رواية بيت العنكبوت الفصل الثالث والعشرون 23 بقلم همس
الــ ج ــــزأ الــثــالــث والـ ع ــشــروون
ماجد: متردد مرة وخايف من تقبلهم لكلامه وخايف يشكون فيه توكل على ربه وقرر يتكلم ياعمي مابي اعطلكم بس انا جاي ابي القرب منكم
ابو مشاري: ابتسم حياك ياوليدي بس شكلك ماتعرف ان بناتي متزوجات
مشاري: يمكن يبه يبي بنت أختي لانها أخت صديقه
ابو مشاري: بحنان بنت أختك الله يطول بعمر ابوها مو مني تخطب
ماجد: وهو خايف لا عسى راسك سالم اعرف الاصول ياعمي لو بغيت اخت عبدالرحمن رحت لابوها بس انا ابي بنتكم شعاع
مشاري وابوووووه بصدمه شــــعـــــاع !!!!!!
ابو مشاري: يمكنك ماتعرف وانا عمك شعاع ماتمشي
ماجد: عارف ياعمي وانا راضي فيها
مشاري: باستغراب ايش حدك تتزوج وحده ماتقدر تمشي >>> مايحب كلمة معاقة
ماجد: بلع ريقه بخوف عبدالرحمن مدحها لي حيل ومدح دينها ومحافظتها على صلاتها وانا ابي بنت تعيني على الطاعه بعدين انا وغيري ان ماتزوجنا الي زي حالتها منو يتزوجهم ايش ذنبهم ينحرمون من الزواج لو فيها اعاقه برجولها عقلها سليم مافيه اعاقه بعدين فيه مستشفى بالصين يعالج زي حالتها
ابو مشاري: بحزن وديناها لألمانيا ومافاد
ماجد: مانيأس من رحمة ربي ياعم نفعل بالأسباب ونحسن ظننا بربنا واعرف 2 نفس حالتها وسوها هناك وتشافو الحمد لله ناظرهم بترجي ارجوكم وافقو
ابو مشاري: مشكور ياوليدي على رحمتك وحنانك وانا يفرحني اني اشوف بنتي لها زوج وبيت وعيال هذي أمنية كانت بالنسبه لي مستحيله بس تعرف لازم نشاور البنت
ماجد: بابتسامه مشكور ياعمي ماقصرت انتظر ردكم ... طلع من عندهم وركب سيارته وتنهد براحه صح شايل هم لتهاني بس عارف ان صدمتها راح تكون اقل اذا عرفت ان زوجها تزوج وحده ماتمشي يعني ماراح تغار مرة ماتعرف انه البنت شلت افكاره وقلبه طالع بيتهم يارب اني ادخل هالبيت عريس ماتخيل امسك يدك ياشعاع واعوضك عن كل الي فات جاء اليوم الي أصلح فيه غلطتي وانتي سامحيني ياتهاني ماراح اقصرك بحقك ابد بس علشان قلب زوجك يرتاح الي تعبه واحرقه مازال صوت بكاها في أذني عجزت انساه الله يعفي عني بس
فارس: عقد حواجبه غريبه ليه متقدم لها
عبدالرحمن: استغررب مرررة بس سكت صارت الشكوك تجيبه وتوديه ليه يسوي كذا وهو خابره مبسوط مع زوجته حاول يربط سفرة الشرقيه مع خطبة ماجد مع ضيقة وحزن شعاع المفاجئ بلع ريقه معقوله لا لا ياربي انه مو هو مابي اخسر اغلى رفيق عرفته
ابو مشاري: المهم جايبكم آخذ رايكم
مشاري: يبه الراي الاول والاخير لصاحبة الشان ماجد ماينعاب بدينه ولا أخلاقه لاهو سكير ولاتارك للصلاة واعتبر ان هذي فرصة جابها ربي لشعاع نشاورها ونسمع رايها وعبدالرحمن اعرف فيه منا والا لا ياعبدالرحمن
عبدالرحمن: بصعوبه رد ماعبت عليه بشي لابدينه ولا بأخلاقه
ابو مشاري : خلاص أجل نروح ناخذ رايها
العيال وهم بنصف الدرج ايش يبه
مشاري: بحكمته خايف من ردة فعل شعاع لانه عارفها حساسه ايش رايكم شجون تمهد الموضوع قبلنا بعدين احنا نكلمها
فارس: بعصبيه ايش دخل الغرب فينا
مشاري: شجون مو غريبه يافارس بعدين قريبه من قلب شعاع مرة دايم اذا ضاقت تجلس معاها شجون وبعدها اشوف وجه اختي ارتاح
فارس: شجون شجون دخلتوها بكل صغيرة وكبيرة مالها دخل فينا ولا راح تكون اقرب لقلب شعاع منا
ابو مشاري: انا اؤيد كلام مشاري
فارس: يبه الله يخليك ماعندي وقت دلال كم مرة تدق على بالسوق الحين لازم ارجعها وصدقوني انه الخبر راح يفرح شعاع راح يكون لها زوج وبيت وعيال ان شاءالله لاتكبرون السالفه وهي صغيره سبقهم لغرفة شعاع
طلعو كلهم لشعاع كل واحد متحمس يشوف فرحتها الا عبدالرحمن كان حاس ان ردة فعلها ماراح تكون ايجابيه ومدقق بكل حركة من شعاع يبي يشوف ان كانت ردة فعلها قويه معناته ان ماجد هو الشاب الي تركها تواجه حياتها لحالها تحت مسمى الحب المغشوش
شعاع: كانت تصلي فرحت بدخول اهلها عليها ابتسمت ماشاءالله أمي اكيد داعيه لي
ابو مشاري: باسها مع راسها كل يوم أمك تدعي لك
شعاع: ناظرتهم بعيون ذبلانه ووجه نحيل ماتوسعني الدنيا من الفرح وأنا اشوفكم حولي
فارس: وهو يناظرها بحنان ويشوف الفرحه بعيونها الذبلانة فرح كثيررر وباسها مع راسها ويدها شالها بين يدينها
شعاع: يوووه فارس نزلني
فارس: من ثقلك يعني وحطها على سريرها والتفو حولها
ابوها: يابنتي جيناك ناخذ رايك بموضوع
شعاع: وابتسامتها على وجهها خير ان شاءالله
ابوها: ماجد ولد عبدالمحسن خوي عبدالرحمن جاينا يخطبك منا
شعاع: تغيرت ملامح وجهها واختفت ابتسامتها
اهلها يطالعون بعض باستغراب
عبالرحمن: يدقق بوجهها وردة فعلها
شعاع: بحزن وضيقه ماتنوصف منو قالكم اني ابتزوج ضقتو مني يعني خلوني بدار المعاقين الحكومة ماقصرت مادام أهلي طفشو مني مع اني ماعمري كلفت او تعبت أحد معاي
أهلها يناظرون بعضهم باستغراب
مشاري: قرب منها وجاء يبي يحط يده على كفتها
شعاع: ابعدت بعصبيه
مشاري: استغرب من ردة فعلها شعاع ياقلبي منو قال طفشنا منك
فارس: مافيه أحد يطفش من روحه
ابوها: حنا بس فرحانين لك ان راح يكون لك زوج ويمكن عيال
شعاع: وهي منزلة عيونها ماتطالعهم ممكن تسكرون على هالموضوع نهائيا حتى يختارني ربي عنده واريحكم مني
فارس: شعاع احنا
شعاع: رفعت يدها يعني مابي اسمع أي كلمة ابجلس لوحدي ممكن
فارس: ماقدر اخليك لوحدك وانتي متضايقه كذا
شعاع: وهي ماسكه عصبيتها ابجلس لوووووووحدي
ابوها: ناظرهم يعني اطلعو وطلعو وخلوها
عبدالرحمن: قرب باسها مع راسها وهو ساكت ماتكلم ابد وطلع
شعاع: يوم طلعو طلعت كل بكاها توها تجيك الجرأة ياماجد وتخطبني وينك يوم انتظرك وينك يوم كان حبك مالي قلبي يوم طعنتني تجي تداويني مابي شفقتك مابي رحمتك مابي حتى اسمك
عبدالرحمن: ينزل تحت معاهم وهو باله ابد مو معاهم متضايق حيل لأن كل شكوكه صارت بمحلها بس بقى يتأكد من شي واحد بس
فارس: طلع من غرفة شعاع بغى ينزل مع أهله شاف غرفة شجون راح لها طق الباب لقاه مسكر طق بابها
شجون: فتحت الغرفة وضاقت يوم شافته على طول معدتها قلبت عليها يوم شمت عطره ركضت للحمام
فارس: استغرب منها ماعرف انها ترجع
شجون: تأخرت شوي عليه
فارس: يوم شافها طلعت بعصبيه ماني شغال عند ابوك اجيك وتخليني هنا تراني ماجيتك حب او شوق لشوفة وجوهك جايك بموضوع مهم
شجون: يالله جلست متعبها الوحم حيل ومالها حيل حتى ترد
فارس: توه ينتبه لها بخوف ايش فيه وجهك كذا
شجون: خافت يشك لابس القلون ثاير علي حيل
فارس: بسرعه البسي عباتك وخلينا نوديك للمستشفى
شجون: ماعلي متعوده عليه يثور علي بعدين يهدأ طالعته بعيون تعبانه هاـ بغيت شي فارس
فارس: جلس على الكرسي وتكلم بحزن جايك علشان شعاع
شجون: خافت يوم شافت الحزن بعيونه ايش فيها بسم الله عليها
فارس: عارف انك ياشجون اقرب الناس لها طلبتك حاولي تروحين لها وتتكلمين معاها جاها عريس وقلبت الدنيا علينا
شجون: عقدت حواجبها منو العريس
فارس: ماجد ولد عبدالمحسن خوي عبدالرحمن الي طلع معانا يوم بالشرقيه رجال كفو وماعليه أي شي
شجون: تفاجأت بس حاولت تخبي عنه لاتلومونها يافارس هي حاسه انه ماتقدم لها الا شفقه ورحمه وانت تعرف شعاع ماتحب احد يعاملها برحمه او شفقه
فارس: مالمتها ياشجون والله يلوم الي يلومها بس ابغاك تكوني جنبها اعرفها تحبك حيل
شجون: ان شاءالله من عيوني لاتشيل هم أنت
فارس: يعجبه حكمتها رزانتها فزعتها تسلم عيونك يالله تامريني بشي ابروح لبيتي تأخرت على دلولتي تركتها بالسوق شكلي تأخرت عليها رجعت للبيت مع سواقهم يالله توصيني بشي
شجون: بحزن يكلمها عن زوجته ماكانها الا لوح بدون قلب قدامه سلامتك عمي مو مقصر معاي
فارس: طالعها وعارف انها تدق بالكلام طلع وخلاها ماحب يرد عليها وهو توه يترجاها توقف مع أخته >>> ملصحة أخته اهم شي عنده
شجون: ترددت تروح لشعاع او لا نزلت تحت وسألت خالتها عنها
ام فارس: ابد ياشجون ماتبي احد يدخل عليها حتى دقيت على مشاعل تجيها بس مو راضيه تتكلم مع أحد بس ساكته
شجون: تسمحين اروح لها أنا ياخالة
ام فارس: ياليت يابنتي يمكن تاخذ منك خابرتها تحبك مررة
شجون: سمت بسم الله وراحت لغرفتها ترددت تدخل او تخليها بكرة حتى تهدأ بس لو أخليها لبكرة حرام تظل طول الليل حالتها حاله توكلت على ربها وطقت الباب مرة مرتين ثلاث مافيه رد خافت وفتحت الباب
شعاع: كانت جالسه بحزن
شجون: آسفه دخلت بدون ماستأذن بس خفت يوم مارديتي
شعاع: مارفعت عيونها لها وماردت عليها
شجون: قربت منها ولفت يدها على رقبتها من وراء ماتعودنا الا على شعاع الحكيمه العاقله القويه الي مايهزها شي
شعاع: بعد سكوت طال كثير بعد طلوع اهلها ماتكلمت ولا كلمة اخيرا تكلمت جرحني وطعني ياشجون وجاي يزود طعونه
شجون: لاتلومينه مازال حبك بقلبه وماسوا كذا الا لأنه لسه يحبك
شعاع: بحزن يحبني وينه عني يوم كنت معاه وينه عني يوم كنت بكامل صحتي وينه عني يوم حبه مالي قلبي وينه عني يوم كنت اترجاه يجي يخطبني يوم طعني جاي علشان يدفني معاه بكت ثانيه وطلعت كل الي فيها
شجون: حضنتها وجلست تمسح على راسها ماحبت تقولها شي تبغاها تبكي وتبكي حتى تطلع الحرة الي بقلبها
شعاع: وهي تبكي الله يسامحه مايعرف قد ايش جرحني ماقول الا الله يسامحه بس ويسعده مع زوجته وعياله مابي أي شي يخرب سعادتهم انا ذكرى اليمه وراحت بس مابيه يخرب سعادته مع زوجته علشان وحده تهورت بمراهقتها الي راح راح خلاص وهو اتمنى له السعاده هو زوجته وعياله من كل قلبي والله
شجون: تبوسها مع راسها وكل شوي تمسح على راسها يوم شافتها هدات شوي بعدتها ومسكت وجهها بيدينها كوني شعاع القويه زي ماعرفتك لاتتوقعي مافيه غيرك مجروح ومتعذب شوفي حالي وتعرفي قدايش أعاني بس مابي استسلم لجروحي والآمي خلك شعاع زي ماعرفتها الي اذا ضاقت تفرش سجادتها وتدعي ربها وتقرا من كتابه حتى تبرد حرتها وتشفى جروحها صدقيني ياشعاع مايبرد جروحنا غير ربنا نلتجي له وندعيه وربي ماراح يتركنا كل الي يصيبنا من هم وغم وضيقه تطهير وتكفير ذنوب ان احنا صبرنا ياروحي لاتخلي سجادتك ابد ابد ياشعاع وتستسلمي للحزن ابد
شعاع: وهي تمسح دموعها ان شاءالله
شجون: صدقيني أهلك فرحانين لك ماعمرهم ابد تضايقو منك حتى فارس الا كان قاسي معاك ماتتخيلي فرحته يوم رجعتو لبعض وحزنه وانكساره يوم يكلمني اليوم عنك وكل شوي يدق علي رحتي لها اولا انتي غلطتي بحق أهلك شعاع يحبونك حب ماعمري شفت زيه وفرحانين لك وتصدمينهم وتجرحينهم بكلامك
شعاع: غصب عني ياشجون انصدمت من ماجد وحطيت حرتي بأهلي
شجون: هم مازعلو عليك بس زعلانين منك اهدي علشانهم وعلشان نفسك ترا الدنيا ماتستاهل
شعاع: صادقه والله
شجون: يالله هاتي يدك اساعدك تروحي تتحممين وتنشطين شوي وتصلي وترك وتقراين وردك علشان تهدين وتنامين
شعاع: ناظرتها بحب الله لايحرمني منك ياشجون جد أخت ماجابتها أمي
شجون: ولا منك ياروحي
*****************
في بيت غلاب
يوم يرجعون من الاستراحه ماكلمها عن الموضوع نام معاها ولا كأن شي صار يوم قام وتحمم وطلع وهو ينشف شعره مرت من جنبه مشاعل وقفي
مشاعل: استغربت من كلمته وقفت وطالعته بغيت شي
غلاب: لف عليها ويناظرها بشك وريبه ايش واداك للمخزن القديم هناك
مشاعل: بكل ثقه كنا نلعب مع البنات ورحت هناك رفعت كتفوها وبس
غلاب: مو علي حركاتك ياشاطرة تلفي يمين ويسار علشان تقابلي حبيب القلب صدفه صح او لا
مشاعل: احتقرت تفكيره ناظرته من فوق لتحت كل انسان يشوف الناس بعين طبعه
غلاب: عصب ومسك ذراعها بقوة ايش قصدك
مشاعل: ذراعها تـألمها من مسكته قصدي انك تخون وتظني انا اخون زيك سحبت يدها بقوة منه وبعدت شوي عنه قلت راح يتغير بس شكلك ابد ماراح تتغير كيف ارجي معامله زينه من انسان عق أمه اقرب الناس له راح تظل مريض ياغلاب وماراح تتغير ابد
غلاب: سمع كلمة مريض جن جنونه وقرب منهااااااااااااا .............
*************************
في الجامعة
سحر: كانت تنتظر ابوها وكل شوي تطالع ساعتها يوه طفشت من الحر دقت على نوال وينه عمي ياخاله
نوال: مشغول اليوم حيل دقيت على عبدالرحمن والحين يجيك
سحر: سكرت ودقت على عبدالرحمن وينك يالدوب يبست بالشمس
عبدالرحمن: وهو نازل من سيارته بنشر الكفر دقيت على مشاري يمرك
سحر: لااااااااااااااا ماراح اروح معاه
عبدالرحمن: دقيت لي عشر دقايق تلقينه الحين قريب منك
سحر: دق عليه وخله يرجع
عبدالرحمن: مجنونة راح اتاخر عليك انا
سحر: استناك ان شاءالله الى الليل ماراح اروح معاه
عبدالرحمن: طيب وسكر منها
سحر: شويات الا يدق جوالها برقم غريب خلته ماردت دق ثانيه وثالثه بعدين جاها مسج انا مشاري عند الباب اطلعي ارتبكت حيل ياويلي كيفه ماكاني فتحت المسج جلست خمس دقايق الا الحارس ينادي مشاري بندر سحر خلاص رجولها موشايلتها دقت على عبدالرحمن ليه ماقلت له لايجي
عبدالرحمن: قلت له رفض وصمم يجيك بسرعه اطلعي توه داق علي يقولي دق عليها شكلها ماعرفت الرقم وماسمعت الحارس
سحر: كرهت الساعه الي راحت فيها اليوم للجامعه ياربي ايش هالحظ يالله تسكر نقابها يدها ترجف حيل طلعت ولقتها يستناها برا جنب الحارس ولابس نظارة شمسيه
مشاري: عرفها يوم مرت من عنده وراح قدامها وفتح لها الباب
سحر: خلاصت غاصت بهدومها كيف تركب جنبه ياويلي بس سمت بسم الله وركبت
مشاري: لف حول السيارة وابتسامته شاقه حلقه ركب وربط حزام الأمان بدون مايكلمها حط المفتاح وبدون مايلف عليها حي الله بنت عبدالله
سحر: بهمس الله يحيك وكل شوي تضغط على شنطنتها
مشاري: يطالع ارتباكها بطرف عينه من يومها صغيرة يحب خجلها تصدقين نورتي سيارتي
سحر: بهمس منوره فيك
مشاري: حرك وهو ساكت
سحر: تتمنى توصل بسرعه وحمدت ربها ان جامعتها قريبه من بيت عمها مو بعيده مرة
مشاري: يسحب الكلام منها يسألها عن تخصصها ودراستها
سحر: قلبها يدق بقوة ويالله ترد استغربت ليه طالت المسافه والا من ارتباكي ماحست بحالها الا جنب كفي
مشاري: تقبيلن عزيمتي
سحر: بصدمه بس عمي ينتظروني الحين
مشاري:ماعليك قايل لهم
سحر: بس
مشاري/ ماراح اعطلك عارف انك تعبانه من الجامعه
سحر: بخجل طيب ماتقد ترفض بس ياربي كيف تكشف وجهها ماتعدلت بعد الجماعه وكانت محتره بعد يعني ابد ماتكشخت له
مشاري: راح تظلي متغطيه اكشفي
سحر: خلااااااااص تتمنى ان الارض انشقت وبلعتها كشفت وجهها بهدوء وحطت نقابها جنبها بس النقاب والي حجابها عليها
مشاري: ابتسم بدون شعوره ابهرته بتوريدة خدوها ومبمسها الي بس تعض عليه من زود الخجل مافيها مكياج طبيعيه ملامحها الصغيره الناعمه حط يده ونسى نفسه وهو يطالعها مانتبه الا وهي تفرك بيدنها وتعض شفايفها احم ابطلب لك موكا بارد يهدا عليك حرارة الجو
سحر: ماردت ومنزلة عيونها
مشاري: وهو ماسك الموكا حقه اختفت فرحته يوم تذكر هي وين وهو وين قال لازم اكلمها سحر ممكن اكلمك بموضوع محيرني ومشغل بالي
سحر: توها ترفع عيونها له تفضل
مشاري: مايدري مع وين يبدا سكت شوي لف يدينه على كوب الموكا لعل براده يطفي حرارة جواته شوفي سحر بنت بجمالك ودلعك وعمرك ودلالك ماتناسب رجال كبير وعقيم مثلي عارف ان ظروفك حدتك علي بس الحين اقولك لسه احنا اول الطريق ان بغيتي تنفصلي لاتقولي يعتبروني مطلقة وتلصق فيني هالكلمة صدقيني مطلقة بعد ملاك افضل الف مرة من مطلقة بعد الزواج
سحر: رفعت عيونها له نست حيائها صدمها بكلامه ظنت انه مايبغاها علشان كذا قال هالكلام نزلت راسها بحزن انت مو مجبور علي وماراح ربي يضيعني عارفه ان حب العنود غطى عيونك عن حب وحدة غيرها وعارفه ماراح اوصل مواصيلها جمالها وعمرها الي يناسب عمرك راح تظل تنظري لي طفلتك المدللة ماراح تنظر لي كزوجة ابد رفعت عيونها الي كلها دموع بس حابستهم ونظرات الحزن فيها
مشاري: ماتحمل فتنة عيونها ونعومتها بالكلام مع هالبحه الي تزيد من جمال صوتها ماتحمل نظرة الحزن بعيونها فرح انها تفكر كذا معناته انها متقبلته وتحس انه هو مو متقبلها ابتسم بحنان ابفهم من وين لك هالأفكار
سحر: وهي تمسح دمعة نزلت من عينها وتسوي نفسها ماهتمت اصلا واضح من تصرفاتك
مشاري: قرب شوي وما وضح من تصرفاتي اني ذايب مع بنت جالسه قدامي كنت انظر لها طفلة والحين اشوفها ملكة جمال ماوضح من تصرفاتي يوم المخزن اني طحت يوم شفتك وماحد سمى علي ماوضح من تصرفاتي اني خايف اظلمك علشان كذا مستعد اضغط على قلبي وانسى الأميرة الي اخذت عقلي بالمخزن واضحي علشانها
سحر: استغربت من كلامه وتحول لحزنها فرح وخجل بكل كلمة يزيد دقات قلبها تغيرت ملامحها من حزن لخجل وحمرت خدوها ونزلت راسها
مشاري: خلااااص مو متحمل دلعها ودلالها يظل رجال بكامل قوته وسحر اجمعت كل مقومات الفتنة والاغراء دلع وخجل وملامح طفوليه ناعمه خاف انه يتهور ويخوفها منه ابتسم حياتي تأخرنا أخاف أهلك يقلقون عليك وأنا مالومهم لأني لو ظليت معاك دقيفة أكثر أخاف اخطفك هههههههههههههه
سحر: خلااااااص غاصت بهدومها بسرعه لبست نقابها بيد ترجف أكثر من قبل
مشاري: فتح لها الباب ولف بسرعه علشان يركب كان حيل مبسوووط أول مرة يحس بالاحساس هذا تزوج العنود اربع سنوات ماحس بالاحساس الي يحسه هالحين ارتاح ان سحر راضيه فيه صح مابينت بس فهمها من ردها وماتوقع ابد انها تحبه بس اهم شي انها متقبلته كزوج ابتسامته ماتفارق وجهه كل شوي يناظرها من تحت لتحت يشوف يدينها الصغيرة وهي تفركها ببعض تجرأ ومد يده ومسك يدها بحنان رفع يدها لفمه وكانت يدها حيل ترجف باس يدها بهدوء بشويش لاتجرحينها ورجعها لها
سحر: خلاااص جسمها كله ولع نار حتى رجولها صارت ترجف حطت يدها بحضنها وحمدت ربها ان مشاري وقف سيارته قدام بيتهم تحس ان بيتهم يبعد عن الكوفي 1000 كيلو وهي المسافه عشر دقايق بس
مشاري: نزل بسرعه وفتح لها الباب
سحر: نزلت بدون ان تودعه حمدت ربها ان الباب مفتوح وركضت داخل وبسرعه غابت عن عيون مشاري
مشاري: ظل واقف يناظر سرابها ابتسم على سرعتها بالدخول ولاعبرته ولا بكلمه حب خجلها وخوفها ركب سيارته وقبل مايشغل رفع يده الي كانت بيدها وشم ريحتها الا لصقت بيده سبحان الله بعد ماكنت طفلتي المدللة صارت زوجتي
****************
في بيت اهل ماجد
ماجد: ياهلا وغلا ابو محمد
عبدالرحمن: عندك شي اليوم
ماجد: استغرب من اسلوبه لاماعندي شي
عبدالرحمن: ابجيك العصر
ماجد: حياك ياخوي بأي وقت
عبدالرحمن: مع السلامة
ماجد: يطالع بجواله حيل مستغرب من اسلوب عبدالرحمن معاه ابد موكذا تعامله حس فيه شيء بس قال الله يستر
*******************
في عالم العذاب والوحدة والقهر بعيدا عن كل حبيب او قريب
فرح: حملت الاسم فقط لكنها لم تعش فرح بحياتها بؤس وتعذيب ضمير وظلم اب جالسة تقرا قرآنها لعلها تخمد العذاب الي في داخلها
مسؤلة السجن: فرح الضابط يبيك
فرح: طيب لبست عبائتها الساترة بقفازين ساترين سبحان من يغير ولايتغير بعد تبرجها وسفورها اصبحت انسانة ثانيه
الضابط: تفضلي أخت فرح
فرح: جلست بهدوء
الضابط: اسمعي يافرح قرار القصاص صدر بحقك
فرح: لارد
الضابط: بس احنا سعينا للصلح وتنازل اهل ابو رامي والحمدلله ان شاءالله ان ولده رامي تجاوب معانا بس شرط انه يشوفك ويكلمك قبل مايقدم تنازله عن دم ابوه
فرح: ايش يبغى ؟؟؟
الضابط: مادري سألناه قال لازم اكلمها هي
فرح : مارتاحت بس مارفضت
الضابط: هاه اخت فرح اخليه يدخل هو ابوك
فرح: رفعت راسها وبكل كره وحقد ابوي معاه ؟؟
الضابط: ايوها شكل ابوك يحاول يصلح الوضع علشان ينقذ رقبة بنته
فرح: مستغربه حاسه فيه شي بس سكتت
الضابط: هاهـ أخت فرح ندخلهم عليك ؟؟؟
فرح: هزت راسها بأيه
********************
في بريطانيا
هزاع: جاب لياسر شنطة صغيره فخمة
ياسر: خف شوي من نزلة البرد بس ماداوم جالس قدام التدفئه وخشمه محمر شاف الشنطة الي هزاع حطها بحضنه رفع عيونه الكبار ونعسانات من التعب ايش هذي
هزاع: سلام تشوفك ياأمير ياساحر القلوب مرسلتها لنا جارتنا الدكتورة تقول للدكتور ياسر
ياسر: فتحها ولقى فيها محاضراته الي فاتت عليه مدة اربعة ايام رفع عيونه لهزاع بس انا قايل لها لاترسل شي
هزاع: بس قلبها ماطاوعها وارسلت لك شوف بس الدفاتر كيف كشختهم
ياسر: فتح دفتر وشاف خطها وترتيبها ابتسم سبحان الله البنات يدققون بكل شي شكل الدفتر الخط مرتب وناعم احنا ايش شي يأدي الغرض وضحك
هزاع: امممم يمكن مو كله حرص منها بس تبغاه قدامك يطلع بأجمل شكل
ياسر: وهو يصرف الموضوع الله يجعلها بميزان حسناتها انا كنت ابسحب المحاضرات من النت من موقع جامعتنا بس كثر خيرها
هزاع: قرب منه وبس
ياسر: رفع عيونه ايه وبس ايش تبغى ثاني
هزاع: جلس جنب ياسر خلنا واقعين وحده تحصله زي هيفاء مساقبل حلو وبنت خلوقه ماغيرتها الغربه ومايتقدم لها وهي واضح انها تموت فيه
ياسر: ناظر بعيد القلب مو ملكي ياهزاع ابد مو ملكي هيفاء الله يرزقها بواحد يسعدها بس ماراح تلقى السعادة مع ياسر
هزاع: وليه انت ماشاءالله مافيه زيك طبيب مزيون مفتول العضلات
ياسر: ههههههههههههههه الله ياخذ ابليسك ايش دخل عضلاتي الحين ؟؟؟
هزاع: ياخي ايش اسوي من اول ماتعرفت عليك وانا معجب بجسمك المعضل اقول شكله يتدرب ليل ونهار وصار جسمه رياضي كذا الي يشوفك بطولك وعرضك غصب يهابك اتوقع هذا سر جاذبيتك للبنات انت وعيونك
ياسر: اقول رح مناك جالس تتغزل فيني انت وخشتك ههههههههههه
هزاع: ايه صح هههههههههههههه نسيت نفسي
ياسر: مسك يده والله انك اخو ونعم الاخو ياهزاع وقفت معاي وقفه ابد مانساها
هزاع: ترا جمايلك على رقبتي يكفي انك سكتني 3 شهور وانت رافض تاخد مني آجار بس ان ماخذت هالشهر ابشيل اغراضي وادور ناس غيرك
ياسر: لاتكفى ماستغني عنك لاتتغلى علي يوم عرفت بغلاك
***********************
في شقة ابو صالح
هيفاء: مبسوطة يوم ارسلت الشنطة وتكلم اختها هناء ايه الحمد لله ماعلينا
هناء: بصوت خفيف ترا خويلد ينتظر رجوعك على أحر من الجمر ازعج امي فيك
هيفاء: تغير مزاجها يوم تذكرته امي تعرف اني مابيه ومستحيل اتزوجه
هناء: ايش يعيبه يعني الولد يموت فيك ن يومك صغيره انا توأمك بس ماحبني مايبغى غيرك
هيفاء: ايش جاب لجاب انا وين وهو وين مامعاه الا شهادة ثانوي ومتوظف فيها وانا وين انا ماراح اتزوج الا انسان من مستواي
هناء: مالت عليك انتي وأفكارك لانك عارفه انه ضد وظيفتك وانه جن جنونه يوم دخلتي طب خفتي يتزوجك ويخليك تتركين وظيفتك
هيفاء: هذا من ضمن الاسباب وياختي فكينا من سيرته سافرت ابفتك منه وانتي مادق عليك الا تذكريني فيه
هناء: لأني راحمته واضح يحبك حيل خوفي انك حاطه عينك على أحد هناك
هيفاء: تخربطت اما احط عيني على أحد هنا اصلا لاهيه بدراستي واتمنى تخلص وارجع لكم
هناء: ايه الله يوفقك ياختي واحنا اشتقنا لكم مرة بس أمي تقول يمكن بلإجازة نجي عندكم
هيفاء: جد الله يبشرك بالخير
