رواية بنات الاسد الفصل الثاني عشر 12 بقلم السلطانة نور القمر
#بنات_الأسد
#البارت_الثاني_عشر
+
نوران خرجت لقت حسين قاعد ومعاه جيهان محمود وهنا الباقي معا هواول لما حسين شافها قام بسرعه ومد أيده عشان يسلم عليها
حسين : اهلا يا إمبراطورة
نوران مدت أيدها : ازيك يا حسين عامل ايه
حسين : في نعمه يا هانم
نوران قعدت و حاطت رجل على رجل : امممم طيب كويس تشرب ايه بقي
حسين بتوتر : لا مافيش داعي !
نوران بهدوء : لا ازاي ده صوفي
صوفي جات علي صوت نوران : امرك يا إمبراطورة
نوران : روحي اعملي لحسين بيه عصير ليمون شكله متوتر احنا عايزين نشيل التوتر اللي بينا ده
رمت نظره ناريه مشتعله بالتحدي عليه هو بلع ريقه بصعوبه مع بريق عيونها المرعب بالنسبه ليه
صوفي : حاضر
+
+
صوفي مشيت نوران بصت لحسين بابتسامه بارده
+
+
نوران ببرود : ها يا حسين عايزه اسمع ايه اللي حصل انت عارف نورين لو كانت هنا كان اتصرفت حاجه ثانيه
حسين : احم يا امبراطورة لقيت التكلفه كبيره ونسبه الأرباح هتقل ونورين هانم طالبه مواد و غاليه
نوران بسخريه : طب ما ايه الجديد نورين وجيسي وآوس بيشتغلوا من مواد من برا والكل عارف كدا انت هتيجي وتغير
حسين بخوف : ماهو اسمعيني حضرتك
نوران بعصبيه غير معهود : لا يا روحي انت بقي اللي تسمعني مش هتيجي انت علي اخر الزمن وتعلم بنات اسد يعملوا ايه واحنا مش هنضحي بمسعه اسد اللي بناها عشان واحد طماع ذيك فاهم ولا وانا مش ذي نور هسكت أو نورين هزعق وأقوم اديك قلمين لا أنا علي كبير ده انا ممكن اخليك توصل انك تكره في يوم من الايام انك شوفت وشي اساسا وتكره العيشه وانت عارف اني اقدر اعملها وزياده وانا مش بحب اقول كلامي مرتين فاهم ولا لا التصنيع يتوقف حالا لحد ما جيسي تيجي بالمواد والمواد من استراليا
حسين بلع ريقه بصوت مسموع : اللي تشوفيه يا إمبراطورة
نوران ببرود : يكون احسن وتختفي الفتره ديه بقي عشان نورين لو شافتك هتبقي تاني يوم في صفحه الوفيات ونور اتخنقت منك اصلا وحيات عيالك خف علينا شويه نفسي مره اشوفك ومش جايب بلوه سوده و منيله وجاي و خليك في علمك أنا ساكته عشان اسد كان بيقدرك و أن انت كبير في السن و انا ابويا عملتي احترم الأمير مني لكن وعز جلال الله مره كمان غلط هخليك مش في صفحه الحوادث لا معايا أنا بقي الوفيات عرفت هتعمل ايه
حسين مسك رقبته بخوف : احم عرفت يا امبراطورة
نوران ببرود : طيب اهو العصير جه اشرب وامشي
حسين بخوف : حاضر
نوران بصت عليه ببرود و كشماء مالت علي سيف اللي مصدوم من كميه الثقه ديه
كشماء بإعجاب : ديه جباره صدق اللي قال امبراطورة وربنا
ياسين بصدمه : هو كل العيله نفس الغرور وانا اللي كنت بقول عليها طيبه شويه عن اخواتها
ادهم: صلي علي النبي في قلبك قال طيبه ديه هي Boss بتاعهم مش يغرك البرود اللي هي فيه ده
جيهان قاعده و بتبص بملل للكلام مش اول مره تسمعه و كاني شي روتيني و كانت قاعدة جنبها هنا المصدومه و محمود
جيهان بتبص لبنتها وهي متعوده عليهم كدا أما هنا
هنا بصدمه : بنت عمرها كله 26 سنه وجباره كدا امال بعدين عامله ازاي وده الرجل هيموت في أيدها
جيهان بضحك : متخافيش مش هتعمل ايه حاجه هي كانت بتهدد عشان المره الجايه أفعال
هنا بصت ليها هي ومحمود وضحكوا
وحسين شرب العصير بخوف قام
نوران ببرود : حسين أنا معايا مش بحب اسمع نعم وحاضر و امرك وعمري مابحب اسمع غيرهم وياريت تفهم ده كويس عشان مش هقول كلامي ثاني والمره الجايه مش تلوم غير نفسك عشان مش هبعت نورين أو نور لا ده جايه بنفسي عشان مش تلومني بعد كدا علي اللي هعمله لو كلام حد من بنات الاسد مش اتنفذ نورت
حسين بعرف وخوف : بنورك عن اذنك
نوران ببرود : اتفضل
أما هو كان بيخرج بيجري ونوران بصت عليه بسخريه : والله عيب علي الرجاله وبصت لجيهان : جيجي أنا طالعه انام عشان بنتك نورين هتيجي بتزعق عشان حسين مش موجود في المصنع ابقي خليها تطلع لما نشوف بقي هتعمل ايه عن اذنكم
(جيهان بصت ليهم و مقدرتش تقف اكتر من كدا ساكته عليهم جريت وراهم و نور صرخت بفزع و هما الاثنين جريوا وكان شكلهم يموت من الضحك )
+
جيهان بصراخ : يلا يا بنت الجزمه منك ليه من هنا
نور وهي بتجري وطلعت جري علي السلم وجيهان تحت : العيب عليكي ما انتي بتشتمي نفسك اصلا
فهد : قولي ليها
جيهان بصويت : علي فوق منك ليها مش عايزه اشوف وش حد منكم
نور : انتي الخسرانه في حد عنده القمر والنجوم ويقول مش عايزه يشوفه ناس مش عندها ذوق
جيهان بصويت : نور فهد امشوا من وشي
نور : طب ماشي بالراحه علي نفسك انتي كبرتي خلاص العصبيه غلط يا جيهان عليكي و بصت لفهد بجديه : فهد تيجي تلعب دور بلايستيشن
فهد : طب و الله احسن يلا
+
( طلعوا علي غرفه الترفيه في القصر وديه معموله مخصوص عشان نور وفهد
وجيهان تروح تلاقي الكل ميت من الضحك هي ضحك و هزت راسها بيأس و حطت أيدها علي دماغها بتعب )
+
هنا بضحك : بنتك عسل لا ومجنونه هي وفهد بميت حال
جيهان : أنا هتجنن منهم إلا لما آوس يجي نورين وهو سيرك لوحدهم و نور وفهد ذي ما انتي شايفه لكن مع الكل باردين
اسيا : طنط هو احنا ينفع نروح معاهم
جيهان بضحك : طبعا يا عمري ده البيت بيتك بس بلاش طنط أنا هنا جيجي ده انا حتي صغيره
+
الكل ضحك وسيف راح الجنينه والباقي دخل ليهم ودخلوا اوضه الترفيه وكان نور غيرت هدومها وكانت لابسه سولبت باللون الابيض قصيره و عارفه الاكتفاء بفتحه صدره واسعه و كوتش ابيض عادي وادهم بص عليها بإعجاب وغيره أنها قاعده مع فهد كدا لوحدهم
+
وفهد كان لابس تيشيرت اسود وعليه بنطلون جينز اسود وكل واحد فيهم ماسك دراع بيلعب بيه
آسيا : عطلناكم
نور وهي بتلعب و مركزه مع الشاشه : لا عادي ادخلي و اقفلي الباب عشان جيهان هتصوت مننا
كشماء هي راحت قفلت الباب وهي بتضحك
ادهم يقعد جنب نور وآسيا جنب ياسين و كشماء وفهد جنب بعض بس نور وفهد في النص
+
و كانت غرفه الترفيه فيها كنب مودرن باللون التركواز الساده من خامه القطيفه و قدامهم ثلاث ترابيزات دائريه الشكل عليها التسالي و المقرمشات و العصائر و شاشه بلايستيشن في النص
نور وهي بتلعب : اللي يخسر يجب بيتزا للكل
فهد :يبقي انتي اللي هتدفعي علي فكره
نور : ده بعينك يا ابن رافت استني و ايوا هي ديه هي ديه و جووووووووول وقامت نطت بسعاده و فرح : يانور يا جامده
فهد : اقعدي يا بنت الماتش لسه في مخلصش وكدا انت اكتر مني بجون يعني ممكن اجيب واحد
نور قعدت : ماشي يا فهد
ادهم بزهول : هو انتي اللي شوفتها اول مره
نور ببرود : أنا مع فهد وأخواتي حاجه ومع الناس حاجه ثانيه والكل عارف كدا وانا بهزر مع جيهان اه بس برا مش عندي ارحميني
+
