رواية بين القسوة والحب الفصل الثاني عشر12 بقلم دنيا احمد
«البارت الثاني عشر»
كارما: كدا لازم نشوفه و نديلو الفلوس بس هاخد الفلوس منين نعرف بس المبلغ وبعدين نشوف
ــــــــــــــــــــــــــــــــــ
كمال: انا تمام بس الاحسن الجمعه لاني انت فاهم معظم الناس اجازتها الجمعه بس برضو الرأي رأيكو انتو ملناش دخل
رنا: خلاص يا يوسف الجمعه احسن فعلا
يوسف: خلاص يحبيبتي يبقا الجمعه تحبو ننزل امتى عشان نشوف قاعه كويسه
رنا: بعد بكره حلو
الجميع: حلو
يوسف: خلاص يبقا بعد بكره ننزل و نشوف
مريم: ماما الاكل جاهز
فاطمه: طب يلا يجماعه اتفضلو..... حد فيكو يطلع ينادي كارما
نورا: هطلع انا
فاطمه: طيب يحبيبتي
نورا: ياترى انهي اوضه يمكن دي
نورا خبطت علي الباب
نورا: كارما انتي هنا
كارما: اه في حاجه
نورا: طنط بتقولك يلا انزلي عشان الاكل
كارما: طيب نازله
نورا: ماشي.... هكون عايزه منك ايه يا انثى الخنفسه انتي قرف في شكلك
فاطمه: اومال هي فين يانورا
نورا: هتنزل ورايا يطنط
يوسف بصوت واطي: يارب ما تنزل خالص او تقع من علي السلم ايهما اقرب
وليد بصوت واطي: يسمع منك ربنا عشان نخلص منها و نرتاح
يوسف: اسكت يفالح اهي نزلت زي القرد مفهاش حاجه
وليد: اكيد هنخلص منها في يوم من الايام عشان ربنا لو مخدهاش انا هقتلها
يوسف: اسكت احسن تسمع و تعملنا حوار مش ناقصه وجع دماغ
وليد: هسكت اهو
كارما بتنعم صوتها عشان عمر: سوري اوي اوي يجماعه اتأخرت عليكو
ملك: هو انا ممكن اسألك سؤال
كارما: قولي يحبيبتي
ملك بقرف: انتشي بتتكلمي كدا ليه
كارما: انا بتكلم عادي يعني
نورا: جدا علي فكره
عمر: خلاص يجدعان اتفضلو كملو اكل و كارما حاولي تتكلمي طبيعي شويه
كارما: بجد والله يعمر ماشي هسكت
يوسف بصوت واطي: يبقا احسن والله العظيم
كارما جواها: بقا بتعمل كل ده عشان خاطر نورا فاكر اني مش ملاحظه انك كل شويه تبصلها و تضحك ده انت عمرك ماضحكت في وشي ولا حتى بالغلط شكلي هبدأ اخلص علي حد تاني ماشي يا نورا انا هوريكي مين هي كارما
ــــــــــــــــــــــــــــــــــــــــ
*بعد الاكل*
عمر: نورا ممكن اسألك سؤال
نورا: اممم اتفضل
عمر: انتي مش بتطولي ليه
ملك: الله الخناقه هتبدأ بالله عليكو محد يدخل سبونا نتفرج
نورا: تعرف مش هرد عليك ليه
عمر: ليه
نورا: عشان ردي هيزعلك يقلبي فا علي ايه
عمر: طب حاولي تلعبي أي حاجة اللي بتخليكي تطولي دي
حنان: والله يبني لعبت بس مفيش فايده
نورا: الله الله انتو كلكو اتفاقتو عليا بقا بقولك ايه يعم عمر خليك في حالك يابا و انا في حالي خلصانه
عمر بإستفزاز: تؤ مش عجبني الاقتراح ده معجبنيش
نورا: طنط انتي محتاجه ابنك ده في حاجه
وليد جه من ورا عمر و قال بهمس: اقتليه مش عايزينو
يوسف: عمر وليد بيقولها اقتليه مش عايزينو
عمر: عارف ما هو مترباش بس كله هيطلع علي دماغه في الشركه الصبر جميل
وليد: ليه بس يعمر يحبيبي ده انت اخويا برضو تصدق كلام الواطي ده
رنا: لا قال خطيبي مش واطي ياكي عليك
يوسف: المال الحلال اهو ام العيال
رنا: عيب عليك اختك تسد في أي حاجة
يوسف: اختك؟ اختي ازاي يعني
كمال: لا انتو صداع بجد الواحد بيقول خلاص كبروا و عقلو لكن كله كدب انا هاخد الناس دي و نتكلم في أي حاجه غير الخناقات دي
فاطمه: والله العظيم عندك حق
نورا: شوفت كله بسببك
عمر: اه ملكيش دعوه
نورا: انتو بجد بتستحملو التلاجه ده ازاي بجد بجد تلاجه ماشيه علي الارض
مريم: اخونا الكبير بقا
كارما: والله هو مش بارد بس بيضطر يتعامل معاكي كدا بسبب اسلوبك
نورا ببرود: مطلبتش رأيك في اسلوبي والله وانا و عمر دي طريقتنا مع بعض من بدري
كارما: والله انا بقولك هو بيتعامل معاكي كدا ليه اصل عمر ابن عمي فا عارفاه اكتر منك بكتير يعني
نورا: والله ده اسلوبي و هو لحد دلوقتي مضايقش مني بس فا اتس اوكيه يعني ولا انت مضايق يعمر
عمر:لا مش مضايق
كارما: اممم طيب
نورا بصوت واطي: بقا انثى الخنفسه تنصحني انا دي عبيطه دي ولا ايه
مريم: ايه رأيكو نلعب
ريم: نلعب ايه
ملك: صراحه طبعا
وليد: حلو ده
كارما: مش هلعب
يوسف: اوكيه براحتك اتفرجي علينا
عمر: لا طبعا مش هلعب انا الحاجات دي
نورا: لا هتلعب والله هتبقا حلوه
عمر: لا
مريم: عشان خاطري
عمر: طيب طيب خلاص
ملك: هقوم اجيب حاجه عشان نلفها
رنا: بسرعه قبل ما عمر يغير رأيه
ملك: عيب عليكي جبتها اهو يلا اناهلفها....نورا هتسأل يوسف
نورا: حبيت رنا امتى
يوسف: اول مره شوفتها فيها لما كانت في المكتب عند عمي
نورا لفت الإزازه
نورا: ملك هتسأل عمر
ملك: مش ناوي تنسى
عمر: لا مش ناوي
نورا مفهمتش حاجه بس قالت اكيد حاجه عاديه يعني
ملك: عمر هيسأل نورا
عمر: اول مره حبيتي كان امتى
نورا: ينفع مجاوبش
وليد: لا مينفعش لازم
نورا: مش فاكره اوي بس كان من اربع شهور او حاجه من فتره كبيره
عمر جواه: يعني من قبل ما نشوف بعض اصلا
مريم: اتفضل يا اخ وليد اسألني
وليد: مش عارف اسألك ايه عارف عنكو كل حاجه يخربيتكو
ريم بغيظ: بما ان عارف كل حاجه يبقا نلف ونشوف دور مين.... عمر هيسأل نورا تاني
عمر: لسه مع بعض
نورا بضيق: لا انفصلنا
كله سأل بعضه و جه الدور علي ان عمر يسأل نورا تاني
نورا: ياربي كل مره عايزه اسألك بقا
عمر: معلش معلش المهم انفصلتو ليه ايه هو السبب
كله استغرب ليه عمر مركز اوي علي ارتباط نورا كدا
نورا بتوتر: طب انا مش عاوزه اجواب معلش
وليد: يستي جوبي و خلاص قولي الموضوع بختصار
نورا: عادي يعني مكنش في تفاهم بس و بعدها يعني انفصلنا بس ده كل الموضوع
ريم: خلاص يجماعه تعالو نلعب لعبه تانيه عندكو كوتشينه هنا
يوسف: اه تقريبا
عمر: اطلعي يمريم هاتيها من الاوضه بتاعتي
مريم: اوكيه
ــــــــــــــــــــــــــــــــــ
وليد: مش هتلعبي معانا يا كارما
كارما: لامش بحب شغل الاطفال ده
نورا: احنا اطفال و بنحب العاب الاطفال اتفرجي علينا و انتي ساكته بقا
كارما بصتلها بقرف و سكتت
مريم: جبتها هتلعبو ايه
رنا: الشايب
نورا: لا لا احكام و كدا نو يحبيبتي
عمر: تصدقي بقا لهنلعبها هاتي يمريم
نورا: ياكي عليك
عمر: متشكر... طبعا كلنا عارفين اللعبه مش محتاج حد يشرحها يلا نبدأ
يوسف: نورا هتسحب من عمر و عمر من وليد و وليد مني وانا من رنا و رنا من مريم و مريم من ملك و ملك من ريم و هكذا يلا
عمر: اوكيه يلا
نورا جواها: يارب يسحب الشايب يارب يسحبه
عمر: اسحبي يختي
نورا: طيب
ــــــــــــــــــــــــــــــــــ
حنان: شايفين بيلعبو ايه ما تيجو نتفرج و نضحك شويه
ليلى: اه تعالو يلا
كمال: طيب
ــــــــــــــــــــــــــــــــــــــــ
نورا: ايه يحج اللي جابك مش احنا صداع برضو
كمال: بس يبت العبي و انتي ساكته خلينا نتفرج
نورا: اسحب يعمر
عمر: كدا انا خلصت الورق بتاعي
نورا: لا بقا لا متهزروش مش كل مره
يوسف: اهو لف لف و جالك في الاخر
نورا: ده ظلم والله مش كل مره لا انتو حد فيكو غش مش عدل
كلهم فضلو يضحكو عليها
نورا: اضحكو اضحكو يلا كل واحد يسحب ورقه و اللي هيقولي هاتي بقا كوبايه مايه اطلعي السلم و شغل سته ابتدائي ده مش عايزاه
عمر: طلع خمس احكام
يوسف: اتنين
رنا: تلاته
وليد: اربعه
ملك: واحد
مريم: اتنين
ريم: اربعه
نورا: ما شاءالله يحبايبي ايه كل ده انا هنسحب
فاطمه: مينفعش
نورا: يطنط اقفي معايا انتي مش شايفه الارقام و ابنك لوحده خمسه دي مصيبه في حد ذاتها خمسه ليه يعني
كمال: نصيبك بقا
نورا: هااا اتفضلو
عمر: انا اخر واحد اصل الاحكام كتيره
يوسف: عفوت عنك الصراحه كفايه عمر عليكي يبنتي
نورا: اقسم بالله انت رجوله و زوج صالح للبت رنا
رنا: صعبتي عليا عفوت عنك
نورا: ايه الجمال ده
ريم: انا بقا عايزاكي تخرجيني بعد الامتحانات علي طول
نورا: طلب سهل الحمدلله اللي بعده
وليد: ممكن بعدين لاني مش عارف
نورا: اخويا التوب والله
ملك و مريم: عفونا عنك
عمر: تؤ تؤ متبصليش احكامك موجوده زي ما هي
نورا بقرف: اطلب افندم
عمر: هطلب منك ايه هطلب منك ايه ياترى روحي هتيلي كوبايه مايه بس الاول اكون فكرت
نورا: و مالو حاضر يارب نخلص بس...... اتفضل اطفح
عمر: اطفح؟ ماشي هعديها بمزاجي
نورا: وانت كريم اوي ما شاء الله عليك
عمر: عارفه يانورا مش هحكم عليكي دلوقتي لان مش في دماغي حاجه فا حرام اضيعهم في هبل هخليهم بعدين
نورا: كتر خيرك جي علي نفسك
عمر: عشان تعرفي بس اني طيب
نورا: طيب جدا طيب اوي الصراحه
كارما جواها: بجد دمها سم انا متأكده ان عمر بدأ ينسى داليا و بدأ يحب نورا وانا لازم اتصرف لازم انا اللي اكون قدامه و يحبني انا مش هي لازم افكر بسرعه اخلي عمر يكره نورا ازاي لازم في اسرع وقت
نورا: عن اذنك هرد علي التليفون
كمال: طيب يحبيبتي خلصي عشان نمشي
نورا: حاضر..... الو ايه يا ياسمين
ياسمين: ايه يحبيبتي عامله ايه
نورا: الحمدلله انتي اخبارك ايه
ياسمين: الحمدلله بقولك ايه يا نورا عايزه اسألك علي حاجه
نورا: ايه يحبيبتي قولي
ياسمين: ايهاب اختفى من البلد من فتره كدا هو محاولش يكلمك او حاجه
نورا: اه هو هنا في القاهرة و من وقت ما نزل و هو مستلمني هبقا احكيلك الحوار ده بعدين بس المهم بتسألي ليه
ياسمين: ابدا انا قولت اقولك عشان لو مش عارفه تكوني عامله حسابك انه مش هنا بس
نورا: لا يحبيبي عارفه انه هنا بصي هكلمك بعدين لاني بره دلوقتي
ياسمين: طيب يا نورا خلي بالك من نفسك سلام
نورا: سلام
كمال: مين يا نورا
نورا: دي ياسمين يعمي صحبتي من البلد
كمال: طيب يلا نستأذن احنا بقا
فاطمه: طب خليكو شويه
ليلى: ان شاء الله مره تانيه الدنيا بقت ليل خلاص
فاطمه: طيب براحتكم
ـــــــــــــــــــــــــــ
بعد ساعه
ــــــــــــــــــــــــــ
كمال: انا هطلع عشر دقايق بره كدا و جايه
ليلى: في حاجه ولا ايه
كمال: لا اطمن بس الدنيا امان لما كنا بره و كدا يعني
ليلى: طيب يحبيبي
ــــــــــــــــــــــــــــــــــــ
كمال: اشرف تعالى دقيقه
اشرف: ايوه يباشا
كمال: هو فين
اشرف بتوتر: والله يباشا احنا قلبنا عليه الدنيا لحد دلوقتي منعرفش
كمال بعصبيه: يعني ايه متعرفش فص ملح و داب انا عايز الواد ده ضروري انت فاهم اتصرف و لو جبته هديك هديه كبيره
اشرف: حاضر يباشا
كمال: يلا روح..... ربنا يعدي الايام دي علي خير
ـــــــــــــــــــــــــــ
تاني يوم
ـــــــــــــــــــــــــ
كمال: الحمدلله انا كلت النهارده ممكن اجي متأخر شويه نورا يحبيبتي معلش بعد العصر كدا روح لعمر الشركه هيديكي شوية ورق لو سمحتي هاتيهم
نورا: حاضر يعمي اجبهملك عندك في الشركه
كمال: لا لا حطيها علي المكتب جوه
نورا: حاضر
كمال: يلا سلام
الجميع: سلام
ـــــــــــــــــــــــــــــــــــ
عمر: يلا بقا ولا ايه
وليد: يلا يخويا يلا ربنا يتوب علينا
عمر: بتقول حاجه
وليد: لا خالص متكلمتش اصلا
عمر: بحسب.... انت يعم الحبيب
يوسف: عايز ايه
عمر: مش وقت رنا عندنا شغل يلا
يوسف: اوفف فصلتني يعم كان يوم نحس لما اشتغلت في ام الشركه دي
عمر: امشي و انت ساكت
يوسف: سكت اهو
ــــــــــــــــــــــــــــــــــــــــ
كارما: طنط هو انا ينفع اتمشى شويه
فاطمه: هتروحي فين يعني
كارما: ممكن الكورنيش بس متخفيش هاخد السواق معايا
فاطمه: طيب متتأخريش
كارما: اوكيه
ــــــــــــــــــــــــــــ
بعد ساعه
ـــــــــــــــــــــــــــ
كارما: هو ده الكورنيش
السواق: ايوه يهانم هو ده تحبي تنزلي هنا
كارما: ايوه ايوه ويلا بقا شوفي هتودي العربيه دي فين
ايهاب: هنلاقي فين عم عمر ده كمان ايوه صح ده انا لسه معايا اسم اكونت الفيس بتاع نورا و اكيد عمها موجود عندها و بما ان عمر ده كان موجود عندهم فا اكيد عند عمها علي الفيس اما نشوف كدا
كارما: انت يا انت في حد جمبك
ايهاب: يلا يستي مفيش اتفضلي
كارما: طيب
كارما بصت في تليفونه جالها فضول تعرف بيشوف ايه لاقت انه دخل علي اكونت نورا
كارما بإستغراب: معلش هو انت تعرفها
ايهاب: هي مين
كارما: اللي انت دخلت الاكونت بتاعها
ايهاب: معلش وانتي مالك
كارما: طب عشان بس اتأكد البنت دي يعني لو تعرفها تعرف اسم عمها
ايهاب: اه اسمه كمال تقريبا
كارما: البنت دي انا عارفاها انت عايزها
ايهاب: لا ميخصكيش
كارما: طب انت بتدور عندها علي حد معين قولي يمكن افيدك
ايهاب: بدور علي واحد اسمه عمر تعرفيه بقا
كارما: عمر الرشيدي صح
ايهاب: معرفش اسمه بالكامل كل اللي اعرفه انه يعرف كمال ده ويعرف نورا
كارما بخبث: عمر يبقا ابن عمي عايز منه ايه
ايهاب: وصليني ليه طيب
كارما: قولي عايز منه ايه و انا هقولك مكانه فين
ايهاب: موضوع بخصوص نورا عايز اوريلو حاجه عنها
كارما: حاجه وحشه
ايهاب: اه
كارما: شكلك مش بتحبها زيي بص ايه رأيك توريني الحاجه دي و هقولك تعمل ايه بظبط و تروح لعمر فين
ايهاب: موافق يقمر اسمك ايه بقا
كارما: اسمي كارما وانت
ايهاب: عاشت الاسامي اسمي ايهاب
كارما: تعالر نروح في حته تانيه غير دي و اشوف بقا انا الحاجه بتاعت نورا
ايهاب: موافق اتفضلي معايا
ـــــــــــــــــــــــــــــــــــ
بعد ساعه
ــــــــــــــــــــــــــــــــــ
كارما: بص بما اني مش بحبها بس هي متعملش كدا انت اللي عامل الحاجات دي صح
ايهاب: الصراحه اه
كارما: مش مهم المهم انه باين انه حقيقي بص بقا هقولك علي مكان الشركه و تروح و تحكيله كل اللي انت قولته ده بظبط و تخليه يشوف بقا
ايهاب: وهو كذلك
كارما: خلينا نخلص منها بقا
ــــــــــــــــــــــــــــــــــــــــ
*بعد العصر*
نورا: ماما انا هروح الشركه
حنان: طيب متتأخريش
نورا: حاضر
ـــــــــــــــــــــــــــــــــــــــــ
ايهاب وصل الشركه و بيدور فين مكتب عمر
روان: في حاجه يفندم
ايهاب: اه هو فين مكتب عمر باشا
روان: نقوله مين
ايهاب: قوليلو حد عايزك في حاجه مهم جدا هيكشفلك كل حاجه
روان إستغراب: طيب..... عمر بيه حد بره عايز حضرتك
عمر: مين
روان: مش عارفه والله يفندم بس بيقول انه عايزك في حاجه مهمه و هيكشفلك كل حاجه
عمر بإستغراب: طب دخليه
روان: اتفضل يفندم
عمر: هو انت اطلع بره وبعدين انت هربت ازاي
ايهاب: بس بس اهدى يباشا اهدي كدا عشان صحتك انا مش جي في شر
عمر بعصبيه: اقسم بالله لو مخرجتش دلوقتي لهتكون ميت
ايهاب: اهدي بس مش نفسك تعرف نورا مخبيه عليك ايه
عمر: مش عايز اعرف و لو جبت سيرة نورا علي لسانك تاني صدقني هتندم اتفضل بره
ايهاب: طب مش نفسك تعرف ليه ابوها طردها من البيت
عمر: هو انت عارف
ايهاب بخبث: طبعا يباشا لو هديت هقولك علي كل حاجه
عمر: اتفضل ارغي بسرعه عشان مش فاضي
ايهاب: حاضر انا و نورا كنا مرتبطين و حبتني اوي المهم اختصار الموضوع طلبت منها صور ليها و هي بعتتلي وبعدين طلبت منها كذا حاجه برضو
عمر حاول يتمالك نفسه و ميضربوش
ايهاب: و بدأت اهددها لاني عايز فلوس قالتلي مفيش روحت منزل الصور اللي هي بعتتها و ابوها طردها بعد كدا
عمر بهدوء: وانا ايه اللي يخليني اصدقك في كل ده
ايهاب: معايا يباشا معايا تحب تتفرج
عمر: اتفرج؟؟ يعني ايه مش فاهم
ايهاب بضحك: قصدي علي الصور و كل حاجه معايا كل حاجه يباشا
عمر: انت كداب و اطلع بره لاني جبت اخري و ماسك نفسي عنك بالعافيه عشان مدفنكش مكانك
ايهاب طلع تليفونه و بدأ يوريه الصور عمر لف وشه الناحيه التانيه
عمر: كفايه خلاص مش عايز اشوف حاجه
ايهاب: حبيت اوعيك يباشا عشان نورا بنت مش كويسه اسمع مني انا
ـــــــــــــــــــــــــــــــــــ
نورا: عمر بيه جوه
روان: ايوه اتفضلي هو اداني خبر اول لما تيجي تدخلي علي طول
نورا: اوكيه.... عمر عمي بعتلي.... هو انت ايه اللي جابك هنا
ايهاب: عشان افهم الراجل الغلبان اللي انتي ضحكتي عليه عشان يفهم الحقيقه القذره بتاعتك
نورا بصدمه: كداب اقسم بالله كداب عمر عمر كداب والله اوعى تكون صدقته والله العظيم كل اللي قاله كدب انت مش بتبصلي ليه طب طب رد عليا قولي انك مصدقتوش
ايهاب: كفايه كدب بقا انا اه عملت حاجه غلط اني فضحتك بس انتي تستاهلي لانك انسانه مش محترمه
نورا ضربته بالقلم
نورا: اخرس اياك تجيب سيرتي علي لسانك انت وريته ايه هااا
ايهاب بخبث: كل حاجه فيديوهات صور كله
نورا: فيديوهات؟ فيديوهات ايه دي
ايهاب: الفيديوهات يا نونو بلاش نفسر بقا
نورا: انا مش فاهمه حاجه عمر صدقني والله كل اللي قاله ده كدب انت مش بترد عليا ليه
عمر بقرف: اوعي ايدك كدا بس و ابعدي عني
نورا بصدمة: انت انت صدقته لا بجد انت صدقته
عمر ببرود: و مصدقوش ليه واحد جايب صور و كل حاجه عايزاني مصدقش
نورا: يعني مجاش في بالك لو لحظه انه مش حقيقه يعني مجاش في دماغك خالص واحد قالك انا نشرت صورها عشان الفلوس مش ممكن يجي و يعمل كدا عشان ياخد منك برضو فلوس
ايهاب: متكدبيش انا وانتي عارفين ان كل ده حقيقي
نورا: عارف يعمر يخساره علي الثقه اللي ادتهالك انتو كلكو زي بعض انت متستهلش أي حاجة ده انا كنت بدأت احس معاك انك امان ليا بدأت اثق فيك تيجي انت من واحد متعرفش كلامه صح ولا غلط الصور دي حقيقه ولا هو اللي عملها وتقوم حضرتك تصدقه عارف انتو كلكو زباله وانت يا ايهاب عملت اللي خلاك ترتاح استفدت ايه هاا كل ده عشان الفلوس يا اخي يلعن ابو الفلوس اللي تخليك تعمل كدا ارتحت كدا دمرت حياتي بما فيه الكفايه خسرتني عيلتي كلها و صحابي و خسرتني الشخص اللي بدأت احبه ارتحت كدا براڤو عليك اهه متنساش يعمر تديلو فلوس ماشي و اياك يعمر اياك تيجي في يوم تكلمني ولا حتى عايزه اسمع منك حاجه و ابقا انت ابعت الورق لعمي سلام
عمر: اطلعو
الامن: ايوه يباشا
عمر: خدوه في حته بعيده و اياكو يهرب هقتلكو
ايهاب: انا قولتلك الحقيقه في الاخر تعمل كدا عمر باشا اقسم بالله دي الحقيقه
يوسف: هو في ايه
وليد: مش عارف تعالى ندخل لعمر نشوف في ايه
يوسف: تعالى...عمر في ايه مالك و مين ده و حقيقه ايه اللس قالها
عمر: اطلعو بره مش عايز حد دلوقتي
وليد: طب في ايه
عمر بصوت عالي: قولت اطلعو بره انتو مش بتفهمو ليهه
يوسف: يلا يا وليد نيجي وقت تاني
ـــــــــــــــــــــــــــــــــــــــــ
نورا نزلت كانت ميته من العياط مش عارفه ليه هو عمل كدا و ازاي عمر يصدقه
نورا: اطلع علي البيت......طب هو ازاي يصدقه طب ليه ايهاب يعمل ايه ده انا عمري ما عملتله حاجه وحشه
ـــــــــــــــــــــــــــــــــــــــــ
عمر بعصبيه: طب اصدق مين انا كل حاجه بتقول ان الزباله ده صح و ابوها كمان لما جه و قال دي بتاعت شباب اكيد ابوها مش هيقول كدا من فراغ بس هي معملتليش حاجه وحشه بس ممكن تكون خدعتني يارب اصدق مين ده انا بحبها اصدقها هي ولا اصدق اللي اتقال عليها بس انا قلبي بيقولي انها متعملش حاجه زي كدا يارب قولي مين الصادق اقسم بالله لو ايهاب طلع بيكدب موته هيكون علي ايدي........ روان انا خارج الغي كل حاجه
روان: حاضر
عمر: لازم اعرف كل حاجه و لو هو صح هدوس علي قلبي و هبعدها عني
ـــــــــــــــــــــــــــــــــــــــــ
الثالث عشر من هنا
