رواية منزل ميراج ابنة الدجال كامله بقلم شريف صلاح الدين
قصة بعنوان منزل ميراچ (ابنة_الدجال)
احنا دلوقتي جوه بيت صقر حميده او الدجال زي ما الناس مسمياه ويعتبر من اكتر الناس علماً بالسحر الاسود ومن اخطر الناس اللي بيطبقوه بلا رحمه ولا شفقه ومش بيفرق معاه السحر ده معمول لمين ولا الغرض منه ايه المهم انك تدفع ولو عاوز تأذي بالسحر ابوه او امه هيوافق عادي صقر حميده او الدجال.
*******
يوم الاتنين 12/1/2004..
كانت ميراچ صاحبة العشر سنين لابسه ومستعده انها تروح علي المدرسه ولما شافت ابوها خارج من الحمام جريت عليه وقالتله.
- بابا انا حلمت حلم وحش اوي
-خير يا حبيبتي حلم ايه ده يا ميراچ
-حلمت ان في راجل شكله وحش اوي جالي واداني كتاب وعصايه كده شكلها غريب وكانت ليها مقبض عامل زي راس الافعي وقالي اقتلي ابوكي ومشي وسابني وبعدها قومت من النوم.. مين الراجل ده يابابا.
سرح الاب شويه وبعدين ابتسم وقالها.
-لا يا حبيبتي ده كابوس عادي وملهوش تفسير غير انك تقلتي في العشا شويه.
وبعدها ابتسم ليها وقالها.
-روحي علي مدرستك وانسي اللي انتي قولتيه ده خالص ومتحكهوش لحد علشان ميتريقش عليكي ماشي يا ميراچ يا حبيبتي..
مشيت البنت وقررت تنسي زي ما قالها ابوها بس ياتري الاب هينسي اللي قالته بنته..
بعد ما مشيت ميراچ قال لنفسه..
-مفيهاش اختيار تالت يا صقر يا اما اموت علي ايديها يا اما تموت هي علشان بوابة البيت تتفتحلي وابدء حياه تانيه... ومعاها يبدء عصر الدجال.. وكل اللي قال عني مليش وجود ولا ليا قيمه يعرف ان حياته مش هتبقي حياه الا بيا انا ده الحلم يا صقر وحلم الدجال لازم يبقي حقيقه لازم..
******
بعد مرور اسبوع.. يوم الاتنين 19/1/2004
كانت ميراچ قاعده في اوضتها بتذاكر وكانت امها في المطبخ وكالعاده مشغله اغاني علي الصب وقافله باب المطبخ عليها في الوقت ده كان الاب راجع من بره ولاحظ انشغال الام في المطبخ واستغل انها مش حاسه برجوعه من بره فدخل اوضت نوم بنته وهو مبتسم وحضنها وقالها.
-بقولك ايه يا ميراچ عاوزك تساعديني في حاجه الحاجه دي هتفرح ماما جدا ايه رأيك تساعديني.
وبما ان ميراچ بتحب امها جدا فده كان مفيل انها توافق ولما سئلته.
-ايه هي الحاجه دي يا بابا قالها النهارده عيد ميلاد ماما وعاوزك تروحي معايا نشتري ليها التورته والهديه بس من غير ما تعرف.. اناي هتقومي تلبسي دلوقتي وانا هستناكي في الشارع اللي ورا علشان عربيتي راكنه فيه واول ما تيجي هنروح نجيب الحاجه بس اوعي ماما تشوفك وانتي نازله لحسن مترضاش تنزلك والمفاجئه هتضيع اتفقنا.
ابتسمت ميراچ وقالتله في سعاده وبهجه.
-طبعا اتفقنا يا اجمل بابا في الدنيا.
مشي صقر علشان ينزل يستناها تحت زي ما قالها وفعلا قامت البنت غيرت هدومها ونزلت تتسحب علشان امها متشوفهاس وراحت لابوها اللي كان راكب عربيه من غير نمر وكان لابس كمامه ونضاره علشان محدش يتعرف عليه... وركبت البت مع ابوها وراحو مكان لا يعرفه سوى صقر حميده.
***********
وصل صقر حميده مع بنته ميراچ لمكان البيت اللي موجود في مكان مهجور ميوصلش ليه غير الشياطين وكان باب البيت مقفول والعناكب والتراب محتلين الشكل الخارجي ليه وشكله بيت من مئات السنين متفتحش.. وده اللي خلاها تسئله وتقوله.
- بابا احنا ايه اللي جابنا المكان الغريب ده وايه البيت المرعب ده... انا حاسه اني جيت هنا قبل كده يابابا..
بصلها وقالها وهو بيخرج السكينه من جمبه.
-واوعدك انها هتكون اخر مره ليكي تشوفيه وتيجي هنا.
وبعد كده قام شالها ونيمها علي اخر سلمه قبل الباب ودبح... ها بدم بارد من غير ما يهتز قلبه ولا تصعب عليه كل اللي كان في باله وقتها انه يفتح الباب علشان ياخد الكنوز اللي جواه ويبقي من اشد السحرى فتكاً بالبشر.. انه الدجال الذي سوف ينتقم من الناس زاعما انهم ظلموه وهذا وقت الحساب..
***********
