رواية وعود كاذبة الفصل الثامن والعشرون 28 بقلم شريهان مطاوع

رواية وعود كاذبة الفصل الثامن والعشرون 28 بقلم شريهان مطاوع

على الجهه الاخرى

عز الدين والد ملك انا مش عايز الموضوع ده ياثر عليكي كفايه اللي عملته معاكي انتي ويزن انا عارف ان ما فيش حد بيقدر يختار ابوه وامه لانها حاجه قدريه من عند ربنا ساعات بتبقى نعمه وساعات بتبقى ابتلاء وربنا معانا نقدر نعدي الازمه دي يا بنتي

ملك تفتكر هيقدروا يقبضوا عليها

عز الدين الله اعلم يا بنتي هي دلوقتي هربانه في لندن ما فيش اتفاقيه بيننا وبين انجلترا للتسليم المجرمين

ملك امي بقت مجرمه انا مش قادره اصدق ولا اتخيل ان امي اشتركت في جريمه بشعه زي دي

عز وهو يجلس بجانبها وياخذ راسها على صدره ويطبطب عليها حبيبتي دي مش جريمه واحده امك كانت هتضيعني وتضيعك معاها امك شركتها كانت شغاله في غسيل الاموال تبع جهه اجنبيه تهريب مواد مخدره وتجاره اعضاء كل ده وانا مش دريان بالست اللي انا متجوزه لا وكمان كانت عايزه تدمرك بس انتي فين عقلك يا ملك ازاي توفي امك وتاخدي يزن من صاحبتك دي امنتك يا بنتي على حبها وسرها ليه تعملي فيها كده

ملك انا غلطت يا بابا امي اقنعتني ان انا صح وانا كمان اقنعت نفسي ان انا صح وظلمت اكثر انسانه حبتني في الدنيا سما دي ملاك بس انا ظلمتها منها لله امي

وعلى الجهه الاخرى

يدخل الظابط صلاح مكتب رامي

صلاح تحت امرك يا فندم واقف امام مكتب رامي

رامي يجلس على الكرسي امام المكتب وينظر له اتفضل اقعد بس قول لي ناوي تعمل ايه في البلاغ اللي قدمه عز الدين في ناهد الكيلاني

صلاح والله ما انا عارف سعادتك ناهد هربت للندن وما فيش اتفاقيه بيننا وبين انجلترا لتسليم المجرمين

رامي طيب ايه رايك نستدرجها لهنا

صلاح ازاي يا فندم

رامي الاسبوع الجاي الحكم في قضيه شهيره الكيلاني اختها

رامي وبعد الحكم عايزك تقبض لي على رامز الي عز الدين بيقول ان هو الدراع اليمين لناهد وبعد كده تنشر فى الجرايد ان ناهد الكيلاني ملهاش علاقه بجرايم اللي عملتها اختها شهيره الكيلاني وان مش اكثر من شريك لها في شركه السياحه بقلم شريهان مطاوع

صلاح وهو يضع يده على ذقنه تمام بس تفتكر هتدخل عليها اللعبه دي

رامي يقف ويضع يده على كتف صلاح لو اتنفذت صح هتدخل عليها هات لي انت بس رامز وما لكش دعوه بالباقي

وبعد وقت في مكتب رامي يقف صلاح ورامي حوالين رامز ويعطي له التليفون ويشرحوا له هيقول لها ايه بالظبط

لحظات ويرن رامز على ناهد وصلاح ورامي يقفه بجواره بدون صوت رامز الو ايوه يا هانم الف الف مبروك حضرتك خرجتي من الموضوع زي الشعره من العجينه وكمان شهيره هانم هي اللي شالت الليله كلها وما جابتش سيرتك في اي حاجه والخبر هنا في كل الجرايد بقول لحضرتك ممكن تفتحي النت عندك هتلاقي الدنيا كلها بتتكلم عن الموضوع ده الف الف مبروك يا هانم ودلوقتي ممكن ترجعي مصر وانتي حاطه في بطنك بطيخه صيفي كمان ماشي يا هانم ماشي يا هانم مع الف سلامه في انتظارك في انتظارك مع الف سلامه يغلق الفون رامز وينظر لصلاح ورامي كده تمام حضراتكم

صلاح يضع يده على كتفه تمام تمام يا رامز

رامي كده انت خلصت دورك واللي عملته ده هيحسن موقفك في القضيه جدا رامي يجلس على مكتبه ويشاور للعسكري خدوه ثواني ويقترب العسكري وياخده وبعد يقترب صلاح من رامي تمام يا فندم

ينظر له رامي ويبتسم تمام يا حضره الظابط

صلاح تمام بعد اذن حضرتك يا فندم

يمر اليوم ويجي تاني يوم باحداث كثير

ثاني يوم يقف رامي وصلاح في المطار ويتابعوا وصول ناهد الكيلاني وهي راجعه تنظر حواليها وهي مبسوطه والشنطه على الارض تقترب من الظابط وتعطي له الباسبور لكن يقترب رامي وياخذ منها وينظر لها يتكلم ويبتسم ناهد هانم حمد لله على سلامتك

ناهد بخوف ايه في ايه في حاجه

رامي لا لا لا ما فيش حاجه خالص مطلوب القبض عليكي بس

ناهد بخوف ليه اكيد في حاجه غلط

رامي ما فيش غلط انتي شربتي الطعم مبروك يا هانم اتفضلي معانا

وعلى الجهه الاخرى

عز الدين يقف ويسمع للتليفون بان تم القبض على ناهد الكيلاني زوجته لكنها اتهمته بعده قضايا لن يستحمل الخبر يجي له ازمه قلبيه يقع على الكنبه تقترب ملك وهي بتصرخ بابا بابا لا يا بابا والنبي ما تعملش كده لا يا بابا انت بتهزر معايا صح وتضرب بالقلم على وجهه بالراحه وتهز فيه وتشده من هدومه رد عليا رد عليا يا بابا هموت هموت رد عليا انا لوحدي انا لوحدي في الدنيا ما تسيبنيش اعمل ايه هعمل ايه يا بابا عشان خاطري عشان خاطري كلمني طب رد عليا

بابا ااااااااااا. بابااااااااااااااااا

ملك

وبعد انتهاء دفن والدها وهي وحيده في الفيلا تتفاجئ بدخول سما وكيان وريم وماجد ورامي

سما اول ما تشوفهم تنظر في الارض وتبكي وتبكي والدموع تسيل على وجهها

الكل يقترب منها ويعزيها ويواسيها وهي تقترب من سما بدموع هو انا لو بوست ايدك وطلبت انك تسامحيني هتسامحيني ولا تكسر بخاطري انا عارفه ان غلطت غلط لا يغتفر حقك عليا

سما لو متخيله ان انا ممكن اكسر بخاطر حد يبقى ما تعرفيش يا صاحبتي

ملك بس اللي انا عملته فيكي مش شويه يا سما غصب عني امي هي اللي خططت ووسوست ليه

ربتني اني اخذ اي حاجه تعجبني حتى لو ملك لغيري

سما وانا ذنبي ايه

ملك انتي ما لكيش ذنب يا حبيبتي حقك عليا انا اسفه انا اسفه والله اسفه

سما بقلم شريهان مطاوع

انتي انخطبتي ليزن عشان تموتيني على فكره انا مش فارق معايا لو هو خطب اي واحده ربنا يسعده لكن انتي صاحبتي واختي اللي امنتها على قلبي وسري انتي ذبحتيني يا ملك

لكن انتي اختي وانا مسامحاكي ولازم اكون اول واحده اقف بجوارك في ظروفك وانا مش زعلانه منك وكفايه ندمك

وربنا معاكي في اللي انتي فيه

ملك تحضنه وتبكي بصوت عالي جدا يعني انتي هتقدري تغفري لي وتسامحيني

سما وهي قلبها بيتقطع على ملك لانها فعلا بتحبها يا عبيطه ربنا بيغفر ويسامح وانتي صاحبتي وانا جنبك

يقترب رامي وياخذ سما وملك تحت زراعيه احنا كلنا جنبك وان شاء الله هتقدري تعدي من الازمه دي على خير

الكل واقف والدموع على خده لكن يقف على باب الفيلا يزن ويستمع لكل الكلام لكن مش قادر يدخل لكن بيكلم نفسه

ياااااااااااا يا سما قلبك كبير قوي كده عشان تقدري تسامحي وتغفري

وانا وانا كمان لازم اغفر واسامح عشان بحبك يا سما لازم اعتذر لك اعترف لك بحبي وارجعك ليا تاني

ســأكتفي بنبض حبــــــــك لي

لتكوني بذاكرتي

ونبض قلبي وعشقي

واحاورك كل لـيـله بين نفسي شـوقـاً

وآستنشقك عبيراً وحنيناً

وأهـمـس ليكي بـحـبي وعـشـقي

لـقـلـبـك وحبــــــــــــــك حبيبتي انا بكي اكتفي

سما بعد وقت تحتضن ملك انا حاسه بيكي حاسه بيكي قوي مش هينفع اسيبك هنا لوحدك انتي لازم تيجي معايا يلا يا ملك

ملك صدقيني انا كويسه وعايزه اقعد لوحدي هنا

انا عارفه ان هو شايفني وحاسس بيا وسمعني وقريب مني قوي

تقف قدام صورته وتنظر له هتوحشني هتوحشني يا اغلى حاجه في حياتي مش قادره استوعب اني مش هشوفك تاني مش مصدقه انك مش هتاخدني في حضنك هتوحشني لحد ما اجي لك يا احن واغلى بابا في الدنيا وتحتضن سما كان عندك حق يا بابا سما فعلا ملاك سامحني يا اغلى الناس على قلبي

بابا غيابك هي قتلني يا اغلى بابا يا سندي في الدنيا

يمر 10 ايام على الاحداث وسما اخذت ملك عندها في المنزل بعد اصرارهم على انها تيجي تعيش معاهم لحد ما تعدي من الازمه اللي هي فيها لانها يعتبر وحيده ملهاش اي حد

وفي خلال 10 ايام سما بتروح الشركه لكن ما بتدي فرصه ليزن ولا كلمه واحده ودايما بتستاذن بدري وترجع لمنزلها عشان تجلس مع ملك ومن وقت للتاني رامي يأخذ ملك وسما يخرجهم

وكل دقيقه وكل وقت ملك بتبكي وتقبل في سما تقبل يديها ازاي قدرتي تسامحيني ازاي قلبك كبير قوي كده قدرتي تغفري لي انا بتعذب كل ما اشوف حنيتك عليا بلوم نفسي ضميري هيموتني

سما تاخذها في حضنها خلاص يا ملك ما تعذبيش نفسك اكثر من كده. بقلم شريهان مطاوع

ملك ده اكيد عقاب من ربنا ليا كل اللي انا فيه دلوقتي

كل ده بيحصل تحت نظرات رامي وملك فعلا صعبانه عليه لكن سما في نظر رامي ملاك ما ينفعش يكون على الارض

وعلى الجهه الاخرى

مراد ووالده ورامي صاحب عمره في بيت سما

والكل فرحان ومبسوط مدحت والد سما يجلس والجميع حواليه مدحت على خيره الله كده احنا اتفقنا على كل حاجه بس قبل ما نقرا الفاتحه هناخد راي العروسه

يا حاجه نادي العروسه

لكن بالداخل سما وهي تجلس والدموع على خدها وبجوارها ملك وكيان ملك انا عارفه اني مش من حقي اقول لك دلوقتي الكلام ده لكن ما تتنزليش عن حلمك وانتي عارفه ان يزن بيحبك وانتي بتحبيه وانا السبب في اللي ما بينكم بس انا ممكن اروح واتكلم معاه اوعي تخسري اوعي تخسري يا سما لاخر مره

سما تنظر لها والدموع على خدها

نفس اللحظه مامتها تفتح باب الغرفه يلا يا سما بابا عايزك

تخرج سما وملك تمسح دموعها انا ظلمتك انا السبب

تدخل سما الغرفه الكل يجلس مدحت يشاور لسما بالجلوس هاي يا عروسه احنا اتفقنا نقرا الفاتحه لكي اي طلبات تانيه غير اللي مراد هينفذه لك

سما تنظر لباباها وتنظر لمراد ورامي والدموع متحجره في عينيها بقلم شريهان مطاوع

تقف سما بسرعه انا اسفه اسفه مش هقدر مش هقدر اكمل تجري على غرفتها ويقف مدحت باباها سما سما لكن رامي بعد اذنك يا خالي خليك انا هدخل انا وراها واشوف في ايه واتكلم معاه بعد اذنكم يا جماعه

يدخل بسرعه رامي على غرفتها بصوت عالي سما ايه لعب العيال اللي انتي عملتيه ده لكن يتفاجئ سما تجلس على السرير وتبكي بصوت عالي رامي باندفاع سما ايه اللي انتي بتعمليه ده في ايه سما تنظر له وهي تبكي يقترب ويجلس بجوارها ايه ده انتي بتعيطي انتي مش عايزاه

سما لا مش عايزاه مش هقدر

رامي لا ازاي هو في حد غصب عليكي

سما ايوه كل اللي حواليا غصبوا عليا ان انا احبه واتجوزه كاني بتعاقب على حبه ليا انا ذنبي ايه ان هو حبني

انا مش عايزه حد يحبني انا تعبت انا حتى الوجع مش حاسه بيه مش عايزه حد يحبني

رامي يقترب ويمسك يدها لما انتي ما بتحبهوش ومش هتقدري تحبيه وافقتي عليه ليه وافقتي على الخطوبه ليه انا اتكلمت معاكي يا سما

سما عشان كله كان بيضغط عليا امي وابويا كانوا اول ناس شايفين اني هبقى مجنونه لو انا ضيعته من ايدي وطبعا لو انا قلت اني بحب يزن كانوا هي قتلوني

رامي انا بحب يزن مش قادره حتى افكر في غيره حتى لو هو مش عايزني انا مش عايزه غيره مش قادره صدقني انا عارفه اني صعب عليك تسمع مني الكلام ده بس صدقني انا ما ليش غيرك انت اخويا والوحيد اللي بحس معاه بالامانه سامحني

رامي خلاص خلاص يا حبيبتي وبنوتي ما تعيطيش انتي مش مجبره على انك تعملي اي حاجه انتي مش عايزاها مش من حق اي حد حتى لو اهلك ان هم يغصبوكي على الجواز حتى لو مراد ملاك ونازل من السماء بس صدقيني انا كان نفسي ترتاحي واشوفك اسعد انسانه في الدنيا بنوتي مش هتفضل تحب يزن العمر كله وهو مش حاسس بيها وبكده بتضيعي من ايدك واحد زي مراد

سما انت ازاي قادر تكون بالحنيه دي وانا عارفه مشاعرك من ناحيتي ازاي اقدر تديني كل الحب والحنان ده

رامي انا وعدتك ان انا هكون اخوكي وانتي هتكوني بنوتي الحلوه اللي ما بحبش حد يزعلها ويمسح دموعها ما بحبش اشوف دموعك وعموما يا ستي انتي عندك عقلك ومشاعرك واحاسيسك اعملي اللي انتي عايزاه وما حدش يتدخل في حياتك

سما يعني انت هتقف معايا مش هتضغط عليا زيهم

رامي لا طبعا يا بنوتي الحلوه مش ممكن اتخلى عنك ولا اسمح لحد يجبرك على الجواز انا جنبك وفي ظهرك اخوكي وابوك ي المهم تكوني مبسوطه وما تقلقيش انا مش هقدر ابعد ولا اتخلى عنك

سما طيب هتقول ايه لمراد وباباه

رامي وهو يمسح دموعها بحب وحنان ما تشغليش بالك بالحكايه دي انا هعرف اتصرف ممكن بنوتي تمسح دموعها وتبطل عياط

سما انا بحبك قوي يا اطيب اخ في الدنيا

رامي قلبه بيصرخ من الوجع وانا بموت فيكي يا بنوتي الحلوه وسيبيني بقى اطلع اشوف الناس اللي بره

يقترب ويقبل راسها خلاص امسحي دموعك

يخرج رامي تحت نظرات الجميع ويعتذر من مراد ويحاول يتكلم معاه على جنب ويفهمه الموقف ويحافظ على الصداقه اللي ما بينهم

سما

سأكتفي بك ولن اسمح لأحد غيرك بالدخول الى قلبي

سأكتفي بك في حياتي كلها سأكتفي بك في احلامي

ولن احلم........الا بك

سأكتفي بك في مخيلتي.

ولن افكر الا فيك سأكتفي بك في خواطري واشعاري.

ولن اكتب الا لك حبيبي

نعم انت حبيبي وروحي

انا سأحافظ.على حبي لك من نسمة الهواء

كي لا يستنشق عطرك غيري

انا سأبقيك سرا.بعيدا عن اعينهم احبك

افضل احبك لاخر يوم في عمري بس المره دي هكون اقوى ودافع عن حبي وحبك

وعلى الجهه الاخرى

يزن يجلس مع والدته ويحكي لها كل ما حدث من سما اتجاه ملك. بقلم شريهان مطاوع

يزن انا مش متخيل قد ايه قلبها كبير ولما بتخيل نفسي مكانها كنت مستحيل اقدر اسامح

بعد كل اللي ملك عملته قدرت تسامح وتغفر صعب عليا لكن كان سهل عليها تسامح وتغفر

ايه،،،،،، حبيبي انت بتحبها لا انت بتعشقها انت كمان اغفر

وسامح ما تفضل طول عمرك تحاسبها على كذبه صغيره

يبتسم يزن خلاص يا امي

ثواني يا امي هتصل بماجد ابلغه واروح اعمل لها مفاجاه في البيت

يرد ماجد على يزن في الفون يزن يتكلم بفرحه باينه في صوته ماجد انت فين ماجد انا في الشركه ما جيتش ليه عندنا اجتماع مع الوفد الالماني

يزن تمام نص ساعه وجاي لك بس عايزك تيجي معايا مشوار ضروري جدا

ماجد خير يا رب

يزن يضحك هروح اتقدم لسما اكيد الخبر ده يبسطك جدا

ماجد بحزن شديد اخذت القرار متاخر يا صاحبي

يزن بخوف واضح في نبره صوته تقصد ايه

ماجد اللي اعرفه ان سما اتخطبت امبارح لمراد

يزن اتصدم وكان حد دلق عليه جردل ميه قال وهو حاسس ان لسانه بيتحرك بالعافيه وهي وافقت

ماجد ايوه

يزن وهو لسه مصدوم وصوابعه بيمررها في شعره انا مش قادره اصدق هي تتخلى عن حبي بالسهوله دي هي عمرها ما حبتني هي كل وعودها ليا كذب

مامته تقترب منه بخوف حبيبي مالك

يزن بغضب وضيق من فكره انها اتخلت عنه وعن حبه اللي كان حاسس انه هيرتكب جنايه بسببها بص لامه بصدمه خلاص يا امي هي ما حبتني لو حبيتني ما كانتش قدرت تتخلى عني

وعلى الجهه الاخرى

ماجد يكلم كيان في تليفون كيان انا عندي ليك مفاجاه مش تتخيل اللي حصل امبارح

ماجد خير يا حبيبي

كيان لا 10 دقائق واجي واحكي لك بعد تقريبا ربع ساعه وصلت كيان الشركه واتجهت الى مكتب ماجد تفتح باب المكتب بدون ما تخبط وتتفاجئ وماجد يحضن بنت ويقبلها وحشتيني وحشتيني كنت هموت واشوفك بحبك قوي يا اغلى ما في حياتي

كيان تنظر له وتسمع والدموع متحجره في عينيها ووشها شاحب .

يتفاجئ ماجد بوجود كيان امامه تقف وجسمها كله يرتجف بشكل لا ارادي

ماجد كيان استني استني

خرجت كيان وهي تجري من الشركه

اللي حابب يقرا كل رواياتي يعمل متابعه صفحتي

روايات من واقع الحياه

تفتكروا موقف سما من ملك كان صح

عيني عليك يا مراد فضلت تحارب تحارب وفي الاخر ما وصلت لشيء يا ابني قلت لك من الاول

بفك التوتر لان موقف ملك صعب عليا قوي

يا ترى سما هتعمل ايه مع يزن في اللي الجاي

ويا ترى مراد يسكت على الاحراج اللي مر بيها واتفق معاه وهي كمان بنظره وعودها كاذبه

بقلم شريهان مطاوع

ويزن خلاص اعتقد ان الخطوبه تم ت ون وعودها كلها كاذبه تفتكروا ان حبها فعلا كان وعود كاذبه ده بالنسبه ليزن

ورامي بعد ما اثبت لنا ان هو ظابط شاطر جدا هيفاجئنا مفاجاه الجزء اللي جاي انا بقى عاجبني شخصيه رامي جدا ما فيش كده في الحقيقه

ولا الاستاذ ماجد كيان هي كمان بتفكر في اللي شافته مع ماجد في المكتب وان كل كلامه و وعوده لها كان كذب

ما هي وعود كاذبه

بس افتكروا ان كل الاحداث دي هي فعلا وع

التاسع والعشرون من هنا

تعديل المقال