رواية بيت العنكبوت الفصل العشرون 20 بقلم همس
في بيت محمد
غلا: يالله سحورة جهزتي
سحر:ايوه نفسها تسأل مشاري راح يكون معاهم او لا بس استحت يارب غلا تقول بدون ماسألها يارب راح يسافر اشتقت له
عبدالرحمن: يالله ابوي ينتظركم بالسيارة وانا ابروح لشعاع آخذها للمطار
غلا: طيب هذانا نزلنا
عبدالرحمن: ترا فيه فارس الي يبي يركب معاه يركب مامعاه غير زوجته
غلا: ياحسرة لو انه خالي مشاري اول من يركب انا بس فويرس ابوي ارحم منه
سحر: فز قلبها عند طاري مشاري
عبدالرحمن: لاتعرفي مشاري ماعنده اجازة ماراح يسافر معانا
سحر: ضااااااااااااااقت حيل كانت مأمله يسافر معاهم ركبت وهي سرحانة شكله ابد مو مقتنع فيني أخذني رحمه بس عارفه ان حبي من طرف واحد وطول عمره يحبني كطلفة بس آآآهـ يامشاري شكل حبك للعنود وبس وانا مالي مكانة بقلبك
**********************
عند البحر
الكل مبسوط الا سحر سرحانة بحالها مع مشاري تناظر العنود كيف مبسوطة ولاعلى بالها
غلا: تهمس لسحر الحين العنود ماكأنها متزوجه وين زوجها عنها
مها: يقولون انه مدلعها ويخليها تروح وتجي براحتها
غلا: ماشاءالله كل رجالها يموتون فيها ويدلعونها حظها دايم حلو مشاءالله
شجون: ناظرت بوجه سحر الي تقلب ناظرت غلا بعتاب ماتعرفون البيوت اسرار ومو كل دلال ترا يدل على حب الزوج لزوجته اصلا مشاري طيب مع الكل مودليل يحبها وانا سمعت ان صلاح دايم مشغول ودايم سفره بعدين نقول الله يسعدها احسن لنا من مراقبتها
غلا: انحرجت صح بس غصب عني قاهرتني علشان خالي مشاري
شجون: خالك مشاري ربي عوضه بجوهرة ومسكت ذقن سحر بحنان وابتسمت لها
سحر: ابتسمت بس جواتها تحترق من كلام غلا
غلا: لامت نفسها على كلمتها تقول بقلبها ياربي من هاللسان الي عجززت اربطه
مها: مشاعل الي تزوجت ونستنا
غلا: شكل زوجها غثيث ونشبة ابوي بندر حاول يقنعها تسافر معانا رفض وجع مارتحت له الآدمي ابد
شعاع: غلا فكي الناس من لسانك حرام جالسه بس تغتابين وتوزعين حسناتك عليهم
غلا: حطت يدها على فمها سكت أكلوتني ماصارت
مها: من هالسيارة الي جت
غلا: ياربي كأنها سيارة خالي مشاري
سحر: فز قلبها وصار يدق طبول راحت الضيقه وهي تشوفه ينزل من سيارته والإبتسامه تزين وجهه حط شماغه جو السيارة ونزل لهم
غلا: طالعو وجهها كيف حمر اثقلي وجع
سحر: وانا قلت شي ماحمر ولاشي بس يمكن الجو حر شوي
غلا: توك تقولي الجو يجنن بالعكس الجو برد بس يمكن زادت حراتك يوم شفتي زوجك ميشو وتغمز لها بعينها
سحر: انحرجت مرة
شعاع: غلا خلاااااااااص
مشاري: نزل بإبتسامة وسلم على الرجال وجلس
سحر: ماتقدر تناظره علشان غلا والا قلبها وعقلها معاه
مها: شكل صديق عبدالرحمن جاء
غلا: ايوه شوفي عبدالرحمن قام يستقبله ياحليله جايب زوجته وعياله
شعاع:ماهتمت لكلامهم قالت بروح عند البحر ابقرأ لي شوي
غلا: من عيوني الحين اوديك ودتها جنب البحر خلت وجهها قدام البحر وظهرها لهم ابجلس معاك مابي اتركك لحالك
شعاع: لاياقلبي روحي وانبسطي معاهم انا ابقرا قرآن
غلا: باستها من عيوني وخلتها لحالها
شعاع: أخذت نفس عميق الهواء الطلق وفتحت نقابها لأن الرجال مو يمها وطلعت مصحفها تقرأ لفت نظرها بنت وولد يلعبون جنبها البنت عمرها 3 سنوات والولد سنة ونصف تحب الأطفال حيل طلعت من شنطتها شكولاته تعالي حبيتي خذيها
البنوته: تناظرها بعيونها مترددة تروح
الولد: ببراءة راح لشعاع وأخذ الشكولاته
شعاع: ضمته واستغربت من الشعور الي جاها تحس كأنها تعرف الولد من زمان طالعت بعيونه البريئة الوجه موغريب علي ملامح توجع قلبها طالعت بالبنت ونادتها تعالي حبيتي
البنوته: قربت منها وأخدت الشكولاته وبسرعه أخذت على شعاع وتسولف عليها
ماجد: كان جالس مع الرجال وانتبه لعياله جنب وحدة معاقة استحى قال أكيد ضايقوها خاف يحرج زوجته ويقومها قدام ناس غرب راح هو ومن بعيد حاول يأشر لهم لف على الرجال شاف ماحد منتبه له قرب قال شعاع حبيتي تعالي
شعاع: الصوووووووووووت تعرفه زين نفس الكلمة شعاع حبيتي مو معقولة لااااا مومعقولة لفت عليه ونست انها ماغطت عيونها
ماجد: يوم لفت ناظرها التقت عيونهم ببعض العيون يعرفهااااااااا زين
البنوته: ركضت وضمته بابا
شعاع: انتبهت انها كاشفه عيونها لفت بسرعه وغطت عيونها بإيدين ترجف وقلب يدق بقوة استغفرت ربها ونزلت راسها بس نزلت دموعها بغزارة
ماجد: بارتباك يالله حبيتي شعاع ارجعي لأمك عيب تضايقون خالتكم
شعاع الصغيرة: بابا هي نادتنا واعطتنا شكولاته
ماجد: مرتبك مرررة أخذ عياله ومشى جهة الرجال بس قلبه وعقله على الي جالسه هناك عند البحر معقولة هي لا ياربي مو هي يااااااااااااااارب مو شعاع
عبدالرحمن: طالع وراه شاف شعاع لحالها عند البحر قام لها وجلس جنبها فديت الي لاهيه يارب انبسطتي
شعاع: وهي تمسح دموعها الحمد لله الجو روعة وهادي ماقصرت ياقلبي
عبدالرحمن: حس بصوتها متغير ولاحظها تمسح دموعها بس قال مالومها مقعدة لاتتمشى ولاشي وأول مرة تطلع وتحتك بناس غرب أكيد تضايقت تبيي ارجعك عندهم
شعاع: ياليت بس مابي اكلف عليك
عبدالرحمن: وهو يسحب كرسيها فديت الحساسة بس وهي تعرف غلاها عندي
ماجد: عيونه عليهم مافارقتهم يحس بوجع بقله حزن كبير يغطى قلبه معقولة هي معقولة هي الخالة الي دايم يسولف عنها عبدالرحمن آآآآآآآآآآآهـ ياشعاع فراقك موجع قلبي يارب لاتخلي لقياها يوجع قلبي أكثر لو كانت الي اشوفها قدامي هي شعاع راح يكون الحزن ملازمي طول حياتي بس يمكن مو اسمها شعاع بس نفس العيون وليه لفت يوم قلت شعاع ليه تفاجأت يوم شافتني يمكن لأنها فاتحه نقابها وواضحه انها ملتزمة ياربي ادور عذر يبرد قلبي املي الوحيد ا ن مو اسمها شعاع بس خابت آماله يوم سمع وحدة من البنات تقول أخيرا رجعت شعاع وحنت علينا ويسمع ضحك الي جنبها
خلاص موقادر يتحمل مضطر يجاملهم بس فوق طاقته
مشاري: الا أناديك ابو ايش ؟؟؟
ماجد: ابو شعاع
مشاري: بس لك ولد الله يحفظه
ماجد: جت شعاع قبله وتعودت يلقبوني ابو شعاع وكلهم عيالي
عبدالرحمن: توه يجلس ايه تراني خاطبها من الحين بس علشان اسمها
الكل ضحك الا ماجد ضحكته من ورا قلبه عيونه على الي جالسه مع الحريم بكرسيها وواضحه نحفها وهزلها
شعاع: عيونها على زوجته موجعه حد النخاع قلبها يعتصر ألم ودم وجروحها تدمي بعد ماتشافت
زوجة ماجد: تسولف ببراءة وماتعرف ايش الي يدور حولها
شعاع: خلاص ضيقها وصل حده تمنت ترجع للشقه بس ماتبغى تقوم احد من جلسته
مشاري: كل شوي يلف ويطالع بالحريم يتطمن على شعاع خاف انها تعبت من الجلسة دق جوالها
شعاع: فرحت يوم دق علىها هلا وغلا ابو بندر
سحر: ناظرت بمشاري وعرفت انه هو الي يدق
مشاري: ابرجع للشقة توني جاي من طريق وتعبان ابغى ارتاح .... ماوضح انه علشانها عارف ماراح ترجع
شعاع: تنهدت براحة اجل ابرجع معاك تعبت من الجلسة هنا
مشاري: الحين اجي آخذك بس خلي الحريم يتغطون زين
شعاع: سكرت ترامشاري راح يجي ياخذني
سحر : تسترت بخجل واخفت فرحتها
العنود: توها تشوفه من طلاقه لها ماتنكر انها اشتاقت له بس خلاص الحين على ذمة رجال
مشاري: تنحنح وقرب ومسك كرسي شعاع مساءالخير
الحريم الكبار سلمت وحدة وحدة
العنود: مساءالخير يابو بندر
مشاري:بثقل الله يمسيك بالنور والعافيه
العنود: حمدلله على سلامتك
سحر: خلاص شوي وتطق
مشاري: بدون نفس بس باحترام الله يسلمك جاء يبي يروح هو وشعاع
سحر: تضغط بكرتون المنديل مقهورة انه ماسلم ولاعبرها وهي الحين زوجته ويعبر العنود الي ماتحلله
مشاري: فاجئها كيفك سحر
سحر: فزت وتفاجئت حيل اول مرة يقول اسمها كذا دايم سحورة بصوت هادي مرة الحمدلله
مشاري: دوم يارب تبيني ارجعك انتي والبنات حياكم وهو يبتسم
سحر: استحت مرة وعجزت ترد
غلا: خالي يكفي تراها بس تقرص رجلي خف عليها علشان تخف علي
الكل ضحك عليها
الا العنود الي تحس بسكاين بصدرها وهي تشوف فرحته بسحر وواضح انه نساها ولا كأنها مرت بحياته اصلا او كانت زوجته لأربع سنين
مشاري: ضحك خلاص بخف عليكم تصبحون على خير
سحر: خلاااااااااص غاصت بهدومها بس فرحت باهتمامه فيها ررفعت عيونها للعنود الي شوي وتطق من الغيىرة
العنود: ايش فيني انا كأني هبلة اتدخل بين رجال وزوجته ياربي تطفي الغيرة من قلبي يارب
مشاري: ركب شعاع في السيارة ولف مع الجهة الثانيه علشان يركب
شعاع: الحزن مالي قلبها والدموع متحجرة بعيونها
ماجد: بدون شعور قام عن الرجال وحط يدينه بمخابي بنطلونه وجلس يمشي وهو سرحان بشعاع
مشاري: أخذ الدوار الي يبعد عن اهلها ورجع ثانيه لازم طريق شقتهم كذا مر من جهة ماجد وهو منزل راسه وسرحان نزل شباك سيارته ماجد وين تركت الربع عناك تلقى زوجتك المسكينة بلشه في عيالك
شعاع: مو قادرة ترفع عيونها بس قلبها يدق اقوى شي
ماجد: رفع راسه لمشاري وابتسم بحزن وخطف نظرة على الي جالسة قدام بجسم هزيل وضعيف وزادت جراحه ولايهمك ابرجع بس حبيت اشم هواء وابتسم مجاملة لمشاري
مشاري: رفع يده له اشوفك على خير مع السلامة ومشى بسيارته
ماجد: وقف ويطالع بالسيارة حيران مايدري متى انشلت ومتى صار فيها الي صار
************************
في سيارة مشاري
مشاري: حاس ان شعاع متضايقه حيل واضح من هدوئها ماحب يضيق صدرها ويسألها بس مسك يدها النحيله وخل كفها جوا كفه وكل شوي يشد على كفها بحنان
شعاع:تحاول تمسك نفسها قدر ماتسطيع تدعي ربها توصل للشقة بسرعه
مشاري: ضاق حيل وهو يحس بضيقتها الي كل شوي تزيد يحترم صمتها بس تمنى انها تفضفض له اسرع شوي علشان يخليها ترتاح اخيرا وصلو نزلها وساعدها على فسخ عباتها وشافها تتهرب تحط عيونها بعيونه مسك وجهها بين كفوفه وناظرها بحنان
شعاع: عجزت تتحمل خلاص فشلت كل ماحاولتها على الصبر ارتمت بحضنه وجلست تبكي بقوة
مشاري: حضنها بقوووة واحترم سكوتها وماسألها بس حاضنها ويمسح على راسها ويسمع شهقاتها الي تقطع قلبه من يوم الحادثه ماعمرها بكت كذا شعاع دايم تحاول تبين قوتها قدام الكل ايش الي خلاها تنهار الحين معقولة سفرها قلب مواجعها وحست انها معايقه من بينهم معقوله أحد ضايقها بس متأكد الكل يحترمها معقولة شوفتها لفارس ابكتها ياربي محتار ايش الي جاها بغى يسألها بس تراجع ماحب يضايقها
شعاع: ماتعرف كم من الوفت راح وهي حاضنة مشاري كأنها تدور الأمان بحضنه
مشاري: بعدها يوم شافها هدات وطالع بعيونها وابستم بحنان ارتحتي الحين
شعاع: هزت براسها وعيونها حمراء ايه
مشاري: تبغين تحكي لي ايش الي فيك
شعاع: مادري ليه هالسفرة قلبت جروحي وحسيت بضيقه وبكيت مافيه سبب معين ياخوي
مشاري: متأكدة ياشعاع القلب
شعاع: بغت تنفجر ثانيه يوم نادها بشعاع القلب حاولت تمسك نفسها غمضت عيونها متأكدة ياالغالي
آسفة مشاري ضايقتك وخربت فرحتك بشوفة سحر
مشاري: والله ازعل منك ضيقك من ضيقك ياختي وفرحتك من فرحتي
شعاع: فديتك
مشاري: يالله ابوديك تغسلين وجههك وترتاحي حطها بسريرها وخلاها ترتاح
شعاع: يوم طلع مشاري شدت بطانيتها عليها وبكت بهدوء طلعت بكاء اربع سنوات كاتمتها بصدرها بكاء جرح حبيب وطعنة أخو بكاء اعاقة لازمتها بكاء حسرة وجمرة ظلت تحرقها طول عمرها
***************************
في سيارة ماجد
تهاني: يوه حبيبي والله انهم ناس يجنون طيبين مرة
ماجد: سرحان مومعاها فكره مع الي اشعلت قلبه وعقله فكره مع من سرقت قلبه قبل سنين فكره مع الي وهبها قلبه بس تخلى عنها وجرحها
تهاني: ياحليها أم صديقك مرة طيوبه والا أخته جننت بنتك شعوعه
ماجد: سرحان مو معاها
تهاني: مجودي وينك مو معاي ابد
ماجد: لاحبيتي معاك بس بالي على الطريق
تهاني: طالعت الطريق مافيه زحمة ايش فيك وجهك حيل متضايق موزي أول ماجبتني لهم كنت مرة متحمس أشوفهم ايش قلب مزاجك لايكون أحد ضايقك
ماجد: لاياروحي مافيه أحد ضايقني يالله وصلنا انتي شيلي نصوري وأنا ابشيل شعاعي حمل شعاع بين يدينه وكل شوي يحضنها اكثر حطها على سريرها وجلس يبوسها بهدوء وحنان
تهاني: ماجد لاتصحيها
ماجد: بعد عنها بهدوء وقام لغرفته
تهاني: ايش فيك كأنك اول مرة تشوف شعاع تعرف اني ندمت اني طعتك وسميتها شعاع
ماجد: استغرب ليه !!!
تهاني: استغفرالله كرهت الإسم يوم شفت البنت اليوم وربي غليظة بشكل وماعبرتني ابد وخوفتني بنظراتها كأنها تحسد
ماجد: بعصبيه استحي على نفسك تهاني واستغفري ربك والله ماتوقعت الكلام منك ابد وراح للصاله وضرب الباب بقوة
تهاني: استغربت عصبيته زعلت وجلست تنتظره بس استغربته ماجاء بالعاده اول مايزعلها يرجع يراضيها
ماجد: كان يروح ويجي ويحس اعصابه خلاص مو قادر يمسكها وكل شوي يمسح على شعره ويدور بالصالة موجايه نوم وضايق وحالته حاله
تهاني: طلعت وشافته مرة متضايق استغربت من حاله ماجد أنا
ماجد: أشر بيده يعني اسكتي بدون مايناظرها
تهاني: والله موقصدي بس زعلت لانها ماعبرتني وكأنها كارهتني
ماجد: لف بعصبيه أنتي شفتي حالتها تلومينها تهاني انتي لو تتعبي بالحمل او انفلونزا بيسطه ماتعبري أحد كيف عاد هي والله أعلم بحالتها توقعت قلبك احن من كذا تهاني ماتوقعت الكلام يجي منك ابد
تهاني: ندمت صح والله غلطانة سامحني حبيبي
ماجد: جلس بضيقه ويسمح وجهه ربي الله يسامحك ويسامحني معاك
تهاني: يالله حبيبي تعال تحمم وريح
ماجد: موجايني نوم ابطلع شوي اشم هواء حاس نفسي مخنوووق وطلع بسرعه
تهاني: تضايقت من حالته مرة غريبه عليها متأكده أحد جرحه بكلمة دايم ماجد هادي وحنون ايش قلبه كذا تذكرت أول زواجهم كيف ماكان ابد يحبها كان بس يجاملها ماحست بحبه والفرحة بعيونه الا يوم جابت شعاع تهاني تعتبر شعاع هي شعاع سعادتها مع ماجد لأنه يوم جت تغير حيل معاها وصارت تشوف الفرحة والحب بعيونه راحت لغرفتها تنام قالت أكيد راح يهدا بعدين
ماجد: راح للبحر ووقف قدامه يشوف الموج يتخيل حياته زي الومج يقرب يبعد فترة من حياته صارت شعاع أقرب عليه من أنفاسه وفترة بعدت زي مايبعد الموج عنه راحت بعيييييييييييييييييد تنهد بضيق ورفع راسه للسماء ياترى سامحتني او لا ياشعاع ايش الي سبب لك كل هذا جلس على طرف الصخر راح باله بعيد
عيسى: يطقطق بجواله والله معاي بنت مزة لقيتها بالسوق ورقمتها
ابراهيم: هات رقمها
عيسى : تبطي عظم خلني اتهنىى فيها بعدين خذها واتنهى فيها
عبدالرحمن: قام معصب انتم ايش تظنون نفسكم بنات الناس لعبة عندكم ماتخافون ربكم
عيسى: ايش بلاك أنت ماراح نفضحهم ولاشي هم جو من انفسهم ماحد ضرب على ايدنهم ويجون يستاهلون ماجاهم
ابراهيم: عن نفسي مستحيل اغصبها على شي ماتبيه ولاراح افضحها
عبدالرحمن: بعصبيه أكبر فيه بنات لعبات على قولتك بس فيه بنت يمكن تغتر بكلامك المعسول يمكنها ماتكون راعية جوال ولا لعب بس انت فتنتها بأسلوبك ووثقت فيك
عيسى: هذا يوم سعدي ويفرحني وراح تكون تسوى عيوني
عبدالرحمن: وراح تتزوجها صح؟!؟!
عيسى: ضحك أكيد لا مستحيل
عبدالرحمن: قام وهو معصب أجل ليه تلعب بمشاعرها خافو ربكم خافو ربكم يجي يوم وربي يبلاكم بخواتكم او بناتكم لاتستغلون ضعف البنت واتباعها لعواطفها وشاعرها راح يجيكم يوم وتندمون وراح وخلاهم
ابراهيم: ايش فيه صاحبك ماجد جايب لنا واحد نفسيه
ماجد: استغرب من عصبية عبدالرحمن لا ياجماعه والله ان عبدالرحمن مافيه مثله بس تراه مو راعي لعب زيك واحد عاقل ومستحيل يلعب بمشاعر بنات الناس ويخاف ربه
عيسى: اشر بيده فكنا منه بس يالله شباب نلعب بالوت
ماجد: راح لعبدالرحمن وجلس جنبه على البحر حط يده على كتفه ايش فيك ياخوي
عبدالرحمن: وهو مرة حزين هم مايتخيلون جرح البنت هي تتعشم فيه ويكون فارس أحلامها وهو يعتبرها لعبه بنظره يتلسى فيها حتى يلقى زوجته بلع عبرته ماتتخيل الجرح الي يجيها يبعد نظراته ويناظر قدام يمكن بنت اكتشوفوها أهلها وورطت فيهم او يمكن تضررت بعد وفجأة تلقى صورة عريسها وهو متزوج ومبسوط وهي تضررت طول عمرها
ماجد: مسك راسه لا يارب مو سبب اعاقتها أنا بس ليه عبدالرحمن يكره فارس لا لا لاااااااااااااااااااااااا مو مصدق تدكر يوم يدق عليها وكان مسكر يدورها مالقها لاااااااااا معقولة انا تزوجت وجاني عيال وشافتني اليوم مع زوجتي وعيالي ولا كأنها هامتني وهي صارت معقاه بسببي يارب سامحني شعاع سامحيني سامحيني وطلع الي في قلبه وبكى بس تمنى صوته يوصل لها
********************
في الشقة
البنات دخلو ينامون
شجون: مارتاحت حاسه ان شعاع فيها شي كل البنات راحو لها بس مارضت تتكلم راحت شجون لها وجلست طرف سريرها عارفه انك لسه مانمت قلت اجي ازعجك شوي
شعاع: تسندت بإبتسامة مصطنعه ليه مارحتي لزوجك وفكتيني
شجون: وهي تبوسها مع راسها لأني عارفه ان أخت زوجي تحبني أكثر من زوجي
شعاع: سندت راسها على شجون والله اني أموت فيك مو بس أحبك
شجون: لفت راسها على شجون لو كنتي تحبيني جد قولي الي فيك أول مرة من دخولي على بيتكم اشوف الحزن بعيونك لاتنكري من يوم ماجاء صاحب عبدالرحمن وأنتي مزاجك تغير
شعاع: لامافيني شي بس يمكني تعبت ووو
شجون: حطت يدها على فمها تقدري تسكتي الكل بأي كلمة بس أنا افهمك زين شعاع وقريت الحزن والأم بعيونك كيف ماقراها وانا رفيقة الحزن اذا شفته جاء لشخص اعرف انه زاره بدون مايقول
شعاع: تنهدت بضيق
شجون: صدقيني لو تفضفضي ترتاحي
شعاع: تعدلت بجلستها اربع سنوات وانا كاتمه اربع سنوات وأنا احاول انسى بس شوفتي له جددت كل آلامي وأحزاني
شجون: عمري ماطالعت برجال بس تصرفاتك شككتني انه فيه شي طالعته وشفت حتى هو تصرفاته غريبه ومريبه من يوم رحتي وهو بس يدور لحاله وعلى طول نادى زوجته علشان يرجعون حاولت فيه بس رفض
شعاع: آآآآآآآآه ياشجون ماتمنيت أشوفه والله ضقت حيل لشوفته شوفته جددت لي أحزان كاتمتها لي اربع سنوات بصدري
شجون: وفارس له دخل
شعاع: ناظرت قدام للأسف ماجد حطمني وفارس كسرني كسر لازمني طول عمري
شجون: كيف؟؟؟؟؟
شعاع: ترجع بذكرباتها قبل اررربع سنواااااااااااااااااااااا ااااااااااااااات
شعاع: تقلب بالمنتدى ومبسوطة وهي تنزل مواضيع حلوة
اممم ابشوف ايش الردود تقلب وهي مبتسمة وفرحانة ان مواضيعها اعجبت ناس كثير تدقق بواحد نكه واثق من نفسه ابتسمت بمرح بعذرك لو كنت واثق ردوك حلوة ومرحة كل يوم تنزل مواضيع وصارت تدقق وتهتم بردودو واثق من نفسه مرة تضحك على رده ومرة يبهرها أسلوبه
مشاعل: ايش تسوي ياحلوة
شعاع: شوفي موضوعي الاخير وشوفي الردود
مشاعل: تقراها ايه مرة حلوة
شعاع: اممم شوفي رد واثق من نفسه وروحي لرده علي في قسم النكت وربي انه نكته
مشاعل: واضح انه يتميلح ومغرور من نكه
شعاع: بمرح يمكن ههههههههههههه مالي شغل فيه
فارس: وهو يطبل على بابها أهلين ياحلوة
شعاع:أهلين ياشين
فارس: سحبها مع شعرها تعرفين اني أحلى منك
شعاع:آآآآآآآى عارفه بس فكني
فارس: يالله خلي عنك النت وانزلي أمي تنتظرك تحت
شعاع: اوك خيو
فارس: احذري من هالنت وبلاويه
شعاع: لاتخاف أختك ذيبه
فارس: ايه ياذيبه لاتتأخرين
شعاع: يوم راح أخوها شافت رساله ببريدها الخاص بنفس منتداها فتحته لقت رسالة من الواثق ((( مواضيعك غاية بالروعة ان دل على شي يدل على ذوقك الرفيع ونفسك المرحة اللطيفة ))) هزتها الرساله بسرعه مسحتها ولاردت نزلت عندأهلها بس فكرها مشغول مع الرسالة هي أصلا معجبه فيه ورسالته لفت نظرها مرة الايام وانقطع الواثق فترة ضاقت حيل كل ماتنزل موضوع تنتظر رده ماتلقاه حتى ردود تجيها كثيرة بس خلاص صارت مايهمها غير رده قررت تنزل أكثر مو موضوع صح يتعبها بس تحاول تلفت نظره معقولة زعل لأني مارديت عليه فتحت بريده حاولت ترسل بس تراجعت مر شهر خلاص فاض كيلها وصار بالها مشغول والمنتدى صار ماله طعم بدونه قررت تتهور وترسله رسالة صبرت يوم يومين مارد قالت يمكن ترك المنتدى يأست مرة بعد مرور اسبوع فتحت المنتدى الا تلقاه راد على مواضيعها كلها ورد على رسالتها الي ببريده اشكرك على اهتمامك واعذريني يوم انقطعت بس كنت مسوي عمليه ردت عليه بنفس اليوم سلامات ايش فيك رد عليها بنفس الوقت عرفت انه فيه لانها شافت نكه موجود بالمنتدى بس رباط صليبي حط ايميله وكتب اممم اخاف تفهميني غلط بس من جد انا معجب حيل فيك
ارتبكت يوم شافت ايميله ماضافته عندها انقطع فتره كأنه يعاقبها صبرت صبرت بس تعبت خلاص صارت ماتستغني عن وجوده بالمنتدى قالت ايش يضرني بس ايميل ماراح اخسر شي سمت بسم الله وبيد ترجف وهي متردده سوت له اضافه شكله موفيه سكرت جهازها ونامت الفجر صلت قبل ماتروح للمدرسة لقته مضيفها وكاتب لها نوووووووووووووووووووووووو وووورتي المسن حقي وربي طرت من الفرحه مو مصدق انك شرفتني هنا غصب عنها ابتسمت كتبت له شكرا وسكرت جهازها وراحت للمدرسة بس بالها مو معاها أنا الي سويته غلط اولا ياربي أكيد غلط كيف سويت أنا كذا خلاص اذا رحت ابحذفه انا كيف تهورت وخنت ثقة أهلي فيني راحت جري لغرفتها أمها تناديها شويات يمه عندي شغل لازم اخلصه ضروري
امها: هالبنت دايم مطفوقه
فارس: خليها مديرة شركة كبيره الي يشوفها يقول وراها اسمهم وشغلات كثيرره مطفوقه وراح تظل مطفوقة
شعاع: ايه وان جيت تتسلف مني رديتك وطلعت لسانها عليها وجري لغرفتها
فارس: ضحك عليها وكمل أكله
شعاع: فتحت جهازها مقررة تعطيه بلوك بس تفاجأت انه فيه جهازها سجل دخلولها تلقائيا
ماجد: اهلين وسهلين نورتي وربي اشتقت لك حيل
شعاع: لارد
ماجد: عذبة الوصوف ردي (طبعا لسه ماعلمته اسمها)
شعاع: ممكن طلب
ماجد: تدللي امريني يوم سعدي يوم تامريني
شعاع: تحذفني
ماجد: ضاق حيل ليه سويت شي يضايقك وربي حتى اسمك ماحبيت اضغط عليك واسألك عذبة وربي يكفيني منك بس نسولف مابي شي ثاني منك
شعاع: بس كذا أخون أهلي مو مرتاحة ابد
ماجد: سوي الي يريحك وآسف اني احرجتك مع السلامة وسوا خروج وطلع
شعاع: ضاقت يوم زعل جت تبي تعطيه بلوك ماقدرت خلته
فارس: طل براسه أهلين شعيع
شعاع: ارتبكت وسكرت جهازها وحاولت تسوي نفسها طبيعيه كم مرة اقولك لاتندايني شعيع
فارس: اممم اجل شع شع
شعاع: وووجع لاتناديني ابرك لي
فارس: جرها مع شعرها منو الوجع
شعاع: اااي خلاص أنا
فارس: ترك شعرها وضمها بسم الله عليك فيني ولافيك الوجع شعاع
شعاع: خلاص بعدوينا ولاتزعل
فارس: ليه ماتغديتي
شعاع: مالي نفس
فارس: طلع من جيبه سنكرس هذا الي يحبه قلبك أجل
شعاع: وووهـ فديت أخوي الي دايم يجيب لي الي أحبه
فارس: وهو فيه أغلى منك يالدوبا
شعاع: جلست تسولف وتضحك مع فارس بس بالها مع ماجد مرت الايام وكل يوم تدخل ولاتشوفه تحط ظهور وتدخل للمنتدى لعلها تشوفه بس مابين الا بعد اسبوعين دخل
شعاع: هلاااااااااااااا وغلااااااااااااااااااااا ماجد
ماجد: ببرود هلا غريبه ماحذفتيني؟!؟!
شعاع: ضاقت حيل زعلت مني صح
ماجد: وليه أزعل انتي حرة بتصرفاتك
شعاع: بس وربي مو قصدي بس
ماجد: لابس ولاشي عذبة سوي الي يريحك
شعاع: ماراح احذفك
ماجد: براحتك
شعاع: خلاص عاد بلادلع
ماجد: انبسط من ردها وبرائتها وصار يسولف ويضحك عادي جلسو يسولفون حتى الفجر رحمة انه خميس والا كان ماقدرت تروح مدرستها
شعاع: يوووه ماحسينا بالوقت يالله مجودي روح صلي وانا بعد وعلشان انام
ماجد: حلاة دلع اسمي منك عذبة راح اشتاق لك
شعاع: استحت وماردت
ماجد: يالله اجل اخاف يطلع شعاع الشمس واحنا ماصلينا
شعاع: اممم قصدك اطلع أنا
ماجد: فرح اسمك شمس او شعاع
شعاع: اسمي شعاع
ماجد: وأنا اشهد انك شعاع قلبي
ظلت العلاقة بينهم وكل شوي تقوى مايمر يوم الا يكلمون بعض مسن حتى جاء مرة طلب يسمع صوتها رفضت شعاع بس بعد اصرار ماجد وافقت تكلمه مرة مايك وكل يوم يطلبها مايك حتى تطورت جوال وكام
ماجد: تعلق فيها بشكل موطبيعي خصوصا يوم سمع صوتها وضحكتها الي ترن بإذنه يشوف البنات ولاشي بعد حبه لها انبهر فيها يوم شاف اول شي عيونها بعدين وجهها موكله جمال بشعاع س كانت فيها ملامح تجذبه ابتسامتها عيونها الحلوة البريئة حنانها كل مايجيه موقف يضيق صدره يشتكي لها وهي تواسيه وهي بعد صارو يحبون بعض لحد الجنون
شجون: وبعدين ايش صار ليه توقفتي كملي
شعاع: عيونها غرقت بدموعها الي تحجرت بعيونها حتى جاء اليوم الي قصم ظهري يوم تاريخي بحياتي يوم أنهى كل سعادتي
شجون: تنصت لها باهتمام
شعاع: ماجد ممكن أقولك شي
ماجد: ايش حبيتي
شعاع: أنا مومتراحة لعلاقتنا كذا
ماجد: مليتي مني ماتحبيني زي ماحبك
شعاع: افهمني ياروحي بس ربي مايرضى عن الي نسويه وتعرفني موراعية الامور هذي ماجد خلنا ننهي حبنا ونتوجه بزواجنا يرضى ربنا بالأول ثم أهلنا
ماجد: لارد
شعاع: حبيي ايش فيك سكت
ماجد: صعبة حياتي
شعاع: ضاقت ليه صعبة
ماجد: أنا لسه متوظف والزواج يبغى له مصاريف وفلوس كثيرة
شعاع: أنا راضية فيك وماراح اتشرط لو أسكن ببيت أهلك وأكل خبز مع موية أهم شي اجتمع أنا وياك
ماجد: شعاع بس
شعاع: ايش بعد تدور حجة تهرب مني ماجد قولي ماحبيتك قولي كنت اتسلى فيك حتى اتزوج
ماجد: عصب افهميني شعاع
شعاع: قول ايش عندك
ماجد: أهلي خاطبين لي بنت عمي وضاغطين علي اوافق عليها
شعاع: وقفت من العصبيه وطول هالوقت وانت مخبي علي وطول هالوقت وانت معيشني بوهم وطول هالوقت وانا الحق سراب سرررراب ياماجد سراب
ماجد: افهميني شعاع حبك بقلبي ماله حد وربي ماله وصف وربي مالها مكانة بقلبي وربي اني معارض لهم اشهر ضاغطين علي اوفق بس انا
شعاع: طيب ارفضها وتعال اخطبني من أهلي ماجد جايني واحد يخطبني وأنا مابي غيرك ارجوك تعال انا عطيتك كل الي تبيه لأني واثقه انك راح تتزوجني
ماجد: صعبة ياشعاع صعبة عادتنا أهلنا مايطلعون برا قبيلتنا وقبيلتك غير عن قبيلتي
شعاع: أجل أنا ماقدر اعصي ربي أكثر من ماعصيته خنت أهلي وكل شي لأني حبيتك من قلب حبيتك على أمل تتزوجني لاتعرفني ولا اعرفك وكل شي يخصني تخلص منه
ماجد: حرام عليك شعاع ماستغني ابعد عنك انتي صرتي كل شي بحياتي
شعاع: ابتسمت بألم بكره تكوون زوجتك كل شي بحياتك وتكون شعاع ورقة تسلية فيها ورميتها يوم حصلت احسن منها وحده تثق فيها وحده ماكمتك جوال وحده ماخنت أهلها
ماجد: يكفي شعاع ارجوك يكفي انا ابيك تعرفي كيف ابيك
شعاع: تبيني تزوجني غير كذا ماراح اعصي ربي
ماجد: سكت مارد
شعاع: بحسرة وألم كنت عارفه هذا ردك عن اذنك
ماجد: شعاع لسه ماخطبتها لو خطبتها يمكن ابجلس كم شهر حتى اتزوجها لاتبعدي عني هالحين
شعاع: تحجرت دموعها بعيونها وتناظره نظرات خيبة أمل خسارة ياماجد خسارة وسكرت الكام وكل جهازها بوجهه
ماجد: شعاع شعاااااااااااااااااااااع ردي ارجوك على طول أخذ جواله وجلس يدق عليها
شعاع: راحت للحمام وجلست تبكي وتبكي
فارس: طق بابها مالقى رد فتح الغرفة لقاها في الحمام قال ابتخبى عنها اول ماتطلع ابخرعها شاف جوالها يدق طالع الرقم لقى اسم ميمي حطه على الطاولة جاها مسج والايفون يطالع الرسالة شاف متكوب حبيتي ارجوك ردي ابي اتفاهم معاك عقد حواجبه وشك بس قال مابي استعجل وشوي الي يجي مسج ثاني والله احبك شعاع ارجوك لاتعذبيني خلاص شكه صار 70% انه ولد يدعي ربه انه غلط وشكوكه ماتكون بملحه قام من الكرسي وأخذ يلف ويدور وشعاع طولت بالحمام طق باب الحمام فيك شي شعاع
شعاع: ارتبكت لا مافيني شي ياربي ايش هالورطة الحين راح يشوف عيوني ورامة من البكاء اذا سألني ايش فيك كيف أرد عليه
فارس: حبيتي شعاع جوالي خلص شحنه ومظطر أكلم صاحبي ضروري كم رقم القفل
شعاع: افتكت منه قالت ان شاءالله يطلع من غرفتي ولايشوفني بالحاله علمته ونست رسايل ماجد الي بجوالها مومركزة لأن بالها مع كلام ماجد الي جرحها
فارس: بسرعه فتح الجوال وهو يدعي ربه ان شكوكه غلط بغلط تفاجاء من الي يقراه شعاع تخونا شعاع تكلم شاب ورسايل غراميه بالهبل بدون شعوره رمى الجوال وتكسر جوال شعاع
شعاع: سمعت صوت تكسر شي طلعت بسرعه طالعت بجوالها الايفون الي تكسر رفعت عيونها لفارس وشافت الشرر يطلع من عيونه
فارس: وكل شيطاين العالم فيه قرب منها
شعاع: ابعدت عنه افهمني أخوي
فارس: قرب منها ايش افهم انك خاينة انك نذلة انك موقد الثقه
شعاع:والله يافارس انه مالمسني ولاطلعت معاه والله اني ندمانة قد شعر راسي
فارس:انعمى من العصبيه والله ناويه تطلعين معاه ياداشرة يافاسقة قالها كلام قوي وجلس يضرب فيها بدون شعوره
مشاعل: ركضت على صوت صراخ شعاع وفارس فتحت الباب وخافت من شكل فارس الي حيل معصب جلست تنادي على أمها وتصرخ يمه الحقي على أختي راح يموتها فاااااااااارس ييمممممممممممممممممه تعالي بسرعة وهي تبكي المشكلة مشاري وابوه موفيه
أمها: فارس خلها راح تموت البنت فارس هدي طلبتك فاااااارس
فارس: صار يضربها مع كل جهة وشعاع تصارخ وتترجاه وتنزل على رجوله تبوسهم والله آسفة ياخوي
فارس: دفها برجله وشدها مع شعرها بكل قوته ويسحبها من غرفتها
شعاع: يممممممممممه ساعديني يمه راح يموتني
أمها: تحاول تفكه مو قادرة
مشاعل: تبكي وتترجاه
فارس: بدون شعوره فكها ودفها بكل قوته
شعاع: طاحت على طرف الطاولة وماحست الا بنزيف يطلع منها شوشت الصورة عليها وغابت عن الوعي وصراخ وصياح أهلها يختفي بالتدريج عنها ماصحت الا على مغذي بيدها وصوت بكاء مشاعل وأمها عند راسها
أمها: شعاع ياقلبي تحسين فينا
شعاع: وهي يالله تفتح عيونها ايش صار وأنا وين
مشاري: وهو حاضنها أنتي بالمستشفى ياقلبي حمد لله على سلامتك
ابو مشاري: قرب منها وباسها على راسها احمد ربي انه ردك لنا
شعاع: كم لي غايبه عن الوعي
ابو مشاري: لك اسبوع وأنا ابوك
شعاع: ليه يمه موحاسه برجولي
أمها : بكت بقوة هي ومشاعل
ابو مشاري: بصرامة اذكرو ا الله
شعاع: عرفت من بكاهم انها ماتمشي سكتت وماتكلمت
مشاري: قلبه يتقطع بس ان شاءالله نسافر فيك لألمانيا وتسوي عمليه وترجعي تمشي زي أول
شعاع: ا بحزن نا راضيه بحكم ربي
عبدالرحمن: دخل هو ومشاري مشاري على طول جاها وضمها فرحان بقومتها اما عبدالرحمن ماعطاها وجه بس قام بالواجب
شعاع: تناظره وهي تتألم وتتحسر
طلعت من المستشفى وهي محرومة من فارس وعبدالرحمن يجيها يسأل عنها ويطلع الا مرة مسكت يده
عبدالرحمن: طالعه بدون أي علامة بوجهه بغيتي شي
شعاع: وهي تجحر دموعها عارفه إنك كارهني ولا الومك بس وربي اني غلطة غلطه قوويه وربي جازني عليها ماحزنت على حالي اتمنى تكفير ذنوب بس احزن يوم افقد وجودك انت وفارس
عبدالرحمن: يناظرها وساكت
شعاع: وهي تناظره وتنزل دموعها على عيونها ارجوك عبدالرحمن لاتعذبني أكثر مما تعذبت وربي جواتي نار تحرقني وحطت يدينها على وجهها وجلست تبكي
عبدالرحمن: رحمها وجلس جنبها وضمها بحنان لاتعذبني نفسك أكثر يكفي ماجاك
شعاع: ضمته فرحانه انه سامحها وبكت بحضنه تركها ونزل وشاف فارس فارس ممكن اكلم بموضوع
فارس: ايش عبدالرحمن
عبدالرحمن : شعاع مرة حزينه وضايقه انا انصدمت منها بس ترا الي جاها كفاها
فارس: مالي شغل فيك كا انسان حر بتصرفاته
شعاع: كانو قربيبن من غرفتهم وتسمع نقاشهم
عبدالرحمن: شعاع فاقدتك تبيك يكفي الأم الي فيه تراه بسببك
فارس: عصب لا بسببها
عبدالرحمن: لاتنسى انك كنت تلعب لى بنات الناس ودقه بدقه لو زدت لزاد السقا
فارس: انا لعبت اتسلى بس عمري ماقابلتهم حدي جوال يوم يومين وارميه بس هي خانت ثقتنا هي بنت وانا ولد
عبدالرحمن: مافيه فرق زي ماتعلب على بنات الناس راح يلعب على خواتك انت غلطت وهي بعد بس الفرق هي تابت وانت غلظة بعاقبها كان هجرتها فتره هواشتها بس تضربها بوحشيه وتهرجها بعد
فارس: قلت مالك خص ياعبدالرحمن يعني مالك خص ومن اليوم ورايح مالي أخت اسمها شعاع
شجون: طيب ماكافاه الي سواه فيك يزيد بعقابك سنين ربنا يعفي ويسامح ليه هو ماعفى وسامحك
شعاع: بحزن عاقبني اشد عقاب حرمني منه اربع سنين وحرمني من حريتي وحكم علي بإعاقه تلازمني طوول عمري
شجون: بعصبيه المفروض أنتي الي تزعلي موهو
شعاع: ناظرتها بحزن مشتاقة له شجون مشتاقة لضحكته وسواليفه كبرنا سوا ولعبنا سوا كان قريب مني حيل بس أنا غلطت وخنتهم وكنت مو محل ثقتهم حبي لماجد أعمى عيوني والمشكلة بعد الي صار بثلاث شهور اقرأ خبر زواجه وصورته بأحد الجرايد اذكر يومها بكيت الى الفجر انا تعذبت ودفعت قيمة خيانتي لأهلي وهو تزوج وتهنى ولاعلى باله بس أنا استاهل وهو الله يسامحه
شجون: ضمتها وباستها انسي ربي ماقدر هالشي الا يمكن علشان يكفر ذنوبك
شعاع: والله ياشجون هذا الي مريحني كل يوم اتعذب فيه ارفع يديني لربي اطلبه ا ن الي جاني تكفير لذنبي صدقيني جلست اربع سنين من يوم مافقت من الغيوبه وانا ماكبيت بقوة حتى شفت ماجد وشفت عياله بس ماخبي عنك اني فرحت يوم ضميت عياله على صدري
شجون: سكتت وعرفت ان ماجد بعد يحبها تذكرت نظرة الحزن بعيونه واسم بنته عليها بس ماقالت شي لشعاع
شعاع: تصدقي يوم حكيت لك احس اني ارتحت مسكت يد شجون ماتتخيلي كيف ارتاح لك واحبك شجون والله انك بحسبة أختي مشاعل بس اطلب ربي ان فارس يقدرك ويتمسك فيك ولايفرط فيك ابد
شجون: ابتسمت بحزن وهي تتذكر جرحه لها الكبير قالت الله يسعده مع زوجته الجديدة
شعاع: بحزن الله يعين بس
شجون: ضمتها وباستها مع راسها أهم شي انك تهتمي بصحتك أشوفك كل يوم تضعفي أكثر من أول مادري ليه ؟؟؟
شعاع: قالت بقلبها ماتعرفي سبب ضعفي ياشجون مايعرف فيه الا ربي .
