رواية بين القسوة والحب الفصل الحادي عشر11 بقلم دنيا احمد
ـــــــــــــــــــــــــــــــــــــــــــــــــــ
ريم: نامي دلوقتي يحبيبتي وانا جمبك متخفيش
نورا: ماشي
ـــــــــــــــــــــــــــــــــــ
بعد نص ساعه
ـــــــــــــــــــــــــــــــــــــ
ريم: الحمدلله نامت
نورا قامت من النوم مفزوعه و خايفه
ريم: بس الله الرحمن الرحيم في ايه يانورا اهدي يحبيبتي اهدي انا جمبك كان كابوس خدي اشربي شويه مايه
نورا: خليكي جمبي ونبي
ريم: والله انا جمبك متخفيش ده كان كابوس يحبيبي متخفيش
نورا: ياريته كان كدا
ريم: يعني ايه
نورا: مش مهم خليكي فاتحه النور هاا متقفلهوش عشان خاطري
ريم: حاضر يحبيبتي نامي انتي بس و هشغل القرآن دلوقتي عشان تهدي شويه
نورا: ماشي
ـــــــــــــــــــــــــــــــــــ
تاني يوم
ـــــــــــــــــــــــــــــــــــ
حنان: نورا يحبيبتي يلا قومي
نورا اتخضت و قامت مفزوعه
حنان: ايه يحبيبتي اهدي انا امك متخفيش اتفزعتي ليه كدا
نورا: مفيش يماما مفيش
حنان: طيب يلا صحي اختك عشان نفطر و نمشي
نورا: حاضر
ــــــــــــــــــــــــــــــــــــــــ
في اوضه عمر
فاطمه: عمر يلا يحبيبي قوم
عمر: صاحي يا امي
فاطمه: طب يلا يحبيبي
عمر: حاضر...... ياترى بقت عامله ايه دلوقتي يارب تتخطى اللي حصلها يلا ننزل بسرعه عشان اشوفها
ــــــــــــــــــــــــــــــــــــــــ
ريم: نورا تعالى اربطلك ايدك لحد اما نروح لدكتور
نورا: ماشي
ريم: انتي عامله ايه دلوقتي يحبيبتي حسه انك احسن
نورا: لا ياريم مش احسن خالص معرفش هقدر اتخطى اللي حصل ولا لا
ريم: طب احكيلي يحبيبتي انا اختك يعني سرك حصل ايه هناك عملك ايه الحيوان ده
نورا: ريم اسفه بس هبقا احكيلك بعدين بس بلاش دلوقتي
ريم: براحتك يحبيبتي يلا ننزل بقا ولا ايه
نورا: يلا
ــــــــــــــــــــــــــــــــــ
فاطمه: صباح الخير يانورا عامله ايه دلوقتي يحبيبتي
نورا: الحمدلله بخير
عمر: صباح الخير
الجميع: صباح النور
عمر: مالها ايدك يانورا
نورا: مفيش يعمر انا تمام حاجه بسيطه
كمال: متأكده يبنتي
نورا: اه
مريم: طب يلا عشان نفطر
ــــــــــــــــــــــــــــــــــــــــ
عمر فضل باصص علي نورا و مشلش عينه من عليها من وقت مانزل
كارما بغيظ: الف سلامه عليكي
نورا: الله يسلمك
كارما جواها: هي مش حلوه اوي يعني عشان عمر يفضل يبصلها كل ده ما صدقت اني خلصت من واحده تطلع دي في وشي
نورا: الحمدلله كلت ممكن اطلع الجنينه شويه
فاطمه: طبعا يبنتي اتفضلي
عمر: الحمدلله كلت
ــــــــــــــــــــــــــــــــــــــــ
عمر: نورا
نورا: نعم
عمر: هو انتي متأكده ان ايدك تمام
نورا: اه
عمر: نورا متكدبيش
نورا: طيب خلاص الصراحه معرفش بس انا وقعت عليها جامد
عمر: وقعتي ازاي
نورا: بختصار يعني حاولت اهرب من شباك كان موجود هناك بس كان عالي شويه و وقعت علي ايدي جامد بس
عمر: طب تحبي نروح لدكتور
نورا: لا لا مش عايزه
عمر: يبنتي عشان نطمن وبعدين اصلا ده انتي مش عارفه تحركيها خلينا بس نتأكد انها حاجه بسيطه
نورا: طيب يعمر بس مش دلوقتي مش قادره اروح في حتة معلش
عمر: لا النهارده اسمعي الكلام هسيبك دلوقتي تريحي دماغك لحد اما اقولهم جوه و اخدك انتي و ريم و نروح
نورا: طيب روح
عمر: نورا
نورا: نعم يعمر
عمر بتوتر: لا خلاص مفيش حاجه
نورا: ماشي
ــــــــــــــــــــــــــــــــــــــــ
كارما: نورا
نورا: هو كله النهارده معندوش غير نورا خير عايزه ايه من نورا
كارما: ملكيش دعوه بعمر
نورا: مالو عمر مليش دعوه بيه ازاي يعني
كارما: ملكيش دعوه بيه عشان انا و عمر بنحب بعض جدا
نورا: لا حول ولاقوة الابالله يستي وانا مالي
كارما: انا بقولك بس عشان لو فكرتي تقربي منه هتزعلي
نورا ببرود: ما هو انتي لو متأكده انه بيحبك و انه مش هيقدر يبعد عنك مكنتيش جيتي و قولتي الكلام ده بس عموماً يقلبي متخفيش مش هخطف عمر منك مش بحبه اصلا الدور و الباقي عليه شوفيه انتي بقا
كارما: بيحبني و عارفه ده كويس المهم انك تبعدي عننا
نورا: يست اطلعي من دماغي بقا مش ناقصه وجع دماغ يلا اتكلي علي الله
كارما: ماشي
نورا: قال عمر بيحبها قال ده انتي شبه انثى الخنفسه والله عجبتو لك يا زمن ضحكتني وانا مليش نفس اضحك
ـــــــــــــــــــــــــــــــــــــــــــــــ
عمر: عمي معلش تعالى ثواني
كمال: قول يبني
عمر: انت هاخد نورا عشان نطمن علي ايديها و هاخد ريم
كمال: ماشي يبني كتر خيرك
عمر: العفو علي ايه ريم بقولك ايه تعالي معايا
وليد: علي فين
عمر: بعدين يلا ياريم
ريم: ماشي جايه.... في ايه
عمر: هناخد نورا المستشفى نطمن عليها
ريم: طيب
كارما: رايح فين يحبيبي
عمر بضيق: كارما انا اتخنقت مش بحب حد يناديني كدا وبعدين ملكيش فيه
كارما: طب اجي معاك
ريم: جرا ايه يحبيبتي مالك اهدي علي نفسك هنروح المستشفى عايزه تيجي برضو
كارما: اه هاجي عشان خاطري يعمر
عمر: بدأت اتعصب وبعدين انتي ماشيه ورايا ليه ارجعي يلا... نورا يلا نمشي
كارما: نورا؟ يعني انت رايح عشان نورا
عمر: اه واعتقد انه ملكيش فيه يعني اعتقد كدا و اتمنى تختفي من وشي عشان علي اخري
نورا: عمر يلا عشان زهقت من الواقفه
عمر: اه معلش هنركب العربيه علي طول حاضر
كارما بغيظ: ماشي يعمر ماشي
عمر: امشي بقا اوففف..... يلا
نورا: يلا
ــــــــــــــــــــــــــــــــــ
نورا: مش عايزه دكتور يعمر
عمر فهم قصدها: حاضر هخلي دكتوره اللي تكشف عليكي
نورا: شكرا
عمر بإبتسامة: العفو علي ايه
نورا بصت لشباك وسرحت افتكرت اللي حصل فيها امبارح و قد ايه كانت خايفه و افتكرت ازاي من صغرها كانت بتخاف من الضلمه و ده بسبب ابوها
ــــــــــــــــــــــــــــــــ
فلاش باك
ــــــــــــــــــــــــــــــــ
احمد بعصبيه: حنان نورا فين
حنان: في الاوضه بتاعتها في ايه متعصب كدا ليه
احمد: بنتك يختي اتصلت بيا الميس بتاعتها و قالتلي ان الدرجات بتاعتها وحشه و مش بتركز في دروسها و بقت فشله و كانت بتضحك علينا و بتقول جايبه درجات حلوه
حنان: هي بس كانت تعبانه و قصرت شويه بس خافت تقول الدرجات احسن نزعل او حاجه ان شاء الله ترجع زي الاول
احمد: و هو انا هستنى لما تشيل ماده ولا اتنين سبيني بقا انا هخليها ترجع غصب عنها و اربيها علي الكدب ده
حنان: لا لا خلاص عشان خاطري هي لسه صغيره يا احمد انا هكلمها و هتفاهم معاها و هقولها انها كدبت علينا ده غلط معلش
احمد: اوعي بقولك انا هتصرف..... نورا
نورا: نعم يبابا
احمد: ايه الدرجات دي هااا و بقيتي مش بتركزي في دروسك كمان الله الله ايه اللي واخد عقلك يست نورا و كنتي بتخبي علينا صح يعني كدابه كمان
نورا: اسفه يبابا خوفت تزعل مني بس والله هتحسن و هرجع شاطره تاني متخفش
احمد: كدا كدا لازم تبقي كدا والله العظيم خلال اسبوعين لو ملقتش الدرجات اتحسنت هخليكي تسيبي التعليم بس حكاية الكدب دي لازم تتعقبي عليها تعالي
نورا: انا اسفه يبابا مش هعمل كدا تاني انا اسفه خلاص ونبي مش هتتكرر تاني
حنان: احمد خلاص دي صغيره خلاص عشان خاطري
احمد: ششش انتي اللي هتبوظي العيال دي اسكتي انا هربيهم بمعرفتي..... عارفه هعمل فيكي ايه هدخلك الاوضه الضلمه اللي تحت عشان تحرمي بعد كدا تكدبي علينا تاني
نورا: خلاص يبابا مش هكدب تاني خلاص انا اسفه والله
احمد: اسكتي يلا ادخلي
حنان: حرام عليك البت صغيره لسه
احمد: اسكتي انا عارف انا بعمل ايه مفيش ولا اكل ولا مايه لحد اما ارجع بليل مفهوم
نورا بصوت عالي: ماما افتحي الباب يماما الدنيا ضلمه اوي والله مش هعمل كدا تاني عشان خاطري افتحو الباب والله مش هتتكرر تاني عشان خاطري
ــــــــــــــــــــــــــــــــــ
ريم: نورا يا نورا يلا وصلنا
نورا: هاا اه ماشي يلا ننزل
عمر: انتي كويسه
نورا: اه اه كويسه يلا ننزل
عمر: يلا
ـــــــــــــــــــــــــــــــــــــــ
بعد ساعه
ــــــــــــــــــــــــــــــــــــــــ
الدكتوره: عملنا اشعه علي ايديها و طلع عندها تمزق من الدرجه التانيه ده تمزق جزئي في الاربطه محتاجه انها تعمل جبيره هيبقا افضل و اهم حاجه الراحه التامه و بعد 15 يوم تيجي تاني و نشوف ايه الوضع و هديها مُسكن عشان الوجع و كدا و علاج تاني
عمر: تمام اتفضلي اعملي الاحسن ليها
الدكتوره: وهو كذلك
ـــــــــــــــــــــــــــــــــــــــــ
بعد نص ساعه
ــــــــــــــــــــــــــــــــــــــــ
نورا بضيق: مش بحب افضل كدا انا ايه القرف ده هفضل بيها 15 يوم مره واحده
ريم: حقك عليا انا امسحيها فيا
نورا: اتخنقت من دلوقتي وبعدين انت بتضحك علي ايه شيفاك مُبتسم اوي
عمر: انا بضحك فين ده
نورا: ايوه بتضحك
عمر: يلا بس نعدي الطريق احسن نموت كلنا..... اركبي يختي منك ليها اركبي
نورا: تعالو نرجع عايزه اشيلها
ريم: بس يحبيبتي ربنا يهديكي بس
عمر: مش هتفصل من هنا لحد بليل
نورا: ماشي اتريق يخويا انت وهي
عمر: احنا جينا جمبك يست انتي
نورا: سوق وانت ساكت
عمر: لا والله شغال عندك انا صح
ريم: مش هنخلص من الصداع ده
نورا: انا هسكت اهو
ـــــــــــــــــــــــــــــــــــــــــ
بعد نص ساعه
ــــــــــــــــــــــــــــــــــــــــ
عمر: طارق اركن العربيه
طارق: حاضر
عمر: يلا ندخل
نورا: اوكيه
ليلي: ايه ده مالك يانورا
نورا: مفيش حاجه يمرات عمي عندي تمزق في الاربطه حاجه خفيفه متخفيش
حنان: طب انتي كويسه
نورا: اه يحبيبتي كويسه متخفيش
فاطمه: الف سلامه عليكي يبنتي
نورا: الله يسلمك.... عمي هنروح بقا
كمال: اه يحبيبتي يلا
عمر: طب ما تستنو شويه يعني نقعد مع بعض شويه كمان
ليلى: لا يبني كفايه كدا تقلنا عليكو كتر خيركو
عمر: طيب اللي تشوفو حضرتك
كمال: يلا اشوف وشكو بخير
فاطمه: مع السلامه خلي بالكو من نفسكو
ليلى: حاضر سلام
الجميع: سلام
عمر: انا هروح الشركه يلا يشباب عشان نمشي
فاطمه: طيب يبني
ــــــــــــــــــــــــــــــــــــــــ
جه الليل و كله نام ما عدا نورا كانت خايفه تنام احسن تحلم بكوابيس تاني مسكت تليفونها تقلب فيه شويه لاقت عمر بعتلها مسدچ
عمر: صاحيه؟
نورا: اه في حاجه ولا ايه
عمر: لا ابدا مفيش حاجه ايدك عامله ايه دلوقتي
نورا: وجعاني شويه بس الحمدلله يعني
عمر: خدي العلاج اللي الدكتوره قالت عليه و هتخفي بسرعه
نورا: حاضر... صحيح
عمر: ايه
نورا: متنساش تصالح حبيبتك عشان كلمتها وحش اكيد زعلت
عمر: حبيبتي مين
نورا: اصلا هما كتير ولا ايه
عمر: نورا خفي شويه حبيبتي مين دي
نورا: كارما ايه مش عارف حبيبتك كمان
عمر: كارما؟ و حبيبتي في نفس الوقت دي تبقا حبيبتي انا مين اداكي الفكره البشعه دي
نورا: عادي محدش وبعدين انا قولت اقولك عشان حسيت انها زعلت
عمر: ما تزعل يستي اعملها ايه وبعدين هي مش حبيبتي ولا بحبها ولا بحب اسمع سيرتها حتى
نورا: اممم عموما دي حياتك وانت حر مليش حق ادخل فيها انا بس قولت اقولك مش اكتر
عمر: طيب يانورا انا هنام تصبحي على خير
نورا: وانت من اهل الخير
عمر: دي بتغير دي ولا ايه يمكن ليه لا خليها تغير و مالو
ـــــــــــــــــــــــــــــــــــ
نورا: انا قولت برضو ان عمر ميحبش انثى الخنفسه دي .... انا هنام مش قادره يارب محلمش بكابوس يارب
ـــــــــــــــــــــــــــــــــــــــــ
عدا اسبوع نورا بدأت تركز في المذاكره عشان الامتحانات قربت و كل يوم بليل هي و عمر بيتكلمو عمر مسبهاش طول الاسبوع ده و بدأ يحبها اكتر و اكتر و اتعلق بيها بشكل كبير و مش بيعدي يوم غير لما يكلمها و هي كمان نفس الشعور و نورا بدأت تتخطى اللي حصل و الكوابيس قلت بشكل كبير و رجعت زي ما هي و كمال رجع الشركه تاني و كل حاجه كانت طبيعيه
ــــــــــــــــــــــــــــــــــــــــ
ريم: ما تخفي انتي وعمر شويه يختي هو كل يوم ولا ايه انتو مرتبطين يبت
نورا: نو مفيش الكلام ده احنا مجرد صحاب
ريم: صحاب برضو امممم صحاب ماشي يا ام صحاب
نورا: بس بقا عشان بيتصل اسكتي.... ايه يعمر في حاجه
عمر: لا ابدا مفيش بس اعملي حسابك يومين و تروحي لدكتوره عشان تشوف ايه اخبار ايدك
نورا: اوكيه استنى ثواني.... ريم هي ليلي بتنادي
ريم: اه قومي شوفيها عايزه ايه
نورا: خليك معايا دقيقه..... ايه بتزعقي ليه يمرات عمي وهو انا في الشارع يختي
ليلى: بس يبت يلا انزلي ساعديني
نورا: في ايه لامؤاخذه
ليلى: بت انتي معصباني يبت
نورا: الاه ليه بس كدا يا ليلى وبعدين انتي مش شايفه ايدي خلي ريم
ريم: محدش ليه دعوه بريم
نورا: اه يواطيه عايزه ايه ياليلى يروح قلبي
ليلى: خلاص يختي اطلعي مش عايزه من وشك انتي وهي حاجه جتكو القرف
نورا: طب ما انا كنت فوق ما انا كنت فوق يوليه
ليلى: معلش
نورا: حاضر هتمعلش حاضر استغفر الله العظيم..... ايه يبني
عمر: كل ده
نورا: اكيد كنت سامع يعني
عمر: اه سمعت المهم خدي العلاج و متنسيش اللي قولته
نورا: اوكيه
عمر: يلا انا هقفل عشان رايح الشركه باي
نورا: باي
ريم: كان عايز ايه عم الحبيب
نورا: بيطمن عليا
ريم: نينينينني
نورا: بس يبت ملكيش دعوه بينا
ريم: سكت اهو قومي بقا كملي مذاكره
نورا: اوكيه... صحيح هي رنا فين مشوفتهاش من الصبح
ريم: في الكليه
نورا: اوكيه
ـــــــــــــــــــــــــــــــــــــــــ
رنا: يا اهل الدار انا جيت
حنان: اهلا يحبيبتي نورتي
رنا: الله يخليكي عيالك فين
حنان: فوق
رنا: اوكيه هطلع اشوفهم
حنان: ماشي
رنا: يخواتشيي
نورا: ادخلي يعروسه
رنا: الله يسترك سمعتو اخر خبر
ريم: ايه قولي
رنا: احم الخطوبه الاسبوع اللي جاي
نورا: يااااهههه يجدع اخيرا
ريم: اديلو ادي هنلبس فستان و ميكب و ايوه بقا
رنا: مبسوطه اوي اوي اوي
نورا: وانا كمان اتبسط اوي
ريم: احم طب عايزه اقولكو حاجه كدا
رنا: ايه قولي قولي
ريم: طيب طيب هقول وليد
نورا: مالو
ريم: طلع بيحبني و عايز يتقدم هو كمان
رنا: احلفي بالله
ريم: اقسم بالله
نورا: علي الله يلا انا موافقه عشان الواد ده رجوله و توب التوب والله
ريم: ايوه عارفه عارفه حبيب قلبي ده
نورا: يععع هنبدأ تلزيق يبقا رنا من ناحية و ست ريم من ناحية تانيه
رنا: بلاش انتي
نورا: مالي يحبيبتي وبعدين يست هو مش بيحبني اصلا و هو بيتعامل معايا زي مريم و ملك بس مش اكتر يعني
ريم: طب مش يمكن بيحبك
نورا: نوو لو بيحبني كان قال بس عادي يعني هو اخويا الكبير وانا اخته الصغيره فا عادي اتس اوكيه
رنا: يعني انتي مش بتحبيه
نورا: لا مش بحبه
ريم: ربنا هيعوضك متخفيش
نورا: عادي والله انا مش زعلانه ما انا عارفه من بدري ان عمر مش بيحبني و عارفه انه بيعتبرني اخته بس.... انا هدخل الحمام وجايه
رنا: بتحبه علي فكره
ريم: عارفه للاسف
رنا: ربنا يريح قلبها
ريم: يارب
ـــــــــــــــــــــــــــــــــــ
كمال: ميرنا انا خلاص مش قادر هروح البيت
ميرنا: تمام يفندم
ـــــــــــــــــــــــــــــــــــــــــ
تليفون كمال بيرن
كمال: قول يا اشرف في حاجه
اشرف: الصراحه اه وليد هرب
كمال بعصبيه: ازاي هرب منكو اغبيه اقسم بالله شويه اغبيه اقفل يزفت انت... يارب كل اما نطلع من مصيبة ندخل مصيبه تانيه استغفر الله العظيم
ـــــــــــــــــــــــــــــــــــــــــ
ريم: خدتي دش يختي
نورا: ايوه
رنا: عمر خرب التليفون خالص مش مبطل رن
نورا: حد رد عليه
ريم: اه انا قولتله انك بتاخدي دش لما تخلص هتكلمك كلميه بقا
نورا: لا سبيه مش قادره
رنا: ليه هو عمل حاجه
نورا: لا معملش
ريم: اومال ايه
نورا: ولا حاجه
رنا: اهو بيرن تاني خدي ردي عليه يمكن حاجه مهمه
نورا: ايه يعمر
عمر : مش بتردي عليا ليه
نورا: سوري اصل كنت في الحمام زي ما ريم قالت
عمر: طيب يا نورا
نورا: في حاجه ولا ايه
عمر: لا خلاص مفيش وبعدين حسك بتتكلمي ببرود
نورا: لا عادي مفيش حاجه بس اهتمامك بيا زاد اوي الفتره دي اتصالات و كل شويه تطمن عليا حاجه غريبه صح
عمر ببرود: لا عادي هو مش احنا اخوات
نورا: امم صح اخوات بس الاخوات مش بيعملو كدا
عمر: معلش انا بعمل كدا استنى خليكي معايا
نورا: طيب يعمر
عمر: نعم يا امي مين دي اللي اخرجها مش فاضي
رنا بصوت واطي: في ايه
نورا: شكله بيتخانق مع مامته استني
عمر: ماشي خليها تخلص خلينا نخلص.... ايه يا نورا
نورا: بتتخانق مع طنط ليه
عمر بخبث: مفيش اصل ست كارما عايزه تخرج تجيب حاجات
نورا: اه وبعدين ما تاخد سواق و تروح
عمر: امي قالتلي روح معاها وانا مش عايز ازعل امي فا هروح مضطر
نورا بغيظ: مضطر اههه طيب تتهنى بالخروجه
عمر: شكرا يلا سلام عشان كارما جت
نورا: سلام يخويا
ريم: في ايه
نورا: خارج هو و كارما
رنا: وانتي اضايقتي كدا
نورا: انا لا و هضايق ليه يختي ان شاء الله بس بس اسكتو
ـــــــــــــــــــــــــــــــــــــــــ
عمر: علي فكره كان ممكن تاخدي السواق و تروحي انا مش فاضي لشغل ده
كارما: لا وبعدين يعني نتسلى مع بعض
عمر بعصبيه: انا مش عايز اتزفت يستي بقولك انزلي انا مش فاضي
كارما: بقا كدا يعمر والله لقول لطنط
عمر: انا محدش يهددني ياكارما اعملي اللي تعمليه و بحذرك ابعدي عني بدل ما تزعلي ماشي يلا انزلي
كارما: ماشي يعمر بس مترجعش تزعل في الاخر و تندم
عمر: انا مش بندم علي حاجه انا بعملها
كارما: ماشي
عمر: هي ناقصه قرفك انتي كمان
ـــــــــــــــــــــــــــــــــــــــــ
كمال بعصبيه: ازاي يحصل كدا يشويه بهايم
اشرف: اسفين يا كمال بيه
كمال: انتو رجاله انتو الواد ده يتجاب حالاً يلا غوروا من وشي..... نورا لازم متعرفش ربنا يسترها
ـــــــــــــــــــــــــــــــــــ
نورا: بت يا ريم انا زهقت
ريم: وانا كمان
نورا: امتى يبت كدا نخلص من تالته ثانوي كدا يااااه حلم انما ايه جميل اوي
ريم: يارب نخلص منها علي خير
نورا: يارب احنا غلابه والله احنا عبط اصلا يارب طلعنا منها علي خير يارب
ريم: يارب يختي
رنا فتحت الباب مره واحده
رنا: اخواتشي تالته ثانوي مزنوقين زنقه الكلاب صح
نورا: للاسف اه بس حساكي شمتانه يبت
رنا: انا اخس عليكي يبنت عمي يجميله ده انا جايه اساعد حتى
ريم بقرف: متشكرين حضرتك مش عايزين ساعدي نفسك الاول يختي
رنا: طب تصدقي يبت منك ليها انا غلطانه اني عايزه اساعد جتك القرف انتي و هي
نورا: خلصتي قولتي القصيده بتاعت كل يوم يلا اطلعي بره بقا و حاولي تغيري منها عشان زهقنا
ريم: ياريت يلا بقا يارنا يحبيبتي علي بره روحي كلمي يوسف يلا
رنا بقرف: قرف في اشكالكو انا ماشيه ياكي عليكو
نورا: شكرا يلا اقفلي الباب
ريم: بت يانورا انا حسه اننا نسينا حد
نورا: مين
ريم: ياسمين يبت يخربيتنا
نورا: يخرابي بس واطيه ولا اتصلت بينا ولا حاجه
ريم: تعالي نتصل نشتمها
نورا: اوكيه اتصلي يلا
ريم: الو
ياسمين: اخيرا يكلاب عبرتوني
نورا: احنا برضو يواطيه ولا مره رنيتي اديني الو وهرن عليكي انا يمعفنه
ياسمين: حقكو عليا غصب عني والله كان عندي مشاكل كتيره اوي
ريم: مشاكل ايه دي اللي تمنعك تكلمينا معلش
ياسمين: بعدين بعدين مش مهم انا دلوقتي انتو عاملين ايه
ريم: اهو الحمدلله بخير
نورا: يعني كويسين
ياسمين: انا عايزاكو تحكولي كل حاجه من وقت ما مشيتو لحد دلوقتي
نورا: هنحكيلك ايه ولا ايه
ياسمين: بعد الامتحانات هاجي القاهره يعني قولي شهرين او اقل هتلاقوني عندكو
ريم: احلفي
ياسمين: اه والله هاجي و نحكي كل حاجه لبعض بس معلش يحبايبي هقفل دلوقتي و هرن عليكو وقت تاني عشان داخله درس
نورا: اوكيه يحبيبي خلي بالك من نفسك سلام
ياسمين: سلام
ريم: ياترى حصل ايه عشان طول الفتره دي متكلمناش
نورا: الله اعلم بظروفها ربنا معاها
ريم: يارب
ـــــــــــــــــــــــــــــــــــ
ايهاب: اخيرا هربت منه ماشي يا نورا بقا انا تعملي فيا كدا ماشي سهله سهله و شكلك حبيتي جديد نظبط الفيديوهات و الصور اللي معايا تاني و نلاقي حبيب القلب يمكن يدينا فلوس نسترزق بس المره دي لازم فلوس كتيره اوي عشان اوريلو الحاجات اللي حبيبته عملتها
ــــــــــــــــــــــــــــــــــــــــ
ليلى: انت جيت يحبيبي يلا اطلع كدا غير هدوك و انزل عشان الغدا
كمال: حاضر يحبيبتي
ـــــــــــــــــــــــــــــــــــــــــ
بعد الغدا
ــــــــــــــــــــــــــــــــــــــــ
كمال: عامله ايه يا نورا بقيتي احسن يبنتي
نورا: اه يعمي الحمدلله
رنا: بابا مش هتقولهم بقا
كمال: اه صح يوسف اتصل وعايز الخطوبه تكون الاسبوع اللي جي
حنان: الف مبروك يارنا يبنتي
ليلى: مبروك يحبيبتي الف مبروك
رنا: الله يبارك فيكو كلكو يحبايب قلبي
ليلي: بما اننا اخر الاسبوع خلاص يعني لازم ننزل نختار الشبكه و الفستان
كمال: ايوه بكره هننزل علي اخر النهار كدا
نورا: اههه اخيرا فرح في العيله دي
رنا: و مش أي فرح يا اختشي معلش
ريم: ايوه طبعا
حنان: عقبالكو انتو كمان
نورا: مش لما نطلع من تالته الاول يماما لسه بدري اوي اوي
كمال: خلاص هانت وهتخلصوا منها خلاص
ريم: يارب يعمي عشان خلاص بجد اتخنقنا
رنا: يلا يبت انتشي وهي ندلع نفسنا ونهتم بالبشره الخربانه دي بقا و حركات و اديلو ادي اه عندنا فرح بعد كام يوم يلا
نورا: يلا يبت محدش واخد منها حاجه
ريم: استنوني يعيال
ـــــــــــــــــــــــــــــــــــــــــ
رنا: ياااه علي الراحه و الاسترخاء
نورا: اهم حاجه الدلع
رنا: ريم بت ياريم
نورا: الحقي دي نامت
رنا: دي بتنام في أي حتة و في أي وضع يخربيتها
نورا بصوت عالي: ريمممم قوميييي
ريم: بس بقا بس بقا خرمتي ودني ايهههه معرفش انام خمس دقايق علي بعض عايزين ايه من زفته
رنا: انتي نمتي ازاي و البتاع ده علي وشك
ريم: عادي و فيها ايه بس بس اسكتو مش عايزه صداع
نورا: سيبك منها دي علي الله
ريم: شوفي نفسك الاول يختي وبعدين اتكلمي
نورا: مش هتعصب ولا هعمل حاجه لاني مش قادره الصراحه
رنا: سيبك سيبك
ريم: مش هنشيل البتاع ده بقا ولا ايه زهقت
نورا: ممكن تسكتي
ريم: ماشي سكت
ـــــــــــــــــــــــــــــــــــ
عمر: روان ابعتي ليوسف و وليد عايزهم
ـــــــــــــــــــــــــــــــــــ
يوسف: ايه يعمر في ايه
عمر: انا رسمت و دول اللي طلعو شوفو
وليد: هات
يوسف: من غير كلام تحفه يعمر
عمر: طب الحمدلله
وليد: الراجل الايطالي ده مش فاكر اسمه ايه هيجي خلال يومين و اول لما ينزل مصر عايز يشوفك عشان التصاميم الجديده
عمر: تمام ماشي وقت اما يجي قولي وانا هشوفه
يوسف: طيب اعملو حسابكو اننا بكره هننزل عشان نجيب الدهب و الحاجات دي
وليد: تمام ماشي علي امتى
يوسف: علي اخر النهار كدا
عمر: ماشي يلا نمشي بقا كفايه النهارده
وليد: عمر و نمشي و كفايه النهارده دي معجزه الصراحه
عمر: طب يلا يخفه قدامي يلا
ـــــــــــــــــــــــــــــــــــــــــــــــ
نورا: خلاص تعبت عايزه انام كفايه النهارده نكمل بكره بقا
رنا: وانا كمان تعبت يلا بيتك بيتك بقا
ريم: طيب يختي
ــــــــــــــــــــــــــــــــــــــــ
تاني يوم
ـــــــــــــــــــــــــــــــــــــــــ
*بعد الفطار*
كمال: يلا انا هروح الشركه و هاجي علي طول
ليلي: طيب يحبيبي ربنا معاك
كمال: يارب
ريم: تعالى يانورا نذاكر شويه لحد اما نيجي ننزل
نورا: اوكيه يلا
ـــــــــــــــــــــــــــــــــ
بعد اربع ساعات
ـــــــــــــــــــــــــــــــــــ
رنا: بت انتي وهي يلا قوموا كفايه مذاكره الناس قربت تيجي
نورا: اوكيه هنقوم اهو
رنا: في السريع
ريم: بت الحج جه
رنا: اه جه بيلبس يلا بقا
ــــــــــــــــــــــــــــــــــــــــ
بعد ساعه
ــــــــــــــــــــــــــــــــــــــــ
نورا: شباب احنا خلصنا هما فين الناس
حنان: اهم وصلو
بعد ما كلهم سلمو علي بعض
فاطمه: يلا بينا نروح و بعد اما نخلص نتغدا سوا عندنا و مش عايزين اعتراض
ليلى: خلاص اتفقنا مفيش اعتراض
عمر كان باصص لنورا وهي كل شويه تبلصه بقرف وهو مبسوط لانه عارف السبب
يوسف: طب يلا بينا ولا ايه
كمال: يلا
ـــــــــــــــــــــــــــــــــــ
بعد ساعه
ـــــــــــــــــــــــــــــــــــ
عمر: ده احسن مكان بنشترى منه لو معجبهاش حاجه نروح عند حد تاني عادي
رنا: اوكيه
ــــــــــــــــــــــــــــــــــــــــ
خلاص رنا اختارت اكتر حاجه عجبتها و زغرطو كلهم
يوسف: مبروك عليكي يحبيبتي
رنا: الله يبارك فيك يحبيبي
فاطمه: مبروك يحبايبي
رنا: الله يبارك في حضرتك
نورا بصوت واطي: عقبالك انت و كارما
عمر بإستفزاز: شكرا
نورا: العفو يخويا
كارما كانت متغاظه لان عمر كان بيتكلم مع نورا و بيضحك و معاها بيعاملها زي الزفت
فاطمه: يلا بينا
كمال: يلا
ـــــــــــــــــــــــــــــــــــ
بعد نص ساعه
ـــــــــــــــــــــــــــــــــــ
فاطمه: اتفضلو
كارما: طنط انا هطلع فوق و هنزل تاني
نورا بصوت واطي: احسن برضو
فاطمه: طيب انزلي علي طول
كارما حاضر
ــــــــــــــــــــــــــــــــــــــــ
في اوضه كارما
تليفونها بيرن
كارما: الو
شخص مجهول: الو
كارما: مين معايا
شخص مجهول: لازم تنسيني طبعا ما عدا كتير اوي علي اخر معاد بيني و بينك طب معقول نسيتي صوتي
كارما: هو انت خير عايز ايه تاني
شخص مجهول: عرفت انك رجعتي مصر تاني و الصراحه الفلوس اللي خدتها منك خلصت و عايز تاني او
كارما: او ايه هتعمل ايه يعني
شخص مجهول: او هقول لعمر بيه كل حاجه انتي عملتيها و التزوير اللي عملتيه هاا تحبي انهي
كارما: اياك اياك تقول لعمر انت فاهم انا هتصرف و هبعتلك فلوس
شخص مجهول: شكرا يحبي سرك في بير باي باي
كارما: ظهرتلي منين انت كمان ياريتني كنت قتلته هو كمان و يبقا ضربت عصفورين بحجر واحد انا اللي غبيه
ـــــــــــــــــــــــــــــــــــــــــــــــــــ
وبس بكدا بارت النهارده يكون خلص و اسفه علي التأخير ده كله بس كنت تعبانه الفتره اللي فاتت
