رواية احببت مربية ابنتي الفصل الثاني عشر 12 بقلم هالة محمد
تقي باستفسار : بس يا داده مش هي تبقي اخت
مرات رعد الله يرحمها
داده سعاد : اه
تقي بضيق : طب ازاي تقول كده دي دي عنيها منه
داده سعاد بتنهيده : من يوم ما ست كاميليا ماتت وهي بتحاول مع رعد أنه يحبها لكن رعد مش مديها وش خالص...واكملت بخبث...وكمان باين انها مش هتسيبه
تقي بغيره وبدون وعي : تبقا توريني كده هتعمل ايه دانا اكلها بسناني
داده سعاد بتبص لتقي وبتكتم ضحكتها
تقي باحراج : بتضحكي علي ايه يا داده بقي مش هو يبقي جوزي...قصدي يعني قدمها بس
داده سعاد بمغزي : اه طبعا قدمها بس لكن انتي مفيش حاجه صح يا تقي..؟؟؟
تقي بتكشيره وتردد : لا طبعا مفيش
رعد شايف وسامع كلامهم وحس أن تقي بتغير عليه كان فرحان وبيتمنا إحساسه يكون صح وانها فعلا تكون غيرانه عليه وبتحبه
داده سعاد : انا نازله احضر الغدا يا تقي
تقي بصتلها : ماشي يا داده وانا هكلم بابا واقوله اني هقعد يومين مع هنا
داده سعاد بحب : ماشي يا حببتي
نزلت داده سعاد وتقي اتصلت بعم مصطفي
تقي بحب : السلام عليكم،ازيك يا بابا
عم مصطفي : عليكم السلام،ازيك انتي يا تقي عامله ايه يا حببتي
تقي بهدوء : الحمد لله انا كويسه وبخير
عم مصطفي اتنهد براحه : الحمد لله،انتي فين كده..؟؟؟
تقي : انا عند هنا وكنت عايزه استاذن من حضرتك
عم مصطفي بانتباه : قولي يا حببتي
تقي : اصل هنا وقعت من علي السلم وتعبانه شويه فكنت عايزه اقعد معاها يومين تلاته كده
عم مصطفي بقلق : وهي عامله ايه حاصلها حاجه...؟؟؟
تقي بحزن وبصت علي هنا : شويه كدمات وخدوش بس هي بتعيط كتير ومش عايزاني اسبها وانا بصراحه قلبي مش مطوعني اني امشي وهي نايمه ومش عارفه رد فعلها ايه لو صحيت وملقتنيش
عم مصطفي بتفهم : خلاص يا تقي خليكي يا بنتي معاها وخلي بالك من نفسك،بس مش عارف امك بقي هتعمل ايه لمه تعرف
تقي بمغزي : ماهو انا عشان كده اتصلت عليك ومرضتش اتصل بيها ف ماما عليك بقي يعني اصل الصراحه محدش بيعرف يلين دمغها غير حضرتك
عم مصطفي بابتسامه : امم ماشي يا شقيه يعني بتلبسيني معاها ماشي يا ست تقي
تقي بمرح : انا أقدر بردوا يا درش دي زوزو بردوا يعني الحنيه والقلب الطيب
عم مصطفي بتوضيح : ماهي القلب الطيب والحنيه في كل حاجه الا انكم تبعدوا عنها انتي واخوكي دانتي لمه قعدتي الاسبوع اللي فات بعيد عنها
كانت مجنناني ومكنتش بترتاح غير لمه تكلميها فيديو
تقي بتفهم : انا هكلمها بس مش دلوقتي الاول تمهدلي الموضوع وبعدين اكلمها وكمان فوني هيفصل هشحنه تكون ظبطلي الدنيا معاها
عم مصطفي بخوف مصطنع : خلاص يا حببتي خليها عليه وربنا يتولاني
تقي بضحك : ههههههه ماشي يا حبيبي سلام
تقي قفلت مع ابوها ورعد كان فرحان جدا أنها مش هتمشي يعني هيشفها كتير وكمان كان هيتجنن كان نفسه كلمه حبيبي دي تكون ليه هو ما تتقلشي لاي حد حتي لو ابوها هي من حقي وملكي كلمه حبيبي مش هينفع تطلع منك غير لرعد السيوفي رعد استغرب نفسه هو محسش مع كاميليا بكده ليه كاميليا كانت من بنات الطبقه المخملية اللي بعضهم عادي عندهم السلام بالأيد أو السلام بالحضن يعني رعد ما كنشي بيزعل لو حد سلم عليها وحضنها أو قالت حبيبي لانها بتكون كلمه علي صياغ الكلام يعني غير مقصوده بالمعني لكن مش متقبلها من تقي أنها تقولها لاي حد حتي لو ابوها أو اخوها ليه ليه انا فعلا ما حبتشي كاميليا تقي هي حبي الاول والاخير ما حستشي غير معاها بإحساس التملك احساس مسيطر علي عقلي وقلبي أنها ملكي بكل مافيها
تقي قفلت مع ابوها وأحمد كان بيتصل عليها
احمد : في ايه يا تقي بقالي ساعه بتصل بيكي والفون مشغول بتكلمي مين
تقي بهدوء : بكلم بابا اصل هقعد كام يوم هنا
احمد بسخريه : هههه و زوزو هتسيبك دي هتعلقك
تقي مطت شفيفها : ما انا وسطت بابا وهو هيتصرف معاها وبعدين هي حنينه وهتيجي علي طول
احمد بتردد وخجل : تقي كنت عايزك تيجي معايا الدرس #هاله_محمد
تقي بقلق : ليه في حاجه...؟؟؟
احمد : اصل انا عملت مشكله الحصه اللي فاتت ف المستر قالي لازم حد يجي من أهلك
تقي بعدم فهم : يعني ايه انا مش فاهمه..؟؟؟
احمد بتوضيح : من الاخر كده هو اخد الفون مش راضي يدهولي فكنت عايزك تيجي معايا
تقي شالت الفون من علي ودنها وبصت علي الشاشه : ايه ده تصدق ما اخدتش بالي أنه رقم غريب
احمد : ماهو رقم واحد صاحبي وماتقلقيش همسح الرقم بعد ما اقفل معاكي....كمل باقتراح...بقولك ايه اقول لمؤمن يجي معايا بدالك
تقي بسرعه وبغضب : مؤمن لاء وبصفته ايه بقي أن شاء الله هيجي معاك
احمد ببرائه : مش هو هيبقي خطيبك
تقي بعصبية : واد انت انا لسه ما وافقتش عليه وبعدين انا اللي جايه معاك ولو مش عايزني يبقي بتقولي ليه بقي
احمد بزعل : انا مش عايز اقول لبابا عشان هيزعل مني وكمان هزعقلي فامفيش غيرك
تقي بقلق : وهو يعني المستر ده منين انا اعرفه يعني كان بيديني في ثانوي
احمد بأسف : للاسف لا ماكنشي بيديكي انا بقالي 3حصص بروح عنده وهو اصلا مش من المنطقه بتعتنا
تقي بضيق : هو انت كل شويه تغير مدرس كده تفكير هيبقي مشتت كل مدرس وليه طريقه شرح انت هتروح عند كل واحد شويه هتتلغبط
احمد بتوضيح : اصل هو عامل ملخصات ومعظم الامتحان هيكون منها وطريقته سهله في الشرح
تقي بقله حيله : خلاص يا احمد شوف هتروح امته وانا هاجي معاك
احمد بسرعه : بكره علي الساعه واحده بعد الظهر
تقي بتنهيده : ماشي تمام كلمني وانا هجيلك بس ما تنساش تمسح رقمي
احمد بخوف : ولا اقولك يا تقي خلاص خليكي انتي وانا هتصرف
تقي : ليه يابني....؟؟
احمد بقلق : اصل انا مش مطمن
تقي بتتصنع القوه : ماتخفش ياض اختك بردوا جامده #هاله_محمد
احمد : ماشي يا تقي
تقي : ماشي يلا سلام احسن الفون هيقفل في وشك الشحن خلاص بقي 5%
احمد : ههههه ماشي سلام
تقي قفلت مع احمد
تقي بخوف : انا جامده ولا جامده ولا نيله دانا بخاف من خيالي اعمل ايه بس ياربي ماينفعشي ماروحش معاه،اه منك يا احمد تعبني معاك الله يهديك
انا هتصل بماما.....تقي لسه هتتصل لقت الفون فاصل
تقي : انت فصلت احسن تعالي احطك علي الشاحن وبعدين هكلم ماما
رعد كان متضايق من سيره مؤمن ومن نطقها اسمه بس اللي كان مديقه اكتر أنه ماسمعش كل الكلام كان عايز يعرف ايه اللي قلقها اوي كده ومخوفها هو سمع كلمها هي بس لكن ما سمعشي كلام احمد فهم أن في مشكله وهي هتتحط فيها لكن الحوار مش واضح
عم مصطفي قعد علي الكرسي : حضرتي الغدا يا زينب...؟؟؟
زينب بتتكلم وهي في المطبخ : استنا بس نص ساعه تكون تقي جت
مصطفي بتردد : حضري بس يا زوزو انا جعان
زينب خرجت من المطبخ وبصت لجوزها باستغراب : اول مره يعني تقول انك عايز تاكل من غير تقي
عم مصطفي بسرعه : بصراحه كده تقي مش هتيجي هتقعد مع هنا كمان 3 ايام
زينب بصدمه : ايه 3 ايام ليه بقي أن شاء الله هما اشتروا بنتي ولا ايه ولا تكنشي تقي تبقا ام هنا وانا معرفشي انا هتصل بيها واقولها تيجي دلوقتي حالا
عم مصطفي بهدوء : استني بس يا زينب سبيها انا قولتلها ماشي استهدي بالله كده وروحي جيبي الاكل
زينب بغيظ : شوف بردوا بيقول اكل،اكل ايه يا راجل،انا مش موافقه أن بنتي تقعد هناك ايه رايك بقي
عم مصطفي بتوضيح : يا زينب البنت وقعت من علي السلم اتعورت جامد وبتعيط ومتعلقه ببنتك تقي فمش هينفع تقي تسبها دلوقتي
زينب بضيق : مصطفي انت اللي مخيب بنتك بطيبه قلبك دي وبنتك طالعه زيك بالظبط
عم مصطفي بتعاطف ومسك ايد زينب قعدها : تعالي بس اقعدي دي طفله ويتيمه وربنا زرع الطيبه والحنيه في قلب بنتك ووقفها في طريق اليتيمه دي كتعويض فهما 3 ايام بس وخلاص
زينب بتنهيده صبر : ماشي يا ابو تقي،وهي هتعمل ايه في العريس..؟؟؟
عم مصطفي : مش عارف بس شكلها كده مش موافقه احنا نصبر عليها شويه وبعدين ابقي اساليها ولو قالت لاء هنرد عليهم ونخلص بقي
زينب : كما هترفض العريس ده كمان ماشي يا مصطفي اعملوا اللي انتم عيزينوا انت وبنتك بس انا مش موافقه
عم مصطفي : يمكن توافق عليه وانا واثق أن ربنا شايل لبنتك حاجه كويسه وكل خير عشان نيتها طيبه،يلا بقي مش هتاكليني ولا غضبتي عليه انا كمان
زينب بابتسامه حب : انا أقدر بردوا يا درش عنيه
عم مصطفي بفرحه : درش،لا دانتي راضيه عني بقي
تقي نزلت وقعدت جنب داده سعاد وكان القلق باين علي وشها
داده سعاد بخوف : مالك يا تقي في حاجه هنا كويسه
تقي بسرعه : لا لا هنا كويسه الحمد لله انا سبتها نايمه
داده سعاد بتنهيده راحه : طب الحمد لله،بس انتي فيكي حاجه
تقي بقلق : مش عارفه يا داده حسه أن في حاجه هتحصل بس ايه هي مش عارفه
داده سعاد بصت لتقي : ليه بتقولي كده وحاجه ايه اللي مخلياكي قلقانه اوي كده
تقي : اصل احمد اخويا عمل مشكله مع المستر بتاعه و المستر اخد منه الفون ومش راضي يدهوله من غير ما حد يروح معاه
داده سعاد : طب ما يقول لوالدك وهو يروح معاه
تقي : بابا لو عرف هيبهدل احمد لانه مش بيسيب الفون خالص
داده سعاد : طب وبعدين مين هيروح معاه
تقي : انا اللي هروح معاه مفيش غيري
داده سعاد بقلق : ايه طب انتي عارفه المكان وهتروحي امته
تقي بتنهيده : مش عارفه المكان احمد هيقولي عليه بكره وهنروح علي الساعه واحده
داده سعاد : طب ايه رايك تقولي لرعد ويروح هو معاه
تقي بسرعه : رعد لا طبعا وهو يعرف احمد منين وكمان احمد قالي أنه ياخد مؤمن معاه وانا رفضت
داده سعاد بخبث : طب مؤمن لاءه ليه هو مش هيبقي خطيبك
تقي بزعل : انا بصراحه يا داده مش موافق علي مؤمن مش حساه وخايفه اظلمه واظلم نفسي
داده سعاد بفرحه : بجد يا تقي يعني هترفضيه
تقي بضحك : ههههههههههههه وانتي فرحانه اوي كده ليه ياداده مش عايزاني اتجوز ولا ايه..؟؟؟
داده سعاد بتوضيح : لا يا بنتي انا عيزاكي تتجوزي وتتهني بس انتي مش بتحبيه وانا عايزاكي تتجوزي واحد بتحبيه وبيحبك مش انتي كمان قلتي انك عايزه اللي تتجوزيه تكونوا بتحبوا بعض
تقي بصت قدمها : فعلا انا قلت كده بس الصراحه مش عارفه زوزو ممكن تعمل فيه ايه لو رفضته
داده سعاد : امك ست طيبه وبتحبك وعمرها ما هتغصبك علي حاجه
تقي : عندك حق بس في جوازي ما اظنش
داده سعاد بسرعه : بس بس احسن العقربه جايه
تقي بتكتم ضحكتها
ميرنا : ايه ياتري بتخططوا ل ايه انتي وهي
تقي ببرود : بنخطط لا احنا مش بنعرف نخطط سبنا التخطيط لحد زيك يكون استاذ فيه
ميرنا بغيظ : ماشي براحتك وانا فعلا هوريكي التخطيط الصح
تقي تتجاهل ميرنا : عن اذنك ياداده هطلع اشوف هنا
داده سعاد : وانا هروح اشوف الاكل يكون رعد وصل
ميرنا بغيظ ولنفسها : وحياه امي لهندمك
#هاله_محمد
بعد وقت قليل رجع رعد وداده سعاد حضرت الغدا والكل قعد علي السفره رعد علي رأس السفره وتقي قعده علي يمينه وميرنا علي شماله وداده سعاد اخدت اكل وطلعت تاكل مع هنا
تقي بتبص لميرنا بتحدي وميرنا بتبصلها بتكبر وغل وكره......رعد كانت عينه علي تقي ملاحظ نظرتها لميرنا وكان كل نظره منها بتقول أنه رعد لها هي وبس ولا ميرنا ولا مليون واحده تقدر تاخده مني رعد كان مبسوط أنه حببته ام غمزات ساحره قعده جنبه ومش بس كده لا دي كمان أعلنت امتلكها ليه من نظرات عينيها
ميرنا حبت تغيظ تقي حطت تديها علي دراع رعد : رعد انا عندي مشكله في الشغل وكنت عيزاك تحلهالي
رعد كان هيبعد ايد ميرنا ويعنفها لكن لمح تقي والغيره واضحه علي وشها فقرر يلعب عليها شويه ويتمتع بغرتها ويثبت لنفسه أنها هي كمان ممكن تكون بتحبه او حتي معجبه بيه
رعد ببرود : تمام بكره تعالي علي الشركه وانا هتصرف
تقي بغيره ومن غير وعي شدت ايد رعد اللي ميرنا مسكاها : ممكن تتكلمي من غير ما تلمسيه
ميرنا بغيظ: نعم هو ايه اللي انتي بتقوليه ده
تقي ببرود : زي ما سمعتي متحطيش ايدك علي جوزي تاني فاهمه
رعد اتفاجأ من رده فعل تقي مكنشي متوقع أنها تعمل كده هو قال كبرها يبان علي وشها لكن تعمل كده وتثبت لميرنا أن رعد ملكها ومينفعشي حد غيرها يقرب منه ويلمسه
ميرنا بصت لرعد بمعني قولها لا دي بنت خالتي وعادي أنها تعمل معايا كده لكن رعد
رعد بخبث : سوري يا ميرنا اصل مراتي بتغير عليه اوي فبلاش تلمسيني تاني خلي الكلام بنا من بعيد افضل
ميرنا بغيظ وقامت وقفت : كده يا رعد ماشي زي ما تحب.....وبصت لتقي بكره وحقد وغيره و تقي بصتلها بنظره انتصار.....ميرنا اتضيقت جدا وبصت لتقي وسابت الاكل ومشيت
تقي بدون وعي ضحكت بصوت عالي وبتقلد ميرنا : ههههههه رعد انا عندي مشكله في الشغل....واكملت بغيره......و رعد يعملك ايه يعني دانتي تنحه اوي
رعد كان بيجاهد ان ضحكته متطلعش لكن مقدرشي يمسك نفسه وضحك بكل قوته : ههههههههههههه
تقي اتحرجت جدا جدا ووشها بقي احمر وبتقول يا ارض انشقي وابلعيني من كتر الكسوف
رعد حب خجلها وتوترها قال بخبث : ايه ده دا مراتي بتغير عليه وانا ماكنتش اعرف
تقي اتلجلجت ومبقتشي قدره تنطق وحست انها لو فضلت مكنها كمان شويه هيغم عليها قامت وقفت وجريت علي اوضه هنا وسطت ضحكات رعد القويه
رعد لنفسه : يخربيت كسوفك وخدودك المحمره دي دانتي هتجننيني بس انا هصبر لاني واثق انك ليه في الاخر
تقي طلعت علي اوضه هنا ودخلت بسرعه وقفلت الباب وراها ووقفت ورا الباب تاخد نفسها بصوت عالي
داده سعاد بخضه : بسم الله الرحمن الرحيم،مالك يا تقي انتي بتنهجي كده ليه هو حد كان بيجري وراكي
تقي راحه وقعدت جنب داده سعاد واخدت نفس طويل : لا لا ابدا مفيش حاجه ياداده
داده سعاد باستغراب وبتبص لتقي اوي : انتي وشك احمر اوي كده ليه في ايه يا بنتي ما تنطقي ميرنا زعلتك في حاجه ولا رعد عملك حاجه
تقي بدءت تهده : مافيش حاجه والله يا داده انا تمام ومحدش عملي حاجه متخافيش عليه...بصت لهنا....هنايا عامله ايه يا حبيبه قلبي...؟
هنا بابتسامه : الحمد لله،تقي انتي هتنامي معايا...؟؟
تقي بحب : اه يا قلبي هنام معاكي وانتي هتنامي في حضني
هنا بفرحه : هيييه....وحضنت تقي....
تاني يوم
