رواية عذراء علي ابواب الجحيم الفصل الخامس والعشرون 25 بقلم سندريلا انوش

رواية عذراء علي ابواب الجحيم الفصل الخامس والعشرون 25 بقلم سندريلا انوش 

رواية عذراء علي ابواب الجحيم الفصل الخامس والعشرون

سعاد بدموع:ربنا عالمفتري يابني..ابوك بس يرجع والله ما هيرحمهم وانا بنفسي هكون متأكده من دا بنفسي.

ظل زين يبكي ولم يتناول شيء حتي غفى فدثرته سعاد قائله:فينك يا نيروز دلوقت فينك.

مر ذلك الاسبوع علي ابطالنا..

مرض زين للغايه..وامتنع عن الطعام حتي فقد نص وزنه..

كانت سعاد تشفق عليه فهو يشرب الماء فقط ويتناول ما يجعله علي قيد الحياة..

بينما في الخارج ظلت نيروز جالسه بجانب البوابه وكان الحارسين يقدموا اليها الماء وبعض المعجنات الخفيفه..

وفي يوم لمحت نيروز سيارة مراد تقترب فنهضت مسرعه وركضت باتجاهها ووقفت سدت الطريق امامه..فضرب السائق الفرامل بقوه..

في السيارة

مراد بغضب:انت يا بني ادم فيي ايي؟

السائق:معرفش ست مجنونه وقفت قصادي فاجئه.

اتجهت نيروز الي باب مراد وفتحته وهي تبكي..

نيروز:مراد الحقني.

صعق مراد وقال بلهفه:نيروز! اي اللي عمل فيكي كده!

دخلت نيروز بجانبه وقالت بانهيار:طردووني يا مراد وزين معرفش عنه حاجه.

نظر مراد لها بهدوء وقال للسائق:كمل طريقك..في ناس هتاخد حسابها انهاردا.

وضع يده علي كتفى نيروز واراد احضتانها ولكنها ابعتده وقالت بتوتر:انا متوسخه من التراب..مينفعش بدلتك هتتوسخ منه!

نظر مراد لها بصدمه ثم جذبها بقوه فسقطت بين احضانه وقال:اياااكي ثم اياااكي يا نيروز اسمع كلام ماسخ زي دا تاني..ثم زم شفتيه بتهكم قائلاً:قال اوسخ البدله..ما تتحرق البدله علي صاحبها.

نيروز من بين احضانه:بعد الشر.

مراد بحنق:عملوا اي تاني ومين بالظبط اللي عمل كدا.

قصت نيروز سريعاً ما حدث حتي وصلوا امام البوابه الداخليه للفيلا فهبط مراد والشر يتطاير من عيناها ودخل المنزل وهو يصرخ بقوته..

مراد بصراخ:فهمممميييييييي..ساااااااااارررره...ولكن لم يجيبه احد فركضت نيروز الي الأعلى قائله:تعالى نشوف زيين بسررررعه.

ثم ركضت وهو خلفها ودخلت هي غرفة زين وجدته نائم في فراشه..

وضعت يدها علي جبينه وصرخت برعب..

نيروز:مرراااد زين..زين سخن.

حمله مراد دون تفكير فلاحظ ضئل حجمه فقال لنفسه:مش هرحمكم وحياة زين عندي.

ركض مراد بأبنه حتي ركب سيارته وبجانبه نيروز..واعطاها زين حتي يتكمن هو من القياده..

وصل الي المشفي في وقت قياسي..وهبط من سيارته وحمله ودلفت المشفي وهو يصرخ في وجه الكل حتي استجابوا اليه واخذوا زين منه في الطوارئ...

جلس مراد بجانب نيروز التي لم تكف عن النواح وقالت:هيضيعوا ابننا منا يا مراد.

ربت مراد علي كتفيها ثم اخرج هاتفه..واتصل علي احدهم..وانتظر حتي رد الطرف الاخر..

مراد بهدوء:امجد!..لو فاضى تعالالي المستشفى بتاعتكم ضروري.

امجد:.....

مراد:تمام كويس منتظرك.

ثم اغلق الخط..

نيروز:الديب!

هز راسه فقالت:هتعوزه لي.

مراد:هيساعدنا.

نظرت الي مراد ثم صمت..لم تمر العشر دقائق حتي وجدوا امجد الديب و درغام يتجهون اليهم..

امجد بجديه:حصل اي؟؟

حكي مراد ما حدث فضم درغام يده بغضب وقال:قولتلك هخلصلك عليهم في لمح البصر.

**ملحوظه درغام أتاتورك من امهر القناصين حول العالم كان يتم استأجاره من اجل قتل الأشخاص المهمين في جميع انحاء العالم**

امجد بتهكم:انت اشرف من انك تلوث ايدك بدمهم..ثم نظر الي مراد وقال:تعال بعيد احنا من امتي بنتكلم قدام حريم!

نظرت نيروز اليهم بتوتر وقالت:احم اسفه..ثم نهضت هي ووقفت امام الغرفه..

مراد:عرفت مين!

امجد:مجدي حلمي..مراتك ماكنتش عند امها في امريكيا كانت....ثم صمت امجد ونظر اليه في حزن..

غلت الدماء في عروق مراد وقال:الخاينه بنت *#&$%..ثم نظر الي امجد:علاقتهم من امتي!

درغام ببرود:قبل جوازكم بفتره.

نهض مراد وقال بصدمه:كماااااان..يعني مفيش حاجه تغفرلها.

امحد:تغفرلها ازاي؟؟

مراد وهو يمسح علي شعره بقوه:انا قولت جايز عشان مابلمسهاش فاتجهت لكدا..لكن الواضح انها وسخه من زمان.

درغام:انا لو مكانك ادفنها حيه!

امجد بأستنكار:درغااام!

درغام:في اي ياعم انا بفكر بصوت عالي بس.

امجد:متفكررش تاني!

ثم نظر امجد الي مراد:هتعمل اي!

مراد بعينان تطق شرار:هموتها بس مش دلوقت..او بمعني صحيح هخليها تتمني الموت.

نظر امجد الي درغام الذي هز كتفيه ثم قال:لما تحلها ابقي كلمني.

درغام:احنا هنسيبه!

امجد وهو يجذب درغام من ذراعه:انا عارف انك هتموت وتموت ساره بنفسك بس في احلامك يا أتاتورك.

ثم رحلوا وجلس مراد مجدداً..كان حديثهم تحت مسامع نيروز التي لما تتفاجئ كثيراً..

مراد:نيروز تعالي.

ذهبت اليه نيروز فقال:اللي هقولك عليه دا تنفذيه بالحرف الوااحد....

بعد نص ساعه..

خرج الطبيب فاتجه اليه مراد ونيروز بقلق..

مراد بقلق:زين ماله؟؟

الطبيب:ضعف عام طبعا بسبب قلة الاكل..ارتفاع في درجة الحرارة نتيجه صدمه او حزن مفرط..حاله من الخطرفه.

مراد:خطرفه!!

الطبيب:ايوا بسبب السخونيه..بس ممكن سؤال.

مراد:قووول.

الطبيب وهو يعدل نظارته:مين نيروز دي؟

نيروز بلهفه:انا.

وجه الطبيب حديثه اليها وقال:هو متعلق بيكي زياده عن اللزوم وكان بيخطرف باسمك كتير.

تمجعت الدموع في عيناها فقال مراد بألم:طب دلوقت هنقدر نشوفه!

الطبيب:ايوا مفيش مشاكل احنا ركبناله محاليل مغذيه وهن فايق حالياً.

شكر مراد الطبيب واتجهوا الي غرفة زين..فبمجرد فتح الباب ورأي زين نيروز صرخ بفرحه..فركضت اليه واحضتنته بقوه..

زين وهو يتشبث بها بقوه:داددده انت هناا بجدد.

نيروز وهي تضمه بقوه:ايوا يا حبيب قلب داده انا هنا ومش هسيبك.

ابتعدت عنه ومسدت علي وجهه بحنان فقال وهو يشير الي الابره المغروزه في كفه الصغير:بتوجعني اووي.

نيروز وهي تقبل يده:معلش يا حبيبي بس انت مأكلتش عشان كدا حطوا الابره دي.

مراد بحزن مصتنع:يعني داده نسيتك بابي يعني..لالا كدا بقيت بغير بجد.

ضحك زين وقال:كله الا بابي..فاتجه مراد اليه واحضتنه بقوه ثم ابتعد..

زين بحزن:جدو فهمي معرفش بيكره داده لي.

تفحص مراد صدغ زين وقال:زين هو في حد ضربك!

زين:اه جدو فهمي ضربني بالقلم جامد اوي عشان كنت بمسك في ايد داده عشان محدش ياخدها مني.

اغمض مراد عيناه بقوه بينما قالت نيروز بحده:مسمهوش جدو..مفيش جد بيعمل كدا في حفيده!

مراد:نيروز! خلاص انا هتصرف.

نيروز:بس دا ضر..قاطعها بصرامه:انتهى الموضوع.

نظرت نيروز اليه ثم صمتوا..

خرج زين في المساء وعادوا جميعهم الي المنزل ونعمت نيروز بحمام دافئ وغيرت ملابسها وبالمثل زين واطعمته وجلسوا في غرفتها..

بالطبع لن اخبركم عن ترحاب الداده سعاد بنبروز ورجوعها..

في غرفة نيروز..

زين:لا هنام في حضنك يعني هنام في حضنك.

نيروز:يا زين اسمعني مينفعش تانم معايا في الاوضه كدا مام...قاطعها بنهي:بكرههههها مامي بكرههها مش بحبهااا..ياريتك كنتي انت مامي ياريتك.

مراد من عند الباب:ماهي مامي فعلا يا زين!

نظر زين اليه بينما كانت ضربات قلبها مثل قرع الطبول..

فاتجه مراد وجلس بجانب زين وقال:نيروز تبقي مامي يا زين مش ساره..نيروز هي اللي شالتك في بطنها وهي اللي ولدتك كمان..يعني انت ابن نيروز وابني يا زين.

نظر زين بصدمه بينما ارتعش جسد نيروز وخشيت ان ينكر زين تلك الحقيقه لو يرفضها عقله ولكنها استفاقت علي صرخت زين الفرحه واحضتانه القوي..

زين بفرحه:كنت حاسس والله كنت حاسس انك مامي الحقيقه.

ضمته نيروز وهي في حاله من الصدمه ثم تداركت الوضع وانهمرت دموعها وظلت متمسكه بزين..

ابتعد زين قائلاً:عارفه كنت متاكد كمان.

نيروز وهي تمسح دموعها:ازاي!

اعطها زين ظهره ثم كشف عن كتفه فظهرت وحمه صغيره..وقال:نفسك اللي عندك شوفتها لما كنا رايحين الحفله في القصر الكبييير.

ابتسمت نيروز من بين دموعها واحضتنته مره اخرى ثم نظرت الي مراد وهمست قائله:شكرا.

ابتسم مراد وكاد ان ينهض ولكن منعه زين وامسك يده وقال:بصوا انا عاوز اخوات ماليش دعوه.

احتقن وجه نيروز وقالت:زين!

زين:مالييش دعووه.

مراد بمزاح:حاضر وعد..مش انت موافقه يا نيروز.

نيروز بتوتر:هه اااا...ااا...اه طبعا عشان زين حاضر حاضر.

ضحك مراد علي ملامح وجهها التي تلونة باللون الاحمر..

زين:كدا بقي هنام معاكي صح!

نيروز وهي تحمله علي قدميها ثم اخذته في احضانها وقالت:طبعا.

ابتسم زين بنعاس ثم دفن وجهه في صدر نيروز ونام بهدوء..

ظل مراد ينظر اليه حتي شعر بنومه العميق..فقال لنيروز:بتشكريني لي؟

نيروز:عشان عرفته اني امه الحقيقه.

مراد:زين يستحقك يا نيروز..مستحق الام اللي بجد اللي بتخاف علي عيالها..ايوا انا عمري ما جربت الاحساس دا..بس عمري ما هحرم ابني منه.

وضعت نيروز يدها علي يد مراد وقالت:ممكن تفهمني اكتر.

تنهد مراد قائلاً:امي! امي نسخه من ساره بس علي اقذر.

نيروز:اقذر؟

مراد:اه اقذر..كنت بحس من نحيتها بكره..كانت بتضربني بسبب او من غير..لدرجة مره حبستني في اوضه القبو تحت في الضلمه ومع فيران.

ضغط نيروز علي مفهوم تشجعه علي اكمال حديثه فقال:في مره توفيق باشا كان مسافر..وكانت الساعه حوالي تلاته قبل الفجر..كنت عاوز اشرب فطلعت من اوضتي ومشيت في الطرقه سمعت اصوات غريبه..اصوات حد بيتألم!!

مشيت ورا الصوت..لحد ما لاقيت الصوت طالع من اوضتيها..فتحت الباب ببطئ وشوفت اقذر حاجه ممكن طفل عنده سبع سنين انه يشوفها..كان في راجل معاها..انا فكرته بيضربها او بيخنقها! لانها كانت بطلع اصوات اصوات غريبه ماكنتش ساعتها فاهمها..جريت عليها وفضلت اضرب فالراجل دا..لحد ما قامت هي ضربتني.

تنهد مراد بألم وقال:عمري ما أنسى نظرتها ليا وهي بتقول اووووعى تعرف باباك فااهم..وبعدها بسنتين توفيق عرف..وخيرها وقال:يا تربي مراد يا تاخدي فلوس!..طبعا مش محتاج اقولك انها اخدت الفلوس وهربت..وتوفيق طلقها غيابي لانه ملاقهاش.

مسد مراد علي شعره بضيق وقال:هي دي الام اللي باعت ابنها..عشت بعدها اسوء فترات حياتي..وبعدها اتجوزت ساره..مأختلفتش شيء عنها في تربية زين!..اتأكدت بعدها ان الأمهات كلها كدا ارملها فلوس هتبيع ابنها او بنتها..ويوم ما جيت عشان اتجوزك..اهلك طلبوني بفلوس..اكتر من دليل اثباتلي كدا..عشان كدا اول حاجه فكرة فيها اني اديكي مبلغ مقابل ابننا..تمسكك بيه خلاني في شك..لي متمسكه بيه للدرجه دي!

رجع بظهره ثم نام علي الفراش وقال:بس انت مختلفه يا نيروز.

نيروز:مش انا بس يا مراد في امهات زي بس انت الحظ وقعك في ناس مش سويه.

مراد:مش هتفرق خلاص..بس انت غيرتي نظرتي في الموضوع كله ودي كفايه عندي.

ثم نهض مراد وقال وهو يمد ذراعيه لاعلي ويفرد جسده:انا طالع انام..لو ماكنش زين هينام معاكي كنا اتكلمنا في موضوع اخواته..ثم غمز قائلاً:بس بكرا اكيد هجيلك ونتكلم براحتنا..احمر وجهها وقالت بصوت يكاد يسمع:م...ماشي.

ضيق مراد عيناه وقال:اممم ساره وفهمي جم..زي ما قولتلك الصبح.

ثم خرج مسرعاً من الغرفه..

في صباح اليوم التالي..

استيقظت نيروز مع زين وتناولوا الفطور وجهزته الي حضانته..

زين بتذمر:مش عااوز اروح.

نيروز وهي تعدل ثيابه:انت اخدت علي قعدة البيت ولا اي..هتروح يعني هتروح.

زين:بس هتعمليلي كيكه بالشكولاته.

قبلت خده نيروز وقالت:من عينيا.

احضتنها زين وقال:عاوزه حاجه يا مامي.

خفق قلبها بقوه لمجرد سامعها تلك الكلمه وقالت:عاوزه سلامتك يا قلب مامي.

ذهبت نيروز الي الحديقه الخلفيه فوجدت ساره وفهمي يتحدثون بهمس فرسمت الجمود علي وجهها..

فهمي:البنت دي وراها سر.

ساره:اشمعنا يا فهمي بيه.

فهمي:نظرتها لينا..بس قوليلي مراد قال اي امبارح لما عرف اللي حصل.

ساره وهي تشرب العصير:ولا حاجه قال انه مش فارق معاه اللي حصل..وانه رجعها تاني لان زين متعلق بيها وفتره وهبعدها عنه..بس لانه لسا صغير لما يكبر شويه هيتعود يعيش من غيرها.

فهمي بتوجس:امممممم..بس!

هزت رأسها فقال:اما نشوف قريب هتفرق ولا لاء.

ثم نهض ورسم ابتسامه صفراء وتقدم الي نيروز..

فهمي وهو يمد يده:انا بعتذر ك.

نظرت نيروز الي يده بشك وقالت:عن!

فهمي:عن اللي حصل مني انا وساره.

نيروز:تمام..بس ياريت تعرفوا اني هبقي مؤقته هنا..لحد ما زين يكبر شويه ويعتمد علي نفسه.

فهمي:البيت بيتك طبعا بس هو كان سوء تفاهم مش اكتر..وياريت نبدء صفحه جديده مع بعض.

هزت نيروز رأسها بتفهم..

فهمي بمكر:طب هتسيبي ايدي ممدوه كده!

ندت يدها نيروز وصفحته فقال:هعتبر من انهاردا اول السطر من صفحتنا الجديده.

سحبت يدها من يده وابتسمت بتوتر ورحلت من امامه..

فقال هو:هنعرف بقي يا ست نيروز وراكي اي؟؟

في المساء..

وجدت نيروز باب غرفتها بفتح بسرعه ودخل مراد واغلقه مره اخرى..

نيروز بتوتر:في ايه يا مراد!

ابتسم مراد بمكر واقترب منها وهو يفك ازرار قميصه ويقول:هاااا تؤام ولا فردي.

نيروز بتعحب:هو اي دا؟؟

مراد بخبث:الحمل يا قلبي.

وبسرعة البرق كان هو فوقها علي الفراش وقال:اخوات زين اي نسيتي!

نيروز بتوتر وخجل:هه.

مراد:انت لسا هتنصدميلي انا راجل بحب انجز..ثم انخفض علي شفتيها..ثم سكتت شهرزاد عن الكلام غير المباح...

بتبعععععععع..

السادس والعشرون من هنا

تعديل المقال