده

على عيالي وتنقص عليهم عيشتهم

اقولها لك بصراحه

ما تشرفني تكون زوجتي

ريم

ناظرته بقهر ووجهي احس صار احمر من القهر: قول انك توظفت من هنا

وعجبتك وحده من الدكتورات الصايعات

والحين ودك تطلقني علشان تتزوجها هالكلبه

ناظرني ببرود وابتسم : ما توقعتك ذكيه

وتفهميها بسرعة

رديت وانا بركان من داخلي : واضحه وضوح الشمس ما تحتاج ذكاء

ليه تتزوجني دامك ناوي تطلقني ؟؟

ابتسم ببرود يقهر : امممممم بصراحه اممممم

سمعت عن زواج الاقارب

قاطعته ريم وهي مو قادرة تستوعب حظها العاثر

من لما طلعت من هالدنيا ما لها حظ

كلهم ضدها

والحين بعد ما تزوجت يطلقها

وش اعمل اعتذر له حتى يعدل عن فكرته ؟؟

ناظرته بهدوء وانا احاول اتحكم باعصابي : الله يبارك لك

اذا كنت حاب البنت وعجبتك الله يوفقك

ورجعت ارتب الاغراض

ناظرني ورفع حاجب ورمى القطعه للي بيده : قسم بالله انك تنرفزي

انا اتكلم عن العيال ومعاملتهم

وخلال ثواني ألفتي قصها من عندك وصدقتيها

وطلعتي عن مسار الموضوع الرئيسي !!

وش ردك على عيالي ؟؟

ناظرته والغيره تاكل قلبي مو بيدي

لما اشوف كيف يخاف على عياله ومستعد

يطلق زوجته علشان عياله

وانا ابوي ما يدري عن هوى داري

هذا الاسبوع الثاني من الزواج ما زارني ولا سأل عني

ولا مجرد اتصال يطمن علي

يشوف يطمن اني مرتاحه

لو سلمى للي تزوجت متأكده رح كل شوي يتصل

ويطمن عليها

وانااااااااااااا

صدى هالكلمه يذبحني

احيانا افكر بالانتحار اخلص من الدنيا وارتاح

واريح للي حولي من غثاي وطول لساني

بس اتذكر عذاب النار واتراجع عن افكاري الغبيه

رجعت ارتب الاغراض بهدوء والعبره خانقيتني

ما حسيت بخروج خالد من الغرفه

ما ادري متى طلع كنت سارح بحياتي وكأني بعالم

آخرررررررر

*

*

*

*

*

*

مر يومين بسلام وخالد ما رجع فتح الموضوع

مره ثانيه

وطلبت منه ما يجيب مربيه ما لها داعي انا اهتم فيهم

بالبدايه رفض قطعيا حتى ما امن عليه وعلى عياله

بس بالاخير وافق

وام بدر وام سليمان وساميا زارونا ببيتنا الجديد

المهم اليوم الثلاثاء

نزلت عن الدرج وانا اتزحلق

سديم وهي جالسة بالصاله وتناظرني : الله يديم نعمه العقل

روان : صادقه تقولنها قرد الله يعافينا

توجهت وانا ادلع بمشيتي واعطيتهم طاف

جلست مقابل لهم وانا اطقطق بالجوال

دخلت خالتي ام خالد وجلست جنبي

وبعدها بدقايق طلعوا سديم وروان على غرفهم

ناظرتني خالتي : وش رايك

نروح عند خالتي ؟؟

ناظرتها بتفكير : امممم اخاف تغدرون بي اذا عملت خطأ

تتصلون بخالد وتعلمونه

ام خالد كشت عليها : للي يسمع يقول تخاف منه

ابتسمت : ما اخاف من خالد بس اذا جاءت شكوى

علي ما رح يخليني اطلع من الجناح

علشان كذا ما احب تتصلون فيه وتخبرونه

بس يالله قدامي على بيت ام سلوم

دخل خالد بهدوء : السلام عليكم

ناظر امه : وين ان شاء الله ؟؟

ام خالد : ابغى اروح عند جدتك اجلس معها شوي

لوقت الغداء وارجع

هز راسه بتفهم

اشرت لخالتي بدون ما ينتبه لي : وانا

قاطعني خالد : وانت وش تبغين ؟؟

عفست ملامحي داهيه ما يفوته شي

ام خالد بهدوء : يالله استأذن

مسكتها من يدها وهمست بإذنها : سحبتي علي ؟؟

ام خالد بذات الهمس : زوجك هنا وشهوله تيجين

معي ؟؟،

بعدها طلعت وتركتني

لويت بوزي وشفت خالد طالع على الجناح

ضربت رجلي بقهر لما تذكرت انه البزران راحوا على

بيت جدي وما رجعوا للحين

رجعت على الصاله اطقطق على الجوال

ملت من الجلوس بالصاله وطلعت فوق عند البزران تلعب بغرفه نوف

بعد وقت

نزلت وهي تتزحلق وخلفها البزران على الدرج

يلحقوها ودهم يمسكونها

وريم تزاعق وتضحك بصوت عالي

حس بالاحراج من تصرف زوجته وخاصه بوجود

اخوانه

توجه للدرج وبحزم : ريما

نزلت عن الدرابزين وركضت خلفه وتخبت خلفه

وهي تلهث وتضحك : ش وف ههههه ود هم

ههههه يضربوني

مقهور ومتنرفز من تصرفاتها الطفولية

ومحرج جدا قدام اهله

مسكها من خلفه

ووقفها قدامه وثبتها من اكتافها ووجهها لجهة البزران وناظرهم : يالله وش عملت لكم ريم ؟؟

احمد بقهر : كسرت شريط اللعبه لاني فزت عليها

وبسرعة هجم عليها احمد وهو مقهور

ومسك يدها وعضها

صرخت ريم بصوت عالي وصارت تحاول تبعد

احمد عنها

خالد مسك احمد وبعده عنها بعصبية : وش هذا التصرف يا احمد ؟؟؟

دخل فيصل مبسوط بعد ما شاف الموقف : تستاهل اكثر من كذا

وناظر ريم بحده : اشتري شريط بدل للي كسرتيه

والا قسم بالله

قاطعته ريم بعصبية وهي تمسح مكان العضه : والله ما اشتري شي لابنك الزفته هذا لو يموت

قاطعها فيصل بعصبية مو قادر يستوعب كلمتها انه يفقد احمد ويموت : ان شاء الله تموتين انت

وتريحي العالم كله من شرك

ريم بحده وكره : قاعده على قلبك يا الشايب

قاطعها خالد بهدوء وهو يمسك يدها : ريما حطي لسانك بحلقك واحترمي الاكبر منك

وناظر ابوه

ولا يهمك رح نجيب لاحمد بدل الشريط شريطين

نفضت يدها من يد خالد بقرف وتوجهت

للصاله وجلست عند ام خالد وبقهر : هذا زوجك

رح تجيني جلطه بسببه

نواف وهو يضحك :هههههههه اعصابك

ريم وهي تأشر على نواف بحركه طفوليه : انت بالذات

حط لسانك بحلقك ما لك كلام عندي

سامر ويضرب كف مع نواف : هههههه قويه

بحقك يا نواف

ريم كانت ودها ترد عليهم

ناظرها خالد بهدوء وداخله بركان : ريم خذي

طيف ومصعب خلهم ينامون

وبعدها انزلي

وقفت ريم وهي ماده البوز وعارفه انها طرده اشرت على مصعب

وطيف يمشون

خالد بهدوء : يالله بابا اطلعوا مع ريم فوق بسرعه

واقترب من ريم وهمس لها : علشان تطلعين عالسوق بعد ما ينامون

ما ردت ريم

تركها ورجع جلس بهدوء وخلال ثواني يسمع

ضحكها مع مصعب وطيف وهم صاعدين الدرج وبعدها غاب صوتهم

فيصل وهو يرجع ظهره للخلف ناظر احمد يبكي : تعال يا احمد

تعال اجلس عندي يا بابا واشر جنبه

تقدم احمد وهو يمسح دموعه

فيصل بحنان وهو يمسح على راسه : ليه يا بابا تبكي ؟؟

احمد وهو يمسح دموعه : انت تدعي على ريم تموت

لو ماتت انا العب مع مين ؟؟

ليه تقول لها تموت علشان ما عندها اب ولا ام

حرام يا بابا تقول كذا

فيصل ناظر احمد : كم مره قلت لك ريم ابوها

عمك نايف ولها ام

احمد : لا هي قالت لي لما سألتها مره وين امك

وابوك قالت امي ماتت وهي صغيره وابوها

مات قبل ما تولدها امها

حتى قلت لها انت ابوك عمي نايف قالت

لا مو ابوها ذول كذابين لا تصدقهم

ابوها مات زمان

فيصل هز راسه : هالحيوانه تألف قصص من عندها وتكذب على البزران

نواف : صادقه ما لها

قاطعه فيصل بحده : نواف وش هالكلام ؟؟

خلك بحالك وما تتدخل بأحد فاهم

بعدها حل الصمت على المكان

وخالد يفكر بكلام احمد ومستغرب !!!!

*

*

*

*

*

*

جلست على اللاب تحضر مسلسل

وحاطه السماعات بإذنها

دخل الجناح بهدوء وكتلقائيه رفعت نظرها

وبسرعه قفلت اللاب

جلس مقابل لها ببرود: يالله جهزي نفسك ننزل على السوق علشان تشترين اغراض لزواج نواف

رفعت حاجبها وبغرور : معك ما رح اروح ما اعرف اشتري

براحتي

فهم قصدها ودها تشتري فستان عاري وعلى كيفها رد بهدوء : شوفي طلعه عالسوق بدوني

ما في

يالله جهزي نفسك

ريم بعد ما تأكدت انه ما رح يخليها تروح عالسوق بدونه حبت تدلل شوي حتى يترجاها تروح ردت بتمثيل عدم المبالاة : ما ابغى اروح

وقف خالد وهو عارف انها تدلل بس وين

هو فاهمها وفاهم حركاتها : براحتك

ومشى خطوتين باتجاه الغرفه

وقفت ريم بسرعة : امزح معك انت تصدق على

طول

دقيقة وانا جاهزه

**

**

**

**

**

**

طلع عيونها بالسوق مو عاجبه شي

ريم بضجر : انا عاجبني ليه ما ودك اياه

بدون مبالاه : ما رح اشتري لك الا فستان بأكمام

غيره ما عندي

تاففت ريم بقهر

ناظرها بغرور : لو تتأففين من اليوم لباكر ما رح اغير رايي

ناظر احد الفساتين ومسكه وهو يناظره بتفحص

بأكمام طويله لونه تركوازي فستان هادي وما في حركات

مميزه بس ناعم

سحبته من يده بقهر وشوي تبكي : ما رح اشتريه

رفع حاجب بغرور واخذ الفستان كان اصغر حجم وتوجه للمحاسب

مشت وراه وهي تتحلطم

حاسب وناولها الكيس خارج المحل بابتسامة قهرت ريم : اتفضلي

مسكت ريم الكيس وبعدها مدت الكيس عليه : احمله

انت

عدل قميصه وابتسم بغرور : برستيجي ما يسمح لي

بعدين كله فستان خفيف مو ثقيل وتقدمها بالمشي

ريم والقرود تنطنط فوق راسها وبصوت منخفض يسمعه خالد : حضرتك دكتور

شي كثير ما تحمل اكياس شايف نفسك

ومغرور

والا خايف وحده من الدكتورات بالمستشفى

تشوفك هنا

اخخ مالت علي وعلى حظي

كان يسمعها ومطنش ويبتسم بالخفيف

ريم بقهر : اقول لك انا ما رح احمل الكيس مو انت اخترته انت احمله

وبعصبيه رمت الكيس على الارض وتكتفت

وقف ولف وجهه بهدوء وشاف بعض ناس تناظرهم اعطاها نظره

خلاها تعيد كل حساباتها

ريم وخافت من نظرته وبتردد : ءءءء الحق على الكيس انا اقول تروح وتقول لهم

ما يحطون الاغراض بأكياس تنزلق من اليد

وابتسمت بعباطه

ابتسم بداخله عليها نزل تناول الكيس ومده لها ببرود : بلا هذره زايده

دخلوا محل الاحذيه

ريم دربها على الاحذيه الكعب العالي

اختارت صندل كعب عالي مسكه خالد

وهو يناظره بتفحص ومو عاجبه : كيف تقدرين

تمشين فيه ؟؟

وقبل ما ترد عليه

تكلم بغرور وهو رافع حاجب : رح اسمح لك تلبسينه بس بالحفله

ومن اليوم كعب عالي ممنوع

ريم باعتراض : ليه حضرتك بالمدرسه ؟؟

ناظرها وهو رافع حاجب : بالله شوفي ذيك

البنت لابسه كعب وكيف تتمايل بمشيتها

بالله هذي مشيه ؟؟؟

ريم عقدت حواجبها وتذكرت انه صديقتها ليان مره قالت لها اخوها لما يكون بالسوق تلاقيه بقول لاخواته

شوف ذي وش لابسه بانتقاد وهو يقول كذا علشان يناظرها مجرد حجه

ناظرته وهي معقده حواجبها : قول انك ودك تناظرها

وتقزها وما لقيت غير ذي الطريقه انك تنتقد لبسها للكعب

ناظرها بتحسف على تفكيرها المتخلف : تدرين الكلام معك ضايع

وبما انه تفكيرك كذا

ناظرها بحزم

الحين تشترين احذيه بدون كعب علشان ما اقز

المره الجايه اكثر

سحبها معه وصار يشتري لها احذيه بدون كعب

وريم مقهوره وتعتذر منه

اعطاها طاف ولا كأنها تتكلم

&

&

&

&

&

&

يوم الخميس زواج نواف وسميه

جالسه بالغرفه وعندها الكوافيره

ريم بنرفزه : يعني جايه تعملين تسريحه بس ؟؟

الكوافيره وهي ترتب اغراضها : الاستاذ خالد

هو للي اتفق معي مو انتي وبعدين هو نبه علي

ما احط لك ميك آب بس تسريحه

لوت بوزها ريم

وطلعت الكوافيره بهدوء

اتصلت ريم على ام خالد بعصبية : من الحين اقول

لك ما رح احضر وخلي ابنك يرسل ورقة طلاقي باسرع وقت

ام خالد ومزاجها عال العال : تعملين خير

ييجي الطلاق من عندك تراني حاط عيني على

عروس لخالد تاخذ العقل

الحين اتصل واقول له

بس ما قلتي لي السبب ؟؟

ريم بقهر قفلت الجوال

وبسرعة رجعت اتصلت بام خالد واول ما فتحت خط : اسمعي لا تقولين له شي

خلاص هونت عن الطلاق

خالد كان عند امه جالس وكانت امه حاطه مكبر الصوت رد بهدوء : اي طلاق ؟؟؟

ريم تلعثمت وما توقعت انه يرد عليها : ها

لا هذي جارتنا ام صالح طالبه الطلاق من زوجها

الله يهديها وهونت

خالد وفاهم عليها : وليه ام صالح طالبه الطلاق ؟؟؟

ريم تنهدت بقهر: مسكينه زوجها ناشب لها بحلقها

كل شي ممنوع عنده

ضاغطها تقول انه طنجره ضغط

خالد وفاهم قصدها : عاد اسمع انه ابو صالح

اخلاق ودراسه وجمال وكل شي فيه

كامل والكمال لله بس ربنا بلاه بأم صالح

حرمه تافه وعقلها قد حبة الرز

قاطعته ريم بقهر : انا تافهه ؟؟

خالد بباسلوب ينرفز : حنا نتكلم عن ام صالح

انت وش دخلك ؟؟

ريم بقهر : الله يعين ام صالح على مصيبتها

ما لقت تتزوج الا واحد مغرور وشايف حاله

وعينه زايغه وارمل ومحكوم لاهله ويتعامل مع

الناس بفوقيه

وكأنهم خدم وتفكيره سطحي وغبي و..

قاطعها بعصبية : وقسم بالله لتندمين

على كلامك هذا

ريم وعضت على شفتها وشتمت لسانها الطويل

كيف قالت كذا له وهي ناويه تكون زوجه

صالحه حاولت ترقع : ليه عصبت انت وش دخلك بابو صالح ؟؟

زفر بضيق :،يصير خير

وقفل الخط

عضت على إصبعها بندم

كم مره تقول لنفسها تعد للعشره قبل ما ترد

الحين اكيد زعل منها

المفروض تحترمه اكثر

سمعت صوت باب الجناح انفتح

عضت على اصبعها وهي تفكر

كيف ترقع كلامها

دخل بهدوء وناظرها وعلامات الضيق باينه على وجهه : يالله البسي عباتك

ريم بتردد : انا اس

قاطعها بحده : اششششش ولا كلمه

حسابنا بعدين

الحين ما في وقت

ريم بحيره اضطرت تسكت وتلبس عباتها

طلع من الجناح قبلها

نزلت بعده وهي ضايقه الدنيا فيها

ركبت بالسياره من الخلف

ام خالد لفت عليها وناظرتها : الله يسامحك

يا خالد كيف حفله بدون مكياج ؟؟؟

خالد وهو يحاول يكتم ضيقه : يمه الله يرضى عليك

لا تفتحي هذا الموضوع انتهينا منه

واذا سمعت انها حاطه مجرد كحله

ما يصير طيب

ام خالد مو عاجبها كلامه : وش عملتي بشعرك ؟؟

ريم وغصبت نفسها تتكلم : تسريحه

قاطعتها ام خالد : وين التسريحه مو باين من فوق الشيله تسريحه

ريم بدون نفس : مو نافخه بس حركات بسيطه

ولفت وجهها للشباك بقهر

*

*

*

*

*

كانت مقهوره كل البنات عاملات تسريحه

وفساتين اخر مديل ومكياج شي يجنن

وهي تحس نفسها مثل الهبله

اقتربت وحده من الحريم من ريم وسلمت

عليها : انت زوجه خالد ؟؟

ام خالد من خلفها : ايه هذي زوجته

الحرمه : الله يهنيهم بس استغربت كيف ابنك

اخذها ما شاء الله عليه خالد ما يناسبه

الا دكتوره مثله

ريم بقرف : يعني بنتك دارسه طب وجايه تتميلحين عند خالتي علشان ياخذ بنتك

ام خالد حست بالفشيله من الحرمه : ريم وش هذا الكلام ؟؟

ريم بدون مبالاه تركتهم

جلست على طاوله بعيده شوي وهي تفكر

المفروض تحسن علاقتها مع الناس افضل من كذا

بس هم ينرفزوها ويقهرونها بكلامهم

كانت جالسه ولا كانها من اهل العريس

جالسه بمكان منزوي عن الاعين

وعقلها سارح بافكارها

ما تدري ليه لما تحس بالحزن كل

المواقف المحزنه تتذكرها وتزيد حزنها

ما تدري ليه كلمه عمها فيصل

لما قال لها ان شاء الله تموتي وترتاح الناس من

شرك

ولا حد قال بعيد الشر عنها

وكأنهم يتمنون وينتظرون هذي الساعه

لذي الدرجه يكرهونها ؟؟؟!!

تذكرت قبل ما تدخل القاعه

شافت ابوها نايف واقف مع فيصل

ومبسوطين

تحسف يقترب ويسلم عليها

ويسأل عن اخبارها

تحس بالوحده تخنقها كرهت حياتها

وكرهت كل من حولها

بلعت غصتها وهي مخنوقه الاجواء خانقيتها

وللي زاد عليها

نظرات خالد كانت كلها وعيد وتهديد وزعل طول الطريق

*

*

*

*

*

*

ابتعدت عن الاغاني حتى تسمع خالد وش يبي

خالد بنرفزه : وش ذي الاغاني ؟؟؟

ام خالد بارتباك : عمتك هيفاء رفضت الاسلامي

بالصدفه مرت هيفاء من المكان

ام خالد : خذ هيفاء وكلمها انا مالي دخل

عقدت هيفاء حواجبها مو فاهمه القصه :هلا

خالد بزعل : عمه وش ذي الاغاني ؟؟؟

هيفاء : عاد يا خالد لا تدقق فرحه عمر

خالد زفر بضيق : فرحه عمر تقضيها بمعصيه الله

هيفاء : ليه تقول لي انا قول لزوجتك

حتى المعازيم يقولون زوجه الشيخ خالد

تحضر عرس اغاني !!!

ولا بعد ترقص

خالد تضايق من كلامهة : اعطيني امي

هيفاء ابتسمت بخبث ومدت الجوال لام خالد

خالد بهدوء : يمه وين ريم ؟؟ صحيح انها رقصت ؟؟

ام خالد : والله يمه ريم اول ما دخلت شفتها

وحتى فشلتني مع الحريم باسلوبها الخايس

وبعدها ما شفتها

وين راحت ما ادري

خالد : شوفيها وانا انتظر اتصالك

ام خالد : الله يهديك ما عندي وقت اشوف لك ريم بين هالمعازيم

واذا على الرقص ما شفتها نزلت ولا رقصت

لا ترد على هيفاء

خالد : طيب انتظر اتصالك ما تتاخرين

*

*

*

*

*

رفعت راسها تشوف المعازيم وتناظر

سمعت اسمها ناظرت ام بدر بهدوء

ام بدر بلوم : وينك ادور عليك ؟؟

ريم ناظرتها وما ردت ودموعها تلمع بالدموع

ام بدر حست فيها شي مسكت يدها : تعالي

نشوف غرفه فاضيه نجلس فيها انا اجواء الاغاني

كلها ما تعجبني وما ارتاح فيها

وقفت ريم وهي تحس بأي لحظه تنفجر

دخلوا غرفه وقفلت ام بدر الباب وتوجهت لريم

وجلست جنبها ومسكت يدها بحنيه : وش فيك

يا بنتي ؟؟

ريم انفجرت بكاء ورمت نفسها بحضن ام بدر

مسحت ام بدر على شعرها بحنيه : ابكي قد ما تقدرين

رح ترتاحين يا بنتي

حل الصمت بالمكان الا من صوت بكاء وشهقات

ريم

بعد مرور وقت رفعت ريم راسها وهي تمسح

دموعها

ام بدر وعيونها مليانه دموع : ارتحتي الحين ؟؟

هزت ريم راسها وعيونها وانفها احمر

ام بدر : حد ضايقك ؟؟

ريم ابتسمت ودموعها نازله : لا ما في شي

ام بدر ما حبت تضغط عليها : براحتك بس اذا غيرتي

رايك وحبيتي تفضفضين انا جاهزه

وبعدها ناظرت ريم بهدوء : كيف وضعك بعد الزواج

؟؟؟

ريم رفعت راسها وبصوت مبحوح : الحمد لله بخير

ام بدر حست انها ريم ما لها نفس تتكلم : اسمعي يا ريم

اهم شي تسمعين كلمه زوجك ما تلتفتين

ولا لاحد

اهم شي زوجك والاهم تحترمين اهله لانه من احترام الزوج انك تقدرين اهله

حتى لو غلطوا عليك ما له داعي تراددين

صدقيني اذا سكتي احترام لزوجك بتكبرين

بعينه حتى اهله رح يحسون بالندم ويرجعون يعتذرون منك

ريم زفرت بضيق : تطلبين المستحيل

ام بدر : كيف صعب ؟؟ الحين احترام اهل زوجك

صعب !!!

ريم بعجز : خالتي انتي تعرفين عن حياتي

وتربيتي

من صغري وانا ارادد واشتم للي اكبر مني

من صغري وانا ما اسكت لاحد

بالرغم من الضرب للي حصلته بس كان عنادي

وتصميمي اني اقهرهم اكبر من كل شي

صعب اني احترمهم صعب وبالذات فيصل

ما اطيقه

كلامه ثقيل ما اقدر اسكت عنه

ام بدر بلوم : يا ريم اعرف انه فيصل يسمعك كلام غثيث بس طنشيه اخرته يمل ويتركك بحالك

ريم بتردد : ممكن اسألك وش سبب العداوه

بين ابو سعد وبين جدي ابو سلمان

ام بدر : انا اقول لك القصه من اولها لآخرها

هزت ريم راسها وهي متحمسه تعرف

سبب نبذها

*

*

*

*

*

*

*

خالد وهو يكتم عصبيته : كيف مو موجوده ؟؟؟

ام خالد : يا خالد طول الحفله دورت عليها

ما لقيتها بالقاعه حتى جوالها الظاهر انه بالبيت

اتصلت وما ردت

خالد : طيب الحين انتهت الحفله والعرسان غادروا

وين رح تكون ؟؟؟

ام خالد : والله ما ادري اكلمك بعدين الحين وصلنا الفندق

اتصل بجدتك او سديم خلهم يشوفونها

قفل من امه وهو مقهور له اكثر من نص ساعه ينتظر فيها

اتصل بسديم : هلا

خالد بعجله : انت وينك ؟؟

سديم : قريب من البيت رجعنا مع سامر

خالد : شفتي ريم ؟؟؟

سديم : شفتها اول الحفله بس بعدها ما شفتها

خالد : إسألي روان

سديم سألت روان ..........

سديم : ما شافتها اليوم كله

خالد انهى المكالمه وهو يكتم اعصابه

*

*

*

*

*

*

رن جوال ام بدر ردت بهدوء ........

بعدها قفلت الجوال ووقفت : اكمل لك بعدين

هذا بدر واقف برا ينتظر ومستعجل

ريم : هزت راسها وهي تفكر بالاحداث ولبست عبايتها

وطلعت مع ام بدر

ريم : الظاهر البنات رجعوا

ام بدر : خلاص ترجعين معي

هزت ريم راسها وتوجهت مع ام بدر لسياره

بدر

وقبل ما تدخل في يد مسكت يدها

التفتت وتفاجئت : خالد

خالد وملامحه ما تبشر بالخير : امشي معي للسياره

وبعدها ناظر ام بدر الواقفه وبأدب : كيف حالك يا

خالتي ؟؟؟

ام بدر بهدوء وحست خالد متضايق من تاخير ريم : الحمد لله بخير

واعتذر تراني اخرت ريم معي وهي تنتظرني

خالد بهدوء : حصل خير

وناظر ريم وبعدها استأذن وتوجه للسياره وريم خلفه

*

*

*

*

*

*

طول الطريق ساكت وما تكلم بكلمه

وريم تناظر من الشباك وحاسه اليوم ما رح يعدي على خير

وصلوا البيت وضرب باب السياره بقوه

نقزت ريم ومشت خلفه وهي تشهد على روحها

دخل الجناح وهي خلفه رجل لقدام ورجل للخلف

توجه لغرف مصعب وطيف

وبعدها بدقايق دخل الصاله وهي واقفه

تناظر وقلبها يرقع طبول

ما ناظرها ودخل الغرفه

جلست بالصاله تهدي نفسها ما تدري ليه

تخاف منه اذا كان معصب

جلست ربع ساعه وما طلع دعت ربها انه يكون نايم

*

*

*

*

*

*

يوم الجمعه

وقفت بالمطبخ وهي تحمد ربها انه ما فتح

معها اي موضوع البارحه

ولا ضربها ولا حتى عاتبها

صحيح تحس انه زعلان وما يكلمها

جهزت القهوه وتوجهت للصاله كان جالس

ويتابع الاخبار

حطت القهوه قدامه ما ناظرها ولا ناظر القهوة

عيونه مثبتها على التي في

توجهت لغرف مصعب وطيف وصحتهم

وجهزتهم

وطلعت ناظرت القهوه مثل ما هي ما شرب

منها

وقف وهو يناظر مصعب وطيف : الفطور تحت

يالله ننزل

انقهرت ريم ولا عبرها وتأكدت انه زعلان

بس سكتت تحس ما لها وجه تكلمه

بعد الفطور جلسوا بالصاله الكبيره

ام خالد : علامها ريم ما نزلت تفطر ؟؟

خالد ناظر امه : ما لها نفس

ورجع يطقطق بالجوال

فيصل : متى يبجي نواف ما بقى شي على صلاه

الظهر

الحين ابوي يتحرانا

سامر : اتصلت فيه يقول على الطريق

ام خالد باستغراب : ليه ابو سليمان ما رجع

من السفر مع عمي

فيصل : في بعض المشاكل بالشركه برا واضطر

ابو سليمان يبقى هناك

نزلت ريم عن الدرج بهدوء وتعب نفسيا وجسديا

وحاسه حلقها مجرح بدايه زكام

ردت السلام بهمس وجلست جنب خالد

ما رفع عينه وهو يطقطق بالجوال

فيصل وهو يناظرها بانتقاد : وعليكم السلام ورحمة الله وبركاته

طنشت ريم وما ردت

ام خالد : انتي وين طسيتي البارحه ما شفتك ؟؟

ريم ناظرت ام خالد بهدوء : كنت مع خالتي ام بدر بالغرفه

سديم بنغزه : وليه ما حضرتي الحفله ؟؟

ناظرتها ريم بحده : ما يخصك

خالد يطقطق بالجوال ببرود

فيصل بحده : احترمي بنت عمك لا تنسين انها اكبر منك

ريم تذكرت كلام ام بدر وسكتت ما ردت

فيصل بعصبية : اشوف القط بلع لسانك

والا مو قد المقام ما تردين علي ؟؟!!

ريم عصبت : اذا راددت مو خالصه واذا سكتت

مو خالصه وش تبغى مني بالضبط

فيصل وقف بحده : قومي اعطيني كفين

قاطعهم دخول نواف وسميه

نواف بابتسامة : سلام عليكم جميعا

سكت فيصل وزفر بضيق وسلم على العرسان

سلمت ريم على سميه بهدوء وباركت لها بهمس

وجلست

جلس الجميع بعد السلام

وجلس خالد جنب سامر

ناظرت ريم سميه وهي جالسة جنب نواف

لابسه عبايه ونقاب و الكحله بعيونها ولاصقه

بنواف

ريم بنفسها خايفه يطير لاصقه فيه بنات اخر زمن

كان الكل يتكلم مع نواف وسميه

وفرحانين فيهم

ونواف ماسك يد سميه خايف تضيع منه

ناظرت خالد فاتح فمه الاخير ويضحك ومبسوط

تنهدت بقهر وطلعت الجوال وصارت تطقطق فيه

بعدها بدقايق استأذن فيصل علشان يروحون لصلاه الجمعه

بعد ما طلعوا

نادى نواف على سميه

وطلعت دقايق وبعدها رجعت

وخلعت العبايه والنقاب

كانت لابسه فستان قصير بدون اكمام ومكياج ناعم

وشعرها مفتوح والظاهر انه مسحوب

حست بالضيق ريم تذكرت يوم صباحيتها ولبسها

ولا كأنها عروس

سديم : ما شاء الله ربي يحفظك من عيون الحساد

وناظرت ريم

روان : حصني نفسك اخاف بعض ناس يصيبونك بالعين

ابتسمت سميه بهدوء

ام خالد : اي ساعه طيارتكم ؟؟؟

سميه : على الساعه 3.00

سديم : تتهنون ان شاء الله ولا تنسين الهدايا

سميه بابتسامة : انسى الدنيا كلها وما انساك

روان : لا تنسين تتصورن علشان نشوف صوركم

كانت ريم تطقطق بالجوال ومتأكده انهم يجاكرون

فيها

ما تنكر ريم انها للحين متضايقة لانها ما سافرت

بس خلاص تحاول تتأقلم وتقنع نفسها انه مو ضروري

وقفت ريم وطلعت من الصاله وطلعت على جناحها

جلست بالصاله وحطت اللاب بحضنها وصارت

تفرفر بالمنتديات لوقت الغداء

*

*

*

*

*

*

*

عالغداء كانت تسترق النظر غصب عنها

لنواف وسميه وتشوف كيف

نواف مهتم بسميه ويحط الاكل قدامها

ويضحك معها

نزلت نظرها حتى ما حد ينتبه لها

واسترقت النظر لخالد كالعاده كأنه ما في حد على السفره

الا هو وعياله

نزلت نظرها وصارت تلعب بالملعقه وهي تقارن

وش فيها سميه شي زايد عنها

رفعت نظرها لما سمعت صوت فيصل : لا تستحين يا سميه تراك في بيتك

سميه بخجل : تسلم يا عم

نزلت نظرها وهي تردد بداخلها

انا احتاج هذا الاهتمام مو سميه

اكلت ملعقة رز

ما لها نفس بالاكل مو قادرة تبلع اللقمه

تسمع نواف يقول لسميه : بس هذي اخر لقمه

غمضت عيونها بألم

وبعد وقت ما بقى على الطاوله الا هي وفيصل

وام خالد

وبعدها تمضغ نفس ملعقه الرز

ام خالد تناظر فيصل : يا حليلها سميه ما اكلت

مستحيه

فيصل : باكر تتعود علينا

ناظرتهم ريم وبداخلها تصرخ انا للي ما اكلت

شوفوا صحنها لاحسيته ما بقى فيه شي

شوفوا صحني ما اكلت منه شي

بس ما حد داري عن هوى دارها

نزلت نظرها وبعدها وقفت وطلعت وهي تسمع

فيصل ينادي عليها

تحس نفسها مخنوقه مخنوقه

مرت من الصاله خالد قاعد مع اخوانه ويضحك

ما ناظرتهم وطلعت للطابق الثاني

مخنوقة

شافت احمد نادته بصوت مخنوق : احمد

اقترب احمد منها

ريم عطست : اتسو

بعدها ناظرت احمد : تلعب ؟؟

احمد : يالله تعالي

توجهت معه لغرفته وجلست تلعب حتى تتناسى ضيقها

وترجع لطفولتها تحب تلعب مع البزران

وتعيش طفولتها حتى تنسى همومها واحزانها

ما تبغى تكبر

ويكبر المها ودها تبقى صغيره كل همها

لعبتها وبس

بعد ربع ساعه دخلت جو مع اللعب ونسيت

فيصل وحركاته وكل شي وكل شي

ضحكت من قلبها على شكل احمد الخسران

عادوا اللعبه من جديد

وفازت ريم صارت تجاكر باحمد وتلعب بحواجبها

وتضحك بصوت عالي

احمد بقهر : والله لنعيدها وافوز عليك

ريم وهي تحرك حواجبها : نو نو نو نو نو نو نو

احمد انقهر ولحقها : والله لتعيديها

ركضت ريم خارج الغرفه وتزاعق

ونزلت عن الدرج وهي تتزحلق وصوت ضحكها

طالع

وقف خالد

نزلت عن الدرج وركضت للصاله وهي تضحك

احمد وهو يصرخ : والله لتعيديها غشاشه

غشاشه

خالد يحاول يتظاهر بالبرود : احمد وش فيه بعدين

احمد وقف : انا حلفت الا نعيد اللعبه هذي غشاشه

واشر على ريم

ريم تمثل ببراءه : وش دخلني لعبت معه وفزت عليه

فيصل بأمر : انقلعي روحي العبي معه ويا ويلك اذا

فزتي عليه

خالد ببرود طلع من المكان كله

ريم جلست بتعب : تعبانه الحين

فيصل : الحين تعبتي ؟؟

وقفت ريم ووتوجهت للدرج وخلفها احمد

وقفت باب الجناح وناظرت احمد : تعبانه الحين

خلاص اوعدك نعيدها بعدين

احمد ناظرها وهز راسه وراح

دخلت ريم الجناح وتوجهت لغرفه النوم

ورمت اغراضها بإهمال ورمت نفسها على السرير

تحس نفسها تعبانه

غمضت عيونها ومن التعب نامت

*

*

*

*

_

**

صحيت كان المكان مظلم حطت يدها على جبهتها

كانت حرارتها مرتفعه

توجهت بشويش وانارت الغرفه

وتوجهت لملابسها وشالتهم عن الارض

وحطتهم بالخزانه بعشوائيه

طلعت من الغرفه شافته بالصاله ومعه مصعب وطيف والظاهر يحكي لهم قصه

توجهت للمطبخ واخذت علبه عصير

وشربتها

وهي مستنده على الثلاجه تحس الرشح هز جسمها

هز تحس كل جسمها مكسر

كملت وتوجهت للصاله وجلست مقابل لهم

وحطت يدها تحت خدها وهي تناظر للبعيد

وتسمع للقصه

كانت الفتاه تعيش في حي فقير

وبيتهم من الطين قديم

كانت الفتاه تعيش في البيت لوحدها

بعد موت امها وابوها

على الرغم انهم كانوا فقراء الا انهم كانوا سعداء

كانت الفتاه تبكي وحزينه لموت امها وابوها

فلم يعد لها اقرباء لها

غدت وحيده في هذا العالم

وفي يوم من الايام اخبرتها جارتهم انها لها اقرباء

بالمدينه

قررت الفتاه ان تزورهم وتخبرهم بوفاه والدها

اخذت العنوان من جارتها

وانطلقت في الصباح الباكر الى المدينه

وبصعوبه حتى وصلت الى العنوان

كان قصر كبير جميل جدا

ظنت انها اخطأت بالعنوان ولكنها تشجعت

وطلبت من الجارس ادخالها بعد ما اظهرت له

البطاقه الشخصيه

اذن لها الجارس بالدخول بعد ما راى انها تحمل نفس اسم العائله

دخلت القصر وكان باستقبالها الجد

كان من مظهره يدل على القسوه : من انت ؟؟

مدت له الفتاه بطاقتها

تناولها الجد بقسوه وناظر للاسم : انا ليس لدي ابن بهذا الاسم

الفتاه : ولكن

طردها الجد من قصره

وقفت ريم مو قادرة تسمع اكثر تأثرت من القصه

وحست انها قريبه من حياتها بس فيه

فرق انه امها وابوها تبروا منها مو بس اهل ابوها

توجهت للغرفه ومسحت دمعه تسللت على خدها

ورجعت تنام وهي تحس الوجع يزيد اكثر

يوم السبت

دخلت للمطبخ وتحس حيلها مهدود

ما نامت الليل من الرشح

شربت كاس مويه وجلست بالصاله

ما كان خالد بالجناح كان بدوامه

تعبانه مو قادرة تروح تصحي مصعب وطيف

غمضت عيونها بتعب

صحيت على صوت خالد : انت حياتك 24 ساعه

نوم او لعب

نفسي اشوفك قد المسؤوليه

كانت ريم تناظره مو فاهمه شي

خالد بنرفزه

: لا تناظري كذا مثل الغبيه

تراه طقيت من تصرفاتك

الساعه الحين 2 بعد الظهر وحضرتك نايمه

زفر بضيق : رجاء يا ريما رجاء انتبهي على تصرفاتك

وحاولي تكونين قد المسؤوليه

ريم نزلت نظرها وما ردت

خالد : انا الحين نازل صلي والحقيني

لا تتاخرين علشان الغداء

ريم بهدوء : لا تنتظروني على الغداء مو جعانه

ناظرها وهو عافس ملامحه : احسن بتوفري

ونزل بعد ما ضرب الباب بقوه

جلست على الكنبه بتعب ومسحت دمعه

ولحقتها دموع

ما حد حاس فيها

ولا حد مهتم فيها

وحتى لما تمرض ما حد يحس فيها

وقفت وتوجهت لغرفة النوم ودفنت وجهها بالمخده وهي تبكي وجع المرض تبكي احزانها

تبكي هموها تبكي الحرمان

حتى دخلت عالم الاحلام

مر الاسبوع الثالث من زواجها نفس الروتين

لا يخلو من المشاده مع فيصل وراحت زارت جدها

مرتين

وخالد احضر مربيه لعياله لانه ادرك انه ريم مو

قد المسؤوليه

يوم الخميس

كانت جالسه بالصاله مع ام خالد والبنات

بعد ما طلع خالد يصلي بالمسجد

قامت ام خالد تصلي

بعدها رجعت جلست وقاموا روان وسديم يصلون

بعد نص ساعة دخل خالد وجلس بهدوء

وناظر ريم تطقطق على الجوال

سألها سؤال عابر : صليتي ؟؟؟

ريم بهتت ملامحها وناظرته مو عارفه وش تقول

خالد استغرب من ردت فعلها : ليه ما تردين ؟؟

وقفت ريم بارتباك : ها الحين اطلع اصلي

وما فتحت له مجال وبسرعه توجهت للجناح

تنفست بارتياح وجلست على الكنبه

شهقت لما شافته دخل الجناح

وقف فوق راسها وبهدوء : ليه جالسه ؟؟؟ الصلاه

تأخر وقتها

ريم بهدوء وقفت : الحين اروح

مسك يدها قبل ما تروح وحس باللحظه هذي انها تقطع بالصلاه وتأخرها عن وقتها: ريم انتي تقطعين بالصلاه ؟؟

ما توقعت سؤاله وسكتت

خالد بقهر : يعني تقطعين بالصلاه وتأخرينها !!

وبعصبيه ليه ؟؟

انقلعي روحي صلي وبعدين اتفاهم معك

ريم رجعت للخلف خطوه خايفه من رد فعله

والقت القنبله : انا ما اصلي

ناظرها بذهول : كيف يعني ؟؟؟

ريم وهي تشعر بالذنب : امممم ولا مره بحياتي

صليت وما اعرف اصلي

تقدم منها خطوه

وكرد فعل رجعت خطوه للخلف وتكورت وهي تغطي وجهها وهي واقفه

اقترب منها ومسك يدها بقوه : خايفه خايفه مني

اضربك اعاقبك وما خفتي من عذاب وعقاب ربنا

انت ما تعرفين وش حكم تارك الصلاه

ما تحفظين الحديث العهد الذي بيننا وبينهم الصلاة فمن تركها فقد كفر

ما تدرين انه بعض العلماء قال للي يترك الصلاه

كسلا كافر ولا يصلى عليه لما يموت ولا يدفن

بمقابر المسلمين

هذا اذا كنت كسلا تركتيها

وانا الغبي كل يوم الفجر اصحيك تقومين تصلين قبل ما اروح على المسجد

وما ادري اني كنت مغفل

حضرتك ما تصلين !!

وانا المغفل للي خطبتك وانا متوقع انك ملتزمه

وظنيتك داعيه اسلاميه

كنت راسم لك صوره بمخيلتي انسانه غير

عن كل البنات

بس للاسف طلعتي ما تسوين

سكت وهو يستغفر ربه

ناظرها بحده وسحبها معه قدامي اعلمك الوضوء

قدامي

مشت معه وهي تمسح دموعها

دخل الحمام وقعد يعلم فيها الوضوء بحده

بعد ما كمل

كلمها بحده : تدرين مصعب وطيف يعرفون الوضوء والصلاه

طلعوا من الحمام وبقهر ناظرها : البسي علشان اعلمك

الصلاه

ما تكلمت وهي تمسح دموعها وتوجهت ولبست العبايه

وحطت الشيله على راسها

وبدأ خالد يعلمها بالصلاه

ويشرح لها

بعد ما كمل ناظرها بعصبية : ومسك يدها قدامي

ريم بخوف : وين ودك ترميني ؟؟

خالد بعصبية : يا ليت اقدر ارميك واخلص منك اصلا ما تشرفيني تكونين في بيتي

قومي معي قبل ما افقد صوابي

وبصرخه : قومي

وقفت ومشت معاه وهي تمسح دموعها

طلعوا من الجناح وهو يسحبها من يدها

نزلوا من الدرج وكان المكان فاضي

توجه للسياره وفتحها وبامر : اركبي

تأكدت انه رح يرميها عند اخوالها لو كان وده يرميها عند جدها كان ما ركب السياره ناظرته برجى وهي تمسح دموعها : والله ما اقطع بالصلاه ورح

احافظ عليها وما اتركها بس لا ترميني

عند اخوالي

خالد بحده : وش ناقصك حتى ما تصلين وشد على اسنانه

وش ناقصك ؟؟

ريم وهي تمسح دموعها : ما حد علمني على الصلاه

قاطعها بحده : بلا كذب ما حد علمك ولنفرض ما حد علمك النت مليان ليه ما دخلتيه وتعلمتي

الصلاه

لو سألتي احمد كان علمك بدل ما تقضين ساعات

معاه باللعب

لا تحاولين تتطلعين حجج لي انا ما افيدك

الاهم انك تستغفري ربك على تقصيرك

بالصلاه

سكتت ريم وهي تشعر بعظم ذنبها وتقصيرها

كيف تهاونت بالصلاه

دايما تقول ودها تصلي بس ولا مره حزمت امرها

وبحثت كيف تتعلم الصلاه

مسحت دموعه وركبت السياره باستسلام

حرك السياره وبضيق ومو قادر يستوعب : انا انا زوجتي ما تصلي

وناظرها بحده يمكن بعد ما تصومين ؟؟

ريم بدون ما تناظره وهي تمسح دموعها : والله

اني اصوم

قاطعها : اشششششش صوتك ما ابغى اسمعه

لانه ينرفزني

عم الصمت بالسياره وريم تناظر من الشباك وتمسح دموعها

وقف السياره ناظرها بحزم مسحي دموعك

وناولها زجاجه مويه : غسلي وجهك دقيقه وراجع لك

غسلت وجهها وبعدها

ناظرت اسم العماره للي واقفه السياره عندها وشهقت

والاسم يتردد بإذنها

دار الايتام

دار الايتام

دار الايتام

دار الايتام

دار الايتام

دار الايتام

مسحت دمعها نزلت غصب عنها

بعد ربع ساعه فتح الباب وبحزم : انزلي ودموع التماسيح هذي ما ابغى اشوفها

ناظرته ريم بانكسار ونزلت

استغربت ما دخلوا مبنى الايتام

توجهوا لعماره ثانيه وكانت مركز تحفيظ القران

دخلها وقبل ما يروح بعد صلاه العصر

امر عليك كوني جاهزه

وبعدها نزل

دخلت المركز باحراج

كانت واقفه قريب منها مديره المركز وحيتها

دخلوا للداخل وهي منحرجه

عرفتها المديره على المكان وعلى الشعب والمعلمات

وبعدها دخلتها لاحدى الغرف كان فيه طالبات

من عمرها جلست معهم هاديه

رحبت فيها المعلمه وبعدها بدت تشرح باحكام

التجويد

اندمجت مع المعلمه

وبعدها كان فيه درس ديني اعطته وحده من المعلمات

وكانت المعلمه حبوبه واسلوبها جذاب

ما احتكت بالطالبات كثير

بس ارتاحت للمكان

بعدها اذن العصر وصلت معهم جماعه

وتحس حياتها الحين بدت

وين كان عقلها لما قطعت الصله بينها وبين

ربها

تحس براحه بداخلها قعدت تسبح بعد الصلاه

بعدها سمعت وحده تنادي باسمها انه

واحد يبغاها برا

عدلت شيلتها وطلعت

كان واقف عند الدرج وينتظرها

ناظرها وهز براسه علشان تلحقه

نزلت وراه بهدوء

وركبت السياره

وقبل ما يحرك مد لها كيس

تناولته بهدوء واخذته

وبعدها حرك بدون اي كلمه

نزلت لما وصل وما نزل معها

وبعدها غادر المكان

ما تدري لمتى رح يبقى زعلان

زفرت بضيق ودخلت وتوجهت للجناح بهدوء

قبل ما تدخل كان البزران يلعبون

شافوها ونادوها تلعب معهم

بس طنشتهم ودخلت الجناح

وجلست على الكنبه وفتحت الكيس

كان فيه مطويات وكتيبات صغيره

عن كيفية الصلاه

وفضل الصلاه

وحكم تارك الصلاه

بدت اول شي بكيفيه الصلاه تقرأ

بعد ما كملت

قرأت عن فضل الصلاه

(1) عن أبى هريرة (رضى الله عنه) قال: قال رسول الله (صلى الله عليه وسلم): ( الصلوات الخمس والجمعة إلى الجمعة ورمضان إلى رمضان كفارة لما بينهن ما لم تغش الكبائر) [ رواه مسلم

(2) وعن أبى أيوب (رضى الله عنه) عن النبى (صلى الله عليه وسلم) : ( إن كل صلاة تحط ما بين يديها من خطيئة

وعن أبى هريرة (رضى الله عنه) عن النبى (صلى الله عليه وسلم) : ( أرأيتم لو أن نهرا باب أحدكم يغتسل منه كل يوم خمس مرات هل يبقى من درنه شئ؟ قالوا: لا يبقى من درنه. قال: فذلك مثل الصلوات الخمس يمحو الله بهن الخطايا) [ رواه البخارى

وعن ابن عمر (رضى الله عنه) عن النبى (صلى الله عليه وسلم) أنه قال: (إن العبد إذا قام يصلى أتى بذنوبه كلها فوضعت على رأسه وعاتقيه فكلما ركع أو سجد تساقطت عنه) [ رواه الطبرانى

تابعت ريم قراءه فضل الصلاه وفضل صلاه الجمعه وفضل السنن ......

وهي تتحسر ضيعت على نفسها اجر كبير

بسبب تسويفها واهمالها

كملت قراءه في فضل الصلاه

وبعدها

فتحت مطويه فيها حكم تارك الصلاة

وكان ملخص لأراء العلماء

اتفق

العلماء على كفر من ترك الصلاة جحودا لها. واختلفوا فيمن أقر بوجوبها ثم تركها تكاسلا. فذهب أبو حنيفة رحمه الله إلى أنه لا يكفر، وأنه يحبس حتى يصلي. وذهب مالك والشافعي رحمهما الله إلى أنه لا يكفر ولكن يقتل حدا ما لم يصل. والمشهور من مذهب الإمام أحمد رحمه الله أنه يكفر ويقتل ردة، وهذا هو المنقول عن أصحاب النبي صلى الله عليه وسلم ، وحكى عليه إسحاق الإجماع، كما نقله المنذري في الترغيب والترهيب وغيره، ومن الأدلة على ذلك ما راوه الجماعة إلا البخاري والنسائي عن جابر رضي الله عنه قال قال رسول الله صلى الله عليه وسلم " بين الرجل وبين الكفر ترك الصلاة" وما رواه أحمد من حديث أم أيمن مرفوعا" من ترك الصلاة متعمداً برئت منه ذمة الله ورسوله" وما رواه أصحاب السنن من حديث بريدة بن الحصين قال قال رسول الله صلى الله عليه وسلم " العهد الذي بيننا وبينهم الصلاة فمن تركها فقد كفر" وروى الترمذي عن عبد الله بن شقيق قال: كان أصحاب رسول الله صلى الله عليه وسلم لا يرون شيئا من الأعمال تركه كفر إلا الصلاة. وقال الإمام محمد بن نصر المروزي سمعت إسحاق يقول: صح عن النبي صلى الله عليه وسلم أن تارك الصلاة كافر، وكذلك كان رأي أهل العلم من لدن النبي صلى الله عليه وسلم أن تارك الصلاة عمدا من غير عذر حتى يذهب وقتها كافر.

نزلت دموعها وهي تبكي ندم على تقصيرها

بالصلاه وتدعي لخالد قدم لها معروف

ما رح تنساه طول حياتها

*

*

*

*

*

مرت ايام الاسبوع الرابع بهدوء

خالد ما يكلم ريم ابد بس متابع لصلاتها

والفجر ما يروح للمسجد الا لما تقوم تصلي

قدامه

وكل يوم بعد يوم يأخذها للمركز القراني

تعلمت امور كثيره وخاصه كانت الدروس الدينيه

بالفقه

تعلقت ريم بالصلاه خلال هذا الاسبوع

وتصلي ما تتأخر عن الصلاه وتصلي بعد الاذان وخاصه بعد ما اعطاها

خالد كتيب عن عذاب تارك الصلاه

تحس انها ممتنه له بشكل كبير وبنفس

الوقت متضايقه لانه ما يكلمها وكأنها جدار

يوم الخميس

نزلت عن الدرج بهدوء

و انصدمت بعد ما سمعت الخبر

ام خالد : اي ساعه طيارتك ؟؟

خالد بهدوء : باكر بعد العصر

نزلت ريم بسرعه ووقفت بالصاله بملامح مندهشه

: ودك تسافر ؟؟؟

ناظرها خالد ببرود ورجع ناظر امه : انتبهي على مصعب وطيف

وكل يوم رح اتصل معكم واطمن عليهم

ام خالد زفرت بضيق : انا ما صدقت كملت دراسه

وتبقى قدام عيوني

ترجع مره ثانيه

ابتسم خالد : يمه كلها شهرين وراجع

بعدني بالمستشفى جديد وما اقدر ارفض

ام خالد ناظرت ريم : علامك واقفه ؟؟

ريم تستخف دمها : ما تدرين امي ولدتني يوم وقفة عرفه

سامر من خلفها : هههه بايخه ما تضحك

وجلس

خالد اعطى سامر نظره وهو رافع حاجب

سامر بلع ريقه سكت

ريم ناظرت سامر باشمئزاز : حد قبلي قال لك

سخيف

سامر ضحك : هههههه

كشت عليه ريم : مالت عليك يا ابو نظارات

لا ابو اربع عيون

خالد عقد حواجبه : ريم وش هذا الكلام ؟؟

بعدين من متى بناتنا يمزحون مع عيال العم ؟؟

ام خالد لوت بوزها : تربيه ساره وغاده وش رح تلاقي

خالد طنش كلام امه وبحده : ريم اعتذري من سامر بسرعة وما ابغى تمزحين معه

ريم بجديه : ومين قال اني امزح ؟؟ هذا الصدق

قاطعها خالد بحزم واشر على سامر : كلامي

ما رح اكرره وش قلت ؟؟

ريم نفخت خدودها بضجر : اعتذر من سامر

تكتف خالد وهو يناظرها : وش تنتظرين ؟؟

ريم ناظرت سامر : السموحه منك يا ولد العم

ولفت وجهها بطريقه ما يشوفها خالد وهمست

لسامر : يا ابو اربع عيون

ضحك سامر بصوت عالي

ريم ببراءه وهي تناظر خالد : شفت اعتذرت منه

وقاعد يضحك علي

زفر خالد بضيق وعارف حركاتها : اجلسي ما عليك

منه او اطلعي على الجناح

ريم وهي واقفه : لا ابغى اسافر معك واشوف العالم

والناس

وغمضت عيونها بحالميه

هز راسه خالد بفقدان امل انها تعقل : لو كنت رح اخذ احد معي كان اخذت عيالي

مو فاضي

اصلا ما عندي وقت اسرح بثلاث بزران

سامر ضحك : هههههههه قويه بحقك يا ريم

اعطاه خالد نظره حاده : وبعدين معك انت

شارب شي ؟؟؟

ام خالد : انا اقول لو تعرس يا خالد وتتزوج وحده

عاقله وكبيره تهتم بعيالك

ريم فتحت عيونها على وسعها هالحربايه عينك عينك ولا استحت مني بس وين مو ريم

للي تسكت عن حقها ناظرت خالتها وابتسمت

وجلست قريب منها : صادقه يا خالتي عندنا بالمدرسه

ابلتين خوات وحده كبيره والثانيه صغيره

جمال واخلاق وادب

نزوج خالد الصغيره ونزوج عمي فيصل الكبيره

ونشوف المديره لجدي

وش رايك ؟؟

ام خالد وقفت بعصبيه : الله ياخذ افكارك الغبيه

وناظرت خالد بعصبية شفت زوجتك ودها تجيب

ضره فوق راسي

ابتسم خالد بهدوء

سامر : ما فيها شي يمه مثنى وثلاث ورباع

مسكت ام خالد الخداديه وضربت فيها

سامر : حط لسانك بحلقك يا حيوان

سامر بغمزه : اعصابك يا يمه علشان صحة البيبي ام خالد ووجهها احمر من الفشيله

تستحي من هذا الموضوع

ريم وقفت بابتسامة : امووووووت على للي يستحون

يا ناس

ام خالد بفشيله : ريم

دخل فيصل بهدوء : ليه صوتكم طالع ؟؟

تقدمت ريم من عمها : هذا الله وكيلك خالتي

ودها تزوج خالد

قلت لها عندنا ابلتين اخوات يجننون خالد ياخذ الصغيره

وانت يا عمي تاخذ الكبيره

وغمزت له تجنن يا عمي

فيصل ابتسم وعجبه الموضوع : مو غلط فكره حلوه

ام خالد بعصبية : فيصل

ضحك فيصل : ههههههه امزح معك ما ابدلك بالكون

كله

وناظر ريم: الكبيره كم عمرها ؟؟

ريم بتفكير : اممممم تقريبا 33 سنه

ام خالد بقهر : وش ودك بعمرها

فيصل بتورط : ها لا لا هذا صديقي يبحث عن عروس

وفكرت ادل عليه

وناظر ريم بتشكيك : دامها مزيونه وموظفه ليه

ما تزوجت للحين

ريم بجديه : لا هي متزوجه ومعها ثلاث عيال

بس احس زوجها ما يناسبها

خالد ناظرها باستخفاف : انا نفسي افهم شي

واحد كيف متفوقه بالمدرسه كيف ؟؟؟

غبيه انت الحرمه متزوجه كيف ودك تخطببينها ؟؟

ريم بجديه : عادي نقول لها تتطلق منه وبعدها يخطبها

عمي اقول لك زوجها ما يناسبها ابد مو حلو

ام خالد بقهر : وش عرفك بزوجها ؟؟

ريم ابتسمت : شفتها ركبت معه

فيصل والفرصه اجت لعنده ضربها على راسها : ويلوموني لما اضربك

ريم مسحت مكان الضربه ومدت البوز : يعور

فيصل جلس : وهذا للي ابغاه

سامر ابتسم : طيب والصغيره عزباء والا مطلقه او عندها عيال ؟؟

ريم ابتسمت بعباطه : بالامتحانات النهائيه كانت حامل

يمكن الحين ولدت وصار عندها طفل

وقف فيصل بنرفزه ومسكها من يدها ودفها : اطلعي فوق قبل ما ارتكب فيك جريمه

تستهبلين علينا

ريم ناظرته : اعصابك ليطق لك عرق

خالد بصرخه : رييييييم

ريم مدت بوزها

خالد بحده : اعتذري بسرعة

ريم كانت ودها تعاند بس لما تشوفه معصب

تخاف منه ناظرت عمها ومثلت الابتسامة : السموحه يا عمي

فيصل انبسط : والله ما توقعت يا خالد تضبعها

كذا

ريم مدت بوزها وطلعت لجناحها

*

*

*

*

*

*

يوم السفر

واقفين عند شباك صاله جناحهم فارق الطول

واضح

خالد بهدوء يغلبه الحزم : يا ويلك يا ريم حد

يتصل يشتكي عنك

صدقيني ما يحصل طيب

انا طول عمري هادي لكن اذا عصبت ما رح

تعرفيني

ابوي وامي لسانك قصريه معهم رجاء

والبزران ما رح امنعك تلعبين معهم مره وحده بس حاولي

خففي على الاقل قدام الناس

ريم ناظرت من شباك الصاله وبعدها ناظرته : ان شاء الله

وبتردد : ما زلت زعلان علي ؟؟

زفر بضيق وناظر من شباك الصاله للبعيد : ما رح

ارضى بهذي السهوله ولا تسأليني عن هذا الموضوع

للحين مقهور منك تصرفاتك ومواقف كثير

مشيتها وطنشتها بكيفي

صدقيني لو غيري ما رح يسكت لك

بس طنشت بمزاجي

بس الايام الجايه ما اضمن نفسي اسكت لك

مثل ما قلت لك الصلاه حافظي عليها

ومصعب وطيف اذا اتصلوا يشتكون منك

ما رح يحصل خير ابد

ريم بهدوء : ان شاء الله

ناظرها باستغراب : تدرين صار لنا متزوجين تقريبا

شهر !!

ريم عقدت حاجبها باستغراب : ادري

خالد باستغراب : ما تبغين تزورين امك ؟؟

ريم تفاجئت من سؤاله امها تحس انها صفحه من الماضي وطوتها

ما عادت تفكر فيها ولا تشتاق لها ناظرته بضياع : هاه

ناظرها : علامك تناظريني مثل الخبله ؟!!

عموما اذا تبغين تروحين لها ما رح امنعك

انتظرت منك تطلبين مني

بس غريبه ما طلبتي

انا رح اطلب من صقر ياخذك لها زياره بس بشرط

ما تنامين عندها تروحين من الصباح

وبعد العشاء ترجعين

مفهوم

هزت راسها وهي مو ناويه اصلا تروح خلاص ما عادت

تفكر فيها لكن اذا حد ذكرها او عايرها تتضايق

بس خلاص امها صفحه وطوتها

ما عادت تعني لها شي

صحيح بر الوالدين لكن اذا امها ما تبغى تشوفها

ليه تعمل لها مشاكل مع زوجها

كذا مرتاحه وهي بعيده عنها

ما تبغى تتقرب منها لانه اكيد رح

يصدر من امها مواقف تجرح وهي مو ناقصها

للي فيها مكفيها

*

*

*

*

*

*

*

دخل فيصل بعجله : وين خالد ما بقى شي على

رحلته

ام خالد مدت بوزها : مع ست الحسن والدلال

يودع فيها

فيصل بضجر : هو وقتها الحين ريم

بهذا الوقت طلع خالد من الجناح ومعه ريم

نزلت معاه للصاله وسلم على امه

وطبعا عملت له فلم آكشن ام خالد

وقبل ما يطلع

اقترب من ريم وهمس بإذنها كلمات

وبعدها طلع مع ابوه

تغيرت ملامح ريم

ام خالد بلقافه : وش قال لك ؟؟

ريم رفعت حاجب : سرررررررررر

ام خالد بقهر واللقافه ذابحيتها : صدقيني اذا ما قلتي

تركتها ريم قبل ما تكمل وتوجهت للجناح

وهي تسمع ام خالد تتوعد فيها اذا ما خبرتها

دخلت الجناح وتوجهت لغرفه النوم رمت

نفسها على السرير تبكي

بقهر وتتذكر لما همس بإذنها

اتمنى ارجع الاقيك عاقله

ليش انا مجنونه علشان يقولي كذا

شايف نفسه ومغرور

بس مو قادرة اتصور كيف يمر شهرين

ما اشوفه

تعودت على وجوده على الرغم من قصر المسافه للي

عشتها معه

لكن احس نفسي عايشه معه من سنين

صحيح اخر اسبوع كان ما يكلمني

بس ان شاء الله ينسى ويرجع يكلمني عادي

مسحت دموعي

ومسكت الجوال وضبطت المنبه على صلاه المغرب

وحطيت راسي ونمت

ثاني يوم

نزلت تحت وسمعت جوال خالتها يرن

نزلت بسرعة وقلبها طاير اكيد خالد

كانت ام خالد بالصاله وعندها مصعب وطيف

ام خالد ردت بفرح : هلا وغلا ........الحمد لله بخير .........اخبارك

انت ...........كلنا بخير ...............

خذ هذا مصعب

مصعب ببراءه وفرحه : الو .......بخير ......اخبارك يا بابا .........ان شاء الله ........عمي سامر اخذنا

للبقاله اليوم الصبح ...........ان شاء الله

ومد الجوال لطيف : بابا وده يكلمك

طيف بابتسامة : بابا متى تيجي ...........بخير ......جيب لي هديه كبيره.........ان شاء الله

ومدت الجوال لجدتها : بابا وده يكلمك

اخذت ام خالد الجوال : هلا .........ربي يحفظك ............هههههه ان شاء الله ...........نواف باكر ان شاء يوصل ........ان شاء الله ..........مع السلامه

وقفلت الخط

توجهت ريم للصاله بهدوء وتحس بضيق ليه

ما كلمها

جلست بهدوء وتحس العبره خانقيتها

طيف ركضت عند ريم : بابا قال لي رح يشتري لي هديه

كبيره

ناظرتها ريم وبعدها مسكت الجوال تطقطق

عليه

ام خالد ناظرتها : علامك ساكته ؟؟

رفعت ريم نظرها

روان وقفت عند الدرج : يمه ربع ساعه وراجعه

مي تبغاني ضروري

ام خالد : لا تتأخرين قبل الغداء تكونين هنا

طلعت روان مستعجله قبل ما امها تغير رأيها

ريم بتذكر : خالتي اليوم عندي مركز قراني

مين يوديني ؟؟؟

ام خالد : ما في حد ياخذك فيصل لو تموتين

ما اخذك

تعرفينه ما يطيق يشوف رقعه وجهك

ناظرتها ريم وبنفسها فعلا الصراحه احيانا مؤلمه ام خالد تكمل : شوفي صقر يمكن يقبل

وبنغزه او نايف

مسكت الجوال واتصلت بصقر

هلا

صقر بعجله : هلا اخبارك ؟؟

ريم : اذا مشغول اكلمك بعدين ؟؟

صقر بعجله : لا قولي الحين بس بسرعه

ريم بهدوء وتردد : توصلني للمركز القراني

قاطعها صقر : اعذريني والله جدولي مليان

حتى وقت البريك ما ارتاح

قاطعته ريم بدون نفس : خلاص خلاص مشكور

للي يسمعك يقول ما في المستشفى دكتور غيرك

صقر : يعني مو مصدقه ؟؟؟

ريم بدون نفس : خلاص صدقتك خلاص قفل

يالله سلام

وقفلت الخط

ام خالد : رفض ؟؟

ريم زفرت بضيق : إيه

ام خالد : من اسلوبك الخايس معه اكيد رح يرفض

ريم بطفش : قومي يا خالتي نغير جو ونروح عند بيت جدي

ام خالد عفست ملامحها : تعبانه يا ريم وما لي خلق

اطلع

زفرت ريم بطفش : اليوم طويل وممل

ام خالد بهدوء : بعده اليوم بأوله

*

*

*

مر شهرين على سفر خالد كانت ريم احيانا تحس بالملل

واحيانا تضيع وقتها باللعب واحيانا

على المنتديات

المركز القراني ما راحت ابد لانها ما لقت حد

يوديها

علاقتها مع بيت عمها نفس الشي ما تحسنت

ولا تخلو من المشاده

الجد رجع سافر

نواف وسميه رجعوا من شهر العسل

وريم طق كبدها منهم طول الوقت جنب بعض ويتساسرون

واذا طلع تمضي الوقت سميه تكلمه بالجوال وهي تتدلع

ما اختلطت ريم ابد بسميه لانها تحسها بصف

بنات عمها

ولما يطلع نواف تقضي سميه الوقت مع سديم وروان او على الجوال تكلم نواف

كانت تروح مع ام خالد لبيت جدها وزارت ام بدر

كم مره

طول الشهر كان كل يوم يتصل خالد بأهله ويكلم

عياله

ولا مره طلب ريم تكلمه

وهذا الشي نرفز ريم وصارت حريقه

اي حد يكلمها ترد من رؤوس خشومها

وطول الوقت الجوال بيدها تنتظر اتصاله

*

*

*

*

جالسه بالصاله وتطقطق بالجوال

سامر ناظر نواف بانتقاد : يا اخي استحي على دمك

حنا قاعدين جالس تتهامس انت وزوجتك ولا كأنه حد موجود

عندكم سوالف ما تتأجل اطلع لجناحك

نواف رفع حاجب : قول محتررررررر

ريم طق كبدها منهم رفعت حاجب

وناظرتهم باشمئزاز

نواف عقد حواجبه : هيه خير ان شاء الله تناظرينا

كذا

ناظرته ريم بغرور ورجعت تطقطق بالجوال

روان : لا تلومها غيرانه منكم لانه خالد ما يعطيها

وجه هههههههه

سديم بضحكه : ههههههه صادقه يا روان

لما يرجع خالد رح اتوسط لها علشان يعطيها

وجه

نواف ناظر سديم وروان بحده : وش هذا الكلام ؟؟؟

ريم ناظرت سديم ببرود ظاهري : وانا بعد افكر اتوسط لك علشان

جدي يوافق انك تتزوجين

وبسخريه : وضعك يحزن مراااااااااا

سديم بقهر : حقيره

وقفت ريم وهي تلعب بحواجبها

وبعدها توجهت لجناحها

*

*

*

*

*بعد مرور ايام

كان وضع البيت مقلوب كله تجهيزات لرجوع

خالد

ام خالد وبطنها بارز لانها بالشهر السادس

وتشرف على التجهيزات

ريم بجناحها ما نزلت

سديم بغيره : ليه ما ينزل القزم للي فوق

يجهز معنا ؟؟؟

ام خالد بتعب : ترى يا سديم ما لي خلق

خليها فوق احسن ما تنزل

وتقلبوها حلبه مصارعه

اذا لي خاطر عندك اتركيها

هزت سديم راسها بهدوء وسكتت علشان امها

والبزران بالحديقه ينتظرون رجوعه

ام خالد : سامر كم بقى ويوصلون ؟؟؟

سامر : يمكن نص ساعه او ثلث ساعه

دخلت الجده بابتسامة وردت السلام

ام خالد بابتسامة : هلا والله نور البيت

روان : جده وين الباقي ؟؟

الجده : بنات عمك وحريم اعمامك خلفي

الحين يدخلون

بعدها دخلوا وتوجهوا لمجلس الحريم

ام سليمان قبل ما تجلس : وين ريم ما اشوفها ؟؟

ام خالد : بجناحها فوق

الجده : ليه ما تنزل المفروض تكون اول وحده

متواجده

بس جيل اليوم يبغى لهم من يسنعهم

*

*

*

*

مسحت دموعي بقهر

مقهوره شهرين ما كلف نفسه يكلمني او يسأل

عني

ليه انا حظي كذا ليه

نفسي امسح من حياتي مصطلح دموع

يا رب رحمتك

غمضت عيونها بألم ودموعها تنزل

وتحس صحتها كل ما فيها تدهور اكثر

ناظرت نفسها بالمرايه هالات سوداء تحت عيونها

وجهها نحفان

بشرتها باهته

ما حد سأل عن تغير وجهها

تحس بعيونهم السؤال بس كبريائهم يمنعهم

تحس بسخافه عقولهم بعد ما سمعت باقي

القصه من ام بدر

يعاقبوها بذنب هي ما اقترفته ولا حتى امها

زفرت بضيق وتعب

وتوجهت للحمام غسلت وجهها اكثر من مره

ونشفته

وجلست عند التسريحة تنتظر يخف احمرار عيونها

وقعدت تشغل نفسها بالاستغفار

ما تبغى تفكر بشي يكدر خاطرها زياده

بعد مرور وقت من الاستغفار حست نفسيتها

صارت احسن بواجد عن اول

لبست العباية والشيله وطلعت من الجناح بهدوء

نزلت من الدرج بهدوء

وكانت الصاله فاضيه توجهت لغرفه الحريم بهدوء

دخلت وردت السلام بهدوء

هيفاء بانتقاد : كان نمتي فوق احسن

طنشتها ريم وجلست جنب ساميا بهدوء

وتحس راسها يوجعها

الجده بلوم : زوجك راجع اليوم المفروض انت تكونين

اول وحده باستقبال الضيوف

مو اخر وحده تنزل

سمعوا تصفير الشباب عرفوا انه وصل

وقفت ام خالد بلهفه وطلعت تستقبله برا

وخلفها الجده وسديم وروان

والبنات طلعوا للصاله يناظرون الموقف

ريم ظلت جالسه بمكانها ما تحركت وهي تفكر

ليه اركض خلفه وهو مجرد اتصال استخسره

فيني

مجرد رساله يسأل عن احوالي ما اتصل ولا ارسل

ليه دايما لازم احس بالنقص عن غيري

شهرين وبعده حامل علي وزعلان وش ذا الحقد

اذا كان عايفني وكارهني لذي الدرجه يطلقني وانتهينا

زفرت بضيق

وقررت اطلع للجناح وجودي ما له داعي طلعت من الغرفه وتفاجئت انه خالد بالصاله

ويسلم على اخواته

وقفت جنب سلمى بهدوء وانا اناظره نفس

الشكل ما تغير

كمل سلام على اخواته

وسلم من بعيد على حريم اعمامي وبنات عمي

وبعدها لف وجهه علشان يطلع

وقفته جدتي : الظاهر الغربه اثرت على عيونك

علامك ما سلمت على ريم

عقد حواجبه وكأنه ناسي هذا الاسم

وبعدها ارخى ملامحه وبعذر اقبح من ذنب : ما شفتها

هيفاء بنغزه : معذور كيف يشوفها وهي

كل طولها شبر

تقدم مني ومد يده يسلم

قهرني كنت افكر اضرب يده وابعدها ما شافني

مو لذي الدرجه قصيره حتى يقول كذا

بس لاني ما اهمه علشان كذا ما انتبه

لو اهمه كان من اول ما دخل سأل عني

يطمن علي

بس يا خسارة طول الشهرين وانا انتظر اليوم للي يرجع

فيه كنت احس نفسي ببيت عمي بدونه غريبه

مع انه ما كان يعطيني وجه بس

وجوده يحسسني بالامان

ما انكر اني ......

عضيت على شفتي بألم وش الفايده وهو مو

داري عن هوى داري وش الفايده

قاطع افكاري هيفاء : سلمي على خالد له ساعه ماد يده وين عقلك

ناظرت هيفاء وبعدها رفعت نظري له كان ماد

يده يسلم علي

مديت يدي بتردد

سلمت بهدوء

وبعدها سحب يده بسرعه و طلع عند الرجال حتى ما سألني عن اخباري عن احوالي عن صحتي ما سألني مرتاحه تعبانه

عضيت على شفتي بقهر وألم

ضايقني تصرفه خاصه قدام بنات عمي

ما اهتم لوجودي

رجعوا الحريم للغرفه واحترت وين اروح اجلس

ما لي خلق اقعد مع احد

زفرت بضيق

واستغفرت بداخلي لعل اريح نفسيتي شوي

وانا احاول اطنش واتناسى بس مو قادرة

اذا بعده زعلان اخره يرضى ما رح اضيق خلقي علشانه

قررت ارجع عند الحريم

كنت اشوف بنات عمي يتهامسن ويناظرني

طنشتهم وجلست اطقطق بالجوال من الملل

والقهر

بعد ربع ساعه قاموا الحريم للعشاء

ما قمت ظليت جالسه بمكاني

وانا اتصفح المنتديات عن طريق الجوال

واقرأ بس ما ادري وش اقرأ

عقلي مشوش وافكاري مبعثره

بعد العشاء رجعوا للغرفه واحس راسي

انفجر من كثر كلامهم

بعد مرور ساعتين كانت الغرفه فاضيه بعد ما غادروا واخذوا

هداياهم

كلهم طلعوا من غرفه الحريم ما بقى الا انا

وقفت وطلعت منها

كانوا متجمعين بالصاله ما كان لي نفس اجلس

معهم بس اضطريت حتى ما اعلق بلسان فيصل

جلست على كنبه منفرده

كان خالد يضحك وطيف بحضنه ومصعب

جنبه

يكلمونه وهو يسمعهم ويضحك معهم

ويشارك اهله بالكلام

وعصافير الحب كالعاده جالسين جنب بعض وماسكين

ايدي بعض خايفين يضيعوا

احيانا ابغى اقول لنواف وسميه لا تخافون والله

ما رح تضيعون بعض

بس اسكت لانهم رح يقولون غيرانه

كنت جالسه وهاديه ما تكلمت بشي

فقط مجرد مستمعه لكلامهم

فيصل : انا اقول اطلع يا خالد ارتاح جاي من السفر

واكيد تعبان

خالد وهو يقرص خد طيف بابتسامة ويناظر ابوه : لا يبه

مو تعبان والله مشتاق لكم

خلينا جالسين شهرين ما جلست معكم

ورجعوا يكملون السهره

وانا داخلي ودي انفجر احس جسمي مهدود

تعبانه وراسي وده ينفجر

بعد ساعه وقف عمي فيصل : خلاص يكفي سهر

وقفت ام خالد : يالله يا عيال ناموا وراكم صلاه

الفجر

وقف نواف وسميه والبنات وطلعوا بهدوء

سامر وهو يتثاوب : خلاص طفيت

طلع وخلفه نوف واحمد يتراكضون

وقف خالد وهو حامل طيف وبهدوء : يالله يا احمد

وتوجه للجناح ولا حتى عبرني ولا كأني موجوده

حمدت ربي انه ما في بالصالة غيرنا كلهم طلعوا

قبلنا

والا رح يتشمتون بي

فكرت اجلس وما اطلع للجناح دامه كارهني لذي

الدرجه

كرامتي فوق كل شي

سمعت صوته وهو اعلى الدرج : مطوله وانت جالسه

زفرت بضيق وقمت بهدوء بدون اي كلمه

*

*

*

*

*

ثاني يوم الصبح

فجرت لي راسي طيف وهي كل شوي

توريني وش جاب لها

ابوها من السفر

شربت كاس مويه وجلست على الكرسي بالمطبخ وبهدوء : خلاص طيف صدعتي راسي

طيف بفرحه : بس شوفي هذي اخر مره

هزيت راسي وانا اساير فيها

صحيح ما قلت لكم وش جاب

لي خالد هديه

جاب لي جاب لي

تعرفون هديه

ولا شي

لا تستغربوا هذي الحقيقه ما جاب لي شي

مع انه بنات عمي

اعطاهم هدايا وحريم اعمامي

حتى اخواتي وصلهم هدايا

وانا لا

مسحت دمعه تسلسلت من عيني

ما انكر انها حزت بخاطري

بس عادي اذا ما جاب لي من نفس ما ابغى

ليه يجيب لي هديه وهو بالاصل مو طايق

يشوف رقعه وجهي

كذا احسن حتى ما اخدع نفسي وارسم احلام

وآمال وهميه

وقفت بس مسكت يدي طيف : يا ريم تعالي لبسيني الفستان للي جابه بابا لي البارحه

ناظرتها : وصباح وينها ما تلبسك ؟؟

مدت طيف بوزها : شريره رفضت تلبسني تقول ما له داعي

ما ادري صاير قلبي رقيق حزنت عليها ونظراتها

لي كلها رجى

هزيت راسي بالموافقة وتوجهت معها للغرفه

لبستها

الفستان صارت تلف حول نفسها بفرح

دخل علينا خالد وناظر طيف وابتسم : عجبك

الفستان يا بابا ؟؟

طيف بفرحه : حلوووووو

حملها خالد بفرح وطلع من الغرفه

ابتسمت على حظي العاثر ما لي حظ بالدنيا

غمضت عيوني

وانا اتذكر البارحه ما كلمني ولا كأني موجوده

معهم بنفس المكان وجلس بالصاله يعطي طيف ومصعب هداياهم وانا جالسه اناظرهم

واتألم من الداخل

جرحني جرح ما رح انساه طول حياتي

تنهدت وانا اردد بهمس الحمد لله

وقفت وتوجهت خارج الغرفه ما كان فيه احد

الظاهر انه نزل تحت

تذكرت وعضيت على شفتي اكيد سديم وروان

رح يسألوني عن هديتي

وش اقول لهم ؟؟

اقول لهم ما حصلت هديه علشان يتشمتون بي

والا اكذب عليهم بس بنفس الوقت

يمكن خالد يقول لهم اني ما جاب لي

هديه

واطلع قدامهم كذابه

زفرت بضيق وقررت ما انزل اليوم كله حتى ينسون سالفه

الهدايا

رجعت للمطبخ ما ادري احب اجلس فيه

اخذت علبه عصير من الثلاجه وجلست اشرب بهدوء وانا سارحه بأفكاري وحياتي

المدارس على الابواب وانتهت العطله الصيفيه

والدوام يوم السبت القادم

واليوم الاحد

متى تيجي المدرسه حتى اضيع وقت واتسلى مع

البنات

احسن من القعده هنا

كملت شرب العصير وحطيت علبه العصير الفارغه

بالزباله اجلكم الله قبل ما يرجع ويفتح محاضره

عن النظافه

حسيت بنعاس بس قررت ما انام حتى اصلي الظهر ما بقى وقت على الاذان

*

*

*

*

*

يوم الاثنين

نزلت بعد الظهر بهدوء وانا ادعي ما اشوف سديم

ولا روان ولا عصافير الحب

لويت بوزي لما شفتهم موجودين

رديت السلام بهمس

ام خالد : وينك ما نزلتي البارحه ؟؟

ريم بهدوء : تعبانه شوي

ام خالد : سلامتك

ريم : الله يسلمك

لفت نظرها الخاتم للي بيد سديم

كان لونه فضي يجنن تأكدت ريم انه هديه من خالد

ناظرت روان بيدها خاتم شبيه للي بيد سديم

صرفت نظرها بسرعة وناظرت ام خالد برقبتها

عقد ذهب ناعم وحلو

نزلت نظرها للارض وبعدها ناظرت يدها

خاليه من الاكسسوارات ما فيها شي

حتى الذبله مو معها بعد الزواج ما تدري وين راحت

ضاعت منها

ضمت يدينها وناظرت طيف للي داخله تركض

ومعها حلاوه ومبسوطة

وخالد من خلفها ينبه عليها شوي شوي

جلس خالد بهدوء : ما رجع ابوي للحين ؟؟

ام خالد : ربع ساعه ويكون هنا

هز خالد راسه وناظر ريم للي كانت تناظر

لجهة الدرج وسرحانه

ما ينكر انه تفاجئ بشكلها الذبلان وعيونها حولها

هالات سوداء

وجهها صار انحف وهاديه وما تتكلم وكأنه شي

شاغل بالها

قرر بعد الغداء ياخذها على المستشفى ويعرف

سبب شحوبها مع انه متأكد سوء تغذيه

كان مقرر البارحه ياخذها بس انشغل بأصحابه

والمعازيم

*

*

*

*

*

بعد الغداء ناداها بهدوء : ريما

ناظرته باستخفاف حتى اسمها مو حافظه

خالد بهدوء : تعالي

وطلع من صاله الاكل

ريم بضجر قامت ولحقته

وقف عند الدرج وناظرها : الحين علشان نروح

عالمستشفى

ريم عقدت حواجبها : ليه المستشفى ؟؟

رد ببرود : عاجبك وضعك شوفي كيف وجهك

شاحب انا متأكد بعد فتره رح يصيبك جفاف

ريم بعناد : بس انا مو تعبانه

ناظرها بحزم وشد على اسنانه : انا وش قلت ؟؟

واشر على الباب : يالله الحقيني زفرت بضجر

وطلعت خلفه

وطول الطريق الصمت يعم السياره

وصلوا المستشفى وطلب خالد منها تنتظر

حتى يعمل الإجراءات

*

*

*

*

ام خالد عقدت حواجبها : وين راحوا ؟؟ حتى اتصل فيه وما يرد

فيصل : اتصلي بريم ؟؟

ام خالد : ما ترد

غريبه وين راحوا حتى ما خبروا احد

نوف تقول شافتهم طلعوا بالسياره

فيصل : ليه حارقه بصلتك ؟؟

ام خالد بخوف: تأخروا من بعد الغداء طلعوا وللحين

ما رجعوا وما يردون على اتصالاتي

نواف الله يسعدك روح دور اخوك

نواف ابتسم : وين ادور عليه

يمه يمكن طالع مع ريم يغيرون جو

ام خالد وهي تفرك يدينها : اي جو الله يهديك

حد يطلع يغير جو بعد الظهر

*

*

*

*

*

ركب السياره مبسوط على الاخير يموت على البزران

ناظرها بابتسامة : هذا احلى خبر سمعته

من لما رجعت من السفر

كمل بحزم : حركاتك الصبيانيه ما ابغاها

الحركه الكثيره تأثر على الجنين

واهتمي بصحتك الدكتوره قالت عندك

سوء تغذيه

وهذا يأثر على الجنين

قبل ما يحرك ناظرها وهو يقرص عيونه : ليه

ما قلتي لي انك حامل

لمتى كنت ناويه تخفين ؟؟

على كل حال رح امشي هذا الموضوع بمزاجي

والا كان لازم اتخذ تصرف ثاني تخفين موضوع

مثل كذا

يعني اليوم صدفه اخذتك للمستشفى واكتشفت انك

حامل صار لك شهرين ونص تقريبا

ما ادري وش تقصدي بالحركه ذي ؟؟؟!!

ناظرته ريم وما ردت وبداخلها تضحك عليه

هي اصلا ما كانت تعرف انها حامل

بس مستغربه بنفس الوقت خالتها ام خالد

بدايه الحمل كان يصيبها الوحام وغثيان

بس هي ما كانت تحس بشي عادي

وبنفس الوقت مستغربه فرح خالد من لما قالت له

الدكتوره وكأنه ما عنده عيال فرحان حيل

تنهدت براحه انه ما رح يكره عيالها مثل ما

ابوها نايف كرها

ابتسمت بسعاده وفرحانه وكأنها طفله ومعاها

لعبه

فرحانه فيها

خلاص ما رح تهتم لاحد رح تعيش مع طفلها

بسعاده وكل شي انحرمت منه

مستحيل تحرم طفلها منه رح تخليه امير

ودايما يضحك

ما رح تخليه يبكي ابد

ومن اليوم ما رح تهتم لاحد خلاص ربنا عوضها .بشي تنسى العالم كلهم

وتكمل حياتها معاه

وصلوا البيت ودخلوا وخالد شاق الابتسامة

ام خالد اول ما شافتهم وقفت : وينك رحت واختفيت

ريم ناظرت خالد وحركت عيونها بمعنى لا تقول

خالد طنشها

واقترب من امه وابوه وابتسامته مرسومه : باركوا لي

وما انتظر منهم الاجابه

ريم حامل

قبل ما يخبرهم صعدت ريم لجناحها بهدوء

بدون ما حد ينتبه لها

ووقفت اخر الدرج تسمع رد فعلهم

فيصل اندهش بعدها سلم على خالد وبارك

له بفرحه

ام خالد مو مستوعبه : طيب كم صار لها حامل ؟؟

خالد بابتسامة : شهرين ونص تقريبا

ام خالد بزعل : شفت زوجتك ولا خبرت حد

مخبيه علينا

هذا ولدنا وحنا المفروض يكون معنا خبر

من اول شهر

سديم : يمكن خايفه نصيبها بالعين !!

روان : على وش يا حظي اكيد قزم مثلها

فيصل بصرخه : ولا كلمه انتي وهي

ويا ويلكم اسمع كلمه من هنا والا من هنا

بدل ما تباركون لاخوكم

واعطاهم نظره قويه

سديم بلعت ريقها وقربت من خالد

وباركت له

وبعدها روان

سامر سلم على خالد : مبروووووك يا اخوي وان شاء الله ما يطلع لامه

ابتسم خالد وجلس بعد ما بارك له نواف

وناظر امه : نفسي يمه ربي يرزقني ولد

يكون نسخه مني بالشكل وبكل شي

نواف : الظاهر رح يكون اغلى من طيف ومصعب ؟؟؟

ابتسم خالد بسعاده : شوف انا ما افرق

بين عيالي

لكن اذا طلع يشبهني رح يكون له ميزه عن كل عيالي

تنهدت ريم بارتياح وتوجهت للجناح

بعد المغرب

جالسه بالصاله على اللاب ومندمجه

قاطعها دخول خالد الجناح رد السلام بهدوء : انزلي تحت جدتي تبيك

ناظرته ريم وهزت راسها : دقايق وانزل

ورجعت على اللاب باندماج

خالد بصوت حاد : انا وش قلت ؟؟

ناظرته ريم وسكرت اللاب

ووقفت

خالد : انتبهي وانت نازله على الدرج شوي شوي

ناظرته ريم وهزت راسها وتوجهت للغرفه لبست عباتها والشيله

وطلعت من الجناح

نزلت عن الدرج بهدوء وهي تحس انه خالد يناظرها

من باب الجناح

توجهت للصاله

وشافت جدتها ريم بابتسامة : هلا والله

الجده بزعل : ولا كلمه انقلعي ولا تكلميني

ثلاث اشهر حامل ولا خبرتينا

قربت ريم منها وباستها بطريقه تنرفز الجده

الجده بعدتها عنها بقرف وهي تمسح خدها : متى تتركين

حركاتك الماصخه هذي

ريم ابتسمت وهي تشوف ام خالد ماده بوزها وزعلانه : اموت على الزعلانين

ام خالد بقهر : خبيثه ولا تكلمت ولا قالت

ريم عقدت حواجبها : ليه انت خبيتي حملك

ثلاث شهور وما قلتي لي

الجده : تنتقمين يعني ؟؟

ابتسمت ريم : لا تفسرون الكلام على كيفكم

ام خالد وهي تقرص عيونها : جيل بعبع

شوفي يا خالتي قال وانا اقول عنها صغيره

شوفي مبسوطه والله زمان اول يستحون البنات

الحين ما في حياء

الجده : صادقه ابو سلمان لما عرف بالحمل

قال بعدها صغيره ومسؤوليه حتى قال ما رح

يبارك لها حتى ما يحرجها

ما يدري انه ما في حياء عندها هذي البنت

والا لو يشوفها نايف ما فاده الا الدموع للي

بكاهم لما سمع بالخبر وتضايق انها بعدها

صغيره

ريم ابتسامه سخريه : يؤبرني شو حنون وقلبه رهيف

ابنك نايف

تصدقين ما عرفته قال صغيره

ليه غصبني اني املك على خالد وما قال صغيره

الحين صرت صغيره

الجده بتشكيك : اتوقع جدك قال لك وانت وافقت

لوحدك وقال لك خذي وقت فكري بس رفضتي ووافقتي على طول خايفه يطير

ريم : صحيح بس يوم الملكه غيرت رأيي وقلت له يكنسل الملكه ورفض وغصب عني نزلني اوقع

ام خالد : ليه هي لعبه بزران يوم الملكه تغيرين

رايك وتفشليهم قدام الجماعه

ريم بابتسامة وبدلع : خلاص انسوا الموضوع

ولازم تراعون نفسيتي وما تضايقوني

علشان صحه البيبي

الجده فتحت عيونها باندهاش : قليله الحياء

ام خالد : هذي مفقود منها الامل

صحيح المدرسة الاسبوع الجاي ودك تداومين

ريم بحماس : اكيد

الجده مو عاجبها : البنت ما لها الا بيتها

اقعدي في بيتك وتعلمي السنع احسن لك من الدراسه

ريم وقفت بنرفزه : لا والله هذا مستقبلي

ولازم اكمل دراسات

ام خالد حطت يدها على راسها : خلاص صدعتي راسي

*

*

*

*

*

مرت ايام الاسبوع هاديه على ريم

خالد واقف لها شوكه بحلقها لا تركضي لا تلعبي

حتى بالاكل لازم تكمل صحنها

وهذا للي قهر ريم علشانها حامل يهتم

اما قبل الحمل ما كان يسأل

كانت واقفه تنتظره بالصاله

طلع من الغرفه وناظرها وهو رافع حاجب : لابسه كعب ؟؟

هزت ريم راسها بالموافقة

خالد بأمر : بسرعة بدليه

ريم باعتراض : بس

قاطعها بحده: ولا كلمه زياده ما تعرفين اضراره

للحمل بسرعة غيريه

ريم بضجر : اففففف من هالعيشه

خالد بعصبية : ولا كلمه سامعه ويالله بسرعة

طيف ومصعب ينتظروني

بدلت الكعب ولبست حذاء بدون كعب

جلست على السرير بضجر

سمعت صوته ينادي عليها تستعجل

مدت بوزها بعناد اما يوافق انها تلبس كعب او ما رح

تروح

دخل الغرفة متنرفز : سنه حتى تجهزين ؟؟؟

ريم مدت البوز : ما رح اروح الا اذا لبست كعب

خالد بنرفزه : لي ساعه انتظرك وبالاخير تندلعين

عنك لا رحتي

وطلع من الغرفه

وقفت ريم بسرعه ولحقته وهي تتحلطم

صار نازل الدرج

نزلت ركض حتى تلحقه وقفتها صرخه من خالد : ريم

ريم وقفت بفزع : وش فيه ؟؟

خالد بعصبية : حطبه ان شاء الله كم مره اقول لك

لا تركضين عن الدرج

وشد على اسنانه بغيض : انزلي شوي شوي والسوق مو طاير

هزت ريم راسها ونزلت بهدوء

ام خالد جالسه بالصاله وتناظرهم : طول عمره

خالد هادي وما يعصب الا نادرا

من اول ما تزوج هالملسونه وهو دايم متنرفز

ومعصب ويصرخ

نواف بابتسامة : صادقه يمه يعصب بسرعه

ما كان كذا

بعدها وقف نواف واستأذن وطلع

*

*

*

*

دخلوا الجناح بعد ما رجعوا من السوق

وخالد معصب ضيقوا خلقه الثلاثة

ريم دخلت وهي تاكل من الحلاوه

ومصعب خلفها يصرخ وده ياخذها

خالد وخلاص انفجر منهم تقدم من ريم

وسحب منها الحلاوه وحطها بالزباله وبعصبيه : تحلمون

مره ثانيه تطلعون عالسوق

مصعب مد بوزه: بابا هي لا تاخذها معنا

خالد طنشهم وتوجه للمطبخ يشرب مويه

تطفي من القهر للي بصدره

قهرته بتصرفاتها مثل البزران عض على شفته

ومسح على شعره وهو يردد يا رب متى تعقل

لعله خير لعله خير

عسى ان تكرهوا شيئا وهو خير لكم

*

*

*

*

*

اول يوم بالمدرسه

صحيت بنشاط وهي متحمسه للمدرسه

كانت واقفه بالمطبخ ومجهزه نفسها

وشعرها

رابطيته جدوله على جهة اليمين وجدوله على جهة اليسار

خالد وهو جالس يشرب قهوه بالمطبخ ويناظرها

وهي ماسكه كاس الحليب

تكلم بدون نفس : اذا شفتك لابسه كعب اكسر رجلك

ريم انقهرت بس وش تعمل حتى لو اعترضت ما

رح يرد عنيد بشكل

جلست مقابل له : طيب عجل بسرعه

الحين اتاخر

رفع حاجب : ما شاء الله نشاط وبعدين

لا تكلميني كذا انا اقوم بالوقت للي ابغى فاهمه

وصار يقلد فيها

عجل بسرعه الحين اتاخر

ضحكت ريم : ههههههه لو انك ممثل يعطونك

صفر من عشره ما تعرف تقلد

ناظرها خالد باستخفاف : قومي اشوف قدامي

طيف ومصعب ينتظرون تحت

وقفت بسرعة وصارت تعدل الشيله

ركبت بالسياره من قدام

ومن الخلف روان وطيف ومصعب واحمد ونوف

بعدها حرك بهدوء

وصل البزران لمدارسهم وبعدها توجه لمدرسه

روان وريم

والصمت يعم السياره

بعد وقت قصير وقف خالد وبهدوء : يالله انزلن

نزلت روان بهدوء

ولما فتحت الباب انزل مسك يدي وبهدوء : اسمعي

انتبهي وانت تمشين ومكان فيه زحمه ابعدي عنه

ويا ويلك اسمع انك مخبره احد انك حامل

فاهمه

هزيت راسي وانا ماده البوز : ان شاء الله يا حضره الضابط

ناظرني بحزم : حضرتك تتريقين ؟؟؟

نزلت بدون نفس وما رديت عليه وضربت الباب

بأقوى ما عندي

ودخلت بسرعه

*

*

*

دخلت المدرسه واول ما شافت ليان

ركضت عليها وحضنتها : اشتقت لك يا دبه

ليان ضربتها على كتفها : احسن منك يالعصله

ريم بسعاده : ههههههههه اخبارك ؟؟؟

ليان بابتسامة : الحمد لله بخير

وانت اخبارك ؟؟

ريم بابتسامة : تزوجت

ليان فتحت عيونها : احلفي

ريم وهي تضحك : هههههه والله العظيم

ليان : مين هذا المغفل للي قبل فيك ؟؟؟

ريم ضربتها بخفه على راسها : مغفل بعينك

تزوجت ابن عمي

ليان : اي واحد ؟؟

ريم : ابن عمي فيصل اسمه خالد

ليان : ما لقيت الا ابن عمك فيصل ؟؟ اكيد

ناشب بحلقك ؟؟

ريم لوت بوزها : مثل الشوكه بحلقي

ليان : ما علينا منه تعالي ندخل مشتاق لك حيييل

ريم بابتسامة : يالله

طول الوقت ليان وريم يتهامسن لانه اول يوم

ما في حصص ودراسة

دخلت ابله الرياضيات

كانت طويله ونحيفه والشهاده لله جسمها يجنن

لون بشرتها اقرب للسمار بس ناعمه حيل

وعيونها وساع يعني حليوه

بس حسيتها مغروره بنفسها

المهم

دخلت وتعرفت علينا وبعدها صارت تتكلم عن الماده

ناظرت ليان وابتسمت كذا بدون سبب

بعدها ناظرت الابله ناظرتني وكأني ماكل حلالها : نعم خير تضحكين قايل انا نكته ؟؟؟

استغربت من اسلوبها انا ما عملت شي علشان

تعاملني كذا رديت عليها بدلع : لا ما قلتي نكته

بس تبسمك في وجه اخيك صدقه

اكيد حافظيته ؟!

احتدت ملامحها : لا وش رايك تيجين مكاني ؟؟

وقفت ريم وهي تبتسم وتتغنج بمشيتها

الابله بعصبية : هي انت وين رايحه ؟؟؟؟

ريم ابتسمت بعباطه : انت قلتي لي آجي مكانك

ضربت على الطاوله بعصبية : اقعدي مكانك لو

سمحتي

وحركاتك هذي ما تنعاد والا مره ثانيه تطلعين عند الاداره

ابتسمت ابتسامه نرفزتها : من عيوني

ابله منار وجهها صار احمر ورجعت تتكلم عن الماده والمنهاج

وتعطيني بين كل وقت نظره ناريه

وانا مبسوطة على الاخير اني قهرتها

مر ايام الدوام وانا الابتسامه ما فارقتني

احس بسعاده وانبساط مو طبيعي

احسن من القعده بالبيت وتعرفت على صديقات جديدات

خلص الدوام وانا طالعه فجأة التفتت للخلف

لما سمعت اسمي

نوفه بابتسامة اشرت لي

اقتربت منها وسلمت عليها

نوفه بابتسامة : اخبارك يا حلوه ؟؟؟

رديت بابتسامة : الحمد لله بخير

نوفه : تعالي شوفي شي

ومسكت يدي وسحبتني خارج المدرسه

وتوجهت لاحدى السيارات وانا مثل الهبله

مو فاهمه شي

نوفه طقت قزاز السياره

خلال ثواني نزل صاحب السياره قزاز الشباك

نوفه بفرحه : هذي ريم ودها تسلم عليك

فتحت عيوني عالاخير هالحيوانه احرجتني

صعب تسلم على شخص ما تعرفه

كيف لما يكون هذا الشخص خطيبك وبعدها يطلع خالك

يمكن اول مره تسجل بتاريخي اني استحيت

لو تشوفني جدتي ما رح تصدق ولا رح تعرفني

نزل من السياره

رفعت نظري على صوته : اخبارك يا ريم ؟؟

ناظرت يده الممدوده بتردد واحراج ووجهي

الوان : ها بببخير ومديت يدي

وانا خلاص ذبت من الحياء

زياد بهدوء : ولا تتصلين بخالك تتطمنين عليه ؟؟

ما رديت وانا افرك يديني بتوتر

والظاهر انه حس بتوتري : يالله اطلعي اوصلك

ناظرته باحراج وبعدها نزلت نظري : لا ممشكور

خالد على وصول

هز راسه بتفهم : يالله فرصه سعيده شفناك

وبعدها استأذنت وبسرعه دحلت المدرسة

وانا قلبي يدق بقوه اففففففف موقف محرج

لكن قسم بالله لتندم نوفه

قال ما تتصلين بخالك ليه حضرته ما يتصل

انا اذا اخوالي من ام واب مو معترف فيهم

اعترف بخال من الرضاعه

اصلا كل شي يخص امي ما ابغى اتقرب منه

نفخت خدودي بضجر حضرته الدكتور تأخر

وروان الظاهر انها رجعت لاني ما شفتها

مر اكثر من ربع ساعة على مغادره نوفه واخوها

افف وين طس زوج الغفله طقيت من الحر

افففففف بعد دقايق شرف الدكتور

طلعت وانا احس روحي بمناخيري

فتحت الباب وجلست بدون كلمه

ناظرني وهو رافع حاجب : السلام لله

وبعدها ناظرني بحده

انزلي وادخلي مره ثانيه وردي السلام بسرعه

قهرني ناقعني بالحر والحين جاي يتفلسف علي

زفرت بضجر

ونزلت من السياره وبعدها ركبت وانا ابتسم

بسخريه : السلام عليكم يا زوجي العزيز

ناظرني وصد نفسه بغرور : ترى مو ناقصني

هرج زايد حطي لسانك بحلقك يكون افضل

ناظرته بقهر وصديت لجهة الشباك

*

*

*

*

توجهت للمدرسه علشان اجيب الاميره بلقيس

وانا متنرفز من ابوها

قهرني بإسلوبه بالمكتب

ما ادري من وين نازله الحنيه بنته صار لي متزوجها ثلاث شهور ما شفته ولا مره

زارها

استغفر الله قهرني مع انه اعتذر مني لما

سمع مني

وحس بالندم على تسرعه وكلامه عني

بس ما يشفع له كيف يوجه كلامه هذا لي

انا مو شاب طايش همجي حتى يقول لي هذا الكلام

انا ولله الحمد عاقل وفهمان واعرف كيف اتصرف

مو لذي الدرجه حتىى اكون انسان متخلف

بالعكس انا مدرك لكل الامر

وللي زاد قهري الاميره بلقيس ركبت حتى

ما كلفت نفسها ترد السلام

ناظرتها وخدودها حمر من الحر

سألتها بهدوء متجاهل القهر للي فيني : كيف الدوام اليوم ؟؟

ناظرتني وردت من رؤوس خشومها : زينه

ولفت وجهها يقال انها زعلانه

وقفت السياره على جنب وناظرتها وبهدوء : زعلانه ؟؟؟

ناظرتني وهي ماده البوز : يعني لي ساعه انتظرك

بالحر وانت متأخر علي

تنهدت ونزلت من السياره وتوجهت للبقاله

اشتريت لها عصير ومثلجات ورجعت

دخلت السياره بهدوء

وناظرتها ومديت لها الكيس : خذي هذا رضاوه

لك لاني تأخرت عليك

ناظرت الكيس وكالعادة تبغى تدلل : لا ما ابغى

ولوت شفتها يقال انها زعلانه

ناظرتها ببرود : براحتك

وقبل ما اسحبه سحبته مني : بس لولا العطش

ما اخذت منك شي

بصراحه ضحكتني : هاتيه والحين انزل اجيب لك مويه

علشان العطش

ناظرتني بقهر : لا لا من دخل بيت ابي سفيان

فهو آمن

بعدين ذول تعويض عن الحر للي خليتني فيه

باكر اصير سوداء وما حد يرضى يخطبني

وقبل ما تكمل ضربتها على راسها : انت ما تعرفين تتكلمين ؟؟

انت متزوجه كيف تنخطبين ؟؟

ناظرتني وابتسمت : عادي بعد ما تطلقني

اخطب

قاطعتها : اوكي الحين نروح عند المحكمه

قاطعتني بندم : والله امزح انت كل شي تصدقه

حبيت اعطيها قرصه اذن وبحزم : بهذي الامور ما فيها مزح

والحين نروح على المحكمه

ناظرتني وحسستها انها الموضوع جدي مو مزح

صارت دموعها تنزل : والله ما اعيدها توبه توبه

استغربت من دموعها وفتحت عيوني على وسعهم بس لازم يكون الامر في جديه كلمتها بحزم : توعديني ما تكررين كلامك السخيف هذا ؟؟

بدون ما تناظرني وهي تمسح دموعها : والله اوعدك ما اعيدها

مديت يدي ومسحت دموعها وابتسمت على شكلها : ما

احب اشوف احد يبكي الحين اذا ما وقفتي بكاء

اروح للمحكمه

ابتسمت وهي تمسح دموعها : خلاص مسحتهم

استغربت

دموعها بسرعة ينزلوا وبسرعه يوقفوا

عجيبه هذي البنت استرقت لها النظر

وهي تشرب من العصير

ولا كأنها الحين كانت تبكي نفس طيف

تبكي ولما تحصل على الشي للي ودها إياه بسرعه

تخافي دموعها

تنهدت وحركت السياره بهدوء

رن جوالي ناظرت الاسم وعفست ملامحي

ورديت ببرود : الو ..........الله يسلمك. ..........بالطريق .........اكذب عليك يا عمي اذا قلت لك

اني ما زعلت ........حتى لو كان مو قصدك كلامك هذا ما تقوله لي وانت تعرفني ............ خلاص حصل خير .......... لا ما ابغى لا عزيمه ولا رضاوه ولا شي ...........خلاص اعتبرني ما زعلت وصدقني خلاص انسى الموضوع ومع الايام انسى ........ان شاء الله ......مع السلامه

قفلت من عمي نايف متصل يعتذر مني

لانه عرف بعد كلامي انه ظلمني

وعرف انه اخطأ بحقي

والله لولا اني ما ابغى اظلم ريم الا اقول له خذ بنتك

عندك ولا تنسى تشتري لها حليب

قسم بالله تصير مواقف تنرفزك

ناظرت ريم بتذكر : صحيح جهزي نفسك بعد العصر

علشان نروح عند الدكتوره

وقبل ما تسألين حجزت لك موعد عند الدكتوره نهى

هذي اشطر دكتوره وكل اسبوع رح تراجعين معها

اتفقنا

ناظرتني وهزت راسها ورجعت تاكل من المثلجات

*

*

*

*

*

*

*

دخلوا البيت بهدوء

ام خالد ناظرت ريم وخالد : ليه متأخرين ؟؟

ريم وهي تهف بيدها : انصهرت من الحر افففف

ام خالد : اطلعي بدلي بسرعة

خالد : وين مصعب وطيف ؟؟

ام خالد : تناولوا الغداء وناموا تحسهم تعبانين من الدوام

خالد ابتسم : ربي يحفظهم

ام خالد ناظرت خالد : تعال ابغاك بموضوع

ريم وعرق اللقافه اشتغل : وش تبغين منه ؟؟

خالد ناظرها بحزم : ريم

كشت عليه ريم وطلعت وهي تتحلطم

ام خالد بعد ما تأكدت انه ريم طلعت : شوف

يا خالد انا انصحك

ما يصير تطلع ريم بدون غطاء شفت جمالها

ما شاء الله وخاصه مع هالحر خدودها

حمر تجنن اكيد تلفت نظر الشباب

اذا انا حرمه ولفت نظري جمالها

انا ما اتدخل بس نصيحه انصحكم

هز خالد راسه وهو عارف انها جمالها ملفت للانظار بس حاليا ما يطلع بيده شي وخاصة بعد

الحمل : ان شاء يصير خير

وبعدها توجه للجناح

*

*

*

*

بعد ما رجعنا من الموعد عند الدكتوره

كان عمي فيصل وام خالد جالسين

بالصاله

توجهنا لهم وجلسنا بعد ما ردينا السلام

سألت خالتي خالد : وش قالت الدكتوره ؟؟

ناظرني خالد وبعدها ناظر امه ورد بهدوء : تقول

كل شي تمام ووضعه الجنين مستقر

ام خالد بتحقيق : ما قالت شي علشانها صغيره

شوي

فيصل قاطعها : وين صغيره الله يهداك ؟؟!!

هيفاء لما تزوجت كانت بحجمها وحملت من اول شهر وكانت قريبه من عمرها

وهذي هي كبرت وعندها عيال اطول منها

ام خالد وهي تناظرني : والله ما ادري وش اقول

فيصل ناظرني : كم طولك يا ريم ؟؟

ناظرته وابتسمت : مترين

قاطعها فيصل بحده : تستخفين دمك انا ما امزح

معك

خالد وهو يطالع عمي : سواء عرفت طولها او ما عرفت

ما رح يغير شي لانها خلاص تزوجت والحين حامل

وبعدين بدون ما تسأل باين طولها

1.49سم

ناظرته وانا نفسي انكسه قدام اهله

مغرور وشايف نفسه : غلط طولي مو متر 1.49

ناظرني باستخفاف وطنشني وصار يكلم عمي

قهرني وفشلني قدامهم

ناظرتني ام خالد : جدتك تقول انها تتوقع فيك بنت

خالد وقاط اذانه عندنا والظاهر تضايق انها بنت: وش عرفها جدتي ؟؟؟

فيصل ابتسم : علامك مو عاجبك بنت ؟؟ وش حلاتها البنت

وخاصه اذا كانت مؤدبه وناظرني بنغزه

اففففف يا هالعم للي ناشب لي شوكه بالحلق

خالد : مو كذا يبه انا ما اعترض انها بنت للي من عند الله راضي فيه ونعمه نشكره عليها

بس انا حاب يكون ولد

قلت بصوت هامس سمعه خالد لانه جنبي : ان شاء الله بنت وتبقى حسرتك بقلبك

ناظرني وابتسم : حاقده علي

ناظرته : وبقوه

مد يده وقرصني بكتفي بدون ما حد ينتبه علينا

قرصته ما توجع بس انا احب المبالغه واعطي الصوت العالي : آآآآآآآآآه

وفركت مكان القرصه

ناظرني عمي المنشغل بالحديث مع خالتي : وش

فيك تزاعقين ؟؟

ناظرت خالد وبعدها ناظرت عمي وابتسمت

بعباطه : عقرب قرصني

عقد حواجبه عمي : من جدك ؟؟ عقرب هنا ؟؟!!

ابتسمت واشرت على خالد : هذا هو مو شايفه

يا عمي

ام خالد بقهر من تصرفي : انت وجهك مغسول بمرقه ما تستحين على وجهك

وبعدين مو عيب تقولين عن زوجك كذا

ناظرتها : والله يا خالتي قرصته اقوى من قرصه

العقرب

ابتسم خالد وهمس: هذي قرصه لك علشان لسانك الطويل

تقصريه

دخلوا عصافير الحب الصاله ويدينهم ببعض

فقعوا مرارتي خايفبن يضيعون والله ما يضيعون

جلسوا مع بعض وسميه لابسه جلال الصلاه

ومو باين منها الا عيونها

قهرني عمي فيصل ناظر سميه،: اخبارك يا بنتي ؟؟

ان شاء الله مرتاحه ؟؟

سميه بصوت منخفض وهادي : يسرك الحال

ام خالد ناظرت سميه : وش صار على الوظيفه

سميه : رفضتها نواف ما يبغاني اشتغل

فيصل بفخر : ذول الحريم السنعات للي يسمعن

كلمه زوجهن وناظرني بنعزه

قهرني هالشايب حاط ضدي اففففف

وقفت وناويه اطلع للجناح احسن من مقابله

وجه عمي

سمعت صوت خالد يستأذن حتى يطمن

على عياله

*

*

*

توجهت للغرفه وانا نعسانه وقفني صوته : اسمعي

لفيت وجهي وناظرته بدون ما اتكلم

تكلم ببرود : بدلي وتعالي للصاله هنا حضري

لباكر

رفعت حاجب وبصوت عالي وانا اتخصر : نعم نعم

فتح عيونه على وسعهن وبعصبيه : نعامه ترفسك

بلعت ريقي لا تقولون قويه مو قويه ما ادري لما اشوف نظراته المعصبه اخاف

ما اعرف وش السبب ابتسمت بعباطه : قصدي

وحكيت راسي

اممم قصدي ابغى انام وبعد ما اصحى احضر دروسي

ناظرني بتعالي وبحزم : هي كلمه وما رح اكررها

انا طالع اشوف مصعب وطيف ارجع اشوفك

بالصاله تحضرين دروسك

وطلع قبل ما يسمع ردي

قهرني مغرور وشايف حاله على وش يا حظي

ضربت الارض برجلي بقوه

وبصرخه

اكرهك

فتح الباب وناظرني وهو رافع حاجب بغرور : قلتي شي ؟؟

ناظرته بقهر ودي اكسر راسه

ناظرني بحزم : صوتك هذا اخفيه من الوجود اذا

سمعته يلعلع

واعطاني نظره ناريه وطلع

عضيت على شفتي بقهر وتوجهت لغرفة النوم

وانا اتحلطم

*

*

*

*

جلست بالصاله وتمددت على الكنبه وحطيت

الكتاب على بطني

وجلست اطقطق بالجوال ومندمجه باللعبه

سمعت تصفيق فوق راسي : ما شاء الله هذي

الدراسه والتحضير

وسحب من يدي الجوال وناظر اللعبه وبعدها اشوف اصابعه على الشاشة ما اعرف

وش يعمل

وقفت طبعا مستحيل اشوف وش

يطقطق تكلمت بقهر : اعطيني الجوال

طنشني ولا كأني اتكلم

بعدها ناظرني ببرود : حذفت الالعاب بالجهاز

الدراسه بدت وما في وقت للعب اتوقع

قهرني وهو ببرود يتفلسف علي

وانا قضيت ليالي حتى وصلت هذي المرحله

احس بالقهر والنار بقلبي

كل تعبي وجهدي طار خلال ثواني

مستحيل احس فقدت عقلي والتفكير

ومثل البرق مسكت يده وعضيت عليها

بكل قوه

كل قهري حطيت فيه

كنت اسمعه يتكلم بس ما كنت ادري وش يقول

خلاص صرت لا ارسل ولا استقبل

بس ما كان عنده اي دفاع ولا ابعدني عنه

ولا حاول بس كان يتكلم بس ما ادري وش كان يقول

بعد ما طلعت قهري ابعدت عنه ومسحت اثار

الدم عني بقرف

واشمئزاز

ناظرت يده وابعدت عنه كم خطوه اكيد

الحين رح يدفني بمكاني

ناظرته بتردد لكني انصعقت لما شفته

يبتسم بوجهي

ما ادري هل هو الهدوء ما قبل العاصفه ؟؟؟!

رفعت نظري لما سمعته يكلمني : ارتحتي الحين ؟؟

اسف ما توقعت انك متعلقه باللعبة لذي الدرجه !!

بس اتوقع دراستك اهم

عموما اتوقع كل قهرك طلعتيه بيدي المسكينه

وناظر يده وابتسم بغموض

تنهد وبعدها ناظرني بهدوء تقدرين ترجعين تكملين

دراستك وجوالك هذا هو

وحطه على الطاوله بهدوء : مصعب وطيف خلفي

الحين يدخلون ما ابغى اسمع صراخك

وتوجه للمطبخ

حسيت حالي مجرمه لما شفت باطن يده

لو تشوفني ام خالد عز الله رحت فيها

هل الانسان رد فعله يحيرني

بس احس اني ارتحت طلعت كل الكبت للي

بداخلي

بس احس بالندم لاني عملت بيده كذا

وبنفس الوقت شي يقول لي يستاهل

علشان مره ثانيه يخرب لعبتي

جلست على الكنبه بضجر ومسكت الكتاب بدون

نفس

دخل مصعب وطيف بمرح

طلع خالد من المطبخ وكان لاف يده بالشاش

الظاهر حتى ما حد يشوف مكان اسناني

كنت استرق النظر له

خالد بهدوء : يالله يا بابا تعالوا ندرس ونحل الواجبات

طيف بضجر : بس بابا ما اخذنا شي

طنشها وجلس على الكنبه واشر بيده لهم : يالله بسرعه كل واحد فيكم يجيب كتبه

توجهوا لغرفهم

ناظرني بهدوء : اذا في شي صعب عليك اسأليني

واساعدك

ناظرته وانا محرجه من تصرفي وهمست : مشكور

ضحك بصوت عالي : ههههههههه سبحان الله

الادب نازل الحين وقبل شوي لسانك مترين

قاطعنا طيف ومصعب اصلا ما كنت ادري وش ارد عليه

بدأ يحضر ويشرح للطيف ومصعب وانا كل فتره

استرق النظر لهم

بعد مرور وقت تثاوب وهو يحط ظهر كفه اليسار

على فمه بعدها ناظر طيف ومصعب : خلاص كملنا يالله رتبوا الكتب مكانها

وكل شي ابغاه مرتب وبمكانه

هزوا راسهم وتوجه كل واحد لغرفته

ناظرني وبهدوء : تعالي

ناظرته باستغراب واشرت على نفسي : انا ؟؟؟!!

هز راسه بأسف : لا للي وراك

في حد غيرك بالصالة

وبحركه غبيه ناظرت الصاله وبعدها طالعته : لا ما في احد

مسح على وجهه بارهاق : انت غبيه والا تتغابين ؟؟

تعالي تعالي بسرعه

وقفت بتردد وانا متأكده يبغى يضربني

قويت نفسي مو خايفه منه انا للي وقفت بوجه

نايف وفيصل للي الكل يخاف منهم وما يراددهم

وانا بكل قوه وراددتهم

ما رح اخاف من خالد

توجهت وانا امشي بثقه وقفت قريب منه وتكتفت

وانا حاضنه الكتاب : نعم

ولويت شفتي

مسك يدي بسرعه وجلسني على الكنبه قريب منه

وسحب مني كتاب رياضيات

وتصفحه

بعدها ناظرني : حضرتي درس باكر ؟؟

هزيت راسي بالموافقة

ناظرني بتشكيك : ما ادري متى حضرتيه

طول الوقت وعينك علينا

بس الحين رح اكتب لك اسئله واشوف تحضيرك

واتأكد من شطارتك لانه بصراحه تيجيني شكوك

انه كله غش

مستحيل اصدق انك ذكيه كل تصرفاتك تثبت العكس

ناظرته بصدمه وبنفسي انا غبيه اخخخخ مغرور وشايف نفسه

دكتور يعني ذكي مالت عليك يا ابو طويله

ناظرته وهو يكتب اسئله

وبعدها مد لي ورقه فيها اسئله

تكلم بغرور : شوفي هذي الاسئله معك نصف ساعة تحليها

وتكرم مني اعطيك خمس دقايق زياده

مد الورقه لي بغرور

سحبتها وانا نفسي اكسر خشمه على هالغرور

وقررت بنفسي اقل من خمس دقايق لازم

احلها

واكسر غروره قال نص ساعة اقول طير يا شيخ

جلست بعيد عنه وناظرت الورقه اصلا الدرس سهل جدا وسخيف

وبديت احل بالاسئله استغرقت معي

حل الاسئله 5 دقايق

وقفت ومديت له الورقه

ناظرني بغرور : اي سؤال تبغين اوضحه لك ؟؟

ابتسمت بثقه : كملت

ناظرني بتشكيك وسحب الورقه وبثقه : اكيد كله

غلط

ابتسمت بنصر نفسي اشوف خشومه مكسره

ناظر الورقه وهو رافع حاجب ويهز راسه

بعدها رفع راسه : ما شاء الله ربي يحفظك من

العين

بس بصراحه ما تدخل عقلي غبائك بالبيت وذكائك

بالمدرسه

غريبه

عموما ما بقى وقت لصلاه المغرب

كملي تحضير وبعد المغرب اذا وجدتي صعوبه بالمواد

الثانيه انا موجود

بعدها وقف : يالله تبغين شي ؟؟

ابتسمت بحماس : ابغى حلاوه

ضربني على راسي بخفه : متى تعقلين وتكبرين ؟؟؟

ما اقول غير ربي يصبرني

لا تنسين الصلاه

هزيت راسي وانا اناظره وهو يطلع

*

*

*

*

*

مرت احداث اليوم الثاني بالمدرسه نفس الروتين

وزادت علاقتي بالبنات بالمدرسه

وعلاقتي بمعلمه الرياضيات زادت سوء

ما ادري ليه احسها تكرهني

المهم طلعت من المدرسة وشفت خالد ينتظرني للسياره فتحت الباب وجلست بهدوء

ورديت السلام

رد علي واسلوبه انه متنرفز

طالعني : وينك عن الجوال اتصل عليك ومغلق ؟؟

ناظرته باستغراب وطلعت الجوال : شوف جوالي

مفتوح

طالعني وبتفكير : لحظه رقمك كم ؟؟؟

قلت له رقمي وقارنه بين الرقم للي على جواله

كان نفسي اشوف وش مسجلني بس

ما شفت

المهم ناظرني وتنهد : الظاهر انه الرقم غلط

وبعدها حرك

*

*

*

*

مليت وانا انتظرها بالسياره واتصلت على رقمها

اكثر من عشر مرات

وكان مغلق بصراحه تضايقت اذكر لما كنت

مسافر اخذت رقمها من امي واتصلت عليها اكثر من اسبوع

ويكون مغلق

بعد وقت شرفت الاميره بلقيس

دخلت بهدوء ناظرتها وانا متنرفز

سألتها ليه جوالها مغلق واستغربت لما شفت جوالها مفتوح وقارنت رقمها مع الرقم المحفوظ عندي

طلع الرقم غلط

معقول امي تعمدت تعطيني الرقم غلط !!

لانها وقتها حسيتها تتهرب

ولما اطلب ريم اكلمها تعطيني مئه عذر

تنهدت يالله ظلمتها

وانا للي فكرتها متعمده ما ترد علي بالاتصالات

علشان كذا تجاهلتها بالسلام لما رجعت كنت زعلان

منها شهرين ما كلفت نفسها ترد علي

مسحت على وجهي

فعلا لازم الانسان يتأكد قبل ما يحكم على الشخص الثاني

*

*

*

*

*

كنت جالسه عند خالتي ونازل حش معها

ناظرتني خالتي وهي تقرص عيونها : ليه ما جبتي هديه خالد اشوفها

ناظرتها بورطه وش اقول لها

كملت خالتي : انا قلت له وش جاب لك قال

لي اطلبي من ريم تنزلها لك

وتشوفيها على ارض الواقع

ناظرتها وانا داخلي بركان قدام اهله

يظهر نفسه سنع وجايب لي هديه

وانا اتورط : خلاص لما اطلع انزلها لك

وسألتها اغير الموضوع اممم جدي متى يرجع

ام خالد : ما اعرف

دخلت سديم وهي نافشه ريشها من بعد ما طلع

لها جامعه يا لطيف

افففف يا كرهي لها

قررت اطلع قبل ما يفتحوا موضوع الهدايا

وقفت وطلعت ودخلت الجناح وانا مقهوره

قال شيخ ويكذب اعوذ بالله

جلست على الكنبه وانا افكر

وش ارد عل على خالتي اذا فتحت الموضوع

عضيت على شفتي وانا افكر

رفعت نظري لما شفته داخل الجناح

ناظرته بكره

رد السلام بهدوء

رديت بدون نفس

جلس وناظر المكان : ريم ليه ما نظفتي الجناح ؟؟

رديت بطفش : نسيت

ناظرني : كم مره قلت لك نظفي غرفه النوم ؟؟

ناظرته : نظفتها قبل كم يوم

طالعني وهو رافع حاجب : انا نفسي اعرف

شغلك غش ؟؟؟!!

من لما رجعت من السفر وانا اقول لك نظفي الغرفه

ورتبي الاغراض

تدرين للحين بعض الاغراض مكانها

ممكن اعرف كيف نظفتيها وهي موجوده مكانها ؟؟؟

ناظرته : يا رب لطفك تدقق على امور مو ظاهره

طالعني وهو مو عاجبه : ما شاء الله

تعرفين لولا تدقيق امي وحثها حتى تشوف

هديتك كان سكتت حتى اشوف متى ترتبي الحقيبه

وقف ومسكني من يدي وسحبني للغرفه

واشر على نهايه الغرفه تحت الشباك جنب

الستاره كان فيه حقيبه : شايفه هذي الحقيبه

من لما رجعت من السفر قلت لك رتبيها

مثل ما قال المثل

طاعه قرود والتنفيذ على الله

كل يوم ادخل واناظرها وانتظر متى ترتبينها

وانت ولا معك خبر

سحبني لعند الحقيبه واشر عليها : هذي فيها

هديتك

كنت ناوي اعطيك اياها بنفس اليوم بس

حبيت اعمل تغيير واخليها مفاجأه لك لما

تفتحيها

بس للاسف ما جاء الوقت

وكنت مستعد انتظر طول العمر بس للي

خرب خطتي امي

للي كل يوم تحن فوق راسي علشان تشوف هديتك

اشرت على الهديه مو مصدقه : هذي لي ؟؟؟

هز راسه وابتسم : افتحيها

مسكت الحقيبه وفتحتها كانت كلها هدايا

ناظرته بفرح : هذي كلها لي ؟؟؟

هز راسه :كلها لك

سعادتي ما توصف كانت فرحتي بالهدايا

كبيره

بس حبيت اعمل نفسي ثقيله وقفت وتركتهم

وعيني تسترق النظر للهدايا : مشكور

مو بحاجه لهداياك

يعني هذا مو اسلوب تحط الهدايا هنا وما تخبرني

وش ينقصك لو اعطيتني اياهم نفس اليوم

وش ينقصك ؟؟؟

والا تبغى تحسسني ناقصه عن غيري ؟؟

قاطعني وضربني على راسي بخفه : افكارك

الغبيه هذي ما تعيدينها

حظك انه زوجك ما يحب التقليد حبيت اعمل حركه جديده هههههههه

كيف هذي الحركه حلوه صح ؟؟؟

دفعته وانا امثل الزعل : سخيف

ورجعت جلست اناظر الهدايا بفرح

جلس على قربي ركبه ونص وابتسم : عجبوك ؟؟؟

كنت رح ارد بس قاطعني

دخول طيف وهي تبكي : بابا بابا احمد ضربني

وقف وكأنه مقروص توجه لطيف وحملها

وطلع من الغرفه وبعدها سمعت

صوت باب الجناح تقفل

الاربعون من هنا

تعديل المقال